ﺑﺎﺭﺍﻙ ﺋﻮﺑﺎﻣﺎ ﭘﺮﯦﺰﯨﺪﯦﻨﺘﻠﯩﻖ ﯞﻩﺯﯨﭙﯩﺴﯩﻨﻰ ﺗﺎﭘﺸﯘﺭﯗﯞﺍﻟﺪﻯ

20 - ﻳﺎﻧﯟﺍﺭ ﻛﯜﻧﻰ ﺋﺎﻣﯧﺮﯨﻜﺎ ﭘﺎﻳﺘﻪﺧﺘﻰ ﯞﺍﺷﯩﻨﮕﺘﻮﻧﺪﺍ ﺋﯚﺗﻜﯜﺯﯛﻟﮕﻪﻥ ﺑﯩﺮ ﻳﯧﺮﯨﻢ ﻣﯩﻠﻴﻮﻧﺪﯨﻦ ﺋﺎﺭﺗﯘﻕ ﺋﺎﺩﻩﻡ ﻗﺎﺗﻨﺎﺷﻘﺎﻥ ﻗﻪﺳﻪﻣﻴﺎﺩ ﻣﯘﺭﺍﺳﯩﻤﯩﺪﺍ ﺑﺎﺭﺍﻙ ﻫﯜﺳﻪﻳﯩﻦ ﺋﻮﺑﺎﻣﺎ ﻗﻪﺳﻪﻡ ﺑﯧﺮﯨﭗ، 44 - ﻧﯚﯞﻩﺗﻠﯩﻚ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﯩﻠﯩﻖ ﯞﻩﺯﯨﭙﯩﺴﯩﻨﻰ ﺗﺎﭘﺸﯘﺭﯗﯞﺍﻟﺪﻯ.

ﺋﺎﻣﯧﺮﯨﻜﯩﻨﯩﯔ ﺳﺎﺑﯩﻖ ﭘﺮﯦﺰﯨﺪﯦﻨﺘﻠﯩﺮﯨﺪﯨﻦ ﺟﯩﻤﻰ ﻛﺎﺭﺗﯧﺮ، ﭼﻮﯓ ﺑﯘﺵ، ﺑﯩﻞ ﻛﻠﯩﻨﺘﻮﻥ ﯞﻩ ﺟﻮﺭﺟﻰ ﺑﯘﺵ ﺷﯘﻧﯩﯖﺪﻩﻙ ﺑﯩﺮ ﻗﺎﻧﭽﻪ ﻧﻪﭘﻪﺭ ﺳﺎﺑﯩﻖ ﻣﯘﺋﺎﯞﯨﻦ ﭘﺮﯦﺰﯨﺪﯦﻨﺘﻼﺭ ﻫﻪﻣﺪﻩ ﺑﺎﺷﻘﺎ ﺋﺎﻣﯧﺮﯨﻜﯩﻨﯩﯔ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺩﯙﻟﻪﺕ ﺭﻩﻫﺒﻪﺭﻟﯩﺮﻯ ﺑﺎﺭﺍﻙ ﺋﻮﺑﺎﻣﺎ ﻗﻪﺳﻪﻣﻴﺎﺩ ﻗﯩﻠﻐﺎﻥ ﻧﻪﻕ ﻣﻪﻳﺪﺍﻧﺪﯨﻦ ﺋﻮﺭﯗﻥ ﺋﯧﻠﯩﭗ، ﺋﺎﻣﯧﺮﯨﻜﺎ ﺗﺎﺭﯨﺨﯩﺪﯨﻜﻰ ﻣﻪﺯﻛﯘﺭ ﺯﻭﺭ ﯞﻩﻗﻪﮔﻪ ﮔﯘﯞﺍﻫ ﺑﻮﻟﺪﻯ.

ﺑﺎﺭﺍﻙ ﺋﻮﺑﺎﻣﺎ ﺭﻩﭘﯩﻘﯩﺴﻰ ﻣﯩﺸﯧﻞ ﺋﻮﺑﺎﻣﺎﻧﯩﯔ ﻗﻮﻟﯩﺪﯨﻜﻰ ﺋﯩﻨﺠﯩﻠﻨﻰ ﺗﯘﺗﯘﭖ ﺗﯘﺭﯗﭖ، ﺋﯩﻜﻜﻰ ﻗﯩﺰﯨﻨﻰ ﻳﯧﻨﯩﻐﺎ ﺋﯧﻠﯩﭗ، ﺋﺎﻟﯩﻲ ﺳﻮﺗﭽﯩﻨﯩﯔ ﺋﺎﻟﺪﯨﺪﺍ ﺋﺎﻣﯧﺮﯨﻜﺎ ﺋﺎﺳﺎﺳﯩﻲ ﻗﺎﻧﯘﻧﻰ ﺑﻮﻳﯩﭽﻪ ﻗﻪﺳﻪﻣﻴﺎﺩ ﻗﯩﻠﺪﻯ ﯞﻩ ﺋﺎﺭﻗﯩﺪﯨﻦ ﻗﯩﺴﻘﺎ، ﺋﻪﻣﻤﺎ ﻧﺎﻫﺎﻳﯩﺘﻰ ﻛﯜﭼﻠﯜﻙ ﻧﯘﺗﯘﻕ ﺳﯚﺯﻟﯩﺪﻯ. ﺑﺎﺭﺍﻙ ﺋﻮﺑﺎﻣﺎﻧﯩﯔ ﻗﻪﺳﻪﻣﻴﺎﺩ ﻣﯘﺭﺍﺳﯩﻤﻰ ﭘﯜﺗﯜﻥ ﺋﺎﻣﯧﺮﯨﻜﺎ ﯞﻩ ﺩﯗﻧﻴﺎ ﻣﯩﻘﻴﺎﺳﯩﺪﺍ ﺗﯧﻠﯧﯟﯨﺰﯨﻴﻪ ﻗﺎﻧﺎﻟﻠﯩﺮﻯ ﺋﺎﺭﻗﯩﻠﯩﻖ ﻛﯚﺭﺳﯩﺘﯩﻠﮕﻪﻥ ﺑﻮﻟﯘﭖ، ﺳﺎﻥ - ﺳﺎﻧﺎﻗﺴﯩﺰ ﺋﺎﺩﻩﻣﻠﻪﺭ ﺗﯧﻠﯧﯟﯨﺰﯨﻴﻪ ﻗﺎﻧﺎﻟﻠﯩﺮﻯ ﺋﺎﺭﻗﯩﻠﯩﻖ ﺑﯘ ﻣﯘﺭﺍﺳﯩﻤﻐﺎ ﺩﺍﺧﯩﻞ ﺑﻮﻟﺪﻯ.

ﺋﻮﺑﺎﻣﺎﻧﯩﯔ ﺩﺍﺩﯨﺴﻰ ﺋﺎﻓﺮﯨﻘﯩﺪﯨﻜﻰ ﻛﯧﻨﯩﻴﻪ ﺩﯙﻟﯩﺘﯩﺪﯨﻦ ﻛﻪﻟﮕﻪﻥ ﻣﯘﺳﯘﻟﻤﺎﻥ ﺑﻮﻟﯘﭖ، ﺋﯘﻧﯩﯔ ﻳﯘﺭﺗﯩﺪﯨﻜﻰ ﺋﺎﺩﻩﻣﻠﻪﺭ ﺋﻮﺑﺎﻣﺎﻧﯩﯔ ﭘﺮﯦﺰﯨﺪﯦﻨﺖ ﺑﻮﻟﻐﺎﻧﻠﯩﻘﯩﺪﯨﻦ ﻫﺎﻳﺎﺟﺎﻧﻠﯩﻨﯩﭗ، ﺩﺍﻏﺪﯗﻏﺎ ﻗﯩﻠﯩﭗ ﺗﻪﺑﺮﯨﻜﻠﯩﮕﻪﻥ.

ﻫﯩﻨﺪﻭﻧﻮﺯﯨﻴﯩﻨﯩﯔ ﺟﺎﻛﺎﺭﺗﺎ ﺷﻪﻫﯩﺮﯨﺪﯨﻤﯘ ﺗﻪﻧﺘﻪﻧﻪ ﻗﯩﻠﯩﻨﻐﺎﻥ ﺑﻮﻟﯘﭖ، ﭼﯜﻧﻜﻰ، ﺋﻮﺑﺎﻣﺎ ﺑﺎﻟﯩﻠﯩﻖ ﯞﺍﻗﯩﺘﺘﺎ ﺑﯘ ﺷﻪﻫﻪﺭﺩﯨﻜﻰ ﺑﯩﺮ ﺑﺎﺷﻼﻧﻐﯘﭺ ﻣﻪﻛﺘﻪﭘﺘﻪ ﺋﻮﻗﯘﻏﺎﻥ ﺋﯩﺪﻯ.
 
ﺋﯘﻧﯩﯖﺪﯨﻦ ﺑﺎﺷﻘﺎ ﻳﻪﻧﻪ ﺗﯜﺭﻛﯩﻴﻪ ﻗﺎﺗﺎﺭﻟﯩﻖ ﻣﯘﺳﯘﻟﻤﺎﻥ ﺩﯙﻟﻪﺗﻠﯩﺮﻯ ﯞﻩ ﻳﺎﯞﺭﻭﭘﺎ ﺋﻪﻟﻠﯩﺮﻯ، ﺭﯗﺳﯩﻴﻪ ﻫﻪﻡ ﺧﯩﺘﺎﻳﺪﯨﻤﯘ ﻛﯩﺸﯩﻠﻪﺭ ﭼﻮﯕﻘﯘﺭ ﻫﺎﻳﺎﺟﺎﻥ ﯞﻩ ﺗﻪﻧﺘﻪﻧﻪ ﺋﯩﭽﯩﺪﻩ ﻣﯘﺭﺍﺳﯩﻤﻨﻰ ﻛﯚﺭﮔﻪﻥ.

ﺑﺎﺭﺍﻙ ﺋﻮﺑﺎﻣﺎ 20 - ﻳﺎﻧﯟﺍﺭ ﻛﯜﻧﻰ ﭼﯜﺵ ﯞﺍﻗﺘﯩﺪﯨﻦ ﺋﯧﺘﯩﺒﺎﺭﻩﻥ ﺭﻩﺳﻤﯩﻲ ﺗﯜﺭﺩﻩ ﺋﺎﻣﯧﺮﯨﻜﺎ ﻗﻮﺷﻤﺎ ﺷﺘﺎﺗﻠﯩﺮﯨﻨﯩﯔ ﭘﺮﯦﺰﯨﺪﯦﻨﺘﻰ ﺳﯜﭘﯩﺘﯩﺪﻩ ﺋﯧﺘﯩﺮﺍﭖ ﻗﯩﻠﯩﻨﺪﻯ ﻫﻪﻣﺪﻩ ﺷﯘ ﻛﯜﻧﻰ ﺩﯙﻟﻪﺕ ﻣﻪﺟﻠﯩﺴﻰ ﯞﻩ ﺋﺎﻕ ﺳﺎﺭﺍﻳﺪﺍ ﺋﯚﺗﻜﯜﺯﯛﻟﮕﻪﻥ ﺑﯩﺮ ﻗﺎﺗﺎﺭ ﻣﯘﺭﺍﺳﯩﻤﻼﺭﻏﺎ ﺋﯩﺸﺘﯩﺮﺍﻙ ﻗﯩﻠﺪﻯ ﺷﯘﻧﯩﯖﺪﻩﻙ ﻫﻪﺭﺑﯩﻲ ﯞﻩ ﺋﺎﻣﻤﯩﯟﻯ ﭘﺎﺭﺍﺗﻨﻰ ﻗﻮﺑﯘﻝ ﻗﯩﻠﺪﻯ.

ﺑﺎﺭﺍﻙ ﺋﻮﺑﺎﻣﺎﻧﯩﯔ ﻗﻪﺳﻪﻣﻴﺎﺩ ﻣﯘﺭﺍﺳﯩﻤﻰ ﺋﺎﻣﯧﺮﯨﻜﺎ ﺗﺎﺭﯨﺨﯩﺪﯨﻜﻰ ﺋﻪﯓ ﺩﺍﻏﺪﯗﻏﯩﻠﯩﻖ، ﻫﺎﻳﺎﺟﺎﻧﻠﯩﻖ ﯞﻩ ﺗﺎﺭﯨﺨﯩﻲ ﺋﻪﻫﻤﯩﻴﻪﺗﻠﯩﻚ ﺑﯩﺮ ﻣﯘﺭﺍﺳﯩﻢ ﺑﻮﻟﻐﺎﻧﻠﯩﻘﻰ ﺑﯩﻠﺪﯛﺭﯛﻟﻤﻪﻛﺘﻪ.

ﺑﺎﺭﺍﻙ ﺋﻮﺑﺎﻣﺎﻧﯩﯔ ﭘﺮﯦﺰﯨﺪﯦﻨﺖ ﺑﻮﻟﻐﺎﻧﻠﯩﻘﯩﻨﻰ ﻛﯚﭘﻠﯩﮕﻪﻥ ﺩﯙﻟﻪﺕ ﺑﺎﺷﻠﯩﻘﻠﯩﺮﻯ ﺗﻪﺑﺮﯨﻜﻠﯩﮕﻪﻥ، ﺑﯘ ﺩﯙﻟﻪﺕ ﺑﺎﺷﻠﯩﻘﻠﯩﺮﻯ ﺋﯘﻧﯩﯔ ﺑﯩﻠﻪﻥ ﺩﯗﻧﻴﺎ ﻣﻪﺳﯩﻠﯩﻠﯩﺮﻯ ﺟﯜﻣﻠﯩﺪﯨﻦ ﺋﯩﻘﺘﯩﺴﺎﺩﯨﻲ ﻛﺮﯨﺰﯨﺴﻨﻰ ﻫﻪﻝ ﻗﯩﻠﯩﺶ ﺋﯜﭼﯜﻥ ﻫﻪﻣﻜﺎﺭﻟﯩﺸﯩﺸﻘﺎ ﺗﻪﻳﻴﺎﺭ ﺋﯩﻜﻪﻧﻠﯩﻜﯩﻨﻰ ﺋﯩﺰﻫﺎﺭ ﻗﯩﻠﯩﺸﺘﻰ. ﺭﯗﺳﯩﻴﻪ ﯞﻩ ﺧﯩﺘﺎﻱ ﺑﻮﻟﺴﺎ، ﺋﻮﺑﺎﻣﺎﻧﯩﯔ ﺋﯚﺯﻟﯩﺮﯨﮕﻪ ﻧﯩﺴﺒﻪﺗﻪﻥ ﻗﺎﻧﺪﺍﻕ ﺳﯩﻴﺎﺳﻪﺕ ﻳﯜﺭﮔﯜﺯﯛﺷﯩﮕﻪ ﻛﯚﯕﯜﻝ ﺑﯚﻟﻤﻪﻛﺘﻪ.

ﺋﻮﺑﺎﻣﺎ ﮔﯘﺋﻪﻧﺘﺎﻧﺎﻣﻮﻧﻰ ﺗﺎﻗﺎﺵ ﺗﻮﻏﺮﯨﺴﯩﺪﯨﻜﻰ ﺑﯘﻳﺮﯗﻗﻨﺎﻣﯩﮕﻪ ﺋﯩﻤﺰﺍ ﻗﻮﻳﺪﻯ

ﺑﺎﺭﺍﻙ ﺋﻮﺑﺎﻣﺎ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﯩﻠﯩﻖ ﯞﻩﺯﯨﭙﯩﺴﯩﻨﻰ ﺗﺎﭘﺸﯘﺭﯗﯞﯦﻠﯩﭗ، ﺑﯩﺮﯨﻨﭽﻰ ﺧﯩﺰﻣﻪﺕ ﻛﯜﻧﯩﻼ ﮔﯘﺋﻪﻧﺘﺎﻧﺎﻣﻮ ﻣﻪﺳﯩﻠﯩﺴﯩﻨﻰ ﻫﻪﻝ ﻗﯩﻠﯩﺸﻘﺎ ﻛﯩﺮﯨﺸﻜﻪﻥ ﺑﻮﻟﯘﭖ، ﺋﯘ ﺗﯧﺮﺭﻭﺭ ﮔﯘﻣﺎﻧﺪﺍﺭﻟﯩﺮﯨﻨﻰ ﺳﻮﺗﻼﻳﺪﯨﻐﺎﻥ ﮔﯘﺋﻪﻧﺘﺎﻧﺎﻣﻮ ﻫﻪﺭﺑﯩﻲ ﺳﻮﺗﯩﻨﻰ ﺗﯘﺗﻘﯘﻧﻼﺭﻧﻰ ﺳﻮﺗﻼﺷﻨﻰ ﺗﻮﺧﺘﯩﺘﯩﭗ ﺗﯘﺭﯗﺷﻘﺎ ﺑﯘﻳﺮﯗﻏﺎﻥ ﺑﻮﻟﯘﭖ، ﺳﻮﺕ ﻛﻮﻟﻠﯧﮕﯩﻴﯩﺴﻰ ﺳﻮﺕ ﺋﯩﺸﻠﯩﺮﯨﻨﯩﯔ 120 ﻛﯜﻥ ﺗﻮﺧﺘﯩﺘﯩﻠﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﻐﺎﻥ ﺋﯩﺪﻯ. ﺋﯘ ﯞﻩﺯﯨﭙﯩﮕﻪ ﺋﻮﻟﺘﯘﺭﻏﺎﻥ 3 ‏ - ﻛﯜﻧﻰ ﻳﻪﻧﻰ ﭘﻪﻳﺸﻪﻧﺒﻪ ﻛﯜﻧﻰ، ﺋﺎﻕ ﺳﺎﺭﺍﻳﺪﺍ ﮔﯘﺋﻪﻧﺘﺎﻧﺎﻣﻮ ﻻﮔﯩﺮﯨﻨﻰ ﺗﺎﻗﺎﺵ ﺗﻮﻏﺮﯨﺴﯩﺪﯨﻜﻰ ﭘﺮﯦﺰﯨﺪﯦﻨﺘﻨﯩﯔ ﻣﻪﻣﯘﺭﯨﻲ ﺑﯘﻳﺮﯗﻗﯩﻐﺎ ﺋﯩﻤﺰﺍ ﻗﻮﻳﯘﭖ، ﺗﯘﺗﻘﯘﻧﻼﺭ ﻻﮔﯩﺮﯨﻨﻰ ﺑﯩﺮ ﻳﯩﻞ ﺋﯩﭽﯩﺪﻩ ﺗﺎﻗﺎﺷﻨﻰ ﺑﯘﻳﺮﯨﺪﻯ.

ﭘﺮﯦﺰﯨﺪﯦﻨﺖ ﺑﺎﺭﺍﻙ ﺋﻮﺑﺎﻣﺎﻧﯩﯔ ﻣﻪﺯﻛﯘﺭ ﺑﯘﻳﺮﯗﻗﯩﻨﯩﯔ ﻣﻪﺯﻣﯘﻧﻠﯩﺮﻯ ﮔﯘﺋﻪﻧﺘﺎﻧﺎﻣﻮ ﺗﯜﺭﻣﯩﺴﯩﺪﯨﻜﻰ ﺳﻮﺗﻠﯩﻨﯩﺪﯨﻐﺎﻥ ﺗﯘﺗﻘﯘﻧﻼﺭﻧﻰ ﺑﺎﺷﻘﺎ ﺗﯜﺭﻣﯩﻠﻪﺭﮔﻪ ﻳﯚﺗﻜﻪﺵ، ﺋﺎﻗﻼﻧﻐﺎﻥ ﺗﯘﺗﻘﯘﻧﻼﺭﻧﻰ ﻗﻮﻳﯘﭖ ﺑﯧﺮﯨﺶ، ﺳﻮﺗﻠﯩﻨﯩﺪﯨﻐﺎﻥ ﺗﯘﺗﻘﯘﻧﻼﺭﻧﯩﯔ ﺩﯦﻠﻮﺳﯩﻨﻰ ﻗﺎﻳﺘﺎ ﻛﯚﺭﯛﭖ ﭼﯩﻘﯩﭗ، ﺋﯘﻻﺭﻧﯩﯔ ﺋﯩﭽﯩﺪﯨﻜﻰ ﺟﯩﻨﺎﻳﻪﺕ ﺳﺎﺩﯨﺮ ﻗﯩﻠﻐﺎﻥ، ﺩﻩﭖ ﻗﺎﺭﺍﻟﻐﺎﻧﻼﺭﻧﻰ ﻗﺎﻧﺪﺍﻕ ﺟﺎﺯﺍﻻﺵ ﻗﺎﺗﺎﺭﻟﯩﻘﻼﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯨﻜﻪﻥ.

ﺧﯩﺘﺎﻱ ﮔﯘﺋﻪﻧﺘﺎﻧﺎﻣﻮﺩﯨﻜﻰ ﺋﯘﻳﻐﯘﺭﻻﺭﻧﻰ ﻗﻮﻳﯘﭖ ﺑﯧﺮﯨﺸﻨﻰ ﺗﻪﻟﻪﭖ ﻗﯩﻠﺪﻯ

ﮔﯘﺋﻪﻧﺎﺗﺎﻧﺎﻣﻮﺩﯨﻜﻰ ﺗﯘﺗﻘﯘﻧﻼﺭ ﺋﯩﭽﯩﺪﻩ 17 ﻧﻪﭘﻪﺭ ﺋﯘﻳﻐﯘﺭ ﺑﺎﺭ ﺑﻮﻟﯘﭖ، ﺋﯚﺗﻜﻪﻥ ﻳﯩﻠﻰ ﺳﻮﺕ ﺩﺍﺋﯩﺮﯨﻠﯩﺮﻯ ﺋﯘﻻﺭﻧﻰ ﻗﻮﻳﯘﭖ ﺑﯧﺮﯨﺸﻨﻰ ﻗﺎﺭﺍﺭ ﻗﯩﻠﻐﺎﻥ ﺋﯩﺪﻯ.

ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﺋﯘﻻﺭﻧﻰ ﺑﺎﺷﻘﺎ ﺑﯩﺮﻩﺭ ﺩﯙﻟﻪﺗﻜﻪ ﻣﺎﯕﺪﯗﺭﯗﺵ ﻳﻮﻟﻠﯩﺮﯨﻨﻰ ﺋﯩﺰﺩﯨﻤﻪﻛﺘﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﺑﻮﻟﺴﺎ ﺋﯩﺰﭼﯩﻞ ﺗﯜﺭﺩﻩ ﺋﯘﻻﺭﻧﻰ ﻗﺎﻳﺘﯘﺭﯗﭖ ﺑﯧﺮﯨﺸﻨﻰ ﺗﻪﻟﻪﭖ ﻗﯩﻠﻐﺎﻥ. ﭘﺮﯦﺰﯨﺪﯦﻨﺖ ﺋﻮﺑﺎﻣﺎﻧﯩﯔ ﺑﯘﻳﺮﯗﻗﻰ ﺋﯧﻼﻥ ﻗﯩﻠﯩﻨﻐﺎﻥ ﻛﯜﻧﻰ، ﻳﻪﻧﻪ ﭘﻪﻳﺸﻪﻧﺒﻪ ﻛﯜﻧﻰ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﺑﺎﻳﺎﻧﺎﺗﭽﯩﺴﻰ ﺑﯘ ﺗﯘﺗﻘﯘﻧﻼﺭﻧﯩﯔ ﺧﯩﺘﺎﻳﻐﺎ ﻗﺎﻳﺘﯘﺭﯗﻟﯘﺷﻰ ﻻﺯﯨﻤﻠﯩﻘﯩﻨﻰ ﻳﻪﻧﻪ ﺑﯩﺮ ﻗﯧﺘﯩﻢ ﺗﻪﻟﻪﭖ ﻗﯩﻠﺪﻯ. ﺋﻪﻣﻤﺎ، ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﭘﺮﯦﺰﯨﺪﯦﻨﺖ ﺋﻮﺑﺎﻣﺎﻧﯩﯔ ﻣﻪﻣﯘﺭﯨﻴﯩﺘﯩﺪﯨﻜﻰ ﺑﯩﺮ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺋﻪﺭﺑﺎﺏ ﭘﻪﻳﺸﻪﻧﺒﻪ ﻛﯜﻧﻰ ﮔﯘﺋﻪﻧﺘﺎﻣﺎﻧﻮﺩﯨﻜﻰ ﺑﯘ ﺋﯘﻳﻐﯘﺭ ﻣﯘﺳﯘﻟﻤﺎﻧﻠﯩﺮﯨﻨﯩﯔ ﺧﯩﺘﺎﻳﻐﺎ ﻗﺎﻳﺘﯘﺭﯗﻟﻤﺎﻳﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﻜﻪﻥ.
 
ﺋﺎﻣﯧﺮﯨﻜﯩﺪﯨﻜﻰ ﺋﺎﺳﺎﺳﯩﻲ ﻗﺎﻧﯘﻥ ﻫﻮﻗﯘﻕ ﻣﻪﺭﻛﯩﺰﻯ ﻣﯘﺗﻪﺧﻪﺳﺴﯩﺴﻰ ﺋﻪﻣﯩﻲ ﻣﯩﻜﻠﯧﻴﻦ ﺧﺎﻧﯩﻢ ﻣﯘﻧﺪﺍﻕ ﺩﻩﻳﺪﯗ: " ﺑﯘ ﺑﯘﺭﯗﻧﻼ ﺗﺎﻗﯩﻠﯩﺸﻘﺎ ﺗﯧﮕﯩﺸﻠﯩﻚ ﺟﺎﻱ ﺑﻮﻟﺴﯩﻤﯘ، ﻟﯧﻜﯩﻦ ﺑﯘ ﺑﯩﺰﻧﻰ ﻳﻪﻧﯩﻼ ﻧﺎﻫﺎﻳﯩﺘﻰ ﺧﯘﺷﺎﻟﻼﻧﺪﯗﺭﺩﻯ.ﮔﯘﺋﺎﻧﺘﺎﻧﺎﻣﻮ ﻫﻪﺭﮔﯩﺰ ﺋﯧﭽﯩﻠﻤﺎﺳﻠﯩﻘﻰ، ﻣﻪﯞﺟﯘﺕ ﺑﻮﻟﻤﺎﺳﻠﯩﻘﻰ ﻛﯧﺮﻩﻙ ﺋﯩﺪﻯ. ﭘﺮﯦﺰﯨﺪﯦﻨﺖ ﺋﻮﺑﺎﻣﺎﻧﯩﯔ ﯞﻩﺯﯨﭙﯩﮕﻪ ﺋﻮﻟﺘﯘﺭﯗﭖ ﺗﯘﻧﺠﻰ ﻗﯩﻠﻐﺎﻥ ﺋﯩﺸﯩﻨﯩﯔ ﮔﯘﺋﺎﻧﺘﺎﻧﺎﻣﻮﻧﻰ ﺗﺎﻗﺎﺵ ﯞﻩﺩﯨﺴﯩﻨﻰ ﺋﻪﻣﻪﻟﺪﻩ ﻛﯚﺭﺳﻪﺗﻜﻪﻧﻠﯩﻜﻰ ﻗﺎﻟﺘﯩﺲ ﯞﻩ ﻧﺎﻫﺎﻳﯩﺘﻰ ﻣﯘﻫﯩﻢ ﺑﯩﺮ ﻗﻪﺩﻩﻡ ﺑﻮﻟﺪﻯ.

ﺷﯘﻧﺪﺍﻗﺘﯩﻤﯘ ﺑﯩﺮ ﻳﯩﻞ ﺑﻪﻙ ﺋﯘﺯﯗﻥ، ﭼﯜﻧﻜﻰ ﺑﯘ ﻳﻪﺭﺩﯨﻜﻰ ﻛﯩﺸﯩﻠﻪﺭﻧﯩﯔ ﺋﺎﺳﺎﺳﻪﻥ ﻫﻪﻣﻤﯩﺴﻰ ﺩﯦﮕﯩﺪﻩﻙ7 ﻳﯩﻠﺪﯨﻦ ﺑﯧﺮﻯ ﺳﻮﺋﺎﻝ - ﺳﻮﺭﺍﻗﺴﯩﺰ ﺗﯘﺗﯘﭖ ﺗﯘﺭﯗﻟﻐﺎﻥ ﺷﯘﻧﺪﺍﻗﻼ ﺗﺎﺷﻠﯩﻨﯩﭗ ﻗﺎﻟﻐﺎﻥ ﺋﯩﺪﻯ. ﺑﯩﺰ ﮔﯘﺋﻪﻧﺘﺎﻧﺎﻣﻮﻧﯩﯔ ﺑﯩﺮ ﻳﯩﻠﻨﻰ ﻛﯜﺗﻤﻪﻱ ﺗﯧﺰﺭﺍﻕ ﺗﺎﻗﯩﻠﯩﺸﯩﻨﻰ، ﺑﻮﻟﯘﭘﻤﯘ ﭘﺮﯦﺰﯨﺪﯦﻨﺖ ﺋﻮﺑﺎﻣﺎ ﯞﻩ ﺧﻪﻟﻘﺌﺎﺭﺍ ﺟﻪﻣﯩﻴﻪﺗﻨﯩﯔ ﺑﯘ ﺟﻪﻫﻪﺗﺘﯩﻜﻰ ﯞﻩﺩﯨﺴﯩﻨﻰ ﺗﯧﺰﺭﻩﻙ ﺋﻪﻣﻪﻟﯩﻴﻠﻪﺷﺘﯜﺭﯛﺷﯩﻨﻰ ﻛﯜﺗﯩﻤﯩﺰ."

"ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ" ﻧﻰ ﺗﻪﺭﺟﯩﻤﻪ ﻗﯩﻠﻐﺎﻥ ﺋﻪﺯﻩﺭﺑﻪﻳﺠﺎﻧﻠﯩﻖ ﺋﺎﻟﯩﻢ ﺭﺍﻣﯩﺰ ﺋﺎﺳﻜﻪﺭ ﺋﺎﻟﯩﻲ ﻣﯘﻛﺎﭘﺎﺗﻘﺎ ﺋﯧﺮﯨﺸﺘﻰ

ﺗﯜﺭﻛﯩﻴﻪ ﺗﯜﺭﻙ ﺩﯗﻧﻴﺎﺳﻰ ﻳﺎﺯﻏﯘﭼﯩﻼﺭ ﯞﻩ ﺳﻪﻧﺌﻪﺗﭽﯩﻠﻪﺭ ﯞﻩﻗﭙﯩﻨﯩﯔ 2008 - ﻳﯩﻠﯩﺪﺍ ﺗﯜﺭﻙ ﺩﯗﻧﻴﺎﺳﯩﻐﺎ ﺗﯚﻫﭙﻪ ﻗﻮﺷﻘﺎﻧﻼﺭﻏﺎ ﺗﺎﺭﻗﯩﺘﯩﺪﯨﻐﺎﻥ "ﺗﯜﺭﻙ ﺩﯗﻧﻴﺎﺳﻰ ﻣﯘﻛﺎﭘﺎﺗﻰ" ﺋﯘﻟﯘﻍ ﺋﺎﻟﯩﻢ ﻣﻪﺧﻤﯘﺕ ﻗﻪﺷﻘﯩﺮﯨﻨﯩﯔ "ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ" ﻧﻰ ﺋﻪﺯﻩﺭﺑﻪﻳﺠﺎﻧﭽﯩﮕﻪ ﺗﻪﺭﺟﯩﻤﻪ ﻗﯩﻠﻐﺎﻥ ﺋﻪﺯﻩﺭﺑﻪﻳﺠﻪﻥ ﺩﯙﻟﻪﺕ ﺋﯘﻧﯩﯟﯦﺮﺳﯩﺘﯧﺘﻰ ﺋﻮﻗﯘﺗﻘﯘﭼﯩﺴﻰ ﺗﯜﺭﻛﻮﻟﻮﮒ ﺩﺭ. ﺭﺍﻣﯩﺰ ﺋﻪﺳﻜﻪﺭﮔﻪ ﺑﯧﺮﯨﻠﺪﻯ.

ﺑﯘ ﺗﯜﺭﻛﯩﻴﯩﺪﯨﻜﻰ ﺋﻪﯓ ﻳﯘﻗﯩﺮﻯ ﻣﯘﻛﺎﭘﺎﺗﻼﺭﻧﯩﯔ ﺑﯩﺮﻯ ﺑﻮﻟﯘﭖ، ﺗﯜﺭﻛﯩﻴﻪ ﺋﯩﻠﯩﻢ ﺳﺎﻫﻪﺳﻰ 2008 - ﻳﻠﯩﻨﯩﯔ ﺏ ﺩ ﺕ ﺗﻪﺭﯨﭙﯩﺪﯨﻦ ﻣﻪﻫﻤﯘﺕ ﻗﻪﺷﻘﻪﺭﻯ ﻳﯩﻠﻰ ﻗﯩﻠﯩﭗ ﺑﯧﻜﯩﺘﯩﻠﯩﺸﯩﺪﯨﻦ ﻛﯧﻴﯩﻦ، ﻣﻪﻫﻤﯘﺕ ﻗﻪﺷﻘﻪﺭﯨﻨﻰ ﺧﺎﺗﯩﺮﯨﻠﻪﺵ ﻳﯜﺯﯨﺴﯩﺪﯨﻦ ﺗﯜﺭﻟﯜﻙ ﺷﻪﻛﯩﻠﺪﯨﻜﻰ ﭘﺎﺋﺎﻟﯩﻴﻪﺗﻠﻪﺭﻧﻰ ﺋﯘﻳﯘﺷﺘﯘﺭﻏﺎﻥ ﺋﯩﺪﻯ.

ﺋﻪﺯﻩﺭﺑﻪﻳﺠﺎﻥ ﺋﺎﻟﯩﻤﻰ ﺭﺍﻣﯩﺰ ﺋﻪﺳﻜﻪﺭ 20 ﻳﯩﻠﺪﯨﻦ ﺋﺎﺭﺗﯘﻕ ﯞﺍﻗﯩﺖ ﻣﻪﻫﻤﯘﺕ ﻗﻪﺷﻘﻪﺭﻯ ﯞﻩ ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﯩﻨﻰ ﺗﻪﺗﻘﯩﻖ ﻗﯩﻠﯩﭗ، ﺋﯜﭺ ﻛﯩﺘﺎﺏ ﻳﺎﺯﻏﺎﻥ ﺋﯩﺪﻯ. ﺋﻪﻟﯟﻩﺗﺘﻪ، ﻣﻪﻫﻤﯘﺕ ﻗﻪﺷﻘﻪﺭﻯ ﺗﻪﺗﻘﯩﻘﺎﺗﯩﻐﺎ ﻫﻪﺳﺴﻪ ﻗﻮﺷﻘﺎﻥ ﺋﯘﻳﻐﯘﺭ ﺋﺎﻟﯩﻤﻠﯩﺮﯨﻨﯩﻤﯘ ﻣﻪﺯﻛﯘﺭ ﻣﯘﻛﺎﭘﺎﺗﻘﺎ ﺗﻪﯞﺳﯩﻴﻪ ﻗﯩﻠﯩﺶ ﭘﯩﻜﯩﺮﻟﯩﺮﻯ ﻣﻪﻳﺪﺍﻧﻐﺎ ﭼﯩﻘﻤﺎﻗﺘﺎ.

ﺧﯩﺘﺎﻱ ﺋﯘﻳﻐﯘﺭ ﺋﯧﻠﯩﺪﻩ ﻗﻮﺵ ﺗﯩﻞ ﻣﺎﺋﺎﺭﯨﭙﯩﻨﻰ ﺋﯜﺯﻟﯜﻛﺴﯩﺰ ﻛﯜﭼﻪﻳﺘﻤﻪﻛﺘﻪ

ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻗﻮﺵ ﺗﯩﻠﻰ ﻣﺎﺋﺎﺭﯨﭙﻰ ﻳﻪﻧﻰ ﺧﯩﺘﺎﻱ ﺗﯩﻠﻰ ﻣﺎﺋﺎﺭﯨﭙﯩﻨﻰ ﺗﯧﺨﯩﻤﯘ ﻛﯜﭼﻪﻳﺘﻤﻪﻛﺘﻪ، ﺗﻪﯕﺮﯨﺘﺎﻍ ﺗﻮﺭﯨﺪﺍ ﺧﻪﯞﻩﺭ ﻗﯩﻠﯩﻨﯩﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﺑﺎﻱ ﻧﺎﻫﯩﻴﯩﺴﯩﺪﻩ " ﻗﻮﺵ ﺗﯩﻞ " ﺋﻮﻗﯘﺗﻘﯘﭼﯩﻠﯩﺮﻯ ﻗﻮﺷﯘﻧﯩﻨﻰ ﺯﻭﺭﺍﻳﺘﯩﺶ ﺋﯜﭼﯜﻥ، ﺋﺎﻟﯩﻲ ﻣﻪﻛﺘﻪﭘﻨﻰ ﭘﯜﺗﺘﯜﺭﮔﻪﻥ 80 ﺳﺘﯘﺩﯦﻨﺘﻨﻰ " ﻗﻮﺵ ﺗﯩﻞ " ﺋﻮﻗﯘﺗﻘﯘﭼﯩﻠﯩﻘﯩﻐﺎ ﻗﻮﺑﯘﻝ ﻗﯩﻠﻐﺎﻥ، 241 ﺋﻮﻗﯘﺗﻘﯘﭼﯩﻨﻰ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺋﻮﺭﯗﻧﻼﺭﻏﺎ ﺧﯩﺘﺎﻱ ﺗﯩﻠﻰ ﺋﯚﮔﯩﻨﯩﺸﻜﻪ ﺋﻪﯞﻩﺗﻜﻪﻥ.

ﺷﯘﻧﺪﺍﻗﻼ، 1 ﻣﯩﻠﻴﻮﻥ 450 ﻣﯩﯔ ﻳﯜﺋﻪﻥ ﻣﻪﺑﻠﻪﻍ ﺋﺎﺟﯩﺮﯨﺘﯩﭗ " ﻗﻮﺵ ﺗﯩﻞ" ﺋﻮﻗﯘﺗﯘﺷﯩﻐﺎ ﻛﯧﺮﻩﻛﻠﯩﻚ ﺋﻪﺳﻠﯩﻬﻪﻟﻪﺭﻧﻰ ﺗﻮﻟﯘﻗﻠﯩﻐﺎﻥ ﯞﻩ ﭘﯜﺗﯜﻥ ﻧﺎﻫﯩﻴﻪ ﺑﯘﻳﯩﭽﻪ ﻗﻮﺵ ﺗﯩﻞ ﺋﻮﻗﯘﺗﻘﯘﭼﯩﺴﯩﻨﻰ 370 ﻛﻪ، ﻗﻮﺵ ﺗﯩﻞ ﺳﯩﻨﯩﭙﯩﻨﻰ 304 ﻛﻪ، ﻗﻮﺵ ﺗﯩﻞ ﺋﻮﻗﯘﻏﯘﭼﯩﺴﯩﻨﻰ 8730 ﻏﺎ ﻳﻪﺗﻜﯜﺯﮔﻪﻥ.

ﺋﯚﺗﻜﻪﻥ ﻳﯩﻠﻰ ﺧﯩﺘﺎﻱ ﻫﯚﻛﯜﻣﯩﺘﻰ ﻣﻪﺯﻛﯜﺭ ﻧﺎﻫﯩﻴﯩﮕﻪ 7 ﻣﯩﻠﻴﻮﻥ ﻳﯜﺋﻪﻥ ﺋﺎﺟﯩﺮﯨﺘﯩﭗ، 14 ﻳﯧﺰﺍ - ﺑﺎﺯﺍﺭ، ﻣﻪﻳﺪﺍﻧﺪﺍ " ﻗﻮﺵ ﺗﯩﻞ" ﺑﺎﻟﯩﻼﺭ ﺑﺎﻏﭽﯩﺴﻰ ﻗﯘﺭﻏﺎﻥ.

ﺭﯗﺳﯩﻴﻪ ﯞﻩ ﺋﯘﻛﺮﺍﺋﯩﻨﯩﻴﻪ ﺗﻪﺑﯩﺌﯩﻲ ﮔﺎﺯ ﻣﻪﺳﯩﻠﯩﺴﯩﺪﻩ ﻛﯧﻠﯩﺸﯩﻢ ﻫﺎﺳﯩﻞ ﻗﯩﻠﺪﻯ

ﻳﺎﻧﯟﺍﺭﻧﯩﯔ ﺑﻪﺷﯩﺪﺍ ﺭﯗﺳﯩﻴﻪ ﺑﯩﻠﻪﻥ ﺋﯘﻛﺮﺍﺋﯩﻨﯩﻴﻪ ﺋﺎﺭﯨﺴﯩﺪﯨﻜﻰ ﮔﺎﺯ ﺋﯩﺨﺘﯩﻼﭘﻰ ﺗﯜﭘﻪﻳﻠﯩﺪﯨﻦ، ﺭﯗﺳﯩﻴﻪ ﺋﯘﻛﺮﺍﺋﯩﻨﯩﻴﻪ ﯞﻩ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻨﻰ ﮔﺎﺯ ﺑﯩﻠﻪﻥ ﺗﻪﻣﯩﻨﻠﻪﺷﻨﻰ ﺗﻮﺧﺘﯩﺘﯩﭗ ﻗﻮﻳﻐﺎﻥ ﺋﯩﺪﻯ.

ﺑﯘ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻨﻰ ﺑﯩﺌﺎﺭﺍﻡ ﻗﯩﻠﻐﺎﻥ ﺋﯩﺪﻯ. ﺭﯗﺳﯩﻴﻪ ﯞﻩ ﺋﯘﻛﺮﺍﺋﯩﻨﯩﻴﻪ ﺑﺎﺵ ﻣﯩﻨﯩﺴﺘﯩﺮﻟﯩﺮﯨﻨﯩﯔ 17 - ﻳﺎﻧﯟﺍﺭ ﻛﯜﻧﻰ ﻣﻮﺳﻜﯟﺍﺩﯨﻜﻰ ﺋﯘﭼﺮﯨﺸﯩﺸﻰ ﻧﻪﺗﯩﺠﯩﺴﯩﺪﻩ ﺋﯩﻜﻜﻰ ﺗﻪﺭﻩﭖ ﺩﯛﺷﻪﻧﺒﻪ ﻛﯜﻧﯩﺪﯨﻦ ﺋﯧﺘﯩﺒﺎﺭﻩﻥ ﻳﺎﯞﺭﻭﭘﺎﻧﻰ ﺗﻪﺑﯩﺌﯩﻲ ﮔﺎﺯ ﺑﯩﻠﻪﻥ ﺗﻪﻣﯩﻨﻠﻪﺵ ﻫﻪﻗﻘﯩﺪﻩ ﺭﻩﺳﻤﯩﻲ ﻛﯧﻠﯩﺸﯩﻢ ﻫﺎﺳﯩﻞ ﻗﯩﻠﻐﺎﻥ ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻨﯩﯔ ﻣﻮﺳﻜﯟﺍﺩﯨﻦ ﺧﻪﯞﻩﺭ ﻗﯩﻠﯩﺸﯩﭽﻪ، ﺑﯘﻧﯩﯔ ﺋﯜﭼﯜﻥ ﺭﯗﺳﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﭘﯘﺗﯩﻦ ﺑﯩﻠﻪﻥ ﺋﯘﻛﺮﺍﺋﯩﻨﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﺗﯩﻤﻮﺷﯧﻜﻮ ﮔﺎﺯ ﺑﺎﻫﺎﺳﯩﺪﺍ ﭘﯜﺗﯜﺷﻜﻪﻥ ﺑﻮﻟﯘﭖ، ﻳﺎﯞﺭﻭﭘﺎ ﺋﯩﺘﺘﯩﭙﺎﻗﻰ ﺋﯘﻻﺭﻧﯩﯔ ﻛﯧﻠﯩﺸﯩﻢ ﻫﺎﺳﯩﻞ ﻗﯩﻠﻐﺎﻧﻠﯩﻘﯩﻨﻰ ﻗﻮﻟﻠﯩﻐﺎﻥ.

ﺋﯩﻜﻜﻰ ﺑﺎﺵ ﻣﯩﻨﯩﺴﺘﯩﺮ ﺋﯩﺨﺘﯩﻼﭘﻨﻰ ﻫﻪﻝ ﻗﯩﻠﯩﺶ ﺋﯜﭼﯜﻥ ﺋﻮﻥ ﻧﻪﭼﭽﻪ ﺳﺎﺋﻪﺕ ﺟﯩﺪﺩﯨﻲ ﺳﯚﻫﺒﻪﺕ ﺋﯧﻠﯩﭗ ﺑﺎﺭﻏﺎﻥ. ﻧﻪﺗﯩﺠﯩﺪﻩ ﻛﯧﻠﯩﺸﯩﻢ ﺋﻪﻣﻪﻟﮕﻪ ﺋﺎﺷﻘﺎﻥ ﻫﻪﻣﺪﻩ ﺳﻪﻳﺸﻪﻧﺒﻪ ﻛﯜﻧﻰ ﺭﯗﺳﯩﻴﯩﮕﻪ ﺋﯘﺭﺍﺋﯩﻨﯩﻴﯩﮕﻪ ﮔﺎﺯ ﻣﺎﯕﺪﯗﺭﻏﺎﻥ ﯞﻩ ﺋﺎﺭﻗﯩﺪﯨﻦ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﺪﯨﻜﻰ ﺋﻪﻟﻠﻪﺭﮔﯩﻤﯘ ﺭﯗﺳﯩﻴﻪ ﮔﺎﺯﻟﯩﺮﻯ ﻗﺎﻳﺘﯩﺪﯨﻦ ﻳﻪﺗﻜﯜﺯﯛﻟﯜﺵ ﺑﺎﺷﻼﻧﻐﺎﻥ.

ﺭﯗﺳﯩﻴﯩﻨﯩﯔ ﻳﺎﯞﺭﻭﭘﺎﻏﺎ ﺳﺎﺗﯩﺪﯨﻐﺎﻥ ﮔﺎﺯﻟﯩﺮﯨﻨﯩﯔ %80 ﺋﻰ ﺋﯘﻛﺮﺍﺋﯩﻨﯩﻴﻪ ﺋﺎﺭﻗﯩﻠﯩﻖ ﻣﺎﯕﺪﯗﺭﯗﻟﯩﺪﯗ. ﺭﯗﺳﯩﻴﻪ ﺑﯘﻧﯩﯔ ﺋﯜﭼﯜﻥ ﺋﯘﻛﺮﺍﺋﯩﻨﯩﻴﯩﮕﻪ ﺋﻪﺭﺯﺍﻥ ﮔﺎﺯ ﺑﯧﺮﯨﺪﯗ ﻫﻪﻣﺪﻩ ﺋﯚﺗﯜﺵ ﻫﻪﻗﻘﻰ ﺗﯚﻟﻪﻳﺪﯗ. ﻳﺎﯞﺭﻭﭘﺎ ﺋﯩﺘﺘﯩﭙﺎﻗﻰ ﺭﯗﺳﯩﻴﻪ ﮔﺎﺯﻟﯩﺮﯨﻐﺎ ﺗﺎﻳﯩﻨﯩﺪﯗ.

پىكىر - قاراشلىرىڭىزنى ئوتتۇرىغا قويۇڭ

پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر يېزىقىدا يېزىپ يوللاڭ. پىكىر - بايانلىرىڭىز، ئەركىن ئاسىيا رادىئوسى تور بەت ئىشلىتىش بەلگىلىمىلىرى بويىچە تور باشقۇرغۇچىسى تەرىپىدىن تەستىقلانغاندىن كېيىن ئېلان قىلىنىدۇ. ئوقۇرمەنلەرنىڭ تورغا يوللىغان پىكىر - بايانلىرى ئۆزىگە خاس بولۇپ، ئەركىن ئاسىيا رادىئوسىغا ۋەكىللىك قىلالمايدۇ.

ئىسىم (ئىختىيار)

شەھەر (ئىختىيار)

دەلىل كودى (ﺗﻪﻟﻪﭖ ﻗﯩﻠﯩﻨﯩﺪﯗ)


سۈرەتتە كۆرۈلگەن ھەرپ ياكى سانلارنى بۇ يەرگە تولدۇرۇڭ.

Text (Required):

پىكىر - قاراشلىرىڭىز (ﺗﻪﻟﻪﭖ ﻗﯩﻠﯩﻨﯩﺪﯗ)