ﺑﯘ ﺧﻮﺗﻪﻧﺪﻩ 2006 - ﻳﯩﻠﯩﺪﯨﻦ ﺑﯘﻳﺎﻥ ﺋﯩﻜﻜﯩﻨﭽﻰ ﻗﯧﺘﯩﻢ ﺋﯚﻱ ﻗﯘﺷﻠﯩﺮﯨﺪﺍ ﻗﯘﺵ ﺯﯗﻛﯩﻤﻰ ﺗﺎﺭﻗﯩﻠﯩﺸﻰ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯗ. ﻳﺎﻧﯟﺍﺭﺩﺍ ﻗﯘﺵ ﺯﯗﻛﯩﻤﻰ ﺳﻪﯞﻩﺑﻠﯩﻚ ﺋﯘﻳﻐﯘﺭ ﺋﯧﻠﯩﺪﻩ ﺑﯩﺮ ﺋﺎﻳﺎﻟﻨﯩﯔ ﺋﯚﻟﮕﻪﻧﻠﯩﻜﻰ ﻣﻪﻟﯘﻡ. ﺷﯘﻧﺪﺍﻗﻼ ﺑﯘ ﻳﯩﻞ ﻛﯩﺮﮔﻪﻧﺪﯨﻦ ﺑﯘﻳﺎﻥ ﺧﯩﺘﺎﻱ ﻫﻪﻣﺪﻩ ﺩﯗﻧﻴﺎﻧﯩﯔ ﺑﺎﺷﻘﺎ ﺟﺎﻳﻠﯩﺮﯨﺪﯨﻤﯘ ﻗﯘﺵ ﺯﯗﻛﯩﻤﯩﻨﯩﯔ ﺗﺎﺭﻗﯩﻠﯩﺶ ﺋﻪﻫﯟﺍﻟﻰ ﻛﯚﭖ ﻗﯧﺘﯩﻢ ﻛﯚﺭﯛﻟﯜﯞﺍﺗﻘﺎﻥ ﺑﻮﻟﯘﭖ، ﻣﯘﺗﻪﺧﻪﺳﺴﯩﺴﻠﻪﺭ 2 - ﺋﺎﻱ ﻗﯘﺵ ﺯﯗﻛﯩﻤﻰ ﺗﺎﺭﻗﯩﻠﯩﺸﯩﻨﯩﯔ ﻳﯘﻗﯩﺮﻯ ﺑﺎﺳﻘﯘﭼﻰ ﺋﯩﻜﻪﻧﻠﯩﻜﯩﻨﻰ ﺋﺎﮔﺎﻫﻼﻧﺪﯗﺭﻣﺎﻗﺘﺎ.

ﺯﺍﯞﺍﺩﯨﻜﻰ ﻗﯘﺵ ﺯﯗﻛﯩﻤﯩﻨﯩﯔ ﺗﺎﺭﻗﯩﻠﯩﺸﯩﻨﻰ ﻛﻮﻧﺘﺮﻭﻝ ﻗﯩﻠﯩﺸﺘﺎ ﺩﺍﺋﯩﺮﯨﻠﻪﺭ ﻛﯧﭽﯩﻜﯩﭗ ﺗﻪﺩﺑﯩﺮ ﺋﺎﻟﺪﻯ

ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺳﻪﻳﺸﻪﻧﺒﻪ ﻛﯜﻧﻰ ﺧﻮﺗﻪﻧﻨﯩﯔ ﻗﺎﺭﯨﻘﺎﺵ ﻧﺎﻫﯩﻴﯩﺴﻰ ﺯﺍﯞﺍ ﻛﻪﻧﺘﯩﺪﯨﻜﻰ ﺋﺎﺷﻠﯩﻖ ﭘﻮﻧﻜﯩﺘﯩﺪﺍ ﺋﯚﻱ ﻗﯘﺷﻠﯩﺮﯨﺪﺍ ﻗﯘﺵ ﺯﯗﻛﯩﻤﻰ ﺗﺎﺭﻗﯩﻠﯩﭗ 519 ﺩﺍﻧﻪ ﻏﺎﺯﻧﯩﯔ ﺋﯚﻟﮕﻪﻧﻠﯩﻜﯩﻨﻰ ﺷﯘﻧﺪﺍﻗﻼ 10 - ﻓﯧﯟﺭﺍﻟﺪﺍ ﻳﻪﺭﻟﯩﻚ ﺳﻪﻫﯩﻴﻪ ﺗﺎﺭﻣﺎﻗﻠﯩﺮﯨﻨﯩﯔ ﻛﺎﺭﺍﻧﺘﯩﻦ ﻗﯩﻠﯩﺶ ﺗﻪﺩﺑﯩﺮﻟﯩﺮﯨﻨﻰ ﻗﻮﻟﻠﯩﻨﯩﭗ ﻳﻪﻧﻪ 13218 ﺋﯚﻱ ﻗﯘﺷﯩﻨﻰ ﺋﯚﻟﺘﯜﺭﯛﭖ ﺑﯩﺮ ﺗﻪﺭﻩﭖ ﻗﯩﻠﻐﺎﻧﻠﯩﻘﯩﻨﻰ، ﻧﯚﯞﻩﺗﺘﻪ ﺑﯘ ﺟﺎﻳﺪﯨﻜﻰ ﺋﯚﻱ ﻗﯘﺷﻠﯩﺮﯨﺪﺍ ﻗﯘﺵ ﺯﯗﻛﯩﻤﯩﻨﯩﯔ ﺗﺎﺭﻗﯩﻠﯩﺸﯩﻨﯩﯔ ﻣﯘﯞﻩﭘﭙﻪﻗﯩﻴﻪﺗﻠﯩﻚ ﻛﻮﻧﺘﺮﻭﻝ ﻗﯩﻠﯩﻨﻐﺎﻧﻠﯩﻘﯩﻨﻰ ﻗﯩﺴﻘﺎ ﺧﻪﯞﻩﺭ ﻗﯩﻠﺪﻯ.

ﺑﯘ ﻫﻪﻗﺘﻪ ﺧﻮﺗﻪﻥ ﯞﯨﻼﻳﯩﺘﯩﺪﯨﻜﻰ ﺋﯚﻱ ﻫﺎﻳﯟﺍﻧﻠﯩﺮﯨﺪﺍ ﺗﺎﺭﻗﯩﻠﯩﺸﭽﺎﻥ ﺟﯩﺪﺩﯨﻲ ﻛﯧﺴﻪﻟﻠﯩﻜﻠﻪﺭﻧﯩﯔ ﺋﺎﻟﺪﯨﻨﻰ ﺋﯧﻠﯩﺶ ﻣﻪﺭﻛﯩﺰﯨﺪﯨﻦ ﺋﯩﺴﻤﯩﻨﻰ ﺋﺎﺷﻜﺎﺭﯨﻼﺷﻨﻰ ﺧﺎﻟﯩﻤﯩﻐﺎﻥ ﺑﯩﺮ ﺧﺎﺩﯨﻤﻨﯩﯔ ﺋﯧﻴﺘﯩﺸﯩﭽﻪ، ﺯﺍﯞﺍ ﻛﻪﻧﺘﯩﮕﻪ ﺑﯩﺮ ﺧﯩﺘﺎﻱ ﺗﻪﺭﯨﭙﯩﺪﯨﻦ ﻗﯘﺭﯗﻟﻐﺎﻥ ﻏﺎﺯ ﻓﯧﺮﻣﯩﺴﯩﺪﺍ 4 - ﻓﯧﯟﺭﺍﻝ ﻛﯜﻧﻰ ﺋﯚﻱ ﻗﯘﺷﻠﯩﺮﯨﻨﯩﯔ ﺋﯚﻟﯜﺵ ﯞﻩﻗﻪﺳﻰ ﻳﯜﺯ ﺑﻪﺭﮔﻪﻧﻠﯩﻜﻰ ﻫﻪﻗﻘﯩﺪﻩ ﺧﻪﯞﻩﺭﮔﻪ ﺋﯩﮕﻪ ﺑﻮﻟﻐﺎﻥ ﻫﻪﻣﺪﻩ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﻣﯘﻧﺎﺳﯩﯟﻩﺗﻠﯩﻚ ﺩﺍﺋﯩﺮﯨﻠﻪﺭﮔﻪ ﺧﻪﯞﻩﺭ ﻗﯩﻠﻐﺎﻥ، ﺋﻪﻣﻤﺎ ﺧﯩﺘﺎﻳﻨﯩﯔ ﻗﯘﺵ ﺯﯗﻛﯩﻤﻰ ﺗﻪﺗﻘﯩﻘﺎﺕ ﺗﻪﺟﺮﯨﺒﯩﺨﺎﻧﯩﺴﯩﺪﯨﻜﯩﻠﻪﺭ ﺗﯚﺕ ﻛﯜﻧﺪﯨﻦ ﻛﯧﻴﯩﻦ ﺯﺍﯞﺍﻏﺎ ﻳﯧﺘﯩﭗ ﻛﯧﻠﯩﭗ ﺗﻪﻛﺸﯜﺭﯛﺵ ﺋﯧﻠﯩﭗ ﺑﺎﺭﻏﺎﻥ ﻫﻪﻣﺪﻩ ﺋﯩﻜﻜﻰ ﻛﯜﻧﺪﯨﻦ ﻛﯧﻴﯩﻦ، ﺑﯘ ﺟﺎﻳﺪﯨﻜﻰ ﺋﯚﻟﮕﻪﻥ ﻏﺎﺯﻻﺭﻧﯩﯔ h5n1 ﺗﯩﭙﻠﯩﻖ ﻗﯘﺵ ﺯﯗﻛﯩﻤﻰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻠﯩﻘﻰ ﺋﯧﻨﯩﻘﻼﻧﻐﺎﻥ.

ﻳﻪﺭﻟﯩﻚ ﺩﺍﺋﯩﺮﯨﻠﻪﺭ ﯞﻩﻗﻪ ﻳﯜﺯ ﺑﯧﺮﯨﭗ ﺋﺎﻟﺘﻪ ﻛﯜﻥ ﺑﻮﻟﻐﺎﻧﺪﺍ ﻳﻪﻧﻰ 10 - ﻓﯧﯟﺭﺍﻝ ﻛﯜﻧﻰ ﻣﻪﺯﻛﯘﺭ ﻛﯧﺴﻪﻝ ﺗﺎﺭﻗﺎﻟﻐﺎﻥ ﻏﺎﺯ ﻓﯧﺮﻣﯩﺴﻰ ﻫﻪﻣﺪﻩ ﺋﯜﭺ ﻛﯩﻠﻮﻣﯧﺘﯩﺮ ﺩﺍﺋﯩﺮﯨﺴﯩﺪﯨﻜﻰ ﺑﺎﺭﻟﯩﻖ ﺋﯚﻱ ﻗﯘﺷﻠﯩﺮﯨﻨﻰ ﺋﯚﻟﺘﯜﺭﯛﭖ ﺑﯩﺮ ﺗﻪﺭﻩﭖ ﻗﯩﻠﻐﺎﻥ ﻫﻪﻣﺪﻩ 8 ﻛﯩﻠﻮﻣﯧﺘﯩﺮ ﺩﺍﺋﯩﺮﯨﺪﯨﻜﻰ ﺋﯚﻱ ﻗﯘﺷﻠﯩﺮﯨﻐﺎ ﯞﺍﻛﺴﯩﻨﺎ ﺋﻪﻣﻠﻪﺵ، ﻳﻪﻧﻪ 13 ﻛﯩﻠﻮﻣﯧﺘﯩﺮ ﺋﺎﺭﯨﻠﯩﻘﺘﺎ ﺋﯚﻱ ﻗﯘﺷﻠﯩﺮﻯ ﺑﺎﺯﺍﺭﻟﯩﺮﯨﻨﻰ ﺗﻮﺧﺘﯩﺘﯩﺶ ﻗﺎﺗﺎﺭﻟﯩﻖ ﻗﯘﺵ ﺯﯗﻛﯩﻤﯩﻨﯩﯔ ﺗﺎﺭﻗﯩﻠﯩﺸﯩﻨﻰ ﻛﻮﻧﺘﺮﻭﻝ ﻗﯩﻠﯩﺶ ﺋﯘﺳﯘﻟﻠﯩﺮﯨﻨﻰ ﻗﻮﻟﻼﻧﻐﺎﻥ ﺋﯩﻜﻪﻥ.

ﺧﯩﺘﺎﻱ ﺩﯙﻟﻪﺗﻠﯩﻚ ﺋﯚﻱ ﻗﯘﺷﻠﯩﺮﯨﺪﺍ ﻗﯘﺵ ﺯﯗﻛﯩﻤﯩﻨﯩﯔ ﺗﺎﺭﻗﯩﻠﯩﺸﯩﻨﻰ ﻛﻮﻧﺘﺮﻭﻝ ﻗﯩﻠﯩﺶ ﻧﯩﺰﺍﻣﯩﺪﺍ، ﻗﯘﺵ ﺯﯗﻛﯩﻤﻰ ﯞﯨﺮﯗﺳﻰ ﺗﺎﺭﻗﯩﻠﯩﺶ ﺋﯧﻬﺘﯩﻤﺎﻟﻠﯩﻘﻰ ﺑﻮﻟﻐﺎﻥ ﮔﯘﻣﺎﻧﻠﯩﻖ ﺋﻮﺭﯗﻧﻨﻰ 24 ﺳﺎﺋﻪﺕ ﺋﯩﭽﯩﺪﻩ ﻛﺎﺭﺍﻧﺘﯩﻦ ﻗﯩﻠﯩﺶ ﻫﻪﻣﺪﻩ ﺋﯩﻜﻜﻰ ‏ - ﺋﯜﭺ ﻛﯜﻥ ﺋﯩﭽﯩﺪﻩ ﺟﯩﺪﺩﯨﻲ ﺗﻪﺩﺑﯩﺮ ﻗﻮﻟﻠﯩﻨﯩﺶ ﺑﻪﻟﮕﯩﻠﻪﻧﮕﻪﻥ ﺑﻮﻟﯘﭖ، ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺧﻮﺗﻪﻧﺪﻩ ﺑﯘ ﻗﯧﺘﯩﻤﻘﻰ ﻗﯘﺵ ﺯﯗﻛﯩﻤﻰ ﺗﺎﺭﻗﯩﻠﯩﺸﯩﻨﻰ ﻛﻮﻧﺘﺮﻭﻝ ﻗﯩﻠﯩﺸﺘﺎ ﺑﯩﺮ ﻗﻪﺩﻩﺭ ﻛﯧﭽﯩﻜﯩﭗ ﺗﻪﺩﺑﯩﺮ ﺋﺎﻟﻐﺎﻥ.

ﺑﯩﺰ ﺧﯩﺘﺎﻱ ﺩﯙﻟﻪﺗﻠﯩﻚ ﻗﯘﺵ ﺯﯗﻛﯩﻤﻰ ﺗﺎﺭﻗﯩﻠﯩﺸﯩﻨﻰ ﻛﻮﻧﺘﺮﻭﻝ ﻗﯩﻠﯩﺶ ﻣﻪﺭﻛﯩﺰﯨﺪﯨﻦ ﺧﻮﺗﻪﻥ ﻗﺎﺭﯨﻘﺎﺷﺘﺎ ﻳﯜﺯ ﺑﻪﺭﮔﻪﻥ ﻗﯘﺵ ﺯﯗﻛﯩﻤﯩﻨﻰ ﻛﻮﻧﺘﺮﻭﻝ ﻗﯩﻠﯩﺶ ﺗﻪﺩﺑﯩﺮﻯ ﻫﻪﻡ ﻧﻪﺗﯩﺠﯩﺴﻰ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺋﯧﻠﯩﺸﻘﺎ ﺗﯩﺮﯨﺸﻘﺎﻥ ﺑﻮﻟﺴﺎﻗﻤﯘ، ﺋﯘﻻﺭ ﺳﻮﺋﺎﻟﻠﯩﺮﯨﻤﯩﺰﻏﺎ ﻳﯧﺘﻪﺭﻟﯩﻚ ﺟﺎﯞﺍﺏ ﺑﻪﺭﻣﯩﺪﻯ.

ﺑﯩﺰ ﻳﻪﻧﻪ ﻗﯘﺵ ﺯﯗﻛﯩﻤﻰ ﺗﺎﺭﺍﻟﻐﺎﻥ ﺟﺎﻱ ﺑﻮﻟﻐﺎﻥ ﺯﺍﯞﺍ ﻛﻪﻧﺘﯩﺪﯨﻜﻰ ﺋﺎﻣﻤﯩﻨﯩﯔ ﻗﯘﺵ ﺯﯗﻛﯩﻤﻰ ﺗﺎﺭﻗﯩﻠﯩﺸﯩﻐﺎ ﻗﺎﻧﺪﺍﻕ ﺋﯩﻨﻜﺎﺳﺘﺎ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﺋﯩﮕﯩﻠﻪﺵ ﺋﯜﭼﯜﻥ ﺗﯧﻠﯧﻔﻮﻥ ﻗﯩﻠﻐﯩﻨﯩﻤﯩﺰﺩﺍ، ﺑﯘ ﻛﻪﻧﺘﺘﯩﻜﻰ ﺑﯩﺮ ﺋﯘﻳﻐﯘﺭ ﺩﯦﻬﻘﺎﻧﻨﯩﯔ، ﺋﯚﺯ ﻛﻪﻧﺘﯩﺪﯨﻜﻰ ﺋﯚﻱ ﻗﯘﺷﻠﯩﺮﯨﺪﺍ ﻗﯘﺵ ﺯﯗﻛﯩﻤﯩﺪﯨﻦ ﺋﯩﺒﺎﺭﻩﺕ ﺋﯚﺗﻜﯜﺭ ﻳﯘﻗﯘﻣﻠﯘﻕ ﻛﯧﺴﻪﻟﻠﯩﻜﻨﯩﯔ ﺗﺎﺭﻗﯩﻠﯩﺸﯩﺪﯨﻦ ﺧﻪﯞﯨﺮﯨﻨﯩﯔ ﻳﻮﻗﻠﯘﻗﻰ ﺑﯩﺰﻧﻰ ﺋﻪﺟﻪﭘﻠﻪﻧﺪﯛﺭﺩﻯ.

ﻗﺎﺭﯨﻘﺎﺷﺘﺎ ﻗﯘﺵ ﺯﯗﻛﯩﻤﻰ ﭘﻪﻗﻪﺕ ﺋﯚﻱ ﻗﯘﺷﻠﯩﺮﯨﺪﯨﻼ ﻛﯚﺭﯛﻟﺪﻯ

ﺧﻪﯞﻩﺭﻟﻪﺭﺩﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﻧﯚﯞﻩﺗﺘﻪ ﺋﯘﻳﻐﯘﺭ ﺋﯧﻠﻰ ﻫﻪﻣﺪﻩ ﺧﯩﺘﺎﻳﺪﺍ ﻗﯘﺵ ﺯﯗﻛﯩﻤﯩﺪﯨﻦ ﻳﯘﻗﯘﻣﻼﻧﻐﺎﻥ ﺋﯩﻨﺴﺎﻧﻼﺭﻣﯘ ﺩﻩﻝ ﻗﺎﺭﯨﻘﺎﺷﺘﺎ ﺑﺎﻳﻘﺎﻟﻐﺎﻥ ﺑﯘ ﺧﯩﻞ h5n1 ﺗﯩﭙﻠﯩﻖ ﯞﯨﺮﯗﺱ ﺑﯩﻠﻪﻥ ﻳﯘﻗﯘﻣﻼﻧﻐﺎﻥ ﺑﻮﻟﯘﭖ، 2009 - ﻳﯩﻠﻰ ﻛﯩﺮﮔﻪﻧﺪﯨﻦ ﺑﯘﻳﺎﻧﻼ ﺧﯩﺘﺎﻱ ﻫﻪﻣﺪﻩ ﺧﻮﯕﻜﻮﯕﺪﺍ ﺟﻪﻣﺌﯩﻲ ﺳﻪﻛﻜﯩﺰ ﻛﯩﺸﻰ ﻣﯘﺷﯘ ﺧﯩﻞ ﻗﯘﺵ ﺯﯗﻛﯩﻤﻰ ﯞﯦﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻠﯩﻘﻰ ﺋﯧﻨﯩﻘﻠﯩﻨﯩﭗ ﺑﯘﻻﺭﻧﯩﯔ ﺋﯩﭽﯩﺪﻩ ﺑﻪﺷﻰ ﻫﺎﻳﺎﺗﯩﺪﯨﻦ ﺋﺎﻳﺮﯨﻠﻐﺎﻥ ﺋﯩﺪﻯ، ﻗﯘﺵ ﺯﯗﻛﯩﻤﯩﺪﯨﻦ ﺑﯘ ﻳﯩﻞ ﺋﯚﻟﮕﻪﻧﻠﻪﺭ ﺋﯩﭽﯩﺪﻩ ﺋﯜﺭﯛﻣﭽﯩﺪﯨﻜﻰ 31 ﻳﺎﺷﻠﯩﻖ ﺋﺎﻳﺎﻟﻤﯘ ﺑﺎﺭ.

ﺑﯩﺰ ﺑﯘ ﻗﯧﺘﯩﻤﻘﻰ ﻗﺎﺭﯨﻘﺎﺷﺘﺎ ﺋﯚﻱ ﻗﯘﺷﻠﯩﺮﯨﺪﺍ ﻗﯘﺵ ﺯﯗﻛﯩﻤﯩﻨﯩﯔ ﺗﺎﺭﻗﯩﻠﯩﺸﻰ ﺋﯩﻨﺴﺎﻧﻼﺭﻏﺎ ﺗﻪﻫﺪﯨﺖ ﻛﯚﺭﺳﻪﺗﻜﻪﻥ ‏ - ﻛﯚﺭﺳﻪﺗﻤﯩﮕﻪﻧﻠﯩﻜﻰ ﻫﻪﻗﻘﯩﺪﻩ ﺋﻪﻫﯟﺍﻝ ﺋﯩﮕﯩﻠﻪﺵ ﺋﯜﭼﯜﻥ ﻗﺎﺭﯨﻘﺎﺵ ﺩﻭﺧﺘﯘﺭﺧﺎﻧﯩﺴﻰ ﻳﯘﻗﯘﻣﻠﯘﻕ ﻛﯧﺴﻪﻟﻠﯩﻜﻠﻪﺭ ﺑﯚﻟﯜﻣﯩﮕﻪ ﺗﯧﻠﯧﻔﻮﻥ ﻗﯩﻠﺪﯗﻕ. ﺑﯩﺮ ﻧﻪﭘﻪﺭ ﺋﯘﻳﻐﯘﺭ ﺳﯧﺴﺘﯩﺮﺍ ﺑﯘ ﻧﺎﻫﯩﻴﯩﺪﻩ ﻫﺎﺯﯨﺮﭼﻪ ﺑﯩﺮﻩﺭ ﻛﯩﺸﯩﻨﯩﯔ ﻗﯘﺵ ﺯﯗﻛﯩﻤﯩﺪﯨﻦ ﻳﯘﻗﯘﻣﻼﻧﻐﺎﻧﻠﯩﻘﻰ ﻛﯜﺭﯛﻟﻤﯩﮕﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﻗﯘﺵ ﺯﯗﻛﯩﻤﯩﻨﯩﯔ ﺗﺎﺭﻗﯩﻠﯩﺶ ﻳﯘﻗﯩﺮﻯ ﺑﺎﺳﻘﯘﭼﻰ ﻳﻪﻧﻪ ﻳﯧﺘﯩﭗ ﻛﻪﻟﺪﻯ

ﺩﯗﻧﻴﺎ ﺳﻪﻫﯩﻴﻪ ﺗﻪﺷﻜﯩﻼﺗﻰ ﻣﯘﺗﻪﺧﻪﺳﺴﯩﺴﻠﯩﺮﯨﻨﯩﯔ، ﻛﯩﻠﯩﻨﯩﻜﯩﻠﯩﻖ ﺗﻪﺟﺮﯨﺒﻪ ﺗﻪﺗﻘﯩﻘﺎﺗﻠﯩﺮﯨﻐﺎ ﺋﺎﺳﺎﺳﻪﻥ ﺋﯧﻼﻥ ﻗﯩﻠﯩﺸﯩﭽﻪ، ﺋﯩﻨﺴﺎﻧﻼﺭ ﻧﯚﯞﻩﺗﺘﻪ ﻗﯘﺵ ﺯﯗﻛﯩﻤﻰ ﯞﯦﺮﯗﺳﯩﺪﯨﻦ ﻳﯘﻗﯘﻣﻠﯩﻨﯩﺸﻨﯩﯔ ﺋﺎﻟﺪﯨﻨﻰ ﺋﺎﻻﻟﯩﺸﻰ، ﻫﻪﺗﺘﺎ ﺳﺎﻗﺎﻳﺘﯩﺸﻰ ﻫﻪﻣﺪﻩ ﻛﻮﻧﺘﺮﻭﻝ ﻗﯩﻠﯩﺸﻰ ﭘﯜﺗﯜﻧﻠﻪﻱ ﻣﯘﻣﻜﯩﻨﭽﯩﻠﯩﻜﻜﻪ ﺋﯩﮕﻪ.

2003 - ﻳﯩﻠﯩﺪﯨﻦ ﻫﺎﺯﯨﺮﻏﺎ ﻗﻪﺩﻩﺭ ﭘﯜﺗﯜﻥ ﺩﯗﻧﻴﺎﺩﺍ ﻣﻪﻟﯘﻡ ﺑﻮﻟﻐﺎﻥ ﻳﯘﻗﯘﻣﺪﺍﺭﻻﺭ 406 ﮔﻪ ﻳﻪﺗﻜﻪﻥ، ﺑﯘﻻﺭﻧﯩﯔ ﺋﯩﭽﯩﺪﻩ ﺋﯚﻟﮕﻪﻧﻠﻪﺭ 254 ﻧﻪﭘﻪﺭ ﺑﻮﻟﯘﭖ ﺋﯘﻻﺭ 15 ﺩﯙﻟﻪﺕ ﻫﻪﻡ ﺭﺍﻳﻮﻧﻼﺭﻏﺎ ﺗﺎﺭﻗﺎﻟﻐﺎﻥ. ﺑﯘﻧﯩﯔ ﺋﯩﭽﯩﺪﻩ ﺧﯩﺘﺎﻳﺪﺍ ﻳﯘﻗﯘﻣﻼﻧﻐﺎﻧﻼﺭ 38 ﻧﻪﭘﻪﺭ، ﺋﯚﻟﮕﻪﻧﻠﻪﺭ 25 ﻛﻪ ﻳﻪﺗﺘﻰ. ﻫﺎﻟﺒﯘﻛﻰ ﺧﯩﺘﺎﻱ ﻣﯩﻘﻴﺎﺳﯩﺪﺍ ﻗﯘﺵ ﺯﯗﻛﯩﻤﯩﻨﯩﯔ ﺋﯩﻨﺴﺎﻧﻼﺭ ﺋﺎﺭﯨﺴﯩﺪﺍ ﺗﺎﺭﻗﯩﻠﯩﺸﯩﺪﯨﻦ ﺧﯧﻠﻰ ﺋﯘﺯﯗﻥ ﻣﻪﺯﮔﯩﻠﮕﯩﭽﻪ ﺳﺎﻗﻼﻧﻐﯩﻠﻰ ﺑﻮﻟﻤﺎﻳﺪﯨﻜﻪﻥ ﺷﯘﻧﺪﺍﻗﻼ ﻫﻪﺭ ﻳﯩﻠﻰ 2 - ﺋﺎﻱ ﻗﯘﺵ ﺯﯗﻛﯩﻤﻰ ﺗﺎﺭﻗﯩﻠﯩﺸﻰ ﺑﯩﺮ ﻗﻪﺩﻩﺭ ﺋﯧﻐﯩﺮ ﺑﻮﻟﯘﭖ ﻛﯧﻠﯩﯟﺍﺗﻘﺎﻥ ﻣﻪﺯﮔﯩﻞ ﺑﻮﻟﯘﭖ، ﺩﯗﻧﻴﺎ ﻣﯩﻘﻴﺎﺳﯩﺪﺍ ﻗﯘﺵ ﺯﯗﻛﯩﻤﻰ ﻳﯘﻗﯘﻡ ﺋﻪﻫﯟﺍﻟﯩﺪﯨﻦ ﻗﺎﺭﯨﻐﺎﻧﺪﺍ، ﻗﯘﺵ ﺯﯗﻛﯩﻤﯩﻨﯩﯔ ﻗﺎﻳﺘﺎ ﺗﺎﺭﻗﯩﻠﯩﺸﯩﻨﯩﯔ ﻳﯘﻗﯩﺮﻯ ﺑﺎﺳﻘﯘﭼﻰ ﻳﯧﺘﯩﭗ ﻛﻪﻟﺪﻯ.

ﺩﯗﻧﻴﺎ ﺳﻪﻫﯩﻴﻪ ﺗﻪﺷﻜﯩﻼﺗﻰ ﻳﯘﻗﯘﻣﻠﯘﻕ ﻛﯧﺴﻪﻟﻠﻪﺭﻧﯩﯔ ﺋﺎﻟﺪﯨﻨﻰ ﺋﯧﻠﯩﺶ ﻣﯘﺗﻪﺧﻪﺳﺴﯩﺴﻠﯩﺮﯨﻨﯩﯔ ﺗﻪﻛﯩﺘﻠﯩﺸﯩﭽﻪ، ﻗﯩﺶ ﭘﻪﺳﻠﯩﻨﯩﯔ ﺋﺎﺧﯩﺮﻯ ﺑﺎﻫﺎﺭﻧﯩﯔ ﺩﻩﺳﻠﻪﭘﻜﻰ ﻣﻪﺯﮔﯩﻠﻰ ﺑﺎﺭﻟﯩﻖ ﺟﺎﻧﻠﯩﻘﻼﺭ، ﺷﯘﻧﯩﯔ ﺑﯩﻠﻪﻥ ﺑﯩﺮﮔﻪ، ﺑﻪﺯﻯ ﻳﯘﻗﯘﻣﻠﯘﻕ ﻛﯧﺴﻪﻝ ﯞﯨﺮﯗﺳﻠﯩﺮﯨﻨﯩﯖﻤﯘ ﺟﺎﻧﻠﯩﻨﯩﺪﯨﻐﺎﻥ ﻣﻪﺯﮔﯩﻠﻰ ﺑﻮﻟﻐﺎﭼﻘﺎ، ﺑﯘ ﭘﻪﺳﯩﻞ ﻳﯘﻗﯘﻣﻠﯘﻕ ﻛﯧﺴﻪﻟﻠﯩﻜﻠﻪﺭﻧﯩﯔ ﺋﻪﯓ ﻳﯘﻗﯩﺮﻯ ﺗﺎﺭﻗﯩﻠﯩﺶ ﺑﺎﺳﻘﯘﭼﻰ ﻫﯧﺴﺎﺑﻠﯩﻨﯩﺪﯗ، ﺋﯩﻨﺴﺎﻧﻼﺭ ﺑﯘ ﻣﻪﺯﮔﯩﻠﺪﻩ ﺗﯜﺭﻟﯜﻙ ﺯﯗﻛﺎﻣﻨﯩﯔ ﺷﯘﻧﺪﺍﻗﻼ ﻗﯘﺵ ﺯﯗﻛﯩﻤﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺸﻘﺎ ﺋﺎﻻﻫﯩﺪﻩ ﺋﻪﻫﻤﯩﻴﻪﺕ ﺑﯧﺮﯨﺸﻰ، ﺋﯚﺯﯨﺪﻩ ﻛﯚﺭﯛﻟﮕﻪﻥ ﺑﯩﻨﻮﺭﻣﺎﻝ ﺳﺎﻗﺴﯩﺰﻟﯩﻘﻼﺭﻏﺎ ﺟﯩﺪﺩﯨﻲ ﻗﺎﺭﯨﺸﻰ ﻫﻪﻣﺪﻩ ﯞﺍﻗﺘﯩﺪﺍ ﺩﻭﺧﺘﯘﺭﻏﺎ ﻛﯚﺭﯛﻧﯜﺷﻰ ﻛﯧﺮﻩﻙ.

ﺧﯩﺘﺎﻱ ﺳﻪﻫﯩﻴﻪ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﺗﻮﺭ ﺑﯧﺘﯩﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺑﯘ ﻳﯩﻞ ﻛﯩﺮﮔﻪﻧﺪﯨﻦ ﺑﯘﻳﺎﻥ ﺧﯩﺘﺎﻳﺪﺍ ﺋﯩﻨﺴﺎﻧﻼﺭ ﻫﺎﻳﺎﺗﯩﻐﺎ ﺗﻪﻫﺪﯨﺖ ﻛﯚﺭﺳﯩﺘﯩﺪﯨﻐﺎﻥ ﺋﯚﺗﻜﯜﺭ ﻳﯘﻗﯘﻣﻠﯘﻕ ﻛﯧﺴﻪﻟﻠﻪﺭﻧﯩﯔ ﺗﺎﺭﻗﯩﻠﯩﺸﻰ ﺑﯩﺮ ﻗﻪﺩﻩﺭ ﻛﯚﭖ ﻛﯚﺭﯛﻟﯜﯞﺍﺗﻘﺎﻥ ﺑﻮﻟﯘﭖ، ﻗﯘﺵ ﺯﯗﻛﯩﻤﯩﺪﯨﻦ ﻳﯘﻗﯘﻣﻼﻧﻐﺎﻧﻠﯩﻘﻰ ﺳﻪﯞﻩﺑﻠﯩﻚ ﺑﻪﺵ ﻛﯩﺸﻰ ﺋﯚﻟﮕﻪﻥ، ﭘﯘﺕ - ﻗﻮﻝ - ﺋﯧﻐﯩﺰ ﻳﺎﻟﻠﯘﻏﻰ ﺑﯩﻠﻪﻥ ﻳﯘﻗﯘﻣﻠﯩﻨﯩﭗ ﺑﯩﺮﻯ ﺋﯚﻟﮕﻪﻥ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز