ﺗﻪﻛﺸﯜﺭﯛﺵ ﺩﻭﻛﻼﺗﻰ ﻳﻮﻟﻠﯩﻨﯩﭗ 38 ﻛﯜﻥ ﺋﯚﺗﻜﻪﻧﺪﻩ، ﺋﺎﻧﺪﯨﻦ ﻳﯘﻗﯩﺮﯨﻐﺎ ﻣﻪﻟﯘﻡ ﻗﯩﻠﯩﻨﻐﺎﻥ

ﻣﻪﺭﻛﯩﺰﻯ ﺋﺎﮔﯧﻨﺘﻠﯩﻘﯩﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺷﯩﺠﻴﺎﺟﯘﺍﯓ ﺷﻪﻫﯩﺮﯨﺪﯨﻜﻰ 'ﺳﻪﻧﻠﯘ' ﻣﺎﺭﻛﯩﻠﯩﻖ ﺳﯜﺕ ﭘﺎﺭﺍﺷﯘﻛﻰ ﮔﯘﺭﯗﻫﯩﻨﯩﯔ 'ﺳﻪﻧﻠﯘ' ﺳﯜﺕ ﻣﻪﻫﺴﯘﻻﺗﻠﯩﺮﻯ ﺗﻮﻏﺮﯨﺴﯩﺪﯨﻜﻰ ﺗﻪﻛﺸﯜﺭﯛﺵ ﺩﻭﻛﻼﺗﻰ ﺷﻪﻫﻪﺭﻟﯩﻚ ﭘﺎﺭﺗﻜﻮﻣﻐﺎ ﻳﻮﻟﻠﯩﻨﯩﭗ 38 ﻛﯜﻥ ﺋﯚﺗﻜﻪﻧﺪﻩ، ﺋﺎﻧﺪﯨﻦ ﻣﻪﺳﯩﻠﻪ ﺧﯧﺒﯧﻲ ﺋﯚﻟﻜﯩﻠﯩﻚ ﭘﺎﺭﺗﻜﻮﻣﻐﺎ ﻣﻪﻟﯘﻡ ﻗﯩﻠﯩﻨﻐﺎﻥ. ﺑﯘ ﺟﻪﺭﻳﺎﻧﺪﺍ ﺳﻪﻧﻠﯘ ﻣﺎﺭﻛﯩﻠﯩﻖ ﺳﯜﺕ ﭘﺎﺭﺍﺷﯘﻛﻰ ﺑﯩﻠﻪﻥ ﺯﻩﻫﻪﺭﻟﯩﻨﯩﭗ ﻛﯧﺴﻪﻝ ﺑﻮﻟﻐﺎﻥ ﻛﯩﭽﯩﻚ ﺑﺎﻟﯩﻼﺭﻧﯩﯔ ﺳﺎﻧﻰ 50 ﻣﯩﯖﺪﯨﻦ ﺋﺎﺷﻘﺎﻥ.

'ﺳﻪﻧﻠﯘ' ﺳﯜﺕ ﭘﺎﺭﺍﺷﯘﻛﻰ ﺋﯚﺗﻜﻪﻥ ﺋﺎﻳﺪﯨﻼ ﺑﺎﺯﺍﺭﺩﯨﻦ ﭼﯧﻜﯩﻨﺪﯛﺭﯛﻟﯜﺷﻜﻪ ﺑﺎﺷﻠﯩﻐﺎﻥ

ﺭﻭﯦﻴﺘﯧﺮﺱ ﺋﺎﮔﯧﻨﺘﻠﯩﻘﯩﻨﯩﯔ ﺑﯜﮔﯜﻥ ﺑﯧﻴﺠﯩﯖﺪﯨﻦ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯩﺘﺎﻳﻨﯩﯔ 'ﺳﻪﻧﻠﯘ' ﻣﺎﺭﻛﯩﻠﯩﻖ ﺳﯜﺕ ﭘﺎﺭﺍﺷﯘﻛﻰ ﺑﯩﻠﻪﻥ ﺗﻪﻣﯩﻨﻠﻪﻧﮕﻪﻥ ﻛﯩﭽﯩﻚ ﺑﺎﻟﯩﻼﺭ ﻛﯧﺴﻪﻝ ﺑﻮﻟﯘﺷﻘﺎ ﺑﺎﺷﻠﯩﻐﺎﻧﺪﯨﻦ ﻛﯧﻴﯩﻦ، ﺳﯩﻨﮕﺎﭘﻮﺭ، ﻣﺎﻻﻳﺸﯩﻴﺎ، ﺑﺮﯗﻧﯧﻲ، ﺧﻮﯕﻜﻮﯓ، ﺗﻪﻳﯟﻩﻥ، ﻳﺎﭘﻮﻧﯩﻴﻪ، ﺑﯧﻨﮕﺎﻝ، ﮔﺎﺑﻮﻥ، ﺑﯘﺭﯗﻧﺪﻯ، ﻓﯩﻠﯩﭙﯩﻨﻠﻪﺭﺩﻩ ﺧﯩﺘﺎﻳﻨﯩﯔ ﺳﯜﺕ ﻣﻪﻫﺴﯘﻻﺗﻠﯩﺮﻯ ﺑﺎﺯﺍﺭﺩﯨﻦ ﭼﯧﻜﯩﻨﺪﯛﺭﯛﻟﯜﺷﻜﻪ ﺑﺎﺷﻠﯩﺪﻯ.

ﺧﻪﯞﻩﺭﺩﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﻣﯘﻧﺎﺳﯩﯟﻩﺗﻠﯩﻚ ﺋﻮﺭﯗﻧﻼﺭ ﺋﯚﺗﻜﻪﻥ ﺋﺎﻳﺪﯨﻼ ﺧﯩﺘﺎﻳﻨﯩﯔ 'ﺳﻪﻧﻠﯘ' ﻣﺎﺭﻛﯩﻠﯩﻖ ﺳﯜﺕ ﭘﺎﺭﺍﺷﻮﻛﯩﺪﺍ ﺑﯚﺭﻩﻛﺘﻪ ﺗﺎﺵ ﭘﻪﻳﺪﺍ ﻗﯩﻠﯩﺪﯨﻐﺎﻥ 'ﻣﯧﻼﻧﯩﻦ' ﺩﻩﭖ ﺋﺎﺗﯩﻠﯩﺪﯨﻐﺎﻥ ﺧﯧﻤﯩﻴﯩﯟﯨﻲ ﻣﺎﺩﺩﺍ ﺑﺎﺭﻟﯩﻘﯩﻨﻰ ﺋﯧﻨﯩﻘﻼﭖ ﭼﯩﻘﻘﺎﻥ ﺋﯩﺪﻯ. ﺧﻮﯕﻜﻮﯕﺪﯨﻜﻰ 'ﺧﺎﻧﯩﺶ ﻣﺎﺭﮔﺎﺭﯨﺖ ﺩﻭﺧﺘﯘﺭﺧﺎﻧﯩﺴﻰ'ﻧﯩﯔ ﺑﺎﻟﯩﻼﺭ ﺩﻭﺧﺘﯘﺭﻯ ﭼﺎﯞ ﭼﯘﯕﺒﻮﯓ 'ﺳﻪﻧﻠﯘ' ﻣﺎﺭﻛﯩﻠﯩﻖ ﺳﯜﺕ ﭘﺎﺭﺍﺷﯘﻛﯩﻨﻰ ﻗﻮﻟﻼﻧﻐﺎﻥ ﺋﯩﻜﻜﻰ ﻛﯩﭽﯩﻚ ﺑﺎﻟﯩﻨﯩﯔ ﺑﯚﺭﯨﻜﯩﺪﻩ ﺗﺎﺵ ﻫﺎﺳﯩﻞ ﺑﻮﻟﻐﺎﻧﻠﯩﻘﯩﻨﻰ ﻣﻪﻟﯘﻡ ﻗﯩﻠﻐﺎﻧﺪﯨﻦ ﻛﯧﻴﯩﻨﻼ، ﺗﻪﻳﯟﻩﻧﺪﻩ ﺧﯩﺘﺎﻳﺪﯨﻦ ﻛﯩﺮﮔﻪﻥ ﺑﯘ ﺧﯩﻞ ﺳﯜﺕ ﭘﺎﺭﺍﺷﯘﻛﯩﻨﻰ ﺋﯩﻨﭽﯩﻜﯩﻠﻪﭖ ﺗﻪﻛﺸﯜﺭﯛﺷﻜﻪ ﺑﺎﺷﻠﯩﻐﺎﻥ ﺋﯩﺪﻯ. ﺋﺎﻓﺮﯨﻘﯩﺪﯨﻜﻰ ﻧﺎﻣﺮﺍﺕ ﺩﯙﻟﻪﺗﻠﻪﺭﺩﯨﻦ ﮔﺎﺑﻮﻥ، ﺑﯘﺭﯗﻧﺪﯨﻼﺭﻣﯘ ﺧﯩﺘﺎﻳﺪﯨﻦ ﺑﯘ ﺧﯩﻞ ﺳﯜﺕ ﭘﺎﺭﺍﺷﯘﻛﯩﻨﻰ ﺋﯩﻤﭙﻮﺭﺕ ﻗﯩﻠﯩﺸﻨﻰ ﭼﻪﻛﻠﯩﮕﻪﻥ ﯞﻩ ﮔﻮﻟﻼﻧﺪﯨﻴﻪ ﺷﯩﺮﻛﻪﺗﻠﯩﺮﯨﻤﯘ ﺑﯘ ﺧﯩﻞ ﺳﯜﺕ ﻣﻪﻫﺴﯘﻻﺗﻠﯩﺮﯨﻨﻰ ﺳﯩﻨﮕﺎﭘﻮﺭ، ﺧﻮﯕﻜﻮﯓ، ﻣﺎﻛﺎﯞﻻﺭﺩﯨﻜﻰ ﺑﺎﺯﺍﺭﻻﺭﺩﯨﻦ ﭼﯧﻜﯩﻨﺪﯛﺭﯛﺷﻜﻪ ﺑﺎﺷﻠﯩﻐﺎﻥ ﺋﯩﺪﻯ.

ﻳﺎﭘﻮﻧﯩﻴﻪ 'ﺳﻪﻧﻠﯘ' ﺳﯜﺕ ﭘﺎﺭﺍﺷﯘﻛﯩﻨﻰ 90 ﻣﯩﯔ ﺷﯩﺮﻛﻪﺗﺘﯩﻦ ﺋﯧﻨﯩﻘﻼﺷﻨﻰ ﺗﻪﻟﻪﭖ ﻗﯩﻠﻐﺎﻥ

ﻳﺎﭘﻮﻧﯩﻴﯩﻨﯩﯔ ﻫﯚﻛﯜﻣﻪﺕ ﺑﺎﻳﺎﻧﺎﺗﭽﯩﺴﻰ ﻧﺎﺑﯘﺗﺎﻛﺎ ﻣﺎﻛﯩﻤﯘﺭﺍﻧﯩﯔ ﺋﯧﻴﺘﯩﺸﯩﭽﻪ، ﻳﺎﭘﻮﻧﯩﻴﻪ ﺳﻪﻫﯩﻴﻪ ﻣﯩﻨﯩﺴﺘﯩﺮﻟﯩﻘﻰ ﺧﯩﺘﺎﻳﻨﯩﯔ ﺯﻩﻫﻪﺭﻟﯩﻚ ﻣﯧﻼﺗﯩﻦ ﺧﯧﻤﯩﻴﯩﯟﯨﻲ ﻣﺎﺩﺩﯨﺴﻰ ﺑﺎﺭ ﺳﯜﺕ ﻣﻪﻫﺴﯘﻻﺗﻠﯩﺮﻯ ﺋﯩﻤﭙﻮﺭﺕ ﻗﯩﻠﯩﻨﻐﺎﻥ ﻳﺎﻛﻰ ﻗﯩﻠﯩﻨﻤﯩﻐﺎﻧﻠﯩﻘﯩﻨﻰ ﺩﯗﻧﻴﺎ ﻣﯩﻘﻴﺎﺳﯩﺪﺍ 90 ﻣﯩﯔ ﺷﯩﺮﻛﻪﺗﺘﯩﻦ ﺋﯧﻨﯩﻘﻼﺷﻨﻰ ﺗﻪﻟﻪﭖ ﻗﯩﻠﺪﻯ.
 
ﺟﻪﻧﯘﺑﯩﻲ ﻛﻮﺭﯨﻴﯩﻨﯩﯔ ﻧﺎﻣﻴﺎﯓ ﺳﯜﺕ ﻣﻪﻫﺴﯘﻻﺗﻠﯩﺮﻯ ﺷﯩﺮﻛﯩﺘﻰ ﺑﻮﻟﺴﺎ، ﺧﯩﺘﺎﻳﻨﯩﯔ ﺑﯘ ﺧﯩﻞ ﺯﻩﻫﻪﺭﻟﯩﻚ ﺳﯜﺕ ﻣﻪﻫﺴﯘﻻﺗﻠﯩﺮﯨﺪﯨﻦ ﺗﻪﺧﻤﯩﻨﻪﻥ ﻫﻪﺭ ﻫﻪﭘﺘﯩﺪﻩ 16 ﻣﯩﯔ ﻗﯘﺗﺎ ﺳﯧﺘﯩﭗ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ، ﺋﻪﻣﺪﻯ ﺑﯘﻧﻰ ﺑﺎﺯﺍﺭﻏﺎ ﺳﺎﻟﻤﺎﻳﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﺪﻯ.

ﺳﻪﻧﻠﯘ ﮔﯘﺭﯗﻫﯩﻨﯩﯔ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻯ، ﻣﻪﺑﻠﻪﻍ ﻣﯘﺩﯨﺮﻯ 'ﺑﯩﺮﯨﻨﭽﻰ ﻣﺎﻱ ﺷﯚﻫﺮﻩﺕ ﻣﯧﺪﺍﻟﻰ' ﺑﺎﺭ ﺋﻪﺭﺑﺎﺏ

ﺋﺎﻣﯧﺮﯨﻜﺎ ﺋﺎﯞﺍﺯﯨﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺷﯩﺠﻴﺎﺟﯘﺍﯓ ﺷﻪﻫﯩﺮﯨﺪﯨﻜﻰ ﺳﻪﻧﻠﯘ ﮔﯘﺭﯗﻫﻰ ﺧﯩﺘﺎﻳﻨﯩﯔ ﻳﯧﻤﻪﻙ ﺳﺎﻧﺎﺋﯩﺘﻰ ﺳﺎﻫﻪﺳﯩﺪﻩ ﺋﺎﻟﺘﻪ ﻳﯩﻠﺪﯨﻦ ﺑﯘﻳﺎﻥ ﺋﺎﻟﺪﯨﻨﻘﻰ ﺋﻮﺭﯗﻧﺪﺍ ﺗﯘﺭﯨﺪﯨﻐﺎﻥ ﺷﯩﺮﻛﻪﺕ ﺩﻩﭖ ﺳﺎﻧﯩﻠﯩﭗ ﻛﯧﻠﯩﯟﺍﺗﻘﺎﻥ ﺷﯩﺮﻛﻪﺗﻠﻪﺭﻧﯩﯔ ﺑﯩﺮﻯ. ﺑﯘ ﺷﯩﺮﻛﻪﺗﻨﯩﯔ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻯ، ﻣﻪﺑﻠﻪﻍ ﻣﯘﺩﯨﺮﻯ ﺗﻴﻪﻥ ﯞﯦﻨﺨﯘ ﻳﯩﻠﻼﺭﺩﯨﻦ ﺑﯘﻳﺎﻥ ﺧﯩﺘﺎﻳﺪﺍ 'ﺑﯩﺮﯨﻨﭽﻰ ﻣﺎﻱ ﺷﯚﻫﺮﻩﺕ ﻣﯧﺪﺍﻟﻰ' ﺋﺎﻟﻐﺎﻥ' ﺋﻪﺭﺑﺎﺏ، 'ﻣﻪﻣﻠﯩﻜﻪﺗﻠﯩﻚ ﺋﻪﻣﮕﻪﻙ ﻧﻪﻣﯘﻧﯩﭽﯩﺴﻰ'، 'ﺳﻪﻛﻜﯩﺰﯨﻨﭽﻰ ﻣﺎﺭﺕ ﻗﯩﺰﯨﻠﺒﺎﻳﺮﺍﻗﺪﺍﺭﻯ' ﺩﻩﭖ ﻣﺎﺧﺘﯩﻠﯩﭗ ﻛﯧﻠﯩﯟﺍﺗﻘﺎﻥ ﯞﻩ ﻣﻪﻣﻠﯩﻜﻪﺗﻠﯩﻚ ﺳﯩﻴﺎﺳﯩﻲ ﻛﯧﯖﻪﺷﻨﯩﯔ ﺋﻪﺯﺍﺳﻰ ﺑﻮﻟﯘﭖ ﺗﯘﺭﯗﯞﺍﺗﻘﺎﻥ ﺋﯩﻤﺘﯩﻴﺎﺯﻟﯩﻖ ﺋﻪﺭﺑﺎﺏ.

'ﺳﻪﻧﻠﯘ' ﺳﻪﺗﭽﯩﻠﯩﻜﻰ ﺧﯩﺘﺎﻳﺪﺍ ﺋﯘﺯﯗﻧﺪﯨﻦ ﺑﯘﻳﺎﻥ ﻣﻪﯞﺟﯘﺕ ﺳﺎﻗﻠﯩﻨﯩﯟﺍﺗﻘﺎﻥ ﻳﯧﻤﻪﻙ - ﺋﯩﭽﻤﻪﻙ ﺑﯩﺨﻪﺗﻪﺭﻟﯩﻜﻰ ﻣﻪﺳﯩﻠﯩﻠﯩﺮﯨﻨﯩﯔ ﺩﺍﯞﺍﻣﻰ

ﺋﺎﻣﯧﺮﯨﻜﯩﺪﺍ ﭼﯩﻘﯩﺪﯨﻐﺎﻥ 'ﺯﺍﻣﺎﻥ' ﮊﯗﺭﻧﯩﻠﻰ 9 ‏ - ﺋﺎﻳﻨﯩﯔ 16 ‏ - ﻛﯜﻧﻰ ﺋﯧﻼﻥ ﻗﯩﻠﻐﺎﻥ ﺩﻭﻛﻼﺗﺘﺎ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺧﯩﺘﺎﻳﺪﺍ 'ﺳﻪﻧﻠﯘ' ﻣﺎﺭﻛﯩﻠﯩﻖ ﺳﯜﺕ ﻣﻪﻫﺴﯘﻻﺗﻠﯩﺮﻯ ﺳﻪﺗﭽﯩﻠﯩﻜﻰ ﺧﯩﺘﺎﻳﺪﺍ ﺋﯘﺯﯗﻧﺪﯨﻦ ﺑﯘﻳﺎﻥ ﻣﻪﯞﺟﯘﺕ ﺑﻮﻟﯘﭖ ﻛﯧﻠﯩﯟﺍﺗﻘﺎﻥ ﻳﯧﻤﻪﻙ - ﺋﯩﭽﻤﻪﻙ ﺑﯩﺨﻪﺗﻪﺭﻟﯩﻜﻰ ﻣﻪﺳﯩﻠﯩﻠﯩﺮﯨﻨﯩﯔ ﺩﺍﯞﺍﻣﻰ ﺋﯩﻜﻪﻧﻠﯩﻜﻰ ﻳﻪﻧﻪ ﺑﯩﺮ ﻗﯧﺘﯩﻢ ﺋﯩﺴﭙﺎﺗﻼﻧﺪﻯ.

ﺑﯘ ﺩﻭﻛﻼﺗﺘﺎ ﺋﯧﻴﺘﯩﻠﯩﺸﯩﭽﻪ ﻳﻪﻧﻪ، ﺩﯗﻧﻴﺎ ﺧﯩﺘﺎﻳﺪﺍ ﺋﯩﺸﻠﻪﭘﭽﯩﻘﯩﺮﯨﻠﻐﺎﻥ ﺋﯚﻱ ﻫﺎﻳﯟﺍﻧﻠﯩﺮﻯ ﻳﯧﻤﻪﻛﻠﯩﺮﯨﻨﯩﯔ ﺋﺎﻣﯧﺮﯨﻜﯩﺪﺍ ﻣﯩﯖﻠﯩﻐﺎﻥ ﺗﯜﻣﻪﻧﻠﯩﮕﻪﻥ ﺋﯩﺖ ﯞﻩ ﻣﯜﺷﯜﻛﻠﻪﺭﻧﻰ ﺋﯚﻟﺘﯜﺭﮔﻪﻧﻠﯩﻜﯩﻨﻰ ﻛﯚﺭﺩﻯ. ﻫﺎﺯﯨﺮ ﺋﺎﻣﯧﺮﯨﻜﺎ ﺧﻪﻟﻘﻰ ﺧﯩﺘﺎﻳﺪﺍ ﺋﯩﺸﻠﻪﭘﭽﯩﻘﯩﺮﯨﻠﻐﺎﻥ ﻫﺎﻳﯟﺍﻧﺎﺕ ﻳﯧﻤﻪﻛﻠﯩﺮﯨﺪﯨﻦ ﺋﺎﻟﻠﯩﻘﺎﭼﺎﻥ ﻫﻪﺯﻩﺭ ﺋﻪﻳﻠﯩﺪﻯ.

'ﺩﯙﻟﻪﺗﻨﻰ ﭘﻪﻥ - ﺋﯩﻠﯩﻢ ﺑﯩﻠﻪﻥ ﺑﺎﺷﻘﯘﺭﯗﺵ' ﺩﻩﯞﺍﺗﻘﺎﻥ ﺧﯘ ﺟﯩﻨﺘﺎﯞ، ﯞﯦﻦ ﺟﻴﺎﺑﺎﯞ ﻫﯚﻛﯜﻣﯩﺘﯩﻨﯩﯔ ﺑﯩﺮ ﭘﺎﺭﺗﯩﻴﻪ ﺗﯜﺯﯛﻣﻰ ﺋﺎﺳﺘﯩﺪﺍ ﻳﯜﺯ ﺑﯧﺮﯨﯟﺍﺗﻘﺎﻥ ﻣﻪﺳﯩﻠﻪ

ﺧﯩﺘﺎﻳﻨﯩﯔ ﺳﺎﺑﯩﻖ ﺭﻩﻫﺒﯩﺮﻯ ﺟﺎﯞ ﺯﯨﻴﺎﯕﻨﯩﯔ ﻛﺎﺗﯩﺒﻰ ﺑﺎﯞﺗﯘﯓ ﺋﻪﭘﻪﻧﺪﯨﻨﯩﯔ ﺭﺍﺩﯨﺌﻮﻣﯩﺰ ﺋﯜﭼﯜﻥ ﻳﺎﺯﻏﺎﻥ ﺋﻮﺑﺰﻭﺭﯨﺪﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺧﯩﺘﺎﻳﺪﺍ ﺳﻪﻧﻠﯘ ﮔﯘﺭﯗﻫﻰ ﭘﻪﯞﻗﯘﻟﺌﺎﺩﺩﻩ ﺋﯩﻤﺘﯩﻴﺎﺯﻏﺎ ﺋﯩﮕﻪ ﺷﯩﺮﻛﻪﺕ. ﺋﯘﻧﯩﯔ ﺑﺎﺷﻠﯩﻘﯩﻨﯩﯔ ﺋﯚﺯﯨﻼ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻯ. ﺑﯘ ﺷﯩﺮﻛﻪﺗﻨﯩﯔ ﺑﯘﻟﺘﯘﺭ ﺳﺎﺗﻘﺎﻥ ﻣﻪﻫﺴﯘﻻﺗﻠﯩﺮﯨﻨﯩﯔ ﻗﯩﻤﻤﯩﺘﻰ 10 ﻣﯩﻠﻴﺎﺭﺩ ﻳﯘﻩﻧﺪﯨﻦ ﺋﺎﺷﻘﺎﻥ. ﻳﯩﻠﻠﯩﻖ ﭘﺎﻳﺪﯨﺴﻰ %15 ﺩﯨﻦ ﺗﻮﺧﺘﺎﯞﺍﺗﯩﺪﯗ.

ﺑﺎﯞﺗﯘﯓ ﺋﻪﭘﻪﻧﺪﯨﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﻣﻪﺳﯩﻠﻪ ﺋﻪﻣﺪﻯ ﭘﺎﺵ ﺑﻮﻟﯘﯞﺍﺗﯩﺪﯗ، ﮔﻪﺭﭼﻪ ﺷﯩﻨﺨﯘﺍ ﺋﺎﮔﯧﻨﺘﻠﯩﻘﻰ ﻫﺎﺯﯨﺮ ﺑﯘ ﻣﻪﺳﯩﻠﯩﻨﻰ 'ﭼﻪﺗﺌﻪﻟﻠﻪﺭ ﺟﯘﯕﮕﻮ ﻣﻪﻫﺴﯘﻻﺗﻠﯩﺮﯨﻨﻰ ﻳﺎﻣﺎﻥ ﻛﯚﺭﺳﯩﺘﯩﯟﺍﺗﯩﺪﯗ' ﺩﻩﭖ ﺟﺎﺭ ﺳﯧﻠﯩﯟﺍﺗﺴﯩﻤﯘ، ﺋﻪﻣﻪﻟﯩﻴﻪﺗﺘﻪ ﻫﻪﺭ ﻗﺎﻧﺪﺍﻕ ﺋﺎﺩﻩﻡ ﺑﯘﻧﺪﺍﻕ ﻣﻪﺳﯩﻠﯩﻨﯩﯔ ﺷﯩﺮﻛﻪﺗﺘﯩﻜﻰ ﻣﻪﺳﯩﻠﻪ ﻳﺎﻛﻰ ﺟﯩﻨﺎﻳﻪﺕ ﺩﯦﻠﻮﺳﻰ ﺋﯩﻜﻪﻧﻠﯩﻜﯩﻨﻰ ﺑﯩﻠﻪﻟﻪﻳﺪﯗ، ﺗﻮﻏﺮﯨﺴﯩﻨﻰ ﺋﯧﻴﺘﻘﺎﻧﺪﺍ، ﺑﯘ ﭘﻪﻥ - ﺋﯩﻠﯩﻢ ﺑﯩﻠﻪﻥ ﺩﯙﻟﻪﺗﻨﻰ ﺑﺎﺷﻘﯘﺭﯗﺵ ﺩﻩﯞﺍﺗﻘﺎﻥ ﺧﯘ ﺟﯩﻨﺘﺎﯞ، ﯞﯦﻦ ﺟﻴﺎﺑﺎﯞ ﻫﯚﻛﯜﻣﯩﺘﯩﻨﯩﯔ ﺑﯩﺮ ﭘﺎﺭﺗﯩﻴﻪ ﺗﯜﺯﯛﻣﻰ ﺋﺎﺳﺘﯩﺪﺍ ﻳﯜﺯ ﺑﯧﺮﯨﯟﺍﺗﻘﺎﻥ ﻣﻪﺳﯩﻠﻪ.