ﻗﻮﺭﭼﺎﻕ ﺭﻩﺋﯩﺲ ﻧﯘﺭ ﺑﻪﻛﺮﻯ ﺩﻭﻛﻼﺕ ﺋﯘﻗﯘﭖ ﺑﻪﺭﮔﻪﻧﺪﻩ :" ﺧﻪﻟﻘﺌﺎﺭﺍ ﺋﺎﺭﻗﺎ ﻛﯚﺭﯛﻧﯜﺵ ﺑﯩﻠﻪﻥ ﭼﯘﯕﻘﯘﺭ ﻣﯘﻧﺎﺳﯩﯟﻩﺗﻠﯩﻚ"، "ﺧﻪﻟﻘﺌﺎﺭﺍ ﯞﻩﺯﯨﻴﻪﺗﺘﻪ ﺯﻭﺭ ﺋﯚﺯﮔﯩﺮﯨﺶ ﺑﻮﻟﺪﻯ"، "ﻏﻪﺭﯨﺒﺘﯩﻜﻰ ﺩﯛﺷﻤﻪﻥ ﻛﯜﭼﻠﻪﺭ ﻏﻪﺭﺑﻠﻪﺷﺘﯜﺭﯛﺵ،ﭘﺎﺭﭼﯩﻼﺵ، ﭼﻪﻛﻠﻪﺵ ﺋﯩﺴﺘﺮﺍﺗﯧﮕﯩﻴﯩﺴﯩﻨﻰ ﻛﯜﭼﻪﻳﺘﯩﭗ، ﺋﻪﺗﺮﺍﭘﺘﯩﻜﻰ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﺭﺍﻳﻮﻧﻠﯩﺮﯨﺪﺍ ﺑﯚﺳﯜﺵ ﺋﯧﻐﯩﺰﻯ ﺋﯩﺰﺩﻩﺵ ﯞﻩ ﺋﯧﭽﯩﺸﻘﺎ ﺋﯘﺭﯗﻧﺪﻯ" ﺩﻩﭖ ﻛﯚﺭﺳﻪﺗﺘﻰ. ﺋﯘ ﻳﻪﻧﻪ" ﺋﯘﻻﺭ ﺷﯩﻨﺠﺎﯕﻨﻰ ﺋﺎﺳﺎﺳﻰ ﻫﯘﺟﯘﻡ ﻧﯩﺸﺎﻧﻰ ﻗﯩﻠﯩﭗ، ﺷﯩﻨﺠﺎﯕﻐﺎ ﻗﺎﺭﯨﺘﯩﻠﻐﺎﻥ ﺑﯚﻟﮕﯜﻧﭽﯩﻠﯩﻚ، ﺑﯘﺯﻏﯘﻧﭽﯩﻠﯩﻖ ﻫﻪﺭﯨﻜﻪﺗﻠﯩﺮﯨﻨﻰ ﺋﺎﺷﻜﺎﺭﺍ ﻗﻮﻟﻠﯩﺪﻯ ﯞﻩ ﺑﺎﺷﻘﯘﺭﺩﻯ"ﺩﻩﭖ ﻛﯚﺭﺳﻪﺗﺘﻰ. ﺋﯘ ﻳﻪﻧﻪ "ﻣﯘﺷﯘﻧﺪﺍﻕ ﺋﺎﺭﻗﺎ ﻛﯚﺭﯛﻧﯜﺷﺘﻪ، ﺷﯩﻨﺠﺎﯕﺪﯨﻜﻰ ﻣﯩﻠﻠﻰ ﺑﯚﻟﮕﯜﻧﭽﯩﻠﯩﻚ ﻫﻪﺭﯨﻜﻪﺗﻠﯩﺮﻯ ﺋﯚﺯﻟﯜﻛﺴﯩﺰ ﻛﻪﺳﻜﯩﻨﻠﯩﺸﯩﭗ ﻗﻪﺩﻩﻣﻤﯘ - ﻗﻪﺩﻩﻡ ﻛﯜﭼﯩﻴﯩﺶ ﯞﻩﺯﯨﻴﯩﺘﻰ ﻛﯚﺭﯛﻟﺪﻯ، ﺷﯩﻨﺠﺎﯕﻨﯩﯔ ﺑﯚﻟﮕﯜﻧﭽﯩﻠﯩﻜﻜﻪ ﻗﺎﺭﺷﻰ ﻛﯚﺭﯛﺷﻰ ﺋﯚﺗﻜﯜﺭ، ﻛﻪﺳﻜﯩﻦ، ﻣﯘﺭﻩﻛﻜﻪﭖ ﻣﻪﺯﮔﯩﻠﮕﻪ ﻗﻪﺩﻩﻡ ﻗﻮﻳﺪﻯ"ﺩﻩﭖ ﻛﯚﺭﺳﻪﺗﺘﻰ.

ﯞﻩﺯﯨﻴﻪﺗﻨﻰ ﻳﺎﺧﺸﻰ ﺗﻪﻫﻠﯩﻞ ﻗﯩﻠﻐﺎﻥ ﻗﻮﺭﭼﺎﻕ ﺭﻩﺋﯩﺲ ﻧﯘﺭ ﺑﻪﻛﺮﻯ ﺋﻪﭘﻪﻧﺪﯨﮕﻪ ﺧﯩﺘﺎﻱ ﻛﺎﺗﯩﭙﻠﯩﺮﻯ ﺩﻭﻛﻼﺗﻨﻰ ﺗﻮﻟﯘﻕ ﻳﺎﺯﻣﺎﻱ ﭼﺎﻻ ﻳﯧﺰﯨﭗ ﺑﻪﺭﮔﻪﻥ ﺋﻮﺧﺸﺎﻳﺪﯗ. 1949‏ - ﻳﯩﻠﻰ ﺧﯩﺘﺎﻳﻨﯩﯔ ﻛﻮﻣﻤﯘﻧﯩﺴﺖ ﻣﯘﺳﺘﻪﻣﻠﯩﻜﯩﭽﻰ ﺋﺎﺭﻣﯩﻴﯩﺴﻰ ﺳﺘﺎﻟﯩﻨﻨﯩﯔ ﻫﻪﺭﺑﻰ ﺋﺎﻳﺮﯗﭘﯩﻼﻧﯩﻐﺎ، ﺳﯩﺘﺎﻟﯩﻨﻨﯩﯔ ﻫﻪﺭﺑﻰ ﻣﺎﺷﯩﻨﯩﻠﯩﺮﯨﻐﺎ ﺋﻮﻟﺘﯘﺭﯗﭖ ﺋﺎﺗﺎﻟﻤﯩﺶ ﺷﯩﻨﺠﺎﯓ ﺩﯦﮕﻪﻥ ﻳﻪﺭﮔﻪ ﺗﺎﺟﺎﯞﯗﺯ ﻗﯩﻠﯩﭗ ﻛﯩﺮﯨﺸﺘﯩﻦ ﺑﯘﺭﯗﻥ، ﺧﯩﺘﺎﻳﻨﯩﯔ ﻣﯩﻠﻠﻪﺗﭽﻰ ﭘﺎﺭﺗﯩﻴﯩﺴﻰ ﮔﻮﻣﯩﻨﺪﺍﯓ ﺑﯘ ﺋﯚﻟﻜﻪ ﺷﯩﻨﺠﺎﯓ ﺩﯦﮕﻪﻥ ﻳﻪﺭﮔﻪ 100ﻣﯩﯔ ﻛﯩﺸﯩﻠﯩﻚ ﺋﺎﺭﻣﯩﻴﻪ ﺑﯩﻠﻪﻥ ﺗﺎﺟﺎﯞﯗﺯ ﻗﯩﻠﯩﭗ ﻛﯩﺮﮔﻪﻥ. ﺋﯘﻳﻐﯘﺭﻧﯩﯔ ﻗﻮﺭﺍﻟﻠﯩﻖ ﻗﻮﺷﯘﻧﻠﯩﺮﻯ ﺑﯩﺮ ﻳﯩﻠﻐﺎ ﻳﻪﺗﻤﯩﮕﻪﻥ ﯞﺍﻗﯩﺖ ﺋﯩﭽﯩﺪﻩ ﻣﯩﻠﯩﺘﺎﺭﯨﺴﺖ ﺷﯩﯔ ﺷﯩﺴﻪﻳﻨﯩﯔ ﻳﺎﻟﻼﻧﻤﺎ ﻗﻮﺷﯘﻧﻠﯩﺮﯨﻨﻰ ﯞﻩ ﮔﻮﻣﯩﻨﺪﺍﯕﻨﯩﯔ ﻣﯘﻧﺘﯩﺰﯨﻢ ﻗﻮﺷﯘﻧﻠﯩﺮﯨﻨﻰ ﺗﺎﺭ‏ - ﻣﺎﺭ ﻗﯩﻠﯩﭗ ﺋﯘﻳﻐﯘﺭﯨﺴﺘﺎﻧﻨﯩﯔ ﺋﯩﻠﻰ ﺋﯚﻟﻜﯩﺴﯩﺪﻩ ﺋﯘﻳﻐﯘﺭﻧﯩﯔ ﻣﯩﻠﻠﯩﻲ ﺩﯙﻟﯩﺘﯩﻨﻰ ﻗﯘﺭﻏﺎﻥ ﺋﻪﻣﻪﺳﻤﯩﺪﻯ؟ 1945‏ - ﻳﯩﻠﻰ ﭼﺎﻗﯩﺮﯨﻠﻐﺎﻥ" ﻳﺎﻟﺘﺎ ﻳﯩﻐﯩﻨﻰ" ﯞﻩ ﺷﯘ ﻳﯩﻠﻰ 8‏ - ﺋﺎﻳﻨﯩﯔ 14‏ - ﻛﯜﻧﻰ ﭼﺎﻗﯩﺮﯨﻠﻐﺎﻥ "ﺟﯘﯕﮕﻮ، ﺳﻮﯞﯨﺖ ﺳﯚﻫﺒﯩﺘﻰ - ﻣﻮﺳﻜﯟﺍ ﻳﯩﻐﯩﻨﻰ" ﺋﯘﻳﻐﯘﺭﻧﯩﯔ ﺩﯙﻟﯩﺘﯩﻨﻰ ﻣﯘﻧﻘﻪﺭﺯ ﻗﯩﻠﯩﭗ ﺧﯩﺘﺎﻳﻨﯩﯔ ﻣﯩﻠﻠﻪﺗﭽﻰ ﭘﺎﺭﺗﯩﻴﯩﺴﻰ ﮔﻮﻣﯩﻨﺪﺍﯕﻨﯩﯔ ﺧﻪﺭﯨﺘﯩﺴﯩﮕﻪ ﻗﻮﺷﯘﭖ ﺑﻪﺭﮔﻪﻥ ﺋﻪﻣﻪﺳﻤﯩﺪﻯ؟

20‏ - ﺋﻪﺳﯩﺮ ﻛﯩﺮﮔﻪﻧﺪﯨﻦ ﻛﯧﻴﯩﻦ،17‏ - ﺋﻪﺳﯩﺮﺩﻩ ﻫﺎﺯﯨﺮﻗﻰ ﺳﯩﺒﯩﺮﯨﻴﯩﻨﻰ، 19‏ - ﺋﻪﺳﯩﺮﺩﻩ ﻫﺎﺯﯨﺮﻗﻰ ﺋﻮﺗﺘﯘﺭﺍ ﺋﺎﺳﯩﻴﺎﻧﻰ ﺯﻩﭘﺘﻰ ﻗﯩﻠﯩﭗ ﭼﺎﺭ ﺭﻭﺳﯩﻴﻪﻧﯩﯔ ﺩﯙﻟﻪﺕ ﺧﻪﺭﯨﺘﯩﺴﯩﮕﻪ ﻗﻮﺷﯘﭖ ﺋﺎﻟﻐﺎﻥ ﭼﺎﺭ ﺭﻭﺳﯩﻴﻪ ﻫﯚﻛﯜﻣﯩﺘﻰ 1911‏ - ﻳﯩﻠﻼﺭﺩﯨﻦ ﺑﺎﺷﻼﭖ ﻣﯘﺳﺘﻪﻣﻠﯩﻜﻪ ﺋﯘﻳﻐﯘﺭﯨﺴﺘﺎﻧﻨﯩﯔ ﺋﯩﭽﻜﻰ ﺋﯩﺸﻠﯩﺮﯨﻐﺎ ﺋﺎﺭﯨﻠﯩﺸﯩﭗ، ﻣﺎﻧﺠﯘ - ﺧﯩﺘﺎﻱ ﻣﯘﺳﺘﻪﻣﻠﯩﻜﯩﭽﯩﻠﯩﺮﯨﮕﻪ ﻗﺎﺭﺷﻰ ﻛﯚﺗﯜﺭﯛﻟﮕﻪﻥ ﺋﯘﻳﻐﯘﺭﻧﯩﯔ ﻗﻮﺭﺍﻟﻠﯩﻖ ﻛﯜﭼﻠﯩﺮﯨﻨﻰ ﺑﺎﺳﺘﯘﺭﯗﭖ، ﻧﺎﻣﺎﻳﯩﺶ ﯞﻩ ﻗﻮﺯﻏﯩﻼﯕﻐﺎ ﺗﻪﻳﻴﺎﺭﻟﯩﻖ ﻗﯩﻠﯩﯟﺍﺗﻘﺎﻥ ﺟﺎﻱ - ﺟﺎﻳﻼﺭﺩﯨﻜﻰ ﺋﯘﻳﻐﯘﺭﻻﺭﻧﯩﯔ ﺋﯩﺘﺘﯩﭙﺎﻗﯩﻨﻰ ﺟﺎﺳﯘﺳﻠﯩﺮﯨﻨﯩﯔ ﻗﻮﻟﻰ ﺋﺎﺭﻗﯩﻠﯩﻖ ﭘﺎﺭﭼﯩﻼﭖ، ﺋﺎﺗﺎﻟﻤﯩﺶ ﺷﯩﻨﺠﺎﯕﻨﯩﯔ ﺋﺎﺗﺎﻟﻤﯩﺶ ﻣﯘﻗﯩﻤﻠﯩﻘﯩﻨﻰ ﻗﻮﻟﻐﺎ ﻛﻪﻟﺘﯜﺭﯛﭖ، ﺑﯘ ﺋﯚﻟﻜﯩﺪﻩ ﻳﺎﯓ ﺯﯨﯖﺸﯩﻦ، ﺟﯩﻦ ﺷﯘﺭﯦﻦ، ﺷﯩﯔ ﺷﯩﺴﻪﻱ ﻗﺎﺗﺎﺭﻟﯩﻖ ﺧﯩﺘﺎﻱ ﻣﯩﻠﯩﺘﺎﺭﯨﺴﺘﻠﯩﺮﯨﻨﯩﯔ ﻫﺎﻛﯩﻤﯩﻴﯩﺘﯩﻨﻰ ﻗﻮﻟﻼﭖ، ﺋﯘﻳﻐﯘﺭﻧﯩﯔ ﺋﯩﻨﻘﯩﻼﺏ ﺋﺎﺭﻗﯩﻠﯩﻖ ﺩﯙﻟﻪﺕ ﻗﯘﺭﯗﺷﯩﻐﺎ ﺯﯨﻴﺎﻧﻜﻪﺷﻠﯩﻚ ﻗﯩﻠﻐﺎﻥ ﺋﻪﻣﻪﺳﻤﯩﺪﻯ؟ ﺑﯘ ﺋﯩﺸﻼﺭ ﺭﯗﺳﯩﻴﯩﻠﯩﻜﻠﻪﺭﻧﯩﯔ ﺋﺎﺗﺎﻟﻤﯩﺶ ﺷﯩﻨﺠﺎﯕﻨﯩﯔ ﺋﯩﭽﻜﻰ ﺋﯩﺸﻠﯩﺮﯨﻐﺎ ﺋﺎﺭﯨﻼﺷﻘﺎﻧﻠﯩﻘﻰ ﺋﻪﻣﻪﺳﻤﯩﺪﻯ؟

1904‏ - ﻳﯩﻠﻰ ﻳﺎﭘﯘﻥ ﺩﯦﯖﯩﺰﯨﺪﺍ ﻳﺎﭘﻮﻧﯩﻴﯩﻨﯩﯔ ﻗﯘﺩﺭﻩﺗﻠﯩﻚ ﺩﯦﯖﯩﺰ ﺋﺎﺭﻣﯩﻴﯩﺴﯩﻨﯩﯔ ﺷﯩﺪﺩﻩﺗﻠﯩﻚ ﺯﻩﺭﺑﯩﺴﯩﺪﯨﻦ ﯞﻩﺗﯟﻩﺭﯨﻜﻰ ﭼﯩﻘﯩﭗ ﻛﻪﺗﻜﻪﻥ ﭼﺎﺭ ﺭﯗﺳﯩﻴﯩﻨﯩﯔ ﺩﯦﯖﯩﺰ ﺋﺎﺭﻣﯩﻴﯩﺴﻰ ﺭﻭﺱ - ﻳﺎﭘﯘﻥ ﺋﯘﺭﯗﺷﯩﺪﺍ ﺷﻪﺭﻣﻪﻧﺪﯨﻠﻪﺭﭼﻪ ﻣﻪﻏﻠﯘﭖ ﺑﻮﻟﯘﭖ ﺩﯦﯖﯩﺰﻏﺎ ﭼﯚﻛﯜﭖ ﻛﻪﺗﻜﻪﻧﺪﯨﻦ ﻛﯧﻴﯩﻦ، ﭼﺎﺭ ﺭﻭﺳﯩﻴﻪ ﻫﯚﻛﯜﻣﯩﺘﻰ ﻳﺎﭘﻮﻧﯩﻴﻪ ﺑﯩﻠﻪﻥ ﻫﻪﻣﻜﺎﺭﻟﯩﺸﯩﭗ ﺟﯘﯕﮕﻮﻧﻰ ﭼﻪﻛﻠﻪﺷﺘﯩﻦ ﺋﯩﺒﺎﺭﻩﺕ ﺋﺎﺳﯩﻴﺎ ﺳﯩﻴﺎﺳﯩﺘﯩﺪﯨﻦ ﯞﺍﺯ ﻛﯧﭽﯩﭗ، ﺧﯩﺘﺎﻱ ﺑﯩﻠﻪﻥ ﺑﯩﺮﻟﯩﺸﯩﭗ ﻳﺎﭘﻮﻧﯩﻴﯩﻨﻰ ﭼﻪﻛﻠﻪﺵ ﺳﯩﻴﺎﺳﯩﺘﯩﮕﻪ ﺋﯚﺯﮔﻪﺭﺗﻜﻪﻧﺪﯨﻦ ﻛﯧﻴﯩﻦ، ﺋﻮﺗﺘﯘﺭﺍ ﺋﺎﺳﯩﻴﺎ ﺟﯜﻣﻠﯩﺪﯨﻦ ﻣﯘﺳﺘﻪﻣﻠﯩﻜﻪ ﺋﯘﻳﻐﯘﺭﯨﺴﺘﺎﻥ ﭼﺎﺭ ﺭﻭﺳﯩﻴﻪ ﺑﯩﻠﻪﻥ ﻣﯘﺳﺘﻪﻣﻠﯩﻜﯩﭽﻰ ﻣﺎﻧﺠﯘ - ﺧﯩﺘﺎﻳﻼﺭ، ﻟﯧﻨﯩﻦ ‏ - ﺳﺘﺎﻟﯩﻦ ﺭﻭﺳﯩﻴﯩﺴﻰ ﺑﯩﻠﻪﻥ ﮔﻮﻣﯩﻨﺪﺍﯓ ﯞﻩ ﻛﻮﻣﻤﯘﻧﯩﺴﺖ ﻣﯘﺳﺘﻪﻣﻠﯩﻜﯩﭽﻰ ﺧﯩﺘﺎﻳﻼﺭ ﺋﻮﺗﺘﯘﺭﯨﺴﯩﺪﺍ ﺋﺎﺳﯩﻴﺎﺩﯨﻜﻰ ﭘﻮﻟﺸﺎﻏﺎ ﺋﺎﻳﻠﯩﻨﯩﭗ ﻗﺎﻟﺪﻯ. ﺷﻪﺭﻗﻰ ﻳﺎﯞﺭﻭﭘﺎﺩﺍ ﭘﻮﻟﺸﺎ ﺟﯘﻣﻬﯘﺭﯨﻴﯩﺘﻰ ﮔﯧﺮﻣﺎﻧﯩﻴﻪ ﺑﯩﻠﻪﻥ ﺭﻭﺳﯩﻴﻪ ﺋﻮﺗﺘﯘﺭﯨﺴﯩﺪﺍ ﻗﺎﻧﺪﺍﻕ ﺋﺎﺟﯩﺰ ﺋﻮﺭﯗﻧﻐﺎ ﭼﯜﺷﯜﭖ ﻗﺎﻟﻐﺎﻥ ﺑﻮﻟﺴﺎ، ﺋﺎﺳﯩﻴﺎﺩﺍ ﻣﯘﺳﺘﻪﻣﻠﯩﻜﻪ ﺋﯘﻳﻐﯘﺭﯨﺴﺘﺎﻥ ﺧﯩﺘﺎﻱ ﺑﯩﻠﻪﻥ ﺭﯗﺳﯩﻴﯩﻠﯩﻚ ﻣﻮﺟﯩﻜﻼﺭ ﺋﻮﺗﺘﯘﺭﯨﺴﯩﺪﺍ ﺋﻪﻧﻪ ﺷﯘﻧﺪﺍﻕ ﺋﺎﺟﯩﺰ ﺋﻮﺭﯗﻧﻐﺎ ﭼﯜﺷﯜﭖ ﻗﺎﻟﻐﺎﻥ ﺋﯩﺪﻯ. ﺷﯘﯕﺎ ﺋﯘﻳﻐﯘﺭﻻﺭ ﺧﯩﺘﺎﻳﻐﺎ ﻣﯘﺳﺘﻪﻣﻠﯩﻜﻪ ﺑﻮﻟﯘﭖ ﻗﺎﻟﻐﺎﻥ ﺋﻪﻣﻪﺳﻤﯩﺪﻯ؟

ﻧﯘﺭ ﺑﻪﻛﺮﻯ ﺋﻪﭘﻪﻧﺪﻯ! ﺗﺎﺭﯨﺨﻨﻰ ﻣﻪﻧﺪﯨﻦ ﻳﺎﺧﺸﯩﺮﺍﻕ ﺑﯩﻠﯩﺪﯨﻐﺎﻥ ﺳﯩﻨﯩﯔ ﺧﯩﺘﺎﻱ ﻛﺎﺗﯩﭙﻠﯩﺮﯨﯔ ﺳﺎﯕﺎ ﺗﺎﺭﯨﺨﻨﯩﯔ ﺑﯘ ﻣﻪﺯﻣﯘﻧﻠﯩﺮﯨﻨﻰ ﻳﯧﺰﯨﭗ ﺑﻪﺭﻣﯩﺪﻯ. 20‏ - ﺋﻪﺳﯩﺮ ﺋﯩﭽﯩﺪﻩ ﻣﯘﺳﺘﻪﻗﯩﻠﻠﯩﻖ، ﺋﺎﺯﺍﺗﻠﯩﻖ ﺋﯜﭼﯜﻥ ﺟﺎﻥ ﺗﯩﻜﯩﭗ ﻛﯜﺭﻩﺵ ﻗﯩﻠﻐﺎﻥ ﺋﯘﻳﻐﯘﺭﯨﺴﺘﺎﻧﻠﯩﻖ ﺋﯘﻳﻐﯘﺭ ﺧﻪﻟﻘﻰ، ﭼﻪﺗﺌﻪﻟﻠﯩﻚ ﺭﯗﺳﯩﻴﯩﻠﯩﻜﻠﻪﺭ ﺋﯩﭽﻜﻰ ﺋﯩﺸﻠﯩﺮﯨﻐﺎ ﺋﺎﺭﯨﻼﺷﻘﺎﻧﻠﯩﻘﺘﯩﻦ ﺑﯜﮔﯜﻧﻜﯩﺪﻩﻙ ﻣﯘﺳﺘﻪﻣﻠﯩﻜﻪ ﻫﺎﻟﻐﺎ ﭼﯜﺷﯜﭖ ﻗﺎﻟﻐﺎﻥ ﺋﻪﻣﻪﺳﻤﯩﺪﻯ؟ ﺑﯜﮔﯜﻧﻜﻰ ﻛﯜﻧﺪﻩ ﺑﯩﺮ ﺭﺍﻳﻮﻧﻐﺎ ﺋﯩﻜﻜﯩﻨﭽﻰ ﺑﯩﺮ ﺩﯙﻟﻪﺗﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺑﯘﻳﯩﭽﻪ ﺋﺎﺭﯨﻠﯩﺸﯩﺸﻰ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﯩﯔ ﻧﯩﺰﺍﻣﻨﺎﻣﯩﻠﯩﺮﯨﺪﺍ ﺑﻪﻟﮕﯩﻠﻪﻧﮕﻪﻥ، ﭼﻮﯓ ﺩﯙﻟﻪﺗﻠﻪﺭ ﺋﻮﺗﺘﯘﺭﯨﺴﯩﺪﯨﻜﻰ ﺩﯨﭙﻠﻮﻣﺎﺗﯩﻚ ﻣﯘﻧﺎﺳﯩﯟﻩﺗﻠﻪﺭﻧﯩﯔ ﻣﯘﻧﺪﻩﺭﯨﺠﯩﺴﻰ ﺑﻮﻟﯘﭖ، ﻫﻪﺭ ﻗﺎﻧﺪﺍﻕ ﺩﯦﻤﻮﻛﺮﺍﺗﯩﻚ ﺩﯙﻟﻪﺕ ﺑﯘ ﻣﯘﻧﺪﻩﺭﯨﺠﯩﻨﻰ ﻛﯜﻧﺪﻩ ﺋﻮﻗﯘﭖ ﺗﯘﺭﯨﺪﯗ، ﺗﺎﺷﻼﭖ ﺋﯚﺗﯜﭖ ﻛﯧﺘﻪﻟﻤﻪﻳﺪﯗ.

ﺷﯘﯕﺎ ﻗﻪﻳﻪﺭﺩﻩ ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﺴﻰ ﻣﻪﯞﺟﯘﺕ ﺋﯩﻜﻪﻥ، ﺩﯦﻤﻮﻛﺮﺍﺗﯩﻚ ﺩﯙﻟﻪﺗﻠﻪﺭ ﭼﻮﻗﯘﻡ ﺋﺎﺭﯨﻠﯩﺸﯩﺪﯗ. ﻳﺎﻣﺎﻧﻐﺎ ﻳﺎﻧﺘﺎﻳﺎﻕ ﺑﻮﻟﯘﭖ ﺑﯧﺮﯨﺪﯨﻐﺎﻥ ﺧﯩﺘﺎﻱ ﻣﯘﺳﺘﻪﻣﻠﯩﻜﯩﭽﯩﻠﯩﺮﻯ ﺗﺎﻟﯩﺒﺎﻧﻼﺭ ﻫﻪﺭﯨﻜﯩﺘﯩﮕﻪ ﺋﺎﺭﯨﻼﺷﻤﯩﺪﯨﻤﯘ؟ ﺩﺍﺭﻓﯘﺭ ﻣﻪﺳﯩﻠﯩﺴﯩﮕﻪ ﺋﺎﺭﯨﻼﺷﻤﯩﺪﯨﻤﯘ، ﺋﻪﻳﻨﻰ ﭼﺎﻏﺪﺍ ﯞﯦﻴﺘﻨﺎﻡ، ﻛﺎﻣﺒﻮﺩﺟﺎﻧﯩﯔ ﻣﻪﺳﯩﻠﯩﺴﯩﮕﻪ ﺋﺎﺭﯨﻼﺷﻤﯩﻐﺎﻧﻤﯘ، ﻫﻪﺗﺘﺎ ﻫﯩﻨﺪﻭﻧﯧﺰﯨﻴﯩﻨﯩﯔ ﺋﯩﭽﻜﻰ ﺋﯩﺸﻠﯩﺮﯨﻐﺎ ﺋﺎﺭﯨﻠﯩﺸﯩﭗ، ﻫﯩﻨﺪﻭﻧﯧﺰﯨﻴﯩﮕﻪ ﻛﻮﻣﻤﯘﻧﯩﺰﯨﻤﻨﻰ ﺋﯧﻜﯩﺴﭙﻮﺭﺕ ﻗﯩﻠﻤﯩﻐﺎﻧﻤﯘ؟