ﺑﯩﺮﺍﻕ 3‏ - ﺋﻮﻣﯘﻣﯩﻲ ﻳﯩﻐﯩﻨﻨﯩﯔ ﺋﺎﺧﺒﺎﺭﺍﺗﻰ ﺋﯧﻼﻥ ﻗﯩﻠﯩﻨﻐﺎﻧﺪﺍ ﺧﯘ ﺟﯩﻨﺘﺎﯞﻧﯩﯔ ﺳﯚﺯﻟﯩﺮﻯ ﻗﯩﺴﻘﺎﺭﺗﯩﯟﯦﺘﯩﻠﺪﻯ. ﺑﻪﻟﮕﯩﻠﻪﻧﮕﻪﻥ ﺳﯩﻴﺎﺳﻪﺗﻨﻰ ﺋﺎﺷﻜﺎﺭﯨﻼﺵ ﺋﺎﺭﻗﯩﻠﯩﻖ ﭘﯘﻗﺮﺍﻻﺭﻧﻰ ﺋﺎﻟﺪﺍﺵ، ﻟﯧﻜﯩﻦ ﺑﻪﻟﮕﯩﻠﻪﻧﮕﻪﻥ ﺳﯩﻴﺎﺳﻪﺗﻨﯩﯔ ﺋﻪﻛﺴﯩﭽﻪ ﺋﯩﺶ ﻗﯩﻠﯩﺶ؛ ﺳﯩﻴﺎﺳﻪﺕ ﺑﻪﻟﮕﯩﻠﻪﺵ ﻟﯧﻜﯩﻦ ﺋﺎﺷﻜﺎﺭﯨﻠﯩﻤﺎﺳﻠﯩﻖ، ﺋﻪﻣﻤﺎ ﺳﯩﻴﺎﺳﻪﺗﻨﻰ ﻳﻮﺷﯘﺭﯗﻥ ﻳﻮﻟﻐﺎ ﻗﻮﻳﯘﺵ 50‏ - ﻳﯩﻠﻼﺭﺩﯨﻦ ﺑﺎﺷﻼﭖ ﺧﯩﺘﺎﻱ ﺭﻩﯕﯟﺍﺯﻟﯩﻘﯩﻨﯩﯔ ﺳﯩﻴﺎﺳﻪﺗﺘﯩﻜﻰ ﺋﯩﭙﺎﺩﯨﺴﻰ ﺑﻮﻟﯘﭖ ﻛﻪﻟﮕﻪﻥ.

ﺑﯘ ﻗﯧﺘﯩﻢ 3‏ - ﻧﯚﯞﻩﺗﻠﯩﻚ ﺋﻮﻣﯘﻣﯩﻲ ﻳﯩﻐﯩﻦ ﺋﯩﻜﻜﯩﻨﭽﻰ ﻗﯧﺘﯩﻤﻠﯩﻖ ﻳﻪﺭ ﺋﯩﺴﻼﻫﺎﺗﻰ ﺋﯧﻠﯩﭗ ﺑﯧﺮﯨﺸﻨﻰ ﻳﻪﻧﻰ ﺑﯩﺮﯨﻨﭽﻰ ﻗﯧﺘﯩﻤﻠﯩﻖ ﻳﻪﺭ ﺋﯩﺴﻼﻫﺎﺗﯩﺪﺍ ﺗﯧﺮﯨﻠﻐﯘ ﻳﻪﺭﻟﻪﺭﻧﻰ ﺩﯦﻬﻘﺎﻧﻼﺭﻧﯩﯔ ﻗﻮﻟﯩﺪﯨﻦ ﺗﺎﺭﺗﯩﭗ ﺋﯧﻠﯩﺸﻨﻰ ﺋﯩﺸﻘﺎ ﺋﺎﺷﯘﺭﯗﭖ، ﺋﯩﻜﻜﯩﻨﭽﻰ ﻗﯧﺘﯩﻤﻠﯩﻖ ﻳﻪﺭ ﺋﯩﺴﻼﻫﺎﺗﻰ ﺋﺎﺭﻗﯩﻠﯩﻖ ﺗﯧﺮﯨﻠﻐﯘ ﻳﻪﺭﻟﻪﺭﻧﻰ ﺩﯦﻬﻘﺎﻧﻼﺭﻧﯩﯔ ﻗﻮﻟﯩﻐﺎ ﻗﺎﻳﺘﯘﺭﯗﭖ ﺑﻪﺭﻣﻪﻛﭽﻰ ﺑﻮﻟﻐﺎﻥ ﺑﻮﻟﺴﺎ، ﺗﯧﺮﯨﻠﻐﯘ ﻳﻪﺭﻟﻪﺭﻧﻰ ﺋﺎﺋﯩﻠﯩﻠﻪﺭﮔﯩﭽﻪ ﻛﯚﺗﯜﺭﻩ ﺑﯧﺮﯨﺶ ﺗﻪﺭﻩﻗﻘﯩﻴﺎﺗﻨﯩﯔ ﺗﻪﻟﻪﭘﻠﯩﺮﯨﮕﻪ ﻣﺎﺳﻠﯩﺸﺎﻟﻤﯩﺪﻯ، ﺋﯩﺸﻠﻪﭘﭽﯩﻘﯩﺮﯨﺶ ﻛﯜﭼﻠﯩﺮﯨﻨﯩﯔ ﺗﻪﺭﻩﻗﻘﯩﻴﺎﺗﯩﻨﻰ ﺑﻮﻏﯘﭖ ﻗﻮﻳﺪﻯ ﺩﻩﭖ ﻗﺎﺭﯨﻐﺎﻥ ﺑﻮﻟﺴﺎ، ﺷﯘﻧﯩﯔ ﺋﯜﭼﯜﻥ ﺗﯧﺮﯨﻠﻐﯘ ﻳﻪﺭﻟﻪﺭﮔﻪ ﺋﯩﮕﯩﺪﺍﺭﭼﯩﻠﯩﻖ ﻗﯩﻠﯩﺶ ﻫﻮﻗﯘﻗﯩﻨﻰ ﺋﯧﻠﯩﭗ ﺳﯧﺘﯩﺸﻘﺎ ﻳﻮﻝ ﻗﻮﻳﯩﺪﯨﻐﺎﻥ، ﺷﯘ ﺋﺎﺭﻗﯩﻠﯩﻖ ﺋﯜﺷﺸﺎﻕ ﺩﯦﻬﻘﺎﻥ ﺋﯩﮕﯩﻠﯩﻜﯩﻨﯩﯔ ﺋﯩﺴﻜﻪﻧﺠﯩﺴﯩﺪﯨﻦ ﻗﯘﺗﯘﻟﯘﭖ، ﻳﯧﺰﺍ - ﺋﯩﮕﯩﻠﯩﻜﯩﻨﯩﯔ ﺗﻪﺭﻩﻗﻘﯩﻴﺎﺗﯩﻐﺎ ﻳﻮﻝ ﺋﺎﭼﯩﻤﯩﺰ ﺩﯦﮕﻪﻥ ﺑﻮﻟﺴﺎ،ﺧﯩﺘﺎﻱ ﻣﯘﺳﺘﻪﻣﻠﯩﻜﯩﭽﯩﻠﯩﺮﻯ ﺑﯘ ﺳﯩﻴﺎﺳﻪﺗﻨﻰ ﭼﻮﻗﯘﻡ ﺷﯘﻧﺪﺍﻕ ﻳﻮﻟﻐﺎ ﻗﻮﻳﯩﺪﯗ. ﭼﯜﻧﻜﻰ ﺯﺍﻣﺎﻧﻨﯩﯔ ﺗﻪﺭﻩﻗﻘﯩﻴﺎﺕ ﺗﻪﻟﻪﭘﻠﯩﺮﯨﮕﻪ ﺗﺎﻗﺎﺑﯩﻞ ﺗﯘﺭﺍﻟﻤﺎﻳﺪﯗ. ﺑﯩﺮﺍﻕ ﺧﯘ ﺟﯩﻨﺘﺎﯞﻧﯩﯔ ﺳﯚﺯﻟﯩﺮﯨﻨﻰ ﺋﺎﺧﺒﺎﺭﺍﺗﻨﯩﯔ ﻣﻪﺯﻣﯘﻧﯩﻐﺎ ﻛﯩﺮﮔﯜﺯﻣﯩﮕﻪﻧﺪﻩ ﺋﯧﻬﺘﯩﻤﺎﻝ ﻫﺎﺯﯨﺮ ﺟﺎﯞﺍﺏ ﺟﻪﻣﺌﯩﻴﻪﺗﻨﯩﯔ ﺩﻩﺭﻫﺎﻝ ﺋﯩﻨﻜﺎﺱ ﻗﺎﻳﺘﯘﺭﯗﺷﯩﺪﯨﻦ ﺋﻪﻧﺴﯩﺮﯨﮕﻪﻥ ﺑﻮﻟﺴﺎ ﻛﯧﺮﻩﻙ.

ﻳﯧﺰﺍ ﺧﯩﺰﻣﻪﺕ ﻳﯩﻐﯩﻨﯩﻨﯩﯔ ﭼﺎﻗﯩﺮﯨﻠﯩﺸﻰ، ﻳﻪﺭ ﺷﺎﺭﻯ ﺧﺎﺭﺍﻛﺘﯧﺮﻟﯩﻚ ﺋﯩﻘﺘﯩﺴﺎﺩﻯ ﻛﺮﯨﺰﯨﺲ ﻳﯜﺯ ﺑﯧﺮﯨﭗ ﭘﯜﺗﯜﻥ ﺩﯗﻧﻴﺎﻏﺎ ﻛﯧﯖﯩﻴﯩﯟﺍﺗﻘﺎﻥ ﺑﯩﺮ ﭘﻪﻳﺘﻜﻪ، ﺟﯘﯕﮕﻮﻧﯩﯔ ﺋﯩﻘﺘﯩﺴﺎﺩﻯ ﺗﻪﺭﻩﻗﻘﯩﻴﺎﺗﻰ ﺗﯚﯞﻩﻧﮕﻪ ﺳﯧﺮﯨﻠﯩﯟﺍﺗﻘﺎﻥ ﺑﯩﺮ ﭘﻪﻳﺘﻜﻪ ﺗﻮﻏﺮﺍ ﻛﻪﻟﺪﻯ. ﺋﯩﻘﺘﯩﺴﺎﺩﻧﯩﯔ ﺩﺍﯞﺍﻟﻐﯘﺷﯩﻐﺎ، ﻣﻪﺑﻠﻪﻍ ﺳﯧﻠﯩﺸﻨﯩﯔ ﻛﯧﻤﯩﻴﯩﺸﻜﻪ، ﺗﺎﺷﻘﻰ ﺋﯧﻬﺘﯩﻴﺎﺟﻨﯩﯔ ﺗﯚﯞﻩﻧﻠﻪﭖ ﻛﯧﺘﯩﺸﯩﮕﻪ ﺩﯗﭺ ﻛﻪﻟﮕﻪﻥ ﺧﯩﺘﺎﻱ ﻣﯘﺳﺘﻪﻣﻠﯩﻜﯩﭽﯩﻠﯩﺮﻯ، ﻣﯘﺭﻩﻛﻜﻪﭖ ﺋﯩﭽﻜﻰ - ﺗﺎﺷﻘﻰ ﯞﻩﺯﯨﻴﻪﺗﻜﻪ ﻗﺎﻧﺪﺍﻕ ﺗﺎﻗﺎﺑﯩﻞ ﺗﯘﺭﯗﺷﻨﻰ ﺋﻮﻳﻠﯩﺸﯩﯟﺍﺗﻘﺎﻥ ﺑﯩﺮ ﭘﻪﻳﺘﺘﻪ ﻳﯩﻐﯩﻦ ﭼﺎﻗﯩﺮﺩﻯ. ﺑﯘ ﻳﯩﻐﯩﻨﻨﯩﯔ ﭼﺎﻗﯩﺮﯨﻠﯩﺸﻰ ﯞﻩ ﻳﯩﻐﯩﻨﺪﺍ ﺑﻪﻟﮕﯩﻠﻪﻧﮕﻪﻥ ﺳﯩﻴﺎﺳﻪﺗﻨﯩﯔ ﺋﯩﺠﺮﺍ ﻗﯩﻠﯩﻨﯩﺸﻰ ﻣﯘﺳﺘﻪﻣﻠﯩﻜﯩﭽﻰ ﻫﯚﻛﯜﻣﻪﺗﻜﻪ ﺑﯩﺮ ﺳﯩﻨﺎﻕ ﺑﻮﻟﯘﭖ ﻗﺎﻟﺪﻯ.

ﺟﯘﯕﮕﻮﺩﺍ ﺋﯚﺳﯜﭖ ﺑﯧﺮﯨﯟﺍﺗﻘﺎﻥ ﺋﯩﺴﺘﯩﻤﺎﻝ ﺗﻪﻟﻪﭘﻠﯩﺮﯨﮕﻪ ﻣﯘﯞﺍﭘﯩﻖ ﻣﺎﺳﻠﯩﺸﺎﻟﻤﯩﻐﺎﻥ ﺩﯦﻬﻘﺎﻧﻼﺭﻧﯩﯔ ﺳﯧﺘﯩﯟﯦﻠﯩﺶ ﻛﯜﭼﻰ، ﺧﯩﺘﺎﻱ ﻣﯘﺳﺘﻪﻣﻠﯩﻜﯩﭽﯩﻠﯩﺮﯨﻨﯩﯔ ﺗﺎﺷﻘﻰ ﺳﻮﺩﯨﻐﺎ ﺗﺎﻳﯩﻨﯩﭗ ﻗﺎﻟﻐﺎﻥ ﺋﯩﻘﺘﯩﺴﺎﺩﻯ ﺗﻪﺭﻩﻗﻘﯩﻴﺎﺗﯩﻨﻰ،ﺋﯩﭽﻜﻰ ﺳﻮﺩﯨﻐﺎ ﺗﺎﻳﯩﻨﯩﭗ ﺗﻪﺭﻩﻗﻘﻰ ﻗﯩﻠﺪﯗﺭﯗﺵ ﺧﺎﻡ - ﺧﯩﻴﺎﻟﻠﯩﺮﯨﻐﯩﻤﯘ ﻣﺎﺳﻠﯩﺸﺎﻟﻤﯩﺪﻯ.ﺷﯘﯕﺎ،ﻳﻪﺭ ﻣﻪﺳﯩﻠﯩﺴﯩﮕﻪ ﻣﯘﻧﺎﺳﯩﯟﻩﺗﻠﯩﻚ ﺩﯦﻬﻘﺎﻧﻼﺭﻧﯩﯔ ﺋﯩﺠﺘﯩﻤﺎﺋﯩﻲ ﺳﯧﺘﯩﯟﯦﻠﯩﺶ ﻛﯜﭼﯩﻨﻰ ﺋﺎﺷﯘﺭﻣﺎﻗﭽﻰ ﺑﻮﻟﻐﺎﻥ ﺧﯩﺘﺎﻱ ﻣﯘﺳﺘﻪﻣﻠﯩﻜﯩﭽﯩﻠﯩﺮﻯ، ﺗﯧﺮﯨﻠﻐﯘ ﻳﻪﺭﻟﻪﺭﻧﻰ ﺋﯧﻠﯩﭗ ‏ - ﺳﯧﺘﯩﺶ ﻫﻮﻗﯘﻗﯩﻨﻰ ﺩﯦﻬﻘﺎﻧﻼﺭﻏﺎ ﻗﺎﻳﺘﯘﺭﯗﭖ ﺑﻪﺭﻣﻪﻛﭽﻰ ﺑﻮﻟﺪﻯ.

ﻣﯧﻨﯩﯖﭽﻪ ﻣﻪﺳﯩﻠﻪ ﺋﯘﻧﺪﺍﻕ ﺋﺎﺩﺩﻯ ﺑﻮﻟﻤﯩﺴﺎ ﻛﯧﺮﻩﻙ. ﺧﯩﺘﺎﻱ ﻣﯘﺳﺘﻪﻣﻠﯩﻜﯩﭽﯩﻠﯩﺮﻯ ﺋﺎﺭﯨﻠﯩﻘﺘﺎ "ﻣﯜﻟﯜﻛﭽﯩﻠﯩﻚ ﻫﻮﻗﯘﻗﻰ ﻗﺎﻧﯘﻧﻰ"ﻧﻰ ﺋﯧﻼﻥ ﻗﯩﻠﺪﻯ. ﻟﯧﻜﯩﻦ ﺋﺎﺳﺎﺳﯩﻲ ﻗﺎﻧﯘﻧﻨﻰ ﺋﯚﺯﮔﻪﺭﺗﯩﺶ ﻫﺎﺯﯨﺮﻏﯩﭽﻪ ﺧﯩﻴﺎﻟﯩﻐﯩﻤﯘ ﻛﯩﺮﯨﭗ ﺑﺎﻗﻤﯩﺪﻯ. ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻨﯩﯔ "ﺋﯩﻘﺘﯩﺴﺎﺩ، ﻣﻪﺩﻩﻧﯩﻴﻪﺕ، ﺟﻪﻣﺌﯩﻴﻪﺕ ﺗﻪﺭﻩﻗﻘﯩﻴﺎﺗﻰ ﺧﻪﻟﻘﺌﺎﺭﺍ ﺋﻪﻫﺪﯨﻨﺎﻣﯩﺴﻰ" ﻏﺎ ﺋﯩﻤﺰﺍ ﻗﻮﻳﻐﺎﻧﺪﯨﻦ ﻛﯧﻴﯩﻦ ﺧﻪﻟﻖ ﯞﻩﻛﯩﻠﻠﻪﺭ ﻗﯘﺭﯗﻟﺘﯩﻴﻰ ﺗﻪﺳﺘﯩﻘﻠﯩﻐﺎﻧﺪﻩﻙ ﺑﻮﻟﺪﻯ. ﺋﻪﻣﻤﺎ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻨﯩﯔ "ﭘﯘﻗﺮﺍﻻﺭ ﻫﻮﻗﯘﻗﻰ، ﺳﯩﻴﺎﺳﻰ ﻫﻮﻗﯘﻕ ﺧﻪﻟﻘﺌﺎﺭﺍ ﺋﻪﻫﺪﯨﻨﺎﻣﯩﺴﻰ" ﻧﻰ ﺗﯧﺨﯩﭽﻪ ﺗﻪﺳﺘﯩﻘﻠﯩﻤﯩﺪﻯ.

ﺧﯩﺘﺎﻱ ﻣﯘﺳﺘﻪﻣﻠﯩﻜﯩﭽﯩﻠﯩﺮﻯ ﺗﯜﺯﯛﭖ ﺗﺎﺭﻗﺎﺗﻘﺎﻥ "ﻣﯜﻟﯜﻛﭽﯩﻠﯩﻚ ﻫﻮﻗﯘﻗﻰ ﻗﺎﻧﯘﻧﻰ" ﯞﻩ ﺑﯘ ﻗﯧﺘﯩﻢ 3‏ - ﺋﻮﻣﯘﻣﯩﻲ ﻳﯩﻐﯩﻨﺪﺍ ﺗﯧﺮﯨﻠﻐﯘ ﻳﻪﺭﻟﻪﺭﻧﻰ ﺋﯧﻠﯩﭗ - ﺳﯧﺘﯩﺶ ﺳﯩﻴﺎﺳﯩﺘﯩﻨﯩﯔ ﺑﻪﻟﮕﯩﻠﯩﻨﯩﺸﻰ ﺩﻩﻝ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻨﯩﯔ ﻳﯘﻗﯩﺮﯨﻘﻰ ﺋﯩﻜﻜﻰ ﭘﺎﺭﭼﻪ ﻗﺎﻧﯘﻧﯩﻨﯩﯔ ﺭﻭﻫﯩﻐﺎ ﻣﯘﻧﺎﺳﯩﯟﻩﺗﻠﯩﻚ ﺑﻮﻟﯘﭖ، ﻣﻪﺳﯩﻠﯩﻨﯩﯔ ﺗﯜﮔﯜﻧﻰ ﺧﯩﺘﺎﻳﻨﯩﯔ ﻗﺎﻧﺪﺍﻕ ﺳﯩﻴﺎﺳﻪﺕ ﺑﻪﻟﮕﯩﻠﯩﮕﻪﻧﻠﯩﻜﯩﺪﻩ ﺋﻪﻣﻪﺱ، ﺑﻪﻟﻜﻰ ﻳﯘﻗﯩﺮﯨﻘﻰ ﻗﺎﻧﯘﻧﻼﺭﻏﺎ ﻣﯘﻧﺎﺳﯩﯟﻩﺗﻠﯩﻚ ﺋﺎﺳﺎﺳﯩﻲ ﻗﺎﻧﯘﻧﻨﯩﻤﯘ ﺋﯚﺯﮔﻪﺭﺗﯩﭗ ﺋﯘﻳﻐﯘﺭﻻﺭ ﺑﯩﻠﻪﻥ ﺗﯩﺒﻪﺗﻠﻪﺭﻧﯩﯔ ﻫﻮﻗﯘﻕ ﺗﻪﻟﻪﭘﻠﯩﺮﯨﮕﻪ ﻗﺎﻧﺪﺍﻕ ﻣﯘﺋﺎﻣﯩﻠﻪ ﻗﯩﻠﯩﺶ ﻣﻪﺳﯩﻠﯩﺴﯩﺪﯗﺭ.