ﺑﯘ ﺋﻪﻫﻤﯩﻴﻪﺗﻠﯩﻚ ﻛﯜﻧﺪﻩ ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﻰ، ﺋﯘﺭﯗﺵ ﺳﻪﯞﻩﺑﯩﺪﯨﻦ، ﺗﻪﺑﯩﺌﻲ ﺋﺎﭘﻪﺗﻠﻪﺭ ﺗﯜﭘﻪﻳﻠﯩﺪﯨﻦ، ﺷﯘﻧﺪﺍﻗﻼ ﺋﯚﺯﻟﯩﺮﻯ ﺗﯘﺭﯗﺷﻠﯘﻕ ﺩﯙﻟﻪﺗﻠﻪﺭﺩﯨﻜﻰ ﻣﯘﺳﺘﻪﺑﯩﺖ ﻫﺎﻛﯩﻤﯩﻴﻪﺗﻠﻪﺭ ﯞﻩ ﺩﯨﻜﺘﺎﺗﻮﺭﻻﺭﻧﯩﯔ ﺳﯩﻴﺎﺳﻰ ﯞﻩ ﺋﯩﻘﺘﯩﺴﺎﺩﻯ ﺑﯧﺴﯩﻤﻰ، ﺋﯩﺮﻗﯩﻲ ﺋﺎﻳﺮﯨﻤﯩﭽﯩﻠﯩﻖ ﺳﯩﻴﺎﺳﯩﺘﻰ ﺳﻪﯞﻩﺑﯩﺪﯨﻦ ﺳﯚﻳﯜﻣﻠﯜﻙ ﯞﻩﺗﯩﻨﻰ ﯞﻩ ﻳﯘﺭﺕ ﻣﺎﻛﺎﻧﻠﯩﺮﯨﺪﯨﻦ ﺋﺎﻳﺮﯨﻠﯩﺸﻘﺎ ﻣﻪﺟﺒﯘﺭ ﺑﻮﻟﻐﺎﻥ ﻣﯩﻠﻴﻮﻧﻠﯩﻐﺎﻥ ﻣﯘﺳﺎﭘﯩﺮﻻﺭﻧﯩﯔ ﻗﺎﻳﻐﯘﺳﯩﻐﺎ ﯞﻩ ﻳﯜﺭﻩﻛﻠﻪﺭﻧﻰ ﻟﻪﺭﺯﯨﮕﻪ ﺳﺎﻟﯩﺪﯨﻐﺎﻥ ﺋﯧﭽﯩﻨﯩﺸﻠﯩﻖ ﺗﻪﻗﺪﯨﺮﯨﮕﻪ ﺋﻮﺭﺗﺎﻕ ﺑﻮﻟﯘﺷﺘﻰ، ﺋﯩﻨﺴﺎﻧﻼﺭﻧﻰ ﺑﯘ ﺧﯩﻞ ﺋﯧﭽﯩﻨﯩﺸﻠﯩﻖ ﺗﻪﻗﺪﯨﺮﮔﻪ ﻣﻪﻫﻜﯘﻡ ﺋﻪﺗﻜﻪﻥ ﻣﯘﺳﺘﻪﺑﯩﺖ ﻫﺎﻛﯩﻤﯩﻴﻪﺗﻠﻪﺭ ﭘﯜﺗﯜﻥ ﺩﯗﻧﻴﺎ ﺗﻪﺭﯨﭙﯩﺪﯨﻦ ﻗﺎﺗﺘﯩﻖ ﻟﻪﻧﻪﺗﻠﻪﻧﺪﻯ.

ﭼﻪﺗﺌﻪﻟﻠﻪﺭﺩﻩ ﯞﻩ ﺋﯚﺯ ﯞﻩﺗﯩﻨﯩﺪﻩ ﻣﯘﺳﺎﭘﯩﺮﻟﯩﻖ ﺩﻩﺭﺩﯨﻨﻰ ﺗﺎﺭﺗﯩﯟﺍﺗﻘﺎﻥ ﻣﯩﻠﻴﻮﻧﻠﯩﻐﺎﻥ ﺋﯘﻳﻐﯘﺭﻻﺭﻣﯘ، ﺩﯗﻧﻴﺎ ﻣﯘﺳﺎﭘﯩﺮﻻﺭ ﻛﯜﻧﯩﻨﻰ ﻫﻪﺳﺮﻩﺕ ﺗﯘﻳﻐﯘﺳﻰ ﺋﯩﭽﯩﺪﻩ ﺧﺎﺗﯩﺮﯨﻠﯩﮕﯜﭼﻰ ﻣﯘﺳﺎﭘﯩﺮ ﻣﯩﻠﻠﻪﺗﻠﻪﺭﻧﯩﯔ ﺑﯩﺮﻯ ﺋﯩﺪﻯ. ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﻣﯘﺳﺎﭘﯩﺮﻻﺭ ﺋﺎﻟﯩﻲ ﻛﯧﯖﯩﺸﯩﻨﯩﯔ ﺳﺎﻧﻠﯩﻖ ﻣﻪﻟﯘﻣﺎﺗﻠﯩﺮﯨﺪﺍ ﻛﯚﺭﺳﯩﺘﯩﻠﯩﺸﯩﭽﻪ، ﻧﯚﯞﻩﺗﺘﻪ ﭘﯜﺗﯜﻥ ﺩﯗﻧﻴﺎ ﺑﻮﻳﯩﭽﻪ ﻳﯘﺭﺕ - ﻣﺎﻛﺎﻧﻠﯩﺮﯨﺪﯨﻦ ﺋﺎﻳﺮﯨﻠﯩﭗ ﺧﺎﻧﯩﯟﻩﻳﺮﺍﻥ ﺑﻮﻟﻐﺎﻥ ﻣﯘﺳﺎﭘﯩﺮﻻﺭﻧﯩﯔ ﺋﻮﻣﯘﻣﻰ ﺳﺎﻧﻰ 42 ﻣﯩﻠﻴﻮﻥ ﻧﻪﭘﻪﺭ ﺑﻮﻟﯘﭖ، ﺋﯧﭽﯩﻨﯩﺸﻠﯩﻖ ﻳﯧﺮﻯ ﺷﯘﻛﻰ، ﺑﯘﻻﺭﻧﯩﯔ ﺋﯜﭼﺘﯩﻦ ﺋﯩﻜﻜﻰ ﻗﯩﺴﻤﻰ ﺋﯚﺯ ﯞﻩﺗﯩﻨﯩﺪﻩ ﻣﯘﺳﺎﭘﯩﺮ ﺑﻮﻟﯘﭖ ﻳﺎﺷﺎﯞﺍﺗﻘﺎﻧﻼﺭﺩﯨﻦ ﺋﯩﺒﺎﺭﻩﺕ، ﺑﺎﺷﻘﺎ ﺩﯙﻟﻪﺗﻠﻪﺭﮔﻪ ﻗﯧﭽﯩﭗ ﭼﯩﻘﯩﭗ ﺳﯩﻴﺎﺳﻰ ﭘﺎﻧﺎﻫﻠﯩﻖ ﺗﯩﻠﻪﺷﻜﻪ ﻣﻪﺟﺒﯘﺭ ﺑﻮﻟﻐﺎﻧﻼﺭﻧﯩﯔ ﺳﺎﻧﻰ ﺑﻮﻟﺴﺎ 10 ﻣﯩﻠﻴﻮﻧﺪﯨﻦ ﺋﺎﺭﺗﯘﻕ.

ﺋﯘﻳﻐﯘﺭ ﻣﯘﺳﺎﭘﯩﺮﻻﺭ ﻣﻪﺳﯩﻠﯩﺴﯩﻤﯘ ﻛﯧﻴﯩﻨﻜﻰ ﻳﯩﻠﻼﺭﺩﯨﻦ ﺑﯘﻳﺎﻥ ﺧﻪﻟﻘﺌﺎﺭﺍﻟﯩﻖ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﯨﻨﯩﯔ ﯞﻩ ﻏﻪﺭﺏ ﺩﯦﻤﻮﻛﺮﺍﺗﯩﻚ ﺋﻪﻟﻠﯩﺮﯨﻨﯩﯔ ﻛﯜﭼﻠﯜﻙ ﺩﯨﻘﻘﻪﺕ - ﺋﯧﺘﯩﺒﺎﺭﯨﻨﻰ ﻗﻮﺯﻏﺎﯞﺍﺗﻘﺎﻥ ﻣﻪﺳﯩﻠﯩﻠﻪﺭﻧﯩﯔ ﺑﯩﺮﻯ. ﺋﯘﻧﺪﺍﻗﺘﺎ ﯞﻩﺗﻪﻥ ﺋﯩﭽﻰ ﯞﻩ ﺳﯩﺮﺗﯩﺪﯨﻜﻰ ﺋﯘﻳﻐﯘﺭ ﻣﯘﺳﺎﭘﯩﺮﻟﯩﺮﯨﻨﯩﯔ ﺳﺎﻧﻰ ﺯﺍﺩﻯ ﻗﺎﻧﭽﯩﻠﯩﻚ؟ ﺋﯘﻻﺭﻧﯩﯔ ﻧﯚﯞﻩﺗﺘﯩﻜﻰ ﯞﻩﺯﯨﻴﯩﺘﻰ ﻗﺎﻧﺪﺍﻕ؟ ﺷﯘﻧﯩﺴﻰ ﺋﯧﻨﯩﻘﻜﻰ، ﺋﯩﻨﺴﺎﻧﻼﺭﻧﻰ ﻳﯘﺭﺕ - ﻣﺎﻛﺎﻧﻠﯩﺮﯨﺪﯨﻦ ﺋﺎﻳﺮﯨﻠﯩﭗ ﻣﯘﺳﺎﭘﯩﺮ ﺑﻮﻟﯘﭖ ﻳﺎﺷﺎﺷﻘﺎ ﻣﻪﺟﺒﯘﺭ ﻗﯩﻠﻐﺎﻥ ﺋﺎﺳﺎﺳﻠﯩﻖ ﺋﺎﻣﯩﻞ - ﻗﯩﺮﻏﯩﻨﭽﯩﻠﯩﻖ، ﺯﯗﻟﯘﻡ، ﺑﯧﺴﯩﻢ، ﺗﻪﻫﺪﯨﺖ، ﺗﻪﻗﯩﭗ، ﺗﻪﺑﯩﺌﻲ ﺋﺎﭘﻪﺕ ﯞﻩ ﻗﻪﻫﻪﺗﭽﯩﻠﯩﻚ ﺗﯜﭘﻪﻳﻠﯩﺪﯨﻦ ﻛﯧﻠﯩﭗ ﭼﯩﻘﻘﺎﻥ ﺋﯧﻐﯩﺮ ﺋﺎﭼﺎﺭﭼﯩﻠﯩﻖ ﻗﺎﺗﺎﺭﻟﯩﻘﻼﺭﺩﯨﻦ ﺋﯩﺒﺎﺭﻩﺕ.

ﺋﯘﻳﻐﯘﺭ ﻣﯘﺳﺎﭘﯩﺮﻻﺭﻧﯩﯔ ﺋﯚﺗﻤﯜﺷﻰ ﯞﻩ ﺑﯜﮔﯜﻧﯩﻨﻰ ﻗﯩﺴﻘﯩﭽﻪ ﺗﻪﺗﻘﯩﻖ ﻗﯩﻠﻐﯩﻨﯩﻤﯩﺰﺩﺍ، ﺋﯘﻻﺭﻧﻰ ﺑﯘ ﻳﻮﻟﻐﺎ ﻣﯧﯖﯩﺸﻘﺎ ﻣﻪﺟﺒﯘﺭ ﻗﯩﻠﻐﺎﻥ ﺋﺎﺳﺎﺳﻠﯩﻖ ﺳﻪﯞﻩﺑﻨﯩﯔ، ﻫﻪﺭ ﻗﺎﻳﺴﻰ ﺩﻩﯞﺭﻟﻪﺭﺩﻩ ﺋﯚﺗﻜﻪﻥ ﺧﯩﺘﺎﻱ ﻫﺎﻛﯩﻤﯩﻴﻪﺗﻠﯩﺮﯨﻨﯩﯔ ﺋﯘﻳﻐﯘﺭﻻﺭﻏﺎ ﻗﺎﺭﺍﺗﻘﺎﻥ ﻗﯩﺮﻏﯩﻨﭽﯩﻠﯩﻖ، ﭼﯧﻜﯩﺪﯨﻦ ﺋﺎﺷﻘﺎﻥ ﺯﯗﻟﯘﻡ ﯞﻩ ﺑﯧﺴﯩﻢ ﺳﯩﻴﺎﺳﯩﺘﯩﻨﯩﯔ ﺳﻪﯞﻩﺑﭽﻰ ﺑﻮﻟﻐﺎﻧﻠﯩﻘﯩﻨﻰ ﻛﯚﺭﯛﭖ ﻳﯩﺘﻪﻟﻪﻳﻤﯩﺰ! ﺋﯘﻳﻐﯘﺭ ﻣﯘﺳﺎﭘﯩﺮﻟﯩﺮﯨﻨﯩﻤﯘ، ﯞﻩﺗﻪﻥ ﺳﯩﺮﺗﯩﺪﯨﻜﯩﻠﻪﺭ ﯞﻩ ﺋﯩﭽﯩﺪﯨﻜﯩﻠﻪﺭ ﺩﻩﭖ ﺋﯩﻜﻜﻰ ﺗﯜﺭﮔﻪ ﺋﺎﻳﺮﯨﺶ ﻣﯘﻣﻜﯩﻦ.

ﯞﻩﺗﻪﻥ ﺳﯩﺮﺗﯩﺪﯨﻜﯩﻠﻪﺭﻧﻰ ﺋﯧﻠﯩﭗ ﺋﯧﻴﺘﺴﺎﻕ، ﺑﻪﺯﻯ ﻏﻪﻳﺮﻯ ﺭﻩﺳﻤﯩﻲ ﺳﺘﺎﺗﯩﺴﺘﯩﻜﯩﻠﻪﺭﺩﺍ ﻛﯚﺭﺳﯩﺘﯩﻠﯩﺸﯩﭽﻪ، ﭘﻪﻗﻪﺗﻼ 30 - ﻳﯩﻠﻼﺭﺩﯨﻦ ﻫﺎﺯﯨﺮﻏﺎ ﻗﻪﺩﻩﺭ ﭼﻪﺗﺌﻪﻟﮕﻪ ﻫﯩﺠﺮﻩﺕ ﻗﯩﻠﯩﭗ ﭼﯩﻘﯩﺸﻘﺎ ﻣﻪﺟﺒﯘﺭ ﺑﻮﻟﻐﺎﻥ ﺋﯘﻳﻐﯘﺭ ﻣﯘﺳﺎﭘﯩﺮﻟﯩﺮﯨﻨﯩﯔ ﺋﻮﻣﯘﻣﻰ ﺳﺎﻧﻰ ﺗﻪﺧﻤﯩﻨﻪﻥ ﺑﯩﺮ ﻣﯩﻠﻴﻮﻥ ﺋﻪﺗﺮﺍﭘﯩﺪﺍ ﺑﻮﻟﯘﭖ، ﺑﯘﻻﺭ ﺩﯗﻧﻴﺎﺩﯨﻜﻰ 50 ﺩﯨﻦ ﺋﺎﺭﺗﯘﻕ ﺩﯙﻟﻪﺗﻜﻪ ﺗﺎﺭﺍﻟﻐﺎﻥ، ﺋﻪﻣﻤﺎ ﺋﯘﻻﺭﻧﯩﯔ ﺋﺎﺳﺎﺳﻠﯩﻖ ﻗﯩﺴﻤﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﻗﻮﺷﻨﺎ ﺋﻪﻟﻠﻪﺭﺩﻩ ﻳﺎﺷﺎﭖ ﻛﻪﻟﻤﻪﻛﺘﻪ.

ﭼﻪﺗﺌﻪﻟﻠﻪﺭﺩﯨﻜﻰ ﺋﯘﻳﻐﯘﺭ ﻣﯘﺳﺎﭘﯩﺮﻟﯩﺮﯨﻨﯩﯔ ﻫﯩﺠﺮﻩﺕ ﻗﯩﻠﯩﺸﯩﻨﻰ ﺗﯚﯞﻩﻧﺪﯨﻜﻰ ﺑﯩﺮﻗﺎﻧﭽﻪ ﺑﺎﺳﻘﯘﭼﻘﺎ ﺑﯚﻟﯜﺵ ﻣﯘﻣﻜﯩﻦ: 1934 - ﻳﯩﻠﻰ 7 - ﺋﺎﻳﻨﯩﯔ ﺋﻮﺗﺘﯘﺭﯨﻠﯩﺮﯨﺪﺍ، ﻗﻪﺷﻘﻪﺭﺩﻩ ﻗﯘﺭﯗﻟﻐﺎﻥ " ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﺘﯩﻘﻼﻝ ﺟﯘﻣﻬﯘﺭﯨﻴﯩﺘﻰ " ﻣﻪﻏﻠﯘﭖ ﺑﻮﻟﻐﺎﻧﺪﯨﻦ ﻛﯧﻴﯩﻦ،ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﺟﻪﻧﯘﺑﯩﺪﯨﻜﻰ ﺋﺎﻗﺴﯘ، ﻗﻪﺷﻘﻪﺭ، ﺋﺎﺗﯘﺵ، ﺧﻮﺗﻪﻥ ﻗﺎﺗﺎﺭﻟﯩﻖ ﺭﺍﻳﻮﻧﻼﺭﺩﯨﻦ ﺑﯩﺮ ﺗﯜﺭﻛﯜﻡ ﻳﯘﺭﺕ ﻛﺎﺗﺘﯩﻠﯩﺮﻯ ﯞﻩ ﻣﯩﻠﻠﯩﻲ ﺋﯩﻨﻘﯩﻼﺏ ﺭﻩﻫﺒﻪﺭﻟﯩﺮﻯ ﺧﯩﺘﺎﻳﻨﯩﯔ ﺯﯨﻴﺎﻧﻜﻪﺷﻠﯩﻚ ﻗﯩﻠﯩﺸﯩﺪﯨﻦ ﻗﯧﭽﯩﭗ ﭼﻪﺗﺌﻪﻟﮕﻪ ﭼﯩﻘﯩﭗ ﻛﻪﺗﻜﻪﻥ ﺑﻮﻟﯘﭖ، ﺋﯘﻻﺭ ﺋﺎﺳﺎﺳﻪﻥ ﻛﻪﺷﻤﯩﺮ، ﻫﯩﻨﺪﯨﺴﺘﺎﻥ، ﺋﺎﻓﻐﺎﻧﯩﺴﺘﺎﻥ، ﺋﺎﺯ ﺑﯩﺮ ﻗﯩﺴﻤﻰ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﻐﺎ ﺑﯧﺮﯨﭗ ﭘﺎﻧﺎﻫﻼﻧﻐﺎﻥ ﺋﯩﺪﻯ، ﺋﯘﻻﺭﻧﯩﯔ ﺋﯩﭽﯩﺪﯨﻜﻰ ﯞﻩﻛﯩﻞ ﺧﺎﺭﺍﻛﺘﯧﺮﻟﯩﻚ ﺯﺍﺕ ﺧﻮﺗﻪﻥ ﺋﻪﻣﯩﺮﻯ ﻣﯘﻫﻪﻣﻤﻪﺕ ﺋﯩﻤﯩﻦ ﺑﯘﻏﺮﺍ ﺋﯩﺪﻯ.

30 - ﻳﯩﻠﻼﺭﺩﯨﻜﻰ ﻣﯩﻠﻠﯩﻲ ﺋﯩﻨﻘﯩﻼﺑﻨﯩﯔ ﻗﺎﻟﺪﯗﻕ ﻛﯜﭼﻠﯩﺮﻯ، 1937 - ﻳﯩﻠﻰ ﮔﯧﻨﯧﺮﺍﻝ ﻣﻪﻫﻤﯘﺕ ﻣﯘﻫﯩﺪﻯ،ﺧﻮﺗﻪﻥ ﻫﯚﻛﯜﻣﯩﺘﯩﻨﯩﯔ ﺷﻪﻳﻬﯜﻝ ﺋﯩﺴﻼﻣﻰ ﻣﯘﻫﻪﻣﻤﻪﺕ ﻧﯩﻴﺎﺯ ﺋﺎﻟﻪﻣﻠﻪﺭﻧﯩﯔ ﺑﺎﺷﭽﯩﻠﯩﻘﯩﺪﺍ ﻫﯩﻨﺪﯨﺴﺘﺎﻧﻐﺎ ﻗﯧﭽﯩﭗ ﭼﯩﻘﯩﭗ ﭘﺎﻧﺎﻫﻼﻧﺪﻯ. 49 - ﻳﯩﻠﻰ ﻳﻪﻧﻪ ﻣﯘﻫﻪﻣﻤﻪﺕ ﺋﯩﻤﯩﻦ ﺑﯘﻏﺮﺍ، ﺋﻪﻳﺴﺎ ﻳﯘﺳﯘﭖ ﺋﺎﻟﯩﭙﺘﯧﻜﯩﻦ ﺑﺎﺷﭽﯩﻠﯩﻘﯩﺪﯨﻜﻰ ﺋﯘﻳﻐﯘﺭ ﺳﯩﻴﺎﺳﻰ ﻗﺎﭼﻘﯘﻧﻼﺭ ﻗﻮﺷﯘﻧﻰ ﻛﻮﻣﻤﯘﻧﯩﺴﺖ ﺧﯩﺘﺎﻳﻨﯩﯔ ﺯﯨﻴﺎﻧﻜﻪﺷﻠﯩﻜﯩﺪﯨﻦ ﺳﺎﻗﻠﯩﻨﯩﺶ ﺋﯜﭼﯜﻥ ﻛﻪﺷﻤﯩﺮ ﺭﺍﻳﻮﻧﯩﻐﺎ ﻗﯧﭽﯩﭗ ﭼﯩﻘﯩﭗ ﻫﯩﻨﺪﯨﺴﺘﺎﻧﺪﯨﻦ ﭘﺎﻧﺎﻫﻠﯩﻖ ﺗﯩﻠﯩﮕﻪﻥ ﯞﻩ ﻛﯧﻴﯩﻦ ﺋﯘﻻﺭ ﺗﯘﺭﻛﯩﻴﻪ، ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻥ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﮔﻪ ﻳﻪﺭﻟﻪﺷﻜﻪﻥ ﺋﯩﺪﻯ.

50 - ﻳﯩﻠﻼﺭﻧﯩﯔ ﺋﺎﺧﯩﺮﻯ ﯞﻩ 60 - ﻳﯩﻠﻼﺭﻧﯩﯔ ﺑﺎﺷﻠﯩﺮﯨﺪﺍ ﺳﺎﺑﯩﻖ "ﺷﻪﺭﻗﯩﻲ ﺗﯘﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ" ﻧﯩﯔ ﺭﻩﻫﺒﻪﺭﻟﯩﺮﯨﺪﯨﻦ ﺋﺎﺑﺪﯗﺭﯗﭖ ﻣﻪﺧﺴﯘﻡ، ﺯﯨﻴﺎ ﺳﻪﻣﻪﺩﯨﻴﻠﻪﺭ ﺑﺎﺷﭽﯩﻠﯩﻘﯩﺪﯨﻜﻰ ﺑﯩﺮ ﻗﺎﻧﭽﻪ ﻳﯘﺯﻣﯩﯔ ﺋﯘﻳﻐﯘﺭ ﺳﻮﯞﯨﺖ ﺋﯩﺘﺘﯩﭙﺎﻗﯩﻐﺎ ﻗﯧﭽﯩﭗ ﭼﯩﻘﯩﭗ ﭘﺎﻧﺎﻫﻼﻧﻐﺎﻥ، ﻳﻪﻧﻪ ﺋﻮﺧﺸﺎﺵ ﻣﻪﺯﮔﯩﻠﺪﻩ ﻣﻪﺷﻬﯘﺭ ﺋﯘﻳﻐﯘﺭ ﺯﺍﺗﻠﯩﺮﯨﺪﯨﻦ ﺋﺎﺑﺪﯗﯞﻩﻟﯩﺨﺎﻥ ﺧﻮﺟﺎ، ﻣﯘﻫﻪﻣﻤﻪﺕ ﻗﺎﺳﯩﻢ، ﻫﯚﺳﻪﻳﯩﻦ ﻏﻪﺯﻧﯩﭽﻰ ﺑﺎﺷﭽﯩﻠﯩﻘﯩﺪﯨﻜﻰ ﺑﯩﺮ ﺗﯜﺭﻛﯜﻡ ﺋﯘﻳﻐﯘﺭﻻﺭ ﺋﺎﻓﻐﺎﻧﯩﺴﺘﺎﻧﻐﺎ ﻛﯧﻠﯩﭗ ﭘﺎﻧﺎﻫﻼﻧﻐﺎﻥ ﯞﻩ ﻛﯧﻴﯩﻦ ﺗﯘﺭﻛﯩﻴﯩﻨﯩﯔ ﻗﻪﻳﺴﯩﺮﻯ ﯞﯨﻼﻳﯩﺘﯩﮕﻪ ﻛﯧﻠﯩﭗ ﻳﻪﺭﻟﻪﺷﻜﻪﻥ ﺋﯩﺪﻯ.

ﻛﻮﻣﻤﯘﻧﯩﺴﺖ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﭼﯧﮕﺮﺍﻻﺭﻧﻰ ﻗﺎﺗﺘﯩﻖ ﻗﺎﻣﺎﻝ ﻗﯩﻠﯩﺸﻰ ﻧﻪﺗﯩﺠﯩﺴﯩﺪﻩ، 60 - ﻳﯩﻠﻼﺭﺩﯨﻦ، ﺗﺎﻛﻰ 80 - ﻳﯩﻠﻼﺭﻧﯩﯔ ﺑﯧﺸﻐﺎ ﻗﻪﺩﻩﺭ ﺋﯘﻳﻐﯘﺭ ﺳﯩﻴﺎﺳﻰ ﻗﺎﭼﻘﯘﻧﻼﺭﻧﯩﯔ ﭼﻪﺗﺌﻪﻟﻠﻪﺭﮔﻪ ﭼﯩﻘﯩﭗ ﭘﺎﻧﺎﻫﻠﯩﻨﯩﺶ ﻳﻮﻟﻠﯩﺮﻯ ﭘﯘﺗﯘﻧﻠﻪﻱ ﻛﻪﺳﯩﭗ ﺗﺎﺷﻼﻧﻐﺎﻥ ﺋﯩﺪﻯ. 80 - ﻳﯩﻠﻼﺭﻧﯩﯔ ﺑﺎﺷﻠﯩﺮﯨﺪﯨﻦ ﺋﯧﺘﯩﺒﺎﺭﻩﻥ، ﺑﻮﻟﯘﭘﻤﯘ 1990 - ﻳﯩﻠﻰ ﻳﯜﺯ ﺑﻪﺭﮔﻪﻥ ﺑﺎﺭﯨﻦ ﺋﯩﻨﻘﯩﻼﺑﯩﺪﯨﻦ ﻛﯧﻴﯩﻦ، ﺧﯩﺘﺎﻳﻨﯩﯔ ﺳﯩﻴﺎﺳﻰ ﺯﯨﻴﺎﻧﻜﻪﺷﻠﯩﻜﯩﮕﻪ ﯞﻩ ﺑﯧﺴﯩﻤﯩﻐﺎ ﺋﯘﭼﺮﯨﻐﺎﻥ ﻛﯚﭖ ﺳﺎﻧﺪﯨﻜﻰ ﺋﯘﻳﻐﯘﺭ ﺯﯨﻴﺎﻟﯩﻴﻠﯩﺮﻯ ﯞﻩ ﺩﯨﻨﯩﻲ ﺯﺍﺗﻼﺭ ﭘﺎﻛﯩﺴﺘﺎﻥ، ﺋﺎﻓﻐﺎﻧﯩﺴﺘﺎﻥ، ﺗﯘﺭﻛﯩﻴﻪ، ﺋﻮﺗﺘﯘﺭﺍ ﺋﺎﺳﯩﻴﺎ ﺗﯘﺭﻛﯩﻲ ﺟﯘﻣﻬﯘﺭﯨﻴﻪﺗﻠﯩﺮﻯ، ﻳﻪﻧﻪ ﺋﺎﺯ ﺑﯩﺮ ﻗﯩﺴﻤﻰ ﺑﻮﻟﺴﺎ ﻏﻪﺭﺏ ﺋﻪﻟﻠﯩﺮﯨﮕﻪ ﻗﯧﭽﯩﭗ ﻛﯧﻠﯩﭗ ﭘﺎﻧﺎﻫﻼﻧﻐﺎﻥ ﺋﯩﺪﻯ. ﺋﯘﻳﻐﯘﺭ ﺳﯩﻴﺎﺳﯩﻲ ﻗﺎﭼﻘﯘﻧﻠﯩﺮﯨﻨﯩﯔ ﺗﻪﺭﻩﻗﻘﯩﻴﺎﺕ ﻳﻮﻟﯘﻧﯜﺷﯩﮕﻪ ﻗﺎﺭﺍﻳﺪﯨﻐﺎﻥ ﺑﻮﻟﺴﺎﻕ، 97 - ﻳﯩﻠﻰ ﻏﯘﻟﺠﯩﺪﺍ ﻳﯘﺯ ﺑﻪﺭﮔﻪﻥ " 5 - ﻓﯧﯟﺭﺍﻝ " ﻛﯧﻴﯩﻦ، ﭼﻪﺗﺌﻪﻟﻠﻪﺭﺩﻩ، ﺑﻮﻟﯘﭘﻤﯘ ﻏﻪﺭﺏ ﺋﻪﻟﻠﯩﺮﯨﮕﻪ ﻗﯧﭽﯩﭗ ﻛﯧﻠﯩﭗ ﺳﯩﻴﺎﺳﯩﻲ ﭘﺎﻧﺎﻫﻠﯩﻖ ﺗﯩﻠﮕﯜﭼﻰ ﺋﯘﻳﻐﯘﺭﻻﺭﻧﯩﯔ ﺳﺎﻧﯩﻨﯩﯔ ﺷﯩﺪﺩﻩﺕ ﺑﯩﻠﻪﻥ ﻛﯚﭘﻪﻳﮕﻪﻧﻠﯩﻜﯩﻨﻰ ﻛﯚﺭﯛﯞﯦﻠﯩﺶ ﻣﯘﻣﻜﯩﻦ. ﺑﻪﺯﻯ ﻏﻪﻳﺮﻯ ﺭﻩﺳﻤﯩﻲ ﺳﺘﺎﺗﯩﺴﺘﯩﻜﯩﻼﺭﺩﺍ، " 5 - ﻓﯧﯟﺭﺍﻝ " ﯞﻩﻗﻪﺳﯩﺪﯨﻦ ﺑﯘﻳﺎﻥ، ﺗﻪﺧﻤﯩﻨﻪﻥ 5000 ﺩﯨﻦ ﺋﺎﺭﺗﯘﻕ ﺋﯘﻳﻐﯘﺭﻧﯩﯔ ﺗﯘﺭﻟﯘﻙ ﻳﻮﻟﻼﺭ ﺑﯩﻠﻪﻥ ﭼﻪﺗﺌﻪﻟﻠﻪﺭﮔﻪ ﻗﯧﭽﯩﭗ ﭼﯩﻘﻘﺎﻧﻠﯩﻘﻰ ﺑﺎﻳﺎﻥ ﻗﯩﻠﯩﻨﻤﺎﻗﺘﺎ.

ﻫﺎﺯﯨﺮ ﭘﻪﻗﻪﺕ ﻳﺎﯞﺭﻭﭘﺎﺩﯨﻜﻰ 10 ﻧﻪﭼﭽﻪ ﺩﯙﻟﻪﺗﺘﻪ ﺳﯩﻴﺎﺳﯩﻲ ﭘﺎﻧﺎﻫﻠﯩﻖ ﺗﯩﻠﻪﭖ ﺗﯘﺭﯗﯞﺍﺗﻘﺎﻥ ﺋﯘﻳﻐﯘﺭﻻﺭﻧﯩﯔ ﺳﺎﻧﯩﻼ ﺗﻪﺧﻤﯩﻨﻪﻥ 4000 ﺩﯨﻦ ﺋﺎﺷﯩﺪﯗ. ﺋﯘﻧﺪﺍﻗﺘﺎ ﺋﯚﺯ ﯞﻩﺗﯩﻨﯩﺪﻩ ﯞﻩ ﺋﯚﺯ ﯞﻩﺗﯩﻨﯩﻨﻰ ﺋﯩﺸﻐﺎﻝ ﻗﯩﻠﯩﭗ ﺗﯘﺭﻏﺎﻥ ﺧﯩﺘﺎﻳﺪﺍ ﻣﯘﺳﺎﭘﯩﺮﻟﯩﻖ ﺩﻩﺭﺩﯨﻨﻰ ﺗﺎﺭﺗﯩﯟﺍﺗﻘﺎﻥ ﺋﯘﻳﻐﯘﺭﻻﺭﻧﯩﯔ ﺋﻪﻫﯟﺍﻟﯩﭽﯘ ؟ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﻣﯘﺳﺎﭘﯩﺮﻻﺭ ﺋﺎﻟﯩﻲ ﻛﯧﯖﯩﺸﯩﻨﯩﯔ ﺋﯩﺰﺍﻫﺎﺗﯩﺪﺍ ﻛﯚﺭﺳﯩﺘﯩﻠﯩﺸﯩﭽﻪ، ﺋﯩﭽﻜﻰ - ﺗﺎﺷﻘﻰ ﺋﯘﺭﯗﺵ ﺗﯜﭘﻪﻳﻠﯩﺪﯨﻦ، ﺷﯘﻧﺪﺍﻗﻼ ﺷﯘ ﺩﯙﻟﻪﺕ ﻳﺎﻛﻰ ﺷﯘ ﺭﺍﻳﻮﻧﺪﯨﻜﻰ ﻫﺎﻛﯩﻤﯩﻴﻪﺗﻠﻪﺭﻧﯩﯔ ﻣﻪﺟﺒﯘﺭﻟﯩﺸﻰ ﺳﻪﯞﻩﺑﯩﺪﯨﻦ ﻳﯘﺭﺕ - ﻣﺎﻛﺎﻥ ﯞﻩ ﺗﯘﺭﺍﻟﻐﯘ ﺟﺎﻳﻠﯩﺮﯨﺪﯨﻦ، ﺗﯧﺮﯨﻠﻐﯘ ﻳﯧﺮﻯ ﯞﻩ ﺧﯩﺰﻣﯩﺘﯩﺪﯨﻦ ﺋﺎﻳﺮﯨﻠﯩﭗ ﺳﻪﺭﺳﺎﻥ ﺑﻮﻟﯘﭖ ﻳﯜﺭﮔﻪﻧﻠﻪﺭﻧﯩﯔ ﻫﻪﻣﻤﯩﺴﻰ ﻣﯘﺳﺎﭘﯩﺮﻟﯩﻖ ﻛﺎﺗﯩﮕﻮﺭﯨﻴﯩﺴﯩﮕﻪ ﻛﯩﺮﯨﺪﯗ.

ﺑﯘ ﺋﯚﻟﭽﻪﻣﻨﻰ ﺋﺎﺳﺎﺱ ﻗﯩﻠﻐﺎﻧﺪﺍ، ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ ﺋﺎﺗﺎﻟﻤﯩﺶ " ﺋﯧﺸﯩﻨﭽﺎ ﺋﻪﻣﮕﻪﻙ ﻛﯜﭼﻠﯩﺮﯨﻨﻰ ﺑﺎﺷﻘﺎ ﻳﯘﺭﺗﻼﺭﻏﺎ ﻳﯜﺯﻟﻪﻧﺪﯛﺭﯛﺵ " ﺩﯦﮕﻪﻥ ﺳﯩﻴﺎﺳﯩﺘﻰ ﺗﯜﭘﻪﻳﻠﯩﺪﯨﻦ ﺑﺎﺷﻘﺎ ﻳﯘﺭﺗﻼﺭﻏﺎ ﻣﻪﺟﺒﯘﺭﯨﻲ ﺳﯜﺭﮔﯜﻥ ﻗﯩﻠﯩﻨﻐﺎﻥ ﯞﻩ ﺧﯩﺘﺎﻳﻨﯩﯔ ﺋﯩﭽﻜﻰ ﺋﯚﻟﻜﯩﻠﯩﺮﯨﮕﻪ ﺑﯧﺮﯨﭗ ﺋﯩﺸﻠﻪﺷﻜﻪ ﻣﻪﺟﺒﯘﺭ ﻗﯩﻠﯩﻨﻐﺎﻥ ﺋﯘﻳﻐﯘﺭﻻﺭﻧﯩﯔ ﻫﻪﻣﻤﯩﺴﻰ ﻣﯘﺳﺎﭘﯩﺮ ﻫﯧﺴﺎﺑﻠﯩﻨﯩﺪﯗ. ﺧﯩﺘﺎﻳﻨﯩﯔ ﺑﻪﺯﻯ ﺳﺎﻧﻠﯩﻖ ﻣﻪﻟﯘﻣﺎﺗﻠﯩﺮﯨﻐﺎ ﺋﺎﺳﺎﺳﻼﻧﻐﺎﻧﺪﺍ، ﺧﯩﺘﺎﻱ ﻫﺎﻛﯩﻤﯩﻴﯩﺘﻰ ﺗﻪﺭﯨﭙﯩﺪﯨﻦ 2000 - ﻳﯩﻠﻰ ﻳﻮﻟﻐﺎ ﻗﻮﻳﯘﻟﻐﺎﻥ ﺋﺎﺗﺎﻟﻤﯩﺶ "ﭼﻮﯓ ﻏﻪﺭﺑﯩﻲ ﺷﯩﻤﺎﻟﻨﻰ ﺋﯧﭽﯩﺶ ﺋﯩﺴﺘﯩﺮﺍﺗﯧﮕﯩﻴﯩﻠﯩﻚ ﭘﯩﻼﻧﻰ" ﺩﯨﻦ ﺑﯘﻳﺎﻥ ﺋﯘﻳﻐﯘﺭﻻﺭ ﺯﯨﭻ ﺋﻮﻟﺘﯘﺭﺍﻗﻼﺷﻘﺎﻥ ﺗﺎﺭﯨﻢ ﺋﻮﻳﻤﺎﻧﻠﯩﻘﯩﺪﺍ ﻳﯧﯖﯩﺪﯨﻦ ﺋﯧﭽﯩﻠﻐﺎﻥ ﻧﯧﻔﯩﺘﻠﯩﻚ، ﻛﺎﻥ - ﻛﺎﺭﺧﺎﻧﺎ، ﻧﯧﻔﯩﺖ - ﮔﺎﺯ ﺗﯘﺭﯗﺑﺎ ﻟﯩﻨﯩﻴﯩﻠﯩﺮﻯ ﯞﻩ ﺗﺎﺷﻴﻮﻟﻼﺭ ﺗﯜﭘﻪﻳﻠﯩﺪﯨﻦ ﻗﻮﺭﻭ - ﺟﺎﻱ ﯞﻩ ﺗﯧﺮﯨﻠﻐﯘ ﻳﻪﺭﻟﯩﺮﻯ ﻫﯚﻛﯜﻣﻪﺕ ﺗﻪﺭﯨﭙﯩﺪﯨﻦ ﻣﯘﺳﺎﺩﯨﺮﻩ ﻗﯩﻠﯩﯟﯦﻠﯩﻨﻐﺎﻥ ﯞﻩ ﺑﯘ ﺳﻪﯞﻩﺑﺘﯩﻦ ﻳﯘﺭﺗﯩﻨﻰ ﺗﺎﺷﻼﭖ ﭼﯩﻘﯩﺸﻘﺎ ﻣﻪﺟﺒﯘﺭ ﺑﻮﻟﻐﺎﻥ ﻳﯧﺘﯩﻤﭽﻰ ﺋﯘﻳﻐﯘﺭﻻﺭ، ﺷﯘﻧﺪﺍﻗﻼ 2003 - ﻳﯩﻠﯩﺪﯨﻦ ﺑﯘﻳﺎﻥ ﺋﯩﺠﺮﺍ ﻗﯩﻠﯩﻨﯩﺸﻘﺎ ﺑﺎﺷﻼﻧﻐﺎﻥ " ﺋﯧﺸﯩﻨﭽﺎ ﺋﻪﻣﮕﻪﻙ ﻛﯜﭼﻠﯩﺮﯨﻨﻰ ﺑﺎﺷﻘﺎ ﻳﯘﺭﺗﻼﺭﻏﺎ ﻳﯜﺯﻟﻪﻧﺪﯛﺭﯛﺵ" ﺩﯦﮕﻪﻥ ﺳﯩﻴﺎﺳﻪﺕ ﺗﯜﭘﻪﻳﻠﯩﺪﯨﻦ ﺑﺎﺷﻘﺎ ﻳﯘﺭﺗﻼﺭﻏﺎ ﯞﻩ ﺧﯩﺘﺎﻳﻨﯩﯔ ﺋﯩﭽﻜﻰ ﺋﯚﻟﻜﯩﻠﯩﺮﯨﮕﻪ ﻫﻪﻳﺪﻩﻟﮕﻪﻥ ﺋﯘﻳﻐﯘﺭﻻﺭﻧﯩﯔ ﺋﻮﻣﯘﻣﻰ ﺳﺎﻧﻰ ﺗﻪﺧﻤﯩﻨﻪﻥ ﺋﯩﻜﻜﻰ ﻣﯩﻠﻴﻮﻧﻐﺎ ﻳﯧﺘﯩﭗ ﺑﺎﺭﯨﺪﯗ. ﻫﺎﺯﯨﺮ ﺋﯜﺭﯛﻣﭽﻰ ﻗﺎﺗﺎﺭﻟﯩﻖ ﭼﻮﯓ ﺷﻪﻫﻪﺭﻟﻪﺭﻧﯩﯔ ﻛﻮﭼﯩﻠﯩﺮﯨﻐﺎ ﻗﺎﺭﺍﻳﺪﯨﻐﺎﻥ ﺑﻮﻟﺴﯩﯖﯩﺰ، ﺟﻪﻧﻮﺑﯩﻲ ﺭﺍﻳﻮﻧﻼﺭﺩﯨﻦ ﻫﺎﻳﺎﺗﻠﯩﻖ ﻳﻮﻟﻰ ﺋﯩﺰﺩﻩﭖ ﻛﻪﻟﮕﻪﻥ ﺋﯘﻳﻐﯘﺭ ﻣﯘﺳﺎﭘﯩﺮﻻﺭ، ﻳﻪﻧﻰ ﻳﯧﺘﯩﻤﭽﯩﻠﻪﺭ ﺑﯩﻠﻪﻥ ﺗﻮﻟﯘﭖ - ﺗﺎﺷﻘﺎﻧﻠﯩﻘﻰ ﻛﯚﺯﯨﯖﯩﺰﮔﻪ ﭼﯧﻠﯩﻘﯩﺪﯗ.

ﻗﺎﻳﺴﻰ ﺑﯩﺮ ﺋﯘﻳﻐﯘﺭ ﺋﯚﺯﯨﻨﯩﯔ ﺳﯚﻳﯜﻣﻠﯜﻙ ﻳﯘﺭﺗﯩﻨﻰ، ﺋﯘﺭﯗﻕ - ﺗﯘﻏﻘﺎﻥ، ﺩﻭﺳﺖ - ﻳﺎﺭﻩﻧﻠﯩﺮﯨﻨﻰ ﯞﻩ ﺋﯩﻠﻠﯩﻖ ﺋﺎﺋﯩﻠﯩﺴﯩﻨﻰ ﺗﺎﺷﻼﭖ ﺑﺎﺷﻘﺎ ﻳﯘﺭﺗﻼﺭﺩﺍ ﻣﯘﺳﺎﭘﯩﺮ ﺑﻮﻟﯘﺷﻨﻰ ﺧﺎﻟﯩﺴﯘﻥ ؟ ﺋﯘﻻﺭﻧﻰ ﺑﯘ " ﺑﺎﺭﺳﺎ ﻛﻪﻟﻤﻪﺱ ﻳﻮﻝ " ﻏﺎ ﻣﯧﯖﯩﺸﻘﺎ ﻣﻪﺟﺒﯘﺭ ﻗﯩﻠﯩﯟﺍﺗﻘﺎﻥ ﺋﻪﯓ ﺋﺎﺳﺎﺳﻠﯩﻖ ﺋﺎﻣﯩﻞ - ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ ﭼﯧﻜﯩﺪﯨﻦ ﺋﺎﺷﻘﺎﻥ ﺯﯗﻟﯘﻡ ﯞﻩ ﺑﯧﺴﯩﻢ ﺳﯩﻴﺎﺳﯩﺘﯩﺪﯨﻦ ﺋﯩﺒﺎﺭﻩﺕ !    

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز