Tayland da'iriliri bangkok partlash weqesining pilanlighuchisi xitayda ikenlikini bildürdi

Muxbirimiz erkin
2015.09.11

Tayland da'iriliri 17‏-awghust bangkok partlash weqesining pilanlighuchisi “Ishan” leqemlik abduraxman abdusattarning weqedin kéyin xitaygha ketkenlikini élan qilip, xitay da'iriliridin uning aqiwitini sürüshtürgenlikini bildürdi.

Tayland da'irilirining jüme küni bildürüshiche, abduraxman abdusattar partlashtin bir kün burun xitay pasporti bilen bén'galgha ketken. Lékin bén'gal bash saqchi nazaretchisi shehidul heq réytérs agéntliqigha bergen uchurida, abduraxman abdusattarning 16‏-awghust bén'galgha kirgenliki, uning bén'galda 14 kün turup, “30‏-Awghust béyjinggha qarap uchqanliqini éniqliduq” dégen.

Tayland da'irilirining ilgiri sürüshiche, abduraxman abdusattar 17‏-awghust partlash weqesining pilanlighuchisi bolup, u mir'eli yüsüpke bombini bangkok etrapidiki bina öydin élip, partlash ornigha élip bérishqa buyrughan kishiken.

Abduraxman abdusattarning partlash weqesidin kéyin béyjinggha kétishi abduraxman kim? bangkok partlash weqesining arqisida kim bar? dégen mesile shübhichilerdiki gumanni téximu kücheytti.

Lékin tayland saqchi bashliqi simyot pumpangmong jüme küni muxbirlargha bu weqening arqisida abduraxman abdusattardinmu chong arqa tirek barliqidin bésharet bérip, “Ishan béliqning eng chongi, dep xulase chiqarmang” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.