Тоқсунда йүз бәргән бир вәқә һәққидики инкас

Мухбиримиз әркин тарим

2009-06-04

Бүгүн 6 - Айниң 4 - Күни уйғур дияридин бир киши телефон қилип, тоқсун наһийисиниң бостан йезисида бахаидин қари исимлик бир киши билән аялиниң 100 күнлүк тазилаш һәрикитиниң шамили билән хитай хәвпсизлик хадимлири тәрипидин 4 - Айниң бешида тутуп кетилгәнликини, сақчиларниң 5 - Айниң 8 - Күни бахаидин қариниң җәситини аилисигә тапшуруп бәргәнликини сөзләп бәрди.

Бу кишиниң ейтишичә, сақчилар бахаидин қариниң аилисигә униң сақчи идарисида йүрәк кесили тутуп қелип өлгәнликини ейтқан болсиму, әмәлийәттә сақчи идарисида тән җазаси билән олтүрүлгәнликини, чүнки имам вә мейит юғучилар мейитни юған вақтида мейитниң пүтүн бәдининиң көкирип кәткәнликини көргәнликини ейтишқан.

Радиомизға телефон қилип бу һәқтә мәлумат бәргән киши, бахаидин қариниң җиназа намизиға башқа йезилардин кәлгән көплигән адәмниң қатнашқанлиқини, улар мейитни 7-8 Келометирлиқ зараткаһлиққа пиядә узутуп чиққанлиқини, шундақла, хитай хәвпсизлик хадимлириниң бахаидин қариниң аялини ериниң җиназа намизиға қатнишишқа рухсәт қилмастин, уни турмида тутуп турғанлиқини сөзләп бәрди.

Юқиридики аваз улинишидин, радиомизға телефон қилип бу һәқтә мәлумат бәргән бу инкас қилғучи киши билән өткүзүлгән телефон сөһбитимизниң тәпсилатини аңлайсиләр.

Бесиш

Әвәтиш

Пикир - Қарашлириңизни оттуриға қойуң

Пикир - Байанлириңиз тор башқурғучиси тәрипидин тәстиқлиниши керәк болуп, тор бәттә шу заман елан қилинмайду. Бир аз вақиттин кейин, пикир - Байанлириңизниң тәстиқланған йаки тәстиқланмиғанлиқини қайта тәкшүрүп көрүшигизни сораймиз. Пикир - Қарашлириңизни төвәндики җәдвәл арқилиқ, уйғур кона йезиқи бойичә йоллийалайсиз.