ﺋﺎﺭﺯﯗﮔﯜﻝ ﺗﯘﺭﺳﯘﻥ ﺷﯘ ﻛﯜﻧﻰ ﻛﻪﭼﺘﻪ ﻳﻪﻧﻰ ﺋﻮﭘﯧﺮﺍﺗﺴﯩﻴﯩﺪﯨﻦ ﺑﯩﺮ ﻛﯧﭽﻪ ﺋﺎﯞﯞﺍﻝ ﺩﻭﺧﺘﯘﺭﺧﺎﻧﯩﺪﯨﻦ ﻗﺎﭼﺘﻰ. ﺋﻪﻣﻤﺎ ﺑﯩﺮ ﻛﯜﻧﺪﯨﻦ ﻛﯧﻴﯩﻦ ﻳﻪﻧﻰ ﺩﯛﺷﻪﻧﺒﻪ ﭼﯜﺷﺘﯩﻦ ﻛﯧﻴﯩﻦ ﺧﯩﺘﺎﻱ ﺳﺎﻗﭽﯩﻠﯩﺮﻯ ﺋﯘﻧﻰ ﻳﻮﺷﯘﺭﯗﻧﯘﭖ ﺗﯘﺭﻏﺎﻥ ﻳﯧﺮﯨﺪﯨﻦ ﺗﯘﺗﯘﭖ ﻛﻪﻟﺪﻯ. ﺑﯘ ﻗﯧﺘﯩﻢ ﺋﺎﺭﺯﯗﮔﯜﻝ ﺳﯘ ﺩﻩﺭﯞﺍﺯﺍ ﺩﻭﺧﺘﯘﺭﺧﺎﻧﯩﺴﯩﻐﺎ ﺋﻪﻣﻪﺱ، ﺋﯩﻠﻰ ﺋﻮﺑﻼﺳﺘﻠﯩﻖ ﺋﺎﻧﺎ - ﺑﺎﻟﯩﻼﺭ ﺩﻭﺧﺘﯘﺭﺧﺎﻧﯩﺴﯩﻐﺎ ﺋﻮﺭﯗﻧﻼﺷﺘﯘﺭﯗﻟﺪﻯ.

ﺋﺎﺭﺯﯗﮔﯘﻝ ﺗﯘﺭﺳﯘﻥ ﺑﯘ ﻗﯧﺘﯩﻤﻘﻰ ﺑﺎﺗﯘﺭﻟﯘﻗﻰ ﺑﯩﻠﻪﻥ ﻫﺎﻣﯩﻠﯩﺴﯩﻨﻰ ﺩﯛﺷﻪﻧﺒﻪ ﻛﯜﻧﯩﺪﯨﻜﻰ ﺋﻮﭘﯧﺮﺍﺗﺴﯩﻴﯩﺪﯨﻦ ﺳﺎﻗﻼﭖ ﻗﺎﻟﺪﻯ. ﺋﻪﻣﻤﺎ ﻫﺎﻣﯩﻠﯩﻨﯩﯔ ﻫﺎﻳﺎﺗﻰ ﻳﻪﻧﯩﻼ ﺗﻪﻫﺪﯨﺖ ﺋﺎﺳﺘﯩﺪﺍ.

ﺋﺎﺭﺯﯗﮔﯘﻝ ﺗﯘﺭﺳﯘﻥ ﺩﻭﺧﺘﯘﺭﺧﺎﻧﯩﻐﺎ ﺋﯧﻠﯩﭗ ﻛﯧﻠﯩﻨﮕﻪﻧﺪﯨﻦ ﻛﯧﻴﯩﻦ، ﺩﺍﺩﯨﺴﻰ ﺗﯘﺭﺳﯘﻧﺠﺎﻥ ﻫﻪﺳﻪﻧﻤﯘ ﺩﻭﺧﺘﯘﺭﺧﺎﻧﯩﻐﺎ ﭼﺎﻗﯩﺮﺗﯩﻠﻐﺎﻥ ﯞﻩ ﺋﻮﭘﯩﺮﺍﺗﺴﯩﻴﻪ ﺗﻮﺧﺘﺎﻣﻨﺎﻣﯩﺴﯩﮕﻪ ﻗﻮﻝ ﻗﻮﻳﯘﺷﻘﺎ ﻗﯩﺴﺘﺎﻟﻐﺎﻥ. ﺗﯘﺭﺳﯘﻧﺠﺎﻥ ﻫﻪﺳﻪﻥ ﻗﻮﻝ ﻗﻮﻳﯘﺷﻨﻰ ﺭﻩﺕ ﻗﯩﻠﻐﺎﻥ.

ﺋﻮﺑﻼﺳﺘﻠﯩﻖ ﺳﯩﻴﺎﺳﯩﻲ ﻛﯧﯖﻪﺷﻨﯩﯔ ﺑﺎﺷﻠﯩﻘﻰ ﺋﺎﺑﺪﯗﯞﺍﻳﯩﺖ ﻫﺎﺟﻰ ﺗﯘﺭﺳﯘﻧﺠﺎﻥ ﻫﻪﺳﻪﻧﮕﻪ ﺧﯩﺰﻣﻪﺕ ﺋﯩﺸﻠﯩﮕﻪﻥ ﯞﻩ ﺗﻮﺧﺘﺎﻣﻐﺎ ﻗﻮﻝ ﻗﻮﻳﺴﯩﺪﯗ - ﻗﻮﻳﻤﯩﺴﯩﺪﯗ ﺑﺎﻟﯩﻨﯩﯔ ﺋﻮﭘﯧﺮﺍﺗﺴﯩﻴﻪ ﻗﯩﻠﯩﻨﯩﺪﯨﻐﺎﻧﻠﯩﻘﯩﻨﻰ، ﺷﯘﯕﺎ ﻗﻮﻝ ﻗﻮﻳﯘﺷﻰ ﻛﯧﺮﻩﻛﻠﯩﻜﯩﻨﻰ ﺋﯚﮔﻪﺗﻜﻪﻥ. ﺗﯘﺭﺳﯘﻧﺠﺎﻥ ﻫﻪﺳﻪﻥ ﺋﯘﺯﯗﻧﻐﺎ ﺳﻮﺯﯗﻟﻐﺎﻥ ﺗﺎﻻﺵ - ﺗﺎﺭﺗﯩﺶ ﯞﻩ ﺗﻪﻫﺪﯨﺘﻠﻪﺭﺩﯨﻦ ﻛﯧﻴﯩﻦ ﻣﺎﻗﯘﻟﻨﺎﻣﯩﻐﺎ ﻗﻮﻝ ﻗﻮﻳﻐﺎﻥ.

ﺋﯩﮕﯩﻠﯩﺸﯩﻤﯩﺰﭼﻪ، ﺋﺎﺭﺯﯗﮔﯜﻟﻨﯩﯔ ﺋﯧﻨﯩﻖ ﻗﺎﻳﺴﻰ ﭼﺎﻏﺪﺍ ﺋﻮﭘﯩﺮﺍﺗﺴﯩﻴﻪ ﻗﯩﻠﯩﻨﯩﺪﯨﻐﺎﻧﻠﯩﻘﻰ ﻣﻪﻟﯘﻡ ﺋﻪﻣﻪﺱ، ﺳﯧﺴﺘﯩﺮﺍﻻﺭﺩﯨﻦ ﺑﯩﺮﯨﻨﯩﯔ ﺑﯩﻠﺪﯛﺭﯛﺷﯩﭽﻪ، ﺋﻪﺗﻪ ﻳﻪﻧﻰ ﺳﻪﻳﺸﻪﻧﺒﻪ ﻛﯜﻧﻰ ﺋﻪﺗﯩﮕﻪﻥ 8 ﺩﻩ؛ ﻳﻪﻧﻪ ﺑﯩﺮﯨﻨﯩﯔ ﺑﯩﻠﺪﯛﺭﯛﺷﯩﭽﻪ ﻳﻪﻧﻪ ﺳﺎﻻﻣﻪﺗﻠﯩﻚ ﺗﻪﻛﺸﯜﺭﯛﺷﯩﺪﯨﻦ ﻛﯧﻴﯩﻦ ﻳﻪﻧﻰ ﺋﻪﯓ ﺑﺎﻟﺪﯗﺭ ﺑﻮﻟﻐﺎﻧﺪﺍ ﭼﺎﺭﺷﻪﻧﺒﻪ ﻛﯜﻧﻰ ﺋﻮﭘﯩﺮﺍﺗﺴﯩﻴﻪ ﻗﯩﻠﯩﻨﻤﺎﻗﭽﻰ.

ﺧﯩﺘﺎﻱ ﺩﻭﺧﺘﯘﺭﻟﯩﺮﻯ 6 ﺋﺎﻳﻠﯩﻖ ﻫﺎﻣﯩﻠﻪ ﺋﯜﭼﯜﻥ ﭘﯩﭽﯩﻘﯩﻨﻰ ﺑﯩﻠﻪﭖ ﺗﯘﺭﻏﺎﻥ ﻣﯘﺷﯘ ﻣﯩﻨﯘﺗﻼﺭﺩﺍ، ﻣﯘﻫﺎﺟﯩﺮﻩﺗﺘﯩﻜﻰ ﺋﯘﻳﻐﯘﺭ ﭘﺎﺋﺎﻟﯩﻴﻪﺗﭽﯩﻠﯩﺮﻯ ﻫﺎﻣﯩﻠﯩﻨﻰ ﻗﯘﺗﻘﯘﺯﯗﺷﻨﯩﯔ ﻳﻮﻟﻠﯩﺮﯨﻨﻰ ﺋﯩﺰﺩﯨﻤﻪﻛﺘﻪ.

ﺋﺎﻣﯧﺮﯨﻜﺎ ﺋﯘﻳﻐﯘﺭ ﺑﯩﺮﻟﻪﺷﻤﯩﺴﯩﻨﯩﯔ ﺑﺎﺵ ﻛﺎﺗﯩﺒﻰ ﺋﺎﻟﯩﻢ ﺳﯧﻴﺘﻮﻑ ﺋﻪﭘﻪﻧﺪﻯ ﺑﯘ ﻫﻪﻗﺘﻪ ﻗﺎﺭﺍﺷﻠﯩﺮﯨﻨﻰ ﺑﯩﻠﺪﯛﺭﺩﻯ.

ﺑﯜﮔﯜﻧﻜﻰ ﭘﺮﻭﮔﺮﺍﻣﻤﯩﻤﯩﺰﺩﺍ، ﺋﺎﺭﺯﯗﮔﯘﻝ ﺗﯘﺭﺳﯘﻧﻨﯩﯔ ﻳﻪﻛﺸﻪﻧﺒﻪ ﻛﯜﻧﯩﺪﯨﻜﻰ ﻗﯧﭽﯩﺶ ﯞﻩ ﻗﺎﻧﺪﺍﻕ ﺗﯘﺗﯘﻟﯘﭖ ﻗﺎﻟﻐﺎﻧﻠﯩﻘﻰ ﺗﻮﻏﺮﯨﺴﯩﺪﯨﻜﻰ ﺋﻪﻫﯟﺍﻟﻼﺭ ﻫﻪﻗﻘﯩﺪﻩ ﺋﯩﮕﯩﻠﯩﮕﻪﻥ ﻣﻪﻟﯘﻣﺎﺗﯩﻤﯩﺰ، ﺋﺎﺭﺯﯗﮔﯜﻟﻨﯩﯔ ﻳﻮﻟﺪﯨﺸﻰ ﻧﯘﺭﻣﻪﻣﻪﺗﻨﯩﯔ ﺋﯧﻴﺘﻘﺎﻧﻠﯩﺮﻯ، ﯞﻩ ﻧﺎﺯﺍﺭﻩﺗﭽﻰ ﺧﺎﺩﯨﻢ ﺑﯘﻣﻪﺭﻳﻪﻣﻨﯩﯔ ﺋﯧﻴﺘﻘﺎﻧﻠﯩﺮﯨﻨﻰ ﺳﯩﻠﻪﺭﮔﻪ ﺳﯘﻧﯩﻤﯩﺰ.

ﻫﯚﺭﻣﻪﺗﻠﯩﻚ ﺋﻮﻗﯘﺭﻣﻪﻧﻠﻪﺭ، ﺋﺎﺭﺯﯗﮔﯘﻝ ﺗﯘﺭﺳﯘﻥ ﯞﻩ ﺋﯘﻧﯩﯔ ﻫﺎﻣﯩﻠﯩﺴﯩﻨﯩﯔ ﺋﻪﻫﯟﺍﻟﻰ ﻫﻪﻗﻘﯩﺪﻩ ﺋﻪﺗﯩﻜﻰ ﭘﺮﻭﮔﺮﺍﻣﻤﯩﻤﯩﺰﺩﺍ ﻳﻪﻧﻪ ﻣﻪﻟﯘﻣﺎﺕ ﺑﯧﺮﯨﻤﯩﺰ.