ﺧﯩﺘﺎﻱ ﻫﯚﻛﯜﻣﯩﺘﻰ ﺋﯜﺭﯛﻣﭽﯩﺪﻩ ﺋﻮﻟﺘﯘﺭﺍﻗﻠﯩﺸﯩﺶ ﺑﻪﻟﮕﯩﻠﯩﻤﯩﻠﯩﺮﯨﻨﻰ ﻛﯜﭼﻪﻳﺘﺘﻰ

ﺧﯩﺘﺎﻱ ﻫﯚﻛﯜﻣﯩﺘﻰ 5 ‏ - ﺋﯩﻴﯘﻟﺪﯨﻜﻰ ﺋﯜﺭﯛﻣﭽﻰ ﯞﻩﻗﻪﺳﯩﮕﻪ ﺟﺎﯞﺍﺑﻪﻥ، ﺋﯘﻳﻐﯘﺭ ﻛﯚﭼﻤﻪ ﻧﻮﭘﯘﺳﯩﻨﯩﯔ ﺋﯜﺭﯛﻣﭽﻰ ﺷﻪﻫﯩﺮﯨﮕﻪ ﻛﯧﻠﯩﭗ ﺋﻮﻟﺘﯘﺭﺍﻗﻠﯩﺸﯩﺸﯩﻨﻰ ﭼﻪﻛﻠﻪﻳﺪﯨﻐﺎﻥ ﺑﯩﺮ ﻗﺎﺗﺎﺭ ﺗﻪﺩﺑﯩﺮﻟﻪﺭﻧﻰ ﻳﻮﻟﻐﺎ ﻗﻮﻳﺪﻯ.

ﺧﻮﯕﻜﻮﯕﺪﯨﻜﻰ "ﺟﻪﻧﯘﺑﯩﻲ ﺟﯘﯕﮕﻮ ﺋﻪﺗﯩﮕﻪﻧﻠﯩﻚ ﭘﻮﭼﺘﺎ ﮔﯧﺰﯨﺘﻰ"ﺩﻩ ﻛﯚﺭﺳﯩﺘﯩﻠﯩﺸﯩﭽﻪ، ﺋﯜﺭﯛﻣﭽﻰ ﺷﻪﻫﻪﺭﻟﯩﻚ ﻫﯚﻛﯜﻣﻪﺕ ﻳﯧﻘﯩﻨﺪﺍ ﭼﯩﻘﺎﺭﻏﺎﻥ ﺑﯘ ﺑﻪﻟﮕﯩﻠﯩﻤﯩﺪﻩ ﻳﻪﻧﻪ، ﺋﯚﻱ ﺋﯩﮕﯩﺴﯩﺪﯨﻦ ﺋﯩﺠﺎﺭﻩ ﺑﯧﺮﯨﻠﯩﺪﯨﻐﺎﻥ ﺋﯚﻳﻠﻪﺭﻧﻰ ﺗﯩﺰﯨﻤﻐﺎ ﺋﺎﻟﺪﯗﺭﯗﭖ، ﺋﯩﺠﺎﺭﯨﻜﻪﺷﻠﻪﺭﻧﯩﯔ ﻫﻪﺭﯨﻜﯩﺘﯩﻨﻰ ﻧﺎﺯﺍﺭﻩﺕ ﻗﯩﻠﯩﺶ، ﺷﯜﺑﻬﯩﻠﯩﻚ ﻫﻪﺭﯨﻜﻪﺗﻠﻪﺭﻧﻰ ﺑﺎﻳﻘﯩﺴﺎ، ﺳﺎﻗﭽﯩﻐﺎ ﻣﻪﻟﯘﻡ ﻗﯩﻠﯩﺶ ﺗﻪﻟﻪﭖ ﻗﯩﻠﯩﻨﻐﺎﻥ.

ﻳﺎﭘﻮﻧﯩﻴﻪ ﻛﺎﮔﻮﺷﯩﻤﺎ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺋﻮﻗﯘﺗﻘﯘﭼﯩﺴﻰ، ﺗﺎﺭﯨﺦ ﭘﻪﻧﻠﻪﺭ ﺩﻭﻛﺘﻮﺭﻯ ﻗﯘﺗﻠﯘﻕ ﻫﺎﺟﻰ ﻗﺎﺩﯨﺮﻯ، ﻣﻪﺯﻛﯘﺭ ﺑﻪﻟﮕﯩﻠﯩﻤﯩﻨﯩﯔ ﺋﯘﻳﻐﯘﺭ ﻛﯚﭼﻤﻪ ﻧﻮﭘﯘﺳﯩﻐﺎ ﻗﺎﺭﯨﺘﯩﻠﻐﺎﻧﻠﯩﻘﻰ ﯞﻩ ﺑﯘﻧﯩﯔ ﺷﻪﻫﻪﺭ ﺋﺎﺗﻼﭖ ﺗﯩﺮﯨﻜﭽﯩﻠﯩﻚ ﻗﯩﻠﯩﺪﯨﻐﺎﻥ ﺋﯘﻳﻐﯘﺭﻻﺭﻏﺎ ﺯﻭﺭ ﻗﯩﻴﯩﻨﭽﯩﻠﯩﻘﻼﺭﻧﻰ ﺗﯘﻏﺪﯗﺭﯨﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﻗﯩﺮﻏﯩﺰﯨﺴﺘﺎﻧﺪﯨﻜﻰ ﺋﯘﻳﻐﯘﺭﻻﺭ ﻳﯩﻐﯩﻠﯩﺶ ﺋﯜﺗﻜﯜﺯﯛﭖ، ﺧﯩﺘﺎﻳﻨﯩﯔ 5 - ﺋﯩﻴﯘﻝ ﺋﯜﺭﯛﻣﭽﻰ ﻧﺎﻣﺎﻳﯩﺸﯩﻨﻰ ﻗﺎﻧﻠﯩﻖ ﺑﺎﺳﺘﯘﺭﻏﺎﻧﻠﯩﻘﯩﻐﺎ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﺩﻯ

10 - ﺋﺎﯞﻏﯘﺳﺖ ﻗﯩﺮﻏﯩﺰﯨﺴﺘﺎﻧﺪﯨﻜﻰ ﺋﯘﻳﻐﯘﺭﻻﺭ ﻳﯩﻐﯩﻠﯩﺶ ﺋﯜﺗﻜﯜﺯﯛﭖ، ﺧﯩﺘﺎﻳﻨﯩﯔ 5 - ﺋﯩﻴﯘﻝ ﺋﯜﺭﯛﻣﭽﻰ ﻧﺎﻣﺎﻳﯩﺸﯩﻨﻰ ﻗﺎﻧﻠﯩﻖ ﺑﺎﺳﺘﯘﺭﻏﺎﻧﻠﯩﻘﯩﻐﺎ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﺩﻯ.

ﻣﻪﻟﯘﻡ ﺑﻮﻟﯘﺷﯩﭽﻪ، ﻳﯩﻐﯩﻨﻨﻰ ﻗﯩﺮﻏﯩﺰﯨﺴﺘﺎﻧﺪﺍ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ "ﻗﯩﺮﻏﯩﺰﯨﺴﺘﺎﻥ ﺋﯘﻳﻐﯘﺭﻟﯩﺮﯨﻨﯩﯔ ﺋﯩﺘﺘﯩﭙﺎﻕ ﺟﻪﻣﺌﯩﻴﯩﺘﻰ" ﺗﻪﺷﻜﯩﻠﻠﯩﮕﻪﻥ.

ﺗﻪﺷﻜﯩﻼﺕ ﺭﻩﺋﯩﺴﻰ ﺩﯨﻠﻤﯘﺭﺍﺕ ﺋﻪﻛﺒﻪﺭﻭﻑ ﺧﯩﺘﺎﻳﻼﺭﻧﯩﯔ "26 - ﺋﯩﻴﯘﻥ ﺷﺎﯞﮔﯘﻩﻥ ﯞﻩﻗﻪﺳﻰ" ﺩﻩ ﺋﯘﻳﻐﯘﺭﻻﺭﻧﻰ ﻗﯩﺮﻏﯩﻦ ﻗﯩﻠﻐﺎﻧﻠﯩﻘﻰ، ﺋﻪﻣﻤﺎ ﺧﯩﺘﺎﻳﻨﯩﯔ ﺑﯘ ﻫﻪﻗﺘﯩﻜﻰ ﺩﻩﻟﯩﻞ - ﺋﯩﺴﭙﺎﺗﻼﺭﻧﻰ ﻳﻮﺷﯘﺭﻏﺎﻧﻠﯩﻘﯩﻨﻰ ﻛﯚﺭﺳﻪﺗﺘﻰ ﯞﻩ ﻣﻪﺯﻛﯘﺭ ﯞﻩﻗﻪﮔﻪ ﺋﺎﻻﻗﯩﺪﺍﺭ ﺟﯩﻨﺎﻳﻪﺗﭽﯩﻠﻪﺭﻧﯩﯔ ﺟﺎﺯﺍﻟﯩﻨﯩﺸﯩﻨﻰ ﺗﻪﻟﻪﭖ ﻗﯩﻠﺪﻯ.

ﻳﯩﻐﯩﻦ ﻗﺎﺗﻨﺎﺷﭽﯩﻠﯩﺮﻯ ﺧﯩﺘﺎﻳﻨﻰ " ﺗﯧﺮﺭﻭﺭﭼﻰ ﺩﯙﻟﻪﺕ" ﺩﻩﭖ ﺋﺎﺗﯩﺪﻯ ﯞﻩ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﻰ ﺋﯜﺭﯛﻣﭽﻰ ﯞﻩﻗﻪﺳﻰ ﺋﯜﺳﺘﯩﺪﯨﻦ ﻣﯘﺳﺘﻪﻗﯩﻞ ﺗﻪﻛﺸﯜﺭﯛﺵ ﺋﯧﻠﯩﭗ ﺑﯧﺮﯨﺸﻘﺎ ﭼﺎﻗﯩﺮﺩﻯ.

ﺋﯘﻻﺭ ﻳﻪﻧﻪ، " ﺋﯘﻳﻐﯘﺭﻻﺭﻏﺎ ﺋﻪﺭﻛﯩﻨﻠﯩﻚ" ﺩﯦﮕﻪﻧﺪﻩﻙ ﺷﻮﺋﺎﺭﻻﺭﻧﻰ ﺗﻮﯞﻻﺷﺘﻰ.

ﺩ ﺋﯘ ﻕ ﯞﻩﻛﯩﻠﻠﯩﺮﻯ ﺏ ﺩ ﺕ ﻳﯩﻐﯩﻨﯩﺪﺍ ﺳﯚﺯ ﻗﯩﻠﺪﻯ

3 - ﺋﺎﯞﻏﯘﺳﺖ ﺏ ﺩ ﺕ ﻧﯩﯔ ﺟﻪﻧﯟﻩﺩﯨﻜﻰ ﺑﺎﺵ ﺷﺘﺎﺑﯩﺪﺍ " ﺋﯩﺮﻗﯩﻲ ﻣﻪﺳﯩﻠﯩﻠﻪﺭﻧﻰ ﻛﯚﺯﺩﯨﻦ ﻛﯚﭼﯜﺭﯛﺵ ﻳﯩﻐﯩﻨﻰ" ﺑﺎﺷﻼﻧﺪﻯ. ﺑﯘ ﻳﯩﻐﯩﻨﻐﺎ ﺋﯘﻳﻐﯘﺭﻻﺭﻏﺎ ﯞﺍﻛﺎﻟﯩﺘﻪﻥ ﺩ ﺋﯘ ﻕ ﯞﻩﻛﯩﻠﻠﯩﺮﯨﻤﯘ ﺗﻪﻛﻠﯩﭙﻜﻪ ﺑﯩﻨﺎﺋﻪﻥ ﻗﺎﺗﻨﺎﺷﺘﻰ.

ﻳﯩﻐﯩﻦ ﺏ ﺩ ﺕ ﺋﯩﺮﻗﯩﻲ ﺋﺎﻳﺮﯨﻤﯩﭽﯩﻠﯩﻘﻘﺎ ﻗﺎﺭﺷﻰ ﺗﯘﺭﯗﺵ ﻛﻮﻣﯩﺘﯧﺘﻰ ﺗﻪﺭﯨﭙﯩﺪﯨﻦ ﺗﻪﺷﻜﯩﻠﻠﻪﻧﮕﻪﻥ ﺑﻮﻟﯘﭖ، 8 - ﺋﺎﻳﻨﯩﯔ 7 - ﻛﯜﻧﯩﺪﯨﻦ 10 - ﻛﯜﻧﯩﮕﯩﭽﻪ ﻣﻪﺧﺴﯘﺱ "ﺧﯩﺘﺎﻳﺪﯨﻜﻰ ﺋﯩﺮﻗﯩﻲ ﻣﻪﺳﯩﻠﯩﻨﻰ ﻛﯚﺯﺩﯨﻦ ﻛﯚﭼﯜﺭﯛﺵ" ﻣﯘﺯﺍﻛﯩﺮﯨﺴﻰ ﺑﻮﻟﯘﭖ ﺋﯚﺗﻜﻪﻥ.

ﺑﯘ ﻗﯧﺘﯩﻤﻘﻰ ﻳﯩﻐﯩﻨﺪﺍ ﺋﯘﻳﻐﯘﺭﻻﺭ ﻣﻪﺳﯩﻠﯩﺴﻰ ﺋﺎﻻﻫﯩﺪﻩ ﺩﯨﻘﻘﻪﺗﻨﻰ ﺗﺎﺭﺗﻘﺎﻥ ﯞﻩ ﺏ ﺩ ﺕ ﺋﯩﺮﻗﯩﻲ ﺋﺎﻳﺮﯨﻤﯩﭽﯩﻠﯩﻘﻘﺎ ﻗﺎﺭﺷﻰ ﺗﯘﺭﯗﺵ ﻛﻮﻣﯩﺘﯧﺘﻰ ﺋﻪﺯﺍﻟﯩﺮﯨﻨﯩﯔ ﺟﯩﺪﺩﯨﻲ ﻛﯚﯕﯜﻝ ﺑﯚﻟﮕﻪﻥ ﻣﻪﺳﯩﻠﯩﺴﯩﮕﻪ ﺋﺎﻳﻼﻧﻐﺎﻥ. ﺧﯩﺘﺎﻱ ﻫﯚﻛﯜﻣﯩﺘﻰ ﯞﻩﻛﯩﻠﻠﻪﺭ ﺋﯚﻣﯩﻜﻰ ﺏ ﺩ ﺕ ﺧﺎﺩﯨﻤﻠﯩﺮﯨﻨﯩﯔ ﻗﺎﺗﺘﯩﻖ ﺳﻮﺭﺍﻕ - ﺳﻮﺋﺎﻟﻠﯩﺮﯨﻐﺎ ﺩﯗﭺ ﻛﻪﻟﮕﻪﻥ

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ﺋﺎﯞﺳﺘﺮﺍﻟﯩﻴﻪ ﺯﯨﻴﺎﺭﯨﺘﻰ ﻏﻪﻟﯩﺒﯩﻠﯩﻚ ﺋﺎﺧﯩﺮﻻﺷﺘﻰ

ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﯩﯔ ﺭﻩﻫﺒﯩﺮﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ، 10 ﻛﯜﻥ ﺩﺍﯞﺍﻣﻼﺷﻘﺎﻥ ﺋﺎﯞﺳﺘﺮﺍﻟﯩﻴﻪ ﺯﯨﻴﺎﺭﯨﺘﯩﻨﻰ ﺑﯜﮔﯜﻥ ﻏﻪﻟﯩﺒﯩﻠﯩﻚ ﺋﺎﺧﯩﺮﻻﺷﺘﯘﺭﺩﻯ. ﻗﺎﻳﺘﯩﺶ ﺳﻪﭘﯩﺮﻯ ﺋﺎﻟﺪﯨﺪﺍ ﻣﯘﺧﺒﯩﺮﯨﻤﯩﺰﻧﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻥ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ، 10 ﻛﯜﻧﻠﯜﻙ ﺯﯨﻴﺎﺭﯨﺘﯩﻨﯩﯔ ﻣﯘﻫﯩﻢ ﻧﯘﻗﺘﯩﻠﯩﺮﻯ ﻫﻪﻗﻘﯩﺪﻩ ﺗﻪﺳﯩﺮﺍﺗﯩﻨﻰ ﺳﯚﺯﻟﻪﭖ ﺑﻪﺭﺩﻯ ﯞﻩ ﯞﻩﺗﻪﻥ ﺋﯩﭽﯩﺪﯨﻜﻰ ﺧﻪﻟﻘﻘﻪ ﺳﺎﻻﻡ ﻳﻮﻟﻠﯩﺪﻯ.

ﺭﺍﺑﯩﻴﻪ ﺧﺎﻧﯩﻢ ﻣﯧﻠﺒﯘﺭﻥ ﺧﻪﻟﻘﺌﺎﺭﺍ ﻛﯩﻨﻮ ﻓﯧﺴﺘﯩﯟﺍﻟﯩﻐﺎ ﻗﻮﻳﯘﻟﻐﺎﻥ، ﻣﯘﻫﻪﺑﺒﻪﺗﻨﯩﯔ ﺋﻮﻥ ﺷﻪﺭﺗﻰ" ﻧﺎﻣﻠﯩﻖ ﻫﯚﺟﺠﻪﺗﻠﯩﻚ ﻓﯩﻠﯩﻤﻨﯩﯔ ﺗﯘﻧﺠﻰ ﻗﻮﻳﯘﻟﯘﺵ ﻣﯘﺭﺍﺳﯩﻤﻰ ﺋﯜﭼﯜﻥ ﺋﺎﯞﺳﺘﺮﺍﻟﯩﻴﯩﮕﻪ ﻛﻪﻟﮕﻪﻥ ﺋﯩﺪﻯ.

ﺧﺎﻧﯩﻤﻨﯩﯔ ﺑﯘ ﻧﯚﯞﻩﺗﻠﯩﻚ ﺋﺎﯞﺳﺘﺮﺍﻟﯩﻴﻪ ﺯﯨﻴﺎﺭﯨﺘﻰ ﺋﺎﯞﺳﺘﺮﺍﻟﯩﻴﻪ- ﺧﯩﺘﺎﻱ ﻣﯘﻧﺎﺳﯩﯟﻩﺗﻠﯩﺮﯨﻨﻰ ﺟﯩﺪﺩﯨﻴﻠﻪﺷﺘﯜﺭﮔﻪﻥ.

ﺧﯩﺘﺎﻱ " ﻣﯘﻫﻪﺑﺒﻪﺗﻨﯩﯔ ﺋﻮﻥ ﺷﻪﺭﺗﻰ" ﻧﻰ ﻛﯩﻨﻮ ﻓﯧﺴﺘﯩﯟﺍﻟﺪﯨﻦ ﭼﯩﻘﯩﺮﯨﭗ ﺗﺎﺷﻼﺵ ﺋﯜﭼﯜﻥ ﻫﻪﺭﺧﯩﻞ ﯞﺍﺳﯩﺘﯩﻠﻪﺭﻧﻰ ﻗﻮﻟﻼﻧﻐﺎﻥ ﺑﻮﻟﺴﯩﻤﯘ، ﻧﻪﺗﯩﺠﻪ ﻗﺎﺯﯨﻨﺎﻟﻤﯩﻐﺎﻥ ﺋﯩﺪﻯ.

ﻗﺎﺯﺍﻗﯩﺴﺘﺎﻧﺪﯨﻜﻰ ﺋﯘﻳﻐﯘﺭﻻﺭ ﻧﻪﺯﯨﺮ ﻗﯩﻠﯩﭗ 5 - ﺋﯩﻴﯘﻝ ﻗﺎﻧﻠﯩﻖ ﯞﻩﻗﻪﺳﯩﻨﻰ ﺧﺎﺗﯩﺮﯨﻠﯩﺪﻯ

ﭘﻪﻳﺸﻪﻧﺒﻪ ﻛﯜﻧﻰ، ﻗﺎﺯﺍﻗﯩﺴﺘﺎﻧﻨﯩﯔ ﺋﺎﻟﻤﯘﺗﺎ ﺷﻪﻫﯩﺮﯨﺪﯨﻜﻰ ﺋﯘﻳﻐﯘﺭﻻﺭ ﻧﻪﺯﯨﺮ ﺋﯚﺗﻜﯜﺯﯛﭖ 5 - ﺋﯩﻴﯘﻝ ﺋﯜﺭﯛﻣﭽﻰ ﻗﺎﻧﻠﯩﻖ ﯞﻩﻗﻪﺳﯩﺪﻩ ﻫﺎﻳﺎﺗﯩﺪﯨﻦ ﺋﺎﻳﺮﯨﻠﻐﺎﻥ ﺋﯘﻳﻐﯘﺭﻻﺭ ﺋﯜﭼﯜﻥ ﻣﺎﺗﻪﻡ ﺗﯘﺗﺘﻰ.

ﺋﺎﻟﻤﯘﺗﺎ ﺳﯘﻟﺘﺎﻥ ﻗﻮﺭﻏﺎﻥ ﺭﺍﻳﻮﻧﯩﺪﯨﻜﻰ ﺋﯧﻠﻰ ﻣﯘﻫﻪﻣﻤﻪﺕ ﻣﻪﺳﭽﯩﺘﯩﺪﻩ ﺋﯚﺗﻜﯜﺯﯛﻟﮕﻪﻥ ﻗﯩﺮﯨﻖ ﻧﻪﺯﯨﺮﯨﮕﻪ 500 ﺩﯨﻦ ﺋﺎﺭﺗﯘﻕ ﻛﯩﺸﻰ ﻗﺎﺗﻨﺎﺷﻘﺎﻥ ﺑﻮﻟﯘﭖ، ﺋﯘﻻﺭﻧﯩﯔ ﻫﻪﻣﻤﯩﺴﻰ ﻣﻪﻳﺪﯨﻠﯩﺮﯨﮕﻪ ﺋﺎﻱ - ﻳﯘﻟﺘﯘﺯﻟﯘﻕ ﻛﯚﻙ ﺑﺎﻳﺮﺍﻕ ﭼﯜﺷﯜﺭﯛﻟﮕﻪﻥ ﺋﯩﺰﻧﺎﻛﻼﺭﻧﻰ ﺗﺎﻗﯩﯟﺍﻟﻐﺎﻥ.


5- ﺋﯩﻴﯘﻝ ﺋﯜﺭﯛﻣﭽﻰ ﻧﺎﻣﺎﻳﯩﺸﻰ ﻗﺎﻧﻠﯩﻖ ﺑﺎﺳﺘﯘﺭﯗﻟﯘﭖ ﺋﯘﺯﯗﻥ ﺋﯚﺗﻤﻪﻱ، ﻗﺎﺯﺍﻗﯩﺴﺘﺎﻧﺪﯨﻜﻰ ﺋﯘﻳﻐﯘﺭﻻﺭ 5000 ﻛﯩﺸﯩﻠﯩﻚ ﻳﯩﻐﯩﻠﯩﺶ ﺋﯚﺗﻜﯜﺯﯛﭖ، ﺧﯩﺘﺎﻳﻨﯩﯔ ﺋﯘﻳﻐﯘﺭﻻﺭ ﺋﯜﺳﺘﯩﺪﯨﻦ ﻳﯜﺭﮔﯜﺯﮔﻪﻥ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﯩﻨﻰ ﺋﻪﻳﯩﺒﻠﯩﮕﻪﻥ ﺋﯩﺪﻯ.

ﺏ ﺩ ﺕ ﺗﻪﻥ ﻣﯘﺗﻪﺧﻪﺳﺴﯩﺴﻰ ﻧﻮﯞﺍﻙ: " ﺷﯩﻨﺠﺎﯓ ﺋﻮﻣﯘﻣﻴﯜﺯﻟﯜﻙ ﺑﯧﺴﯩﻢ ﺋﺎﺳﺘﯩﺪﺍ"

ﺏ ﺩ ﺕ ﺗﻪﻥ ﺟﺎﺯﺍﺳﯩﻐﺎ ﻗﺎﺭﺷﻰ ﺗﯘﺭﯗﺵ ﻛﻮﻣﯩﺘﯧﺘﻨﯩﯔ ﻣﯘﺗﻪﺧﻪﺳﺴﯩﺴﻰ ﻣﺎﻧﻔﺮﯦﺪ ﻧﻮﯞﺍﻙ "ﺑﯜﻳﯜﻙ ﺋﯧﺮﺍ ﮔﯧﺰﯨﺘﻰ" ﺩﻩ ﭘﯩﻜﯩﺮ ﺑﺎﻳﺎﻥ ﻗﯩﻠﯩﭗ، ﻧﯚﯞﻩﺗﺘﻪ ﺋﯘﻳﻐﯘﺭ ﺋﯧﻠﯩﻨﯩﯔ ﺋﻮﻣﯘﻣﻴﯜﺯﻟﯜﻙ ﺑﯧﺴﯩﻢ ﯞﻩ ﺋﯧﻐﯩﺮ ﺯﯗﻟﯘﻡ ﺋﺎﺳﺘﯩﺪﺍ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﺋﯘ ﺑﯜﻳﯜﻙ ﺋﯧﺮﺍ ﮔﯧﺰﯨﺘﯩﺪﯨﻜﻰ ﺳﯚﺯﯨﺪﻩ، ﺋﯘﻳﻐﯘﺭ ﺭﺍﻳﻮﻧﯩﻨﯩﯔ ﯞﻩﺯﯨﻴﯩﺘﻰ ﻫﻪﻗﻘﯩﺪﻩ ﻣﯘﻧﺪﺍﻕ ﺩﻩﻳﺪﯗ: "ﺑﯘ ﺭﺍﻳﻮﻧﺪﺍ ﺑﯚﻟﮕﯜﻧﭽﻰ ﺑﻮﻟﯘﭖ ﻗﺎﺭﯨﻠﯩﻨﯩﺶ ﻧﺎﻫﺎﻳﯩﺘﻰ ﺋﺎﺳﺎﻥ، ﭼﯜﻧﻜﻰ ﺋﯘﻳﻐﯘﺭ ﯞﻩ ﺋﯘﻳﻐﯘﺭﻏﺎ ﻫﯧﺴﺪﺍﺷﻠﯩﻖ ﻗﯩﻠﻐﯘﭼﯩﻼﺭﻧﯩﯔ ﻫﻪﻣﻤﯩﺴﻰ ﮔﯘﻣﺎﻥ ﺋﺎﺳﺘﯩﺪﺍ، ﺷﯘﯕﺎ ﺭﺍﻳﻮﻥ ﻳﻪﻧﻪ ﺋﻮﻣﯘﻣﻴﯜﺯﻟﯜﻙ ﺑﯧﺴﯩﻢ ﺋﺎﺳﺘﯩﺪﺍ."

ﻧﻮﯞﺍﻙ ﺋﻪﭘﻪﻧﺪﻯ ﻧﯚﯞﻩﺗﺘﻪ ﺏ ﺩ ﺕ ﺋﯩﻨﺴﺎﻥ ﻫﻪﻗﻠﯩﺮﻯ ﻛﻮﻣﯩﺘﯧﺘﯩﻨﯩﯔ، ﻣﻪﺳﯩﻠﻪ ﺑﯩﺮ ﺗﻪﺭﻩﭖ ﻗﯩﻠﯩﺸﺘﺎ ﺋﺎﺟﯩﺰﻟﯩﻖ ﻗﯩﻠﯩﯟﺍﺗﻘﺎﻧﻠﯩﻘﻰ، ﭼﯜﻧﻜﻰ ﺑﯘ ﻛﻮﻣﯩﺘﯧﺘﺘﺎ ﺧﯩﺘﺎﻳﻨﯩﯖﻤﯘ ﯞﻩﺯﯨﭙﻪ ﺋﯚﺗﻪﯞﺍﺗﻘﺎﻧﻠﯩﻘﯩﻨﻰ ﺋﻪﺳﻜﻪﺭﺗﻜﻪﻥ.

ﻧﻮﯞﺍﻙ ﺳﯚﺯﯨﺪﻩ ﻳﻪﻧﻪ، ﻳﺎﯞﺭﻭﭘﺎ - ﺧﯩﺘﺎﻱ ﺋﯩﻨﺴﺎﻥ ﻫﻪﻗﻠﯩﺮﻯ ﺳﯚﻫﺒﯩﺘﯩﺪﯨﻤﯘ ﻳﺎﯞﺭﻭﭘﺎ ﺗﻪﺭﻩﭘﻨﯩﯔ ﺧﯩﺘﺎﻳﻐﺎ ﻳﯧﺘﻪﺭﻟﯩﻚ ﺑﯧﺴﯩﻢ ﺋﯩﺸﻠﻪﺗﻤﻪﻳﯟﺍﺗﻘﺎﻧﻠﯩﻘﯩﻨﻰ ﺗﻪﻧﻘﯩﺪﻟﯩﮕﻪﻥ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز