ﻗﻪﺷﻘﻪﺭ ﯞﻩﻗﻪﺳﻰ ﺧﻪﻟﻘﺌﺎﺭﺍ ﻣﻪﺗﺒﯘﺋﺎﺗﻨﯩﯔ ﻣﯘﻫﯩﻢ ﺗﯧﻤﯩﺴﯩﻐﺎ ﺋﺎﻳﻼﻧﺪﻯ

4 - ﺋﺎﯞﻏﯘﺳﺖ ﻛﯜﻧﻰ ﻗﻪﺷﻘﻪﺭ ﺷﻪﻫﯩﺮﯨﺪﻩ ﺋﯩﻜﻜﻰ ﻧﻪﭘﻪﺭ ﺋﯘﻳﻐﯘﺭ ﻳﺎﺷﻨﯩﯔ ﻗﻮﺭﺍﻟﻠﯩﻖ ﺳﺎﻗﭽﻰ ﻗﯩﺴﯩﻤﯩﻨﯩﯔ ﺋﻪﺗﯩﮕﻪﻧﻠﯩﻚ ﭼﯧﻨﯩﻘﯩﺸﻘﺎ ﭼﯩﻘﻘﺎﻥ ﺑﯩﺮ ﮔﯘﺭﯗﭘﭙﯩﺴﯩﻐﺎ ﻳﯜﻙ ﺋﺎﭘﺘﻮﻣﻮﺑﯩﻠﻰ ﯞﻩ ﻗﻮﻝ ﺑﻮﻣﺒﯩﻠﯩﺮﻯ ﺑﯩﻠﻪﻥ ﺗﯘﻳﯘﻗﺴﯩﺰ ﻫﯘﺟﯘﻡ ﻗﯩﻠﯩﺶ ﯞﻩﻗﻪﺳﻰ ﻳﯜﺯ ﺑﻪﺭﮔﻪﻥ ﺑﻮﻟﯘﭖ، ﻧﻪﺗﯩﺠﯩﺪﻩ 16 ﻧﻪﭘﻪﺭ ﻗﻮﺭﺍﻟﻠﯩﻖ ﺳﺎﻗﭽﻰ ﺋﯚﻟﺘﯜﺭﯛﻟﺪﻯ ﯞﻩ 16 ﻧﻪﭘﯩﺮﻯ ﻳﺎﺭﯨﻼﻧﺪﯗﺭﯗﻟﺪﻯ. ﺑﯘ ﺧﻪﯞﻩﺭ ﺋﺎﻟﺪﻯ ﺑﯩﻠﻪﻥ ﺷﯩﻨﺨﯘﺍ ﺗﻪﺭﯨﭙﯩﺪﯨﻦ ﺗﺎﺭﻗﯩﺘﯩﻠﻐﺎﻥ ﺑﻮﻟﯘﭖ، ﺩﻩﺭﻫﺎﻝ ﺧﻪﻟﻘﺌﺎﺭﺍ ﻣﻪﺗﺒﯘﺋﺎﺗﻼﺭﻧﯩﯔ ﻗﯩﺰﯨﻖ ﺗﯧﻤﯩﺴﯩﻐﺎ ﺋﺎﻳﻼﻧﺪﻯ.

ﺧﯩﺘﺎﻱ ﺗﻪﺭﻩﭖ ﺋﯩﻜﻜﻰ ﻧﻪﭘﻪﺭ ﻫﯘﺟﯘﻣﭽﯩﻨﻰ ﻗﻮﻟﻐﺎ ﭼﯜﺷﯜﺭﮔﻪﻧﻠﯩﻜﯩﻨﻰ ﺷﯘﻧﯩﯖﺪﻩﻙ ﺑﯘ ﻫﻪﺭﯨﻜﻪﺗﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﯘﺳﺘﻪﻗﯩﻠﻠﯩﻘﻰ ﺋﯜﭼﯜﻥ ﭘﺎﺋﺎﻟﯩﻴﻪﺕ ﻗﯩﻠﯩﯟﺍﺗﻘﺎﻥ ﺗﻪﺷﻜﯩﻼﺗﻼﺭ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺋﯩﻜﻪﻧﻠﯩﻜﯩﻨﻰ ﺋﺎﺷﻜﺎﺭﯨﻠﯩﺪﻯ.

ﺧﻪﻟﻘﺌﺎﺭﺍ ﻣﻪﺗﺒﯘﺋﺎﺗﻼﺭﺩﺍ ﭘﯩﻜﯩﺮ ﺑﺎﻳﺎﻥ ﻗﯩﻠﻐﺎﻥ ﺋﯩﻨﻜﺎﺳﭽﯩﻼﺭ 4 - ﺋﺎﯞﻏﯘﺳﺖ ﯞﻩﻗﻪﺳﻰ ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ﺗﯘﻧﺠﻰ ﻗﯧﺘﯩﻢ ﻳﯜﺯ ﺑﻪﺭﮔﻪﻥ ﺋﯘﻳﻐﯘﺭ ﻣﯘﺳﺘﻪﻗﯩﻠﭽﯩﻠﯩﺮﯨﻨﯩﯔ ﺳﺎﻗﭽﻰ ﻗﻮﺷﯘﻧﻠﯩﺮﯨﻐﺎ ﻫﯘﺟﯘﻡ ﻗﯩﻠﯩﭗ، ﺋﻪﯓ ﻛﯚﭖ ﺋﺎﺩﻩﻣﻨﻰ ﭼﯩﻘﯩﻤﻐﺎ ﺋﯘﭼﺮﺍﺗﻘﺎﻥ ﭼﻮﯓ ﯞﻩﻗﻪ ﺩﻩﭖ ﺑﺎﻫﺎ ﺑﻪﺭﺩﻯ ﺷﯘﻧﯩﯖﺪﻩﻙ ﺋﯘﻳﻐﯘﺭ ﺩﯨﻴﺎﺭﯨﺪﺍ ﺋﯘﻳﻐﯘﺭﻻﺭﻧﯩﯔ ﺋﯧﻐﯩﺮ ﺑﯧﺴﯩﻤﻼﺭﻏﺎ ﺩﯗﭺ ﻛﯧﻠﯩﯟﺍﺗﻘﺎﻧﻠﯩﻘﻰ، ﺑﯘ ﺑﯧﺴﯩﻢ ﺳﯩﻴﺎﺳﻪﺗﻠﯩﺮﯨﻨﯩﯔ ﺋﯘﻻﺭﻧﻰ ﺗﯜﺭﻟﯜﻙ ﻗﺎﺭﺷﯩﻠﯩﻖ ﭼﺎﺭﯨﻠﯩﺮﯨﻨﻰ ﺋﯩﺸﻠﯩﺘﯩﺸﻜﻪ ﻣﻪﺟﺒﯘﺭﻻﻳﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﺷﺘﻰ. ﺑﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺑﺎﻳﺎﻧﺎﺕ ﺋﯧﻼﻥ ﻗﯩﻠﺪﻯ.

2008 - ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﻰ ﺭﻩﺳﻤﯩﻲ ﺑﺎﺷﻼﻧﺪﻯ

2008 - ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﻰ 8 - ﺋﺎﯞﻏﯘﺳﺖ ﻛﯜﻧﻰ ﻛﻪﭼﺘﻪ ﺋﯚﺗﻜﯜﺯﯛﻟﺪﻯ. ﺑﯘ ﻣﯘﺭﺍﺳﯩﻤﻐﺎ 80 ﻧﻪﭼﭽﻪ ﺩﯙﻟﻪﺗﻨﯩﯔ ﺭﻩﻫﺒﻪﺭﻟﯩﺮﻯ ﺋﯩﺸﺘﯩﺮﺍﻙ ﻗﯩﻠﺪﻯ. ﺟﯜﻣﻠﯩﺪﯨﻦ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺟﻮﺭﺝ ﺑﯘﺵ ﯞﻩ ﺋﯘﻧﯩﯔ ﺋﺎﻳﺎﻟﯩﻤﯘ ﻣﯘﺭﺍﺳﯩﻤﻐﺎ ﻗﺎﺗﻨﺎﺷﺘﻰ.

ﺧﯩﺘﺎﻱ ﺑﯘ ﻗﯧﺘﯩﻤﻘﻰ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻨﻰ ﻧﺎﻫﺎﻳﯩﺘﻰ ﺩﺍﻏﺪﯗﻏﯩﻠﯩﻖ ﺋﯚﺗﻜﯜﺯﮔﻪﻥ ﺑﻮﻟﯘﭖ، ﺑﯘﻧﯩﯔ ﺋﯜﭼﯜﻥ ﺋﯘﺯﯗﻥ ﯞﺍﻗﯩﺖ ﺗﻪﻳﻴﺎﺭﻟﯩﻖ ﻗﯩﻠﻐﺎﻥ. ﺋﻮﻟﯩﻤﭙﯩﻚ ﺋﯚﺗﻜﯜﺯﯛﺵ ﺋﯜﭼﯜﻥ ﺋﻪﺳﻠﯩﻬﻪﻟﻪﺭﻧﻰ ﺗﻪﻳﻴﺎﺭﻻﺷﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﺑﺎﺭﻟﯩﻖ ﭼﯩﻘﯩﻤﻼﺭﻧﯩﯔ 40 ﻣﯩﻠﻴﺎﺭﺩ ﺋﺎﻣﯧﺮﯨﻜﺎ ﺩﻭﻟﻠﯩﺮﯨﺪﯨﻦ ﺋﺎﺭﺗﯘﻕ ﺋﯩﻜﻪﻧﻠﯩﻜﻰ ﺑﯩﻠﺪﯛﺭﯛﻟﻤﻪﻛﺘﻪ. ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﺋﻮﻟﯩﻤﭙﯩﻜﻨﻰ ﻳﯜﺯ ﻳﯩﻠﺪﯨﻦ ﺑﯘﻳﺎﻥ ﺋﺎﺭﺯﯗ ﻗﯩﻠﻐﺎﻧﻠﯩﻘﯩﻨﻰ ﺗﻪﻛﯩﺘﻠﻪﭖ، ﺋﯘﻧﻰ ﺧﯩﺘﺎﻱ ﺧﻪﻟﻘﯩﻨﯩﯔ ﯞﻩﺗﻪﻧﭙﻪﺭﯞﻩﺭﻟﯩﻚ ﻫﻪﻡ ﻣﯩﻠﻠﻪﺗﭽﯩﻠﯩﻚ ﺋﯧﯖﻰ ﺑﯩﻠﻪﻥ ﺑﺎﻏﻼﭖ ﺗﻪﺷﯟﯨﻖ ﻗﯩﻠﻤﺎﻗﺘﺎ.

ﺋﯧﭽﯩﻠﯩﺶ ﻣﯘﺭﺍﺳﯩﻤﯩﺪﺍ ﺳﺎﻟﯩﻴﻮﺗﻼﺭ ﺋﯧﺘﯩﻠﻐﺎﻥ ﺷﯘﻧﯩﯖﺪﻩﻙ ﻫﻪﺭ ﺧﯩﻞ ﻣﻪﺯﻣﯘﻧﺪﯨﻜﻰ ﻧﺎﺧﺸﺎ - ﺋﯘﺳﯘﻝ ﻧﻮﻣﯘﺭﻟﯩﺮﻯ ﻛﯚﺭﺳﯩﺘﯩﻠﮕﻪﻥ. ﺳﻪﻧﺌﻪﺕ ﻧﻮﻣﯘﺭﻟﯩﺮﯨﻨﻰ ﻛﯚﺭﺳﯩﺘﯩﺸﻜﻪ ﺑﯩﺮ ﺗﯜﻣﻪﻧﺪﯨﻦ ﺋﺎﺭﺗﯘﻕ ﺋﺎﺩﻩﻡ ﻗﺎﺗﻨﺎﺷﺘﯘﺭﯗﻟﻐﺎﻥ. ﺟﯜﻣﻪ ﻛﯜﻧﻰ ﺧﯘ ﺟﯩﻨﺘﺎﯞ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺶ ﺋﯜﭼﯜﻥ ﻛﻪﻟﮕﻪﻥ ﺩﯙﻟﻪﺕ ﺑﺎﺷﻠﯩﻘﻠﯩﺮﯨﻐﺎ ﭼﯜﺷﻠﯜﻙ ﺯﯨﻴﺎﭘﻪﺕ ﺑﯧﺮﯨﭗ، ﻧﯘﺗﯘﻕ ﺳﯚﺯﻟﻪﭖ، ﺋﯘﻻﺭﻧﻰ ﻗﯩﺰﻏﯩﻦ ﻗﺎﺭﺷﻰ ﺋﺎﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﻰ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﺗﺎﺭﯨﺨﯩﺪﯨﻜﻰ ﺋﻪﯓ ﻛﯚﭖ ﺗﻪﻧﻘﯩﺪﻟﻪﺭﮔﻪ ﺋﯘﭼﺮﯨﻐﺎﻥ ﭘﺎﺋﺎﻟﯩﻴﻪﺗﻠﻪﺭﻧﯩﯔ ﺑﯩﺮﯨﮕﻪ ﺋﺎﻳﻼﻧﻐﺎﻥ.

ﺋﻮﻟﯩﻤﭙﯩﻜﻜﻪ ﻗﺎﺭﺷﻰ ﻧﺎﺭﺍﺯﯨﻠﯩﻖ ﻧﺎﻣﺎﻳﯩﺸﻠﯩﺮﻯ

ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﻰ ﺋﯚﺗﻜﯜﺯﯛﻟﯜﺵ ﻫﺎﺭﭘﯩﺴﻰ ﻫﻪﻣﺪﻩ ﻣﯘﺭﺍﺳﯩﻢ ﺋﯧﭽﯩﻠﻐﺎﻥ ﻛﯜﻧﺪﻩ ﺑﯩﺮ ﻗﯩﺴﯩﻢ ﺩﯙﻟﻪﺗﻠﻪﺭﺩﯨﻜﻰ ﺧﯩﺘﺎﻱ ﺋﻪﻟﭽﯩﺨﺎﻧﻪ ﯞﻩ ﻛﻮﻧﺴﯘﻟﺨﺎﻧﯩﻠﯩﺮﻯ ﺋﺎﻟﺪﯨﺪﺍ ﺋﯘﻳﻐﯘﺭﻻﺭ، ﺗﯩﺒﻪﺗﻠﻪﺭ، ﺋﯩﻨﺴﺎﻥ ﻫﻮﻗﯘﻗﻰ ﭘﺎﺋﺎﻟﯩﻴﻪﺗﭽﯩﻠﯩﺮﯨﻨﯩﯔ ﻧﺎﺭﺍﺯﯨﻠﯩﻖ ﻧﺎﻣﺎﻳﯩﺸﻠﯩﺮﻯ ﺋﯚﺗﻜﯜﺯﯛﻟﺪﻯ.

7 - ﺋﺎﯞﻏﯘﺳﺖ ﻛﯜﻧﻰ ﺋﺎﻣﯧﺮﯨﻜﺎ ﭘﺎﻳﺘﻪﺧﺘﻰ ﯞﺍﺷﯩﻨﮕﺘﻮﻧﺪﺍ ﺋﯚﺗﻜﯜﺯﯛﻟﮕﻪﻥ ﻛﻪﯓ ﻛﯚﻟﻪﻣﻠﯩﻚ ﻧﺎﻣﺎﻳﯩﺸﻘﺎ ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﯩﯔ ﺭﻩﻫﺒﯩﺮﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﻗﺎﺗﻨﺎﺷﺘﻰ ﯞﻩ ﻳﯧﺘﻪﻛﭽﯩﻠﯩﻚ ﻗﯩﻠﺪﻯ. ﻣﻪﺯﻛﯘﺭ ﻧﺎﻣﺎﻳﯩﺸﻘﺎ ﺗﯩﺒﻪﺗﻠﻪﺭ، ﺋﯘﻳﻐﯘﺭﻻﺭ، ﺋﯩﻨﺴﺎﻥ ﻫﻮﻗﯘﻗﻰ ﺗﻪﺷﻜﯩﻼﺗﻠﯩﺮﯨﻨﯩﯔ ﯞﻩﻛﯩﻠﻠﯩﺮﻯ ﺋﯩﺸﺘﯩﺮﺍﻙ ﻗﯩﻠﻐﺎﻥ. ﻧﺎﻣﺎﻳﯩﺶ ﺋﺎﻟﺪﻯ ﺑﯩﻠﻪﻥ ﭘﺮﯦﺰﯨﺪﯦﻨﺖ ﺳﺎﺭﯨﻴﻰ ﺑﻮﻟﻐﺎﻥ ﺋﺎﻕ ﺳﺎﺭﺍﻳﻨﯩﯔ ﺋﺎﺭﻗﯩﺴﯩﻐﺎ ﺗﻮﻏﺮﺍ ﻛﯧﻠﯩﺪﯨﻐﺎﻥ ﻻﻓﺎﻳﺖ ﺑﺎﻏﭽﯩﺴﯩﺪﺍ ﺑﺎﺷﻼﻧﺪﻯ. ﻧﺎﻣﺎﻳﯩﺸﭽﯩﻼﺭ ﻛﻮﭼﺎ ﺋﺎﻳﻠﯩﻨﯩﭗ، ﻧﺎﻣﺎﻳﯩﺶ ﻗﯩﻠﯩﭗ، ﺧﯩﺘﺎﻱ ﺑﺎﺵ ﺋﻪﻟﭽﯩﺨﺎﻧﯩﺴﯩﻨﯩﯔ ﺋﺎﻟﺪﯨﻐﺎ ﻳﯧﺘﯩﭗ ﻛﯧﻠﯩﭗ، ﺷﯘ ﻳﻪﺭﺩﻩ ﻧﺎﻣﺎﻳﯩﺸﯩﻨﻰ ﺩﺍﯞﺍﻣﻼﺷﺘﯘﺭﺩﻯ ﻫﻪﻣﺪﻩ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﻧﯘﺗﯘﻕ ﺳﯚﺯﻟﻪﭖ، ﺧﯩﺘﺎﻳﻨﻰ ﺋﯘﻳﻐﯘﺭﻻﺭﻧﯩﯔ ﺋﯩﻨﺴﺎﻥ ﻫﻮﻗﯘﻗﻠﯩﺮﯨﻨﻰ ﺩﻩﺧﻠﻰ - ﺗﻪﺭﯛﺯﮔﻪ ﺋﯘﭼﺮﯨﺘﯩﺸﻨﻰ ﺗﻮﺧﺘﯩﺘﯩﺸﻘﺎ ﭼﺎﻗﯩﺮﺩﻯ.

7 - ﺋﺎﯞﻏﯘﺳﺖ ﻛﯜﻧﻰ ﻳﻪﻧﻪ ﻛﺎﻧﺎﺩﺍ ﭘﺎﻳﺘﻪﺧﺘﻰ ﺋﻮﺗﺘﺎﯞﺍﺩﯨﻜﻰ ﺧﯩﺘﺎﻱ ﺑﺎﺵ ﺋﻪﻟﭽﯩﺨﺎﻧﯩﺴﻰ ﺋﺎﻟﺪﯨﺪﯨﻤﯘ ﻧﺎﺭﺍﺯﯨﻠﯩﻖ ﻧﺎﻣﺎﻳﯩﺸﻰ ﺋﯚﺗﻜﯜﺯﯛﻟﮕﻪﻥ ﺑﻮﻟﯘﭖ، ﺑﯘ ﻧﺎﻣﺎﻳﯩﺶ ﻛﺎﻧﺎﺩﺍ ﭘﺎﺭﻻﻣﯧﻨﺘﯩﻨﯩﯔ ﺑﯩﺮ ﻗﯩﺴﯩﻢ ﺋﻪﺯﺍﻟﯩﺮﯨﻨﯩﯔ ﺗﻪﺷﻪﺑﺒﯘﺳﻰ ﯞﻩ ﻗﺎﺗﻨﯩﺸﯩﺸﻰ ﻫﻪﻣﺪﻩ ﺋﯘﻳﻐﯘﺭ، ﺗﯩﺒﻪﺕ ﺟﻪﻣﺌﯩﻴﻪﺗﻠﯩﺮﯨﻨﯩﯔ ﺋﯩﺸﺘﯩﺮﺍﻛﻰ ﻫﻪﻡ ﺋﯘﻳﯘﺷﺘﯘﺭﯗﺷﻰ ﺑﯩﻠﻪﻥ ﺋﯚﺗﻜﯜﺯﯛﻟﮕﻪﻥ.

ﻣﻪﺯﻛﯘﺭ ﻧﺎﻣﺎﻳﯩﺸﻘﺎ ﺋﯘﻳﻐﯘﺭ، ﺗﯩﺒﻪﺗﻠﻪﺭﺩﯨﻦ ﺑﺎﺷﻘﺎ ﻛﺎﻧﺎﺩﺍﻧﯩﯔ ﺑﯩﺮ ﻗﯩﺴﯩﻢ ﻣﯘﻫﯩﻢ ﺳﯩﻴﺎﺳﯩﻲ ﻗﺎﻧﯘﻥ ﻫﯩﻤﺎﻳﯩﭽﻰ ﺋﻪﺭﺑﺎﺑﻠﯩﺮﯨﻤﯘ ﻗﺎﺗﻨﯩﺸﯩﭗ، ﻧﯘﺗﯘﻕ ﺳﯚﺯﻟﯩﮕﻪﻥ.

ﺷﯘ ﻛﯜﻧﻰ ﻳﻪﻧﻪ ﮔﯧﺮﻣﺎﻧﯩﻴﻪ ﭘﺎﻳﺘﻪﺧﺘﻰ ﺑﯧﺮﻟﯩﻨﺪﯨﻤﯘ ﻛﻪﯓ ﻛﯚﻟﻪﻣﻠﯩﻚ ﻧﺎﻣﺎﻳﯩﺶ ﺋﯧﻠﯩﭗ ﺑﯧﺮﯨﻠﻐﺎﻥ. ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﭼﺎﻗﯩﺮﯨﻘﯩﻐﺎ ﺋﺎﯞﺍﺯ ﻗﻮﺷﻘﺎﻥ ﺋﯘﻳﻐﯘﺭﻻﺭ ﻫﻪﻣﺪﻩ ﺗﯩﺒﻪﺕ، ﺋﯩﭽﻜﻰ ﻣﻮﯕﻐﯘﻝ، ﺧﻪﺗﻪﺭ ﺋﺎﺳﺘﯩﺪﯨﻜﻰ ﻣﯩﻠﻠﻪﺗﻠﻪﺭ ﺗﻪﺷﻜﯩﻼﺗﻰ ﻗﺎﺗﺎﺭﻟﯩﻖ ﺋﻮﺭﮔﺎﻧﻼﺭ ﻣﻪﺯﻛﯘﺭ ﻧﺎﻣﺎﻳﯩﺸﻨﻰ ﺋﯘﻳﯘﺷﺘﯘﺭﺩﻯ ﯞﻩ ﻗﺎﺗﻨﺎﺷﺘﻰ.

8 - ﺋﺎﯞﻏﯘﺳﺖ ﻛﯜﻧﻰ ﻳﻪﻧﻪ ﺧﯩﺘﺎﻳﻨﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻨﻰ ﺋﯚﺗﻜﯜﺯﯛﺷﺘﯩﻦ ﺋﯩﻠﮕﯩﺮﻯ ﺑﻪﺭﮔﻪﻥ ﺋﯩﻨﺴﺎﻥ ﻫﻮﻗﯘﻗﯩﻨﻰ ﻳﺎﺧﺸﯩﻼﺵ ﯞﻩﺩﯨﻠﯩﺮﯨﮕﻪ ﺋﻪﻣﻪﻝ ﻗﯩﻠﻤﯩﻐﺎﻧﻠﯩﻘﯩﺪﯨﻦ ﻧﺎﺭﺍﺯﻯ ﺑﻮﻟﻐﺎﻥ ﺧﻪﻟﻘﺌﺎﺭﺍﻟﯩﻖ ﺋﯩﻨﺴﺎﻥ ﻫﻮﻗﯘﻗﻰ ﺗﻪﺷﻜﯩﻼﺗﻠﯩﺮﻯ، ﻗﺎﻧﯘﻥ ﯞﻩ ﻛﯩﺸﯩﻠﯩﻚ ﻫﻮﻗﯘﻕ ﻫﯩﻤﺎﻳﯩﭽﯩﻠﯩﺮﻯ، ﺟﯜﻣﻠﯩﺪﯨﻦ ﺋﯘﻳﻐﯘﺭ، ﺗﯩﺒﻪﺕ ﺗﻪﺷﻜﯩﻼﺗﻠﯩﺮﻯ ﻳﻪﻧﻪ ﮔﻮﻟﻼﻧﺪﯨﻴﻪ، ﺷﯩﯟﯨﺘﺴﯩﻴﻪ، ﻛﺎﻧﺎﺩﺍ، ﺋﺎﯞﺳﺘﺮﺍﻟﯩﻴﻪ، ﺗﯜﺭﻛﯩﻴﻪ ﯞﻩ ﺑﺎﺷﻘﺎ ﺋﻪﻟﻠﻪﺭﺩﯨﻤﯘ ﻧﺎﻣﺎﻳﯩﺶ ﺷﯘﻧﯩﯖﺪﻩﻙ ﺗﯜﺭﻟﯜﻙ ﺷﻪﻛﯩﻠﺪﯨﻜﻰ ﭘﺎﺋﺎﻟﯩﻴﻪﺗﻠﻪﺭﻧﻰ ﺋﯘﻳﯘﺷﺘﯘﺭﺩﻯ.

ﺋﻪﻧﻘﻪﺭﻩﺩﻩ ﺋﯚﺗﻜﯜﺯﯛﻟﮕﻪﻥ ﻧﺎﻣﺎﻳﯩﺸﺘﺎ ﺑﯩﺮ ﻧﻪﭘﻪﺭ ﺋﯘﻳﻐﯘﺭ ﺋﯚﺯﯨﮕﻪ ﺋﻮﺕ ﻗﻮﻳﯘﭖ ﻛﯚﻳﺪﯛﺭﯛﺵ ﺋﺎﺭﻗﯩﻠﯩﻖ ﺋﯚﺯ ﻧﺎﺭﺍﺯﯨﻠﯩﻘﯩﻨﻰ ﺋﯩﭙﺎﺩﯨﻠﯩﮕﻪﻥ.

ﭘﺮﯦﺰﯨﺪﯦﻨﺖ ﺟﻮﺭﺝ ﺑﯘﺵ ﺧﯘ ﺟﯩﻨﺘﺎﯞ ﺑﯩﻠﻪﻥ ﻛﯚﺭﯛﺷﺘﻰ ﻫﻪﻣﺪﻩ ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﺴﯩﻨﻰ ﺗﯩﻠﻐﺎ ﺋﺎﻟﺪﻯ

ﭘﺮﯦﺰﯨﺪﯦﻨﺖ ﺑﯘﺵ ﭘﻪﻳﺸﻪﻧﺒﻪ ﻛﯜﻧﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺶ ﺋﯜﭼﯜﻥ ﺋﺎﺳﯩﻴﺎ ﺳﻪﭘﯩﺮﯨﻨﻰ ﺑﺎﺷﻠﯩﻐﺎﻧﺪﺍ، ﺗﺎﻳﻼﻧﺪﻧﻰ ﺯﯨﻴﺎﺭﻩﺕ ﻗﯩﻠﯩﭗ، ﺑﺎﻧﻜﻮﻙ ﺷﻪﻫﯩﺮﯨﺪﻩ ﺳﯚﺯ ﻗﯩﻠﺪﻯ. ﺋﯘ، ﻧﯘﻗﺘﯩﺪﺍ ﺧﯩﺘﺎﻱ - ﺋﺎﻣﯧﺮﯨﻜﺎ ﺋﯩﻘﺘﯩﺴﺎﺩﻯ ﯞﻩ ﺩﯨﭙﻠﻮﻣﺎﺗﯩﻚ ﻣﯘﻧﺎﺳﯩﯟﯨﺘﯩﻨﻰ ﻣﺎﺧﺘﯩﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺧﯩﺘﺎﻳﻨﯩﯔ ﺳﯩﻴﺎﺳﯩﻲ، ﻛﯩﺸﯩﻠﯩﻚ ﻫﻮﻗﯘﻕ ﯞﻩ ﺩﯨﻨﯩﻲ ﺋﻪﺭﻛﯩﻨﻠﯩﻚ ﭘﺎﺋﺎﻟﯩﻴﻪﺗﭽﯩﻠﯩﺮﯨﻨﻰ ﺑﺎﺳﺘﯘﺭﻏﺎﻧﻠﯩﻘﯩﻐﺎ " ﻗﻪﺗﺌﯩﻲ ﻗﺎﺭﺷﻰ ﺗﯘﺭﯨﺪﯨﻐﺎﻧﻠﯩﻘﻰ" ﻧﻰ ﺑﯩﻠﺪﯛﺭﺩﻯ.

ﭘﺮﯦﺰﯨﺪﯦﻨﺖ ﺑﯘﺵ ﺳﯚﺯﯨﺪﻩ: "ﺋﺎﻣﯧﺮﯨﻜﯩﻨﯩﯔ ﻣﻪﺗﺒﯘﺋﺎﺕ، ﻳﯩﻐﯩﻠﯩﺶ ﯞﻩ ﺋﻪﻣﮕﻪﻙ ﻫﻮﻗﯘﻗﯩﻨﻰ ﺗﻪﻛﯩﺘﻠﯩﮕﻪﻧﻠﯩﻜﻰ ﺧﯩﺘﺎﻱ ﺭﻩﻫﺒﻪﺭﻟﯩﺮﯨﮕﻪ ﺋﯩﻐﯟﺍﮔﻪﺭﭼﯩﻠﯩﻚ ﻗﯩﻠﻐﺎﻧﻠﯩﻘﻰ ﺑﻮﻟﻤﺎﻱ، ﺑﻪﻟﻜﻰ ﺑﯘ ﺧﯩﺘﺎﻳﻨﯩﯔ ﻳﻮﺷﯘﺭﯗﻥ ﻛﯜﭼﯩﻨﻰ ﺗﻮﻏﺮﺍ ﻳﯚﻟﯜﻧﯜﺷﻜﻪ ﻳﯧﺘﻪﻛﻠﻪﺷﻨﯩﯔ ﺑﯩﺮﺩﯨﻦ ‏ - ﺑﯩﺮ ﻳﻮﻟﻰ ﺋﯩﻜﻪﻧﻠﯩﻜﯩﺪﯗﺭ " ﺩﻩﭖ ﺗﻪﻛﯩﺘﻠﯩﮕﻪﻥ ﺷﯘﻧﯩﯖﺪﻩﻙ ﻳﻪﻧﻪ " ﺋﺎﻣﯧﺮﯨﻜﺎ ﺧﯩﺘﺎﻱ ﺧﻪﻟﻘﯩﻨﯩﯔ ﺋﯩﻨﺴﺎﻧﯩﻴﻪﺗﻨﯩﯔ ﺗﻪﺑﯩﺌﻲ ﻫﻮﻗﯘﻗﻰ ﺑﻮﻟﻐﺎﻥ ﺋﺎﺳﺎﺳﻰ ﺋﻪﺭﻛﯩﻨﻠﯩﻜﺘﯩﻦ ﺑﻪﻫﺮﯨﻤﺎﻥ ﺑﻮﻟﯘﺷﻘﺎ ﻣﯘﻧﺎﺳﯩﭗ ﺋﯩﻜﻪﻧﻠﯩﻜﯩﮕﻪ ﺋﯩﺸﯩﻨﯩﺪﯗ. ﺷﯘﯕﺎ ﺋﺎﻣﯧﺮﯨﻜﺎ ﺧﯩﺘﺎﻳﻨﯩﯔ ﺳﯩﻴﺎﺳﻰ ﺋﯚﻛﺘﯩﭽﯩﻠﻪﺭﻧﻰ، ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﻪﺗﭽﯩﻠﯩﺮﯨﻨﻰ، ﺩﯨﻨﯩﻲ ﺯﺍﺗﻼﺭﻧﻰ ﺗﯘﺗﻘﯘﻥ ﻗﯩﻠﯩﺸﯩﻐﺎ ﻗﻪﺗﺌﯩﻲ ﻗﺎﺭﺷﻰ ﺗﯘﺭﯨﺪﯗ. ﺑﯩﺰﻧﯩﯔ ﺋﯧﭽﯩﯟﯦﺘﯩﺶ، ﯞﻩ ﺋﺎﺩﺍﻟﻪﺗﻨﻰ ﺗﻪﻛﯩﺘﻠﯩﺸﯩﻤﯩﺰ ﺋﯚﺯﯨﻤﯩﺰﻧﯩﯔ ﻗﯩﻤﻤﻪﺕ ﻗﺎﺭﯨﺸﯩﻨﻰ ﺗﯧﯖﯩﺶ ﺋﯜﭼﯜﻥ ﺋﻪﻣﻪﺱ، ﺑﻪﻟﻜﻰ ﺧﯩﺘﺎﻱ ﺧﻪﻟﻘﯩﻨﯩﯔ ﺋﯚﺯﯨﻨﻰ ﺋﯩﭙﺎﺩﯨﻠﯩﺸﻰ ﺋﯜﭼﯜﻧﺪﯗﺭ،" ﺩﯦﮕﻪﻥ.

ﺟﻮﺭﺝ ﺑﯘﺵ ﺑﯧﻴﺠﯩﯖﻐﺎ ﻳﯧﺘﯩﭗ ﻛﻪﻟﮕﻪﻧﺪﯨﻦ ﻛﯧﻴﯩﻦ ﺋﺎﻣﯧﺮﯨﻜﯩﻨﯩﯔ ﺑﯧﻴﺠﯩﯖﺪﯨﻜﻰ ﺋﻪﻟﭽﯩﺨﺎﻧﯩﺴﯩﺪﺍ ﺋﯚﺗﻜﯜﺯﯛﻟﮕﻪﻥ ﻳﯩﻐﯩﻨﺪﺍ ﻫﻪﻣﺪﻩ ﺧﯩﺘﺎﻱ ﺭﻩﺋﯩﺴﻰ ﺧﯘ ﺟﯩﻨﺘﺎﯞ ﺑﯩﻠﻪﻥ ﻛﯚﺭﯛﺷﻜﻪﻧﺪﻩ ﺧﯩﺘﺎﻳﻨﻰ ﻛﯩﺸﯩﻠﯩﻚ ﻫﻮﻗﯘﻗﻠﯩﺮﯨﻨﻰ ﻳﺎﺧﺸﯩﻼﺷﻘﺎ ﭼﺎﻗﯩﺮﺩﻯ.