ﺋﯘﻳﻐﯘﺭ ﻧﺎﺧﺸﯩﭽﯩﺴﻰ ﻣﯩﺮﺯﺍﺕ ﺋﺎﻟﯩﻢ ﺳﯩﺮﻟﯩﻖ ﻫﺎﻟﺪﺍ ﺋﯚﻟﺘﯜﺭﯛﻟﺪﻯ

ﺋﺎﺗﺎﻗﻠﯩﻖ ﺋﯘﻳﻐﯘﺭ ﻧﺎﺧﺸﯩﭽﯩﺴﻰ ﻣﯩﺮﺯﺍﺕ ﺋﺎﻟﯩﻢ 2 - ﺋﺎﯞﻏﯘﺳﺖ، ﻧﺎﻣﻪﻟﯘﻡ ﻛﯩﺸﯩﻠﻪﺭ ﺗﻪﺭﯨﭙﯩﺪﯨﻦ ﺋﯚﻟﺘﯜﺭﯛﻟﮕﻪﻥ. ﺋﯘﻧﯩﯔ ﺟﻪﺳﯩﺘﻰ 4 - ﺋﺎﯞﻏﯘﺳﺖ ﻛﯜﻧﻰ ﺋﯚﺯ ﺋﯚﻳﻰ ﺋﻪﺗﺮﺍﭘﯩﺪﺍ ﺗﻮﺧﺘﯩﺘﯩﭗ ﻗﻮﻳﯘﻟﻐﺎﻥ ﺋﺎﭘﺘﻮﻣﻮﺑﯩﻠﻰ ﺋﯩﭽﯩﺪﯨﻦ ﺑﺎﻳﻘﺎﻟﻐﺎﻥ.

ﻣﯩﺮﺯﺍﺕ ﺋﺎﻟﯩﻤﻨﯩﯔ ﺑﯩﺮ ﻛﻪﺳﯩﭙﺪﯨﺸﻰ، ﻣﯩﺮﺯﺍﺕ ﺋﺎﻟﯩﻤﻨﯩﯔ ﻧﺎﻫﺎﻳﯩﺘﻰ ﻗﻪﺑﯩﻬ ﺋﯘﺳﯘﻟﻼﺭ ﺑﯩﻠﻪﻥ ﺋﯚﻟﺘﯜﺭﯛﻟﮕﻪﻧﻠﯩﻜﯩﻨﻰ، ﺳﺎﻗﭽﯩﻼﺭﻧﯩﯔ ﺋﯘﻧﯩﯔ ﺋﺎﻳﺎﻟﻰ ﯞﻩ ﺋﯘﺭﯗﻕ - ﺗﯘﻏﻘﺎﻧﻠﯩﺮﯨﻐﺎ ﺑﯘ ﻫﻪﻗﺘﻪ ﻛﯚﭖ ﺳﯚﺯﻟﯩﻤﻪﺳﻠﯩﻚ ﻫﻪﻗﻘﯩﺪﻩ ﺋﺎﮔﺎﻫﻼﻧﺪﯗﺭﯗﺵ ﺑﻪﺭﮔﻪﻧﻠﯩﻜﯩﻨﻰ، ﺷﯘﯕﺎ ﺋﯚﺯﯨﻨﯩﯖﻤﯘ ﺑﯘ ﻫﻪﻗﺘﻪ ﻛﺋﯚﭖ ﺳﯚﺯﻟﯩﻴﻪﻟﻤﻪﻳﺪﯨﻐﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﺪﻯ.

ﻣﻪﺭﻫﯘﻣﻨﯩﯔ ﺋﯚﻟﯜﻡ ﺳﻪﯞﻩﺑﻰ ﻫﻪﻗﻘﯩﺪﻩ، ﺋﯘﻳﻐﯘﺭ ﺗﻮﺭ ﺑﻪﺗﻠﯩﺮﯨﺪﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، 2 - ﺋﺎﯞﻏﯘﺳﺖ ﻛﯧﭽﯩﺪﻩ ﻣﯩﺮﺯﺍﺕ ﺋﺎﻟﯩﻢ ﺑﯩﺮ ﺋﺎﻏﯩﻨﯩﺴﯩﮕﻪ ﺗﯧﻠﯧﻔﻮﻥ ﻗﯩﻠﯩﭗ، ﺋﯚﺯﯨﻨﯩﯔ ﺋﺎﺟﺎﻳﯩﭗ ﺩﻩﻫﺸﻪﺗﻠﯩﻚ ﺑﯩﺮ ﻣﻪﻧﺰﯨﺮﯨﻨﻰ ﻛﯚﺭﯛﭖ ﻗﺎﻟﻐﺎﻧﻠﯩﻘﯨﻨﻰ، ﻗﻮﺭﺍﻟﻠﯩﻖ ﺳﺎﻗﭽﯩﻼﺭﻧﯩﯔ ﺋﺎﺭﻗﯩﺴﯩﺪﯨﻦ ﻗﻮﻏﻼﯞﺍﺗﻘﺎﻧﻠﯩﻘﯩﻨﻰ ﺳﯚﺯﻟﻪﭖ ﺑﯧﺮﯨﯟﺍﺗﻘﯩﻨﯩﺪﺍ، ﺗﯧﻠﯧﻔﻮﻥ ﺋﯜﺯﯛﻟﯜﭖ ﻗﺎﻟﻐﺎﻥ ﺋﯩﻜﻪﻥ.

ﻣﯩﺮﺯﺍﺕ ﺋﺎﻟﯩﻤﻨﯩﯔ ﭼﻪﺗﺌﻪﻟﺪﯨﻜﻰ ﺑﯩﺮ ﺗﯘﻏﻘﯩﻨﻰ ﺋﯚﺯﯨﻨﯩﯔ ﻣﯩﺮﺯﺍﺕ ﺋﺎﻟﯩﻤﻨﯩﯔ ﺋﯚﻟﯜﻣﻰ ﻫﻪﻗﻘﯩﺪﯨﻜﻰ ﺧﻪﯞﻩﺭﻧﻰ ﺑﺎﺷﻘﯩﻼﺭﺩﯨﻦ ﺋﺎﯕﻠﯩﻐﺎﻧﻠﯩﻘﯩﻨﻰ، ﺋﻪﻣﻤﺎ ﻣﻪﺭﻫﯘﻣﻨﯩﯔ ﺋﯚﻟﺘﯜﺭﯛﻟﯜﺵ ﺳﻪﯞﻩﺑﯩﻨﻰ ﺑﯩﻠﻤﻪﻳﺪﯨﻐﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﺪﻯ.

ﺋﯜﺭﯛﻣﭽﻰ ﯞﻩﻗﻪﺳﯩﮕﻪ ﺋﺎﻻﻗﯩﺪﺍﺭ 200 ﺋﺎﺩﻩﻡ ﺋﯛﺳﺘﯩﺪﯨﻦ ﺳﻮﺕ ﺋﯧﭽﯩﻠﻤﺎﻗﭽﻰ

ﺧﯩﺘﺎﻱ ﻫﯚﻛﯜﻣﯩﺘﻰ، ﺋﯜﺭﯛﻣﭽﻰ ﯞﻩﻗﻪﺳﯩﮕﻪ ﺋﺎﻻﻗﯩﺪﺍﺭ ﺩﻩﭖ ﻗﺎﺭﺍﻟﻐﺎﻥ 200 ﻧﻪﭘﻪﺭ "ﮔﯘﻣﺎﻧﺪﺍﺭ" ﺋﯘﺳﺘﯩﺪﯨﻦ ﺳﻮﺕ ﺋﯧﭽﯩﻠﯩﺪﯨﻐﺎﻧﻠﯩﻘﯩﻨﻰ ﺋﯘﻗﺘﯘﺭﺩﻯ. ﺋﻪﻝ ﺟﻪﺯﯨﺮﻩ ﺋﺎﮔﯧﻨﺘﻠﯩﻘﯩﺪﺍ ﻛﯚﺭﺳﯩﺘﯩﺸﯩﭽﻪ، ﺑﯘ ﻫﻪﻗﺘﯩﻜﻰ ﺧﻪﯞﻩﺭﻟﻪﺭ "ﺧﯩﺘﺎﻱ ﮔﯧﺰﯨﺘﻰ" ﺩﻩ ﺑﯧﺮﯨﻠﮕﻪﻥ.

ﺧﻪﯞﻩﺭﺩﻩ، ﺳﻮﺗﻨﯩﯔ ﻣﯘﺷﯘ ﺋﺎﻱ ﺋﯩﭽﯩﺪﻩ ﺋﯜﺭﯛﻣﭽﯩﺪﻩ ﺋﯧﭽﯩﻠﯩﺪﯨﻐﺎﻧﻠﯩﻘﻰ ﯞﻩ ﺋﯜﺭﯛﻣﭽﯩﺪﻩ ﺑﯩﺨﻪﺗﻪﺭﻟﯩﻚ ﺗﻪﺩﺑﯩﺮﻟﯩﺮﯨﻨﯩﯔ ﻛﯜﭼﻪﻳﺘﯩﻠﮕﻪﻧﻠﯩﻜﻰ ﻛﯚﺭﺳﯩﺘﯩﻠﮕﻪﻥ.

ﻣﻪﻟﯘﻡ ﺑﻮﻟﯘﺷﯩﭽﻪ، ﺑﯘ ﻧﯚﯞﻩﺕ ﺳﻮﺗﻘﺎ ﭼﯩﻘﯩﺪﯨﻐﺎﻧﻼﺭ ﺑﻮﻟﺴﺎ، ﺋﺎﺳﺎﺳﻪﻥ ﺋﯜﺭﯛﻣﭽﻰ ﯞﻩ ﻗﻪﺷﻘﻪﺭﺩﯨﻦ ﺗﯘﺗﯘﻟﻐﺎﻥ ﻛﯩﺸﯩﻠﻪﺭ ﺋﯩﻜﻪﻥ. ﺧﻪﯞﻩﺭﺩﻩ ﻧﻪﻗﯩﻞ ﻗﯩﻠﯩﻨﯩﺸﯩﭽﻪ، ﮔﯘﻣﺎﻧﺪﺍﺭﻻﺭ "ﺋﺎﺩﻩﻡ ﺋﯚﻟﺘﯜﺭﯛﺵ، ﺋﻮﺕ ﻗﻮﻳﯘﺵ، ﺑﯘﻻﯕﭽﯩﻠﯩﻖ، ﺑﯘﺯﻏﯘﻧﭽﯩﻠﯩﻖ" ﻗﺎﺗﺎﺭﻟﯩﻖ ﺟﯩﻨﺎﻳﻪﺗﻠﻪﺭ ﺑﯩﻠﻪﻥ ﺳﻮﺗﻘﺎ ﺗﺎﺭﺗﯩﻠﯩﺪﯨﻜﻪﻥ. ﺋﻪﻣﻤﺎ، ﺧﻪﯞﻩﺭﺩﻩ ﻣﻪﺯﻛﯘﺭ 200 ﻧﻪﭘﻪﺭ ﮔﯘﻣﺎﻧﺪﺍﺭﻧﯩﯔ ﻣﯩﻠﻠﻪﺕ ﺋﺎﻳﺮﯨﻤﯩﺴﻰ ﯞﻩ ﻧﯩﺴﺒﯩﺘﻰ ﺑﯧﺮﯨﻠﻤﯩﮕﻪﻥ.

ﻫﺎﻟﺒﯘﻛﻰ، ﺧﯩﺘﺎﻱ ﺩﺍﺋﯩﺮﯨﻠﯩﺮﻯ 25 - ﺋﺎﯞﻏﯘﺳﺖ ﻣﯘﺷﯘ ﻫﻪﭘﺘﻪ ﺋﯩﭽﯩﺪﻩ 5 - ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﯩﮕﻪ ﻣﯘﻧﺎﺳﯩﯟﻩﺗﻠﯩﻚ 200 ﻧﻪﭘﻪﺭ ﺟﯩﻨﺎﻳﻪﺕ ﮔﯘﻣﺎﻧﺪﺍﺭﻟﯩﺮﻯ ﺋﯜﺳﺘﯩﺪﯨﻦ ﺳﻮﺕ ﺋﯧﭽﯩﻠﯩﺪﯨﻐﺎﻧﻠﯩﻘﻰ ﻫﻪﻗﻘﯩﺪﯨﻜﻰ ﺧﻪﯞﻩﺭﻧﻰ ﺋﯩﻨﻜﺎﺭ ﻗﯩﻠﺪﻯ.

ﺋﯩﻘﺘﯩﺴﺎﺩﺷﯘﻧﺎﺱ ﺋﯩﻠﻬﺎﻡ ﺗﻮﺧﺘﻰ ﻗﻮﻳﯘﭖ ﺑﯧﺮﯨﻠﺪﻯ

ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺋﯘﻳﻐﯘﺭ ﺋﯩﻘﺘﯩﺴﺎﺩﺷﯘﻧﺎﺱ ﺋﯩﻠﻬﺎﻡ ﺗﻮﺧﺘﯩﻨﻰ ﻗﻮﻳﯘﭖ ﺑﻪﺭﮔﻪﻥ. ﺋﯩﻠﻬﺎﻡ ﺗﻮﺧﺘﻰ ﺑﯩﻠﻪﻥ ﺑﯩﺮﮔﻪ ﻳﻪﻧﻪ ﺑﯩﺮ ﻗﺎﻧﭽﻪ ﻧﻪﭘﻪﺭ ﺧﯩﺘﺎﻱ ﭘﺎﺋﺎﻟﯩﻴﻪﺗﭽﯩﻠﻪﺭﻣﯘ ﻫﯧﭽﻘﺎﻧﺪﺍﻕ ﭼﯜﺷﻪﻧﺪﯛﺭﯛﺵ ﺑﯧﺮﯨﻠﻤﻪﻳﻼ ﻗﻮﻳﯘﭖ ﺑﯧﺮﯨﻠﮕﻪﻥ. ﺭﺍﺩﯨﺌﻮﻣﯩﺰﻧﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻥ ﺋﯩﻠﻬﺎﻡ ﺗﻮﺧﺘﻰ، ﺧﯩﺘﺎﻱ ﺳﺎﻗﭽﯩﻠﯩﺮﯨﻨﯩﯔ ﺋﯘﻧﻰ ﺑﯩﺮ ﺋﺎﻳﺪﯨﻦ ﺑﯘﻳﺎﻥ ﻗﯩﻴﯩﻦ-ﻗﯩﺴﺘﺎﻗﻘﺎ ﺋﺎﻟﻐﺎﻧﻠﯩﻘﯩﻨﻰ ﺋﺎﺷﻜﺎﺭﯨﻠﯩﺪﻯ.

ﺋﯩﻠﻬﺎﻡ ﺗﻮﺧﺘﻰ ﻣﯘﺧﺒﯩﺮﯨﻤﯩﺰﻏﺎ، ﺑﯧﻴﺠﯩﯔ ﺳﺎﻗﭽﻰ ﺩﺍﺋﯩﺮﯨﻠﯩﺮﯨﻨﯩﯔ ﺋﯚﺯﯨﻨﻰ ﻗﺎﻧﯘﻧﯩﻲ ﺭﻩﺳﻤﯩﻴﻪﺗﺴﯩﺰﻻ ﺗﯘﺗﯘﭖ، ﺩﻩﺳﻠﻪﭖ ﺋﯩﻜﻜﻰ ﻫﻪﭘﺘﻪ ﺑﯩﺮ ﻣﯧﻬﻤﺎﻧﺨﺎﻧﯩﻐﺎ ﺳﻮﻻﭖ ﻗﻮﻳﻐﺎﻧﻠﯩﻘﯩﻨﻰ، ﻛﯧﻴﯩﻦ ﺋﯚﻳﯩﺪﻩ ﻧﻪﺯﻩﺭﺑﻪﻧﺪ ﻗﯩﻠﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺋﯘ ﺑﯘ ﺟﻪﺭﻳﺎﻧﺪﺍ ﻗﻮﭘﺎﻝ ﻣﯘﺋﺎﻣﯩﻠﯩﮕﻪ ﺋﯘﭼﺮﯨﻤﯩﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﻛﯧﭽﻪ - ﻛﯜﻧﺪﯛﺯ ﺋﯘﻳﻘﯘﺳﯩﺰ ﻗﻮﻳﯘﭖ ﺳﻮﺭﺍﻕ ﺋﺎﺭﻗﯩﻠﯩﻖ ﻗﯩﻴﯩﻦ ‏- ﻗﯩﺴﺘﺎﻗﻘﺎ ﺋﯧﻠﯩﻨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺧﯩﺘﺎﻱ ﻣﻪﺭﻛﯩﺰﯨﻲ ﻣﯩﻠﻠﻪﺗﻠﻪﺭ ﺋﯘﻧﯩﯟﯦﺮﺳﯩﺘﯧﺘﻰ ﭘﺮﻭﻓﯧﺴﺴﻮﺭﻯ ﺋﯩﻠﻬﺎﻡ ﺗﻮﺧﺘﻰ، "5 - ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﻰ" ﺩﯨﻦ ﻛﯧﻴﯩﻦ ﺗﯘﻳﯘﻗﺴﯩﺰ ﻳﻮﻗﺎﭖ ﻛﻪﺗﻜﻪﻥ ﺋﯩﺪﻯ.

'ﺋﻪﺟﺪﯨﻬﺎ ﺑﯩﻠﻪﻥ ﺋﯧﻠﯩﺸﻘﯘﭼﻰ' ﻧﺎﻣﻠﯩﻖ ﻛﯩﺘﺎﺑﻨﻰ ﺗﻮﻧﯘﺷﺘﯘﺭﯗﺵ ﻳﯩﻐﯩﻨﻰ ﻟﯧﻨﺘﯩﻐﺎ ﺋﯧﻠﯩﻨﺪﻯ

ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﻰ ﻳﯧﺘﻪﻛﭽﯩﺴﻰ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ﺋﻪﺳﻠﯩﻤﯩﺴﻰ " ﺋﻪﺟﺪﯨﻬﺎ ﺑﯩﻠﻪﻥ ﺋﯧﻠﯩﺸﻘﯘﭼﻰ: ﺑﯩﺮ ﺋﺎﻳﺎﻟﻨﯩﯔ ﺗﯩﻨﭽﻠﯩﻖ ﺋﯜﭼﯜﻥ ﺧﯩﺘﺎﻱ ﺑﯩﻠﻪﻥ ﺋﯧﻠﯩﺸﯩﺸﻰ ﻫﻪﻗﻘﯩﺪﻩ ﺩﺍﺳﺘﺎﻥ" ﻧﺎﻣﻠﯩﻖ ﻛﯩﺘﺎﺑﻨﻰ ﺗﻮﻧﯘﺷﺘﯘﺭﯗﺵ ﭘﺮﻭﮔﺮﺍﻣﻤﯩﺴﻰ ﺱ - ﺳﭙﺎﻥ ﺗﯧﻠﯧﯟﯨﺰﯨﻴﯩﺴﯩﻨﯩﯔ ﺋﻮﺭﯗﻧﻼﺷﺘﯘﺭﯗﺷﻰ ﺑﻮﻳﯩﭽﻪ

24 - ﺋﺎﯞﻏﯘﺳﺖ ﺩﯛﺷﻪﻧﺒﻪ ﻛﯜﻧﻰ، ﺋﯘﻳﻐﯘﺭ ﺋﺎﻣﯧﺮﯨﻜﺎ ﺑﯩﺮﻟﻪﺷﻤﯩﺴﯩﻨﯩﯔ ﻳﯩﻐﯩﻦ ﺯﺍﻟﯩﺪﺍ ﻟﯧﻨﺘﯩﻐﺎ ﺋﯧﻠﯩﻨﺪﻯ.

ﺑﯘ ﺟﻪﺭﻳﺎﻧﯩﺪﺍ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ، ﺋﯘﻳﻐﯘﺭ ﺋﯧﻠﯩﻨﯩﯔ ﻧﯚﯞﻩﺗﺘﯩﻜﻰ ﺋﻪﻫﯟﺍﻟﻰ، ﺑﻮﻟﯘﭘﻤﯘ "5 - ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﻰ" ﺩﯨﻦ ﻛﯧﻴﯩﻨﻜﻰ ﺋﻪﻫﯟﺍﻟﻰ ﻫﻪﻗﻘﯩﺪﻩ ﻛﯚﭘﺮﻩﻙ ﺗﻮﺧﺘﺎﻟﺪﻯ ﯞﻩ ﻣﯘﺧﺒﯩﺮﻻﺭﻧﯩﯔ ﺳﻮﺋﺎﻟﻠﯩﺮﯨﻐﺎ ﺟﺎﯞﺍﺏ ﺑﻪﺭﺩﻯ.

ﻳﯩﻐﯩﻨﺪﺍ ﺑﺎﺷﻘﯩﻼﺭﻧﯩﯔ ﺩﯨﻘﻘﯩﺘﯩﻨﻰ ﺋﻪﯓ ﺟﻪﻟﭗ ﻗﯩﻠﻐﺎﻥ ﺑﯩﺮ ﺗﻪﺭﻩﭖ ﺑﻮﻟﺴﺎ ﺋﯜﺭﯛﻣﭽﯩﺪﻩ 196 ﺋﯘﻳﻐﯘﺭﻧﯩﯔ ﻗﯩﻴﻨﺎﭖ ﺋﯚﻟﺘﯜﺭﯛﻟﮕﻪﻧﻠﯩﻜﯩﮕﻪ ﺋﺎﺋﯩﺖ ﺋﯘﭼﯘﺭ ﺋﯩﺪﻯ.

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ﺑﯩﻠﺪﯛﺭﯛﺷﯩﭽﻪ، ﺋﯘﻳﻐﯘﺭ ﺋﺎﻣﯧﺮﯨﻜﺎ ﺟﻪﻣﺌﯩﻴﯩﺘﻰ ﻳﯧﻘﯩﻨﺪﺍ ﺑﯘ ﻫﻪﻗﺘﻪ ﺑﯩﺮ ﻓﺎﻛﺲ ﺗﺎﭘﺸﯘﺭﯗﭖ ﺋﺎﻟﻐﺎﻥ. ﺋﯘ ﻓﺎﻛﺲ ﻣﻪﺯﻣﯘﻧﻠﯩﺮﯨﻨﻰ ﺗﻮﻧﯘﺷﺘﯘﺭﯗﭖ ﻣﯘﻧﺪﺍﻕ ﺩﯦﺪﻯ.

ﻣﻪﻟﯘﻡ ﺑﻮﻟﯘﺷﯩﭽﻪ، ﺑﯘ ﺋﯘﻳﻐﯘﺭﻻﺭﻧﯩﯔ ﻫﻪﻣﻤﯩﺴﻰ ﺋﯘﻻﻧﺒﺎﻱ ﺗﯜﺭﻣﯩﺴﯩﺪﻩ ﻗﯩﻴﻨﺎﭖ ﺋﯚﻟﺘﯜﺭﯛﻟﮕﻪﻥ ﺑﻮﻟﯘﭖ، ﺋﯚﻟﺘﯜﺭﯛﻟﮕﻪﻧﻠﻪﺭ ﺳﺎﻧﻰ ﺟﻪﻣﺌﯩﻲ 196 ﻧﻪﭘﻪﺭﮔﻪ ﻳﯧﺘﯩﺪﯨﻜﻪﻥ.

ﺩﯗﻧﻴﺎ ﻫﻮﻧﻼﺭ ﻗﯘﺭﯗﻟﺘﯩﻴﯩﻨﯩﯔ ﻣﻪﺩﻩﻧﯩﻴﻪﺕ ﭘﺎﺋﺎﻟﯩﻴﯩﺘﻰ ﺋﺎﻳﺎﻏﻼﺷﺘﻰ

ﻳﯧﻘﯩﻨﺪﺍ ﯞﯦﻨﮕﺮﯨﻴﻪ ﭘﺎﻳﺘﻪﺧﺘﻰ ﺑﯘﺩﺍﭘﯧﺸﺖ ﺷﻪﻫﯩﺮﯨﺪﻩ ﺩﯗﻧﻴﺎ ﻫﻮﻧﻼﺭ ﻣﻪﺩﻩﻧﯩﻴﻪﺕ ﭘﺎﺋﺎﻟﯩﻴﯩﺘﻰ ﺋﯚﺗﻜﯜﺯﯛﻟﮕﻪﻥ ﺋﯩﺪﻯ. ﭘﺎﺋﺎﻟﯩﻴﻪﺗﻜﻪ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ 5 ﻛﯩﺸﯩﻠﯩﻚ ﯞﻩﻛﯩﻠﻠﻪﺭ ﺋﯚﻣﯩﻜﯩﻨﻰ ﺋﻪﯞﻩﺗﯩﭗ ﻗﺎﺗﻨﺎﺷﺘﯘﺭﻏﺎﻥ.

ﭘﺎﺋﺎﻟﯩﻴﻪﺕ ﺟﻪﺭﻳﺎﻧﯩﺪﺍ ﺋﯘﻳﻐﯘﺭﻻﺭﻧﻰ ﻗﻮﻟﻼﺵ ﻫﻪﺭﯨﻜﯩﺘﻰ ﺋﯧﻠﯩﭗ ﺑﯧﺮﯨﻠﯩﭗ، 60 ﻣﯩﯖﺪﯨﻦ ﺋﺎﺭﺗﯘﻕ ﺋﯩﻤﺰﺍ ﺗﻮﭘﻼﻧﻐﺎﻥ.

ﭘﺎﺋﺎﻟﯩﻴﻪﺗﻜﻪ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺗﻪﺗﻘﯩﻘﺎﺕ ﻣﻪﺭﻛﯩﺰﯨﻨﯩﯔ ﺭﻩﺋﯩﺴﻰ ﺋﯜﻣﯩﺪ ﺋﺎﮔﺎﻫﻰ ﺋﻪﭘﻪﻧﺪﯨﻤﯘ ﻗﺎﺗﻨﺎﺷﻘﺎﻥ. ﺋﯘ ﺑﯘ ﻫﻪﻗﺘﻪ ﺗﻮﺧﺘﺎﻟﺪﻯ.

ﺋﯘﻳﻐﯘﺭ ﺑﯩﺰ' ﺗﻮﺭ ﺑﯧﻜﯩﺘﯩﻨﯩﯔ ﺑﺎﺷﻘﯘﺭﻏﯘﭼﯩﻠﯩﺮﻯ ﻫﻪﺭ ﺧﯩﻞ ﻗﯩﺴﻤﻪﺗﻠﻪﺭﮔﻪ ﺩﯗﭼﺎﺭ ﺑﻮﻟﻤﺎﻗﺘﺎ

ﻣﻪﻟﯘﻡ ﺑﻮﻟﯘﺷﯩﭽﻪ، "ﺋﯘﻳﻐﯘﺭ ﺑﯩﺰ" ﺗﻮﺭ ﺑﯧﻜﯩﺘﯩﻨﯩﯔ ﺑﻪﺯﻯ ﺑﺎﺷﻘﯘﺭﻏﯘﭼﯩﻠﯩﺮﻯ ﻳﻮﻗﺎﭖ ﻛﻪﺗﻜﻪﻥ، ﺑﻪﺯﯨﻠﯩﺮﻯ ﻧﻪﺯﻩﺭ ﺑﻪﻧﺪ ﺋﺎﺳﺘﯩﻐﺎ ﺋﯧﻠﯩﻨﻐﺎﻥ.

ﺑﯘﻻﺭﻧﯩﯔ ﺑﯩﺮﻯ ﺧﯩﺘﺎﻱ ﻣﻪﺭﻛﯩﺰﻯ ﺭﺍﺩﯨﺌﻮ ﺋﯩﺴﺘﺎﻧﺴﯩﺴﻰ ﺋﯘﻳﻐﯘﺭ ﺑﯚﻟﯜﻣﯩﻨﯩﯔ ﻣﯘﺧﺒﯩﺮﻯ ﻣﯘﻫﻪﻣﻤﻪﺗﺠﺎﻥ ﺋﺎﺑﺪﯗﻟﻼ ﺑﻮﻟﯘﭖ، ﺋﯘﻧﻰ 7 ‏ - ﺋﺎﻳﻨﯩﯔ ﺋﻮﺗﺘﯘﺭﯨﻠﯩﺮﯨﺪﺍ ﺳﺎﻗﭽﯩﻼﺭ ﺋﯧﻠﯩﭗ ﻛﻪﺗﻜﻪﻧﺪﯨﻦ ﺑﯧﺮﻯ ﺋﯩﺰ ‏ - ﺩﯦﺮﯨﻜﻰ ﺑﻮﻟﻤﯩﻐﺎﻥ.

ﺋﯩﻠﻬﺎﻡ ﺗﻮﺧﺘﻰ ﺭﺍﺩﯨﺌﻮﻣﯩﺰﻏﺎ ﺑﻪﺭﮔﻪﻥ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﺪﺍ، "ﺋﯘﻧﯩﯔ 7 ‏ - ﺋﺎﻳﻨﯩﯔ 12 ‏ - ﻛﯜﻧﯩﺪﯨﻦ 14 ‏ - ﻛﯜﻧﯩﮕﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﺎ ﺑﺎﺷﻘﯩﻼﺭ ﺗﻪﺭﯨﭙﯩﺪﯨﻦ ﺋﯧﻠﯩﭗ ﻛﯧﺘﯩﻠﮕﻪﻧﺪﯨﻦ ﺑﯧﺮﻯ ﻗﺎﻳﺘﯩﭗ ﻛﻪﻟﻤﯩﮕﻪﻧﻠﯩﻜﻰ"ﻧﻰ ﺑﯩﻠﺪﯛﺭﺩﻯ.

ﻣﯘﻫﻪﻣﻤﻪﺗﺠﺎﻥ ﺋﺎﺑﺪﯗﻟﻼ ﻳﻪﻧﻪ ﺋﯩﻠﻬﺎﻡ ﺗﻮﺧﺘﻰ ﺑﺎﺷﻘﯘﺭﯗﺷﯩﺪﯨﻜﻰ "ﺋﯘﻳﻐﯘﺭ ﺑﯩﺰ" ﺗﻮﺭ ﺑﯧﻜﯩﺘﻰ ﺑﯩﻠﻪﻥ "ﺳﻪﻟﻜﯩﻦ" ﺗﻮﺭ ﺑﯧﻜﯩﺘﯩﻨﯩﯔ ﺑﺎﺷﻘﯘﺭﻏﯘﭼﯩﺴﻰ ﺋﯩﺪﻯ.

"ﺋﯘﻳﻐﯘﺭ ﺑﯩﺰ" ﺗﻮﺭ ﺑﯧﻜﯩﺘﯩﻨﯩﯔ ﻧﻪﺯﻩﺭﺑﻪﻧﺪ ﺋﺎﺳﺘﯩﺪﯨﻜﻰ ﻳﻪﻧﻪ ﺑﯩﺮ ﺗﻮﺭ ﺑﺎﺷﻘﯘﺭﻏﯘﭼﯩﺴﻰ ﺗﯘﺭﻏﯘﻥ ﺋﺎﺑﻠﯩﺰ ﺑﻮﻟﯘﭖ، ﺋﯘ ﺋﯚﻳﯩﺪﻩ ﻧﻪﺯﻩﺭﺑﻪﻧﺪ ﺋﺎﺳﺘﯩﺪﺍ ﺗﯘﺗﯘﭖ ﺗﯘﺭﯗﻟﯘﯞﺍﺗﻘﺎﻥ ﺑﻮﻟﯘﺷﻰ ﻣﯘﻣﻜﯩﻦ. ﺋﯘ، ﭼﺎﺭﺷﻪﻧﺒﻪ ﻛﯜﻧﻰ ﺭﺍﺩﯨﺌﻮﻣﯩﺰ ﻣﯘﺧﺒﯩﺮﯨﻨﯩﯔ ﺑﯘ ﻫﻪﻗﺘﯩﻜﻰ ﺳﻮﺋﺎﻟﻠﯩﺮﯨﻐﺎ ﺟﺎﯞﺍﺏ ﺑﯧﺮﯨﺸﻨﻰ ﺭﻩﺕ ﻗﯩﻠﺪﻯ.

ﺗﯘﺭﻏﯘﻥ ﺋﺎﺑﻠﯩﺰ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﺳﯩﻴﺎﺳﯩﻲ ﻣﻪﺳﻠﯩﻬﻪﺕ ﻛﯧﯖﯩﺸﻰ ﺗﻪﺭﺟﯩﻤﻪ ﺑﺎﺷﻘﺎﺭﻣﯩﺴﯩﻨﯩﯔ ﺧﯩﺰﻣﻪﺗﭽﯩﺴﻰ ﺑﻮﻟﯘﭖ، ﺋﯘ ﺋﯩﻠﮕﯩﺮﻯ "ﺋﺎﺳﯩﻴﺎ ﻛﯩﻨﺪﯨﻜﻰ" ﮔﯧﺰﯨﺘﯩﺪﻩ ﺋﯩﺸﻠﻪﻳﺘﺘﻰ. ﺩﺍﺋﯩﺮﯨﻠﻪﺭ ﺋﯘﻧﻰ ﺑﯘ ﻳﯩﻞ 5 ‏ - ﺋﺎﻳﺪﺍ ﺑﯩﺮ ﻗﯧﺘﯩﻢ ﺗﻪﻛﺸﯜﺭﯛﭖ، ﺋﯘﻧﯩﯔ ﻛﻮﻣﭙﻴﯘﺗﯧﺮﯨﻨﻰ ﻣﯘﺳﺎﺩﯨﺮﻩ ﻗﯩﻠﻐﺎﻥ.

ﺋﯩﻠﻬﺎﻡ ﺗﻮﺧﺘﻰ، "ﺋﯘﻳﻐﯘﺭ ﺑﯩﺰ" ﺗﻮﺭ ﺑﯧﻜﯩﺘﻰ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﻰ ﺳﻪﯞﻩﺑﻰ "ﺷﯩﻨﺠﺎﯓ" ﺩﺍﺋﯩﺮﯨﻠﯩﺮﯨﻨﯩﯔ ﺑﯧﺴﯩﻤﯩﻐﺎ ﺋﯘﭼﺮﯨﻐﺎﻧﻼﺭ ﺋﺎﺭﯨﺴﯩﺪﺍ ﻳﻪﻧﻪ، ﻏﻪﻳﺮﻩﺕ ﻧﯩﻴﺎﺯﻧﯩﯔ ﺑﺎﺭﻟﯩﻘﯩﻨﻰ، ﺋﯘﻧﯩﯔ 3 - ﺋﺎﻳﺪﺍ "ﺷﯩﻨﺠﺎﯓ ﺋﯩﻘﺘﯩﺴﺎﺩﻯ" ﮔﯧﺰﯨﺘﯩﺪﯨﻜﻰ ﻣﻪﺳﺌﯘﻝ ﻣﯘﻫﻪﺭﺭﯨﺮﻟﯩﻚ ﯞﻩﺯﯨﭙﯩﺴﯩﺪﯨﻦ ﺗﻮﺧﺘﯩﺘﯩﻠﯩﭗ، ﻣﻪﺟﺒﯘﺭﯨﻲ ﭘﯧﻨﺴﯩﻴﯩﮕﻪ ﭼﯩﻘﯩﺮﯨﻠﻐﺎﻧﻠﯩﻘﯩﻨﻰ، ﻟﯧﻜﯩﻦ ﺋﯘﺯﯗﻥ ﺋﯚﺗﻤﻪﻱ ﭘﯧﻨﺴﯩﻴﻪ ﭘﯘﻟﯩﻨﯩﯔ ﺗﻮﺧﺘﯩﺘﯩﻠﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺋﯩﺴﺘﺎﻧﺒﯘﻟﺪﺍ ﺧﻪﻟﻘﺌﺎﺭﺍﻟﯩﻖ 'ﺋﯘﺭﺍﻝ ‏- ﺋﺎﻟﺘﺎﻱ ﺗﯩﻠﻠﯩﺮﻯ ﻗﻪﻟﻪﻣﻜﻪﺷﻠﻪﺭ ﺑﯩﺮﻟﯩﻜﻰ' ﻳﯩﻐﯩﻨﻰ ﺑﺎﺷﻼﻧﺪﻯ

25- ﺋﺎﯞﻏﯘﺳﺖ، ﺧﻪﻟﻘﺌﺎﺭﺍ ﻗﻪﻟﻪﻣﻜﻪﺷﻠﻪﺭ ﺟﻪﻣﺌﯩﻴﯩﺘﯩﮕﻪ ﺋﻪﺯﺍ ﺋﯘﻳﻐﯘﺭ ﻗﻪﻟﻪﻣﻜﻪﺷﻠﻪﺭ ﺟﻪﻣﺌﯩﻴﯩﺘﻰ ﺑﯩﻠﻪﻥ ﺗﯜﺭﻛﯩﻴﻪ ﻗﻪﻟﻪﻣﻜﻪﺷﻠﻪﺭ ﺟﻪﻣﺌﯩﻴﯩﺘﻰ ﺑﯩﺮﻟﯩﻜﺘﻪ ﺋﯘﻳﯘﺷﺘﯘﺭﻏﺎﻥ، "ﺋﯘﺭﺍﻝ ‏- ﺋﺎﻟﺘﺎﻱ ﺗﯩﻠﻠﯩﺮﻯ ﻗﻪﻟﻪﻣﻜﻪﺷﻠﻪﺭ ﺑﯩﺮﻟﯩﻜﻰ" ﻳﯩﻐﯩﻨﻰ ﺭﻩﺳﻤﯩﻲ ﺑﺎﺷﻼﻧﺪﻯ. ﻳﯩﻐﯩﻦ ﺋﯩﺴﺘﺎﻧﺒﯘﻟﺪﯨﻜﻰ ﺋﻮﺳﻤﺎﻥ ﺋﺎﺑﯩﺪﯨﺴﻰ ﻣﯧﻬﻤﺎﻧﺨﺎﻧﯩﺴﯩﻨﯩﯔ ﻳﯩﻐﯩﻦ ﺯﺍﻟﯩﺪﺍ ﺋﯚﺗﻜﯜﺯﯛﻟﺪﻯ.

ﻳﯩﻐﯩﻨﻐﺎ، ﻛﺎﻧﺎﺩﺍ، ﺋﺎﯞﺳﺘﺮﺍﻟﯩﻴﻪ، ﺷﯟﯦﺘﺴﯩﻴﻪ، ﮔﻮﻟﻼﻧﺪﯨﻴﻪ، ﻓﯩﻨﻼﻧﺪﯨﻴﻪ، ﺋﻪﺯﻩﺭﺑﻪﻳﺠﺎﻥ، ﺗﺎﺗﺎﺭﯨﺴﺘﺎﻥ، ﻣﻮﯕﻐﯘﻟﯩﻴﻪ ﻗﺎﺗﺎﺭﻟﯩﻖ 43 ﺩﯙﻟﻪﺗﻠﻪﺭﺩﯨﻜﻰ ﻗﻪﻟﻪﻣﻜﻪﺷﻠﻪﺭ ﻣﻪﺭﻛﻪﺯﻟﯩﺮﯨﻨﯩﯔ ﯞﻩﻛﯩﻠﻠﯩﺮﻯ ﻗﺎﺗﻨﺎﺷﺘﻰ.

ﻳﯩﻐﯩﻨﻐﺎ ﺋﯘﻳﻐﯘﺭ ﻗﻪﻟﻪﻣﻜﻪﺷﻠﻪﺭ ﻣﻪﺭﻛﯩﺰﯨﻨﯩﯔ ﺩﯗﻧﻴﺎﻧﯩﯔ ﻫﻪﺭ ﻗﺎﻳﺴﻰ ﺩﯙﻟﻪﺗﻠﯩﺮﯨﺪﻩ ﻳﺎﺷﺎﻳﺪﯨﻐﺎﻥ ﺋﻪﺯﺍﻟﯩﺮﯨﺪﯨﻦ 15 ﺗﯩﻦ ﺋﺎﺭﺗﯘﻕ ﯞﻩﻛﯩﻠﻰ ﺋﯩﺸﺘﯩﺮﺍﻙ ﻗﯩﻠﺪﻯ.

ﻳﯩﻐﯩﻨﻨﯩﯔ ﺋﯜﭼﯩﻨﭽﻰ ﻛﯜﻧﻰ، ﻳﯩﻐﯩﻨﻐﺎ ﻗﺎﺗﻨﺎﺷﻘﺎﻥ ﺋﯘﻳﻐﯘﺭ ﻗﻪﻟﻪﻣﻜﻪﺷﻠﻪﺭ ﺋﯘﻳﻐﯘﺭ ﻗﻪﻟﻪﻣﻜﻪﺷﻠﻪﺭ ﻣﻪﺭﻛﯩﺰﯨﻨﯩﯔ ﻳﯧﯖﻰ ﺋﯩﺪﺍﺭﻩ ﻫﻪﻳﺌﻪﺕ ﺭﻩﻫﺒﻪﺭﻟﯩﻜﯩﻨﻰ ﺑﻪﻟﮕﯩﻠﻪﺵ ﺋﯜﭼﯜﻥ ﺳﺎﻳﻼﻡ ﺋﯧﻠﯩﭗ ﺑﺎﺭﺩﻯ.

ﺳﺎﻳﻼﻡ ﺋﺎﺧﯩﺮﯨﺪﺍ، ﻗﻪﻟﻪﻣﻜﻪﺷﻠﻪﺭ ﻣﻪﺭﻛﯩﺰﯨﻨﯩﯔ ﺳﺎﺑﯩﻖ ﺑﺎﺵ ﻛﺎﺗﯩﭙﻰ ﻗﻪﻳﺴﻪﺭ ﺋﯚﺯﻫﯘﻥ ﺋﻪﭘﻪﻧﺪﻯ ﻛﯚﭖ ﺋﺎﯞﺍﺯ ﺑﯩﻠﻪﻥ ﺭﻩﺋﯩﺴﻠﯩﻜﻜﻪ، ﻗﺎﺯﺍﻗﯩﺴﺘﺎﻧﺪﺍ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭ ﺋﻪﺩﻩﺑﯩﻴﺎﺗﺸﯘﻧﺎﺱ ﺩﻭﻛﺘﯘﺭ ﺧﻪﻣﯩﺖ ﻫﻪﻣﺮﺍﻳﯘﻑ ﺑﺎﺵ ﻛﺎﺗﯩﭙﻠﯩﻘﻘﺎ ﺳﺎﻳﻼﻧﺪﻯ. ﻗﻪﻳﺴﻪﺭ ﺋﯚﺯﻫﯘﻥ ﺋﻪﭘﻪﻧﺪﻯ ﺋﯚﺯﯨﻨﯩﯔ ﯞﻩﺯﯨﭙﻪ ﺗﺎﭘﺸﯘﺭﯗﻟﻐﺎﻧﺪﯨﻦ ﻛﯧﻴﯩﻨﻜﻰ ﺋﯧﻠﯩﭗ ﺑﺎﺭﻣﺎﻗﭽﻰ ﺑﻮﻟﻐﺎﻥ ﭘﯩﻼﻧﻠﯩﺮﻯ ﻫﻪﻗﻘﯩﺪﻩ ﺳﯚﺯ ﻗﯩﻠﺪﻯ.

ﺋﺎﻟﯩﻢ، ﺷﯚﻫﺮﻩﺕ ﻣﯘﺗﻪﻟﻠﯩﭙﻮﻓﻨﯩﯔ ﻳﯧﯖﻰ ﺗﻪﺗﻘﯩﻘﺎﺕ ﻧﻪﺗﯩﺠﯩﺴﻰ

ﺋﺎﻣﯧﺮﯨﻜﯩﺪﯨﻜﻰ ﺋﺎﻟﯩﻤﻼﺭ ﻣﺎﻳﻤﯘﻧﻼﺭﻧﯩﯔ ﮔﯧﻨﻰ ﺋﯜﺳﺘﯩﺪﻩ ﺗﻪﺟﺮﯨﺒﻪ ﺋﯧﻠﯩﭗ ﺑﯧﺮﯨﭗ، ﺋﯩﺮﺳﯩﻴﻪﺕ ﻛﯧﺴﯩﻠﻰ ﺑﺎﺭ ﺑﯩﺮ ﺋﺎﻧﺎ ﻣﺎﻳﻤﯘﻥ ﯞﻩ ﺑﯩﺮ ﺳﺎﻏﻼﻡ ﺋﺎﻧﺎ ﻣﺎﻳﻤﯘﻧﺪﯨﻦ ﺋﺎﻳﺮﯨﯟﺍﻟﻐﺎﻥ ﮔﯧﻦ ﻣﺎﺗﯧﺮﯨﻴﺎﻟﯩﺪﯨﻦ ﺳﺎﻏﻼﻡ ﻣﺎﻳﻤﯘﻧﻼﺭﻧﻰ ﭘﻪﻳﺪﺍ ﻗﯩﻠﺪﻯ.

ﻣﻪﺯﻛﯘﺭ ﺗﻪﺗﻘﯩﻘﺎﺕ ﻧﻪﺗﯩﺠﯩﺴﻰ ﺋﺎﻣﯧﺮﯨﻜﺎ ﺋﻮﺭﯦﮕﺎﻥ ﺷﯩﺘﺎﺗﻰ ﺳﻪﻫﯩﻴﻪ ﯞﻩ ﺗﻪﺑﯩﺌﯩﻲ ﭘﻪﻧﻠﻪﺭ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺗﻪﺗﻘﯩﻘﺎﺗﭽﯩﺴﻰ ﺋﯘﻳﻐﯘﺭ ﺋﺎﻟﯩﻤﻰ ﺷﯚﻫﺮﻩﺕ ﻣﯘﺗﻪﻟﻠﯩﭙﻮﻑ ﺑﺎﺷﭽﯩﻠﯩﻘﯩﺪﯨﻜﻰ ﺑﯩﺮ ﺗﻪﺗﻘﯩﻘﺎﺕ ﮔﯘﺭﯗﭘﭙﯩﺴﻰ ﺗﻪﺭﯨﭙﯩﺪﯨﻦ ﺑﺎﻳﻘﺎﻟﻐﺎﻥ.

ﺋﺎﻟﯩﻤﻼﺭ، ﺑﯘ ﺋﯩﻠﻤﯩﻲ ﺗﻪﺗﻘﯩﻘﺎﺕ ﻧﻪﺗﯩﺠﯩﺴﻰ ﺋﺎﺩﻩﻣﻠﻪﺭﮔﻪ ﺗﻪﺗﺒﯩﻘﻼﻧﺴﺎ ﺋﯩﺮﺳﯩﻴﻪﺕ ﺧﺎﺭﺍﻛﺘﯧﺮﻟﯩﻚ ﻛﯧﺴﯩﻠﻰ ﺑﺎﺭ ﺋﺎﻳﺎﻟﻼﺭﻏﺎ ﺳﺎﻏﻼﻡ ﺑﺎﻻ ﺗﯘﻏﯘﺵ ﺋﯩﻤﻜﺎﻧﯩﻴﯩﺘﻰ ﻳﺎﺭﯨﺘﯩﭗ ﺑﯧﺮﯨﺪﯗ، ﺩﻩﭖ ﻗﺎﺭﯨﻤﺎﻗﺘﺎ.

ﻫﺎﻟﺒﯘﻛﻰ، ﺷﯘﻧﯩﯔ ﺑﯩﻠﻪﻥ ﺑﯩﺮﮔﻪ ﺑﯘ ﺗﻪﺗﻘﯩﻘﺎﺕ ﻧﻪﺗﯩﺠﯩﺴﻰ ﻗﺎﻧﯘﻧﻰ، ﺋﻪﺧﻼﻗﯩﻲ ﯞﻩ ﺋﯩﺠﺘﯩﻤﺎﺋﯩﻲ ﻣﻪﺳﯩﻠﯩﻠﻪﺭﮔﻪ ﺋﺎﺋﯩﺖ ﺑﻪﺯﻯ ﺳﻮﺋﺎﻟﻼﺭﻧﻰ ﭘﻪﻳﺪﺍ ﻗﯩﻠﻐﺎﻥ.

ﺷﯚﻫﺮﻩﺕ ﻣﯘﺗﻪﻟﻠﯩﭙﻮﻑ ﻳﯧﺘﻪﻛﭽﯩﻠﯩﻜﯩﺪﯨﻜﻰ ﮔﯧﻦ ﺗﻪﺗﻘﯩﻘﺎﺕ ﮔﯘﺭﯗﭘﭙﯩﺴﯩﻨﯩﯔ ﺋﯩﻠﻤﯩﻲ ﺗﻪﺟﺮﯨﺒﻪ ﻧﻪﺗﯩﺠﯩﺴﻰ ﺋﻪﻧﮕﯩﻠﯩﻴﯩﺪﯨﻜﻰ "ﺗﻪﺑﯩﺌﻪﺕ" ﺋﯩﻠﻤﯩﻲ ﮊﯗﺭﻧﯩﻠﯩﺪﺍ ﺋﯧﻼﻥ ﻗﯩﻠﯩﻨﺪﻯ.