ﻫﻪﻣﻤﯩﮕﻪ ﻣﻪﻟﯘﻡ ﺑﻮﻟﻐﯩﻨﯩﺪﻩﻙ، ﺷﺎﯞﮔﯜﺋﻪﻧﺪﻩ ﺋﯩﺮﻗﯩﭽﻰ ﺧﯩﺘﺎﻳﻼﺭﻧﯩﯔ ﻗﺎﻧﻠﯩﻖ ﻫﯘﺟﯘﻣﯩﻐﺎ ﺋﯘﭼﺮﯨﻐﺎﻥ ﺋﯘﻳﻐﯘﺭﻻﺭﻧﯩﯔ ﻫﻪﻣﻤﯩﺴﯩﻼ ﻗﻪﺷﻘﻪﺭ ﯞﯨﻼﻳﯩﺘﯩﮕﻪ ﻗﺎﺭﺍﺷﻠﯩﻖ ﺗﻮﻗﻘﯘﺯﺍﻕ ﻧﺎﻫﯩﻴﯩﺴﯩﺪﯨﻦ ﻣﻪﺟﺒﯘﺭﯨﻲ ﺋﯩﺸﻠﻪﻣﭽﯩﻠﯩﻜﻜﻪ ﻳﯚﺗﻜﻪﭖ ﻛﯩﻠﯩﻨﮕﻪﻥ ﻳﺎﺵ ﺩﯦﻬﻘﺎﻧﻼﺭ ﺋﯩﺪﻯ.

ﻣﻪﺳﯩﻠﻪﻥ، " ﺷﯩﻨﺠﺎﯓ ﮔﯧﺰﯨﺘﻰ " ﻧﯩﯔ 10 - ﺋﺎﻳﻨﯩﯔ 21 - ﻛﯜﻧﻰ ﯞﻩ 11 - ﺋﺎﻳﻨﯩﯔ 6 - ﻛﯜﻧﻠﯩﺮﯨﺪﯨﻜﻰ ﺳﺎﻧﻠﯩﺮﯨﺪﺍ، ﺗﻮﻗﻘﯘﺯﺍﻕ ﻧﺎﻫﯩﻴﯩﺴﯩﺪﯨﻦ ﺧﯩﺘﺎﻳﻨﯩﯔ ﺗﻴﻪﻧﺠﯩﻦ ﺷﻪﻫﯩﺮﯨﮕﻪ ﺋﯩﺸﻠﻪﻣﭽﯩﻠﯩﻜﻜﻪ ﺑﺎﺭﻏﺎﻥ ﯞﻩ ﺑﯘ ﺟﻪﺭﻳﺎﻧﺪﺍ " ﻣﻪﻣﻠﯩﻜﻪﺗﻠﯩﻚ ﺋﻪﻣﮕﻪﻙ ﻧﻪﻣﯘﻧﯩﭽﯩﺴﻰ " ﺑﻮﻟﯘﭖ ﺳﺎﻳﻼﻧﻐﺎﻥ ﺋﺎﺳﯩﻤﮕﯜﻝ ﺋﺎﺑﺪﯗﻛﯧﺮﯨﻢ ﺋﯩﺴﯩﻤﻠﯩﻚ ﺑﯩﺮ ﺩﯦﻬﻘﺎﻥ ﻗﯩﺰﯨﻨﯩﯔ ﻫﺎﻳﺎﺕ ﻛﻪﭼﯜﺭﻣﯩﺸﻠﯩﺮﻯ ﺋﺎﻻﻫﯩﺪﻩ ﺗﻮﻧﯘﺷﺘﯘﺭﯗﻟﻐﺎﻥ ﺑﻮﻟﯘﭖ، ﻣﻪﺯﻛﯘﺭ ﺧﻪﯞﻩﺭﻟﻪﺭﺩﻩ ﻛﯚﺭﺳﯩﺘﯩﻠﯩﺸﯩﭽﻪ، ﻳﯧﻘﯩﻨﻘﻰ ﻣﻪﺯﮔﯩﻠﻠﻪﺭﺩﯨﻦ ﺑﯘﻳﺎﻥ ﻫﯚﻛﯜﻣﻪﺕ ﺗﺎﺭﻣﺎﻗﻠﯩﺮﻯ ﺑﯘ ﺑﯩﭽﺎﺭﻩ ﻗﯩﺰﻧﻰ ﺋﺎﻟﺪﯨﻐﺎ ﺳﯧﻠﯩﯟﯦﻠﯩﭗ، ﻳﯧﺰﯨﻤﯘ - ﻳﯧﺰﺍ ﭼﯚﮔﯩﻠﯩﺘﯩﭗ ﺋﯘﻳﻐﯘﺭ ﺩﯦﻬﻘﺎﻧﻠﯩﺮﯨﻐﺎ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺑﯧﺮﯨﭗ ﺋﯩﺸﻠﻪﺷﻨﯩﯔ " ﺋﻪﻫﻤﯩﻴﯩﺘﻰ " ﯞﻩ " ﭘﺎﻳﺪﯨﺴﻰ " ﻫﻪﻗﻘﯩﺪﻩ ﺷﯘﻧﺪﺍﻗﻼ ﺷﺎﯞﮔﯜﺋﻪﻥ ﯞﻩ ﺋﯜﺭﯛﻣﭽﻰ ﯞﻩﻗﻪﻟﯩﺮﯨﻨﯩﯔ "ﻫﻪﻗﯩﻘﯩﻲ ﻣﺎﻫﯩﻴﯩﺘﻰ" ﺗﻮﻏﺮﯨﺴﯩﺪﺍ ﺩﻭﻛﻼﺕ ﺑﻪﺭﮔﯜﺯﯛﺷﻜﻪ ﺑﺎﺷﻠﯩﻐﺎﻥ.

ﺧﯩﺘﺎﻳﻨﯩﯔ ﺋﺎﺳﯩﻤﮕﯜﻝ ﻫﻪﻗﻘﯩﺪﯨﻜﻰ ﺗﻪﺷﯟﯨﻘﺎﺗﯩﻨﯩﯔ ﻳﯧﺘﻪﻛﭽﻰ ﺋﯩﺪﯨﻴﯩﺴﻰ ﺑﻮﻟﺴﺎ، ﺋﺎﺗﺎﻟﻤﯩﺶ " ﻣﯩﻠﻠﯩﻲ ﺑﯚﻟﮕﯜﻧﭽﯩﻠﻪﺭ " ﻧﯩﯔ ﻗﺎﻧﺪﺍﻕ ﻗﯩﻠﯩﭗ ﺷﺎﯞﮔﯜﺋﻪﻥ ﯞﻩﻗﻪﺳﯩﻨﯩﯔ ﺧﺎﺭﺍﻛﺘﯧﺮﯨﻨﻰ ﺑﯘﺭﻣﯩﻼﭖ، 5 - ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﯩﻨﯩﯔ ﻛﯩﻠﯩﭗ ﭼﯩﻘﯩﺸﯩﻐﺎ ﺳﻪﯞﻩﺑﭽﻰ ﺑﻮﻟﻐﺎﻧﻠﯩﻘﻰ ﺋﯩﺪﻯ.

ﺩﯦﻤﻪﻙ، ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﯨﻨﯩﯔ ﺑﯘ ﻫﻪﻗﺘﻪ ﻳﯜﺭﮔﯜﺯﮔﻪﻥ ﺗﻪﺷﯟﯨﻘﺎﺕ ﻫﻪﺭﯨﻜﯩﺘﯩﻨﯩﯔ ﺗﯜﭖ ﻣﻪﻗﺴﯩﺘﻰ، ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ ﺋﯘﻳﻐﯘﺭ ﻗﯩﺰ - ﻳﯩﮕﯩﺘﻠﯩﺮﯨﻨﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﻣﻪﺟﺒﯘﺭﯨﻲ ﺋﯩﺸﻠﻪﻣﭽﯩﻠﯩﻜﻜﻪ ﺋﻪﯞﻩﺗﯩﺶ ﺳﯩﻴﺎﺳﯩﺘﯩﻨﯩﯔ ﺋﻪﺳﻠﻰ ﻣﺎﻫﯩﻴﯩﺘﯩﻨﻰ ﻳﻮﺷﯘﺭﯗﺵ ﯞﻩ ﺩﯗﻧﻴﺎﺩﺍ ﺯﻭﺭ ﺳﯩﻴﺎﺳﻰ ﺗﻪﺳﯩﺮ ﭘﻪﻳﺪﺍ ﻗﯩﻠﻐﺎﻥ ﺷﺎﯞﮔﯜﺋﻪﻥ ﯞﻩﻗﻪﺳﯩﻨﻰ، ﺗﯩﻠﻐﺎ ﺋﯧﻠﯩﺸﻘﯩﻤﯘ ﺋﻪﺭﺯﯨﻤﻪﻳﺪﯨﻐﺎﻥ ﺋﺎﺩﻩﺗﺘﯩﻜﻰ ﺑﯩﺮ ﺋﯩﺠﺘﯩﻤﺎﺋﻰ ﻫﺎﺩﯨﺴﻪ ﻗﯩﻠﯩﭗ ﻛﯚﺭﺳﯩﺘﯩﭗ، ﺷﺎﯞﮔﯜﺋﻪﻧﺪﯨﻦ ﺋﯜﺭﯛﻣﭽﯩﮕﻪ ﺳﻮﺯﯗﻟﻐﺎﻥ ﺋﯩﺮﻗﯩﻲ ﻫﯘﺟﯘﻡ ﯞﻩ ﺋﯩﺮﻗﯩﻲ ﻗﯩﺮﻏﯩﻨﭽﯩﻠﯩﻘﻨﯩﯔ ﺟﺎﯞﺍﺑﻜﺎﺭﻟﯩﻘﯩﻨﻰ ﺋﺎﺗﺎﻟﻤﯩﺶ " 3 ﺧﯩﻞ ﻛﯜﭼﻠﻪﺭ " ﺩﻩﭖ ﺋﺎﺗﺎﻟﻐﺎﻥ ﺑﯩﮕﯘﻧﺎﻫ ﺋﯘﻳﻐﯘﺭﻻﺭﻧﯩﯔ ﮔﻪﺩﯨﻨﯩﮕﻪ ﺋﺎﺭﺗﯩﺸﺘﯩﻦ ﺋﯩﺒﺎﺭﻩﺕ ﺋﯩﺪﻯ.

ﺧﯩﺘﺎﻱ ﻫﺎﻛﯩﻤﯩﻴﯩﺘﻰ ﺗﻪﺭﯨﭙﯩﺪﯨﻦ ﺋﯜﻟﮕﻪ ﻗﯩﻠﯩﭗ ﺗﯩﻜﻠﻪﭖ ﭼﯩﻘﯩﻠﻐﺎﻥ ﺋﺎﺳﯩﻤﮕﯜﻝ ﺋﯩﺴﯩﻤﻠﯩﻚ ﺑﯘ ﺋﯘﻳﻐﯘﺭ ﻗﯩﺰﯨﻤﯘ ﺋﻪﺳﻠﯩﺪﻩ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ ﺋﺎﺩﺍﻟﻪﺗﺴﯩﺰ ﺳﯩﻴﺎﺳﯩﺘﯩﻨﯩﯔ ﺗﯩﭙﯩﻚ ﻗﯘﺭﺑﺎﻧﻠﯩﺮﯨﻨﯩﯔ ﺑﯩﺮﻯ ﺑﻮﻟﯘﭖ، ﺋﯘﻧﯩﯔ ﻛﻪﭼﯜﺭﻣﯩﺸﻠﯩﺮﻯ، ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﻣﻪﺟﺒﯘﺭﯨﻲ ﺋﯩﺸﻠﻪﻣﭽﯩﻠﯩﻜﻜﻪ ﺋﻪﯞﻩﺗﯩﻠﯩﯟﺍﺗﻘﺎﻥ ﻳﯜﺯﻣﯩﯖﻠﯩﻐﺎﻥ ﺋﯘﻳﻐﯘﺭ ﻗﯩﺰﯨﻨﯩﯔ ﺋﯧﭽﯩﻨﯩﺸﻠﯩﻖ ﺗﻪﻗﺪﯨﺮﯨﻨﻰ ﻳﻮﺭﯗﺗﯘﭖ ﺑﻪﺭﮔﻪﻥ ﺋﯩﺪﻯ.

ﻣﻪﺳﯩﻠﻪﻥ، " ﺷﯩﻨﺠﺎﯓ ﮔﯧﺰﯨﺘﻰ " ﻧﯩﯔ 11 - ﺋﺎﻳﻨﯩﯔ 6 - ﻛﯜﻧﯩﺪﯨﻜﻰ ﺳﺎﻧﯩﺪﺍ ﺋﯧﻼﻥ ﻗﯩﻠﯩﻨﻐﺎﻥ، " ﺋﺎﺳﯩﻤﮕﯜﻟﻨﯩﯔ ﺷﺎﻧﻠﯩﻖ ﻫﺎﻳﺎﺗﻰ " ﺩﯨﮕﻪﻥ ﻣﺎﯞﺯﯗﺩﯨﻜﻰ ﺯﯨﻴﺎﺭﻩﺕ ﺧﺎﺗﯩﺮﯨﺴﯩﺪﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺋﺎﺳﯩﻤﮕﯜﻝ ﺋﺎﺑﺪﯗﻛﯧﺮﯨﻢ ﺋﻪﺳﻠﯩﺪﻩ ﺗﻮﻗﻘﯘﺯﺍﻕ ﻧﺎﻫﯩﻴﯩﺴﯩﻨﯩﯔ ﺋﻮﭘﺎﻝ ﻳﯧﺰﯨﺴﯩﺪﯨﻦ ﺑﻮﻟﯘﭖ، 2006 - ﻳﯩﻠﻰ ﺋﺎﺳﯩﻤﮕﯜﻝ ﺗﻮﻟﯘﻕ ﺋﻮﺗﺘﯘﺭﺍ ﻣﻪﻛﺘﻪﭘﻨﻰ ﺋﺎﻟﯩﻲ ﻧﻪﺗﯩﺠﻪ ﺑﯩﻠﻪﻥ ﭘﯜﺗﺘﯜﺭﮔﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﺎﺗﺎ - ﺋﺎﻧﯩﺴﻰ ﻛﯩﺴﻪﻟﭽﺎﻥ، ﺋﺎﺋﯩﻠﯩﺴﻰ ﺋﯩﻨﺘﺎﻳﯩﻦ ﻧﺎﻣﺮﺍﺕ، ﺋﯘﻛﯩﻠﯩﺮﻯ ﻛﯩﭽﯩﻚ ﺑﻮﻟﻐﯩﻨﻰ ﺋﯜﭼﯜﻥ، ﺋﺎﻟﯩﻲ ﻣﻪﻛﺘﻪﭘﻜﻪ ﺋﯧﻤﺘﯩﻬﺎﻥ ﺑﯧﺮﯨﺸﺘﯩﻦ ﯞﺍﺯ ﻛﯧﭽﯩﭗ، ﺋﺎﺋﯩﻠﯩﺴﯩﮕﻪ ﻗﺎﻳﺘﯩﭗ ﺩﯦﻬﻘﺎﻧﭽﯩﻠﯩﻖ ﻗﯩﻠﯩﺸﻘﺎ ﻣﻪﺟﺒﯘﺭ ﺑﻮﻟﻐﺎﻥ، ﺋﻪﻣﺪﯨﻼ 17 ﻳﺎﺷﻘﺎ ﻛﯩﺮﮔﻪﻥ ﺋﺎﺳﯩﻤﮕﯜﻝ، ﻛﯚﺗﯩﺮﻩ ﺋﺎﻟﻐﺎﻥ ﻳﯩﺮﯨﺪﯨﻦ ﻗﯩﻠﻐﺎﻥ ﺋﺎﺯﻏﯩﻨﻪ ﻛﯩﺮﯨﻤﻰ ﺑﯩﻠﻪﻥ ﻫﻪﻡ ﺋﺎﺋﯩﻠﯩﺴﯩﻨﯩﯔ ﺗﯘﺭﻣﯘﺷﯩﻨﻰ ﻗﺎﻣﺪﺍﺷﻘﺎ ﻫﻪﻡ 3 ﻧﻪﭘﻪﺭ ﺋﯘﻛﯩﺴﯩﻨﻰ ﺋﻮﻗﯘﺗﯘﺷﻘﺎ ﺗﯩﺮﯨﺸﻘﺎﻥ.

ﻣﺎﻧﺎ ﺷﯘﻧﺪﺍﻕ ﺑﯩﺮ ﭘﻪﻳﺘﺘﻪ، ﻳﯧﺰﯨﻠﯩﻖ ﻫﯚﻛﯜﻣﻪﺗﺘﯩﻦ، ﺗﻮﻟﯘﻕ ﺋﻮﺗﺘﯘﺭﯨﻨﻰ ﭘﯜﺗﺘﯜﺭﮔﻪﻥ ﺩﯦﻬﻘﺎﻥ ﻗﯩﺰﻟﯩﺮﯨﻨﻰ ﺗﻴﻪﻧﺠﯩﻦ ﺷﻪﻫﯩﺮﯨﮕﻪ ﺋﯩﺸﻠﻪﻣﭽﯩﻠﯩﻜﻜﻪ ﺋﻪﯞﻩﺗﯩﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﺋﯘﻗﺘﯘﺭﯗﺵ ﻛﻪﻟﮕﻪﻥ، ﺋﯚﺯﯨﻨﯩﯔ ﺑﺎﻳﻠﯩﻘﻘﺎ ﺗﻮﻟﻐﺎﻥ ﻳﯘﺭﺕ - ﻣﺎﻛﺎﻧﯩﺪﺍ ﻫﻪﻡ ﺋﻮﻗﯘﺷﺴﯩﺰ ﻫﻪﻡ ﺋﺎﺋﯩﻠﻪ ﺑﻮﻳﯩﭽﻪ ﺋﺎﭺ - ﻳﺎﻟﯩﯖﺎﭺ ﻗﺎﻟﻐﺎﻥ ﺋﺎﺳﯩﻤﮕﯜﻝ، ﻫﯚﻛﯜﻣﻪﺕ ﺗﻪﺭﯨﭙﯩﺪﯨﻦ، " ﻫﺎﻳﺎﺕ ﻗﯧﻠﯩﺸﻨﯩﯔ ﺑﯩﺮﺩﯨﻦ - ﺑﯩﺮ ﭼﯩﻘﯩﺶ ﻳﻮﻟﻰ " ﺩﻩﭖ ﻛﯚﺭﺳﯩﺘﯩﻠﮕﻪﻥ ﺑﯘ ﻳﻮﻟﻨﻰ ﺳﯩﻨﺎﭖ ﺑﯧﻘﯩﺶ ﻗﺎﺭﺍﺭﯨﻐﺎ ﻛﻪﻟﮕﻪﻥ ﯞﻩ ﺗﻴﻪﻧﺠﯩﻨﮕﻪ ﺑﯧﺮﯨﭗ ﺋﯩﺸﻠﻪﺵ ﺋﯜﭼﯜﻥ ﺋﯚﺯﯨﻨﻰ ﺗﯩﺰﯨﻤﻼﺗﻘﺎﻥ.

ﺋﻪﻣﻤﺎ، ﺋﺎﺳﯩﻠﮕﯜﻟﻨﯩﯔ ﺋﺎﺗﺎ - ﺋﺎﻧﯩﺴﻰ ﺋﯘﻧﯩﯔ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺑﯧﺮﯨﺸﯩﻐﺎ ﺷﯩﺪﺩﻩﺕ ﺑﯩﻠﻪﻥ ﻗﺎﺭﺷﻰ ﭼﯩﻘﻘﺎﻥ، ﻟﯩﻜﯩﻦ ﻳﯧﺰﺍ ﻛﺎﺩﯨﺮﻟﯩﺮﻯ ﺋﯘﻧﯩﯔ ﺋﺎﺋﯩﻠﯩﺴﯩﮕﻪ ﻛﯚﭖ ﻗﯧﺘﯩﻢ ﻛﯧﻠﯩﭗ، ﺋﺎﺗﺎ - ﺋﺎﻧﯩﺴﯩﻐﺎ ﻗﺎﻳﺘﺎ - ﻗﺎﻳﺘﺎ " ﺋﯩﺪﯨﻴﯩﯟﯨﻲ ﺧﯩﺰﻣﻪﺕ " ﺋﯩﺸﻠﻪﺵ ﺋﺎﺭﻗﯩﻠﯩﻖ ﺋﺎﺧﯩﺮﻯ ﺋﯘﻻﺭﻧﻰ ﻗﺎﻳﯩﻞ ﻗﯩﻠﻐﺎﻥ.

ﺑﯘﻳﻪﺭﺩﻩ ﺗﯩﻠﻐﺎ ﺋﯧﻠﯩﻨﻐﺎﻥ ﺋﺎﺗﺎﻟﻤﯩﺶ " ﺋﯩﺪﯨﻴﯩﯟﯨﻲ ﺧﯩﺰﻣﻪﺕ " ﺑﻮﻟﺴﺎ، ﺋﻪﻣﻪﻟﯩﻴﻪﺗﺘﻪ ﺳﯩﻴﺎﺳﻰ ﯞﻩ ﺋﯩﻘﺘﯩﺴﺎﺩﻯ ﺟﻪﻫﻪﺗﺘﯩﻜﻰ ﺑﯧﺴﯩﻢ ﯞﻩ ﺗﻪﻫﺪﯨﺘﻠﻪﺭﺩﯨﻦ ﺋﯩﺒﺎﺭﻩﺕ ﺑﻮﻟﯘﭖ، ﺧﯩﺘﺎﻱ ﺋﯚﻟﯩﻜﯩﻠﯩﺮﯨﮕﻪ ﻗﯩﺰﻟﯩﺮﯨﻨﻰ ﺋﻪﯞﻩﺗﯩﺸﻨﻰ ﺭﻩﺕ ﻗﯩﻠﻐﺎﻥ ﺋﺎﺋﯩﻠﯩﻠﻪﺭﻧﯩﯔ ﻫﯚﻛﯜﻣﻪﺕ ﺋﻮﺭﮔﺎﻧﻠﯩﺮﻯ ﺗﻪﺭﯨﭙﯩﺪﯨﻦ " ﺗﯧﺮﯨﻠﻐﯘ ﻳﯧﺮﯨﯖﻨﻰ ﺗﺎﺭﺗﯩﯟﺍﻟﯩﻤﯩﺰ، ﻗﻮﺭﻭ - ﺟﺎﻳﻠﯩﺮﯨﯖﻨﻰ ﻣﯘﺳﺎﺩﯨﺮﻩ ﻗﯩﻠﯩﻤﯩﺰ، ﺋﯩﻘﺘﯩﺴﺎﺩﻯ ﺟﻪﻫﻪﺗﺘﯩﻦ ﺟﻪﺭﯨﻤﺎﻧﻪ ﻗﻮﻳﯩﻤﯩﺰ " ﺩﯦﮕﻪﻧﺪﻩﻙ ﺳﯚﺯﻟﻪﺭ ﺑﯩﻠﻪﻥ ﺗﻪﻫﺪﯨﺖ ﻗﯩﻠﯩﭗ ﻛﯩﻠﯩﯟﺍﺗﻘﺎﻧﻠﯩﻘﻰ ﻫﻪﻣﻤﯩﮕﻪ ﺋﺎﻳﺎﻥ ﺑﻮﻟﯘﭖ ﻛﻪﻟﻤﻪﻛﺘﻪ.

ﻧﻪﺗﯩﺠﯩﺪﻩ، 18 ﻳﺎﺷﻠﯩﻖ ﺋﺎﺳﯩﻤﮕﯜﻝ، 2007 - ﻳﯩﻠﻰ 1 - ﺋﺎﻳﺪﺍ ﺳﯚﻳﯜﻣﻠﯜﻙ ﻳﯘﺭﺗﻰ ﯞﻩ ﻣﯧﻬﺮﯨﺒﺎﻥ ﺋﺎﺗﺎ - ﺋﺎﻧﺎ، ﺋﯘﻛﺎ - ﺳﯩﯖﯩﻠﻠﯩﺮﯨﺪﯨﻦ ﺋﺎﻳﺮﯨﻠﯩﭗ، ﺗﻮﻗﻘﯘﺯﺍﻗﺘﯩﻦ ﺗﻮﭘﻼﻧﻐﺎﻥ 260 ﻧﻪﭘﻪﺭ ﺋﯘﻳﻐﯘﺭ ﻗﯩﺰﻯ ﺑﯩﻠﻪﻥ ﺑﯩﺮﮔﻪ ﺧﯩﺘﺎﻳﻨﯩﯔ ﺗﻴﻪﻧﺠﯩﻦ ﺷﻪﻫﯩﺮﯨﺪﯨﻜﻰ ﺑﯩﺮ ﭘﻪﻟﻪﻱ ﺯﺍﯞﯗﺗﯩﻐﺎ ﺋﯩﺸﻠﻪﻣﭽﯩﻠﯩﻜﻜﻪ ﺑﺎﺭﻏﺎﻥ.

" ﺷﯩﻨﺠﺎﯓ ﮔﯧﺰﯨﺘﻰ " ﯞﻩ " ﺷﯩﻨﺨﯘﺋﺎ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﻰ " ﻧﯩﯔ ﺗﻮﺭ ﺳﻪﻫﯩﭙﯩﺴﯩﺪﻩ ﺋﯧﻼﻥ ﻗﯩﻠﯩﻨﻐﺎﻥ ﺯﯨﻴﺎﺭﻩﺕ ﺧﺎﺗﯩﺮﯨﺴﯩﺪﻩ، ﺋﺎﺳﯩﻤﮕﯜﻝ ﻗﺎﺗﺎﺭﻟﯩﻖ 260 ﻧﻪﭘﻪﺭ ﺋﯘﻳﻐﯘﺭ ﻗﯩﺰﯨﻨﯩﯔ ﺗﻴﻪﻧﺠﯩﻦ ﺷﻪﻫﯩﺮﯨﺪﯨﻜﻰ ﭘﻪﻟﻪﻱ ﺯﺍﯞﯗﺗﯩﻐﺎ ﺑﺎﺭﻏﺎﻧﺪﯨﻦ ﻛﯧﻴﯩﻨﻜﻰ ﺭﻭﻫﻰ - ﻫﺎﻟﯩﺘﻰ ﻫﻪﻗﻘﯩﺪﻩ ﺋﻪﻳﻨﻪﻥ ﻣﯘﻧﺪﺍﻕ ﺗﻪﺳﯟﯨﺮﻟﻪﻧﮕﻪﻥ : "ﺋﯘﻻﺭ ﺗﯘﻧﺠﻰ ﻗﯧﺘﯩﻢ ﺋﺎﺗﺎ - ﺋﺎﻧﯩﺴﯩﺪﯨﻦ ﺋﺎﻳﺮﯨﻠﯩﭗ ﻳﯩﺮﺍﻕ ﺳﻪﭘﻪﺭﮔﻪ ﭼﯩﻘﻘﺎﻧﻠﯩﻘﻰ ﯞﻩ ﭘﯜﺗﯜﻧﻠﻪﻱ ﻧﺎﺗﻮﻧﯘﺵ ﺑﯩﺮ ﺩﯗﻧﻴﺎﻏﺎ ﻛﯧﻠﯩﭗ ﻗﺎﻟﻐﯩﻨﻰ ﺋﯜﭼﯜﻥ، ﺩﯨﻠﻰ ﺳﯘﻧﯘﻕ، ﺭﻭﻫﻰ ﭼﯜﺷﻜﯜﻥ ﺋﯩﺪﻯ، ﺋﺎﺗﺎ - ﺋﺎﻧﯩﺴﯩﻨﻰ ﺳﯧﻐﯩﻨﺎﺗﺘﻰ، ﺗﯘﺭﻣﯘﺷﻘﺎ ﻛﯚﻧﻪﻟﻤﻪﻳﺘﺘﻰ، ﺋﯘﻧﯩﯔ ﺋﯜﺳﺘﯩﮕﻪ ﺧﯩﺰﻣﻪﺕ ﺋﻮﺭﻧﯩﺪﺍ ﺑﯩﻠﻤﻪﻳﺪﯨﻐﺎﻥ ﻧﻪﺭﺳﯩﻠﯩﺮﻯ ﻛﯚﭖ ﺋﯩﺪﻯ، ﺑﯩﺮ ﻛﯜﻧﻰ ﻳﯧﺮﯨﻢ ﻛﯧﭽﯩﺪﻩ، ﻳﯘﺭﺗﯩﻨﻰ ﺳﯧﻐﯩﻨﻐﺎﻥ ﺑﯩﺮ ﻗﯩﺰ ﻳﯩﻐﻠﯩﯟﯨﺪﻯ، ﺋﯘﻧﯩﯖﻐﺎ ﺋﻪﮔﯩﺸﯩﭗ ﭘﯜﺗﯜﻥ ﻳﺎﺗﺎﻗﺘﯩﻜﻰ ﻗﯩﺰﻻﺭﻣﯘ ﻫﯚﻛﯜﺭﻩﭖ ﻳﯩﻐﻼﺷﻘﺎ ﺑﺎﺷﻠﯩﺪﻯ، ﺑﯘ ﭼﺎﻏﺪﺍ ﺋﺎﺳﯩﻤﮕﯜﻝ ﻳﯩﻐﻼﺷﺘﯩﻦ ﺋﯚﺯﯨﻨﻰ ﺗﯘﺗﯩﯟﯦﻠﯩﭗ 'ﺑﯩﺰ ﻫﻪﻣﻤﯩﻤﯩﺰ ﺗﻮﻗﻘﯘﺯﺍﻗﺘﯩﻦ، ﻳﯧﺰﯨﺪﯨﻦ ﻛﻪﻟﺪﯗﻕ، ﻗﯩﻴﯩﻨﭽﯩﻠﯩﻘﺘﯩﻦ ﻗﻮﺭﻗﯘﭖ ﻗﺎﻟﻤﺎﺳﻠﯩﻘﯩﻤﯩﺰ، ﻳﯘﺭﺗﯩﻤﯩﺰﺩﯨﻜﯩﻠﻪﺭﻧﯩﯔ ﻳﯜﺯﯨﻨﻰ ﺗﯚﻛﯜﭖ ﻗﻮﻳﻤﺎﺳﻠﯩﻘﯩﻤﯩﺰ ﻻﺯﯨﻢ' ﺩﻩﭖ ﻧﻪﺳﯩﻬﻪﺕ ﻗﯩﻠﺪﻯ."

ﻫﯚﺭﻣﻪﺗﻠﯩﻚ ﺋﻮﻗﯘﺭﻣﻪﻧﻠﻪﺭ، ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﯨﺪﺍ ﻳﻪﺭ ﺋﺎﻟﻐﺎﻥ ﻳﯘﻗﯩﺮﯨﻘﻰ ﺗﻪﺳﯟﯨﺮﻟﻪﺭ، ﺋﻪﻣﻪﻟﯩﻴﻪﺗﺘﻪ ﺑﻮﻟﺴﺎ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﻣﻪﺟﺒﯘﺭﯨﻲ ﺋﯩﺸﻠﻪﻣﭽﯩﻠﯩﻜﻜﻪ ﺋﻪﯞﻩﺗﯩﻠﮕﻪﻥ ﭘﯜﺗﯜﻥ ﺋﯘﻳﻐﯘﺭ ﻗﯩﺰﻟﯩﺮﻯ ﺩﯗﭺ ﻛﯧﻠﯩﯟﺍﺗﻘﺎﻥ ﺋﯧﭽﯩﻨﯩﺸﻠﯩﻖ ﺗﻪﻗﺪﯨﺮﻧﯩﯔ ﺟﺎﻧﻠﯩﻖ ﺑﯩﺮ ﺋﯩﺴﭙﺎﺗﻰ ﺋﯩﺪﻯ. " ﺷﯩﻨﺠﺎﯓ ﮔﯧﺰﯨﺘﻰ " ﺩﯨﻜﻰ ﻣﺎﻗﺎﻟﯩﺪﻩ ﻛﯚﺭﺳﯩﺘﯩﻠﯩﺸﯩﭽﻪ، ﺋﺎﺳﯩﻤﮕﯜﻝ ﺑﺎﺷﭽﯩﻠﯩﻘﯩﺪﯨﻜﻰ ﺗﻮﻗﻘﯘﺯﺍﻗﻠﯩﻖ ﺋﯘﻳﻐﯘﺭ ﻗﯩﺰﻟﯩﺮﻯ ﻛﯧﭽﻪ - ﻛﯜﻧﺪﯛﺯ ﺟﺎﭘﺎﻟﯩﻖ ﺋﯩﺸﻠﻪﭖ، ﺯﺍﯞﯗﺗﻨﯩﯔ ﺋﯩﻘﺘﯩﺴﺎﺩﻯ ﻛﯩﺮﯨﻤﯩﻨﯩﯔ ﺋﯧﺸﯩﺸﯩﻐﺎ ﺯﻭﺭ ﻫﻪﺳﺴﻪ ﻗﻮﺷﻘﺎﻥ.

ﺗﻴﻪﻧﺠﯩﻨﺪﯨﻜﻰ ﭘﻪﻟﻪﻱ ﺯﺍﯞﯗﺗﯩﻨﯩﯔ ﻣﻪﺳﺌﯘﻟﻠﯩﺮﯨﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺋﯘﻳﻐﯘﺭ ﻗﯩﺰﻟﯩﺮﯨﻨﯩﯔ ﺟﺎﭘﺎﻟﯩﻖ ﺋﻪﻣﮕﯩﻜﻰ ﻧﻪﺗﯩﺠﯩﺴﯩﺪﻩ ﺷﯘ ﻳﯩﻠﻰ ﺯﺍﯞﯗﺕ 120 ﻣﯩﻠﻴﻮﻥ ﻳﯘﺋﻪﻥ ﻛﯩﺮﯨﻢ ﻗﯩﻠﻐﺎﻥ.

ﺯﺍﯞﯗﺕ ﺑﯩﻠﻪﻥ ﻗﯩﻠﻐﺎﻥ ﺗﻮﺧﺘﺎﻡ ﻣﯘﺩﺩﯨﺘﻰ ﺗﻮﺷﻘﺎﻥ ﺋﺎﺳﯩﻤﮕﯜﻝ، 5 - ﺋﯩﻴﯘﻝ ﺋﯜﺭﯛﻣﭽﻰ ﻗﯩﺮﻏﯩﻨﭽﯩﻠﯩﻘﯩﺪﯨﻦ ﻛﯧﻴﯩﻨﻼ ﻳﯘﺭﺗﯩﻐﺎ ﻗﺎﻳﺘﯩﭗ ﻛﻪﻟﮕﻪﻥ، ﺋﻪﻣﻤﺎ ﺧﯩﺘﺎﻱ ﻫﯚﻛﯜﻣﯩﺘﻰ ﻳﻪﻧﯩﻼ ﺋﯘﻧﯩﯔ ﻳﺎﻗﯩﺴﯩﻨﻰ ﻗﻮﻳﯘﭖ ﺑﻪﺭﻣﯩﮕﻪﻥ، ﺋﯘﻧﯩﯔ ﻣﻪﻳﺪﯨﺴﯩﮕﻪ، "1 - ﻣﺎﻱ ﺋﻪﻣﮕﻪﻙ ﻣﯧﺪﺍﻟﻰ " ﻧﻰ ﺗﺎﻗﺎﭖ، ﺋﯘﻧﻰ ﭘﯜﺗﯜﻥ ﻧﺎﻫﯩﻴﯩﻨﻰ ﺋﺎﻳﻠﯩﻨﯩﭗ ﻳﯜﺭﯛﭖ، ﻳﯘﻗﯩﺮﯨﺪﺍ ﺗﯩﻠﻐﺎ ﺋﯧﻠﯩﭗ ﺋﯚﺗﻜﻪﻥ ﻣﻪﺯﻣﻮﻧﻼﺭﺩﺍ ﺋﯘﻳﻐﯘﺭ ﺩﯦﻬﻘﺎﻧﻠﯩﺮﯨﻐﺎ ﺗﻪﺷﯟﯨﻘﺎﺕ ﺋﯧﻠﯩﭗ ﺑﯧﺮﯨﺸﻘﺎ ﺳﺎﻟﻐﺎﻥ.

10 - ﺋﺎﻳﻨﯩﯔ 20 - ﻛﯜﻧﯩﮕﻪ ﻛﻪﻟﮕﻪﻧﺪﻩ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﺎﺳﯩﻤﮕﯜﻟﻨﻰ ﻳﻪﻧﻪ، ﺗﻮﻗﻘﯘﺯﺍﻗﺘﯩﻜﻰ 100 ﮔﻪ ﻳﯧﻘﯩﻦ ﺋﯘﻳﻐﯘﺭ ﻗﯩﺰﯨﻐﺎ ﺑﺎﺵ ﻗﯩﻠﯩﭗ، ﮔﯘﺋﺎﯕﺪﯗﯓ ﺋﯚﻟﻜﯩﺴﯩﺪﯨﻜﻰ ﺑﯩﺮ ﺋﺎﻳﺎﻕ ﺯﺍﯞﯗﺗﯩﻐﺎ ﻗﺎﻳﺘﺎ ﺋﯩﺸﻠﻪﻣﭽﯩﻠﯩﻜﻜﻪ ﻳﻮﻟﻐﺎ ﺳﺎﻟﻐﺎﻥ.

ﻣﺎﻧﺎ ﺑﯘ، ﺧﯩﺘﺎﻱ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ " ﻣﻪﻣﻠﯩﻜﻪﺗﻠﯩﻚ ﺋﻪﻣﮕﻪﻙ ﻧﻪﻣﯘﻧﯩﭽﯩﺴﻰ" ﺩﻩﭖ ﺑﯩﻜﯩﺘﯩﻠﯩﭗ، ﺳﺎﺧﺘﺎ ﺗﻪﺷﯟﯨﻘﺎﺗﻨﯩﯔ ﻗﯘﺭﺑﺎﻧﯩﻐﺎ ﺋﺎﻳﻼﻧﺪﯗﺭﯗﯞﯦﻠﯩﻨﻐﺎﻥ ﺋﺎﺳﯩﻤﮕﯜﻟﻨﯩﯔ ﻫﯩﻜﺎﻳﯩﺴﻰ !

پىكىر - قاراشلىرىڭىزنى ئوتتۇرىغا قويۇڭ

پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر يېزىقىدا يېزىپ يوللاڭ. پىكىر - بايانلىرىڭىز، ئەركىن ئاسىيا رادىئوسى تور بەت ئىشلىتىش بەلگىلىمىلىرى بويىچە تور باشقۇرغۇچىسى تەرىپىدىن تەستىقلانغاندىن كېيىن ئېلان قىلىنىدۇ. ئوقۇرمەنلەرنىڭ تورغا يوللىغان پىكىر - بايانلىرى ئۆزىگە خاس بولۇپ، ئەركىن ئاسىيا رادىئوسىغا ۋەكىللىك قىلالمايدۇ.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز