ﺋﻪﺭﺯ ﺷﯩﻜﺎﻳﻪﺕ ﻗﯩﻠﻐﯘﭼﯩﻼﺭ ﺩﻭﻟﻘﯘﻧﻰ، ﻣﻪﺟﺒﯘﺭﯨﻲ ﺋﯚﻱ ﻛﯚﭼﯜﺭﯛﺵ ﻫﻪﺭﯨﻜﯩﺘﻰ، ﻗﺎﺭﺍ ﺧﯘﻣﺪﺍﻥ، ﻗﺎﺭﺍ ﺗﯜﺭﻣﻪ ﯞﻩﻗﻪﻟﯩﺮﻯ، ﯞﯨﯖﺌﻪﻥ ﯞﻩﻗﻪﺳﻰ، ﻳﺎﯕﺠﻴﺎ ﭘﺎﻟﯟﺍﻥ ﯞﻩﻗﻪﻟﯩﺮﻯ، ﺑﻮﻣﺒﯩﻨﻰ ﻣﻪﻳﺪﯨﺴﯩﮕﻪ ﺗﯧﯖﯩﭗ ﭘﺎﺭﺗﻠﯩﺘﯩﺶ ﯞﻩﻗﻪﻟﯩﺮﻯ ﺑﯜﮔﯜﻥ ﭼﺎﻙ‏ - ﭼﯧﻜﯩﺪﯨﻦ ﺑﯚﺳﯜﻟﯜﭖ ﻛﻪﺗﻜﻪﻥ ﺟﻪﻣﺌﯩﻴﻪﺗﻨﻰ ﺑﯩﺰﻧﯩﯔ ﺋﺎﻟﺪﯨﻤﯩﺰﻏﺎ ﻗﻮﻳﺪﻯ. ﺟﻪﻣﺌﯩﻴﻪﺗﻨﯩﯔ ﭼﺎﻙ - ﭼﯧﻜﯩﺪﯨﻦ ﺑﯚﺳﯜﻟﯜﭖ ﻛﯧﺘﯩﺸﻰ ﺯﻭﺭﯨﻴﯩﺸﻘﺎ، ﻛﯧﯖﯩﻴﯩﺸﻜﻪ ﺑﺎﺷﻠﯩﺪﻯ. "ﺋﯩﺴﻼﻫﺎﺕ ﺋﺎﻟﻠﯩﻘﺎﭼﺎﻥ ﺋﯚﻟﺪﻯ"، ﺩﯦﺪﻯ ﺋﺎﭘﺘﻮﺭ. ﻧﯧﻤﻪ ﺩﯦﻤﻪﻛﭽﻰ؟ ﺋﯩﺴﻼﻫﺎﺕ ﺳﯩﻴﺎﺳﻪﺕ ﺳﯜﭘﯩﺘﯩﺪﻩ ﺋﺎﻗﻤﯩﺪﻯ،ﺋﯩﺴﻼﻫﺎﺕ ﺑﯩﺮ ﭘﯩﺮﯨﻨﺴﯩﭗ ﺳﯜﭘﯩﺘﯩﺪﻩ ﺟﯘﯕﮕﻮ ﺟﻪﻣﺌﯩﻴﯩﺘﯩﺪﻩ ﻗﻮﺑﯘﻝ ﻗﯩﻠﯩﻨﻤﯩﺪﻯ، ﺋﯩﺴﻼﻫﺎﺕ ﺟﻪﻣﺌﯩﻴﻪﺗﻨﯩﯔ ﺯﯙﺭﯛﺭﻯ ﺗﻪﺭﻩﻗﻘﯩﻴﺎﺕ ﺗﻪﻟﻪﭘﻠﯩﺮﯨﻨﻰ ﻗﺎﻧﺪﯗﺭﺍﻟﻤﯩﺪﻯ ﻳﻪﻧﻰ ﺋﯩﺴﻼﻫﺎﺕ ﺗﺎﺭﯨﺨﻰ ﯞﻩﺯﯨﭙﯩﺴﯩﻨﻰ ﺭﯗﺳﯩﻴﯩﺪﻩ ﺋﺎﺩﺍ ﻗﯩﻠﻐﺎﻧﺪﻩﻙ ﺋﺎﺩﺍ ﻗﯩﻼﻟﻤﯩﺪﻯ ﺩﯦﮕﻪﻧﻠﯩﻜﺘﯘﺭ. ﺷﯘﯕﺎ ﺋﺎﭘﺘﻮﺭ ﺋﯩﺴﻼﻫﺎﺕ ﺋﯚﻟﺪﻯ ﺩﻩﭖ ﺧﯘﻻﺳﻪ ﭼﯩﻘﺎﺭﺩﻯ.

ﺋﯩﺴﻼﻫﺎﺗﻨﯩﯔ ﻫﻪﺭﯨﻜﻪﺗﻠﻪﻧﺪﯛﺭﮔﯜﭺ ﻛﯜﭺ ﻣﻪﻧﺒﻪﻟﯩﺮﻯ ﺋﯘﭘﺮﺍﭖ ﺗﯜﮔﯩﺪﻯ، ﺋﯩﻜﻜﯩﻨﭽﻰ ﻗﯧﺘﯩﻢ ﻣﻪﺩﻩﻧﯩﻴﻪﺕ ﺋﯩﻨﻘﯩﻼﺑﻰ ﺋﯧﻠﯩﭗ ﺑﯧﺮﯨﺶ ﻛﯧﺮﻩﻛﻤﯘ؟، ﺟﯘﯕﮕﻮ ﺟﻪﻣﺌﯩﻴﯩﺘﻰ ﺋﻪﻛﺴﯩﻠﺌﯩﻨﻘﯩﻼﺑﻰ ﺩﻩﯞﺭﮔﻪ ﻛﯩﺮﯨﭗ ﻗﺎﻟﺪﻯ ﺩﻩﻳﺪﯨﻐﺎﻥ ﺳﯚﺯ ‏ - ﺋﯩﺒﺎﺭﯨﻠﻪﺭ،ﺋﯩﺴﻼﻫﺎﺗﻨﻰ ﻣﻪﺩﻫﯩﻴﯩﻠﻪﻳﺪﯨﻐﺎﻥ ﺳﯚﺯ ‏ - ﺋﯩﺒﺎﺭﯨﻠﻪﺭﮔﻪ ﻗﺎﺭﺷﻰ ﻗﻮﻳﯘﻟﯘﭖ، ﺋﯩﺴﻼﻫﺎﺗﻨﻰ ﻫﻪﺭ ﺑﯩﺮ ﺋﺎﺩﻩﻡ ﺋﻪﻳﯩﺒﻠﻪﻳﺪﯨﻐﺎﻥ ﺑﯩﺮ ﻫﺎﻝ ﺟﻪﻣﺌﯩﻴﻪﺗﺘﻪ ﺋﻮﺗﺘﯘﺭﯨﻐﺎ ﭼﯩﻘﺘﻰ. ﺋﯩﺴﻼﻫﺎﺕ ﯞﻩ ﺋﯩﺴﻼﻫﺎﺗﻨﯩﯔ ﺋﺎﻳﺮﯨﻢ ﻧﻪﺗﯩﺠﯩﻠﯩﺮﯨﻨﻰ ﭘﯜﺗﯜﻧﻠﻪﻱ ﻗﺎﺭﯨﻼﺷﻘﺎ ﻣﻪﻥ ﻗﻮﺷﯘﻟﻤﺎﻳﻤﻪﻥ‏ -،ﺩﻩﻳﺪﯗ ﭼﯜﻳﯚ ﺋﻪﭘﻪﻧﺪﻯ،‏ - ﺋﯩﺴﻼﻫﺎﺕ ﭘﯘﻗﺮﺍﻻﺭﻧﯩﯔ ﺗﯘﺭﻣﯘﺵ ﺳﺎﭘﺎﺳﯩﻨﻰ ﻳﺎﺧﺸﯩﻠﯩﺪﻯ. ﺋﻪﻣﻤﺎ ﺟﻪﻣﺌﯩﻴﻪﺗﺘﻪ ﺯﯨﺪﺩﯨﻴﻪﺗﻠﻪﺭﻧﯩﯔ ﺩﯙﯞﯨﻠﯩﻨﯩﭗ ﺋﯧﻐﯩﺮ ﻣﻪﺳﯩﻠﯩﻠﻪﺭﻧﯩﯔ ﺟﻪﻣﺌﯩﻴﻪﺗﺘﻪ ﻣﻪﯞﺟﯘﺕ ﺑﻮﻟﯘﺷﯩﻐﺎ ﺋﯩﺴﻼﻫﺎﺕ ﺳﻪﯞﻩﺑﭽﻰ ﺋﻪﻣﻪﺱ ﺑﻪﻟﻜﻰ ﻗﺎﻻﻕ ﺳﯩﻴﺎﺳﻰ،ﺋﯩﺠﺘﯩﻤﺎﺋﯩﻲ ﺗﯜﺯﯛﻡ ﺳﻪﯞﻩﺑﻜﺎﺭ ﺑﻮﻟﺪﻯ. ﺷﯘﯕﺎ،‏ - ﺩﻩﭖ ﻛﯚﺭﺳﻪﺗﺘﻰ ﭼﯜﻳﯚ ﺋﻪﭘﻪﻧﺪﻯ،‏ - ﺑﯩﺮ ﻧﻪﭼﭽﻪ ﺋﯩﻤﺘﯩﻴﺎﺯﻟﯩﻖ ﺗﻪﺑﯩﻘﯩﻠﻪﺭ ﺑﯩﻠﻪﻥ ﺯﻭﺭ ﻛﯚﭘﭽﯩﻠﯩﻚ ﺋﺎﺟﯩﺰ ﭘﯘﻗﺮﺍﻻﺭﻧﯩﯔ ﺟﯩﺪﺩﯨﻲ ﺗﯩﺮﻛﯩﺸﯩﺸﻰ ﺷﻪﻛﯩﻠﻠﯩﻚ ﻫﺎﻟﻪﺗﻜﻪ ﻛﯩﺮﯨﭗ، ﺗﻪﺭﻩﻗﻘﯩﻴﺎﺕ ﻳﯜﺯﻟﯩﻨﯩﺸﻰ ﻫﻪﺭ ﺑﯩﺮ ﻛﯩﺸﯩﻨﻰ ﺋﻪﻧﺪﯨﺸﻪ - ﯞﻩﺳﯟﻩﺳﯩﮕﻪ ﺳﺎﻟﻤﺎﻗﺘﺎ.

ﻫﻮﻗﯘﻗﻘﺎ ﺗﺎﻳﯩﻨﯩﭗ ﭘﯘﺷﺘﻰ - ﭘﺎﻧﺎﻫﯩﻨﻰ ﺋﯩﺰﺩﻩﺵ ﺋﻪﻧﺪﯨﺰﯨﺴﻰ ﺩﺍﺋﯩﺮﯨﺴﯩﺪﻩ ﺯﻭﺭ ﻛﯚﻟﻪﻣﺪﻩ ﭘﯘﻟﻨﻰ ﺋﯚﺯﯨﻨﯩﯔ ﻗﯩﻠﯩﯟﯦﻠﯩﺶ، ﻳﻪﺭ - ﻣﯜﻟﯜﻛﻨﻰ ﺋﯚﺯﯨﻨﯩﯔ ﻗﯩﻠﯩﯟﯦﻠﯩﺶ، ﻗﯩﺰﯨﻞ ﯞﻩ ﻗﺎﺭﺍ ﺟﻪﻣﺌﯩﻴﻪﺕ ﻛﯜﭼﻠﯩﺮﻯ ﻗﻮﻝ ﺗﯘﺗﯘﺷﯘﭖ ﺗﺎﻻﻥ - ﺗﺎﺭﺍﺝ ﻗﯩﻠﯩﺶ ﺟﻪﻣﺌﯩﻴﻪﺗﻨﯩﯔ ﺋﯩﻜﻜﻰ ﻗﯘﺗﯘﭘﻘﺎ ﭘﺎﺭﭼﯩﻠﯩﻨﯩﺸﯩﻨﻰ ﺗﯧﺨﯩﻤﯘ ﻛﻪﺳﻜﯩﻨﻠﻪﺷﺘﯜﺭﯛﯞﻩﺗﺘﻰ. ﻗﺎﺭﺍ ﺟﻪﻣﺌﯩﻴﻪﺕ ﻛﯜﭼﻠﯩﺮﯨﻨﻰ ﺗﺎﺯﯨﻼﺵ ﻫﻪﺭﯨﻜﯩﺘﻰ ﺩﻩﭖ ﺋﯧﻠﯩﭗ ﺑﯧﺮﯨﻠﻐﺎﻥ 80 ﻛﯜﻧﻠﯜﻙ ﻫﻪﺭﯨﻜﻪﺗﺘﻪ، ﻳﯧﻘﯩﻨﺪﺍ، ﭼﯘﯕﭽﯩﯔ ﺷﻪﻫﯩﺮﯨﺪﻩ 10ﻣﯩﯖﻐﺎ ﻳﯧﻘﯩﻦ ﻛﯩﺸﻰ ﻗﻮﻟﻐﺎ ﺋﯧﻠﯩﻨﺪﻯ. ﻳﻪﻧﻪ ﺷﯘﻧﺪﺍﻕ ﻗﻮﻟﻐﺎ ﺋﯧﻠﯩﻨﺴﺎ، ﺗﯜﺭﻣﻪ ﺗﯧﭙﯩﻼﺭﻣﯘ؟ﺩﯗﻧﻴﺎﯞﻯ ﭘﯘﻝ - ﻣﯘﺋﺎﻣﯩﻠﻪ ﺳﯧﺴﺘﯩﻤﯩﺴﯩﻨﯩﯔ ﺑﻮﺭﺍﻥ - ﭼﺎﭘﻘﯘﻧﻠﯩﺮﻯ ﺟﯘﯕﮕﻮ ﺟﻪﻣﺌﯩﻴﯩﺘﯩﻨﯩﯔ ﺋﯚﺗﻜﯜﺭ ﺋﯩﺠﺘﯩﻤﺎﺋﯩﻲ ﺯﯨﺪﺩﯨﻴﻪﺗﻠﯩﺮﯨﻨﯩﯔ ﻧﯩﻘﺎﺑﻠﯩﺮﯨﻨﻰ ﺋﯧﭽﯩﯟﻩﺗﺘﻰ. ﺋﯧﻜﯩﺴﭙﻮﺭﺕ ﻣﯩﻘﺪﺍﺭﻯ ﺟﯩﺪﺩﯨﻲ ﺗﯚﯞﻩﻧﻠﻪﺷﻜﻪ ﺑﺎﺷﻠﯩﺪﻯ. ﺋﯩﻨﺘﺎﻳﯩﻦ ﻛﯚﭖ ﺋﻮﺗﺘﯘﺭﺍ - ﻛﯩﭽﯩﻚ ﻛﺎﺭﺧﺎﻧﯩﻼﺭﻏﺎ ﻣﻪﺑﻠﻪﻍ ﻳﯧﺘﯩﺸﻤﻪﻱ ﻗﺎﻟﺪﻯ. ﭼﻪﺗﺌﻪﻝ ﻣﻪﺑﻠﯩﻐﻰ ﺟﯘﯕﮕﻮﻏﺎ ﻛﯩﺮﯨﺸﻜﻪ ﺋﻪﻣﻪﺱ ﺑﻪﻟﻜﻰ ﺟﯘﯕﮕﻮﺩﯨﻦ ﭼﯧﻜﯩﻨﯩﺸﻜﻪ ﺑﺎﺷﻠﯩﺪﻯ.

ﻛﻮﭼﯩﻼﺭﻏﺎ ﻧﺎﻣﺎﻳﯩﺶ ﻗﯩﻠﯩﭗ ﭼﯩﻘﻘﺎﻥ ﺋﯩﺸﺴﯩﺰﻻﺭ ﺧﻪﺗﻪﺭﻟﯩﻚ ﺳﺎﻥ ﻛﯚﺭﺳﻪﺗﻜﯜﭼﯩﻨﻰ ﺗﻮﻟﯘﻗﻼﻳﺪﯨﻐﺎﻥ ﻳﯧﯖﻰ ﻛﯜﭼﻜﻪ ﺋﺎﻳﻼﻧﺪﻯ. ﻧﯘﺭﻏﯘﻥ ﺋﺎﻻﻣﻪﺗﻠﻪﺭ ﻛﯚﺭﺳﻪﺗﺘﯩﻜﻰ، ﺟﯩﺪﺩﯨﻲ ﺗﯩﺮﻛﯩﺸﯩﺸﻨﯩﯔ ﻛﻪﺳﻜﯩﻦ ﻗﺎﺭﺷﯩﻠﯩﺸﯩﺸﻘﺎ ﺋﺎﻳﻠﯩﻨﯩﺸﻰ، ﺗﺎﻣﻨﯩﯔ ﺋﯩﭽﯩﺪﯨﻜﻰ ﯞﻩﺯﯨﻴﻪﺕ ﯞﻩ ﺗﺎﻣﻨﯩﯔ ﺳﯩﺮﺗﯩﺪﯨﻜﻰ ﺧﻪﺗﻪﺭﻟﯩﻚ ﯞﻩﺯﯨﻴﻪﺕ ﻛﻮﻣﻤﯘﻧﯩﺴﺖ ﺧﯩﺘﺎﻳﻼﺭﻧﻰ ﻳﺎﻛﻰ ﭘﯘﻗﺮﺍﻻﺭ ﺑﯩﻠﻪﻥ ﻳﺎﺭﯨﺸﯩﺸﻘﺎ ﻣﻪﺟﺒﯘﺭﻟﯩﻤﺎﻗﺘﺎ، ﻳﺎﻛﻰ ﺟﻪﻣﺌﯩﻴﻪﺗﻜﻪ ﻳﯩﺘﯩﭗ ﻛﯧﻠﯩﯟﺍﺗﻘﺎﻥ ﺋﯩﻨﻘﯩﻼﺑﻘﺎ ﻳﯜﺯﻟﯩﻨﯩﺸﻜﻪ ﻣﻪﺟﺒﯘﺭﻟﯩﻤﺎﻗﺘﺎ.

ﺋﯩﻤﺘﯩﻴﺎﺯﻟﯩﻘﻼﺭ ﺗﻪﺑﯩﻘﯩﺴﻰ ﻳﺎﻛﻰ ﻫﻮﻗﯘﻗﺪﺍﺭﻻﺭ ﺩﯗﭺ ﻛﻪﻟﮕﻪﻥ ﺗﺎﻟﻼﺵ ﺷﯘ ﺑﻮﻟﺪﯨﻜﻰ؛ ﻗﯩﺴﻤﻪﻥ ﻣﻪﻧﭙﻪﺋﻪﺗﻨﻰ ﻳﺎﻛﻰ ﻗﯩﺴﻤﻪﻥ ﻫﻮﻗﯘﻗﻨﻰ ﭘﯘﻗﺮﺍﻻﺭﻏﺎ ﺋﯚﺗﯜﻧﯜﭖ ﺑﯧﺮﯨﭗ،ﭘﯘﻗﺮﺍﻻﺭ ﺑﯩﻠﻪﻥ ﻳﺎﺭﯨﺸﯩﭗ ﻫﺎﻳﺎﺗﻠﯩﻘﻘﺎ ﺋﻮﺭﺗﺎﻕ ﺋﯩﺰﺩﯨﻨﯩﺶ ﻳﺎﻛﻰ ﻳﻪﻧﯩﻤﯘ ﺯﻭﺭﺍﯞﺍﻧﻠﯩﻖ ﻗﯩﻠﯩﭗ، ﺩﺍﯞﺍﻣﻠﯩﻖ ﺑﺎﺳﺘﯘﺭﯗﭖ، ﻧﺎﺯﯗ - ﻧﯧﻤﻪﺗﻠﯩﻚ ﺩﯗﻧﻴﺎﻧﻰ ﯞﺍﻗﯩﺘﻠﯩﻖ ﺳﺎﻗﻼﭖ ﻗﯧﻠﯩﭗ، ﺋﯚﻟﯜﻣﮕﻪ ﺟﯘﯕﮕﻮ ﺟﻪﻣﺌﯩﻴﯩﺘﻰ ﺑﯩﻠﻪﻥ ﺋﻮﺭﺗﺎﻕ ﻳﯜﺯﻟﯩﻨﯩﺶ، ﻣﻪﻏﻠﯘﺑﯩﻴﻪﺗﻜﻪ ﺋﻮﺭﺗﺎﻕ ﻳﯜﺯﻟﯩﻨﯩﺶ. ﺩﯦﻤﻪﻙ ﺧﯩﺘﺎﻱ ﻣﯘﺳﺘﻪﻣﻠﯩﻜﯩﭽﯩﻠﯩﺮﻯ ﻧﯧﻤﻪ ﻗﯩﻼﺭﯨﻨﻰ ﺑﯩﻠﻤﻪﻱ ﻗﺎﻟﺪﯨﻤﯘ؟

ﺋﯘﻧﯩﯖﺪﯨﻦ ﺑﺎﺷﻘﺎ، ﭘﯘﻗﺮﺍﻻﺭ ﺟﻪﻣﺌﯩﻴﯩﺘﯩﻤﯘ ﺋﻮﺧﺸﺎﺵ ﺗﺎﻟﻼﺷﻘﺎ ﺩﯗﭺ ﻛﻪﻟﺪﻯ. ﻫﯚﻛﯜﻣﺮﺍﻧﻼﺭ ﭘﯘﺷﺎﻳﻤﺎﻥ ﻗﯩﻠﯩﺪﯨﻐﺎﻥ ﺑﻮﻟﺴﺎ،ﻛﻪﭼﯜﺭﯛﻡ ﻗﯩﻠﯩﺶ ﻛﯧﺮﻩﻛﻤﯘ - ﻳﻮﻕ؟ ﺟﯩﻨﺎﻳﯩﺘﯩﻨﻰ ﺗﻮﻧﯘﺵ ﺑﯩﻠﻪﻥ ﻫﯧﺴﺎﺏ ﺋﯧﻠﯩﺸﻨﻰ ﺋﺎﻟﻤﺎﺷﺘﯘﺭﯗﺵ ﺷﻪﺭﺗﻰ ﻗﯩﻠﯩﺶ ﻛﯧﺮﻩﻛﻤﯘ، ﻳﻮﻕ؟ ﺯﻭﺭﺍﯞﺍﻧﻠﯩﻘﻘﺎ ﺯﻭﺭﺍﯞﺍﻧﻠﯩﻖ ﺑﯩﻠﻪﻥ ﻗﺎﺭﺷﻰ ﺗﯘﺭﯗﭖ ﻣﯩﻠﺘﯩﻖ ﻛﯚﺗﻪﺭﮔﻪﻧﻠﻪﺭﻧﻰ ﺗﺎﻡ ﺗﯜﯞﯨﮕﻪ ﻗﯩﺴﺘﺎﭖ ﻛﯧﻠﯩﭗ، ﺋﯘﻻﺭﻧﻰ ﺋﻮﻕ ﭼﯩﻘﯩﺮﯨﺸﻘﺎ ﻣﻪﺟﺒﯘﺭﻻﺵ ﺋﺎﻗﯩﻼﻧﯩﻠﯩﻖ ﺑﻮﻻﻣﺪﯗ، ﺑﻮﻟﻤﺎﻣﺪﯗ؟ ﺋﺎﻗﯩﻼﻧﻪ ﺳﯩﻴﺎﺳﻪﺕ ﺑﻮﻻﻣﺪﯗ، ﺑﻮﻟﻤﺎﻣﺪﯗ؟ ‏ - ﺩﻩﭖ ﻛﯚﺭﺳﻪﺗﺘﻰ ﭼﯜ ﻳﯚ ﺋﻪﭘﻪﻧﺪﻯ.