Korla awat yézisida birla imam "terbiye" din aman qalghan

Muxbirimiz shöhret hoshur
2017-12-28
Élxet
Pikir
Hembehr
Print
  • Print
  • Hembehr
  • Pikir
  • Élxet

Yéqinda bir kent sékrétarining bayan qilishiche, korlaning 10mingdin artuq nopusqa ige awat yézisida peqet birla imam tutulushtin aman qalghan.

Matériyallarda körsitilishiche, awat yézisi bash'awat, lengger, ich'ériq qatarliq 8 kenttin we 50 ke yéqin mehellidin teshkillen'gen. Ilgiri korlada az dégende her bir mehellide birdin meschit bar bolup, awat yézisida 50 din artuq diniy zat wezipe ötep kelgen.

Bu yil korlada "yépiq terbiyilesh" bashlan'ghandin kéyin, imam ömer memettin bashqa hemmisi ilgiri ötküzgen her xil atalmish xataliqliri seweblik tutup kétilgen. Melum bolushiche, tutulghanlardin az dégende 10 nepiri "5 te yaxshi diniy zat", 3 nepiri her derijilik siyasiy kéngesh ezasidur.

Mezkur sékrétarning ashkarilishiche, nöwette "terbiyilesh merkizi" ning sirtida qalghan birdin-bir imam pütün yéza teweside mulazimet qiliwatqan bolsimu, ahaliler yenila bezi ölüm-yétim we toy tökün ishlirini diniy zatlarsiz élip bérishqa bérishqa, bezi murasimlarni örp-adetlerge xilap yaki uyghunsiz halda élip bérishqa mejbur bolghan.

Toluq bet