Хитай уйғурларни ассимилиятсийә қилиш мәқситигә, уйғурларни йоқитиш мәқситигә йәтмәкчи иди!

Бүгүн мәйдисигә қәғәз медал тақап, мустәмликә турмушниң алдамчилириға ишинип, мустәмликә турмушниң попузилиридин қорқуп, қәшқәрниң тоққузақ наһийисидин хитайниң гуаңдуң өлкиси шавгүән наһийисигә йитип кәлгән, шяңгаңлиқ хитайларниң қончақ завутида бала қул болуп ишлигән уйғурлар 2009‏ - Йили 6‏ - Айниң 25‏ - Күни гуаңдуңлуқ хитайниң калтики астида қалди... Хитайлар қолиға чәйдо йәни қиңрақ елип уйғурларниң бойниға чапти, бешиға чапти.

Бәзи тор бәтлири 81 нәпәр уйғур, 39 данә хитай яриланди, 2 нәпәр уйғур өлди дәп хәвәр қилишти. Йәнә бәзи тор бәтлири 12 нәпәр уйғур җәңдә шеһит болди, 6 данә хитай өлди дәп хәвәр қилишти. Шуниси аянки, җу йүнкаң бу ишқа арилашти. Һәр қандақ хәвәр қамал қилинди.

Вәқәгә қатнашқучи хитайлар мәйданни мундақ тәсвирлиди: 5 - Айда уйғурлар завутта ечинишлиқ вәқә пәйда қилди... Уйғурлар шавгуән қончақ завутиға киргәндин кейин булаңчилиқ қилди... 6 ‏ - Айниң 14‏ - Күни бир данә тәтәйгә басқунчилиқ қилди... Хитайлар пут терәп туралмиди... 6‏ - Айниң 25‏ - Күни кечидә бир нәччә хитай қолиға калтәк, тоқмақ елип уйғурлар ятқан ятақларға һуҗум қилди... Уйғурлар пичақ вә башқа қораллар билән қаршилиқ көрсәтти... Хитайлар бир чақириқ билән 300 дин ешип кәтти... Уйғурлар завут ‏ - Сехларға бастуруп кирип көзгә көрүнгән хитайни уруп чапти... Һәр бир хитай өлүп тирилишигә қаримай өч елишқа өтти... Уйғурлар тағ тәрәпкә қечишқа башлиди... Уйғурлар интайин қәбиһ һәрикәт қолланғанлиқтин, омумий ғәзәп пәйда қилғанлиқтин 2000 дин артуқ хитай бу йәргә топлинип 800 нәпәр уйғурни қоршавға алди... Сақчилар қарап турди... Таяқ йегән шинҗаңлиқ һайванлар қан ичидә йетип қалди... Әтиси тазилиқ ишчилири 2 саәт вақит сәрп қилип қан қетип қалған кочиларни тазилиди... 26‏ - Күни әтигәндә еғир яриланған 2 нәпәр уйғур аләмдин өтти... Хитай тәрәпниң мәлумати әнә шундақ болди.

Йәнә бәзи хәвәрләрдә уйғурлар тәтәйләргә басқунчилиқ қилди, дегән хәвәр ялған булуп бу хәвәрни тарқатқан җу исимлик бир хитайниң қолға елинғанлиқи хәвәр қилинди.

Йеқинда далай лама хитай коммунистлар һөкүмити тибәтләргә өлүм җазаси елан қилди дәп көрсәтти. Хитай коммунист бандитлири 1950‏ - Йилларда чиңгиз дамоллам, қурбан қудай қатарлиқ уйғурниң зиялийлириға өлүм җазаси бәргән күндин башлапла, уйғурларға өлүм җазаси елан қилған иди. Қара уйғур, уйғурларни қандақ өлтүридикән ! сепи өзидин болғини һәммидин яминидур. Қизларни хитай алдамчиларниң алдиға селип бәргәнләр, уйғур йигитлирини ичкири хитайға аталмиш әмгәккә әвәтип бәргәнләр, уйғур тиллиқ аталмиш шавдуйҗаң, аталмиш дадуйҗаңлар, уйғур тиллиқ хитайға ишләйдиған сақчилар һәммиси, һәммиси сепи өзидин болғини һәммидин яминидур.

Тоққузақ деһқанлири баллирим нәдә дейишкә һоқуқлуқ, тоққузақ деһқанлири ваң лечивәнниң алдиға берип " балилиримни тепип бәр" дейишкә һоқуқлуқ!

Уйғур анилар, кечилири ухлимай оғуз сүти билән емиткән балилириң хитайниң қолида калтәк билән уруп өлтүрүлди!

Пикир - Қарашлириңизни оттуриға қойуң

Пикир - Байанлириңиз тор башқурғучиси тәрипидин тәстиқлиниши керәк болуп, тор бәттә шу заман елан қилинмайду. Бир аз вақиттин кейин, пикир - Байанлириңизниң тәстиқланған йаки тәстиқланмиғанлиқини қайта тәкшүрүп көрүшигизни сораймиз. Пикир - Қарашлириңизни төвәндики җәдвәл арқилиқ, уйғур кона йезиқи бойичә йоллийалайсиз.

Исим (ихтийар)

Шәһәр (ихтийар)

Пикир - Қарашлириңиз