Amérika toluq ottura mektipidiki Uyghur oqughuchilirining yéngi ghelibisi

Muxbirimiz eziz
2016.04.20

19-Aprél küni amérikining wirjiniya shtatidiki okton toluq ottura mektipide oquwatqan Uyghur oqughuchilarni öz ichige alghan bir guruppa oqughuchilar yasap chiqqan mashina adem modéli wirjiniya we mariyland shtatidiki tallash musabiqiside netijige érishti.

Mezkur oqughuchilar guruppisi yasap chiqqan “Rikkiy bobby” isimlik mashina adem oqughuchilarning inzhénérliq bilimi, hemkarliq rohi hemde ijadchanliqining ortaq mehsuli. Mezkur guruppida qeyser bextiyar we jesur jür'et isimlik ikki Uyghur perzenti bolup, ularning bu netijisi amérikidiki Uyghur jama'itining maxtishigha sazawer boldi.

Mezkur musabiqini “FIRST” namliq xelq'ara ösmürler teshkilati orunlashturghan bolup, bu teshkilat yash- ösmürlerning ilim pen qizghinliqigha ilham bérish hemde ularni inzhénérliq sahesige righbetlendürüshni özige nishan qilghan. Bu qétimqi musabiqide utup chiqqan okton toluq ottura mektipi oqughuchilar guruppisi mushu ayning 27-künidin 30-künigiche sa'int luyiz shehiride ötküzülidighan hel qilghuch musabiqige qatnishidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.