ﻫﻪﻣﻤﯩﺴﻰ ﺑﺎﻟﯩﻼﺭ ﺋﯩﺪﻯ... ﺧﯩﺘﺎﻳﻨﯩﯔ ﻗﯩﺰﯨﻞ ﺑﺎﻳﺮﯨﻘﯩﻨﻰ ﻛﯚﺗﯜﺭﯛﭖ ﻧﺎﻣﺎﻳﯩﺸﻘﺎ ﭼﯩﻘﺘﻰ. ﺗﯩﻨﭽﻠﯩﻖ، ﺗﯩﻨﭻ ﻳﻮﻝ ﺑﯩﻠﻪﻥ ﻧﺎﻣﺎﻳﯩﺶ ﻗﯩﻠﯩﻤﯩﺰ ﺩﯦﮕﻪﻥ ﺑﯧﺸﺎﺭﻩﺗﻨﻰ ﺑﻪﺭﮔﻪﻧﺪﯨﻦ ﺑﺎﺷﻘﺎ، ﻫﯚﻛﯜﻣﻪﺕ ﮔﯘﻣﺎﻥ ﻗﯩﻠﻤﯩﺴﯘﻥ ﺩﻩﭖ، ﻛﯚﭘﺮﻩﻙ ﻗﯩﺰﻻﺭﻧﻰ ﺋﺎﻟﺪﯨﻨﻘﻰ ﺳﻪﭘﻜﻪ ﭼﯩﻘﯩﺮﯨﭗ ﻗﻮﻳﯘﺷﺘﻰ، ﺗﯧﺮﯨﺸﭽﺎﻧﻠﯩﻘﯩﻤﯩﺰ ﻳﻪﻧﯩﻼ ﺧﯩﺘﺎﻱ ﺯﻭﺭﺍﯞﺍﻧﻠﯩﺮﯨﻨﯩﯔ ﺋﺎﻟﺪﯨﺪﺍ ﺋﯜﻧﯜﻡ ﺑﻪﺭﻣﯩﺪﻯ. ﺷﺎﯞﮔﯘﺋﻪﻥ ﯞﻩﻗﻪﺳﯩﻨﯩﯔ ﻗﺎﺗﯩﻠﻠﯩﺮﯨﻨﻰ ﺋﯧﻨﯩﻘﻼﭖ ﺑﯧﺮﯨﺸﻨﻰ ﺗﻪﻟﻪﭖ ﻗﯩﻠﯩﺸﺘﻰ. ﺋﯘﻳﻐﯘﺭ ﻧﺎﻣﺎﻳﯩﺸﭽﯩﻼﺭ ' 10ﻛﯜﻥ ﺑﻮﻟﺪﻯ ﺑﯩﺰﮔﻪ، ﺋﯘﻳﻐﯘﺭﻻﺭﻏﺎ ﺑﯧﺮ ﺟﺎﯞﺍﺏ ﺑﯧﺮﯨﺸﯩﯖﻼﺭ ﻛﯧﺮﻩﻙ ' ﺩﯦﻴﯩﺸﺘﻰ.

ﺧﯩﺘﺎﻱ ﻛﯚﭼﻤﻪﻧﻠﯩﺮﻯ ﻫﺎﻛﯩﻤﯩﻴﯩﺘﻰ ﺋﯘﻳﻐﯘﺭﻻﺭﻏﺎ ﺟﺎﯞﺍﺏ ﺑﯧﺮﯨﺸﻨﯩﯔ ﺋﻮﺭﻧﯩﻐﺎ ﺋﯘﻳﻐﯘﺭ ﻧﺎﻣﺎﻳﯩﺸﭽﯩﻼﺭﻏﺎ ﻗﺎﺭﯨﺘﯩﭗ ﺋﻮﻕ ﭼﯩﻘﺎﺭﺩﻯ. ﺑﯩﺮ ﻗﯩﺰﻧﯩﯔ ﺑﯧﺸﯩﻐﺎ ﺋﻮﻕ ﺗﻪﮔﺪﻯ... ﺑﯘ ﻗﯩﺰ ﺑﯩﺮ ﻧﻪﭘﻪﺭ ﺋﯘﻳﻐﯘﺭ ﻳﯩﮕﯩﺘﻨﯩﯔ ﻗﯘﭼﯩﻘﯩﻐﺎ ﻳﯩﻘﯩﻠﺪﻯ... ﻣﻪﻳﺪﺍﻧﺪﺍ ﭘﺎﺗﯩﭙﺎﺭﺍﻗﭽﯩﻠﯩﻖ ﭘﻪﻳﺪﺍ ﺑﻮﻟﺪﻯ. ﻏﻪﺯﻩﭘﻠﻪﻧﮕﻪﻥ ﺋﯘﻳﻐﯘﺭ ﻧﺎﻣﺎﻳﯩﺸﭽﯩﻼﺭ... ﺷﺎﻣﺎﻟﺒﺎﻍ ﻣﻪﻫﻪﻟﻠﯩﺴﯩﮕﻪ 3 ﻣﯩﯖﺪﯨﻦ ﺋﺎﺭﺗﯘﻕ ﻛﯚﭼﻤﻪﻥ ﺧﯩﺘﺎﻳﻼﺭ ﻛﺎﻟﺘﻪﻙ ﺑﯩﻠﻪﻥ ﻗﻮﺭﺍﻟﻠﯩﻨﯩﭗ ﻫﯘﺟﯘﻡ ﻗﯩﻠﯩﭗ ﻛﻪﻟﺪﻯ. ﻛﺎﻟﺘﻪﻛﻠﯩﺮﻯ ﺋﻮﺧﺸﺎﺵ ﺋﯩﺪﻯ، ﻣﯧﯖﯩﺶ ‏ - ﺗﯘﺭﯗﺷﻰ، ﺑﻮﻱ ﺗﯘﺭﻗﻰ ﺋﻮﺧﺸﺎﺵ ﺋﯩﺪﻯ. ﺑﯘ ﺧﯩﺘﺎﻳﻼﺭ ﻗﺎﻧﺪﺍﻕ ﺗﻪﺷﻜﯩﻠﻠﻪﻧﺪﻯ؟ ﺋﺎﺩﻩﺗﺘﻪ ﻣﯘﻧﺪﺍﻕ ﺋﯩﻨﺘﯩﺰﺍﻣﭽﺎﻥ ﺋﻪﻣﻪﺱ ﺋﯩﺪﯨﻐﯘ؟ ﻫﻪﻳﺮﺍﻥ ﻗﯧﻠﯩﺸﻘﺎ ﺋﯜﻟﮕﯜﺭﻩﻟﻤﯩﺪﯗﻕ. ﺋﯘﻳﻐﯘﺭ ﺩﯦﮕﻪﻥ ﺧﯩﺘﺎﻱ ﻫﯘﺟﯘﻡ ﻗﯩﻠﯩﭗ ﻛﻪﻟﺴﻪ ﺋﯚﻳﮕﻪ ﻗﯧﭽﯩﭗ ﻛﯩﺮﯨﯟﺍﻟﯩﺪﯨﻐﺎﻥ ﺧﻪﻟﻖ ﺋﻪﻣﻪﺱ-ﺩﻩ! ﺋﯘﻳﻐﯘﺭﻻﺭ ﺋﯚﻱ - ﺋﯚﻳﺪﯨﻦ ﻛﻮﭼﯩﻼﺭﻏﺎ ﺋﯧﺘﯩﻠﯩﭗ ﭼﯩﻘﺘﻰ... ﺧﯩﺘﺎﻳﻼﺭﻧﻰ ﭼﯧﻜﯩﻨﺪﯛﺭﺩﻯ. ﻛﻪﭺ ﺑﻮﻟﺪﻯ... ﭼﯩﺮﺍﻗﻼﺭ ﺋﯚﭼﯜﺭﯛﻟﺪﻯ. ﺋﻮﻕ ﺋﺎﯞﺍﺯﻯ ﺋﯜﺯﯛﻟﻤﯩﺪﻯ... ﻧﺎﻣﺎﻳﯩﺸﻘﺎ ﻗﺎﺗﻨﺎﺷﻘﺎﻥ ﻳﺎﻛﻰ ﻗﺎﺗﻨﺎﺷﻤﯩﻐﺎﻥ ﻛﯩﺸﯩﻠﻪﺭ ﻗﺎﺭﺍ - ﻗﻮﻳﯘﻕ ﺋﻮﻗﻘﺎ ﺗﯘﺗﯘﻟﺪﻯ. ﺑﯩﺮ ﻳﯩﮕﯩﺘﻨﯩﯔ ﭘﯘﺗﯩﻐﺎ ﺋﻮﻕ ﺗﻪﻛﻜﻪﻥ ﺋﯩﻜﻪﻥ، ﺩﻭﺧﺘﯘﺭﺧﺎﻧﯩﻐﺎ ﺑﺎﺭﻏﺎﻧﺪﺍ ﺩﻭﺧﺘﯘﺭﻻﺭ ﺑﯘ ﺑﺎﻟﯩﻨﻰ ﺩﺍﯞﺍﻟﯩﻤﺎﻱ ﻫﻪﺭﺑﯩﻴﻠﻪﺭﮔﻪ ﺗﺎﭘﺸﯘﺭﯗﭖ ﺑﻪﺭﺩﻯ... ﻣﯧﻨﯩﯔ ﺋﯘﻛﺎﻣﻐﺎ ﺩﻭﺧﺘﯘﺭ ﺧﺎﻧﯩﺪﺍ ﻳﯩﯖﻨﻪ ﺳﺎﻧﺠﯩﯟﻩﺗﺘﻰ... ﺧﯩﺘﺎﻳﻼﺭ ﻳﯩﯖﻨﻪ ﺳﺎﻧﺠﯩﭗ ﺋﯚﻟﯜﭖ ﻛﻪﺗﻜﻪﻥ ﺋﯘﻳﻐﯘﺭﻻﺭ ﺋﺎﺯ ﺋﻪﻣﻪﺱ.

"ﻗﺎﺭﯨﻐﺎﻧﺪﺍ ﺧﯩﺘﺎﻱ ﻫﻪﺭﺑﯩﻲ ﺗﻪﺭﻩﭖ ﺧﯩﻤﯩﻴﯩﯟﻯ - ﺑﺎﻛﺘﯧﺮﯨﻴﯩﻨﻰ ﻳﯩﯖﻨﻪ ﺋﺎﺭﻗﯩﻠﯩﻖ ﺋﯘﻳﻐﯘﺭﻻﺭﻧﯩﯔ ﺗﯧﻨﯩﺪﻩ ﺳﯩﻨﺎﻕ ﻗﯩﻠﻐﺎﻥ ﺑﻮﻟﺴﺎ ﻛﯧﺮﻩﻙ...."

ﻧﺎﻣﺎﻳﯩﺸﭽﻰ ﺑﺎﻟﯩﻼﺭ ﺋﺎﺭﻗﺎ - ﺋﺎﺭﻗﯩﺪﯨﻦ ﻳﯩﻘﯩﻠﯩﺸﻘﺎ ﺑﺎﺷﻠﯩﺪﻯ... ﺑﯩﺮ ﻧﻪﭘﻪﺭ ﺋﯘﻳﻐﯘﺭ ﻳﯩﮕﯩﺖ ﺋﺎﻟﺪﯨﻐﺎ ﺋﯧﺘﯩﻠﯩﭗ ﺗﯘﺭﺍﺗﺘﻰ...ﺑﯘ ﻳﯩﮕﯩﺘﻨﻰ ﺋﺎﻛﯩﺴﻰ ﻗﯘﭼﺎﻗﻼﭖ ﺋﺎﻟﻐﺎﻥ ﺋﯩﺪﻯ. " ﺋﯘﻳﻐﯘﺭ ﻳﺎﺷﻠﯩﺮﻯ ﺋﺎﻕ ﭼﯧﻜﯩﺸﻜﻪ ﻣﻪﺟﺒﯘﺭﻻﻧﺪﻯ... ﺑﯩﻬﯘﺩﻩ ﺋﯚﻟﯜﭖ ﻛﻪﺗﺘﻰ... ﺋﻮﻗﯘﺳﺎﻕ ﺋﻮﻗﯘﺷﻨﯩﯔ ﭘﺎﻳﺪﯨﺴﻰ ﺑﻮﻟﻤﯩﺪﻯ... ﻣﻪﻥ ﺑﯜﮔﯜﻥ ﺋﯚﺯﯛﻣﻨﻰ ﯞﻩﺗﻪﻧﮕﻪ ﺋﺎﺗﯩﺪﯨﻢ... " ﺩﯦﮕﻪﻧﺪﻩ ﺋﺎﻛﯩﺴﻰ ﻛﯧﻠﯩﭗ ﻗﯘﭼﺎﻗﻼﭖ ﺋﺎﻟﺪﻯ... ﺩﺍﺩﯨﺴﻰ ﻛﯧﻠﯩﭗ " ﻗﻮﻳﯘﯞﻩﺕ ﺋﻮﻏﻠﯘﻣﻨﻰ، ﻗﻮﻳﯩﯟﻩﺕ، ‏ - ﺩﯨﺪﻯ، ‏ - ﺑﯘ ﺑﺎﻟﯩﻨﻰ ﺋﺎﻧﯩﺴﻰ ﺋﻮﻏﯘﻝ ﺩﻩﭖ ﺗﯘﻏﺪﻯ، ﻣﻪﻥ ﺋﻮﻏﻠﯘﻡ ﺩﻩﭖ ﭼﻮﯓ ﻗﯩﻠﺪﯨﻢ. ﯞﻩﺗﻪﻧﮕﻪ ﺧﻪﻟﻘﻘﻪ ﻛﯧﺮﻩﻙ ﺩﻩﭖ ﭼﻮﯓ ﻗﯩﻠﺪﯨﻢ... " ﺩﺍﺩﺍ - ﺑﺎﻟﯩﻨﯩﯔ ﻗﻪﻫﺮﯨﻤﺎﻧﻠﯩﻘﯩﻨﻰ ﺧﯘﺩﺍ ﻛﯚﺭﯛﭖ ﺗﯘﺭﻏﺎﻧﺪﯗ، ﯞﻩﺗﻪﻧﺪﺍﺷﻠﯩﺮﻯ ﻛﯚﺭﯛﭖ ﺗﯘﺭﻏﺎﻧﺪﯗ، ﯞﻩﺗﯩﻨﻰ ﺋﯘﻳﻐﯘﺭﯨﺴﺘﺎﻥ ﻛﯚﺭﯛﭖ ﺗﯘﺭﻏﺎﻧﺪﯗ؟

"5 - ﺋﯩﻴﯘﻝ ﻗﯩﺮﻏﯩﻨﭽﯩﻠﯩﻘﻰ"ﻧﻰ ﻛﯚﺭﮔﻪﻥ ﻛﯩﺸﯩﻠﻪﺭ ﺑﺎﺭ، ﻟﯧﻜﯩﻦ 6‏ - ﻛﯜﻧﻰ، 7‏ - ﻛﯜﻧﻰ، 8‏ - ﻛﯜﻧﻰ ﺋﯜﺭﯛﻣﭽﯩﺪﻩ ﻧﯧﻤﻪ ﺋﯩﺶ ﺑﻮﻟﺪﻯ، ﺧﻪﯞﻩﺭ ﻗﯩﻠﯩﻨﻤﯩﺪﻯ ﻫﯧﭻ ﻛﯩﻢ ﺑﯩﻠﻤﻪﻳﺪﯗ. ﺧﯩﺘﺎﻳﺪﯨﻜﻰ ﺗﻪﺷﯟﯨﻘﺎﺕ، ﻣﻪﺗﺒﯘﺋﺎﺕ ﺋﻮﺭﮔﺎﻧﻠﯩﺮﻯ ﭘﻪﻗﻪﺕ ﺋﯘﻳﻐﯘﺭﻻﺭ ﺧﯩﺘﺎﻳﻼﺭﻧﻰ ﺋﯚﻟﺘﯜﺭﺩﻯ ﺩﯦﮕﻪﻥ ﺧﻪﯞﻩﺭﻧﯩﻼ ﺧﻪﯞﻩﺭ ﻗﯩﻠﺪﻯ. ﺋﯘﻳﻐﯘﺭﻻﺭﻧﻰ ﺟﯘﯕﮕﻮﻧﯩﯔ ﭘﯘﻗﺮﺍﺳﻰ ﺩﻩﻳﺘﺘﻰ، ﺋﻪﻣﺪﻯ ﺑﯩﻠﺴﻪﻙ ﺟﯘﯕﮕﻮﻧﯩﯔ ﭘﯘﻗﺮﺍﺳﻰ ﺋﻪﻣﻪﺳﻜﻪﻧﻤﯩﺰﻏﯘ؟

ﻣﯘﺧﺒﯩﺮﻏﺎ ﺳﯚﺯﻟﻪﭖ ﺑﯧﺮﯨﯟﺍﺗﻘﺎﻥ ﻗﯩﺰ، ﺋﯧﺴﻪﻛﯩﺪﻩﭖ، ﺋﯚﭘﻜﯩﺪﻩﭖ ﻳﯩﻐﻠﯩﺪﻯ... ﭼﯩﻦ ﻳﯜﺭﯨﻜﯩﺪﯨﻦ ﻳﯩﻐﻠﯩﺪﻯ... ﺋﯘﻳﻐﯘﺭ ﺋﯩﺪﻯ... ﺧﯩﺘﺎﻳﻨﯩﯔ ﺋﻮﻗﯩﺪﺍ ﺋﯚﻟﯜﯞﺍﺗﻘﺎﻥ ﺋﯘﻳﻐﯘﺭﻧﯩﯔ ﺩﻩﺭﺩﯨﺪﻩ ﻳﯩﻐﻠﯩﺪﻯ. 3 ﻧﻪﭘﻪﺭ ﻗﯩﺰ ﺷﯘﻧﺪﺍﻕ ﻳﯩﻐﻠﯩﺪﻯ. ﺋﯘﻳﻐﯘﺭ ﺋﯜﭼﯜﻥ ﻳﯩﻐﻠﯩﺪﻯ....

-- ﺑﯩﺰﻧﯩﯔ ﺋﯩﮕﯩﻤﯩﺰ ﻳﻮﻗﻤﯘ؟ ﺋﯘﻳﻐﯘﺭﻧﯩﯔ ﺋﯩﮕﯩﺴﻰ ﻳﻮﻗﻤﯘ؟ ‏ - ﺳﻮﺋﺎﻝ ﻗﻮﻳﺪﻯ ﻗﯩﺰ. ﺋﯘﻳﻐﯘﺭﻧﯩﯔ ﺋﯩﮕﯩﺴﻰ ﺋﯘﻳﻐﯘﺭ ﺑﻮﻟﻤﺎﻣﺪﯗ، ﻗﯩﺰﯨﻢ!
-- ﺑﯘ ﺋﯩﺸﻼﺭﻏﺎ ﻛﯩﻢ ﺟﺎﯞﺍﺏ ﻗﯩﻠﯩﺪﯗ؟ ‏ - ﺳﻮﺋﺎﻝ ﻗﻮﻳﺪﻯ ﻗﯩﺰ. ﻛﯩﻢ ﺟﺎﯞﺍﺑﻜﺎﺭ ﺑﻮﻟﺴﺎ ﯞﺍﻗﺘﻰ ﻛﻪﻟﮕﻪﻧﺪﻩ ﺷﯘ ﺟﺎﯞﺍﺏ ﻗﯩﻠﻤﺎﻣﺪﯗ، ﻗﯩﺰﯨﻢ!
-- ﺋﯘﻳﻐﯘﺭﻻﺭ ﻣﯘﺷﯘﻧﺪﺍﻕ ﻗﯩﺮﯨﻠﯩﭗ ﺗﯜﮔﻪﭖ ﻛﯧﺘﻪﻣﺪﯗ؟ ‏ - ﺳﻮﺋﺎﻝ ﻗﻮﻳﺪﻯ ﻗﯩﺰ. ﻳﻮﻗﺴﯘ، ﻳﺎﻕ ﻗﯩﺰﯨﻢ! ﻗﻮﻱ ﭘﺎﺩﯨﺴﯩﻨﻰ ﺳﻮﻳﯘﭖ ﺗﯜﮔﻪﺗﻜﯩﻠﻰ ﺑﻮﻟﻤﯩﻐﺎﻧﺪﻩﻙ، ﺋﻮﻳﻐﺎﻧﻐﺎﻥ ﻣﯩﻠﻠﻪﺗﻨﻰ ﻗﯩﺮﯨﭗ ﺗﯜﮔﯜﺗﻪﻟﻤﻪﻳﺪﯗ، ﻗﯩﺰﯨﻢ!

ﻣﻪﻳﻠﻰ ﺗﻪﺑﯩﺌﻪﺕ ﺟﺎﯞﺍﺑﻜﺎﺭ ﺑﻮﻟﺴﯘﻥ، ﺋﻪﻣﻤﺎ ﺟﺎﯞﺍﺏ ﻗﯩﻠﯩﺪﯨﻐﺎﻥ ﯞﺍﻗﯩﺖ ﻳﺘﯩﭗ ﻛﻪﻟﺪﻯ! ﻣﻪﻳﻠﻰ ﺧﯩﺘﺎﻱ ﺟﺎﯞﺍﺑﻜﺎﺭ ﺑﻮﻟﺴﯘﻥ، ﺋﻪﻣﻤﺎ ﺧﯩﺘﺎﻱ ﺟﺎﯞﺍﺏ ﻗﯩﻠﯩﺪﯨﻐﺎﻥ ﯞﺍﻗﯩﺖ ﻳﯧﯩﭗ ﻛﻪﻟﺪﻯ! ﻣﻪﻳﻠﻰ ﯞﺍﻗﯩﺖ ﺟﺎﯞﺍﺑﻜﺎﺭ ﺑﻮﻟﺴﯘﻥ، ﺋﻪﻣﻤﺎ ﯞﺍﻗﯩﺖ ﺟﺎﯞﺍﺏ ﻗﯩﻠﯩﺪﯨﻐﺎﻥ ﯞﺍﻗﯩﺖ ﻳﯧﺘﯩﭗ ﻛﻪﻟﺪﻯ! ﻣﻪﻳﻠﻰ ﺗﺎﺭﯨﺦ ﺋﯘﻳﻐﯘﺭﻻﺭﻏﺎ ﺟﺎﯞﺍﺑﻜﺎﺭ ﺑﻮﻟﺴﯘﻥ، ﺋﯘﻳﻐﯘﺭﻻﺭﻏﺎ ﻣﯘﻧﺎﺳﯩﯟﻩﺗﻠﯩﻚ ﺩﯗﻧﻴﺎ ﺗﺎﺭﯨﺨﻨﯩﯔ ﺑﻪﺗﻠﯩﺮﻯ ﺋﯧﭽﯩﻠﯩﺸﻘﺎ ﺑﺎﺷﻠﯩﺪﻯ،ﻗﯩﺰﯨﻢ!

ﻗﯩﺰﯨﻢ! ﺧﯩﺘﺎﻳﻨﯩﯔ ﺷﯘﻧﭽﻪ ﯞﻩﻫﺸﯩﻴﻠﯩﻚ ﺑﯩﻠﻪﻥ ﺋﯘﻳﻐﯘﺭﻻﺭﻧﻰ ﻗﯩﺮﻏﯩﻦ ﻗﯩﻠﯩﺸﻰ، ﺑﯘ ﯞﺍﻗﯩﺖ ﻳﯧﺘﯩﭗ ﻛﻪﻟﮕﻪﻧﻠﯩﻜﯩﻨﯩﯔ ﺩﻩﻟﯩﻠﻰ ﯞﻩ ﺋﯩﺴﭙﺎﺗﯩﺪﯗﺭ.