Дуня уйғур қурултийи җав зияңға баһа бәрди


2005.01.18
Share on WhatsApp
Share on WhatsApp

Хитайниң ичи вә сиртидики демократик тәшкилатлар, хитай компартийисиниң әмдила аләмдин өткән сабиқ баш секритари җав зияңниң иш -излирини махтаватқан бир пәйттә, дуня уйғур қурултийи баянат елан қилип, униң һоқуқ йүргүзгән мәзгилдә, шәрқий түркистандики оқуғучилар һәрикитини икки қетим бастурғанлиқини көрсәтти.

Хитай компартийисиниң сабиқ баш секритари җав зияң 1989 - йилидики тйәнәнмин оқуғучилар һәрикитини қораллиқ бастурушқа қарши турғанлиқи үчүн, вәзиписидин айрилған һәмдә 15 йил өйидә нәзәр бәнд астиға елинған иди. У дүшәнбә күни бейҗиңдә вапат болған. Хитай демократик тәшкилатлири уни хитайда демократийә вә сиясий ислаһатни илгири сүрүш үчүн төһпә қошқан дәп тәриплигән.

Бирақ дуня уйғур қурултийиниң баянатчиси дилшат ришит, җав зияңниң әйни вақитта тйәнәнмин оқуғучилар һәрикитигә һесдашлиқ қилғини билән, шәрқий түркистандики демократик оқуғучилар һәрикитигә пәрқлиқ позитсийидә болғанлиқини билдүрди. Униң көрситишичә, җав зияң вәзипә өтигән мәзгилдә, хитай һөкүмити 1985 - йили вә 1988 - йили шәрқий түркситанда йүз бәргән оқуғучилар һәрикитини бастурған. Бу җав зияңниң һәқиқий демократчи әмәс, бәлки милләтчи икәнликидин дерәк беридикән.

Дуня уйғур қурултийиниң баянатчиси ахирида, хитайниң нөвәттики рәһбәрлирини муштумзор милләтчиликтин ваз кечип, уйғурлар мәсилисини демократик вә қануний йосунда бир тәрәп қилишқа чақирди. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.