Toqsunda yüz bergen bir weqe heqqidiki inkas

Muxbirimiz erkin tarim

2009-06-04

Bügün 6 - Ayning 4 - Küni uyghur diyaridin bir kishi téléfon qilip, toqsun nahiyisining bostan yézisida baxaidin qari isimlik bir kishi bilen ayalining 100 künlük tazilash herikitining shamili bilen xitay xewpsizlik xadimliri teripidin 4 - Ayning béshida tutup kétilgenlikini, saqchilarning 5 - Ayning 8 - Küni baxaidin qarining jesitini ailisige tapshurup bergenlikini sözlep berdi.

Bu kishining éytishiche, saqchilar baxaidin qarining ailisige uning saqchi idarisida yürek késili tutup qélip ölgenlikini éytqan bolsimu, emeliyette saqchi idarisida ten jazasi bilen oltürülgenlikini, chünki imam we méyit yughuchilar méyitni yughan waqtida méyitning pütün bedinining kökirip ketkenlikini körgenlikini éytishqan.

Radiomizgha téléfon qilip bu heqte melumat bergen kishi, baxaidin qarining jinaza namizigha bashqa yézilardin kelgen köpligen ademning qatnashqanliqini, ular méyitni 7-8 Kélométirliq zaratkahliqqa piyade uzutup chiqqanliqini, shundaqla, xitay xewpsizlik xadimlirining baxaidin qarining ayalini érining jinaza namizigha qatnishishqa ruxset qilmastin, uni turmida tutup turghanliqini sözlep berdi.

Yuqiridiki awaz ulinishidin, radiomizgha téléfon qilip bu heqte melumat bergen bu inkas qilghuchi kishi bilen ötküzülgen téléfon söhbitimizning tepsilatini anglaysiler.

Bésish

Ewetish

Pikir - Qarashliringizni otturigha qoyung

Pikir - Bayanliringiz tor bashqurghuchisi teripidin testiqlinishi kérek bolup, tor bette shu zaman élan qilinmaydu. Bir az waqittin kéyin, pikir - Bayanliringizning testiqlanghan yaki testiqlanmighanliqini qayta tekshürüp körüshigizni soraymiz. Pikir - Qarashliringizni töwendiki jedwel arqiliq, uyghur kona yéziqi boyiche yolliyalaysiz.