ﺋﻪﻟﯟﻩﺗﺘﯩﻜﻰ ﺑﯘ ﺧﯩﻞ ﻣﯩﻠﻠﯩﻲ ﺗﯘﻳﻐﯘﻧﯩﯔ ﻛﯜﭼﯩﻴﯩﺸﻰ، ﺋﯘﻳﻐﯘﺭ ﺧﻪﻟﻘﯩﻨﯩﯔ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﮕﻪ ﺑﻮﻟﻐﺎﻥ ﺋﯩﺸﻪﻧﭽﺴﯩﺰﻟﯩﻚ، ﺋﯜﻣﯩﺪﺳﯩﺰﻟﯩﻚ ﯞﻩ ﻧﻪﭘﺮﻩﺕ ﺗﯘﻳﻐﯘﻟﯩﺮﯨﻨﯩﯔ ﻳﯘﻗﯩﺮﻯ ﭘﻪﻟﻠﯩﮕﻪ ﻛﯚﺗﯜﺭﯛﻟﮕﻪﻧﻠﯩﻜﯩﻨﯩﯔ ﺭﻭﺷﻪﻥ ﺑﯩﺮ ﺋﺎﻻﻣﯩﺘﻰ ﺑﻮﻟﯘﭖ، ﺋﯘﻻﺭﻧﯩﯔ، ﺧﯩﺘﺎﻱ ﻫﺎﻛﯩﻤﯩﻴﯩﺘﻰ ﺋﺎﺳﺘﯩﺪﺍ ﻳﺎﺷﺎﺷﻨﯩﯔ ﺋﯘﻳﻐﯘﺭﻻﺭﻏﺎ ﻫﺎﻻﻛﻪﺕ ﯞﻩ ﭘﺎﻻﻛﻪﺗﺘﯩﻦ ﺑﺎﺷﻘﺎ ﻧﻪﺭﺳﻪ ﺋﯧﻠﯩﭗ ﻛﻪﻟﻤﻪﻳﺪﯨﻐﺎﻧﻠﯩﻘﻰ ﯞﻩ ﺋﯘﻳﻐﯘﺭ ﻣﯩﻠﻠﯩﺘﻰ ﺑﯩﻠﻪﻥ ﺧﯩﺘﺎﻱ ﻣﯩﻠﻠﯩﺘﯩﻨﯩﯖﻤﯘ ﺑﯩﺮ ﻣﻮﻫﯩﺖ ﺋﯩﭽﯩﺪﻩ ﺋﯩﻨﺎﻕ - ﺋﯩﺘﺘﯩﭙﺎﻕ ﻳﺎﺷﯩﻴﺎﻟﯩﺸﯩﻨﯩﯔ ﺋﻪﺳﻼ ﻣﯘﻣﻜﯩﻦ ﺋﻪﻣﻪﺳﻠﯩﻜﯩﮕﻪ ﺑﻮﻟﻐﺎﻥ ﺋﯩﺸﻪﻧﭽﯩﺴﻰ ﺋﺎﺷﻘﺎﻥ.

ﭼﯜﻧﻜﻰ، ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ ﺷﺎﯞﮔﯜﻩﻥ ﯞﻩ ﺋﯜﺭﯛﻣﭽﻰ ﯞﻩﻗﻪﻟﯩﺮﯨﮕﻪ ﺗﯘﺗﻘﺎﻥ ﭘﻮﺯﯨﺘﺴﯩﻴﯩﺴﻰ ﯞﻩ ﺑﯘ ﯞﻩﻗﻪﻟﻪﺭﻧﻰ ﺑﺎﺳﺘﯘﺭﯗﺷﺘﺎ ﻗﻮﻟﻼﻧﻐﺎﻥ ﻗﻪﺑﯩﻬ ﯞﺍﺳﺘﯩﻠﯩﺮﻯ، ﭘﻪﻗﻪﺕ ﺧﯩﺘﺎﻱ ﻣﯩﻠﻠﯩﺘﯩﻨﯩﯖﻼ ﻣﻪﻧﭙﻪﺋﻪﺗﻠﯩﺮﯨﻨﻰ ﭼﯩﻘﯩﺶ ﻧﯘﺧﺘﯩﺴﻰ ﻗﯩﻠﯩﻨﻐﺎﻥ، ﺋﯘﻳﻐﯘﺭﻻﺭﻧﯩﯔ ﭘﯜﺗﯜﻥ ﻫﻪﻕ - ﻫﻮﻗﯘﻗﻠﯩﺮﻯ ﺗﯜﭘﺘﯩﻦ ﺋﯩﻨﻜﺎﺭ ﻗﯩﻠﯩﻨﻐﺎﻥ، ﺑﯩﺮ ﭘﯜﺗﯜﻥ ﺋﯘﻳﻐﯘﺭ ﻣﯩﻠﻠﯩﺘﻰ، "ﻣﯘﺩﺍﭘﯩﻴﻪ ﻛﯚﺭﯛﺵ ﯞﻩ ﻗﺎﺗﺘﯩﻖ ﻧﺎﺯﺍﺭﻩﺕ ﺋﺎﺳﺘﯩﻐﺎ ﺋﯧﻠﯩﺸﻘﺎ ﺗﯩﮕﯩﺸﻠﯩﻚ ﺩﯛﺷﻤﻪﻥ ﻣﯩﻠﻠﻪﺕ" ﺩﻩﭖ ﻗﺎﺭﺍﻟﻐﺎﻥ ﺗﯩﭙﯩﻚ ﺑﯩﺮ ﻣﯘﺳﺘﻪﻣﻠﯩﻜﯩﭽﯩﻠﯩﻚ ﺳﯩﻴﺎﺳﯩﺘﯩﻨﯩﯔ ﺭﻭﺷﻪﻥ ﺋﯩﭙﺎﺩﯨﻠﯩﺮﻯ ﺋﯩﺪﻯ.

ﻣﻪﻟﯘﻡ ﻣﻪﻧﯩﺪﯨﻦ ﺋﯧﻴﺘﻘﺎﻧﺪﺍ، ﺧﯩﺘﺎﻱ ﻫﺎﻛﯩﻤﯩﻴﯩﺘﻰ ﺋﯚﺯﯨﻨﯩﯔ ﭼﯩﻜﯩﺪﯨﻦ ﺋﺎﺷﻘﺎﻥ ﺋﺎﺩﺍﻟﻪﺗﺴﯩﺰ ﺳﯩﻴﺎﺳﯩﺘﻰ ﺋﺎﺭﻗﯩﻠﯩﻖ، ﺋﯘﻳﻐﯘﺭﻻﺭﻧﻰ ﺧﯩﺘﺎﻱ ﺧﻪﻟﻖ ﺟﯘﻣﻬﯘﺭﯨﻴﯩﺘﯩﻨﯩﯔ ﻧﻮﺭﻣﺎﻝ ﭘﯘﻗﺮﺍﺳﻰ ﺩﻩﭖ ﺗﻮﻧﯩﻤﯩﻐﺎﻧﻠﯩﻘﯩﻨﻰ، ﺧﯩﺘﺎﻱ ﺧﻪﻟﻖ ﺟﯘﻣﻬﯘﺭﯨﻴﯩﺘﯩﻨﯩﯖﻤﯘ ﻫﯧﭽﺒﯩﺮ ﺯﺍﻣﺎﻥ ﺋﯘﻳﻐﯘﺭﻻﺭﻏﺎ ﺗﻪﯞﻩ ﺑﻮﻟﯘﭖ ﺑﺎﻗﻤﯩﻐﺎﻧﻠﯩﻘﯩﻨﻰ ﺋﻮﭼﯘﻗﭽﻪ ﺋﺎﺷﻜﺎﺭﯨﻼﭖ ﺑﻪﺭﮔﻪﻥ ﺋﯩﺪﻯ.

ﺑﯘﻧﺪﺍﻕ ﺑﯩﺮ ﯞﻩﺯﯨﻴﻪﺕ ﺋﺎﺳﺘﯩﺪﺍ، ﺋﯘﻳﻐﯘﺭ ﺧﻪﻟﻘﯩﻨﯩﯔ ﺋﯚﺯﻟﯩﺮﯨﮕﻪ ﺋﺎﺋﯩﺖ ﺑﻮﻟﻐﺎﻥ ﺋﻪﺳﻠﻰ ﯞﻩﺗﯩﻨﯩﮕﻪ ﯞﻩ ﺋﻪﺳﻠﻰ ﺟﯘﻣﻬﯘﺭﯨﻴﯩﺘﯩﮕﻪ ﺑﻮﻟﻐﺎﻥ ﺳﯧﻐﯩﻨﯩﺶ ﺗﯘﻳﻐﯘﻟﯩﺮﯨﻨﯩﯔ ﻛﯜﭼﯩﻴﯩﺸﻰ ﻧﺎﻫﺎﻳﯩﺘﻰ ﺗﻪﺑﯩﺌﯩﻲ ﺑﯩﺮ ﺋﻪﻫﯟﺍﻝ ﺋﯩﺪﻯ.

ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﻪﺗﻠﯩﺮﻯ ﻗﯘﺭﯗﻟﻐﺎﻥ 11 - ﺋﺎﻳﻨﯩﯔ 12 - ﻛﯜﻧﯩﻨﻰ، ﺋﯘﻳﻐﯘﺭ ﺧﻪﻟﻘﯩﻨﯩﯔ ﻣﯩﻠﻠﯩﻲ ﺑﺎﻳﺮﯨﻤﻰ، ﺩﻩﭖ ﺗﻮﻧﯘﻏﺎﻥ ﭼﻪﺗﺌﻪﻟﻠﻪﺭﺩﯨﻜﻰ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﯨﻤﯘ ﺑﯩﺮ ﻗﺎﻧﭽﻪ ﻛﯜﻧﺪﯨﻦ ﺑﯘﻳﺎﻥ ﺯﻭﺭ ﻫﺎﻳﺎﺟﺎﻥ ﯞﻩ ﺗﻪﻧﺘﻪﻧﻪ ﺋﯩﭽﯩﺪﻩ ﺋﯩﻜﻜﻰ ﺟﯘﻣﻬﯘﺭﯨﻴﻪﺗﻨﯩﯔ ﻗﯘﺭﯗﻟﯘﺷﯩﻨﻰ ﺗﻪﺑﺮﯨﻜﻠﻪﺵ ﯞﻩ ﺧﺎﺗﯩﺮﯨﻠﻪﺵ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﺋﯘﻳﯘﺷﺘﯘﺭﯗﭖ ﻛﻪﻟﻤﻪﻛﺘﻪ.

5 - ﺋﯩﻴﯘﻝ ﺋﯜﺭﯛﻣﭽﻰ ﻗﯩﺮﻏﯩﻨﭽﯩﻠﯩﻘﯩﺪﯨﻦ ﻛﯧﻴﯩﻦ، ﻫﻪﺗﺘﺎ ﭼﻪﺗﺌﻪﻟﻠﻪﺭﺩﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﯞﻩ ﺋﯘﻳﻐﯘﺭﻻﺭ ﻣﻪﺳﯩﻠﯩﺴﯩﻨﻰ ﺧﯩﺘﺎﻳﻨﯩﯔ ﻫﺎﺯﯨﺮﻗﻰ ﺯﯦﻤﯩﻦ ﭘﯜﺗﯜﻧﻠﯜﻛﻰ ﺋﯩﭽﯩﺪﻩ ﻫﻪﻝ ﻗﯩﻠﯩﺸﻨﻰ ﺗﻪﺷﻪﺑﺒﯘﺱ ﻗﯩﻠﯩﭗ ﻛﻪﻟﮕﻪﻥ ﺑﯩﺮ ﻗﯩﺴﯩﻢ ﺋﯘﻳﻐﯘﺭﻻﺭﻣﯘ ﺋﻪﺳﻠﯩﺪﯨﻜﻰ ﻳﯘﻣﺸﺎﻕ ﯞﻩ ﻣﯚﺗﯩﺪﯨﻞ ﺗﻪﻟﻪﭘﭙﯘﺯﯨﻨﻰ ﺋﯚﺯﮔﻪﺭﺗﯩﭗ، ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ ﺋﯘﻳﻐﯘﺭ ﺧﻪﻟﻘﯩﻨﯩﯔ ﺋﺎﻟﺪﯨﻐﺎ ﻣﯘﺳﺘﻪﻗﯩﻠﻠﯩﻘﺘﯩﻦ ﺑﺎﺷﻘﺎ ﭼﯩﻘﯩﺶ ﻳﻮﻟﯩﻨﻰ ﻗﻮﻳﻤﯩﻐﺎﻧﻠﯩﻘﯩﻨﻰ، ﺑﯚﻟﮕﯜﻧﭽﯩﻠﯩﻜﻨﻰ ﺋﯘﻳﻐﯘﺭﻻﺭﻧﯩﯔ ﺋﻪﻣﻪﺱ، ﺋﻪﻛﺴﯩﭽﻪ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ ﺋﯚﺯﯨﻨﯩﯔ ﻛﻪﻟﺘﯜﺭﯛﭖ ﭼﯩﻘﯩﺮﯨﯟﺍﺗﻘﺎﻧﻠﯩﻘﯩﻨﻰ ﺗﻪﻛﯩﺘﻠﻪﭖ ﻛﯧﻠﯩﺸﻤﻪﻛﺘﻪ.

ﮔﻪﺭﭼﻪ ﯞﻩﺗﻪﻥ ﺋﯩﭽﯩﺪﯨﻜﻰ ﺋﯘﻳﻐﯘﺭﻻﺭ، ﺋﯚﺯﻟﯩﺮﯨﻨﯩﯔ ﻣﯩﻠﻠﯩﻲ ﺗﯘﻳﻐﯘﻟﯩﺮﯨﻨﻰ ﺋﺎﺷﻜﺎﺭﺍ ﺋﻮﺗﺘﯘﺭﯨﻐﺎ ﻗﻮﻳﯘﺵ ﺋﯩﻤﻜﺎﻧﯩﻴﯩﺘﯩﺪﯨﻦ ﻣﻪﻫﺮﯗﻡ ﺑﻮﻟﺴﯩﻤﯘ، ﺋﻪﻣﻤﺎ، 5 - ﺋﯩﻴﯘﻝ ﺋﯜﺭﯛﻣﭽﻰ ﻗﯩﺮﻏﯩﻨﭽﯩﻠﯩﻘﯩﺪﯨﻦ ﻛﯧﻴﯩﻦ، ﯞﻩﺗﻪﻥ ﺋﯩﭽﯩﺪﯨﻜﻰ ﺋﯘﻳﻐﯘﺭﻻﺭ ﺋﺎﺭﯨﺴﯩﺪﺍ ﺗﺎﺭﯨﺨﺘﺎ ﻫﯧﭻ ﻛﯚﺭﯛﻟﯜﭖ ﺑﺎﻗﻤﯩﻐﺎﻥ ﺩﻩﺭﯨﺠﯩﺪﻩ ﻳﯜﻛﺴﻪﻙ ﻣﯩﻠﻠﯩﻲ ﺑﯩﺮﻟﯩﻜﻨﯩﯔ ﺷﻪﻛﯩﻠﻠﻪﻧﮕﻪﻧﻠﯩﻜﻰ، ﺋﯚﺯ‏-ﺋﺎﺭﺍ ﺋﺎﺩﺍﯞﻩﺕ، ﺩﯛﺷﻤﻪﻧﻠﯩﻚ ﯞﻩ ﺟﻪﯕﮕﻰ - ﺟﯩﺪﻩﻟﻠﻪﺭﻧﯩﯔ ﺯﻭﺭ ﺩﻩﺭﯨﺠﯩﺪﻩ ﺋﺎﺯﺍﻳﻐﺎﻧﻠﯩﻘﻰ، ﺋﯚﺯﯨﻨﯩﯔ ﺗﺎﺭﯨﺨﯩﻐﺎ، ﻣﯩﻠﻠﯩﻲ ﺋﯚﺭﭖ - ﺋﺎﺩﻩﺗﻠﯩﺮﯨﮕﻪ، ﻣﻪﺩﻩﻧﯩﻴﯩﺘﯩﮕﻪ، ﺩﯨﻨﯩﻲ ﺋﯧﺘﯩﻘﺎﺩﯨﻐﺎ ﺑﻮﻟﻐﺎﻥ ﻗﯩﺰﯨﻘﯩﺶ ﻫﯧﺴﺴﯩﻴﺎﺗﯩﻨﯩﯔ ﻛﯜﭼﻪﻳﮕﻪﻧﻠﯩﻜﻰ ﻛﯚﺭﯛﻟﻤﻪﻛﺘﻪ.

ﯞﻩﺗﻪﻧﺪﯨﻦ ﭼﻪﺗﺌﻪﻟﻠﻪﺭﮔﻪ ﻳﯧﯖﻰ ﭼﯩﻘﻘﺎﻥ ﺑﻪﺯﻯ ﺋﯘﻳﻐﯘﺭﻻﺭﻧﯩﯔ ﺋﯩﻨﻜﺎﺱ ﻗﯩﻠﯩﺸﯩﭽﯩﻤﯘ، 5 - ﺋﯩﻴﯘﻝ ﺋﯜﺭﯛﻣﭽﻰ ﻗﯩﺮﻏﯩﻨﭽﯩﻠﯩﻘﯩﺪﯨﻦ ﻛﯧﻴﯩﻦ، ﺋﯜﺭﯛﻣﭽﯩﺪﯨﻜﻰ ﺋﯘﻳﻐﯘﺭﻻﺭ ﺋﺎﺭﯨﺴﯩﺪﺍ ﺋﯩﺠﺘﯩﻤﺎﺋﯩﻲ ﺋﻪﺧﻼﻕ ﺟﻪﻫﻪﺗﺘﻪ ﻛﯩﺸﯩﻨﻰ ﻫﻪﻳﺮﺍﻥ ﻗﺎﻟﺪﯗﺭﯨﺪﯨﻐﺎﻥ ﺩﻩﺭﯨﺠﯩﺪﻩ ﺯﻭﺭ ﺑﯘﺭﯗﻟﯘﺵ ﻫﺎﺳﯩﻞ ﺑﻮﻟﻐﺎﻥ، ﺋﯩﻠﮕﯩﺮﻯ ﻛﯜﻥ ﺑﻮﻳﻰ ﻣﻪﻳﺨﺎﻧﯩﺪﯨﻦ ﭼﯩﻘﻤﺎﻳﺪﯨﻐﺎﻧﻼﺭ، ﻫﺎﺯﯨﺮ ﻧﺎﻣﺎﺯ ﺋﻮﻗﯘﻳﺪﯨﻐﺎﻥ، ﺟﯜﻣﻪ ﻧﺎﻣﯩﺰﯨﺪﯨﻦ ﻗﺎﻟﻤﺎﻳﺪﯨﻐﺎﻥ ﻫﺎﻟﻐﺎ ﻛﻪﻟﮕﻪﻥ. ﻳﻪﻧﻪ ﺑﻪﺯﯨﻠﻪﺭ، ﻛﯜﻧﺪﯨﻠﯩﻚ ﻫﺎﻳﺎﺗﯩﺪﯨﻜﻰ ﺧﯩﺘﺎﻱ ﻣﻪﺩﻩﻧﯩﻴﯩﺘﯩﺪﯨﻦ ﺳﯩﯖﺪﯛﺭﯛﯞﺍﻟﻐﺎﻥ ﺋﺎﺩﻩﺗﻠﻪﺭﻧﻰ ﺗﺎﺷﻼﭖ، ﺋﻪﺳﻠﯩﺪﯨﻜﻰ ﻣﯩﻠﻠﯩﻲ ﺋﯚﺭﭖ - ﺋﺎﺩﻩﺗﻠﯩﺮﯨﮕﻪ ﻗﺎﻳﺘﯩﺸﻘﺎ ﺑﺎﺷﻠﯩﻐﺎﻥ، ﺋﯘﻳﻐﯘﺭ ﻳﺎﺷﻠﯩﺮﻯ ﺋﺎﺭﯨﺴﯩﺪﺍ ﺯﯨﻨﺎ، ﻛﻪﻳﭙﻰ - ﺳﺎﭘﺎ، ﺋﯩﺴﺮﺍﭘﭽﯩﻠﯩﻖ، ﭘﻮﭼﯩﻠﯩﻖ، ﻧﻮﭼﯩﻠﯩﻖ، ﻳﺎﻟﻐﺎﻧﭽﯩﻠﯩﻖ، ﺋﺎﻟﺪﺍﻣﭽﯩﻠﯩﻖ، ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﭼﯩﻜﯩﺶ ... ﺩﯨﮕﻪﻧﮕﻪ ﺋﻮﺧﺸﺎﺵ ﻧﺎﭼﺎﺭ ﺋﯩﻠﻠﻪﺗﻠﻪﺭ ﻛﯚﺭﯛﻧﻪﺭﻟﯩﻚ ﺩﻩﺭﯨﺠﯩﺪﻩ ﺋﺎﺯﺍﻳﻐﺎﻥ، ﻗﺎﻧﯘﻥ ﺗﺎﺭﻣﺎﻗﻠﯩﺮﯨﺪﯨﻜﻰ ﺋﯘﻳﻐﯘﺭﻻﺭ ﺋﯩﭽﯩﺪﻩ ﺧﯩﺰﻣﯩﺘﯩﺪﯨﻦ ﺋﯩﺴﺘﯩﭙﺎ ﺑﯧﺮﯨﭗ، ﺑﺎﺷﻘﺎ ﻛﻪﺳﯩﭙﻠﻪﺭﮔﻪ ﻳﯜﺯﻟﻪﻧﮕﯜﭼﯩﻠﻪﺭﻧﯩﯔ ﺳﺎﻧﻰ ﻛﯚﭘﯩﻴﯩﺸﻜﻪ ﺑﺎﺷﻠﯩﻐﺎﻥ ... ﺟﻪﻣﺌﯩﻴﻪﺗﺘﯩﻜﻰ ﺋﯘﻳﻐﯘﺭﻻﺭ ﺋﯩﭽﯩﺪﯨﻤﯘ ﺑﯩﺮ - ﺑﯩﺮﯨﮕﻪ ﺗﯘﻏﻘﺎﻧﻠﯩﻖ ﯞﻩ ﻗﯧﺮﯨﻨﺪﺍﺷﻠﯩﻖ ﻧﻪﺯﯨﺮﻯ ﺑﯩﻠﻪﻥ ﻗﺎﺭﺍﻳﺪﯨﻐﺎﻥ، ﺑﯩﺮ - ﺑﯩﺮﯨﻨﯩﯔ ﺋﯩﺰ - ﺩﯦﺮﯨﻜﯩﻨﻰ ﻗﯩﻠﯩﺪﯨﻐﺎﻥ، ﺧﯩﺘﺎﻱ ﻛﯚﭼﻤﻪﻧﻠﯩﺮﯨﻨﯩﯔ ﺋﯩﺮﻗﯩﻲ ﻫﯘﺟﯘﻣﻠﯩﺮﯨﺪﯨﻦ ﻛﻮﻟﻠﯩﻜﺘﯩﭗ ﻫﺎﻟﺪﺍ ﻣﯘﺩﺍﭘﯩﺌﻪ ﻛﯚﺭﯨﺪﯨﻐﺎﻥ ﻣﯩﻠﻠﯩﻲ ﺑﯩﺮﻟﯩﻚ ﻛﻪﻳﭙﯩﻴﺎﺗﻰ ﺷﻪﻛﯩﻠﻠﻪﻧﮕﻪﻥ.

5 - ﺋﯩﻴﻮﻝ ﺋﯜﺭﯛﻣﭽﻰ ﻗﯩﺮﻏﯩﻨﭽﯩﻠﯩﻘﯩﺪﯨﻦ ﺑﯘﻳﺎﻥ ﯞﻩﺗﻪﻥ ﺋﯩﭽﻰ ﯞﻩ ﺳﯩﺮﺗﯩﺪﯨﻜﻰ ﺋﯘﻳﻐﯘﺭﻻﺭ ﺋﺎﺭﯨﺴﯩﺪﺍ ﻛﯜﻧﺪﯨﻦ - ﻛﯜﻧﮕﻪ ﻛﯜﭼﯩﻴﯩﺸﻜﻪ ﺑﺎﺷﻠﯩﻐﺎﻥ ﻣﯩﻠﻠﯩﻲ ﻣﯘﺳﺘﻪﻗﯩﻠﻠﯩﻖ ﺗﯘﻳﻐﯘﻟﯩﺮﻯ ﻧﯧﻤﯩﺪﯨﻦ ﺩﯨﺮﻩﻙ ﺑﯧﺮﯨﺪﯗ؟

ﺗﯜﭖ ﻧﻪﮔﯩﺰﯨﺪﯨﻦ ﺋﯧﻴﺘﻘﺎﻧﺪﺍ، ﺑﯘ ﺧﯩﻞ ﺋﯩﻨﺴﺎﻧﻰ ﯞﻩ ﺭﻭﻫﯩﻲ ﺗﯘﻳﻐﯘ، ﺋﯘﻳﻐﯘﺭ ﺧﻪﻟﻘﯩﻨﯩﯔ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﮕﻪ ﯞﻩ ﺧﯩﺘﺎﻱ ﺧﻪﻟﻘﯩﻐﻪ ﺑﻮﻟﻐﺎﻥ ﺋﯩﺸﻪﻧﭽﯩﺴﯩﻨﯩﯔ ﺗﺎﻣﺎﻣﻪﻥ ﻳﻮﻗﯩﻐﺎﻧﻠﯩﻘﯩﻨﯩﯔ، ﺋﯚﺯﻟﯩﺮﯨﻨﯩﯔ ﻣﯘﺳﺘﻪﻣﻠﯩﻜﻪ ﺋﺎﺳﺘﯩﺪﺍ ﻳﺎﺷﺎﯞﺍﺗﻘﺎﻥ ﺑﯩﺮ ﻣﯩﻠﻠﻪﺕ ﺋﯩﻜﻪﻧﻠﯩﻜﯩﮕﻪ ﺑﻮﻟﻐﺎﻥ ﺗﻮﻧﯘﺷﻰ ﯞﻩ ﭼﯜﺷﻪﻧﭽﯩﺴﯩﻨﯩﯔ ﺗﯧﺨﯩﻤﯘ ﭼﻮﯕﻘﯘﺭﻻﺷﻘﺎﻧﻠﯩﻘﯩﻨﯩﯔ ﺭﻭﺷﻪﻥ ﺑﯩﺮ ﺋﯩﭙﺎﺩﯨﺴﯩﺪﯨﻦ ﺋﯩﺒﺎﺭﻩﺕ.

5 - ﺋﯩﻴﯘﻝ ﯞﻩﻗﻪﺳﯩﺪﯨﻦ ﺑﯘﻳﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﺋﯘﻳﻐﯘﺭﻻﺭﻏﺎ ﻗﺎﺭﯨﺘﯩﻠﻐﺎﻥ ﻗﺎﻧﯘﻧﺴﯩﺰ ﺗﯘﺗﻘﯘﻥ ﻗﯩﻠﯩﺶ، ﻗﯩﻴﻨﺎﺵ ﯞﻩ ﺋﯚﻟﺘﯜﺭﯛﺵ ﻫﻪﺭﯨﻜﻪﺗﻠﯩﺮﻯ ﺋﯩﻠﮕﯩﺮﯨﻜﯩﺪﯨﻨﻤﯘ ﺑﻪﻛﯩﺮﻩﻙ ﻛﯜﭼﻪﻳﺘﯩﻠﺪﻯ، ﺋﻪﻛﺴﯩﭽﻪ ﺑﯘ ﺭﺍﻳﻮﻧﺪﯨﻜﻰ ﺧﯩﺘﺎﻱ ﻛﯚﭼﻤﻪﻧﻠﯩﺮﻯ ﺳﯩﻴﺎﺳﻰ، ﺋﯩﻘﺘﯩﺴﺎﺩﻯ ﯞﻩ ﻗﺎﻧﯘﻧﯩﻲ ﺟﻪﻫﻪﺗﻠﻪﺭﺩﻩ ﺋﺎﻻﻫﯩﺪﻩ ﺋﯩﻤﺘﯩﻴﺎﺯﻻﺭﺩﯨﻦ ﺑﻪﻫﺮﯨﻤﺎﻥ ﻗﯩﻠﯩﻨﯩﭗ، ﺋﯘﻻﺭﻧﯩﯔ ﻳﻪﺭﻟﯩﻚ ﺧﻪﻟﻘﻨﻰ ﺧﺎﻟﯩﻐﺎﻧﭽﻪ ﺑﻮﺯﻩﻙ ﻗﯩﻠﯩﺸﻰ، ﺧﻮﺭﻟﯩﺸﻰ ﯞﻩ ﺩﻩﭘﺴﻪﻧﺪﻩ ﻗﯩﻠﯩﺸﻰ ﺋﯜﭼﯜﻥ ﺳﯩﻴﺎﺳﻰ ﺟﻪﻫﻪﺗﺘﯩﻦ ﺋﺎﺯﺍﺩﻩ ﺯﯦﻤﯩﻦ ﻫﺎﺯﯨﺮﻻﭖ ﺑﯧﺮﯨﻠﻤﻪﻛﺘﻪ.

ﺑﯜﮔﯜﻧﻜﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﺧﯩﺘﺎﻱ ﻛﯚﭼﻤﻪﻧﻠﯩﺮﻯ ﺑﯩﻠﻪﻥ ﻳﻪﺭﻟﯩﻚ ﺧﻪﻟﻖ ﺋﻮﺗﺘﯘﺭﯨﺴﯩﺪﺍ ﺋﺎﺗﺎﻟﻤﯩﺶ "ﻣﯩﻠﻠﯩﻲ ﺑﺎﺭﺍﯞﻩﺭﻟﯩﻚ" ﺗﯩﻦ ﻫﯧﭽﺒﯩﺮ ﺋﻪﺳﻪﺭ ﻗﺎﻟﻤﯩﺪﻯ.

ﻣﯩﻠﻠﻪﺗﻠﻪﺭ ﺋﻮﺗﺘﯘﺭﯨﺴﯩﺪﯨﻜﻰ ﺑﺎﺭﺍﯞﻩﺭﺳﯩﺰﻟﯩﻚ - ﻣﯘﺳﺘﻪﻣﻠﯩﻜﯩﭽﯩﻠﯩﻜﻨﯩﯔ ﺋﻪﯓ ﺭﻭﺷﻪﻥ ﺋﯩﭙﺎﺩﯨﺴﻰ ﺑﻮﻟﯘﭖ، ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ ﻣﺎﻧﺎ ﻣﯘﺷﯘﻧﺪﺍﻕ ﺑﯩﺮ ﻣﻮﻫﯩﺖ ﺋﯩﭽﯩﺪﻩ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭﻻﺭﻧﻰ "ﻣﯩﻠﻠﯩﻲ ﺑﯚﻟﮕﯜﻧﭽﯩﻠﯩﻚ" ﺑﯩﻠﻪﻥ ﺷﯘﻏﯘﻟﻼﻧﻤﺎﺳﻠﯩﻘﻘﺎ ﯞﻩ ﺋﯩﻠﮕﯩﺮﻯ ﻗﯘﺭﯗﻟﻐﺎﻥ ﺋﯩﻜﻜﻰ ﺟﯘﻣﻬﯘﺭﯨﻴﻪﺗﺘﯩﻦ ﻣﯩﻬﺮﯨﻨﻰ ﺗﺎﻣﺎﻣﻪﻥ ﺋﯜﺯﯛﺷﻜﻪ ﺩﺍﻻﻟﻪﺕ ﻗﯩﻠﯩﺸﻰ، ﻫﻪﻗﯩﻘﻪﺗﻪﻧﻤﯘ ﺋﯘﭼﯩﻐﺎ ﭼﯩﻘﻘﺎﻥ ﺑﯩﺮ ﺳﯩﻴﺎﺳﯩﻲ ﺋﯚﻛﺘﻪﻣﻠﯩﻚ ﺋﯩﺪﻯ.

پىكىر - قاراشلىرىڭىزنى ئوتتۇرىغا قويۇڭ

پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر يېزىقىدا يېزىپ يوللاڭ. پىكىر - بايانلىرىڭىز، ئەركىن ئاسىيا رادىئوسى تور بەت ئىشلىتىش بەلگىلىمىلىرى بويىچە تور باشقۇرغۇچىسى تەرىپىدىن تەستىقلانغاندىن كېيىن ئېلان قىلىنىدۇ. ئوقۇرمەنلەرنىڭ تورغا يوللىغان پىكىر - بايانلىرى ئۆزىگە خاس بولۇپ، ئەركىن ئاسىيا رادىئوسىغا ۋەكىللىك قىلالمايدۇ.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز