Péréwot urushi soghuq munasiwetler urushidinmu qorqunchluqtur

2011 - Yili 11 - ayning 21 - küni jungping agénitliqi “ Metbu'atlar , amérika péréwot urushini bashlidi. Bu urush soghuq munasiwetler urushidinmu qorqunuchluq bolidu, didi” serlewhilik maqale élan qildi.
Obzorchimiz sidiq haji rozi
2011.11.22

Maqale aptori yer shari gézitining maqaliliridin neqil keltürüp: xelq pulining kursini östürüsh jehette amérikining siyaset xaraktérlik bésimigha duch kelgende, junggoning aldida turghan eng muhim mesile shundaq bolup qaldiki, junggo, xitay pulining ayriwashlash qimmitini döletning siyasi menpe'eti qatarigha qoyamdu yaki addila iqtisadi menpe'etning aldigha qoyamdu, deydighan tarixi xaraktérlik waqitqa toghra kélip qaldi, dep körsetti.

Xitayning iqtisadi 20 - esirning 60 - yilliridikidek tokorning yiraqqa sekrishidek, yiraqqa sekrimey, 90 - yillargha kelgende ikki put bilen yol méngip biri chet'elge ékisport qilish, yene biri öy - imaret tijariti qilish bilen shughullinip kelgen. Emeliyette ékisport qilidighan tawarlarmu, meblegh salghan chet'el shirketlirining tawar - malliri idi. Xitay shirketlirimu chet'ellerge meblegh saldi. Biraq bu shirketler xususi shirketler emes, xitayning dölet igilikidiki shirketler idi. 30 Yil mabeynide xitay xususi shirketlerning tereqqi qilishigha yol qoymidi. Shunga winjudek sheherlerde barliq xususi shirketler biraqla gumran boldi. Junggoning kapitalistik ishlepchiqirishi yenila pilanliq ishlepchiqirish bolup qaldiki, kapitalizm dölet kapitalizmi bolup tereqqi qildi. Xususi kapitalizmning tereqqi qilishigha kapitalist kommunistlar hergiz yol qoymidi. Xitay pulini bazar bahasi boyiche ayriwashlashqimu yol qoymay, xeliq pulining kursini bazar bahasi boyiche tengsheshkimu yol qoymay, xitay hökümiti, amérika qatarliq soda shiriklirige éghir iqtisadi ziyan keltürdi. Bundaq chaghda amérikidek bir dölet otturigha chiqip, xitay pulining kursini östürüsh toghrisida gep qilsa bolmamdikine?

Xitayda pul paxalliqi téxi eksige qaytqini yoq. Emdilikte öy - imaret bahasining töwenlep kétishige duch keldi.

Maqalide “ En'eniwi urush, siyasi qarimu - qarshiliq biwastiliqining netijisidur. Soghuq munasiwetler urushi dawamliq, dawamlashturushqa muhtaj emes. Biraq, soghuq munasiwetler urushi siyasi qarimu - qarshiliqta biwaste gewdilinidighan yuqiri derijilik urush sheklidur ” dep körsitildi.

Buningdin burun, boshün tor biti :11 - ayning 11 - küni “ Böre axiri keldi....” mawzuluq maqale élan qilip: junggo kommunistliri, xitayda hökümet ebedi aghdurulmaydu deydighan epsane yaritip bergen,lékin bu epsane xuddi öy - imaret tijariti gumran bolghandek gumran bolidighan boldi, dep körsetken. Bügünki amérika, junggo munasiwitini, ötke ndikidek, sözlishish munasiwiti, shiriklik munasiwiti, menpe'etdar döletler munasiwiti deydighan munasiwetlerge oxshatqili bolmisa kérek. Amérika, junggo munasiwiti asiya, tinch okiyan rayonida sen turamsen yaki menmu deydighan munasiwet da'irisige kirip qalamdu, qandaq?
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.