ﻟﯩﻦ ﺑﺎﯞﺧﯟﺍ ﻳﺎﺯﻣﯩﺴﯩﻨﻰ ﻣﯘﻧﺪﺍﻕ ﺩﺍﯞﺍﻣﻼﺷﺘﯘﺭﺩﻯ: ﺷﺎﯕﮕﺎﯓ ‏، ﺗﻪﻳﯟﻩﻥ ﺋﺎﺧﺒﺎﺭﺍﺗﭽﯩﻠﯩﺮﻯ ﻫﻪﺗﺘﺎ، ﭼﻪﺗﺌﻪﻝ ﺋﺎﺧﺒﺎﺭﺍﺗﭽﯩﻠﯩﺮﯨﻤﯘ 'ﺟﯘﯕﮕﻮﺩﺍ ﻣﻪﺗﺒﯘﺋﺎﺕ ﻗﻮﻳﯘﯞﯦﺘﯩﻠﺪﻯ،' ﺩﯦﻴﯩﺸﺘﻰ. ﺑﯘﻻﺭﻧﯩﯔ ﺋﯩﭽﯩﺪﻩ ﻳﺎﻣﺎﻥ ﻏﻪﺭﻩﺯﻟﯩﻚ ﺋﯘﭼﯘﺭﯗﭖ ﻣﺎﺧﺘﯩﻐﯘﭼﯩﻼﺭﻧﯩﯔ ﺑﺎﺭﻟﯩﻘﯩﻨﻰ ﻫﯧﺴﺎﺑﻘﺎ ﺋﺎﻟﻤﯩﻐﺎﻧﺪﺍ، ﺑﻪﻟﻜﯩﻢ "ﭼﯩﺮﺍﻳﻠﯩﻖ ﺋﯘﻗﯘﺷﻤﺎﺳﻠﯩﻖ " ﺑﻮﻟﯘﺷﻰ ﻣﯘﻣﻜﯩﻦ. 6 ‏ - ﺋﺎﻳﻨﯩﯔ 3‏ - ﻛﯜﻧﻰ ﺳﯩﭽﯜﻩﻧﺪﻩ ﺑﺎﻻ - ﭼﺎﻗﯩﺴﻰ ﺋﯚﻟﮕﻪﻥ ﺋﺎﺋﯩﻠﻪ - ﺗﺎﯞﺍﺑﺎﺗﻠﯩﺮﯨﺪﯨﻦ 150 ﻧﻪﭘﻪﺭ ﻛﯩﺸﻰ ﻣﺎﺗﻪﻣﮕﻪ ﯞﻩ ﺋﻪﺭﺯ - ﺷﯩﻜﺎﻳﻪﺕ ﻗﯩﻠﯩﺸﻘﺎ ﺗﻮﭘﻼﻧﻐﺎﻧﺪﺍ ﺳﺎﻗﭽﯩﻼﺭ ﺗﺎﺭﻗﯩﺘﯩﯟﻩﺗﺘﻰ. ﻳﺎﭘﻮﻧﯩﻴﻪ ﺋﺎﮔﯧﻨﺘﻠﯩﻘﯩﻨﯩﯔ ﺋﯩﻜﻜﻰ ﻧﻪﭘﻪﺭ ﻣﯘﺧﺒﯩﺮﯨﻨﻰ ﺑﯩﺮ ﺳﺎﺋﻪﺕ ﺗﻮﺧﺘﯩﺘﯩﭗ ﻗﻮﻳﺪﻯ. ﺋﺎﻣﯧﺮﯨﻜﺎ ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻨﯩﯔ ﺑﯩﺮ ﻧﻪﭘﻪﺭ ﻣﯘﺧﺒﯩﺮﯨﻨﻰ ﯞﻩ ﺋﯩﻜﻜﻰ ﻧﻪﭘﻪﺭ ﺋﺎﭘﺎﺭﺍﺗﭽﯩﻜﻨﻰ ﺳﯚﺭﻩﭖ ﺳﻮﺕ ﻣﻪﻫﻜﯩﻤﯩﺴﯩﮕﻪ ﺋﯧﻠﯩﭗ ﻛﯩﺮﯨﭗ ﻛﻪﺗﺘﻰ. ﻣﯘﺷﯘ ﻫﻪﺭﯨﻜﻪﺕ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﯩﻨﻰ ﻗﻮﻳﯩﯟﻩﺗﻜﻪﻧﻠﯩﻜﻤﯘ ؟

ﺗﻴﻪﻧﺌﻪﻧﻤﯧﻨﺪﻩ ﻧﻪﻕ ﻣﻪﻳﺪﺍﻧﺪﺍ ﺋﺎﯕﻠﯩﺘﯩﺶ ﯞﻩ ﻛﯚﺭﺳﯩﺘﯩﺶ ﺗﻪﻟﻪﭘﻠﯩﺮﻯ ﭼﻪﻛﻠﻪﻧﺪﻯ

ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻨﻰ ﻧﻪﻕ ﻣﻪﻳﺪﺍﻧﺪﯨﻦ ﺗﺎﺭﻗﺎﺗﻤﺎﻗﭽﻰ ﺑﻮﻟﻐﺎﻥ ﺧﻪﻟﻘﺌﺎﺭﺍﻟﯩﻖ 9 ﺗﯧﻠﯧﯟﯨﺰﯨﻴﻪ ﺋﯩﺴﺘﺎﻧﺴﯩﺴﯩﻨﯩﯔ ﺭﻩﻫﺒﻪﺭﻟﯩﺮﻯ 5‏ - ﺋﺎﻳﻨﯩﯔ 29‏ - ﻛﯜﻧﻰ ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﻰ ﯞﻩ ﺟﯘﯕﮕﻮ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﻰ ﺭﻩﻫﺒﻪﺭﻟﯩﺮﻯ ﺑﯩﻠﻪﻥ ﺑﯩﺮﻟﯩﻜﺘﻪ ﻳﯩﻐﯩﻦ ﺋﺎﭼﻘﺎﻧﺪﺍ، ﺋﺎﺭﯨﺪﺍ ﺗﺎﻻﺵ - ﺗﺎﺭﺗﯩﺶ ﻳﯜﺯ ﺑﯧﺮﯨﭗ، ﺑﯧﻴﺠﯩﯔ ﻳﯘﻗﯩﺮﯨﻘﻰ ﺗﯧﻠﯧﯟﯨﺰﯨﻴﻪ ﺋﯩﺴﺘﺎﻧﺴﯩﺴﻰ ﺭﻩﻫﺒﻪﺭﻟﯩﺮﯨﻨﯩﯔ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻨﻰ ﺗﻴﻪﻧﺌﻪﻧﻤﯧﻨﺪﻩ ﻧﻪﻕ ﻣﻪﻳﺪﺍﻧﺪﺍ ﺋﺎﯕﻠﯩﺘﯩﺶ ﯞﻩ ﻛﯚﺭﺳﯩﺘﯩﺶ ﺗﻪﻟﻪﭘﻠﯩﺮﯨﻨﻰ ﭼﻪﻛﻠﯩﺪﻯ. ﺑﯘﻻﺭﻧﯩﯔ ﺋﺎﭘﺎﺭﺍﺕ - ﻛﺎﻣﯧﺮﺍ ﺋﯜﺳﻜﯜﻧﯩﻠﯩﺮﻯ ﺷﺎﯕﮕﺎﯓ ﺗﺎﻣﻮﮊﻧﯩﺴﯩﺪﺍ ﺗﯘﺗﯘﭖ ﻗﯧﻠﯩﻨﺪﻯ ﺩﻩﭖ ﻛﯚﺭﺳﻪﺗﺘﻰ، ﻟﯩﻦ ﺑﺎﯞﺧﯟﺍ ﺋﻪﭘﻪﻧﺪﻯ. ﺑﯘ ﻳﯩﻞ 3 ‏ - ﺋﺎﻳﺪﺍ ﺗﯩﺒﻪﺗﺘﻪ ﻗﺎﻥ ﺗﯚﻛﯜﻟﮕﻪﻧﺪﯨﻦ ﻛﯧﻴﯩﻦ، ﭼﻪﺗﺌﻪﻝ ﺋﺎﺧﺒﺎﺭﺍﺕ ﺧﺎﺩﯨﻤﻠﯩﺮﯨﻨﻰ ﺗﯩﺒﻪﺗﺘﯩﻦ ﻗﻮﻏﻼﭖ ﭼﯩﻘﯩﺮﯨﺶ ﯞﻩﻗﻪﻟﯩﺮﻯ ﻳﯜﺯ ﺑﯧﺮﯨﭗ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺋﺎﻣﯧﺮﯨﻜﯩﻨﯩﯔ ﺳﯩﻤﻠﯩﻖ ﺗﯧﻠﯧﯟﯨﺰﯨﻴﻪ ﺋﯩﺴﺘﺎﻧﺴﯩﺴﯩﻨﻰ ﺋﺎﺷﻜﺎﺭﺍ ﺗﻪﻧﻘﯩﺪﻟﻪﭖ، ﺋﺎﺭﻗﯩﺪﯨﻨﻼ ﻣﻪﺗﺒﯘﺋﺎﺕ - ﺋﺎﺧﺒﺎﺭﺍﺕ ﺳﺎﻫﻪﺳﻰ ﻛﻮﻧﺘﺮﻭﻟﻠﯘﻗﯩﻨﻰ ﻳﻮﻗﯩﺘﯩﭗ، ﮔﻮﻳﺎ ﻛﻮﻣﻤﯘﻧﯩﺴﺘﻼﺭ ﻫﯚﻛﯜﻣﯩﺘﻰ ﻣﻪﺗﺒﯘﺋﺎﺕ - ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﯩﻨﻰ ﻗﻮﻳﯘﯞﻩﺗﻜﻪﻧﺪﻩﻙ ﺑﯩﻠﯩﻨﯩﭗ ﻛﻪﺗﺘﻰ.

ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ، ‏ - ﺩﻩﭖ ﺩﺍﯞﺍﻣﻼﺷﺘﯘﺭﯨﺪﯗ ﻟﯩﻦ ﺑﺎﯞﺧﯘﯞﺍ ﺋﻪﭘﻪﻧﺪﻯ،‏ - ﺟﯘﯕﮕﻮﻧﯩﯔ ﺳﯩﻨﺰﻭﺭ ﺋﻮﺭﮔﺎﻧﻠﯩﺮﻯ 4‏ - ﺋﺎﻳﻨﯩﯔ ﺋﺎﺧﯩﺮﯨﺪﺍ 1 ﻣﯩﻠﻴﻮﻥ ﻳﯜﻩﻥ ﭘﯘﻝ ﺋﺎﺟﺮﯨﺘﯩﭗ ﻗﺎﺗﺎﺭ 10ﺋﺎﻟﯩﻲ ﻣﻪﻛﺘﻪﭘﻨﯩﯔ ﺋﺎﺧﺒﺎﺭﺍﺕ ﻛﻪﺳﭙﻰ ﻓﺎﻛﻮﻟﺘﯧﺘﻠﯩﺮﯨﻐﺎ ﺗﺎﺭﻗﯩﺘﯩﭗ، ﺗﯩﺒﻪﺗﻜﻪ ﻣﯘﻧﺎﺳﯩﯟﻩﺗﻠﯩﻚ ﻣﺎﻗﺎﻟﻪ ﻳﯧﺰﯨﭗ، ﻏﻪﺭﺑﻨﯩﯔ ﺋﺎﺧﺒﺎﺭﺍﺕ - ﻣﻪﺗﺒﯘﺋﺎﺕ ﺋﻮﺭﮔﺎﻧﻠﯩﺮﯨﻨﻰ ﻗﺎﺗﺘﯩﻖ ﺗﻪﻧﻘﯩﺪ ﻗﯩﻠﯩﺸﻘﺎ ﺗﻪﺷﻜﯩﻠﻠﯩﺪﻯ. 10ﻣﯩﯔ ﺧﻪﺗﻠﯩﻚ ﺑﯩﺮ ﭘﺎﺭﭼﻪ ﻣﺎﻗﺎﻟﻪ ﺋﯜﭼﯜﻥ ﻫﻪﺭ ﺑﯩﺮ ﻣﻪﻛﺘﻪﭘﻜﻪ 100ﻣﯩﯔ ﻳﯜﻩﻧﺪﯨﻦ ﭘﯘﻝ ﺗﺎﺭﻗﺎﺗﻘﺎﻥ ﺑﻮﻟﺴﺎ، ﺋﯘﻧﺪﺍﻗﺘﺎ ﺧﯩﺘﺎﻳﭽﻪ ﺧﻪﺕ ﻫﯧﺴﺎﺑﯩﺪﺍ ﺑﯩﺮ ﺧﻪﺕ 10 ﻳﯜﻩﻧﮕﻪ ﺗﻮﺧﺘﯩﺪﻯ.

ﺋﯘﻳﻐﯘﺭﭼﻪ ﺗﻮﺭ ﺑﻪﺗﻠﯩﺮﻯ ﭘﯜﺗﯜﻧﻠﻪﻱ ﻛﻮﻧﺘﺮﻭﻝ ﻗﯩﻠﯩﻨﺪﻯ

ﻣﯘﺳﺘﻪﻣﻠﯩﻜﻪ ﺋﯘﻳﻐﯘﺭﯨﺴﺘﺎﻧﻐﺎ ﻛﯧﻠﻪﻳﻠﯘﻕ، 60 ﻳﯩﻠﻐﺎ ﻳﯧﻘﯩﻦ ﯞﺍﻗﯩﺖ ﻣﺎﺑﻪﻳﻨﯩﺪﻩ ﺋﯘﻳﻐﯘﺭﻻﺭ ﻣﻪﺗﺒﯘﺋﺎﺕ - ﺋﺎﺧﺒﺎﺭﺍﺕ ﻫﻮﻗﯘﻗﯩﻐﺎ ﺋﯧﺮﯨﺸﯩﭗ ﺑﺎﻗﻘﯩﻨﻰ ﻳﻮﻕ. ﺋﺎﺗﺎﻟﻤﯩﺶ " ﺷﯩﻨﺠﺎﯓ ﮔﯧﺰﯨﺘﻰ " ﺩﯨﻦ ﺗﺎﺭﺗﯩﭗ ﻳﻪﺭﻟﯩﻚ ﮔﯧﺰﯨﺘﻠﻪﺭﮔﯩﭽﻪ ﭘﯜﺗﯜﻧﻠﻪﻱ ﺗﻪﺭﺟﯩﻤﻪ ﮔﯧﺰﯨﺘﯩﮕﻪ ﺋﺎﻳﻠﯩﻨﯩﭗ، ﻳﯧﻘﯩﻨﺪﯨﻦ ﺑﯩﺮﻯ ﺋﯘﻳﻐﯘﺭ ﺗﯩﻠﻠﯩﻖ ﺗﯧﻠﯧﯟﯨﺰﯨﻴﻪ ﺋﯩﺴﺘﺎﻧﺴﯩﻠﯩﺮﯨﺪﺍ ﺑﯩﺮ ﺟﯜﻣﻠﻪ ﺧﯩﺘﺎﻱ ﺗﯩﻠﯩﻐﺎ ﺑﯩﺮ ﺟﯜﻣﻠﻪ ﺋﯘﻳﻐﯘﺭ ﺗﯩﻠﯩﻨﻰ ﻗﻮﺷﯘﭖ ﺳﯚﺯﻟﻪﻳﺪﯨﻐﺎﻥ، ﺋﯘﻳﻐﯘﺭﻏﺎ ﻗﺎﺭﺷﻰ ﺋﯘﻳﻐﯘﺭ ﺗﯩﻠﯩﻨﻰ ﻳﻮﻕ ﻗﯩﻠﯩﺸﻘﺎ ﺑﺎﻏﻠﯩﻖ ﺋﺎﺩﻩﺕ ﻳﯧﺘﯩﻠﯩﺸﻜﻪ ﺑﺎﺷﻠﯩﺪﻯ. ﺋﻪﮔﻪﺭ ﺋﯘﻳﻐﯘﺭ ﺑﻮﻟﺴﯩﯖﯩﺰ ﻧﻮﻣﯘﺳﻨﯩﯔ ﻧﯧﻤﻪ ﺋﯩﻜﻪﻧﻠﯩﻜﯩﻨﻰ ﺋﯘﻧﺘﯘﭖ ﻗﺎﻟﻤﺎﯓ ﺧﺎﻧﯩﻢ، ﺋﯘﻧﺘﯘﭖ ﻗﺎﻟﻤﺎ ﺋﻪﭘﻪﻧﺪﻯ ! ﺋﯘﻳﻐﯘﺭ ﺗﯩﻠﻠﯩﻖ ﺗﻮﺭ ﺑﻪﺗﻠﯩﺮﻯ ﭘﯜﺗﯜﻧﻠﻪﻱ ﻛﻮﻧﺘﺮﻭﻝ ﻗﯩﻠﯩﻨﺪﻯ. ﻏﻪﺭﺑﻜﻪ ﻗﺎﺭﺷﻰ، ﻏﻪﺭﺑﻨﯩﯔ ﺩﯦﻤﻮﻛﺮﺍﺗﯩﻴﻪ، ﻛﯩﺸﯩﻠﯩﻚ ﻫﻮﻗﯘﻕ ﻣﻪﺩﻩﻧﯩﻴﯩﺘﯩﮕﻪ ﻗﺎﺭﺷﻰ ﺗﻪﺷﯟﯨﻘﺎﺕ - ﺗﻪﺭﻏﯩﺒﺎﺕ، ﺋﺎﻳﺮﯨﻢ ﺋﯘﻳﻐﯘﺭ ﺗﻮﺭ ﺑﻪﺗﻠﯩﺮﯨﺪﻩ ﺗﻪﺷﻜﯩﻠﻠﯩﻚ ﺗﺎﺭﻗﯩﺘﯩﻠﯩﺸﻘﺎ ﺑﺎﺷﻠﯩﺪﻯ. ﺋﻪﻧﭽﯜﺋﻪﻧﺘﯩﯔ ﻗﺎﻧﭽﯩﻠﯩﻚ ﭘﯘﻝ ﺗﺎﺭﻗﺎﺗﺘﻰ ؟

" ﺩﯨﻴﺎﺭﯨﻢ ﺗﻮﺭ ﺑﯧﺘﻰ " 6 - ﺋﺎﻳﻨﯩﯔ 3 ‏ - ﻛﯜﻧﻰ ﺋﺎﻣﯧﺮﯨﻜﯩﻠﯩﻖ ﺋﺎﺗﺎﻟﻤﯩﺶ ﺋﯧﻐﯩﺮ ﺋﺎﻳﺎﻕ ﺑﻮﻟﯘﭖ ﻗﺎﻟﻐﺎﻥ ﺋﻪﺭ ﻛﯩﺸﻰ ﺗﯘﻣﺎﺱ ﺑﯧﺖ ﺗﻮﻏﺮﯨﺴﯩﺪﺍ ﻳﺎﻟﻐﺎﻥ ﺧﻪﯞﻩﺭ ﺗﺎﺭﻗﺎﺗﺘﻰ، ﻳﻪﻧﻪ ﺷﯘ "ﺩﯨﻴﺎﺭﯨﻢ ﺗﻮﺭ ﺑﯧﺘﻰ " 6‏ - ﺋﺎﻳﻨﯩﯔ 12‏ - ﻛﯜﻧﻰ ﻫﯧﻴﺘﮕﺎﻫ ﻣﻪﺳﭽﯩﺘﯩﻨﻰ ﺑﺎﺵ ﺳﯚﺭﻩﺕ ﻗﯩﻠﯩﭗ، ﺋﯚﺯﯨﮕﻪ ﺋﻪﭘﻪﻧﺪﻯ ﺩﻩﭖ ﺋﯩﺴﯩﻢ ﻗﻮﻳﯘﭖ، ﺋﻪﻧﭽﯜﺋﻪﻧﺘﯩﯖﻐﺎ ﺋﻪﺭﻛﯩﻠﻪﭖ ﺑﻪﺭﮔﻪﻥ ﺑﯩﺮ ﻛﯩﺸﯩﻨﯩﯔ ﺋﺎﻣﯧﺮﯨﻜﺎ ﺭﻩﻫﺒﻪﺭﻟﯩﺮﯨﻨﻰ ﻫﺎﻗﺎﺭﻩﺕ ﻗﯩﻠﯩﺪﯨﻐﺎﻥ ﻫﻪﺟﯟﯨﻲ ﺳﯜﺭﯨﺘﯩﻨﻰ ﺗﺎﺭﻗﯩﺘﯩﺸﯩﻐﺎ ﻳﻮﻝ ﺋﯧﭽﯩﭗ ﺑﻪﺭﺩﻯ. ﺑﯘ ﺳﯧﻨﯩﯔ ﺋﻪﺭﻛﯩﻨﻠﯩﻜﯩﯔ ﺋﻪﻟﯟﻩﺗﺘﻪ، ﻟﯧﻜﯩﻦ ﺷﯘﻧﺪﺍﻕ ﺋﻪﺭﻛﯩﻨﻠﯩﻜﻨﻰ ﺩﺍﯞﺍﻣﻠﯩﻖ ﺟﺎﺭﻯ ﻗﯩﻠﺪﯗﺭﯗﭖ، ﻫﻪﺟﯟﯨﻲ ﺳﯜﺭﻩﺕ ﺋﯩﺸﻠﯩﮕﯜﭼﻰ ﺋﻪﭘﻪﻧﺪﻯ، ﺋﯘﻳﻐﯘﺭ ﻗﯩﺰﻟﯩﺮﯨﻨﻰ ﺋﯩﭽﻜﯩﺮﻯ ﺧﯩﺘﺎﻱ ﺷﯩﺮﻛﻪﺗﻠﯩﺮﯨﮕﻪ ﺗﻮﺧﺘﺎﻣﻠﯩﻖ ﺳﯧﺘﯩﭗ ﺑﻪﺭﮔﻪﻥ ﯞﺍﯓ ﻟﯧﭽﯜﻩﻧﻨﯩﯔ ﻫﻪﺟﯟﯨﻲ ﺳﯜﺭﯨﺘﯩﻨﻰ ﻫﻪﻣﺪﻩ ﺋﯘﻳﻐﯘﺭ ﻗﯩﺰﻟﯩﺮﯨﻨﻰ ﺳﯩﺰ، ﺧﯩﺘﺎﻱ ﺷﯩﺮﻛﻪﺗﻠﯩﺮﯨﮕﻪ ﺗﺎﻟﻼﭖ ﺑﻪﺭﮔﯜﭼﻪ ﻟﯧﯟﯨﯖﯩﺰﻧﻰ ﭼﯩﯔ ﭼﯩﺸﻠﻪﭖ ﭼﯩﺪﺍﭖ ﺗﯘﺭﯗﭖ ﺑﻪﺭﮔﻪﻥ ﺑﻪﺷﯩﺮﯨﯖﯩﺰﻧﻰ ‏ - ﺩﻩﻝ ﺋﯚﺯﯨﯖﯩﺰﻧﯩﯔ ﻫﻪﺟﯟﯨﺴﯩﻨﻰ ﺋﯩﺸﻠﻪﭖ، ﺗﻮﺭ ﺑﻪﺗﻠﯩﺮﻯ ﺋﺎﺭﻗﯩﻠﯩﻖ ﺗﺎﺭﻗﯩﺘﯩﺸﻘﺎ ﺑﻮﻻﻣﺪﯗ - ﻳﻮﻕ؟! ﺷﯘﻧﺪﺍﻕ ﻗﯩﻼﻟﯩﺴﯩﯖﯩﺰﻻ، ﺧﯩﺘﺎﻳﻨﯩﯔ ﺗﻪﻗﯩﭗ ﺋﻮﺭﮔﺎﻧﻠﯩﺮﻯ ﺳﯩﺰﮔﻪ ﻫﻪﻗﯩﻘﯩﻲ ﻣﻪﺗﺒﯘﺋﺎﺕ ﺋﻪﺭﻛﯩﻨﻠﯩﻜﻰ ﺑﻪﺭﮔﻪﻥ ﺑﻮﻟﻤﺎﻣﺪﯗ؟