Qeshqer toqquzaqtiki xeliq weqening heqiqiy ehwalidin xewersiz qaldi
Muxbirimiz erkin
2009-07-02
Xitayning guangdung ölkisidiki uyunchuq zawutida yüz bergen uyghur ishlemchi yashlarning mezkur zawuttiki xitay ishchilarning hujumigha uchrap, uyghurlarning öltürülüshini keltürüp chiqarghan 26 " - Iyun shawgüen weqesi" din kéyin, yerlik amma perzentlirining bixeterlikidin qayghurmaqta.
www.uighurbiz.net Din élinghan bu süret, toqunush yüz bergen binaning aldidiki neq meydandin körüsh.
Aililer perzentlirining uchurini alalmay aware. Yerlik dairiler bolsa weqe toghrisidiki uchurlarni kontrol qilip, ammining weqe toghrisida ashkara pikir qilishini chekligen.
26 - Iyun küni guangdung ölkisi shawguen shehirining "shüyri" oyunchuq zawutidiki xitay ishchilarning hujumigha uchrap, éghir talapet tartqan uyghur ishlemchilerning köp qisimi qeshqer toqquzaqtiki her qaysi yéza - Kentlerdin barghan yashlar idi. Weqe yüz bergenlikige bir qanche kün bolup qalghan bolsimu, lékin yerlik amma weqening heqiqiy ehwalidin xewersiz, dairiler bolsa bu jehettiki uchurlargha cheklime qoyghan.
Biz toqquzaqtiki bezi aililerge téléfon qilip, ularning mezkur weqege bolghan inkasini alduq.
Bezi yerlik puqralar shu jaydiki saqchixana dairilirining puqralarni agahlandurup, weqede öltürülgen uyghur balilarni haraq échip jidel chiqirish weqeside ölgen, dep chüshendürüshni, eger bashqiche qarashtikiler bolsa jawabkarliqqa tartilidu, dégenlikini bildürmekte.
Lékin toqquzaqning zemin yézisidiki saqchixanining bir xadimi dihqanlarning agahlandurulghanliqini ret qildi.
Weqede ölgen uyghur yashlarning biri, toqquzaqning zemin yézisi 16 - Kentidiki hashimjan emet isimlik bir yash idi. Kent xelqi peyshenbe küni merhumning 3 nezirini ötküzgen.
Yerlik puqralarning éytishigha qarighanda, dairiler hashimjanning öyi we mazirigha közetchi qoyup, tasadipi weqelerning yüz bérish ihtimaligha qarshi tedbirlerni yolgha qoyghan.
Xitay hökümiti 2006 - Yildin béri uyghur élidin yash emgek küchlirini déngiz boyidiki xitay sheherlirige teshkillik we mejburiy yötkep, emgekke séliwatqan idi. Lékin hashimjan emet olturaqlashqan kentning bir mesuli kent yashlirining mejburiy élip bérilghanliqini ret qildi.
Yuqiridiki awaz ulinishidin, toqquzaqtiki yerlik uyghur aililer bilen shawgüendiki weqe toghrisida élip barghan söhbet xatirisining tepsilatini anglaysiler.
 | Bésish |  |
Ewetish |
Munasiwetlik xewerler
Xitay shyawguen weqesi jawabkarlirigha höküm élan qildi
Ju yünkang shawguen shüri oyunchuq zawutida uyghur ishchilarni tekshürdi
Shawgüen weqesi heqqide yéngi tekshürüshler
Nur bekrining uyghurlarni özlöksiz xitay yurtlirigha yötkesh teshwiqati qattiq tenqidke uchridi
Yaponiyening osaka shehridiki namayishta 5 - Iyul ürümchi weqesi qattiq éyiplengen
Xitay hazir ürümchini dawamliq basturush üchün besh yüz milliy kadir teshkillidi
Gérmaniyidiki uyghurlar we türkler yene namayish ötküzdi
5 - Iyul weqesige qarita cheteldiki diniy zatlarning qarashliri
Guangdung ölkiside yüz bergen yene bir qanliq weqe - Foshen weqesi bayqalmaqta
24 Saetlik téléfon liniyisi
Essalamu eleykum radio anglighuchilar we oqurmenler, istansimiz uyghur bölümi24 saetlik téléfon liniyisi tesis qildi.
Pikir - Qarashliringizni otturigha qoyung
Pikir - Bayanliringiz tor bashqurghuchisi teripidin testiqlinishi kérek bolup, tor bette shu zaman élan qilinmaydu. Bir az waqittin kéyin, pikir - Bayanliringizning testiqlanghan yaki testiqlanmighanliqini qayta tekshürüp körüshigizni soraymiz. Pikir - Qarashliringizni töwendiki jedwel arqiliq, uyghur kona yéziqi boyiche yolliyalaysiz.
Barliq pikir - Bayanlarni körüsh.