Jasus gumandari babur mexsut üstidiki sot yene kéchiktürüldi
Muxbirimiz shohret hoshur
2009-07-02
Jasus gumandari babur mexsut bu yil 6 - Ayning 4 - Küni shiwitsiye dölet bixeterlik idarisi teripidin qolgha élinghan we 6 - Ayning 18 - Küni sotlanmaqchi idi. Babur mexsut délosining chétishliq dairisi keng bolghini üchün, sot 7 - Ayning 2 - Künige kéchiktürülgen idi.
Sürette, jasus gumandari babur mexsutning ötken ayda washingtonda échilghan d u q ning yighini jeryanida ötküzülgen xitay elchixanisi aldidiki namyishqa qatnishiwatqan kürünüsh bolup, jasus gumandari babur mexsut ongdin ikkinchi kishi.
Bügün shiwitsiye uyghur komititining reisi mahinur xanimni ziyaret qilghinimizda, sotning yene bir qétim kéchiktürülgenliki yeni, 7 - Ayning15 - Künige özgertilgenliki melum boldi.
Babur mexsut délosi ashkarilanghandin kéyin, uning uyghur teshkilatliri bilen bolghan munasiwiti muhajirettiki uyghur jamaitining diqqitini tartqan we uning shiwétsiyidiki uyghur maarip uyushmisining bash meslihetchisi bolghanliqi we uning bu teshkilatning qurghuchiliridin biri ikenliki heqqide söz tarqalghan idi.
Biz bügün bu heqte shiwitsiye uyghur maarip uyushmisining mesulliridin biri bolghan exmetjan abdullah ependini ziyaret qilduq. Exmetjan abdullah ependi babur mexsutning mezkur teshkilatqa pexriy meslihetchi bolghanliqini, emma teshkilatning qurulushida héchqandaq roli yoqluqini bildürdi hem babur mexsutning mezkur teshkilattiki orni we roli heqqide melumat berdi.
Yuqiridiki awaz ulinishidin, jasus gumandari babur mexsut üstidiki sotning yene bir qétim kéchiktürülgenliki we uning shiwétsiye uyghur maarip uyushmisi bilen bolghan teshkiliy munasiwiti heqqidiki melumatning tepsilatini anglaysiler.
 | Bésish |  |
Ewetish |
Munasiwetlik xewerler
Amérika dölet mejlisi xitayning jasusluq paaliytini ashurghanliqini doklat qildi
Ishpiyon gumandari babur mexsut heqqide yene sot échildi
Ishpiyon gumandari babur mexsutning resmiy soti yene kéchiktürüldi
Jasus gumandari babur mexsut üstidiki sot yene kéchiktürüldi
Jasus gumandari babur mexsut heqqide melumatlar(2)
Shwétsiye ' babur jasusluq weqesi' ge chétishliq xitay diplomatini chigridin qoghlap chiqarghan
Shwétsiyidiki uyghur jasus gumandarining ismi ashkarilandi
24 Saetlik téléfon liniyisi
Essalamu eleykum radio anglighuchilar we oqurmenler, istansimiz uyghur bölümi24 saetlik téléfon liniyisi tesis qildi.
Pikir - Qarashliringizni otturigha qoyung
Pikir - Bayanliringiz tor bashqurghuchisi teripidin testiqlinishi kérek bolup, tor bette shu zaman élan qilinmaydu. Bir az waqittin kéyin, pikir - Bayanliringizning testiqlanghan yaki testiqlanmighanliqini qayta tekshürüp körüshigizni soraymiz. Pikir - Qarashliringizni töwendiki jedwel arqiliq, uyghur kona yéziqi boyiche yolliyalaysiz.
Barliq pikir - Bayanlarni körüsh.