ﺑﯘ ﻫﻪﻗﺘﻪ ﺗﻮﺧﺘﺎﻟﻐﺎﻥ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﻣﻪﺯﻛﯘﺭ ﻗﺎﺭﺍﺭﻧﻰ ﺑﺎﺭﻟﯩﻖ ﺋﯘﻳﻐﯘﺭﻻﺭﻧﯩﯔ ﺋﻪﺭﻛﯩﻨﻠﯩﻚ ﺳﯩﮕﻨﺎﻟﻰ ﺩﻩﭖ ﻛﯚﺭﺳﻪﺗﺘﻰ.

ﺋﯘﻳﻐﯘﺭﻻﺭﻧﯩﯔ ﻛﯚﺯﻟﯩﺮﯨﺪﯨﻦ ﻫﺎﻳﺎﺟﺎﻥ ﻳﺎﺷﻠﯩﺮﻯ ﺗﯚﻛﯜﻟﺪﻯ

ﺳﻮﺩﯨﻴﻪ ﺋﯘﺭﺑﯩﻨﺎ ﺋﻪﭘﻪﻧﺪﻯ ﺋﯚﺯ ﺳﻮﺕ ﻣﻪﻫﻜﯩﻤﯩﺴﯩﻨﯩﯔ ﻣﻪﺯﻛﯘﺭ ﻗﺎﺭﺍﺭﯨﻨﻰ ﺑﺎﻳﺎﻥ ﻗﯩﻠﯩﭗ ﺋﯚﺗﻜﻪﻧﺪﻩ ﺳﻮﺗﻘﺎ ﺳﯩﺮﺗﺘﯩﻦ ﻗﺎﺗﻨﺎﺷﻘﺎﻥ ﺋﯘﻳﻐﯘﺭﻻﺭ ﯞﻩ ﺋﯘﻳﻐﯘﺭ ﻣﻪﺳﯩﻠﯩﺴﯩﮕﻪ ﻳﯧﻘﯩﻨﺪﯨﻦ ﻛﯚﯕﯜﻝ ﺑﯚﻟﯜﭖ ﻛﯧﻠﯩﯟﺍﺗﻘﺎﻥ ﺑﺎﺷﻘﺎ ﻛﯩﺸﯩﻠﻪﺭ ﺋﯚﺯ ﺧﯘﺷﺎﻟﻠﯩﻘﯩﻨﻰ ﻳﻮﺷﯘﺭﺍﻟﻤﯩﻐﺎﻥ ﺋﯩﺪﻯ. ﺋﯘﻳﻐﯘﺭﻻﺭ ﺋﯚﺯ - ﺋﺎﺭﺍ ﻗﯘﭼﺎﻗﻼﺷﺘﻰ، ﺋﯘﻻﺭﻧﯩﯔ ﻛﯚﺯﻟﯩﺮﯨﺪﯨﻦ ﻫﺎﻳﺎﺟﺎﻥ ﻳﺎﺷﻠﯩﺮﻯ ﺗﯚﻛﯜﻟﺪﻯ.

7 ﻳﯩﻠﺪﯨﻦ ﺑﯘﻳﺎﻥ ﺋﺎﻣﯧﺮﯨﻜﯩﻨﯩﯔ ﮔﯘﺋﺎﻧﺘﺎﻧﺎﻣﻮﺩﯨﻜﻰ ﻫﻪﺭﺑﯩﻲ ﺗﯜﺭﻣﯩﺴﯩﺪﻩ ﻳﯧﺘﯩﯟﺍﺗﻘﺎﻥ 17 ﻧﻪﭘﻪﺭ ﺋﯘﻳﻐﯘﺭ ﮔﻪﺭﭼﻪ ﻫﯚﻛﯜﻣﻪﺕ ﺗﻪﺭﯨﭙﯩﺪﯨﻦ "ﺩﯛﺷﻤﻪﻥ ﺟﻪﯕﭽﯩﺴﻰ ﺋﻪﻣﻪﺱ" ﺩﻩﭖ ﺑﯧﻜﯩﺘﯩﻠﮕﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﻣﻪﺯﻛﯘﺭ ﺋﯘﻳﻐﯘﺭﻻﺭﻧﻰ ﺧﯩﺘﺎﻳﺪﯨﻦ ﺑﺎﺷﻘﺎ ﺋﯚﺗﻜﯜﺯﯛﯞﺍﻟﯩﺪﯨﻐﺎﻥ ﺩﯙﻟﻪﺕ ﭼﯩﻘﻤﯩﻐﺎﻧﻠﯩﻘﻰ ﺳﻪﯞﻩﺑﯩﺪﯨﻦ، ﺑﯘ ﺋﯘﻳﻐﯘﺭﻻﺭ ﻳﻪﻧﻪ ﺩﺍﯞﺍﻣﻠﯩﻖ ﺗﯜﺭﻣﯩﮕﻪ ﻣﻪﻫﻜﯘﻡ ﺑﻮﻟﯘﺷﻘﺎ ﻣﻪﺟﺒﯘﺭ ﺑﻮﻟﻐﺎﻥ ﺋﯩﺪﻯ.

ﺳﻮﺩﯨﻴﻪ ﺋﯘﺭﺑﯩﻨﺎ ﺋﻪﭘﻪﻧﺪﻯ : "ﺑﯘ، ﺑﯘﻳﺮﯗﻕ. ﻣﻪﻥ ﺑﯘ ﻛﯩﺸﯩﻠﻪﺭﻧﯩﯔ ﺩﻩﺧﻠﻰ - ﺗﻪﺭﯗﺯﮔﻪ ﺋﯘﭼﺮﯨﺸﯩﻨﻰ ﺧﺎﻟﯩﻤﺎﻳﻤﻪﻥ"

ﺑﯜﮔﯜﻥ ﻣﻪﺯﻛﯘﺭ ﺋﯘﻳﻐﯘﺭ ﺗﯘﺗﻘﺎﻧﻼﺭﻧﯩﯔ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﺋﯘﺳﺘﯩﺪﯨﻦ ﺋﺎﻣﯧﺮﯨﻜﺎ ﻓﯧﺪﯦﺮﺍﻝ ﺳﻮﺗﯩﻐﺎ ﺳﯘﻧﻐﺎﻥ ﺋﻪﺭﺯﻯ ﺋﯜﺳﺘﯩﺪﻩ ﺋﯧﭽﯩﻠﻐﺎﻥ ﺳﻮﺗﺘﺎ، ﺳﻮﺩﯨﻴﻪ ﺋﯘﺭﺑﯩﻨﺎ ﺋﻪﭘﻪﻧﺪﻯ ﻣﻪﺯﻛﯘﺭ ﺋﯘﻳﻐﯘﺭ ﺗﯘﺗﻘﯘﻧﻼﺭﻧﯩﯔ ﺋﺎﻣﯧﺮﯨﻜﯩﻐﺎ ﻗﻮﻳﯘﭖ ﺑﯧﺮﯨﻠﯩﺸﯩﻨﻰ ﻗﺎﺭﺍﺭ ﻗﯩﻠﻐﺎﻧﺪﯨﻦ ﻛﯧﻴﯩﻦ، ﺋﯘﻳﻐﯘﺭﻻﺭﻧﯩﯔ ﺋﺎﻣﯧﺮﯨﻜﯩﻐﺎ ﺩﻩﺭﻫﺎﻝ ﻗﺎﻳﺘﯘﺭﯗﭖ ﻛﯧﻠﯩﻨﯩﺸﻰ ﻛﯧﺮﻩﻛﻠﯩﻜﯩﻨﻰ ﺑﯘﻳﺮﯗﺩﻯ ﻫﻪﻣﺪﻩ ﺋﯘﻳﻐﯘﺭ ﺗﯘﺗﻘﯘﻧﻼﺭ ﺋﺎﻣﯧﺮﯨﻜﯩﻐﺎ ﻛﯩﺮﮔﻪﻧﺪﻩ ﺋﺎﻣﯧﺮﯨﻜﺎ ﻛﯚﭼﻤﻪﻧﻠﻪﺭ ﺋﯩﺪﺍﺭﯨﺴﻰ ﯞﻩ ﺗﺎﻣﻮﮊﻧﺎ ﺧﺎﺩﯨﻤﻠﯩﺮﯨﻨﯩﯔ ﺑﯘﻻﺭﻧﻰ ﻗﻮﻟﻐﺎ ﺋﺎﻟﯩﻤﯩﺰ ﺩﻩﭖ ﺧﯩﻴﺎﻝ ﻗﯩﻠﻤﺎﺳﻠﯩﻘﯩﻨﻰ ﺑﯩﻠﺪﯛﺭﺩﻯ ﯞﻩ: "ﺑﯘ، ﺑﯘﻳﺮﯗﻕ. ﻣﻪﻥ ﺑﯘ ﻛﯩﺸﯩﻠﻪﺭﻧﯩﯔ ﻫﻪﺭ ﻗﺎﻧﺪﺍﻕ ﺷﻪﻛﯩﻠﺪﻩ ﺩﻩﺧﻠﻰ - ﺗﻪﺭﯗﺯﻏﺎ ﺋﯘﭼﺮﯨﺸﯩﻨﻰ ﺧﺎﻟﯩﻤﺎﻳﻤﻪﻥ. ﺑﯘ ﺋﯘﻳﻐﯘﺭﻻﺭ ﻫﯚﻛﯜﻣﻪﺕ ﺧﺎﺩﯨﻤﻠﯩﺮﯨﻨﯩﯔ ﺩﻩﺧﻠﯩﺴﯩﮕﻪ، ﺗﻮﺳﻘﯘﻧﻠﯘﻕ ﻗﯩﻠﯩﺸﯩﻐﺎ ﺋﯘﭼﺮﯨﻤﺎﺳﻠﯩﻘﻰ ﻛﯧﺮﻩﻙ. ﻣﻪﻥ ﺋﯘﻻﺭﻧﻰ ﻛﯚﺭﮔﻪﻧﮕﻪ ﻗﻪﺩﻩﺭ ﺑﯘ ﺋﯘﻳﻐﯘﺭﻻﺭﻧﯩﯔ ﺳﺎﻕ ‏ - ﺳﺎﻻﻣﻪﺕ ﺑﻮﻟﯘﺷﯩﻨﻰ ﺋﯜﻣﯩﺪ ﻗﯩﻠﯩﻤﻪﻥ" ﺩﯦﺪﻯ.

ﺳﻮﺩﯨﻴﻪ ﺋﯘﺭﺑﯩﻨﺎ ﺋﻪﭘﻪﻧﺪﯨﻨﯩﯔ ﺑﯘ ﺑﯘﻳﺮﯗﻗﻠﯩﺮﯨﺪﺍ ﺑﯩﺮﺧﯩﻞ ﺑﯩﺘﺎﻗﻪﺗﻠﯩﻚ ﯞﻩ ﻗﻪﺗﺌﯩﻴﻠﯩﻚ ﺗﯘﻳﻐﯘﻟﯩﺮﻯ ﭼﯩﻘﯩﭗ ﺗﯘﺭﺍﺗﺘﻰ. ﺋﺎﻣﯧﺮﯨﻜﺎ ﻫﯚﻛﯜﻣﻪﺕ ﺗﻪﺭﻩﭖ ﺋﺎﺩﯞﻭﻛﺎﺗﻠﯩﺮﻯ ﺑﯘ ﺋﯘﻳﻐﯘﺭﻻﺭﻧﻰ ﺋﺎﻣﯧﺮﯨﻜﯩﻐﺎ ﻗﺎﻳﺘﯘﺭﯗﭖ ﻛﯧﻠﯩﺶ ﻗﻪﺩﻩﻡ ﺑﺎﺳﻘﯘﭼﻠﯩﺮﻯ ﺋﯜﺳﺘﯩﺪﻩ ﺗﻪﻳﻴﺎﺭﻟﯩﻖ ﻛﯚﺭﯛﺵ ﺋﯜﭼﯜﻥ ﺳﻮﺗﺘﯩﻦ ﻳﻪﻧﻪ ﺑﯩﺮ ﻫﻪﭘﺘﻪ ﺑﯧﺮﯨﺸﻨﻰ ﺗﻪﻟﻪﭖ ﻗﯩﻠﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺳﻮﺩﯨﻴﻪ ﺋﯘﺭﺑﯩﻨﺎ ﺋﻪﭘﻪﻧﺪﻯ ﺑﯘﻻﺭﻧﯩﯔ ﺑﯘ ﺗﻪﻟﻪﭘﻠﯩﺮﯨﻨﻰ ﺭﻩﺕ ﻗﯩﻠﺪﻯ.

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ: " ﺑﯘ ﮔﯜﻥ ﭘﯜﺗﯜﻥ ﺋﯘﻳﻐﯘﺭ ﺧﻪﻟﻘﯩﮕﻪ ﺋﻪﺭﻛﯩﻨﻠﯩﻜﺘﯩﻦ ﺳﯩﮕﻨﺎﻝ ﺑﯧﺮﯨﻠﺪﻯ"

ﺳﻮﺕ ﺋﺎﺧﯩﺮﯨﺪﺍ ﮔﯘﺋﺎﻧﺘﺎﻧﺎﻣﻮﺩﯨﻜﻰ ﺋﯘﻳﻐﯘﺭ ﺗﯘﺗﻘﺎﻧﻼﺭﻧﯩﯔ ﺋﺎﻗﻠﯩﻨﯩﭗ ﺋﺎﻣﯧﺮﯨﻜﯩﻐﺎ ﻗﻮﻳﯘﭖ ﺑﯧﺮﯨﻠﯩﺸﻰ ﻫﻪﻗﻘﯩﺪﻩ ﺗﻮﺧﺘﺎﻟﻐﺎﻥ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ: " ﺑﯘ ﮔﯜﻥ ﭘﯜﺗﯜﻥ ﺋﯘﻳﻐﯘﺭ ﺧﻪﻟﻘﯩﮕﻪ ﺋﻪﺭﻛﯩﻨﻠﯩﻜﺘﯩﻦ ﺳﯩﮕﻨﺎﻝ ﺑﯧﺮﯨﻠﺪﻯ" ﺩﯦﺪﻯ.

ﮔﻪﺭﭼﻪ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻤﯘ ﮔﯘﺋﺎﻧﺘﺎﻧﺎﻣﻮﺩﯨﻜﻰ ﺋﯘﻳﻐﯘﺭ ﺗﯘﺗﻘﯘﻧﻼﺭﻧﻰ ﺩﯗﺷﻤﻪﻥ ﺟﻪﯕﭽﯩﺴﻰ ﺋﻪﻣﻪﺱ ﺩﻩﭖ ﺋﯩﺴﭙﺎﺗﻼﭖ ﭼﯩﻘﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺧﯩﺘﺎﻱ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ ﺋﯩﺰﭼﯩﻞ ﻫﺎﻟﺪﺍ ﮔﯘﺋﺎﻧﺘﺎﻧﺎﻣﻮﺩﯨﻜﻰ ﺋﯘﻳﻐﯘﺭ ﺗﯘﺗﻘﯘﻧﻼﺭﻧﻰ ﺗﯧﺮﺭﻭﺭﭼﯩﻼﺭ ﻳﺎﻛﻰ ﺗﯧﺮﺭﻭﺭ ﮔﯘﻣﺎﻧﺪﺍﺭﻟﯩﺮﻯ ﺩﻩﭖ ﺋﯧﻼﻥ ﻛﯧﻠﯩﯟﺍﺗﻘﺎﻥ ﺋﯩﺪﻯ.

ﺑﯜﮔﯜﻥ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﺑﺎﻳﺎﻧﺎﺗﭽﯩﺴﻰ ﭼﯩﯔ ﮔﺎﯓ ﻳﻪﻧﻪ ﻣﻪﺯﻛﯘﺭ ﺋﯘﻳﻐﯘﺭ ﺗﯘﺗﻘﯘﻧﻼﺭﻧﻰ ﺗﯧﺮﺭﻭﺭ ﮔﯘﻣﺎﻧﺪﺍﺭﻟﯩﺮﻯ ﺩﻩﭖ ﺋﺎﺗﯩﺪﻯ ﯞﻩ ﺋﯘﻻﺭﻧﻰ ﺧﯩﺘﺎﻳﻐﺎ ﻗﺎﻳﺘﯘﺭﯗﭖ ﻛﯧﻠﯩﭗ ﻗﺎﻧﯘﻥ ﺑﯘﻳﯩﭽﻪ ﺟﺎﺯﺍﻻﺵ ﻛﯧﺮﻩﻛﻠﯩﻜﯩﻨﻰ ﻳﻪﻧﻪ ﺗﻪﻛﺮﺍﺭﻟﯩﺪﻯ.

ﻫﻪﻧﺮﻯ ﺷﺎﺟﻪﻓﯩﺴﻜﻰ :"ﺋﯘﻳﻐﯘﺭﻻﺭ ﺋﯘﭼﯘﻥ ﻗﯘﺗﻠﯘﻕ ﯞﻩ ﺗﺎﺭﯨﺨﻰ ﺑﯩﺮ ﻛﯜﻧﺪﯗﺭ "

ﻫﺎﻟﺒﯘﻛﻰ، ﺋﺎﻣﯧﺮﯨﻜﺎ ﻓﯧﺪﯦﺮﺍﺗﺴﯩﻴﻪ ﺳﻮﺗﯩﻨﯩﯔ ﻣﻪﺯﻛﯘﺭ ﻗﺎﺭﺍﺭﻯ ﻫﻪﻗﻘﯩﺪﻩ ﺗﻮﺧﺘﺎﻟﻐﺎﻥ ﺋﯘﻳﻐﯘﺭ ﻛﯩﺸﯩﻠﯩﻚ ﻫﻮﻗﯘﻕ ﻗﯘﺭﯗﻟﯘﺷﻰ ﺩﯨﺮﯦﻜﺘﻮﺭﻯ ﻫﻪﻧﺮﻯ ﺷﺎﺟﻪﻓﯩﺴﻜﻰ ﺋﻪﭘﻪﻧﺪﯨﻨﯩﯔ ﺑﯩﻠﺪﯛﺭﯛﺷﯩﭽﻪ، ﺋﺎﻣﯧﺮﯨﻜﺎ ﺳﻮﺗﯩﻨﯩﯔ ﻣﻪﺯﻛﯘﺭ ﺑﯘﻳﺮﯗﻗﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺗﯘﺗﻘﯘﻧﻼﺭﻧﻰ ﺗﯧﺮﺭﻭﺭﭼﻰ ﻗﯩﻠﯩﭗ ﺳﯜﺭﻩﺗﻠﻪﺷﻜﻪ ﻛﯚﺭﺳﻪﺗﻜﻪﻥ ﺑﺎﺭﻟﯩﻖ ﺗﯩﺮﯨﺸﭽﺎﻧﻠﯩﻘﯩﻨﻰ ﺋﯩﻨﻜﺎﺭ ﻗﯩﻠﯩﺪﯨﻜﻪﻥ.

ﺋﯘ ﻣﯘﻧﺪﺍﻕ ﺩﯦﺪﻯ: " ﺑﯩﺰ ﺷﯘﻧﻰ ﻛﯚﺭﯛﯞﺍﻻﻻﻳﻤﯩﺰﻛﻰ، ﺧﯩﺘﺎﻱ ﻫﯚﻛﯜﻣﯩﺘﻰ ﮔﯘﻩﻧﺘﺎﻧﺎﻣﻮ ﺗﯜﺭﻣﯩﺴﯩﮕﻪ ﻗﺎﻣﺎﻟﻐﺎﻥ ﺋﯘﻳﻐﯘﺭﻻﺭﻧﻰ ﺗﯧﺮﺭﻭﺭﭼﻰ ﻗﯩﻠﯩﭗ ﻛﯚﺭﺳﯩﺘﯩﺸﻜﻪ ﺗﯩﺮﯨﺸﯩﭗ ﻛﯧﻠﯩﯟﺍﺗﻘﺎﻥ ﺋﯩﺪﻯ. ﺑﯜﮔﯜﻥ ﺋﯘﻻﺭﻧﯩﯔ ﺑﯘ ﺗﯩﺮﯨﺸﭽﺎﻧﻠﯩﻘﻰ ﺋﺎﻣﯧﺮﯨﻜﺎ ﺳﻮﺗﻰ ﺗﻪﺭﯨﭙﯩﺪﯨﻦ ﺋﯩﻨﻜﺎﺭ ﻗﯩﻠﯩﻨﺪﻯ. ﺑﯘ ﺋﯘﻳﻐﯘﺭﻻﺭ ﺋﯘﭼﯘﻥ ﻗﯘﺗﻠﯘﻕ ﯞﻩ ﺗﺎﺭﯨﺨﻰ ﺑﯩﺮ ﻛﯜﻧﺪﯗﺭ."

ﺑﯘ ﻫﻪﻗﺘﻪ ﺗﻮﺧﺘﺎﻟﻐﺎﻥ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺭﻩﺋﯩﺴﻰ ﯞﻩ ﺋﯘﻳﻐﯘﺭﻻﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﯩﯔ ﻳﯧﺘﻪﻛﭽﯩﺴﻰ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ، ﮔﻪﺭﭼﻪ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ، ﮔﯘﻩﻧﺘﺎﻧﺎﻣﻮ ﺗﯜﺭﻣﯩﺴﯩﮕﻪ ﺑﯩﺮ ﻧﻪﭼﭽﻪ ﺋﯘﻳﻐﯘﺭﻧﯩﯔ ﻗﺎﻣﺎﻟﻐﺎﻧﻠﯩﻘﻰ ﺳﻪﯞﻩﺑﯩﺪﯨﻦ ﺋﯘﻳﻐﯘﺭﻻﺭﻧﻰ ﺗﯧﺮﺭﻭﺭﭼﻰ ﺩﻩﭖ ﻛﯚﺭﺳﯩﺘﯩﭗ، ﺋﯘﻳﻐﯘﺭﻻﺭﻧﯩﯔ ﺋﯚﺯ ﺋﻪﺭﻛﯩﻨﻠﯩﻜﻰ ﺋﯜﭼﯜﻥ ﺋﯧﻠﯩﭗ ﺑﺎﺭﻏﺎﻥ ﻛﯜﺭﻩﺷﻠﯩﺮﯨﻨﻰ ﺗﯧﺮﺭﻭﺭﭼﻰ ﻛﺎﺗﯧﮕﻮﺭﯨﻴﯩﺴﯩﮕﻪ ﻛﯩﺮﮔﯜﺯﯛﭖ، ﺋﯘﻳﻐﯘﺭﻻﺭﻧﻰ ﺋﯧﺘﻨﯩﻚ ﻣﯩﻠﻠﻪﺕ ﺳﯜﭘﯩﺘﯩﺪﻩ ﻳﻮﻗﺎﺗﻤﺎﻗﭽﻰ ﺑﻮﻟﻐﺎﻧﻠﯩﻘﯩﻨﻰ ﺋﻪﻣﻤﺎ ﺧﯩﺘﺎﻳﻨﯩﯔ ﺑﯘ ﺳﯘﻳﯩﻘﻪﺳﺘﯩﻨﯩﯔ ﺋﻪﻣﻪﻟﮕﻪ ﺋﺎﺷﻤﯩﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﺩﻯ.

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﻳﻪﻧﻪ، ﻳﯩﻠﻼﺭﺩﯨﻦ ﺑﯧﺮﻯ ﮔﯘﺋﺎﻧﺘﺎﻧﺎﻣﻮﺩﺍ ﺋﺎﺯﺍﺏ ﭼﻪﻛﻜﻪﻥ ﺑﯘ ﺋﯘﻳﻐﯘﺭﻻﺭﻧﯩﯔ ﺗﯚﻟﯩﮕﻪﻥ ﺑﻪﺩﻩﻟﻠﯩﺮﯨﻨﯩﯔ ﻫﻪﺭﮔﯩﺰ ﺑﯩﻜﺎﺭﻏﺎ ﻛﻪﺗﻤﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﺷﺘﻰ ﻫﻪﻣﺪﻩ ﺩﯗﻧﻴﺎﺩﯨﻜﻰ ﺑﺎﺭﻟﯩﻖ ﺋﯘﻳﻐﯘﺭﻻﺭﻧﻰ ﮔﯘﻩﻧﺘﺎﻧﺎﻣﻮ ﺗﯘﺗﻘﯘﻧﻠﯩﺮﯨﻨﯩﯔ ﺋﯘﻳﻐﯘﺭ ﻣﻪﺳﯩﻠﯩﺴﯩﻨﻰ ﺩﯗﻧﻴﺎﻏﺎ ﺗﻮﻧﯘﺗﯘﺷﺘﺎ ﻗﻮﺷﻘﺎﻥ ﺗﯚﻫﭙﯩﺴﯩﻨﻰ ﺋﯘﻧﺘﯘﻣﺎﺳﻠﯩﻘﻘﺎ ﭼﺎﻗﯩﺮﺩﻯ.

ﺋﺎﻣﯧﺮﯨﻜﯩﻨﯩﯔ ﮔﯘﻩﻧﺘﺎﻧﺎﻣﻮ ﻫﻪﺭﺑﯩﻲ ﺗﯜﺭﻣﯩﺴﯩﺪﻩ ﺋﻪﺳﻠﻰ 22 ﻧﻪﭘﻪﺭ ﺋﯘﻳﻐﯘﺭ ﺗﯘﺗﻘﯘﻥ ﻗﺎﻣﺎﻟﻐﺎﻥ ﺑﻮﻟﯘﭖ، 2006 - ﻳﯩﻠﻰ ﺋﯘﻻﺭﺩﯨﻦ 5 ﻧﻪﭘﯩﺮﻯ ﺋﺎﻟﺒﺎﻧﯩﻴﯩﮕﻪ ﻳﻪﺭﻟﻪﺷﺘﯜﺭﯛﻟﮕﻪﻥ.