ﺋﯘﻳﻐﯘﺭ ﺩﯨﻴﺎﺭﯨﺪﺍ ﺑﯩﺮ ﻗﺎﺗﺎﺭ ﺳﯩﻴﺎﺳﯩﻲ ﺋﯚﻟﺘﯜﺭﯛﺵ ﯞﻩﻗﻪﻟﯩﺮﻯ ﻳﯜﺯ ﺑﻪﺭﺩﻯ

8 - ﺋﯩﻴﯘﻝ ﻛﯜﻧﻰ ﺧﯩﺘﺎﻱ ﺳﺎﻗﭽﻰ ﺩﺍﺋﯩﺮﯨﻠﯩﺮﻯ ﺋﯜﺭﯛﻣﭽﯩﺪﯨﻜﻰ "ﭼﯧﻨﮕﯘﺋﺎﯓ ﺑﺎﻏﭽﯩﺴﻰ" ﺋﺎﺋﯩﻠﯩﻠﻪﺭ ﻗﻮﺭﻭﺳﯩﺪﯨﻜﻰ ﺑﯩﺮ ﺑﯩﻨﺎ ﺋﯚﻳﮕﻪ ﺑﺎﺳﺘﯘﺭﯗﭖ ﻛﯩﺮﯨﭗ، 5 ﺋﯘﻳﻐﯘﺭ ﻳﺎﺷﻨﻰ ﺋﯧﺘﯩﭗ ﺗﺎﺷﻠﯩﻐﺎﻥ، 2 ﻳﺎﺷﻨﻰ ﻳﺎﺭﯨﻼﻧﺪﯗﺭﻏﺎﻥ،ﺳﻪﻛﻜﯩﺰ ﺋﺎﺩﻩﻣﻨﻰ ﻗﻮﻟﻐﺎ ﺋﺎﻟﻐﺎﻥ ﺑﻮﻟﯘﭖ، ﺧﯩﺘﺎﻳﻨﯩﯔ ﺷﯩﻨﺨﯘﺍ ﺋﺎﮔﯧﻨﺘﻠﯩﻘﻰ ﻣﻪﺯﻛﯘﺭ " 8‏ - ﺋﯩﻴﯘﻝ ﯞﻩﻗﻪﺳﻰ"ﺩﯨﻜﻰ ﺋﯘﻳﻐﯘﺭﻻﺭﻧﻰ "ﻏﺎﺯﺍﺗﭽﯩﻼﺭ" ﺩﻩﭖ ﺟﺎﻛﺎﺭﻟﯩﻐﺎﻥ.

ﺧﯩﺘﺎﻱ ﺳﺎﻗﭽﻰ ﺩﺍﺋﯩﺮﯨﻠﯩﺮﻯ ﺑﯘ ﺋﯘﻳﻐﯘﺭ ﻳﺎﺷﻠﯩﺮﯨﻨﯩﯔ ﺋﯩﭽﯩﺪﻩ ﻗﯩﺰﻻﺭﻧﯩﯖﻤﯘ ﺑﺎﺭﻟﯩﻘﯩﻨﻰ ﺋﺎﺷﻜﺎﺭﯨﻠﯩﻐﺎﻧﺪﯨﻦ ﺳﯩﺮﺕ ﻳﻪﻧﻪ ﻣﻪﺯﻛﯘﺭ ﻏﺎﺯﺍﺗﭽﯩﻼﺭﻧﯩﯔ ﻗﻮﻟﯩﺪﺍ ﭘﯩﭽﺎﻕ ﺑﺎﺭﻟﯩﻘﯩﻨﻰ، ﺷﯘﯕﺎ ﺋﯘﻻﺭﻏﺎ ﺋﻮﻕ ﭼﯩﻘﯩﺮﯨﭗ، ﺑﻪﺵ ﺋﺎﺩﻩﻣﻨﻰ ﺋﻮﻟﺘﯘﺭﯗﭖ، ﺋﯩﻜﻜﯩﺴﯩﻨﻰ ﻳﺎﺭﯨﻼﻧﺪﯗﺭﻏﺎﻧﻠﯩﻘﯩﻨﻰ ﺧﻪﯞﻩﺭ ﻗﯩﻠﻐﺎﻥ.

ﻣﻪﺯﻛﯘﺭ ﯞﻩﻗﻪ ﺧﻪﻟﻘﺌﺎﺭﺍ ﻣﻪﺗﺒﯘﺋﺎﺗﻼﺭﻧﯩﯔ ﺟﯩﺪﺩﯨﻲ ﺋﯩﻨﻜﺎﺳﻠﯩﺮﯨﻨﻰ ﻗﻮﺯﻏﯩﻐﺎﻥ ﺑﻮﻟﯘﭖ، ﺳﺎﻗﭽﻰ ﺩﺍﺋﯩﺮﯨﻠﯩﺮﯨﻨﯩﯔ ﻗﻮﻟﯩﺪﺍ ﻗﻮﺭﺍﻝ ﺑﻮﻟﻤﯩﻐﺎﻥ ﺋﺎﺩﻩﻣﻠﻪﺭﻧﻰ ﻛﻮﻟﻠﯧﻜﺘﯩﭗ ﺋﻮﻗﻘﺎ ﺗﯘﺗﯘﺷﻰ ﺧﻪﻟﻘﺌﺎﺭﺍ ﺟﻪﻣﯩﻴﻪﺗﻨﯩﯔ ﺳﻪﻟﺒﯩﻲ ﺋﯩﻨﻜﺎﺳﻠﯩﺮﯨﻨﻰ ﺷﯘﻧﯩﯖﺪﻩﻙ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺧﻪﯞﻩﺭ ﻗﯩﻠﻐﺎﻥ ﺑﯘ ﯞﻩﻗﻪﺩﻩ ﺋﯚﻟﺘﯜﺭﯛﻟﮕﻪﻥ ﺋﯘﻳﻐﯘﺭﻻﺭﻧﯩﯔ ﻛﯩﻤﻠﯩﻜﻰ ﺗﯜﺭﻟﯜﻙ ﮔﯘﻣﺎﻧﻼﺭﻧﻰ ﻗﻮﺯﻏﯩﻐﺎﻥ. ﺋﯘﻳﻐﯘﺭﻻﺭ ﺑﻮﻟﺴﺎ، ﻗﻮﻟﯩﺪﺍ ﻗﻮﺭﺍﻝ ﺑﻮﻟﻤﯩﻐﺎﻥ ﺋﺎﺩﻩﻣﻠﻪﺭﮔﻪ ﺋﻮﻕ ﭼﯩﻘﯩﺮﯨﺸﻨﯩﯔ ﺋﯚﺯﻯ ﺯﻭﺭﺍﯞﺍﻧﻠﯩﻖ ﺋﯩﻜﻪﻧﻠﯩﻜﯩﻨﻰ، ﺑﯘﻻﺭﻧﯩﯔ ﻗﺎﻧﺪﺍﻗﺘﯘﺭ ﺑﯩﺮﻩﺭ ﺗﻪﺷﻜﯩﻼﺕ ﺋﻪﻣﻪﺱ ﺑﻪﻟﻜﻰ، ﺋﯚﺯﻟﯩﻜﯩﺪﯨﻦ ﺑﯩﺮ ﻳﻪﺭﮔﻪ ﻳﯩﻐﯩﻠﯩﭗ، ﺩﯨﻨﯩﻲ ﺳﯚﻫﺒﻪﺗﻠﻪﺭ ﺋﯧﻠﯩﭗ ﺑﺎﺭﻏﺎﻥ ﺗﯩﻨﭻ ﻛﯩﺸﯩﻠﻪﺭ ﺋﯩﻜﻪﻧﻠﯩﻜﯩﻨﻰ ﭘﻪﺭﻩﺯ ﻗﯩﻠﯩﺸﻤﺎﻗﺘﺎ.

ﻗﻪﺷﻘﻪﺭﺩﻩ ﺋﻮﭼﯘﻕ ﺳﻮﺕ ﺋﯧﭽﯩﻠﯩﭗ، ﺑﻪﺵ ﺋﺎﺩﻩﻣﮕﻪ ﺋﯚﻟﯜﻡ ﺟﺎﺯﺍﺳﻰ ﻫﯚﻛﯜﻡ ﻗﯩﻠﯩﻨﺪﻯ

9 - ﺋﯩﻴﯘﻝ ﻛﯜﻧﻰ ﻳﻪﻧﻪ ﻗﻪﺷﻘﻪﺭ ﯞﯨﻼﻳﻪﺗﻠﯩﻚ ﺋﻮﺗﺘﯘﺭﺍ ﺳﻮﺕ ﻣﻪﻫﻜﯩﻤﯩﺴﻰ ﻳﯧﯖﻰ ﺷﻪﻫﻪﺭ ﻧﺎﻫﯩﻴﯩﺴﯩﺪﻩ ﺋﻮﻥ ﻣﯩﯔ ﺋﺎﺩﻩﻡ ﻗﺎﺗﻨﺎﺷﺘﯘﺭﯗﻟﻐﺎﻥ ﺑﯩﺮ ﺋﻮﭼﯘﻕ ﺳﻮﺕ ﺋﯧﭽﯩﭗ، ﻣﯘﺧﺘﻪﺭ ﺳﯧﺘﯩﯟﺍﻟﺪﻯ ﯞﻩ ﺋﺎﺑﺪﯗﯞﻩﻟﻰ ﺋﯩﻤﯩﻦ ﺋﯩﺴﯩﻤﻠﯩﻚ ﺋﯩﻜﻜﻰ ﻛﯩﺸﯩﮕﻪ ﺋﯚﻟﯜﻡ ﺟﺎﺯﺍﺳﻰ ﺋﯧﻼﻥ ﻗﯩﻠﻐﺎﻥ، ﺋﯜﭺ ﻧﻪﭘﯩﺮﯨﮕﻪ ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﻠﯩﭗ، ﺋﯩﻜﻜﻰ ﻳﯩﻞ ﻛﯧﭽﯩﻜﺘﯜﺭﯛﭖ، ﺋﯩﺠﺮﺍ ﻗﯩﻠﯩﺶ ﺑﻪﻟﮕﯩﻠﻪﻧﮕﻪﻥ، ﻗﺎﻟﻐﺎﻥ 15 ﺋﺎﺩﻩﻣﮕﻪ ﻣﯘﺩﺩﻩﺗﺴﯩﺰ ﻗﺎﻣﺎﻕ ﺟﺎﺯﺍﺳﻰ ﺋﯧﻼﻥ ﻗﯩﻠﻐﺎﻥ ﺑﻮﻟﯘﭖ، ﺑﯘﻻﺭﻧﯩﯔ ﻫﻪﻣﻤﯩﺴﯩﻨﻰ ﻣﯘﺳﺘﻪﻗﯩﻠﻠﯩﻖ، ﺑﯚﻟﮕﯜﻧﭽﯩﻠﯩﻚ ﯞﻩ ﺗﯧﺮﺭﻭﺭﭼﯩﻠﯩﻖ ﺑﯩﻠﻪﻥ ﺋﻪﻳﯩﺒﻠﯩﮕﻪﻥ. ﺑﯘ ﺧﻪﯞﻩﺭﻧﻰ ﺧﯩﺘﺎﻱ ﺭﻩﺳﻤﯩﻲ ﺋﺎﺧﺒﺎﺭﺍﺕ ﯞﺍﺳﯩﺘﯩﻠﯩﺮﻯ ﺩﻩﻝ ﯞﺍﻗﺘﯩﺪﺍ ﺧﻪﯞﻩﺭ ﻗﯩﻠﻤﯩﻐﺎﻥ.

ﺑﯘ ﺑﯩﺮ ﻗﺎﺗﺎﺭ ﭘﺎﺟﯩﺌﻪﻟﯩﻚ ﯞﻩﻗﻪﻟﻪﺭ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ، ﺋﺎﻣﯧﺮﯨﻜﺎ ﺋﯘﻳﻐﯘﺭﻟﯩﺮﻯ ﺑﯩﺮﻟﻪﺷﻤﯩﺴﻰ ﻗﺎﺗﺎﺭﻟﯩﻖ ﺗﻪﺷﻜﯩﻼﺗﻼﺭ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ، ﻧﺎﺭﺍﺯﯨﻠﯩﻖ ﺑﯩﻠﺪﯛﺭﺩﻯ. ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺭﻩﺋﯩﺴﻰ, ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﯩﯔ ﺭﻩﻫﺒﯩﺮﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﺑﯘ ﻫﻪﻗﺘﻪ ﺋﯚﺯ ﻛﯚﺯ ﻧﺎﺭﺍﺯﯨﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺑﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﺩﯗﻧﻴﺎﻧﯩﯔ ﻫﻪﺭ ﻗﺎﻳﺴﻰ ﺋﻪﻟﻠﯩﺮﯨﺪﯨﻜﻰ ﺧﯩﺘﺎﻱ ﺋﻪﻟﭽﯩﺨﺎﻧﻪ ﯞﻩ ﻛﻮﻧﺴﯘﻟﺨﺎﻧﯩﻠﯩﺮﻯ ﺋﺎﻟﺪﯨﺪﺍ ﻧﺎﺭﺍﺯﯨﻠﯩﻖ ﻧﺎﻣﺎﻳﯩﺸﻰ ﺋﯚﺗﻜﯜﺯﯛﺷﻨﻰ ﻗﺎﺭﺍﺭ ﻗﯩﻠﺪﻯ.

ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﺩﺍﺋﯩﺮﯨﻠﯩﺮﻯ 82 ﻧﻪﭘﻪﺭ ﺋﯘﻳﻐﯘﺭﻧﻰ ﻗﻮﻟﻐﺎ ﺋﺎﻟﻐﺎﻧﻠﯩﻘﯩﻨﻰ ﺋﺎﺷﻜﺎﺭﯨﻠﯩﺪﻯ

10 - ﺋﯩﻴﯘﻝ ﭘﻪﻳﺸﻪﻧﺒﻪ ﻛﯜﻧﻰ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﺩﺍﺋﯩﺮﯨﻠﯩﺮﻯ 1 - ﺋﺎﻳﺪﯨﻦ 6 - ﺋﺎﻳﻐﯩﭽﻪ ﺑﻮﻟﻐﺎﻥ ﺋﺎﻟﺘﻪ ﺋﺎﻱ ﺋﯩﭽﯩﺪﻩ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﮕﻪ ﺑﯘﺯﻏﯘﻧﭽﯩﻠﯩﻖ ﻗﯩﻠﯩﺶ ﻗﻪﺳﺘﯩﺪﻩ ﺑﻮﻟﺪﻯ ﺩﻩﭖ ﺋﻪﻳﯩﺒﻠﻪﭖ، 82 ﻧﻪﭘﻪﺭ ﺋﯘﻳﻐﯘﺭﻧﻰ ﻗﻮﻟﻐﺎ ﺋﺎﻟﻐﺎﻧﻠﯩﻘﻰ ﻫﻪﻣﺪﻩ ﺑﯘ ﺧﯩﻠﺪﯨﻜﻰ 5 ﺗﻪﺷﻜﯩﻼﺗﻨﻰ ﭘﺎﺵ ﻗﯩﻠﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﺪﻯ.

 ﺋﺎﻣﯧﺮﯨﻜﯩﻨﯩﯔ ﻛﺎﺑﯧﻞ ﺧﻪﯞﻩﺭﻟﻪﺭ ﺗﻮﺭﻯ ﻳﻪﻧﻰ ﺱ ﻥ ﻥ ﺋﺎﮔﯧﻨﺘﻠﯩﻘﯩﺪﺍ ﺑﯘ ﻫﻪﻗﺘﻪ ﺑﯧﺮﯨﻠﮕﻪﻥ ﺧﻪﯞﻩﺭﺩﻩ، ﺷﯩﻨﺨﯘﺍ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻨﯩﯔ ﻣﻪﻟﯘﻣﺎﺗﻠﯩﺮﯨﺪﯨﻦ ﻧﻪﻗﯩﻞ ﺋﯧﻠﯩﭗ ﻛﯚﺭﺳﯩﺘﯩﺸﯩﭽﻪ، ﺋﯜﺭﯛﻣﭽﻰ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﺋﯩﺪﺍﺭﯨﺴﯩﻨﯩﯔ ﺑﺎﺷﻠﯩﻘﻰ ﭼﯧﻦ ﺟﯘﯕﯟﯦﻲ، ﺑﯘ ﻳﯩﻠﻨﯩﯔ ﺩﻩﺳﻠﻪﭘﻜﻰ ﺋﺎﻟﺘﻪ ﺋﯧﻴﻰ ﺟﻪﺭﻳﺎﻧﯩﺪﺍ ﺋﯘﻳﻐﯘﺭ ﺋﯧﻠﯩﺪﻩ "ﺟﯩﻬﺎﺩﭼﯩﻼﺭ" ﻧﻰ ﺗﻪﺭﺑﯩﻴﯩﻠﻪﺵ ﺑﯩﻠﻪﻥ ﺷﯘﻏﯘﻟﻼﻧﻐﺎﻥ ﻫﻪﻣﺪﻩ ﻗﺎﻧﯘﻧﺴﯩﺰ ﺩﯨﻨﯩﻲ ﺗﻪﺑﻠﯩﻐﻪ ﺋﯧﻠﯩﭗ ﺑﺎﺭﻏﺎﻥ 41 ﺋﻮﺭﯗﻧﻨﻰ ﭘﯧﭽﻪﺗﻠﯩﮕﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ.

ﺧﯩﺘﺎﻱ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﺩﺍﺋﯩﺮﯨﻠﯩﺮﻯ ﺑﯘ ﺑﺎﻳﺎﻧﺎﺗﯩﻨﻰ 8 - ﺋﯩﻴﯘﻝ ﻛﯜﻧﻰ ﺑﻪﺵ ﻧﻪﭘﻪﺭ ﺋﯘﻳﻐﯘﺭﻧﻰ ﺋﯧﺘﯩﭗ ﺋﻮﻟﺘﯘﺭﯗﺵ ﻫﻪﻣﺪﻩ ﻗﻪﺷﻘﻪﺭ ﻳﯧﯖﻰ ﺷﻪﻫﻪﺭﺩﻩ ﺋﻮﭼﯘﻕ ﺳﻮﺕ ﺋﯧﭽﯩﭗ،ﺑﻪﺵ ﻧﻪﭘﻪﺭ ﺋﯘﻳﻐﯘﺭﻏﺎ ﺋﯚﻟﯜﻡ ﺟﺎﺯﺍﺳﻰ ﺑﻪﺭﮔﻪﻥ ﭘﻪﻳﺘﺘﻪ ﺋﯧﻼﻥ ﻗﯩﻠﻐﺎﻥ.

ﺗﯜﺭﻛﯩﻴﯩﺪﻩ ﻳﺎﯞﺭﻭ ﺋﺎﺳﯩﻴﺎ ﺗﻪﺗﻘﯩﻘﺎﺕ ﺗﻪﻟﯩﻢ - ﺗﻪﺭﺑﯩﻴﻪ ﯞﻩ ﺋﯩﺠﺘﯩﻤﺎﺋﯩﻲ ﭘﺎﺭﺍﯞﺍﻧﻠﯩﻖ ﻓﻮﻧﺪﻯ ﺭﻩﺳﻤﻰ ﻗﯘﺭﯗﻟﺪﻯ

ﺋﯘﻳﻐﯘﺭﻻﺭﻧﯩﯔ ﺗﯜﺭﻛﯩﻴﯩﺪﻩ ﺗﻪﺷﻜﯩﻼﺗﻼﺭﻏﺎ ﺋﯘﻳﯘﺷﯘﺷﻰ 1950 - ﻳﯩﻠﻼﺭﺩﯨﻦ ﺑﺎﺷﻼﻧﻐﺎﻥ ﺑﻮﻟﯘﭖ، ﺗﯜﺭﻛﯩﻴﯩﺪﯨﻜﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﺎﻣﻤﯩﯟﻯ ﺗﻪﺷﻜﯩﻼﺗﻠﯩﺮﻯ ﺑﯜﮔﯜﻧﮕﯩﭽﻪ ﻧﯘﻗﺘﯩﻠﯩﻖ ﻫﺎﻟﺪﺍ ﺋﯚﺯ ﻳﯘﺭﺗﯩﺪﯨﻜﻰ ﻗﯧﺮﯨﻨﺪﺍﺷﻠﯩﺮﯨﻨﯩﯔ ﺩﻩﺭﺩﯨﻨﻰ ﺗﯜﺭﻛﯩﻴﻪ ﺟﺎﻣﺎﺋﻪﺗﭽﯩﻠﯩﻜﯩﮕﻪ ﺋﺎﯕﻠﯩﺘﯩﺸﻘﺎ ﺋﻪﻫﻤﯩﻴﻪﺕ ﺑﯧﺮﯨﭗ ﻛﻪﻟﮕﻪﻥ ﺋﯩﺪﻯ.

ﺑﯩﺮﺍﻕ، ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﻣﻪﺧﺴﯘﺱ ﻛﯩﺘﺎﺑﻼﺭﻧﻰ ﻧﻪﺷﯩﺮ ﻗﯩﻠﯩﺶ ﺋﯩﺸﻠﯩﺮﻯ ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ﺑﺎﺷﻼﻧﻐﺎﻥ ﺑﻮﻟﯘﭖ، ﻳﯧﻘﯩﻨﺪﺍ ﺋﯩﺴﺘﺎﻧﺒﯘﻟﺪﺍ ﺗﻪﻛﻠﯩﻤﺎﻛﺎﻥ ﺋﯘﻳﻐﯘﺭ ﻧﻪﺷﯩﺮﻳﺎﺗﯩﻨﯩﯔ ﺑﺎﺷﻠﯩﻘﻰ ﺋﺎﺑﺪﯗﺟﯧﻠﯩﻞ ﺗﯘﺭﺍﻥ ﺋﻪﭘﻪﻧﺪﻯ ﺗﻪﺭﯨﭙﯩﺪﯨﻦ ﻳﺎﯞﺭﻭ - ﺋﺎﺳﯩﻴﺎ ﺗﻪﺗﻘﯩﻘﺎﺕ ﺗﻪﻟﯩﻢ - ﺗﻪﺭﺑﯩﻴﻪ ﯞﻩ ﺋﯩﺠﺘﯩﻤﺎﺋﯩﻲ ﭘﺎﺭﺍﯞﺍﻧﻠﯩﻖ ﻓﻮﻧﺪﻯ ﺭﻩﺳﻤﻰ ﻗﯘﺭﯗﻟﯘﭖ، ﺗﯜﺭﻛﯩﻴﻪ ﺋﻪﺩﻟﯩﻴﻪ ﺋﻮﺭﮔﺎﻧﻠﯩﺮﻯ ﺗﻪﺭﯨﭙﯩﺪﯨﻦ ﺗﯩﺰﯨﻤﻐﺎ ﺋﯧﻠﯩﻨﻐﺎﻥ.

ﺳﺎﻧﺎﺋﻪﺗﻠﻪﺷﻜﻪﻥ ﺳﻪﻛﻜﯩﺰ ﺩﯙﻟﻪﺕ ﺑﺎﺷﻠﯩﻘﻠﯩﺮﻯ ﻳﯩﻐﯩﻨﻰ ﺗﻮﻛﻴﻮﺩﺍ ﺋﯧﭽﯩﻠﺪﻯ

ﺗﻪﺭﻩﻗﻘﻰ ﻗﯩﻠﻐﺎﻥ ﺳﺎﻧﺎﺋﻪﺗﻠﻪﺷﻜﻪﻥ ﺳﻪﻛﻜﯩﺰ ﺩﯙﻟﻪﺕ ﺋﺎﻣﯧﺮﯨﻜﺎ، ﺋﻪﻧﮕﯩﻠﯩﻴﻪ، ﮔﯧﺮﻣﺎﻧﯩﻴﻪ، ﻓﺮﺍﻧﺴﯩﻴﻪ، ﺋﯩﺘﺎﻟﯩﻴﻪ، ﻛﺎﻧﺎﺩﺍ، ﺭﯗﺳﯩﻴﻪ ﯞﻩ ﻳﺎﭘﻮﻧﯩﻴﻪ ﺭﻩﻫﺒﻪﺭﻟﯩﺮﻯ 7 - ﺋﯩﻴﯘﻝ ﻛﯜﻧﻰ ﻳﺎﭘﻮﻧﯩﻴﯩﻨﯩﯔ ﺧﻮﻛﻜﺎﻳﺪﻭ ﺋﺎﺭﯨﻠﯩﺪﺍ 34 - ﻗﯧﺘﯩﻤﻠﯩﻖ ﻳﯩﻐﯩﻨﯩﻨﻰ ﭼﺎﻗﯩﺮﺩﻯ. ﺑﯘ ﻳﯩﻐﯩﻨﻐﺎ ﻳﻪﻧﻪ ﺧﯩﺘﺎﻱ، ﻫﯩﻨﺪﯨﺴﺘﺎﻥ، ﺑﺮﺍﺯﯨﻠﯩﻴﻪ ﻗﺎﺗﺎﺭﻟﯩﻖ ﺗﻪﺭﻩﻗﻘﻰ ﻗﯩﻠﯩﯟﺍﺗﻘﺎﻥ 22 ﺩﯙﻟﻪﺗﻨﯩﯔ ﺭﻩﻫﺒﻪﺭﻟﯩﺮﯨﻤﯘ ﻗﺎﺗﻨﺎﺷﺘﻰ.

ﻳﯩﻐﯩﻦ ﺟﻪﺭﻳﺎﻧﯩﺪﺍ ﺯﯨﻤﺒﺎﺑﯘﯞﻯ ﻣﻪﺳﯩﻠﯩﺴﯩﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﺋﺎﻓﺮﯨﻘﺎ ﻣﻪﺳﯩﻠﯩﺴﻰ، ﺋﯧﻨﯧﺮﮔﯩﻴﻪ ﻫﻪﻡ ﻫﺎﯞﺍ ﻛﯩﻠﯩﻤﺎﺗﻰ، ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺕ ﻗﺎﺗﺎﺭﻟﯩﻖ ﻣﯘﻫﯩﻢ ﻣﻪﺳﯩﻠﯩﻠﻪﺭ ﻣﯘﺯﺍﻛﯩﺮﻩ ﻗﯩﻠﯩﻨﺪﻯ. ﻳﯩﻐﯩﻦ ﺟﻪﺭﻳﺎﻧﯩﺪﺍ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺟﻮﺭﺝ ﺑﯘﺵ ﺭﯗﺳﯩﻴﻪ ﭘﺮﯦﺰﯨﺪﯦﻨﺘﻰ ﻣﯧﺪﯞﯦﺪﯦﯟ، ﺧﯩﺘﺎﻱ ﺭﻩﺋﯩﺴﻰ ﺧﯘﺟﯩﻨﺘﺎﯞ، ﻳﺎﭘﻮﻧﯩﻴﻪ ﺑﺎﺵ ﯞﻩﺯﯨﺮﻯ ﻓﯘﻛﯘﺩﺍ ﻗﺎﺗﺎﺭﻟﯩﻖ ﺋﻪﺭﺑﺎﺑﻼﺭ ﺑﯩﻠﻪﻥ ﺋﺎﻳﺮﯨﻢ ﻛﯚﺭﯛﺷﯜﭖ، ﺳﯚﻫﺒﻪﺗﻠﻪﺷﺘﻰ ﺷﯘﻧﯩﯖﺪﻩﻙ ﺭﯗﺳﯩﻴﻪ، ﺧﯩﺘﺎﻱ ﺭﻩﻫﺒﻪﺭﻟﯩﺮﯨﻤﯘ ﺋﺎﻳﺮﯨﻢ - ﺋﺎﻳﺮﯨﻢ ﻫﺎﻟﺪﺍ ﻳﺎﯞﺭﻭﭘﺎ ﺭﻩﻫﺒﻪﺭﻟﯩﺮﻯ ﺑﯩﻠﻪﻥ ﭘﯩﻜﯩﺮ ﺋﺎﻟﻤﺎﺷﺘﯘﺭﺩﻯ.

ﭘﺮﯦﺰﯨﺪﯦﻨﺖ ﺑﯘﺵ ﺭﻩﺋﯩﺲ ﺧﯘ ﺑﯩﻠﻪﻥ ﻛﯚﺭﯛﺷﻜﻪﻧﺪﻩ ﺋﯩﻨﺴﺎﻥ ﻫﻮﻗﯘﻗﻰ ﻣﻪﺳﯩﻠﯩﻠﯩﺮﻯ ﺗﯩﻠﻐﺎ ﺋﺎﻟﺪﻯ ﺷﯘﻧﯩﯖﺪﻩﻙ ﺋﯚﺯﯨﻨﯩﯔ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ، ﺭﯗﺳﯩﻴﻪ ﭘﺮﯦﺰﯨﺪﯦﻨﺘﻰ ﻣﯧﺪﯞﯦﺪﯦﯟ ﺑﯩﻠﻪﻥ ﺋﺎﻣﯧﺮﯨﻜﯩﻨﯩﯔ ﺷﻪﺭﻗﯩﻲ ﻳﺎﯞﺭﻭﭘﺎﺩﯨﻜﻰ ﺭﺍﻛﯧﺘﺎﺩﯨﻦ ﻣﯘﺩﺍﭘﯩﺌﻪ ﻛﯚﺭﯛﺵ ﺳﯩﺴﺘﯧﻤﯩﺴﻰ ﺋﻮﺭﻧﯩﺘﯩﺶ ﭘﯩﻼﻧﻰ، ﺋﯩﺮﺍﻥ ﻣﻪﺳﯩﻠﯩﺴﻰ ﯞﻩ ﺑﺎﺷﻘﺎ ﻣﻪﺳﯩﻠﯩﻠﻪﺭ ﺑﻮﻳﯩﭽﻪ ﺳﯚﺯﻟﻪﺷﺘﻰ. ﺧﯘ ﺟﯩﻨﺘﺎﯞ ﻓﺮﺍﻧﺴﯩﻴﻪ ﭘﺮﯦﺰﯨﺪﯦﻨﺘﻰ ﺳﺎﺭﻛﻮﺯﯨﻲ ﺑﯩﻠﻪﻥ ﻛﯚﺭﯛﺷﺘﻰ ﺷﯘﻧﯩﯖﺪﻩﻙ ﺳﺎﺭﻛﻮﺯﯨﻲ ﺋﯚﺯﯨﻨﯩﯔ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.