ﻳﻪﺭﻟﯩﻚ ﺩﺍﺋﯩﺮﯨﻠﻪﺭ ﺗﺎﺭﻗﺎﺗﻘﺎﻥ ﺧﻪﯞﻩﺭﻟﯩﺮﯨﺪﻩ ﻣﻪﺯﻛﯘﺭ ﻳﻪﺭ ﺗﻪﯞﺭﻩﺷﻨﯩﯔ ﺗﻪﺳﯩﺮﯨﻨﯩﯔ ﺋﺎﻧﭽﻪ ﺋﯧﻐﯩﺮ ﺑﻮﻟﻤﯩﻐﺎﻧﻠﯩﻘﯩﻨﻰ، ﺋﯚﻟﯜﻡ‏ - ﻳﯧﺘﯩﻢ ﺋﻪﻫﯟﺍﻟﻰ ﻛﯚﺭﯛﻟﻤﯩﮕﻪﻧﻠﯩﻜﯩﻨﻰ ﻗﻪﻳﺖ ﻗﯩﻠﻐﺎﻥ ﺑﻮﻟﺴﯩﻤﯘ ، ﺋﻪﻣﻤﺎ ﺋﺎﭘﻪﺗﺘﯩﻜﻰ ﺧﻪﻟﻘﻨﯩﯔ ﻫﺎﺯﯨﺮﻗﻰ ﻫﺎﻳﺎﺕ ﺋﻪﻫﯟﺍﻟﻠﯩﺮﻯ ﻫﻪﻗﻘﯩﺪﻩ ﺗﻪﭘﺴﯩﻠﯩﻲ ﻣﻪﻟﯘﻣﺎﺕ ﺑﻪﺭﻣﯩﺪﻯ ، ﺟﯘﺩﯗﻧﻐﺎ ﺗﻮﻏﺮﺍ ﻛﻪﻟﮕﻪﻥ ﺑﯘ ﻳﻪﺭ ﺗﻪﯞﺭﻩﺵ ﺋﺎﭘﯩﺘﯩﻨﯩﯔ ﺧﻪﻟﻘﻨﯩﯔ ﻫﺎﻳﺎﺗﯩﻐﺎ ﻗﺎﻧﭽﯩﻠﯩﻚ ﺗﻪﺳﯩﺮ ﭘﻪﻳﺪﺍ ﻗﯩﻠﯩﯟﺍﺗﻘﺎﻧﻠﯩﻘﻰ ، ﺋﺎﭘﻪﺗﺘﯩﻜﻰ ﺧﻪﻟﻘﻨﯩﯔ ﻧﯧﻤﯩﻠﻪﺭﮔﻪ ﻣﯘﻫﺘﺎﺝ ﺋﯩﻜﻪﻧﻠﯩﻜﻰ ﻫﻪﻗﻘﯩﺪﻩ ﻳﻪﻧﯩﻤﯘ ﺗﻮﻟﯘﻗﺮﺍﻕ ﻣﻪﻟﯘﻣﺎﺕ ﺋﯧﻠﯩﺶ ﺋﯜﭼﯜﻥ ﭼﺎﭘﭽﺎﻝ ﻧﺎﻫﯩﻴﯩﺴﯩﺪﯨﻦ ﺋﯘﭼﯘﺭﻻﺭ ﺋﯩﮕﯩﻠﯩﺪﯗﻕ.

ﺑﻪﺵ ﻣﯩﯖﻐﺎ ﻳﯧﻘﯩﻦ ﺋﺎﻣﻤﺎ ﺑﯩﯟﺍﺳﺘﻪ ﺗﻪﺳﯩﺮﮔﻪ ﺋﯘﭼﺮﯨﺪﻯ

ﺋﯘﻳﻐﯘﺭ ﺋﯧﻠﯩﻨﯩﯔ ﺋﯩﻠﻰ ﺋﻮﺑﻼﺳﺘﯩﻐﺎ ﻗﺎﺭﺍﺷﻠﯩﻖ ﭼﺎﭘﭽﺎﻝ ﻧﺎﻫﯩﻴﯩﺴﻰ ﺗﻪﯞﻩﺳﯩﺪﻩ 25 - ﻳﺎﻧﯟﺍﺭ ﺋﻪﺗﯩﮕﻪﻥ ﺳﺎﺋﻪﺕ 7ﺩﯨﻦ 47 ﻣﯩﻨﯘﺕ ﺋﯚﺗﻜﻪﻧﺪﻩ 5 ﺑﺎﻝ ﺋﻪﺗﺮﺍﭘﯩﺪﺍ ﻳﻪﺭ ﺗﻪﯞﺭﯨﮕﻪﻥ ﺑﻮﻟﯘﭖ، ﺧﻪﯞﻩﺭ ﺗﻮﺭﻟﯩﺮﻯ ﻫﻪﻣﺪﻩ ﺋﯩﻠﻰ ﺋﻮﺑﻼﺳﺘﯩﻨﯩﯔ ﻫﯚﻛﯜﻣﻪﺕ ﺋﯘﭼﯘﺭ ﺗﻮﺭﯨﺪﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﺑﯘ ﻗﯧﺘﯩﻤﻠﯩﻖ ﻳﻪﺭﺗﻪﯞﺭﻩﺷﺘﻪ ﺋﺎﭘﻪﺗﻜﻪ ﺋﯘﭼﺮﯨﻐﺎﻥ ﺋﺎﺩﻩﻡ 4549 ﻏﺎ ﻳﻪﺗﻜﻪﻥ.

ﭼﺎﭘﭽﺎﻝ ﻧﺎﻫﯩﻴﯩﺴﯩﻨﻰ ﻣﻪﺭﻛﻪﺯ ﻗﯩﻠﻐﺎﻥ ﺑﯘ ﻗﯧﺘﯩﻤﻠﯩﻖ ﻳﻪﺭ ﺗﻪﯞﺭﻩﺷﺘﻪ ﭼﺎﭘﭽﺎﻝ ﻧﺎﻫﯩﻴﯩﺴﯩﺪﯨﻦ 76 ﻛﯩﻠﻮﻣﯧﺘﯩﺮ ﻳﯩﺮﺍﻗﺘﯩﻜﻰ ﻏﯘﻟﺠﺎ ﺷﻪﻫﻪﺭ ﺋﯩﭽﻰ ﻫﻪﻣﺪﻩ 25 ﻛﯩﻠﻮﻣﯧﺘﯩﺮ ﻳﯩﺮﺍﻗﺘﯩﻜﻰ ﻗﻮﺭﻏﺎﺱ ﻧﺎﻫﯩﻴﯩﻠﯩﺮﯨﺪﯨﻤﯘ ﺳﯩﻠﻜﯩﻨﯩﺸﻨﯩﯔ ﺋﯧﻨﯩﻖ ﺗﻪﺳﯩﺮﻯ ﻛﯚﺭﯛﻟﮕﻪﻥ. ﺩﺍﺋﯩﺮﯨﻠﻪﺭﻧﯩﯔ ﺩﻩﺳﻠﻪﭘﻜﻰ ﺗﻮﻟﯘﻕ ﺑﻮﻟﻤﯩﻐﺎﻥ ﺳﺘﺎﺗﯩﺴﺘﯩﻜﯩﺴﯩﺪﺍ ﻛﯚﺭﺳﯩﺘﯩﺸﯩﭽﻪ، ﭼﺎﭘﭽﺎﻝ ﻫﻪﻣﺪﻩ ﻗﻮﺭﻏﺎﺱ ﻧﺎﻫﯩﻴﯩﻠﯩﺮﯨﻨﻰ ﻫﻪﻣﺪﻩ ﺑﻪﺵ ﺗﺎﻏﻠﯩﻖ ﻛﻪﻧﺖ ‏ - ﻳﯧﺰﯨﻼﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﻳﻪﺭ ﺗﻪﯞﺭﻩﺵ ﻣﻪﺭﻛﯩﺰﻯ ﺭﺍﻳﻮﻧﻠﯩﺮﯨﺪﺍ 11 ﺋﯚﻱ ﺋﯚﺭﯛﻟﮕﻪﻥ . 133ﺋﺎﺋﯩﻠﯩﻠﯩﻜﻨﯩﯔ 416 ﺋﯧﻐﯩﺰ ﺋﯚﻳﯩﮕﻪ ﺩﻩﺯ ﻛﻪﺗﻜﻪﻥ . 2950 ﻛﯘﭘﻤﯧﺘﯩﺮ ﺋﻪﺗﺮﺍﭘﯩﺪﺍ ﻗﻮﺗﺎﻧﻼﺭ ﺑﯘﺯﯗﻟﻐﺎﻥ ،ﺑﻪﺵ ﻣﯩﯖﻐﺎ ﻳﯧﻘﯩﻦ ﺋﺎﭘﻪﺗﻜﻪ ﺋﯘﭼﺮﯨﻐﺎﻥ ﺋﺎﻣﻤﯩﻨﯩﯔ ﺋﯩﭽﯩﺪﻩ ﺋﯧﻐﯩﺮ ﺋﺎﭘﻪﺗﻜﻪ ﺋﯘﭼﺮﯨﻐﺎﻥ ﺋﺎﺩﻩﻡ 588 ﻧﻪﭘﻪﺭﮔﻪ ﻳﻪﺗﻜﻪﻥ ، ﺋﯚﻳﻠﯩﺮﻯ ﺋﯚﺭﯛﻟﮕﻪﻥ ﯞﻩ ﺩﻩﺯ ﻛﻪﺗﻜﻪﻥ 305 ﻛﯩﺸﻰ ﭼﯩﺪﯨﺮﻻﺭﻏﺎ ﻛﯚﭼﯜﺭﯛﻟﮕﻪﻥ.

ﭼﺎﭘﭽﺎﻝ ﻧﺎﻫﯩﻴﯩﻠﯩﻚ ﻫﯚﻛﯜﻣﻪﺕ ﺋﺎﭘﻪﺗﺘﯩﻦ ﻗﯘﺗﻘﯘﺯﯗﺵ ﺋﯩﺸﺨﺎﻧﯩﺴﯩﻨﯩﯔ ﺋﯩﻠﻰ ﻫﯚﻛﯜﻣﻪﺕ ﺋﯘﭼﯘﺭ ﺗﻮﺭﯨﺪﺍ ﺋﯧﻼﻥ ﻗﯩﻠﯩﺸﯩﻐﺎ ﻗﺎﺭﯨﻐﺎﻧﺪﺍ ، ﻫﺎﺯﯨﺮﻏﺎ ﻗﻪﺩﻩﺭ ﺋﺎﺩﻩﻡ ﻳﺎﻛﻰ ﻣﺎﻝ ‏ - ﭼﺎﺭﯞﯨﻼﺭﻧﯩﯔ ﺋﯚﻟﯜﺵ ﻳﺎﻛﻰ ﻳﺎﺭﯨﻠﯩﻨﯩﺶ ﺋﻪﻫﯟﺍﻟﻠﯩﺮﻯ ﻣﻪﻟﯘﻡ ﻗﯩﻠﯩﻨﻤﯩﻐﺎﻥ.

ﺋﺎﭘﻪﺗﺘﯩﻜﻰ ﺧﻪﻟﻖ ﻳﯧﻘﯩﻠﻐﯘ ﻫﻪﻡ ﺋﺎﺷﻠﯩﻘﻘﺎ ﻣﯘﻫﺘﺎﺝ

ﭼﺎﭘﭽﺎﻝ ﻧﺎﻫﯩﻴﻪ ﺑﺎﺯﯨﺮﯨﺪﯨﻦ ﺗﯧﻠﯧﻔﻮﻥ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺑﯩﺮ ﺋﯘﻳﻐﯘﺭ ﺋﺎﻳﺎﻝ ، ﻳﻪﺭ ﺗﻪﯞﺭﻩﺷﻨﯩﯔ ﻧﺎﻫﯩﻴﻪ ﺋﯩﭽﯩﺪﯨﻜﻰ ﺋﺎﻣﻤﯩﻐﺎ ﺋﺎﻧﭽﻪ ﭼﻮﯓ ﺗﻪﺳﯩﺮ ﻛﯚﺭﺳﻪﺗﻤﯩﮕﻪﻧﻠﯩﻜﯩﻨﻰ ،ﺋﻪﻣﻤﺎ ﺋﯩﺘﺘﯩﭙﺎﻕ ﻛﻪﻧﺘﯩﺪﯨﻜﻰ ﺧﻪﻟﻘﻨﯩﯔ ﺑﯩﯟﺍﺳﺘﻪ ﺗﻪﺳﯩﺮﮔﻪ ﺋﯘﭼﺮﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ.

ﺑﯩﺰ ﻳﻪﺭ ﺗﻪﯞﺭﻩﺵ ﺋﺎﭘﯩﺘﻰ ﺋﯧﻐﯩﺮﺭﺍﻕ ﺑﻮﻟﻐﺎﻥ ﭼﺎﭘﭽﺎﻝ ﻧﺎﻫﯩﻴﯩﺴﻰ ﭼﻮﯓ ﺑﯘﻏﺮﺍ ﻳﯧﺰﯨﺴﯩﻨﯩﯔ ﺋﺎﭘﻪﺕ ﺋﻪﻫﯟﺍﻟﻰ ﻫﻪﻗﻘﯩﺪﻩ ﺗﻪﭘﺴﯩﻠﯩﻲ ﻣﻪﻟﯘﻣﺎﺕ ﺋﯧﻠﯩﺶ ﺋﯜﭼﯜﻥ ، ﻳﯧﺰﯨﻠﯩﻖ ﻫﯚﻛﯜﻣﻪﺕ ﺋﯩﺸﺨﺎﻧﯩﺴﯩﻐﺎ ﺗﯧﻠﯧﻔﻮﻥ ﻗﯩﻠﺪﯗﻕ، ﺋﯩﺴﻤﯩﻨﻰ ﺋﺎﺷﻜﺎﺭﯨﻼﺷﻨﻰ ﺧﺎﻟﯩﻤﯩﻐﺎﻥ ﺑﯩﺮ ﻳﯧﺰﯨﻠﯩﻖ ﻫﯚﻛﯜﻣﻪﺕ ﺧﺎﺩﯨﻤﻰ ﺋﺎﭘﻪﺗﻨﯩﯔ ﺗﻪﺳﯩﺮﯨﮕﻪ ﺋﯘﭼﺮﺍﭖ ﺋﯚﻳﻠﯩﺮﻯ ﺋﯚﺭﯛﻟﮕﻪﻥ ﯞﻩ ﭼﺎﻙ ﻛﻪﺗﻜﻪﻥ ﺑﯩﺮ ﻗﯩﺴﯩﻢ ﺩﯦﻬﻘﺎﻧﻼﺭﻧﯩﯔ ﭼﯩﺪﯨﺮﻻﺭﻏﺎ ﻛﯚﭼﯜﭖ ﻛﯩﺮﯨﯟﺍﺗﻘﺎﻧﻠﯩﻘﯩﻨﻰ، ﺋﺎﭘﻪﺕ ﺋﻪﻫﯟﺍﻟﯩﻨﻰ ﺗﻪﻛﺸﯜﺭﯛﺵ ﺧﯩﺰﻣﯩﺘﯩﻨﯩﯔ ﺩﺍﯞﺍﻣﻠﯩﺸﯩﯟﺍﺗﻘﺎﻧﻠﯩﻘﯩﻨﻰ ، ﻧﯚﯞﻩﺗﺘﻪ ﺋﺎﭘﻪﺗﺘﯩﻦ ﻗﯘﺗﻘﯘﺯﯗﺵ ﺧﯩﺰﻣﯩﺘﯩﺪﻩ ﺋﺎﻣﻤﯩﻨﯩﯔ ﻳﯧﻘﯩﻠﻐﯘ ﻫﻪﻣﺪﻩ ﺋﺎﺷﻠﯩﻘﻘﺎ ﻣﯘﻫﺘﺎﺝ ﺑﻮﻟﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺋﺎﭘﻪﺗﺘﻪ ﻗﺎﻟﻐﺎﻥ ﺑﯩﺮ ﻗﯩﺴﯩﻢ ﺋﺎﻣﻤﺎ ﻳﻪﻧﯩﻼ ﺧﻪﺗﻪﺭﻟﯩﻚ ﺋﯚﻳﻠﻪﺭﺩﻩ ﺋﻮﻟﺘﯘﺭﯗﺷﻘﺎ ﻣﻪﺟﺒﯘﺭ ﺑﻮﻟﻤﺎﻗﺘﺎ

ﺋﯩﻠﻰ ﺋﻮﺑﻼﺳﺘﻠﯩﻖ ﻫﯚﻛﯜﻣﻪﺕ ﺋﯘﭼﯘﺭ ﺗﻮﺭﯨﺪﺍ ﮔﻪﺭﭼﻪ ﭼﺎﭘﭽﺎﻟﺪﯨﻜﻰ ﻳﻪﺭ ﺗﻪﯞﺭﻩﺵ ﺋﺎﭘﯩﺘﻰ ﻫﻪﻗﻘﯩﺪﻩ ﺑﻪﺯﻯ ﺧﻪﯞﻩﺭﻟﻪﺭ ﺑﯧﺮﯨﻠﮕﻪﻥ ﺑﻮﻟﺴﯩﻤﯘ، ﻣﻪﺯﻛﯘﺭ ﺧﻪﯞﻩﺭﻟﻪﺭﺩﻩ ﭘﻪﻗﻪﺕ ، ﺋﻮﺑﻼﺳﺖ ﻫﻪﻡ ﻧﺎﻫﯩﻴﻪ ﺭﻩﻫﺒﻪﺭﻟﯩﺮﯨﻨﯩﯔ ﭼﺎﻏﺎﻧﻠﯩﻖ ﺩﻩﻡ ﺋﯧﻠﯩﺸﯩﻨﻰ ﻗﯘﺭﺑﺎﻥ ﻗﯩﻠﯩﭗ ﻳﻪﺭ ﺗﻪﯞﺭﻩﺵ ﺋﺎﭘﯩﺘﯩﮕﻪ ﺋﯘﭼﺮﯨﻐﺎﻥ ﺧﻪﻟﻘﻘﻪ ﺑﻪﻛﻤﯘ ﻛﯚﯕﯜﻝ ﺑﯚﻟﯜﯞﺍﺗﻘﺎﻧﻠﯩﻘﯩﻨﻰ ، ﻫﯚﻛﯜﻣﻪﺗﻨﯩﯔ ﺋﺎﭘﻪﺗﺘﯩﻦ ﻗﯘﺗﻘﯘﺯﯗﺵ ﺗﻪﻳﻴﺎﺭﻟﯩﻘﯩﻨﻰ ﺟﯩﺪﺩﯨﻲ ﺋﯧﻠﯩﭗ ﺑﯧﺮﯨﯟﺍﺗﻘﺎﻧﻠﯩﻘﯩﻨﻰ ، ﺋﺎﭘﻪﺗﺘﯩﻜﻰ ﺧﻪﻟﻘﻘﻪ 50 ﭼﯧﺪﯨﺮ ﺋﻪﯞﻩﺗﯩﻠﮕﻪﻧﻠﯩﻜﯩﻨﻰ ﺗﻪﺷﯟﯨﻖ ﻗﯩﻠﻐﺎﻥ .

ﺋﻪﭘﺴﯘﺱ ﺋﺎﭘﻪﺗﺘﯩﻜﻰ ﺧﻪﻟﻘﻨﯩﯔ ﻗﺎﻧﺪﺍﻕ ﻗﯩﻴﯩﻨﭽﯩﻠﯩﻘﻼﺭﻏﺎ ﺋﯘﭼﺮﺍﯞﺍﺗﻘﺎﻧﻠﯩﻘﻰ ﻫﻪﻡ ﻗﺎﻧﺪﺍﻕ ﻳﺎﺭﺩﻩﻣﻠﻪﺭﮔﻪ ﻣﯘﻫﺘﺎﺝ ﺋﯩﻜﻪﻧﻠﯩﻜﻰ ﻫﻪﻗﻘﯩﺪﻩ ﻫﯧﭽﻘﺎﻧﺪﺍﻕ ﺋﯘﭼﯘﺭ ﺑﻪﺭﻣﯩﮕﻪﻥ.
 
ﺑﯘ ﻗﯧﺘﯩﻤﻠﯩﻖ ﻳﻪﺭ ﺗﻪﯞﺭﻩﺷﺘﻪ ﭼﺎﭘﭽﺎﻝ ﻧﺎﻫﯩﻴﯩﺴﯩﻨﯩﯔ ﭼﻮﯕﺒﯘﻏﺮﺍ ﻳﯧﺰﯨﺴﻰ ﺋﯩﺘﺘﯩﭙﺎﻕ ﻛﻪﻧﺘﯩﻨﯩﯔ ﺋﺎﭘﻪﺗﻜﻪ ﺋﯘﭼﺮﺍﺵ ﺋﻪﻫﯟﺍﻟﻰ ﺑﯩﺮ ﻗﻪﺩﻩﺭ ﺋﯧﻐﯩﺮ ﺑﻮﻟﯘﭖ ، ﺑﯩﺰ ﺑﯘ ﻛﻪﻧﺘﺘﯩﻜﻰ ﺋﺎﭘﻪﺗﻜﻪ ﺋﯘﭼﺮﯨﻐﺎﻥ ﺋﺎﻣﻤﺎ ﺑﯩﻠﻪﻥ ﺋﺎﻻﻗﯩﻠﯩﺸﯩﺸﻘﺎ ﺗﯩﺮﯨﺸﺘﯘﻕ ،ﺗﯧﻠﯧﻔﻮﻧﯩﻤﯩﺰ ﺋﯩﺘﺘﯩﭙﺎﻕ ﻛﻪﻧﺘﯩﮕﻪ ﻧﺎﻫﺎﻳﯩﺘﻰ ﺗﻪﺳﺘﻪ ﺋﯘﻻﻧﺪﻯ. ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺑﯩﺮ ﺩﯦﻬﻘﺎﻥ ﺋﺎﻳﺎﻝ ﻳﻪﺭ ﺗﻪﯞﺭﻩﺵ ﺋﺎﭘﯩﺘﻰ ﻳﯜﺯ ﺑﻪﺭﮔﯩﻨﯩﮕﻪ ﺋﯩﻜﻜﻰ ﻛﯜﻥ ﺑﻮﻟﻐﺎﻥ ﺑﻮﻟﺴﯩﻤﯘ ، ﻫﯚﻛﯜﻣﻪﺗﻨﯩﯔ ﻳﺎﺭﺩﻩﻣﻠﯩﺮﯨﻨﯩﯔ ﻫﻪﺗﺘﺎ ﭼﯩﺪﯨﺮﻧﯩﯖﻤﯘ ﺗﯧﺨﻰ ﺑﯘ ﻳﯧﺰﯨﺪﯨﻜﻰ ﺋﺎﭘﻪﺗﺘﻪ ﻗﺎﻟﻐﺎﻥ ﺧﻪﻟﻘﻘﻪ ﻳﯧﺘﯩﭗ ﻛﻪﻟﻤﯩﮕﻪﻧﻠﯩﻜﯩﻨﻰ، ﺋﯚﻳﯩﮕﻪ ﭼﺎﻙ ﻛﻪﺗﻜﻪﻥ ﻗﻮﺷﻨﯩﺴﯩﻨﯩﯖﻤﯘ ﻫﺎﺯﯨﺮﻏﯩﭽﻪ ﺧﻪﺗﻪﺭﻟﯩﻚ ﺋﯚﻳﺪﻩ ﺋﻮﻟﺘﯘﺭﯗﯞﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﭼﺎﭘﭽﺎﻟﺪﺍ ﻳﯜﺯ ﺑﻪﺭﮔﻪﻥ ﻳﻪﺭ ﺗﻪﯞﺭﻩﺵ ﺋﺎﭘﯩﺘﻰ ﺋﯩﻠﻰ ﺋﻮﺑﻼﺳﺘﯩﺪﺍ ﻗﯩﺸﻨﯩﯔ ﺟﯘﺩﯗﻥ ﻛﯜﻧﻠﯩﺮﯨﮕﻪ ﺗﻮﻏﺮﺍ ﻛﻪﻟﺪﻯ، ﻫﺎﯞﺍﺭﺍﻳﻰ ﺋﯘﭼﯘﺭﯨﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ ، ﻏﯘﻟﺠﺎ ﺗﻪﯞﻩﺳﯩﻨﯩﯔ ﺑﯜﮔﯜﻧﻜﻰ ﻫﺎﯞﺍ ﺗﯧﻤﭙﯧﺮﺍﺗﯘﺭﯨﺴﻰ ﻧﯚﻟﺪﯨﻦ ﺗﯚﯞﻩﻥ 10 ﮔﯩﺮﺍﺩﯗﺱ ﺋﻪﺗﺮﺍﭘﯩﺪﺍ ﺑﻮﻟﯘﭖ ، ﺑﯩﺮ ﻧﻪﭼﭽﻪ ﻛﯜﻥ ﺋﯩﭽﯩﺪﻩ ﻗﺎﺭ ﻳﯧﻐﯩﭗ ﻗﯧﻠﯩﺸﻰ ﻣﯘﻣﻜﯩﻦ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز