Uyghur doktoranti gérmaniyede tetqiqat mukapatigha érishti

Muxbirimiz méhriban
2015-11-10
Élxet
Pikir
Hembehr
Print
  • Print
  • Hembehr
  • Pikir
  • Élxet

Gérmaniyede doktorluq uquwatqan uyghur qizi gülmire sabir gérmaniye knöl institutining 2015-yilliq Medac tetqiqat mukapatigha érishti. Institut élan qilghan uchurlardin melum bolushiche, Medac tetqiqat mukapati yash tetqiqatchilargha bérilidighan alahide mukapat bolup, mukapat gülmirening bi'o-molikola ximiyesi kespide élip bériwatqan tetqiqati üchün bérilgen.

Melum bolushiche, gülmire sabirning bu sahediki ilmiy maqalisi amérikida chiqidighan "ilim-pen" (Science) zhurnilining 2015-yilliq noyabirdiki sanida élan qilin'ghan. "ilim-pen" zhurnili tebi'iy pen saheside britaniyede chiqidighan "tebi'et" zhurnili bilen bir qatarda turidighan eng nopuzluq zhurnallarning béri hésablinidiken.

Yash tetqiqatchi gülmire sabir uyghur élining ghulja shehiridin bolup, ilgiri shinjang uniwérsitéti bi'ologiye fakultétini püttürgen. U kéyin shangxeyde bir yil gérman tili ögen'gen we gérmaniyening yéna (Jena) shehirige kélip yéna uniwérsitétining mikrobi'ologiye kespide magistirliqta oqughan.

Magistirliqtiki netijisi közge körünerlik bolghachqa u, yéna shehiridiki hans knöl institutigha (bu institut gérmaniyediki dangliq laybniz tetqiqat institutigha qaraydu) bi'o-molikola ximiyesi kespi boyiche doktorluq oqushigha qobul qilin'ghan.

8-Noyabir gülmire sabirning netijisi heqqidiki xewer féysbokta tarqalghandin kéyin, her qaysi jaylardiki uyghurlar bes-beste inkas yézip, gülmire sabirni tebriklidi.

Toluq bet