Axbaratchiliq exlaq qaidisi

Axbaratchiliqning aliy ölchemlirige qattiq riaye qilish erkin asiya radiosi burchining yadrosidur.
Élxet
Pikir
Hembehr
Print
  • Print
  • Hembehr
  • Pikir
  • Élxet

Erkin asiya radiosi burchining heqiqiy yadrosi axbaratchiliqning aliy ölchemlirige qattiq riaye qilishtin ibarettur. Erkin asiya radiosining barliq muxbirliri ( bular erkin asiya radiosi üchün uchur yighidighan, igileydighan, xewer-Maqalilerni torgha chaplaydighan we xewer programmilarni élan qilidighan barliq xadimlarni öz ichige alidu) töwendiki négizlik prinsiplargha boysunghan halda kespiy we exlaqiy ölchem boyiche ish tütishi hemde axbaratchiliqning yuqiri ölchemlirini teshebbus qilishi kérek.

•    Erkin asiya radiosining xewer-Programmiliri choqum toghra, xalis we tengpung bolushi kérek.

•    Erkin asiya radiosining muxbirliri choqum éghir bésiq we temkin keypiyatni saqlishi hemde herqandaq shexs, guruppa we hökümetke qaritilghan jédel-Majira, bir tereplime teshwiqat we yaki haqaretlerdin xali bolushi kérek. Uningdin bashqa erkin asiya radiosining muxbirliri radio anglighuchilargha wez éytmasliqi we ularni kemsitmesliki kérek.

•    Erkin asiya radiosi muxbirliri radio anglighuchilarni zorawanliq qilishqa küshkürtmesliki we yaki ularni qozghilang kötürüsh, toliship köchüsh qatarliq heriketlerge righbetlendürmesliki؛ eksiche, uchur-Axbarat erkinliki qatarliq démokratik qimmet qarashlirida ching turup, oxshimaydighan pikir-Qarashlargha sorun hazirlap bérishi kérek.

•    Erkin asiya radiosi muxbirliri herqandaq epqachti gep, söz-Chöchek we yaki delillenmigen uchurlarni herqandaq xewer we programmilargha arilashturmasliqi, maqalini mumkin qeder birdin artuq menbedin paydilinip yézishi kérek.

•     Eger erkin asiya radiosi muxbirliri xata matériyal, xewer, obzorlar we uchurlarni radioda bérip yaki torda élan qilip qalghan bolsa, derhal xataliqini étirap qilishi hemde xataliq qeyerde körülgen bolsa shu shu xil wasitini qollinip xataliqni tüzitishi kérek.

•    Erkin radiosi muxbirliri bashqa axbarat orunliri yaki xewer menbelirining ziyaret xatirisi, xewer- Doklatliri yaki matériyalliridin neqil élip ishletkende ularni toluq tilgha élishi we ularning ejrini hörmetlep, toluq izah bérishi kérek.

•    Erkin asiya radiosi muxbirliri choqum herqandaq bir siyasiy partiye, öktichi guruppa, sergerdan teshkilat yaki erkin asiya xewer-Uchurliri anglitilidighan döletlerdiki diniy gewdilerdin musteqil turushi hemde erkin asiya radiosining obyéktipliq we bitereplik meydanigha dagh tegküzidighan yaki dagh tegküzüsh éhtimalliqi bolghan herqandaq siyasiy köz qarashlarni himaye qilmasliqi kérek.

•    Erkin asiya radiosi xadimliri sirttin maqale ewetküchilerni choqum éniq tonushturushi, obzor-Maqalilerning axirida, ular otturigha qoyghan köz-Qarashlarning erkin asiya radiosigha wekillik qilmaydighanliqini éniq izahlishi kérek. Qandaq bolushidin qetiy nezer, ularning eserlirini tehrirlesh hoquqi erkin asiya radiosida bolidu we qaysi mezmunlarni radioda bérish  qararni  radio chiqiridu.

•     Erkin asiya radiosi muxbirliri erkin asiya radiosining xewer programmilirigha tesir körsitish éhtimalliqi bolghan herqandaq xewer qilinidighan shexs, organ we teshkilattin sogha-Salam, tartuq yaki heqsiz sayahet qildurush hediyilirini qobul qilmasliqi kérek.

•    Erkin asiya radiosi xadimliri sirttin, radiodiki mesuliyetlirige dexli yetküzidighan xizmetlerni qobul qilmasliqi, herqandaq xizmetchi sirtta erkin asiya radiosigha munasiwetlik bolghan nutuq sözlesh yaki ammiwi sorunlarda otturigha chiqish qatarliq paaliyetlerni öz ichige alghan shundaq mesuliyet we paaliyetler bilen shughullanmaqchi bolsa choqum, aldi bilen erkin asiya radiusi chiqarghan «menpeet toqunushi siyasiti» de körsitilgen qaidiler boyiche munasiwetlik orunlardin testiq élishi kérek.

•    Muxbirlar erkin asiya radiosi üchün xewer ishlesh jeryanida, özini herqandaq bir teshkilat yaki bashqa axbarat orgini, hökümet apparati we yaki hökümettin xali teshkilatlarning wekili salahiyitide körsetmesliki kérek.

Pikirler (0)
  • Print
  • Hembehr
  • Élxet
Toluq bet