Murat nasirop üchün nezire ötküzüldi


2007-01-28
Share

Rusiyining "km. Ru" intérnét torining uchuridin qarighanda, rusiyining ataqliq Uyghur kompozitori we naxsha cholpini murat nasiropning yette nezirisi, moskwa shehiridiki bir réstoranda 26-yanwar küni ötküzülgen. .

Nezirini mezkur réstoranning xojayini jüret zakirop orunlashturghan bolup, buninggha merhum murat nasiropning xanimi we 11 yashliq qizi qatnashqan shuningdek yene moskwadiki bir qisim ataqliq sen'etkarlar, merhumning dostliri ishtirak qilghan.

Xewerde éytilishiche, murat nasirop, hayat waqtida mezkur réstoran'gha da'im kélidiken. U wapat bolushtin ilgirimu mezkur réstoranda olturup, dostliri bilen mungdashqan iken.

Nezirige rusiye fédératsiyisining bash muftisi qatniship, xetme qur'an qilghan.

Xewerde éytilishiche, neziride yene murat nasiropning axirqi Uyghurche ijadiy naxsha-muzikiliri qoyulghan bolup, merhumning hayat pa'aliyetlirige bahalar bérilgen.

Xewerde yézilishiche, murat nasirop 19-yanwar küni mezkur réstoran'gha milliyche chalghu eswabini alghili kélip, dostliri bilen qisqa waqit olturghandin kéyin chiqip kétip, shu küni kechte öyining balkonidin chüshüp kétip wapat bolghan.

Uning almutadiki dostlirining éytishiche, murat nasiropning 2-mart kün almutida ötküzülmekchi bolghan naxsha kéchiliki emeldin qaldurulmay, mexsus uninggha béghishlinip ötküzülüsh qarar qilin'ghan.

Rusiye metbu'atliri murat nasiropning zeherlik chékimlik tesiridin özini öyning balkonidin tashlap ölüwalghanliqini yéziwatqan bolsimu, lékin uning ayali we dostliri bu yekün'ge izchil qoshulmay kelmekte. Ular muratning tamaka we zeherlik chékimlik chekmeydighanliqi yaki haraq ichmeydighanliqidin guwahliq bérip, buning "namelum bir küchning" tesiridin kélip chiqqan sirliq hadise ikenlikini otturigha qoyup, uni éniqlashni telep qilmaqta.

Rusiye metbu'atliridin "utro. Ru" intérnét torida élan qilin'ghan bir parche maqalide murat nasirop ölüp kétishtin bir qanche sa'et ilgiri uning bilen bir sorunda olturghan kiristina isimlik bir qizning muratning xudini yoqitish xaraktérliq zeherlik chékimlik maddisi bilen zeherlen'gen bolushi mumkinliki heqqidiki perizi otturigha qoyulghan.

Murat nasirop 37 yéshida wapat bolghan bolup, ikki perzenti yétim qalghan. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet