ﺟﯘﯕﮕﻮﺩﺍ ﺳﯜﺕ ﭘﺎﺭﺍﺷﻮﻛﻰ ﺋﯩﭽﯩﭗ ﭼﻮﯓ ﺑﻮﻟﯩﺪﯨﻐﺎﻥ 10 ﻣﯩﯖﻠﯩﻐﺎﻥ ﻧﺎﺭﺳﯩﺪﯨﻠﻪﺭﻧﯩﯔ ﻫﺎﻳﺎﺗﻰ، ﺳﺎﻻﻣﻪﺗﻠﯩﻜﻰ ﺋﯩﻨﺘﺎﻳﯩﻦ ﺯﻭﺭ ﺯﯨﻴﺎﻧﻜﻪﺷﻠﯩﻜﻜﻪ ﺋﯘﭼﺮﯨﺪﻯ. ﺑﯩﺰﻧﯩﯔ ﺋﻪﯞﻻﺩﻟﯩﺮﯨﻤﯩﺰ ﺯﻩﻫﻪﺭﻟﯩﻨﯩﺸﻜﻪ ﺩﯗﭺ ﻛﻪﻟﺪﻯ، ﺑﯩﺰ ﻗﺎﻧﺪﺍﻕ ﻫﻪﺭﯨﻜﻪﺕ ﺋﺎﺭﻗﯩﻠﯩﻖ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﻪ ﺑﯘ ﻳﺎﯞﯗﺯ ﺗﻪﺷﻜﯩﻼﺗﻨﯩﯔ ﺋﯩﺮﻗﯩﻲ ﻳﻮﻗﯩﺘﯩﺶ ﺟﯩﻨﺎﻳﯩﺘﯩﻨﻰ ﺗﻮﺳﺎﭖ ﻗﺎﻻﻻﻳﻤﯩﺰ؟ ﺩﻩﭖ ﺳﻮﺋﺎﻝ ﻗﻮﻳﺪﻯ ﺗﺎﯞ ﺟﯜﻥ ﺋﻪﭘﻪﻧﺪﻯ.

1930‏ - ﻳﯩﻠﻠﯩﺮﻯ ﺑﻮﻟﺸﯧﯟﯨﻚ ﭘﺎﺭﺗﯩﻴﯩﺴﻰ ﻛﻮﻟﺨﻮﺯ ﺗﯜﺯﯛﻣﻰ ﺋﺎﺭﻗﯩﻠﯩﻖ ﻗﺎﺑﺎﻫﻪﺗﻠﯩﻚ ﺋﺎﭼﺎﺭﭼﯩﻠﯩﻖ ﭘﻪﻳﺪﺍ ﻗﯩﻠﯩﭗ ﺋﺎﺩﻩﻡ ﺋﯚﻟﺘﯜﺭﮔﻪﻧﺪﻩ، ﺑﯘﻧﺪﺍﻕ ﺋﯚﻟﺘﯜﺭﯛﺷﻨﻰ ﺋﻮﻛﺮﺍﺋﯩﻨﺎ ﺧﻪﻟﻘﻰ ﺋﯩﺮﻗﯩﻲ ﻳﻮﻗﯩﺘﯩﺶ ﺟﯩﻨﺎﻳﯩﺘﻰ ﺩﻩﭖ ﺗﻪﺭﯨﭙﻠﯩﮕﻪﻥ. ﺋﻪﻣﻤﺎ ﻣﯘﺳﺘﻪﻣﻠﯩﻜﯩﭽﻰ ﺧﯩﺘﺎﻱ ﻛﯚﭼﻤﻪﻧﻠﯩﺮﻯ ﻫﺎﻛﯩﻤﯩﻴﯩﺘﻰ 20‏ - ﺋﻪﺳﯩﺮﻧﯩﯔ 60‏ - ﻳﯩﻠﻠﯩﺮﯨﺪﺍ ﺋﺎﻗﺴﯘ ﯞﯨﻼﻳﯩﺘﯩﻨﯩﯔ ﺑﺎﻱ ﻧﺎﻫﯩﻴﯩﺴﯩﺪﻩ 20 ﻣﯩﯔ، ﺷﺎﻳﺎﺭ ﻧﺎﻫﯩﻴﯩﺴﯩﺪﻩ 4 ﻣﯩﯔ ﺋﯘﻳﻐﯘﺭﻧﯩﯔ ﺋﺎﭼﻠﯩﻘﺘﯩﻦ ﺋﯚﻟﯜﺷﻨﻰ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻧﺪﺍ ﻫﯧﭽﻜﯩﻢ ﻫﯧﭽﻨﯧﻤﻪ ﺩﯦﻤﯩﮕﻪﻥ. ﺷﯘ ﺋﻪﻫﯟﺍﻟﻨﻰ ﻣﯩﺴﺎﻟﻐﺎ ﻛﻪﻟﺘﯜﺭﯛﭖ ﺋﯚﺯ ﺋﯩﺮﻗﯩﻨﻰ ﺋﯚﺯﻯ ﻳﻮﻗﯩﺘﯩﺶ ﺩﻩﯞﺭﯨﻨﯩﯔ ﺟﯘﯕﮕﻮﻏﺎ ﻳﯩﺘﯩﭗ ﻛﻪﻟﮕﻪﻧﻠﯩﻜﯩﻨﻰ ﻛﯚﺭﯛﭖ ﻳﻪﺗﻜﻪﻥ ﺗﺎﯞ ﺟﯜﻥ ﺋﻪﭘﻪﻧﺪﻯ، ﺳﯜﺕ ﭘﺎﺭﺍﺷﻮﻛﻰ ﺋﺎﺭﻗﯩﻠﯩﻖ ﺯﻩﻫﻪﺭﻟﻪﻧﮕﻪﻥ ﺟﯘﯕﮕﻮ ﺋﯚﺳﻤﯜﺭﻟﯩﺮﯨﮕﻪ ﺋﯩﭻ ﺋﺎﻏﺮﯨﺘﻘﺎﻧﺪﺍ "ﺋﯩﺮﻗﯩﻲ ﻳﻮﻗﯩﺘﯩﺶ ﺟﯩﻨﺎﻳﯩﺘﻰ" ﺩﻩﭖ ﺋﯩﺴﯩﻢ ﻗﻮﻳﺪﻯ.

 ﻧﯚﯞﻩﺗﺘﻪ ﭘﯜﺗﯜﻥ ﺟﯘﯕﮕﻮ ﻣﻪﻣﻠﯩﻜﯩﺘﯩﺪﻩ 22 ﻳﯜﺭﯛﺵ ﺳﯜﺕ ﭘﺎﺭﺍﺷﻮﻛﻰ ﺋﯩﺸﻠﻪﭘﭽﯩﻘﯩﺮﯨﺪﯨﻐﺎﻥ ﺯﺍﯞﯗﺗﺘﺎ ﻫﻪﻣﻤﯩﺴﯩﺪﻩ ﺩﯦﮕﯩﺪﻩﻙ ﭘﺎﺭﺍﺷﯘﻛﻘﺎ ﺯﻩﻫﻪﺭ ﺋﺎﺭﯨﻼﺷﺘﯘﺭﯨﺪﯨﻐﺎﻥ ﺋﻪﻫﯟﺍﻝ ﭘﺎﺵ ﺑﻮﻟﯘﺷﻘﺎ ﺑﺎﺷﻠﯩﺪﻯ. ﺑﯘ ﺋﻪﻫﯟﺍﻟﻨﯩﯔ ﺋﯧﻐﯩﺮﻟﯩﻖ ﺩﻩﺭﯨﺠﯩﺴﯩﻨﻰ ﺋﺎﻟﻼ ﺑﯘﺭﯗﻥ ﻛﯚﺭﯛﭖ ﻳﻪﺗﻜﻪﻥ ﻫﯚﻛﯜﻣﻪﺕ ﺋﻮﺭﮔﺎﻧﻠﯩﺮﻯ، ﺗﻪﻛﺸﯜﺭﯛﭖ ﺑﯧﻜﯩﺘﯩﺶ ﺋﻮﺭﮔﺎﻧﻠﯩﺮﻯ ﻫﯧﭽﻘﺎﻧﺪﺍﻕ ﺗﻪﺩﺑﯩﺮ ﻗﻮﻟﻼﻧﻤﺎﻱ، ﻫﻪﺗﺘﺎ ﺋﻮﺭﺗﺎﻗﻠﯩﺸﯩﭗ ﺟﯩﻨﺎﻳﻪﺕ ﺳﺎﺩﯨﺮ ﻗﯩﻠﻐﺎﻧﻠﯩﻘﺘﯩﻦ ﻣﻪﺳﺌﯘﻟﯩﻴﻪﺕ ﻫﯚﻛﯜﻣﻪﺗﺘﻪ. ﻫﯚﻛﯜﻣﻪﺕ ﺑﺎﺵ ﺟﯩﻨﺎﻳﻪﺗﭽﻰ، ﻫﯚﻛﯜﻣﻪﺗﻨﻰ ﻛﯜﺷﻜﯜﺭﺗﻜﻪﻥ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﻪ ﺑﺎﺵ ﺟﯩﻨﺎﻳﻪﺗﭽﯩﺪﯗﺭ ﺩﻩﭖ ﻛﯚﺭﺳﻪﺗﺘﻰ ﺗﺎﯞ ﺟﯘﻥ ﺋﻪﭘﻪﻧﺪﻯ.

ﺑﯘ ﺋﯩﺸﻨﻰ ﺑﯩﺮ ﺗﻪﺭﻩﭖ ﻗﯩﻠﯩﺶ ﺋﻪﻫﯟﺍﻟﯩﻐﺎ ﻧﻪﺯﻩﺭ ﺳﺎﻟﺴﺎﻕ، ﺑﯘ ﭘﺎﺭﺗﯩﻴﯩﻨﯩﯔ ﺷﻪﺭﻣﻪﻧﺪﻩ، ﻳﯜﺯﺳﯩﺰﻟﯩﻜﯩﻨﻰ ﻛﯚﺭﯛﭖ ﺋﺎﻻﻻﻳﻤﯩﺰ، ﻛﯩﻤﻨﯩﯖﺪﯗﺭ ﺋﻪﻣﻪﻟﯩﻨﻰ ﺋﯧﻠﯩﯟﯦﺘﯩﭗ، ﻛﯩﻤﻨﯩﺪﯗﺭ ﭘﺎﺭﺗﯩﻴﯩﺪﯨﻦ ﻗﻮﻏﻼﭖ ﭼﯩﻘﯩﺮﯨﭗ ﺑﯩﺮﺗﻪﺭﻩﭖ ﻗﯩﻠﻐﺎﻧﺪﺍ ﻗﺎﻳﺴﻰ ﺋﻪﻣﻪﻟﺪﺍﺭ ﺟﯩﻨﺎﻳﻰ ﺟﺎﯞﺍﺑﻜﺎﺭﻟﯩﻘﻘﺎ ﺗﺎﺭﺗﯩﻠﺪﻯ؟ ﻣﻪﺳﺌﯘﻟﯩﻴﻪﺕ ﻛﺎﻻ ﺑﯧﻘﯩﭗ ﺳﯜﺕ ﺳﺎﻗﻘﯘﭼﻰ ﺩﯦﻬﻘﺎﻧﻼﺭﻏﺎ ﺋﺎﺭﺗﯩﭗ ﻗﻮﻳﯘﻟﯩﺪﯗ؟ ﺯﻩﻫﻪﺭﻟﯩﻨﯩﺶ ﺋﻪﻫﯟﺍﻟﻰ ﻣﯘﺑﺎﺩﺍ ﻧﻮﺭﻣﺎﻝ ﺗﻪﺭﺗﯩﭙﻠﯩﻚ ﺑﯩﺮ ﺩﯙﻟﻪﺗﺘﻪ ﺳﺎﺩﯨﺮ ﺑﻮﻟﻐﺎﻥ ﺑﻮﻟﺴﺎ، 22ﺯﺍﯞﯗﺗﻨﯩﯔ ﺑﺎﺷﻠﯩﻘﻠﯩﺮﻯ ﺗﯜﺭﻣﯩﮕﻪ ﺗﺎﺷﻼﻧﻐﺎﻥ ﺑﻮﻻﺗﺘﻰ، ﺋﯚﻟﻜﻪ ﺑﺎﺷﻠﯩﻘﻠﯩﺮﻯ ﻗﺎﺗﺘﯩﻖ ﺟﺎﺯﺍﻏﺎ ﺗﺎﺭﺗﯩﻠﻐﺎﻥ ﺑﻮﻻﺗﺘﻰ، ﺑﯘ ﺩﯙﻟﻪﺗﻨﯩﯔ ﭘﺮﯦﺰﯨﺪﯦﻨﺖ، ﯞﻩﺯﯨﺮﻟﯩﺮﻯ ﺧﯩﺰﻣﻪﺗﺘﯩﻦ ﺋﯩﺴﺘﯩﭙﺎ ﺑﻪﺭﮔﻪﻥ ﺑﻮﻻﺗﺘﻰ ﺩﻩﻳﺪﯗ ﺗﺎﯞ ﺟﯜﻥ ﺋﻪﭘﻪﻧﺪﻯ.

ﺋﯘﻳﻐﯘﺭﻻﺭﻏﺎ ﻛﻪﻟﺴﻪﻙ ﻧﯧﻤﻪ ﺩﻩﻳﻤﯩﺰ؟ ﺋﯘﻳﻐﯘﺭﻻﺭﻧﻰ ﺋﯧﺘﻨﯩﻚ ﺗﺎﺯﯨﻠﯩﻤﺎﻗﭽﻰ ﺩﻩﭘﻼ ﺗﻮﺧﺘﺎﭖ ﻗﺎﻟﻤﺎﻳﻤﯩﺰ. ﻣﯘﻻﻫﯩﺰﯨﭽﯩﻠﻪﺭ ﻫﺎﺯﯨﺮ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﻗﺎﻳﺘﺎ ‏ - ﻗﺎﻳﺘﺎ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻥ ﺋﯘﻳﻐﯘﺭﻻﺭﻧﻰ ﻗﺎﻧﻠﯩﻖ ﺑﺎﺳﺘﯘﺭﯗﺵ ﻫﻪﺭﯨﻜﻪﺗﻠﯩﺮﯨﻨﻰ ﻧﻪﺯﻩﺭﺩﻩ ﺗﯘﺗﯘﭖ، ﺧﯩﺘﺎﻱ ﻫﯚﻛﯜﻣﯩﺘﻰ ﭘﯜﺗﯜﻥ ﺋﯘﻳﻐﯘﺭﻧﻰ ﻳﻮﻗﯩﺘﯩﭗ ﺋﺎﺗﺎﻟﻤﯩﺶ ﺷﯩﻨﺠﺎﯓ ﺩﯦﮕﻪﻥ ﺑﯘ ﻳﻪﺭﺩﻩ ﻳﻪﺭ ‏ - ﺯﯦﻤﯩﻨﻨﻰ ﺋﯧﻠﯩﭗ ﻗﺎﻟﻤﺎﻗﭽﯩﻤﯘ ﺩﻩﭖ ﺳﻮﺋﺎﻝ ﻗﻮﻳﯘﺷﺘﻰ. 99‏ - ﻳﯩﻠﯩﻨﯩﯔ ﺋﺎﺧﯩﺮﯨﺪﺍ ﺗﯚﻣﯜﺭ ﻳﻮﻝ ﻗﻪﺷﻘﻪﺭﮔﻪ ﻳﯩﺘﯩﭗ ﻛﻪﻟﮕﻪﻧﺪﻩ 2000‏ - ﻳﯩﻠﻼﺭﺩﯨﻦ ﺑﺎﺷﻼﭖ ﺋﯘﻳﻐﯘﺭ ﻗﯩﺰﻟﯩﺮﯨﻨﻰ ﺋﯩﭽﻜﯩﺮﻯ ﺧﯩﺘﺎﻳﻐﺎ ﻳﯚﺗﻜﻪﭖ ﻛﯧﺘﯩﺸﻜﻪ ﺑﺎﺷﻠﯩﺪﻯ. ﺗﯚﻣﯜﺭ ﻳﻮﻝ ﻏﯘﻟﺠﺎ ﺷﻪﻫﯩﺮﯨﮕﻪ ﻳﯩﺘﯩﭗ ﺑﺎﺭﯨﺪﯨﻐﺎﻧﻼ ﺑﻮﻟﺴﺎ، ﺗﯚﻣﯜﺭ ﻳﻮﻝ ﺧﻮﺗﻪﻥ - ﺋﯩﻠﭽﻰ ﺷﻪﻫﯩﺮﯨﮕﻪ ﻳﯩﺘﯩﭗ ﺑﺎﺭﯨﺪﯨﻐﺎﻧﻼ ﺑﻮﻟﺴﺎ، ﻏﯘﻟﺠﺎ ﺧﻪﻟﻘﯩﻨﻰ ﻳﯚﺗﻜﯩﻤﻪﻳﺪﯗ ﺋﯩﭽﻜﯩﺮﻯ ﺧﯩﺘﺎﻳﻐﺎ، ﺧﻮﺗﻪﻥ ﺧﻪﻟﻘﯩﻨﻰ ﻳﯚﺗﻜﯩﻤﻪﻳﺪﯗ ﺋﯩﭽﻜﯩﺮﻯ ﺧﯩﺘﺎﻳﻐﺎ ﺩﻩﭖ ﻛﯩﻢ ﺋﯧﻴﺘﺎﻻﻳﺪﯗ؟ ﺷﯘﻧﺪﺍﻕ ﺑﻮﻟﻐﺎﻧﺪﺍ ﺑﯘ ﺗﺎﺯﯨﻼﺵ ﺑﻮﻟﻤﺎﻱ، ﺑﯘ ﺋﯩﺮﻗﯩﻲ ﻳﻮﻗﯩﺘﯩﺶ ﺑﻮﻟﻤﺎﻱ ﻧﯧﻤﻪ؟ ﺧﯩﺘﺎﻱ ﺋﯚﺯ ﺋﯩﺮﻗﯩﻨﻰ ﺋﯚﺯﻟﯩﺮﻯ ﻳﻮﻗﯩﺘﯩﺸﻘﺎ ﺋﯚﺗﻜﻪﻧﺪﻩ ﺋﯘﻳﻐﯘﺭﻻﺭﻧﻰ، ﺗﯩﺒﻪﺗﻠﻪﺭﻧﻰ ﺋﺎﻳﺎﭖ ﻗﻮﻳﺎﺗﺘﯩﻤﯘ؟
 
ﺋﯩﻜﻜﯩﻨﭽﻰ ﺩﯗﻧﻴﺎ ﺋﯘﺭﯗﺷﻰ ﻣﻪﺯﮔﯩﻠﯩﺪﻩ ﮔﯧﺘﻠﯧﺮ ﺟﯘﯞﯨﺸﻼﺭﻧﻰ ﮔﺎﺯﺩﺍ ﺗﯘﻧﺠﯘﻗﺘﯘﺭﯗﭖ ﺋﯚﻟﺘﯜﺭﮔﻪﻥ، ﻣﺎﯞ ﺯﯦﺪﯗﯓ ﭘﯘﻗﺮﺍﻻﺭﻧﻰ ﺋﺎﭼﺎﺭﭼﯩﻠﯩﻖ ﺑﯩﻠﻪﻥ ﺋﯚﻟﺘﯜﺭﮔﻪﻥ، ﺩﯨﯔ ﺷﯩﻴﺎﯞﭘﯩﯔ ﻗﻮﺭﺍﻟﻠﯩﻖ ﻗﯩﺮﻏﯩﻦ ﻗﯩﻠﯩﺶ ﺑﯩﻠﻪﻥ ﺋﯚﻟﺘﯜﺭﮔﻪﻥ،ﺟﺎﯓ ﺯﯦﻤﯩﻦ ﻏﯘﻟﺠﺎ ﺷﻪﻫﻪﺭ ﺧﻪﻟﻘﯩﻨﻰ ﻗﻮﺭﺍﻟﻠﯩﻖ ﻗﯩﺮﻏﯩﻦ ﻗﯩﻠﯩﺶ ﺑﯩﻠﻪﻥ ﺋﯚﻟﺘﯜﺭﮔﻪﻥ، ﺋﻪﻣﺪﯨﻠﯩﻜﺘﻪ ﺧﯘ ﺟﯩﻨﺘﺎﯞ ﺋﺎﺩﻩﻡ ﺋﯚﻟﺘﯜﺭﮔﻪﻧﺪﻩ ﻗﺎﻥ ﭼﯩﻘﺎﺭﻣﺎﻱ ﺋﯚﻟﺘﯜﺭﯛﺵ ﺋﯘﺳﯘﻟﯩﻨﻰ، ﺑﻪﻟﻜﻰ ﺯﻩﻫﻪﺭﻟﻪﻧﮕﻪﻥ ﭘﺎﺭﺍﺷﯘﻙ ﺳﯧﺘﯩﭗ، ﭘﯩﻼﻧﻠﯩﻖ ﺗﯘﻏﯘﺗﻨﻰ ﯞﺍﺳﺘﻪ ﻗﯩﻠﯩﭗ ﺋﻮﻣﯘﻣﻴﯜﺯﻟﯜﻙ ﺋﯩﺮﻗﯩﻲ ﻳﻮﻗﯩﺘﯩﺶ ﺋﺎﺭﻗﯩﻠﯩﻖ ﺋﺎﺩﻩﻡ ﺋﯚﻟﺘﯜﺭﯛﺵ ﻳﻮﻟﯩﻨﻰ ﺗﺎﻟﻼﭖ ﺋﺎﻟﺪﻯ. ﻗﺎﺭﺷﯩﻠﯩﻖ ﻛﯚﺭﺳﻪﺗﻜﻪﻥ ﺟﯘﯞﯨﺸﻼﺭ ﺋﯩﻜﻜﯩﻨﭽﻰ ﺩﯗﻧﻴﺎ ﺋﯘﺭﯗﺷﯩﺪﺍ ﺋﺎﻣﺎﻥ ﻗﯧﻠﯩﭗ ﺳﯜﻛﯜﺗﺘﻪ ﺗﯘﺭﻏﺎﻥ ﺟﯘﯞﯨﺸﻼﺭ ﻗﯩﺮﯨﻠﯩﭗ ﺗﯜﮔﯩﮕﻪﻥ. "ﻣﯩﻠﻠﻪﺕ ﺋﯘﺭﯗﺷﺘﺎ ﺗﯜﮔﯩﻤﻪﻳﺪﯗ، ﺳﯜﻛﯜﺗﺘﻪ ﻗﯩﺮﯨﻠﯩﭗ ﺗﯜﮔﻪﻳﺪﯗ،" ﺩﯦﮕﻪﻥ ﮔﻪﭖ ﺋﺎﺷﯘ ﺗﺎﺭﯨﺨﺘﯩﻦ ﻗﺎﻟﻐﺎﻥ ﺋﯩﺪﻯ.