ﺋﯜﺭﯛﻣﭽﻰ ﺷﻪﻫﯩﺮﯨﺪﻩ ﺳﯩﺮﺗﺘﯩﻦ ﻛﻪﻟﮕﻪﻥ ﺋﯘﻳﻐﯘﺭﻻﺭﻧﯩﯔ ﺋﯚﻳﻠﯩﺮﻯ ﭼﯧﻘﯩﻠﻤﺎﻗﺘﺎ

ﺧﯩﺘﺎﻱ ﻫﯚﻛﯜﻣﯩﺘﻰ ﺋﯜﺭﯛﻣﭽﻰ ﺷﻪﻫﯩﺮﯨﺪﯨﻜﻰ ﺋﯘﻳﻐﯘﺭﻻﺭ ﻧﯩﺴﺒﻪﺗﻪﻥ ﺯﯨﭻ ﺋﻮﻟﺘﯘﺭﺍﻗﻼﺷﻘﺎﻥ ﻳﺎﻣﺎﻟﯩﻖ ﺗﯧﻐﻰ، ﺑﻪﻳﮕﻪ ﻣﻪﻳﺪﺍﻧﻰ، ﺩﺍﯞﺍﻥ ﻳﯧﺰﯨﺴﻰ ﺋﻪﺗﺮﺍﭘﯩﺪﯨﻜﻰ ﺋﯚﻳﻠﻪﺭﻧﻰ ﺗﻪﻛﺸﯜﺭﯛﭖ، ﻗﺎﻧﯘﻧﺴﯩﺰ ﺋﯚﻳﻠﻪﺭ ﻗﺎﺗﺎﺭﯨﺪﺍ ﭼﯧﻘﯩﺸﻘﺎ ﺑﺎﺷﻠﯩﻐﺎﻥ.

"5 - ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﻰ" ﺩﯨﻦ ﻛﯧﻴﯩﻦ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﭘﺎﻳﺘﻪﺧﺘﻰ ﺋﯜﺭﯛﻣﭽﯩﺪﻩ ﻛﯚﭼﻤﻪ ﻧﻮﭘﯘﺳﻨﯩﯔ ﺋﻮﻟﺘﯘﺭﺍﻗﻠﯩﺸﯩﺸﯩﻐﺎ ﭼﻪﻛﻠﯩﻤﻪ ﻗﻮﻳﯘﺷﻨﻰ ﻛﯜﭼﻪﻳﺘﯩﺪﯨﻐﺎﻥ ﻳﯧﯖﻰ ﺗﻪﺩﺑﯩﺮﻟﻪﺭﻧﻰ ﻳﻮﻟﻐﺎ ﻗﻮﻳﻐﺎﻥ.

ﺑﯘ ﻫﻪﻗﺘﯩﻜﻰ ﺋﯘﻗﺘﯘﺭﯗﺷﺘﺎ، ﻧﻮﭘﯘﺳﻰ ﺋﯜﺭﯛﻣﭽﯩﺪﻩ ﺑﻮﻟﻤﯩﻐﺎﻧﻼﺭﻧﯩﯔ ﭼﻮﻗﯘﻡ ﻗﻪﺭﻩﻟﻠﯩﻚ ﺋﻮﻟﺘﯘﺭﺍﻗﻨﺎﻣﻪ ﺋﯧﻠﯩﺸﻰ، ﺋﻮﻟﺘﯘﺭﺍﻗﻨﺎﻣﻪ ﺭﯗﺧﺴﯩﺘﯩﻨﻰ ﺩﺍﺋﯩﻢ ﻳﯧﻨﯩﺪﺍ ﺋﯧﻠﯩﭗ ﻳﯜﺭﯛﺷﻰ ﻛﯧﺮﻩﻛﻠﯩﻜﻰ، ﺳﺎﻗﭽﯩﻼﺭ ﺋﯘﻻﺭﻧﻰ ﻛﯚﺭﮔﻪﻥ ﻳﻪﺭﺩﻩ ﺗﻪﻛﺸﯜﺭﯨﺪﯨﻐﺎﻧﻠﯩﻘﻰ ﺗﻪﻛﯩﺘﻠﻪﻧﮕﻪﻥ.

ﺭﺍﺩﯨﺌﻮﻣﯩﺰﻧﯩﯔ ﺋﯘﻳﻐﯘﺭ ﺑﯚﻟﯜﻣﯩﮕﻪ ﺗﯧﻠﯧﻔﻮﻥ ﻗﯩﻠﻐﺎﻥ ﻛﯩﺸﻰ، ﺋﯜﺭﯛﻣﭽﻰ ﺷﻪﻫﻪﺭﻟﯩﻚ ﺋﻮﻱ ﺑﺎﺷﻘﯘﺭﯗﺵ ﺋﯩﺪﺍﺭﯨﺴﯩﺪﯨﻜﻰ ﺧﺎﺩﯨﻤﻼﺭﻧﯩﯔ ﺋﯘﻧﯩﯔ ﺋﯚﻳﯩﮕﻪ ﻛﯧﻠﯩﭗ، ﺋﯘﻻﺭﻧﯩﯔ ﺋﯚﻳﯩﻨﯩﯔ ﻳﻪﺭ ﺧﯧﺘﻰ ﻫﻪﻡ ﺋﻮﻱ ﻛﯩﻨﯩﺸﻜﯩﺴﯩﻨﻰ ﺳﯜﺭﯛﺷﺘﯜﺭﯛﯞﺍﺗﻘﺎﻧﻠﯩﻘﯩﻨﻰ ﺋﯩﻨﻜﺎﺱ ﻗﯩﻠﺪﻯ.

ﺋﺎﻟﻤﯘﺗﯩﺪﺍ 5 - ﺋﯩﻴﯘﻝ ﻗﯘﺭﺑﺎﻧﻠﯩﺮﯨﻐﺎ ﺋﺎﺗﺎﭖ 40 ﻧﻪﺯﯨﺮ ﺋﯚﺗﻜﯜﺯﯛﻟﺪﻯ

13 - ﺋﺎﯞﻏﯘﺳﺖ ﺋﺎﻟﻤﺎﺗﺎ ﺷﻪﻫﯩﺮﯨﺪﯨﻜﻰ ﺋﯘﻳﻐﯘﺭﻻﺭ 5 - ﺋﯩﻴﯘﻝ ﺧﯩﺘﺎﻱ ﻗﯩﺮﻏﯩﻨﭽﯩﻠﯩﻘﯩﺪﺍ ﺋﯚﻟﯜﭖ ﻛﻪﺗﻜﻪﻥ ﺋﯘﻳﻐﯘﺭﻻﺭﻏﺎ ﺋﺎﺗﺎﭖ 40 ﻧﻪﺯﯨﺮ ﺑﻪﺭﺩﻯ. ﻧﻪﺯﯨﺮ ﺋﺎﻟﻤﺎﺗﺎﺩﯨﻜﻰ ﺋﯘﻳﻐﯘﺭﻻﺭ ﺋﻪﯓ ﻛﯚﭖ ﺋﻮﻟﺘﯘﺭﺍﻗﻼﺷﻘﺎﻥ ﺭﺍﻳﻮﻧﻼﺭﺩﯨﻦ ﺳﯘﻟﺘﺎﻥ ﻗﻮﺭﻏﺎﻧﻐﺎ ﺟﺎﻳﻼﺷﻘﺎﻥ ﺋﯧﻠﻰ ﻣﯘﻫﻪﻣﻤﻪﺩ ﻣﻪﺳﭽﯩﺘﯩﺪﻩ ﺋﯚﺗﻜﯜﺯﯛﻟﺪﻯ.

5 - ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﻰ ﻳﯜﺯ ﺑﻪﺭﮔﻪﻧﺪﯨﻦ ﻛﯧﻴﯩﻦ ﻗﺎﺯﺍﻗﯩﺴﺘﺎﻧﺪﯨﻜﻰ ﺋﯘﻳﻐﯘﺭ ﺟﺎﻣﺎﺋﯩﺘﻰ، ﺗﯜﺭﻟﯜﻙ ﭘﺎﺋﺎﻟﯩﻴﻪﺗﻠﻪﺭﻧﻰ ﺗﻪﺷﻜﯩﻠﻠﻪﭖ، "5 - ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﻰ" ﺩﻩ ﻗﯘﺭﺑﺎﻥ ﺑﻮﻟﻐﺎﻥ ﺋﯘﻳﻐﯘﺭ ﻗﯧﺮﯨﻨﺪﺍﺷﻠﯩﺮﯨﻐﺎ ﺋﺎﺗﺎﭖ ﻗﯘﺭﺋﺎﻥ - ﺧﻪﺗﻤﻪ، ﻧﻪﺯﯨﺮ - ﭼﯩﺮﺍﻏﻼﺭﻧﻰ ﺋﯚﺗﻜﯜﺯﯛﭖ ﻛﻪﻟﻤﻪﻛﺘﻪ ﺋﯩﺪﻯ.

13 - ﺋﺎﯞﻏﯘﺳﺖ، ﺋﺎﻟﻤﺎﺗﺎﺩﯨﻜﻰ ﺋﯘﻳﻐﯘﺭ ﺟﺎﻣﺎﺋﯩﺘﻰ "ﺋﯜﺭﯛﻣﭽﻰ ﯞﻩﻗﻪﺳﻰ"ﺩﻩ ﻗﯘﺭﺑﺎﻥ ﺑﻮﻟﻐﺎﻥ ﺋﯘﻳﻐﯘﺭﻻﺭﻧﯩﯔ ﺭﻭﻫﯩﻐﺎ ﺋﺎﺗﺎﭖ ﺩﯗﺋﺎ ﻗﯩﻠﻐﺎﻧﺪﯨﻦ ﺑﺎﺷﻘﺎ ﻳﻪﻧﻪ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭﻻﺭ ﺋﯜﺳﺘﯩﺪﯨﻦ ﺋﯧﻠﯩﭗ ﺑﺎﺭﻏﺎﻥ ﺑﺎﺳﺘﯘﺭﯗﺵ ﻫﻪﺭﯨﻜﻪﺗﻠﯩﺮﯨﮕﻪ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﺩﻯ.

ﻳﺎﭘﻮﻧﯩﻴﯩﺪﻩ "ﺑﺎﺗﯘﺭﻻﺭﻧﯩﯔ ﻛﯚﺯ ﻳﯧﺸﻰ - ﺋﻮﻳﻐﺎﻥ ﺋﯘﻳﻐﯘﺭ" ﻧﺎﻣﻠﯩﻖ ﺭﻭﻣﺎﻥ ﻧﻪﺷﺮ ﻗﯩﻠﯩﻨﺪﻯ

ﻳﺎﭘﻮﻧﯩﻴﯩﺪﻩ "ﺑﺎﺗﯘﺭﻻﺭﻧﯩﯔ ﻛﯚﺯ ﻳﯧﺸﻰ - ﺋﻮﻳﻐﺎﻥ ﺋﯘﻳﻐﯘﺭ" ﻧﺎﻣﻠﯩﻖ ﺭﻭﻣﺎﻥ ﻧﻪﺷﺮ ﻗﯩﻠﯩﻨﺪﻯ. ﺭﻭﻣﺎﻥ، ﺋﯘﻳﻐﯘﺭ ﺧﻪﻟﻘﯩﻨﯩﯔ ﺋﺎﺗﺎﻗﻠﯩﻖ ﺷﺎﺋﯩﺮﻯ، ﻳﺎﺯﻏﯘﭼﯩﺴﻰ ﺋﺎﺑﺪﯗﺭﯦﻬﯩﻢ ﺋﯚﺗﻜﯜﺭ ﺋﻪﭘﻪﻧﺪﯨﻨﯩﯔ 1985 - ﻳﯩﻠﻰ ﻧﻪﺷﺮ ﻗﯩﻠﯩﻨﻐﺎﻥ "ﺋﯩﺰ" ﻧﺎﻣﻠﯩﻖ ﺗﺎﺭﯨﺨﯩﻲ ﺭﻭﻣﺎﻧﻰ ﺑﯩﻠﻪﻥ "ﺋﻮﻳﻐﺎﻧﻐﺎﻥ ﺯﯦﻤﯩﻦ" ﻧﺎﻣﻠﯩﻖ ﺭﻭﻣﺎﻧﻠﯩﺮﯨﻐﺎ ﺋﺎﺳﺎﺳﻪﻥ ﺗﻪﺭﺟﯩﻤﻪ ﻗﯩﻠﯩﻨﻐﺎﻥ.

ﻣﻪﺯﻛﯘﺭ ﺭﻭﻣﺎﻧﻨﻰ، ﻳﺎﭘﻮﻧﯩﻴﯩﻠﯩﻚ ﺗﻪﺭﺟﯩﻤﺎﻥ ﯞﻩ ﺋﯘﻳﻐﯘﺭ ﻣﻪﺩﻩﻧﯩﻴﯩﺘﻰ ﺗﻪﺗﻘﯩﻘﺎﺗﭽﯩﺴﻰ ﺋﺎﻳﺎﻛﻮ ﺋﺎﺯﯗﻣﺎ ﺧﺎﻧﯩﻢ ﺗﻪﺭﺟﯩﻤﻪ ﻗﯩﻠﯩﭗ ﻧﻪﺷﺮﮔﻪ ﺳﯘﻧﻐﺎﻥ ﺑﻮﻟﯘﭖ، 2009 - ﻳﯩﻠﻰ 8 - ﺋﺎﻳﻨﯩﯔ 5 - ﻛﯜﻧﻰ ﻳﺎﭘﻮﻧﯩﻴﯩﻨﯩﯔ ﻣﺎﺩﻭﻛﺎ ﻧﻪﺷﺮﯨﻴﺎﺗﻰ ﺗﻪﺭﯨﭙﯩﺪﯨﻦ ﻧﻪﺷﺮ ﻗﯩﻠﯩﻨﺪﻯ.

ﻣﻪﻟﯘﻡ ﺑﻮﻟﯘﺷﯩﭽﻪ، ﻣﯘﺗﻪﺧﻪﺳﺴﯩﺲ ﺋﺎﻳﺎﻛﻮ ﺋﺎﺯﯗﻣﺎ "ﺋﯩﺰ" ﻧﺎﻣﻠﯩﻖ "ﺋﻮﻳﻐﺎﻧﻐﺎﻥ ﺯﯦﻤﯩﻦ" ﻧﺎﻣﻠﯩﻖ ﺑﯘ ﺋﯩﻜﻜﻰ ﺗﺎﺭﯨﺨﯩﻲ ﺭﻭﻣﺎﻧﻰ ﺑﯩﺮﻟﻪﺷﺘﯜﺭﯛﭖ 28 ﺑﺎﺏ ﻗﯩﻠﯩﭗ ﺗﻪﺭﺟﯩﻤﻪ ﻗﯩﻠﻐﺎﻥ. ﺭﻭﻣﺎﻥ، 397 ﺑﻪﺗﺘﯩﻦ ﺗﻪﺭﻛﯩﺐ ﺗﺎﭘﻘﺎﻥ، ﺭﻭﻣﺎﻧﻨﯩﯔ ﺋﯩﭽﻜﻰ ﻗﯩﺴﯩﻤﻠﯩﺮﯨﻐﺎ ﺋﯘﻳﻐﯘﺭﻻﺭﻧﯩﯔ ﻫﺎﺯﯨﺮﻗﻰ ﺗﯘﺭﻣﯘﺷﻰ ﺋﻪﻛﺲ ﺋﻪﺗﺘﯜﺭﯛﻟﮕﻪﻥ ﻓﻮﺗﻮ ﺳﯜﺭﻩﺗﻠﻪﺭ ﻛﯩﺮﮔﯜﺯﯛﻟﮕﻪﻥ.

"ﺭﺍﺑﯩﻴﻪ ﻗﺎﺩﯨﺮ ﺳﻮﺩﺍ ﺳﺎﺭﯨﻴﻰ" ﭼﯧﻘﯩﻠﻤﺎﻗﭽﻰ

ﺭﺍﺩﯨﺌﻮﻣﯩﺰﻏﺎ ﻛﻪﻟﮕﻪﻥ ﺋﯩﻨﻜﺎﺳﻼﺭﺩﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﻧﯘﻗﺘﯩﻠﯩﻖ ﻣﯩﻠﻠﯩﻲ ﺳﻮﺩﺍ ﻣﻪﺭﻛﻪﺯﻟﯩﺮﯨﺪﯨﻦ ﺑﯩﺮﻯ ﺑﻮﻟﻐﺎﻥ "ﺭﺍﺑﯩﻴﻪ ﻗﺎﺩﯨﺮ ﺳﻮﺩﺍ ﺳﺎﺭﯨﻴﻰ" ﯞﻩ "ﺋﻪﻗﯩﺪﻩ ﺳﻮﺩﺍ ﺳﺎﺭﯨﻴﻰ" ﻗﺎﺗﺎﺭﻟﯩﻖ ﺳﻮﺩﺍ ﺳﺎﺭﺍﻳﻠﯩﺮﯨﻨﻰ ﭼﯧﻘﯩﻠﯩﺪﯨﻐﺎﻥ ﺑﯩﻨﺎﻻﺭ ﺗﯩﺰﯨﻤﻠﯩﻜﯩﮕﻪ ﻛﯩﺮﮔﯜﺯﮔﻪﻥ.

ﻳﻪﻧﻪ ﺗﻮﻟﯘﻗﺴﯩﺰ ﻣﻪﻟﯘﻣﺎﺗﻼﺭﺩﯨﻦ ﻗﺎﺭﯨﻐﺎﻧﺪﺍ، "ﺭﺍﺑﯩﻴﻪ ﻗﺎﺩﯨﺮ" ﺳﻮﺩﺍ ﺳﺎﺭﯨﻴﯩﺪﯨﻜﻰ ﺗﯩﺠﺎﺭﻩﺗﭽﯩﻠﻪﺭﮔﻪ ﺑﯩﻨﺎﺩﯨﻦ ﻳﯚﺗﻜﯩﻠﯩﺶ ﻫﻪﻗﻘﯩﺪﻩ ﺗﻪﺷﯟﯨﻘﺎﺕ ﺧﯩﺰﻣﯩﺘﻰ ﺑﺎﺷﻼﻧﻐﺎﻥ. ﭼﻪﺗﺌﻪﻟﮕﻪ ﻳﯧﯖﻰ ﭼﯩﻘﻘﺎﻥ ﺑﯩﺮ ﺋﯘﻳﻐﯘﺭ ﺗﯩﺠﺎﺭﻩﺗﭽﻰ ﺑﯘ ﻫﻪﻗﺘﻪ ﺑﯩﺰﮔﻪ ﻣﻪﻟﯘﻣﺎﺕ ﺑﻪﺭﺩﻯ.

ﻗﯩﺮﻏﯩﺰﯨﺴﺘﺎﻧﺪﺍ ﺗﯩﺠﺎﺭﻩﺕ ﻗﯩﻠﯩﯟﺍﺗﻘﺎﻥ ﺑﯩﺮ ﺋﯘﻳﻐﯘﺭ، ﺭﺍﺑﯩﻴﻪ ﻗﺎﺩﯨﺮ ﺳﺎﺭﯨﻴﯩﻨﯩﯔ ﭼﯧﻘﯩﻠﯩﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ، ﻣﻪﺯﻛﯘﺭ ﺳﻮﺩﺍ ﺳﺎﺭﯨﻴﯩﺪﺍ ﺩﯗﻛﺎﻥ ﺋﯧﭽﯩﯟﺍﺗﻘﺎﻥ ﺋﯘﺭﯗﻕ - ﺗﯘﻏﻘﺎﻧﻠﯩﺮﯨﺪﯨﻦ ﺧﻪﯞﻩﺭ ﺋﺎﯕﻠﯩﻐﺎﻧﻠﯩﻘﯩﻨﻰ، ﻧﯚﯞﻩﺗﺘﻪ ﺋﯘﻻﺭﻧﯩﯔ ﺑﺎﺷﻘﺎ ﺟﺎﻳﻼﺭﺩﯨﻦ ﺩﯗﻛﺎﻥ ﺋﯧﻠﯩﺶ ﺋﯜﭼﯜﻥ ﻫﻪﺭﯨﻜﻪﺕ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺋﺎﻣﻤﺎ ﺑﯘ ﻫﻪﻗﺘﻪ ﺋﯚﺯ ﻛﯚﺯﻗﺎﺭﯨﺸﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ، ﺧﯩﺘﺎﻳﻨﯩﯔ ﺑﯘ ﺧﯩﻠﺪﯨﻜﻰ ﺋﯚﺯﭺ ﺋﯧﻠﯩﺶ ﻫﻪﺭﯨﻜﯩﺘﻰ ﺋﺎﺭﻗﯩﻠﯩﻖ ﺋﯘﻧﯩﯖﻐﺎ ﺯﻩﺭ ﺑﯧﺮﻩﻟﻤﻪﻳﺪﯨﻐﺎﻧﻠﯩﻘﯩﻨﻰ، ﺋﯘﻳﻐﯘﺭﻻﺭﻧﯩﯔ ﻛﯩﺸﯩﻠﯩﻚ ﻫﻮﻗﯘﻗﻰ ﺋﯜﭼﯜﻥ ﺑﺎﺷﻠﯩﻐﺎﻥ ﻛﯜﺭﻩﺷﻠﯩﺮﯨﺪﯨﻦ ﺗﻮﺳﯘﭖ ﻗﺎﻻﻟﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺧﯩﺘﺎﻱ ﻣﯘﺗﻪﺧﻪﺳﺴﯩﺴﻠﯩﺮﻯ ﺧﯩﺘﺎﻱ ﺩﯙﻟﻪﺕ ﺑﺎﻳﺮﯨﻤﯩﻐﺎ " 3 ﺧﯩﻞ ﻛﯜﭼﻠﻪﺭ" ﺩﯨﻦ ﺗﻪﻫﺪﯨﺖ ﻛﯧﻠﯩﺪﯨﻐﺎﻧﻠﯩﻘﯩﻨﻰ ﻛﯚﺭﺳﻪﺗﺘﻰ

ﺧﯩﺘﺎﻱ ﻣﯘﺗﻪﺧﻪﺳﺴﯩﺴﻠﯩﺮﻯ ﺧﯩﺘﺎﻱ ﺩﯙﻟﻪﺕ ﺑﺎﻳﺮﯨﻤﯩﻐﺎ " 3 ﺧﯩﻞ ﻛﯜﭼﻠﻪﺭ" ﺩﯨﻦ ﺗﻪﻫﺪﯨﺖ ﻛﯧﻠﯩﺪﯨﻐﺎﻧﻠﯩﻘﯩﻨﻰ ﻛﯚﺭﺳﻪﺗﻜﻪﻥ ﺑﻮﻟﯘﭖ، ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺑﯧﻴﺠﯩﯔ ﺷﻪﻫﯩﺮﯨﺪﻩ ﺑﯩﺨﻪﺗﻪﺭﻟﯩﻚ ﺗﻪﺩﺑﯩﺮﻟﯩﺮﯨﻨﻰ ﻛﯜﭼﻪﻳﺘﯩﺸﻜﻪ ﺑﺎﺷﻠﯩﻐﺎﻥ.

ﺧﯩﺘﺎﻱ ﺋﺎﺧﺒﺎﺭﺍﺗﻠﯩﺮﯨﺪﺍ ﺧﻪﯞﻩﺭ ﻗﯩﻠﯩﻨﯩﺸﯩﭽﻪ، ﺑﯘ ﺧﯩﻠﺪﯨﻜﻰ ﺗﻪﺩﺑﯩﺮﻟﻪﺭ ﺧﯩﺘﺎﻳﻨﯩﯔ 60 ﻳﯩﻠﻠﯩﻖ ﺩﯙﻟﻪﺕ ﺑﺎﻳﺮﯨﻤﯩﻐﺎ ﻗﺎﺭﯨﺘﯩﻠﯩﺶ ﺋﯧﻬﺘﯩﻤﺎﻟﻰ ﺑﻮﻟﻐﺎﻥ "ﺗﯧﺮﺭﻭﺭﻟﯘﻕ" ﻫﯘﺟﯘﻣﻠﯩﺮﯨﻐﺎ ﻗﺎﺭﺷﻰ ﺋﯧﻠﯩﻨﻐﺎﻥ.

ﺧﻪﯞﻩﺭﺩﻩ ﻧﻪﻗﯩﻞ ﻗﯩﻠﯩﻨﯩﺸﯩﭽﻪ، ﺧﯩﺘﺎﻱ ﺗﯧﺮﺭﻭﺭﻟﯘﻗﻘﺎ ﻗﺎﺭﺷﻰ ﺗﯘﺭﯗﺵ ﻣﯘﺗﻪﺧﻪﺳﺴﯩﺴﻰ ﻟﻰ ﯞﯦﻲ، ﺧﯩﺘﺎﻱ ﺩﯙﻟﻪﺕ ﺑﺎﻳﺮﯨﻤﯩﻐﺎ " ﺑﯚﻟﮕﯜﻧﭽﻰ، ﺩﯨﻨﯩﻲ ﺋﻪﺳﻪﺑﯩﻲ ﯞﻩ ﺗﯧﺮﺭﻭﺭﭼﯩﻼﺭ" ﺩﯨﻦ ﺗﻪﻫﺪﯨﺖ ﻛﯧﻠﯩﺪﯨﻐﺎﻧﻠﯩﻘﯩﻨﻰ ﻛﯚﺭﺳﻪﺗﻜﻪﻥ.

ﺧﻪﯞﻩﺭﺩﻩ، ﺳﺎﻗﭽﯩﻼﺭﻧﯩﯔ ﺑﯧﻴﺠﯩﯖﺪﺍ ﻳﺎﺷﺎﻳﺪﯨﻐﺎﻥ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﯩﯔ ﺗﯘﺭﺍﻟﻐﯘﺳﯩﻨﻰ ﯞﻩ ﭼﻪﺗﺌﻪﻟﺪﯨﻦ ﻗﺎﻳﺘﯩﭗ، ﺑﯧﻴﺠﯩﯖﺪﻩ ﺑﯩﺮ ﻣﻪﺯﮔﯩﻞ ﺗﯘﺭﻏﺎﻧﻼﺭﻧﻰ ﻧﯘﻗﺘﯩﻠﯩﻖ ﻫﻪﺭﯨﻜﻪﺕ ﻧﯩﺸﺎﻧﻰ ﻗﯩﻠﯩﺪﯨﻐﺎﻧﻠﯩﻘﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

"ﺧﯩﺘﺎﻱ ﮔﯧﺰﯨﺘﻰ" ﺩﻩ ﻛﯚﺭﺳﯩﺘﯩﺸﯩﭽﻪ، ﺑﯘ ﻧﯚﯞﻩﺕ ﺑﯧﻴﺠﯩﯖﺪﺍ ﺋﯧﻠﯩﻨﻐﺎﻥ ﺑﯩﺨﻪﺗﻪﺭﻟﯩﻚ ﺗﻪﺩﺑﯩﺮﻟﯩﺮﻯ، " 5 - ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﻰ" ﺑﯩﻠﻪﻧﻤﯘ ﺑﯩﯟﺍﺳﯩﺘﻪ ﺑﺎﻏﻠﯩﻨﯩﺸﻠﯩﻖ ﺋﯩﻜﻪﻥ.

ﻗﺎﺯﺍﻗﯩﺴﺘﺎﻧﺪﺍ ﺋﯘﻳﻐﯘﺭ ﯞﻩ ﻗﺎﺯﺍﻕ ﻳﺎﺷﻠﯩﺮﻯ "5 - ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﻰ"ﮔﻪ ﺋﺎﻻﻗﯩﺪﺍﺭ ﺭﻩﺳﯩﻢ ﻛﯚﺭﮔﻪﺯﻣﯩﺴﻰ ﺋﺎﭼﻤﺎﻗﭽﻰ

ﻗﺎﺯﺍﻗﯩﺴﺘﺎﻧﺪﺍ ﺋﯘﻳﻐﯘﺭ - ﻗﺎﺯﺍﻕ ﻳﺎﺷﻠﯩﺮﻯ ﺑﯩﺮﻟﯩﺸﯩﭗ ﻗﯘﺭﻏﺎﻥ "ﺋﺎﺭﻣﺎﻥ ﺗﻪﺷﻜﯩﻼﺗﻰ" ﻳﯧﺘﻪﻛﭽﯩﻠﯩﺮﻯ ﯞﻩ ﺋﻪﺯﺍﻟﯩﺮﻯ 20 - ﺋﺎﯞﻏﯘﺳﺖ ﺋﺎﻟﻤﺎﺗﺎ ﺷﻪﻫﯩﺮﯨﺪﻩ، "5 - ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﻰ"ﮔﻪ ﺋﺎﻻﻗﯩﺪﺍﺭ ﻣﯘﺧﺒﯩﺮﻻﺭﻧﻰ ﻛﯜﺗﯜﯞﯦﻠﯩﺶ ﻳﯩﻐﯩﻨﻰ ﯞﻩ ﺭﻩﺳﯩﻢ ﻛﯚﺭﮔﻪﺯﻣﯩﺴﯩﻨﻰ ﺋﯧﭽﯩﺶ ﺋﺎﻟﺪﯨﺪﺍ، ﻫﯚﻛﯜﻣﻪﺕ ﺗﻪﺭﻩﭘﻨﯩﯔ ﺗﻮﺳﻘﯘﻧﻠﯘﻗﯩﻐﺎ ﺋﯘﭼﺮﯨﻐﺎﻥ.

ﻣﻪﻟﯘﻡ ﺑﻮﻟﯘﺷﯩﭽﻪ، " ﺋﺎﺭﻣﺎﻥ ﺗﻪﺷﻜﯩﻼﺗﻰ" ﺋﯘﻳﻐﯘﺭﻻﺭﻧﯩﯔ ﻛﯩﺸﯩﻠﯩﻚ ﻫﻮﻗﯘﻗﯩﻨﻰ ﺋﯩﻠﮕﯩﺮﻯ ﺳﯜﺭﯛﺷﻨﻰ ﻣﻪﻗﺴﻪﺕ ﻗﯩﻠﻐﺎﻥ ﺭﻩﺳﯩﻢ ﻛﯚﺭﮔﻪﺯﻣﯩﺴﯩﻨﻰ ﺋﺎﺳﺘﺎﻧﻪ ﻗﺎﺗﺎﺭﻟﯩﻖ ﺷﻪﻫﻪﺭﻟﻪﺭﺩﯨﻤﯘ ﺋﯚﺗﻜﯜﺯﯨﺪﯨﻜﻪﻥ.

ﺑﯘ ﻫﻪﻗﺘﻪ ﻗﺎﺯﺍﻗﯩﺴﺘﺎﻧﺪﯨﻜﻰ ﺋﯩﺨﺘﯩﻴﺎﺭﯨﻲ ﻣﯘﺧﺒﯩﺮﯨﻤﯩﺰ ﺋﺎﺑﺪﯗﻟﻼ ﻧﻪﻕ ﻣﻪﻳﺪﺍﻧﺪﺍ ﺧﺎﺗﯩﺮﯨﻠﯩﮕﻪﻥ ﺗﻪﭘﺴﯩﻠﯩﻲ ﻣﻪﻟﯘﻣﺎﺗﻼﺭﻧﻰ ﻳﻪﺗﻜﯜﺯﺩﻯ.

ﺑﯧﺸﻜﻪﻛﺘﯩﻜﻰ ﺋﯘﻳﻐﯘﺭ ﻳﺎﺷﻠﯩﺮﻯ "ﺋﯜﺭﯛﻣﭽﻰ ﻗﺎﻧﻠﯩﻖ ﯞﻩﻗﻪﺳﻰ" ﻧﯩﯔ 40 ﻛﯜﻧﻠﯜﻛﯩﮕﻪ ﺋﺎﺗﺎﭖ ﻧﻪﺯﯨﺮ ﺋﯚﺗﻜﯜﺯﺩﻯ

ﻗﯩﺮﻏﯩﺰﯨﺴﺘﺎﻧﻨﯩﯔ ﺑﯧﺸﻜﻪﻙ ﺷﻪﻫﯩﺮﯨﺪﯨﻜﻰ ﺋﯘﻳﻐﯘﺭ ﻳﺎﺷﻠﯩﺮﻯ، "ﺋﯜﺭﯛﻣﭽﻰ ﯞﻩﻗﻪﺳﻰ" ﻧﯩﯔ 40 ﻛﯜﻧﻠﯜﻛﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﻧﻪﺯﯨﺮ ﺋﯚﺗﻜﯜﺯﺩﻯ. ﺋﯘﻻﺭ ﻧﻪﺯﯨﺮﺩﻩ، ﺋﯜﺭﯛﻣﭽﻰ ﯞﻩﻗﻪﺳﯩﺪﻩ ﻗﯘﺭﺑﺎﻥ ﺑﻮﻟﻐﺎﻥ ﺋﯘﻳﻐﯘﺭﻻﺭﻧﯩﯔ ﺭﻭﻫﯩﻐﺎ ﺋﺎﺗﺎﭖ ﻗﯘﺭﺋﺎﻥ ﺋﻮﻗﯘﺩﻯ.

ﺋﯘﻳﻐﯘﺭ ﻳﺎﺷﻠﯩﺮﻯ ﻳﻪﻧﻪ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭﻻﺭﻏﺎ ﻗﺎﺭﺍﺗﻘﺎﻥ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﻰ ﯞﻩ "5 - ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﻰ" ﻧﻰ ﺑﺎﺳﺘﯘﺭﯗﺵ ﺟﻪﺭﻳﺎﻧﯩﺪﺍ ﻳﯜﺭﮔﯜﺯﮔﻪﻥ ﺯﻭﺭﺍﯞﺍﻧﻠﯩﻘﯩﻨﻰ ﺋﻪﻳﯩﺒﻠﯩﺪﻯ.

ﺋﺎﻓﻐﺎﻧﯩﺴﺘﺎﻧﺪﯨﻜﻰ ﭘﺮﯦﺰﯨﺪﯦﻨﺘﻠﯩﻖ ﺳﺎﻳﻠﯩﻤﻰ ﺋﺎﻳﺎﻏﻼﺷﺘﻰ

ﺗﺎﻟﯩﺒﺎﻥ ﻫﺎﻛﯩﻤﯩﻴﯩﺘﻰ ﺋﺎﻏﺪﯗﺭﯗﻟﻐﺎﻧﺪﯨﻦ ﻛﯧﻴﯩﻦ، ﺋﺎﻓﻐﺎﻧﯩﺴﺘﺎﻧﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﺋﯩﻜﻜﯩﻨﭽﻰ ﻗﯧﺘﯩﻤﻠﯩﻖ ﭘﺮﯦﺰﯨﺪﯦﻨﺘﻠﯩﻖ ﺳﺎﻳﻠﯩﻤﯩﻐﺎ ﺑﯩﻠﻪﺕ ﺗﺎﺷﻼﺵ ﺋﺎﻳﺎﻏﻼﺷﺘﻰ. ﺑﯩﻠﻪﺕ ﺗﺎﺷﻼﺵ، ﺋﻪﺗﯩﮕﻪﻥ ﺳﺎﺋﻪﺕ 7 ﺩﻩ ﺑﺎﺷﻠﯩﻨﯩﭗ، ﻛﻪﭺ ﺳﺎﺋﻪﺕ 5 ﺋﻪﺗﺮﺍﭘﯩﺪﺍ ﺗﺎﻣﺎﻣﻼﻧﺪﻯ.

ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ، ﺳﺎﻳﻼﻣﺪﺍ ﻗﺎﻧﭽﯩﻠﯩﻚ ﻛﯩﺸﯩﻨﯩﯔ ﺑﯩﻠﻪﺕ ﺗﺎﺷﻠﯩﻐﺎﻧﻠﯩﻘﻰ ﻫﻪﻗﻘﯩﺪﻩ ﺋﯧﻨﯩﻖ ﻣﻪﻟﯘﻣﺎﺕ ﺑﻪﺭﻣﯩﮕﻪﻥ. ﺳﺎﻳﻼﻣﻨﻰ ﻛﯚﺯﻩﺗﻜﯜﭼﯩﻠﻪﺭ ﯞﻩ ﺋﯘ ﻳﻪﺭﺩﯨﻜﻰ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭ ﺑﯘ ﻗﯧﺘﯩﻤﻠﯩﻖ ﺳﺎﻳﻼﻣﺪﺍ ﺑﯩﻠﻪﺕ ﺗﺎﺷﻠﯩﻐﯘﭼﯩﻼﺭﻧﯩﯔ ﻛﯚﭖ ﺋﻪﻣﻪﺳﻠﯩﻜﯩﻨﻰ، ﻫﻪﺗﺘﺎ 2004 - ﻳﯩﻠﯩﺪﯨﻜﯩﺪﯨﻨﻤﯘ ﺋﺎﺯ ﺑﻮﻟﯘﺷﻰ ﻣﯘﻣﻜﯩﻨﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﯛﺷﻤﻪﻛﺘﻪ.

ﻣﯘﺗﻪﺧﻪﺳﺴﯩﺴﻠﻪﺭ ﻗﺎﻧﺪﺍﻕ ﺑﻮﻟﯘﺷﯩﺪﯨﻦ ﻗﻪﺗﺌﯩﻲ ﻧﻪﺯﻩﺭ، ﺑﯘ ﺳﺎﻳﻼﻣﻨﯩﯔ ﺋﺎﻓﻐﺎﻧﯩﺴﺘﺎﻧﻨﯩﯔ ﻛﯧﻠﻪﭼﯩﻜﻰ ﺋﯜﭼﯜﻥ ﻣﯘﻫﯩﻢ ﺋﻪﻫﻤﯩﻴﻪﺗﻜﻪ ﺋﯩﮕﻪ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﯛﺷﻤﻪﻛﺘﻪ.