ﺩﯗﻧﻴﺎ ﺋﺎﺧﺒﺎﺭﺍﺗﯩﺪﺍ ﺋﯘﻳﻐﯘﺭﻻﺭ

ﻫﯚﺭﻣﻪﺗﻠﯩﻚ ﺋﻮﻗﯘﺭﻣﻪﻧﻠﻪﺭ، ﻫﻪﭘﺘﯩﻠﯩﻚ ﻣﯘﻫﯩﻢ ﺧﻪﯞﻩﺭﻟﻪﺭ ﺳﻪﻫﯩﭙﯩﻤﯩﺰﮔﻪ ﺧﯘﺵ ﻛﻪﻟﺪﯨﯖﻼﺭ، ﺋﺎﻟﺪﻯ ﺑﯩﻠﻪﻥ ﺋﯘﻳﻐﯘﺭﻻﺭ ﯞﻩﺯﯨﻴﯩﺘﯩﮕﻪ ﻣﯘﻧﺎﺳﯩﯟﻩﺗﻠﯩﻚ ﺋﯘﭼﯘﺭ ﯞﻩ ﻣﻪﻟﯘﻣﺎﺗﻼﺭﻧﻰ ﺋﻪﺳﻠﻪﭖ ﺋﯚﺗﻪﻳﻠﻰ.

ﺧﯩﺘﺎﻱ ﻫﯚﻛﯜﻣﯩﺘﻰ 9‏ - ﺋﺎﻳﻨﯩﯔ 12 ‏ - ﻛﯜﻧﻰ ﺋﯜﺭﯛﻣﭽﯩﺪﻩ، ﻳﯩﯖﻨﻪ ﻫﯘﺟﯘﻣﻰ ﺋﯧﻠﯩﭗ ﺑﺎﺭﻏﺎﻥ، ﺩﻩﭖ ﻗﻮﻟﻐﺎ ﺋﺎﻟﻐﺎﻥ ﺋﯘﻳﻐﯘﺭﻻﺭﻏﺎ ﺟﺎﺯﺍ ﻫﯚﻛﯜﻡ ﻗﯩﻠﯩﺸﻘﺎ ﺑﺎﺷﻠﯩﺪﻯ. ﺗﯘﻧﺠﻰ ﻗﯧﺘﯩﻤﺪﺍ ﺧﯩﺘﺎﻳﻨﯩﯔ ﺋﯜﺭﯛﻣﭽﻰ ﺷﻪﻫﻪﺭﻟﯩﻚ ﺋﻮﺗﺘﯘﺭﺍ ﺳﻮﺗﻰ ﺋﯜﭺ ﺋﯘﻳﻐﯘﺭﻧﻰ 7 ﻳﯩﻠﺪﯨﻦ 15 ﻳﯩﻠﻐﯩﭽﻪ ﻗﺎﻣﺎﻕ ﺟﺎﺯﺍﺳﯩﻐﺎ ﻫﯚﻛﯜﻡ ﻗﯩﻠﻐﺎﻥ. ﺋﯘﻻﺭﻧﯩﯔ ﺋﯩﻜﻜﯩﺴﻰ 19، 20 ﻳﺎﺷﻼﺭﺩﯨﻜﻰ ﺋﻮﻏﯘﻝ، ﻳﻪﻧﻪ ﺑﯩﺮﻯ ﻳﯧﺸﻰ 22 ﻳﺎﺷﻠﯩﻖ ﻗﯩﺰ ﺋﯩﻜﻪﻥ.
 
ﺋﯜﺭﯛﻣﭽﻰ ﺷﻪﻫﻪﺭﻟﯩﻚ ﺋﻮﺗﺘﯘﺭﺍ ﺳﻮﺕ ﻣﻪﻫﻜﯩﻤﯩﺴﻰ ﺋﺎﺭﻗﯩﺪﯨﻨﻼ ﻳﻪﻧﻪ 4 ﻛﯩﺸﻰ ﺋﯜﺳﺘﯩﺪﯨﻦ ﺳﻮﺕ ﺋﯧﭽﯩﭗ، ﺋﯘﻻﺭﻧﻰ ﺋﺎﻳﺮﯨﻢ - ﺋﺎﻳﺮﯨﻢ ﻫﺎﻟﺪﺍ 8 ﻳﯩﻠﺪﯨﻦ 15 ﻳﯩﻠﻐﯩﭽﻪ ﻣﯘﺩﺩﻩﺗﻠﯩﻚ ﻗﺎﻣﺎﻕ ﺟﺎﺯﺍﺳﯩﻐﺎ ﻫﯚﻛﯜﻡ ﻗﯩﻠﺪﻯ.

'ﺧﯩﺘﺎﻱ ﺋﯜﭼﯜﺭ ﺗﻮﺭﻯ'ﺩﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺋﯜﺭﯛﻣﭽﯩﺪﻩ 'ﻳﯩﯖﻨﻪ ﻫﯘﺟﯘﻣﻰ' ﺩﯦﻴﯩﻠﮕﻪﻥ ﺩﯦﻠﻮﻻﺭ ﺋﯜﺳﺘﯩﺪﻩ ﺳﻮﺗﻼﺵ ﺋﺎﺭﻗﯩﻠﯩﻖ ﺋﯧﻨﯩﻘﻼﻧﻐﺎﻥ ﺋﻪﻫﯟﺍﻟﻼﺭﻏﺎ ﻗﺎﺭﯨﻐﺎﻧﺪﺍ، ﺗﯘﺭﺳﯘﻧﺠﺎﻧﻨﯩﯔ ﻳﯩﯖﻨﻪ ﺑﯩﻠﻪﻥ ﻫﯘﺟﯘﻡ ﻗﻮﺯﻏﺎﻳﺪﯨﻐﺎﻥ 'ﻳﻪﺭ ﺋﺎﺳﺘﻰ ﺗﻪﺷﻜﯩﻼﺗﻰ' ﻳﻮﺗﻘﺎﻥ ﻳﯩﯖﻨﯩﺴﻰ، ﺋﯩﻠﻐﯘﭺ، ﭼﯩﺶ ﻛﻮﻟﯩﻐﯘﭼﻼﺭﻧﻰ ﻗﻮﻟﻠﯩﻨﯩﭗ ﻫﯘﺟﯘﻡ ﻗﯩﻠﻐﺎﻥ.

'ﻳﯩﯖﻨﻪ ﻫﯘﺟﯘﻣﻰ' ﺩﻩﭖ ﺋﺎﺗﺎﻟﻐﺎﻥ ﺑﯘﻧﺪﺍﻕ ﻫﯘﺟﯘﻡ ﻫﺎﺯﯨﺮ ﺧﯩﺘﺎﻳﻨﯩﯔ ﺑﺎﺷﻘﺎ ﺋﯚﻟﻜﯩﻠﯩﺮﯨﺪﯨﻤﯘ ﺋﻪﯞﺝ ﺋﺎﻟﻐﺎﻥ.
 
ﺷﯩﻨﺨﯘﺍ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﻰ ﺩﯛﺷﻪﻧﺒﻪ ﻛﯜﻧﻰ ﺧﻪﯞﯨﺮﯨﺪﻩ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﻳﯩﯖﻨﻪ ﻫﯘﺟﯘﻣﯩﻐﺎ ﺋﯘﭼﺮﯨﻐﺎﻥ ﺩﻩﭖ ﻗﺎﺭﺍﻟﻐﺎﻥ 250 ﺋﺎﺩﻩﻡ ﺋﯜﺳﺘﯩﺪﯨﻦ ﺗﻪﻛﺸﯜﺭﯛﺵ ﺋﯧﻠﯩﭗ ﺑﯧﺮﯨﻠﻐﺎﻧﻠﯩﻘﯩﻨﻰ، ﻟﯧﻜﯩﻦ ﺑﯘ ﻛﯩﺸﯩﻠﻪﺭﻧﯩﯔ ﻗﺎﻥ ﺗﻪﺭﻛﯩﺒﯩﺪﻩ ﺭﺍﺩﯨﺌﺎﻛﺘﯩﭙﻠﯩﻖ، ﺯﻩﻫﻪﺭﻟﯩﻚ ﻳﺎﻛﻰ ﺯﯨﻴﺎﻧﻠﯩﻖ ﻣﺎﺩﺩﯨﻼﺭ ﺑﺎﻳﻘﺎﻟﻤﯩﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺧﯩﺘﺎﻳﻨﯩﯔ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻣﯩﻨﯩﺴﺘﯩﺮﻟﯩﻘﻰ ﺋﺎﻗﺴﯘﺩﺍ ﺗﯧﺮﺭﻭﺭﭼﻰ ﮔﯘﺭﯗﻫﻼﺭ ﭘﺎﺵ ﻗﯩﻠﯩﻨﺪﻯ، ﺩﻩﭖ ﺋﯧﻼﻥ ﻗﯩﻠﺪﻯ. ﺑﯘ ﻫﻪﻗﺘﻪ ﺋﯧﻼﻥ ﻗﯩﻠﻐﺎﻥ ﺧﻪﯞﯨﺮﯨﺪﻩ، ﺋﯜﺭﯛﻣﭽﻰ ﯞﻩﻗﻪﺳﯩﺪﯨﻦ ﻛﯧﻴﯩﻦ ﺋﺎﻗﺴﯘﺩﺍ 20 ﺩﺍﻧﻪ ﭘﺎﺭﺗﻼﺗﻘﯘﭺ ﺑﻮﻣﺒﺎ ﺑﺎﻳﻘﺎﻟﻐﺎﻧﻠﯩﻘﯩﻨﻰ، ﺗﯧﺮﺭﻭﺭﭼﯩﻼﺭ ﭘﯩﻼﻧﯩﻨﻰ ﺋﻪﻣﻪﻟﮕﻪ ﺋﺎﺷﯘﺭﯗﺷﺘﯩﻦ ﺑﯘﺭﯗﻧﻼ ﺷﯩﻨﺠﺎﯓ ﺳﺎﻗﭽﯩﻠﯩﺮﻯ ﺗﻪﺭﯨﭙﯩﺪﯨﻦ ﭘﺎﺵ ﻗﯩﻠﯩﻨﯩﭗ، ﺳﯧﻴﺖ ﻫﺎﻣﯘﺕ ﺋﻮﺑﯘﻝ ﻗﺎﺗﺎﺭﻟﯩﻖ 6 ﻧﻪﭘﻪﺭ ﺋﯘﻳﻐﯘﺭﻧﯩﯔ ﻗﻮﻟﻐﺎ ﺋﯧﻠﯩﻨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﺪﻯ.

ﺧﯩﺘﺎﻳﻨﯩﯔ 'ﺷﯩﻨﺠﺎﯓ ﺧﻪﯞﻩﺭ ﺗﻮﺭﻯ'ﺩﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺋﺎﻗﺴﯘﺩﺍ 'ﺗﯧﺮﺭﻭﺭﭼﻰ ﮔﯘﺭﯗﻫ' ﺩﻩﭖ ﺋﺎﺗﺎﻟﻐﺎﻥ ﺩﯦﻠﻮﻏﺎ ﻣﯘﻧﺎﺳﯩﯟﻩﺗﻠﯩﻚ 6 ﻧﻪﭘﻪﺭ ﺋﯘﻳﻐﯘﺭ 8‏ - ﺋﺎﻳﻨﯩﯔ 26 ‏ - ﻛﯜﻧﻰ ﻗﻮﻟﻐﺎ ﺋﯧﻠﯩﻨﻐﺎﻥ ﺋﯩﻜﻪﻥ، ﺋﻪﻣﻤﺎ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻣﯩﻨﯩﺴﺘﯩﺮﻟﯩﻘﻰ ﺑﯘ ﺋﯘﭼﯘﺭﻧﻰ 9‏ - ﺋﺎﻳﻨﯩﯔ 16 - ﻛﯜﻧﻰ ﺋﯧﻼﻥ ﻗﯩﻠﻐﺎﻥ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭﻻﺭﻧﻰ ﺧﻪﻟﻘﺌﺎﺭﺍﻏﺎ ﺗﯧﺮﺭﻭﺭﭼﻰ ﻗﯩﻠﯩﭗ ﻛﯚﺭﺳﻪﺗﻤﻪﻛﭽﻰ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﺋﻪﻳﯩﺒﻠﯩﺪﻯ.

ﺋﯘﻳﻐﯘﺭ ﺋﯧﻠﯩﻨﯩﯔ ﺟﯩﺪﺩﯨﻲ ﯞﻩﺯﯨﻴﯩﺘﻰ ﺗﯜﭘﻪﻳﻠﻰ، ﺋﺎﻣﯧﺮﯨﻜﺎ ﺋﯘﻳﻐﯘﺭ ﺭﺍﻳﻮﻧﻰ ﻫﻪﻗﻘﯩﺪﻩ ﺳﺎﻳﺎﻫﻪﺕ ﺋﺎﮔﺎﻫﻼﻧﺪﯗﺭﯗﺷﻰ ﺋﯧﻼﻥ ﻗﯩﻠﺪﻯ. ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﺋﯚﺗﻜﻪﻥ ﺷﻪﻧﺒﻪ ﻛﯜﻧﻰ ﭼﯩﻘﺎﺭﻏﺎﻥ ﺳﺎﻳﺎﻫﻪﺕ ﺋﺎﮔﺎﻫﻼﻧﺪﯗﺭﯗﺷﯩﺪﺍ 'ﺋﺎﻣﯧﺮﯨﻜﯩﻨﯩﯔ ﺧﯩﺘﺎﻳﺪﺍ ﺗﯘﺭﯗﺷﻠﯘﻕ ﺋﻪﻟﭽﯩﺨﺎﻧﯩﺴﻰ ﻫﺎﺯﯨﺮ ﺷﯩﻨﺠﺎﯕﻐﺎ ﺑﺎﺭﻏﺎﻥ ﺋﺎﻣﯧﺮﯨﻜﺎ ﭘﯘﻗﺮﺍﻟﯩﺮﯨﻨﯩﯔ ﺋﻪﻫﯟﺍﻟﯩﻨﻰ ﺋﯩﻨﭽﯩﻜﯩﻠﻪﭖ ﻛﯚﺯﯨﺘﯩﯟﺍﺗﯩﺪﯗ' ﺩﻩﭖ ﻛﯚﺭﺳﯩﺘﯩﻠﺪﻯ.

ﺷﯘﻧﺪﺍﻗﻼ ﺋﺎﻣﯧﺮﯨﻜﺎ ﭘﯘﻗﺮﺍﻟﯩﺮﯨﻨﻰ 'ﻣﯘﺷﯘ ﻛﯜﻧﻠﻪﺭﺩﻩ ﺧﯩﺘﺎﻳﻨﯩﯔ ﺋﯘﻳﻐﯘﺭ ﺭﺍﻳﻮﻧﻠﯩﻐﺎ ﺳﺎﻳﺎﻫﻪﺕ ﻗﯩﻠﻐﯩﻠﻰ ﺑﯧﺮﯨﺸﺘﺎ ﺑﯩﺨﻪﺗﻪﺭﻟﯩﻜﯩﻨﻰ ﺋﻮﻳﻠﯩﺸﻰ ﻛﯧﺮﻩﻙ، ﺑﻮﻟﯘﭘﻤﯘ ﺋﯜﺭﯛﻣﭽﯩﮕﻪ ﺳﺎﻳﺎﻫﻪﺕ ﻗﯩﻠﻐﯩﻠﻰ ﺑﺎﺭﻏﺎﻧﻼﺭ ' ﺩﻩﭖ ﺗﻪﻛﯩﺘﻠﯩﺪﻯ.

ﻓﺮﺍﻧﺴﯩﻴﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺗﯩﻨﭻ ﺋﻮﻛﻴﺎﻧﺪﯨﻜﻰ ﭘﺎﻻﯞ ﺩﯙﻟﯩﺘﯩﻨﯩﯔ ﭘﺮﯦﺰﯨﺪﯦﻨﺘﻰ ﺟﻮﻧﺴﻮﻥ ﺗﻮﺭﯨﺒﯩﺌﻮﯓ ﮔﯜﻩﻧﺘﺎﻧﺎﻣﻮﺩﯨﻜﻰ ﺋﯘﻳﻐﯘﺭﻻﺭﺩﯨﻦ ﺋﺎﺯ ﺩﯦﮕﻪﻧﺪﻩ 4 ﻛﯩﺸﯩﻨﯩﯔ ﭘﺎﻻﯞﻏﺎ ﻳﻪﺭﻟﯩﺸﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﺋﯘﻻﺭﻧﯩﯔ ﺋﯚﻛﺘﻪﺑﯩﺮﻧﯩﯔ ﺋﻮﺗﺘﯘﺭﯨﻠﯩﺮﯨﺪﺍ ﮔﯜﻩﻧﺘﺎﻧﺎﻣﻮﺩﯨﻦ ﺋﺎﻳﺮﯨﻠﯩﺸﻰ ﻣﯘﻣﻜﯩﻨﻠﯩﻜﻰ ﺋﯩﻠﮕﯩﺮﻯ ﺳﯜﺭﯛﻟﻤﻪﻛﺘﻪ.

ﮔﯜﻩﻧﺘﺎﻧﺎﻣﻮﺩﺍ ﻗﯧﻠﯩﭗ ﻗﺎﻟﻐﺎﻥ 13 ﻧﻪﭘﻪﺭ ﺋﯘﻳﻐﯘﺭﻧﯩﯔ ﺋﯩﭽﯩﺪﯨﻜﻰ ﺑﺎﺷﻘﯩﻼﺭﻧﯩﯔ ﺋﯚﺯﻯ ﺑﺎﺭﯨﺪﯨﻐﺎﻥ ﻣﺎﻛﺎﻧﻨﻰ ﺗﺎﻟﻼﭖ ﺑﻮﻟﻐﺎﻥ ﺑﻮﻟﺴﯩﻤﯘ،ﺑﯘ ﻫﻪﻗﺘﯩﻜﻰ ﺋﯘﭼﯘﺭﻻﺭ ﺗﯧﺨﻰ ﻣﻪﺗﺒﯘﺋﺎﺗﻘﺎ ﺋﺎﺷﻜﺎﺭﯨﻼﻧﻤﯩﺪﻯ.

14 - ﺳﯧﻨﺘﻪﺑﯩﺮ ﺟﻪﻧﯟﻩﺩﻩ ﺋﯧﭽﯩﻠﻐﺎﻥ ﺏ ﺩ ﺕ ﻛﯩﺸﯩﻠﯩﻚ ﻫﻮﻗﯘﻕ ﻛﻮﻣﯩﺘﯧﺘﯩﻨﯩﯔ 12 - ﻧﯚﯞﻩﺗﻠﯩﻚ ﻳﯩﻐﯩﻨﯩﺪﺍ، ﺏ ﺩ ﺕ ﻛﯩﺸﯩﻠﯩﻚ ﻫﻮﻗﯘﻕ ﻛﻮﻣﯩﺘﯧﺘﯩﻨﯩﯔ ﺋﺎﻟﯩﻲ ﻛﻮﻣﯩﺴﺴﺎﺭﻯ Navy Pillay ﺧﺎﻧﯩﻢ ﺳﯚﺯ ﻗﯩﻠﯩﭗ، ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﺋﯜﺭﯛﻣﭽﻰ ﯞﻩ ﻻﺳﺎ ﯞﻩﻗﻪﻟﯩﺮﯨﻨﯩﯔ ﻛﯧﻠﯩﭗ ﭼﯩﻘﯩﺶ ﺳﻪﯞﻩﺑﻠﯩﺮﯨﻨﻰ ﻗﺎﻳﺘﺎ ﻛﯚﺯﺩﯨﻦ ﻛﻪﭼﯜﺭﯛﺷﻜﻪ ﭼﺎﻗﯩﺮﻏﺎﻥ.

Navy Pillay ﺧﺎﻧﯩﻢ ﺳﯚﺯﯨﺪﻩ، ﺋﯜﺯﯨﻨﯩﯔ ﻳﯧﻘﯩﻨﺪﺍ ﺷﯩﻨﺠﺎﯓ ﯞﻩ ﺷﯩﺰﺍﯕﺪﺍ ﻳﯜﺯ ﺑﻪﺭﮔﻪﻥ ﯞﻩﻗﻪﻟﻪﺭﮔﻪ ﻳﯧﻘﯩﻨﺪﯨﻦ ﻛﯚﯕﯜﻝ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﺋﻪﺳﻜﻪﺭﺗﻜﻪﻥ. ﺭﺍﻳﻮﻧﺪﯨﻜﻰ ﻛﻪﻣﺴﯩﺘﯩﺶ ﺳﯩﻴﺎﺳﯩﺘﻰ ﯞﻩ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﻫﻮﻗﯘﻗﯩﻨﯩﯔ ﺩﻩﺧﻠﻰ - ﺗﻪﺭﯛﺯﮔﻪ ﺋﯘﭼﺮﺍﺵ ﺋﻪﻫﯟﺍﻟﯩﻨﻰ ﻗﺎﻳﺘﺎ ﻛﯚﺯﺩﯨﻦ ﻛﻪﭼﯜﺭﯛﺷﻜﻪ ﭼﺎﻗﯩﺮﻏﺎﻥ. Navy Pillay ﺧﺎﻧﯩﻢ ﺏ ﺩ ﺕ ﻛﯩﺸﯩﻠﯩﻚ ﻫﻮﻗﯘﻕ ﻛﻮﻣﯩﺘﯧﺘﯩﻨﯩﯔ ﻏﺎﻳﯩﺴﯩﻨﻰ ﻳﻪﻧﻪ ﺑﯩﺮ ﻗﯧﺘﯩﻢ ﺗﻪﻛﯩﺘﻠﻪﭖ، ﺩﯗﻧﻴﺎﺩﺍ ﻛﻪﻣﺴﯩﺘﯩﺶ ﺑﻮﻟﻤﯩﻐﺎﻥ ﺟﻪﻣﺌﯩﻴﻪﺕ ﺑﻪﺭﭘﺎ ﻗﯩﻠﯩﺶ ﯞﻩ ﺑﺎﺭﻟﯩﻖ ﻛﯩﺸﯩﻠﻪﺭﮔﻪ ﺑﺎﺭﺍﯞﻩﺭﻟﯩﻚ ﺋﯧﻠﯩﭗ ﻛﯧﻠﯩﺶ ﺑﯩﺰﻧﯩﯔ ﻏﺎﻳﯩﻤﯩﺰ. ﻫﯧﭽﻘﺎﻧﺪﺍﻕ ﺑﯩﺮ ﺩﯙﻟﻪﺕ ﻣﺎﻧﺎ ﺑﯘ ﺟﻪﻫﻪﺗﺘﯩﻜﻰ ﻣﻪﺳﺌﯘﻟﯩﻴﻪﺗﺘﯩﻦ ﺋﯚﺯﯨﻨﻰ ﻗﺎﭼﯘﺭﺍﻟﻤﺎﻳﺪﯗ،" ﺩﻩﭖ ﻛﯚﺭﺳﻪﺗﻜﻪﻥ.

ﭼﻮﺷﻘﺎ ﺯﯗﻛﺎﻡ ﻳﯘﻗﯘﻡ ﺋﻪﻫﯟﺍﻟﻰ ﻫﻪﻗﻘﯩﺪﻩ ﺋﯧﻼﻥ ﻗﯩﻠﯩﻨﯩﯟﺍﺗﻘﺎﻥ ﺳﺘﺎﺗﯩﺴﺘﯩﻜﯩﻠﯩﻖ ﻳﯧﯖﻰ ﻣﻪﻟﯘﻣﺎﺕ ﻫﻪﻡ ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ، ﻧﯚﯞﻩﺗﺘﻪ ﭼﻮﺷﻘﺎ ﺯﯗﻛﺎﻡ ﭘﯜﺗﯜﻥ ﺩﯗﻧﻴﺎ ﻣﯩﻘﻴﺎﺳﯩﺪﺍ ﻳﻪﻧﯩﻤﯘ ﺗﯧﺰ ﺳﯜﺭﺋﻪﺗﺘﻪ ﺗﺎﺭﯨﻠﯩﯟﺍﺗﻘﺎﻥ ﺑﻮﻟﯘﭖ، ﺋﯘﻳﻐﯘﺭ ﺋﯧﻠﯩﺪﯨﻜﻰ ﭼﻮﺷﻘﺎ ﺯﯗﻛﺎﻡ ﯞﯨﺮﯗﺳﻰ ﻳﯘﻗﯘﻣﺪﺍﺭﻟﯩﺮﯨﻨﯩﯔ ﺳﺎﻧﯩﺪﺍ ﻳﻪﻧﻪ ﺋﯚﺭﻟﻪﺵ ﻛﯚﺭﯛﻟﮕﻪﻥ ﺑﻮﻟﯘﭖ، 17 ﺳﯧﻨﺘﻪﺑﯩﺮ، ﻳﯘﻗﯘﻣﺪﺍﺭﻟﯩﺮﯨﻨﯩﯔ ﺳﺎﻧﻰ68 ﮔﻪ ﻳﻪﺗﻜﻪﻥ ﺑﯘﻧﯩﯔ 55ﺋﻰ ﺋﯜﺭﯛﻣﭽﯩﺪﻩ 13 ﻧﻪﭘﯩﺮﻯ ﻗﺎﺭﯨﻤﺎﻱ ﯞﻩ ﻣﺎﻳﺘﺎﻏﺪﺍ ﺋﯧﻨﯩﻘﻼﻧﻐﺎﻥ. ﻳﯘﻗﯘﻣﺪﺍﺭﻻﺭ ﺋﯩﭽﯩﺪﻩ ﺋﯚﻟﮕﻪﻧﻠﻪﺭ ﻣﻪﻟﯘﻡ ﺑﻮﻟﻤﯩﻐﺎﻥ.

ﺷﯩﻨﺨﯘﺍ ﺗﻮﺭﯨﻨﯩﯔ ﺧﻪﯞﯨﺮﯨﮕﻪ ﻗﺎﺭﯨﻐﺎﻧﺪﺍ، 16 - ﺳﯧﻨﺘﻪﺑﯩﺮﮔﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﺎ ﺧﯩﺘﺎﻱ ﺑﻮﻳﯩﭽﻪ ﺋﯧﻨﯩﻘﻼﻧﻐﺎﻥ ﭼﻮﺷﻘﺎ ﺯﯗﻛﺎﻡ ﻳﯘﻗﯘﻣﺪﺍﺭﻟﯩﺮﯨﻨﯩﯔ ﺳﺎﻧﻰ ﺋﻮﻥ ﻣﯩﯔ 200ﻧﻪﭘﻪﺭﺩﯨﻦ ﺋﺎﺷﻘﺎﻥ.

ﭼﻮﺷﻘﺎ ﺯﯗﻛﺎﻡ ﯞﯨﺮﯗﺳﻰ ﺩﯗﻧﻴﺎﺩﺍ 3 ﻣﯩﯖﺪﯨﻦ ﺋﺎﺭﺗﯘﻕ ﻛﯩﺸﯩﻨﯩﯔ ﺟﯧﻨﯩﻐﺎ ﺯﺍﻣﯩﻦ ﺑﻮﻟﻐﺎﻥ.

ﺩﯗﻧﻴﺎﻧﯩﯔ ﺳﯩﻴﺎﺳﯩﻲ، ﺋﯩﻘﺘﯩﺴﺎﺩﯨﻲ ﯞﻩ ﺋﯩﺠﺘﯩﻤﺎﺋﯩﻲ ﯞﻩﺯﯨﻴﯩﺘﯩﮕﻪ ﻧﻪﺯﻩﺭ

ﺑﯘ ﺑﯩﺮ ﻫﻪﭘﺘﻪ ﺋﯩﭽﯩﺪﻩ ﺩﯗﻧﻴﺎ ﯞﻩﺯﯨﻴﯩﺘﯩﺪﻩ ﻳﯜﺯ ﺑﻪﺭﮔﻪﻥ ﻳﯧﯖﻰ ﺋﯚﺯﮔﯩﺮﯨﺸﻠﻪﺭ ﺷﯘﻧﺪﺍﻗﻼ ﺋﯘﻳﻐﯘﺭﻻﺭ ﻗﯩﺰﯨﻘﯩﺪﯨﻐﺎﻥ ﺑﯩﺮ ﻗﯩﺴﯩﻢ ﻣﯘﻫﯩﻢ ﯞﻩﻗﻪ ﻫﻪﻡ ﻫﺎﺩﯨﺴﯩﻠﻪﺭﮔﻪ ﻛﯚﺯ ﻳﯜﮔﯜﺭﺗﺴﻪﻙ:
 
ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺋﻮﺑﺎﻣﺎ 9‏ - ﺋﺎﻳﻨﯩﯔ 11 - ﻛﯜﻧﻰ، ﺧﯩﺘﺎﻳﺪﯨﻦ ﺋﯩﻤﭙﻮﺭﺕ ﻗﯩﻠﯩﻨﻐﺎﻥ ﺋﺎﭘﺘﻮﻣﻮﺑﯩﻞ ﺑﺎﻟﯘﻧﻠﯩﺮﯨﺪﯨﻦ ﺋﯜﭺ ﻳﯩﻠﯩﻐﯩﭽﻪ ﭼﯧﮕﺮﺍ ﺑﯧﺠﻰ ﺋﯧﻠﯩﺶ ﻫﻪﻗﻘﯩﺪﯨﻜﻰ ﻗﺎﺭﺍﺭ ﻻﻳﯩﻬﯩﺴﯩﮕﻪ ﺋﯩﻤﺰﺍ ﻗﻮﻳﺪﻯ. ﺑﯘ ﻗﺎﺭﺍﺭ 26‏ - ﭼﯩﺴﻼﺩﯨﻦ ﺑﺎﺷﻼﭖ ﺋﯩﺠﺮﺍ ﻗﯩﻠﯩﻨﻤﺎﻗﭽﻰ ﺋﯩﺪﻯ.

ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ ﺑﯘ ﺑﻪﻟﮕﯩﻠﯩﻤﯩﮕﻪ ﻧﺎﺭﺍﺯﯨﻠﯩﻖ ﺋﯩﻨﻜﺎﺳﯩﻨﻰ ﻗﺎﻳﺘﯘﺭﯗﭖ، ﺋﺎﻣﯧﺮﯨﻜﯩﻨﯩﯔ ﺑﯘ ﻫﻪﺭﯨﻜﯩﺘﻰ" ﺩﯗﻧﻴﺎ ﺋﯩﻘﺘﯩﺴﺎﺩﯨﻨﯩﯔ ﺑﺎﻟﺪﯗﺭﺭﺍﻕ ﺋﻪﺳﻠﯩﮕﻪ ﻛﯧﻠﯩﺸﯩﮕﻪ ﭘﺎﻳﺪﯨﺴﯩﺰ" ﺩﻩﭖ ﺑﯩﻠﺪﯛﺭﮔﻪﻥ. ﺧﯩﺘﺎﻱ ﺗﻪﺭﻩﭖ، ﺟﯘﯕﮕﻮ ﺋﯩﺸﻠﻪﭘﭽﯩﻘﺎﺭﻏﺎﻥ ﺑﺎﻟﻮﻧﻼﺭﻧﯩﯔ 40%ﻧﯩﯔ ﺋﯧﻜﯩﺴﭙﻮﺭﺕ ﻗﯩﻠﯩﻨﯩﺪﯨﻐﺎﻧﻠﯩﻘﯩﻨﻰ، ﺑﯘﻧﯩﯔ ﺋﯜﭼﺘﯩﻦ ﺑﯩﺮ ﻗﯩﺴﯩﻤﻰ ﺋﺎﻣﯧﺮﯨﻜﯩﻐﺎ ﺋﯧﻜﯩﺴﭙﻮﺭﺕ ﻗﯩﻠﯩﻨﯩﺪﯨﻐﺎﻥ ﺑﻮﻟﯘﭖ، ﺋﻪﮔﻪﺭﺩﻩ ﺋﺎﻣﯧﺮﯨﻜﺎ ﺗﻪﺭﻩﭖ 35% ﺑﺎﺝ ﺋﺎﻟﻐﺎﻧﺪﺍ، ﺟﯘﯕﮕﻮﻧﯩﯔ ﺑﯘ ﻣﻪﻫﺴﯘﻻﺗﻠﯩﺮﯨﻨﯩﯔ ﺋﺎﻣﯧﺮﯨﻜﯩﻐﺎ ﺋﯧﻜﺴﭙﻮﺭﺕ ﻗﯩﻠﯩﻨﺎﻟﻤﺎﻳﺪﯨﻐﺎﻧﻠﯩﻘﯩﻨﻰ، ﺑﯘﻧﯩﯔ ﺟﯘﯕﮕﻮ ﺋﯜﭼﯜﻥ ﺑﯩﺮ ﻣﯩﻠﻴﺎﺭﺩ ﺩﻭﻟﻼﺭ ﺯﯨﻴﺎﻥ ﺋﯧﻠﯩﭗ ﻛﯧﻠﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ.

ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺑﺎﺭﺍﻙ ﺋﻮﺑﺎﻣﺎﻧﯩﯔ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﻳﺎﺭﺩﻩﻣﭽﯩﻠﯩﺮﯨﺪﯨﻦ ﺋﺎﻗﺴﺎﺭﺍﻳﻨﯩﯔ ﻣﻪﺳﻠﯩﻬﻪﺗﭽﯩﺴﻰ ﯞﺍﻟﯧﺮﯦﻲ ﺟﻪﺭﺭﯦﺖ ﺑﺎﺷﭽﯩﻠﯩﻘﯩﺪﯨﻜﻰ 3 ﻛﯩﺸﯩﻠﯩﻚ ﯞﻩﻛﯩﻠﻠﻪﺭ ﺋﯚﻣﯩﻜﻰ ﺩﺍﺭﺍﻣﺴﺎﻻﻧﻰ ﺯﯨﻴﺎﺭﻩﺕ ﻗﯩﻠﯩﯩﭗ، 13 - ﺳﯧﻨﺘﻪﺑﯩﺮ ﻛﯜﻧﻰ ﺗﯩﺒﻪﺕ ﺭﻭﻫﺎﻧﻰ ﺩﺍﻫﯩﺴﻰ ﺩﺍﻻﻱ ﻻﻣﺎ ﺑﯩﻠﻪﻥ ﻛﯚﺭﯛﺷﯜﭖ 2 ﺳﺎﺋﻪﺕ ﺳﯚﻫﺒﻪﺗﺘﻪ ﺑﻮﻟﻐﺎﻥ.
 
ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺑﺎﺭﺍﻙ ﺋﻮﺑﺎﻣﺎ 11 - ﺋﺎﻳﺪﺍ ﺧﯩﺘﺎﻳﻨﻰ ﺯﯨﻴﺎﺭﻩﺕ ﻗﯩﻠﻤﺎﻗﭽﻰ. ﺩﺍﻻﻱ ﻻﻣﺎ ﻳﯧﻘﯩﻨﺪﺍ ﺋﯚﺯﯨﻨﯩﯔ ﺋﯚﻛﺘﻪﺑﯩﺮﺩﻩ ﯞﺍﺷﯩﻨﮕﯩﺘﻮﻧﻨﻰ ﺯﯨﻴﺎﺭﻩﺕ ﻗﯩﻠﯩﺪﯨﻐﺎﻧﻠﯩﻘﻰ ﯞﻩ ﺑﯘ ﺟﻪﺭﻳﺎﻧﺪﺍ ﺑﺎﺭﺍﻙ ﺋﻮﺑﺎﻣﺎ ﺑﯩﻠﻪﻥ ﻛﯚﺭﯛﺷﯜﺷﻨﻰ ﺧﺎﻻﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ.

ﺧﯩﺘﺎﻱ ﺋﺎﻣﯧﺮﯨﻜﺎ ﺗﻪﺭﻩﭘﻨﯩﯔ ﺩﺍﺭﯨﻤﺴﺎﻻﺩﺍ ﺗﯩﺒﻪﺕ ﺩﺍﻫﯩﺴﻰ ﺩﺍﻻﻱ ﻻﻣﺎ ﺑﯩﻠﻪﻥ ﻛﯚﺭﯛﺷﻜﻪﻧﻠﯩﻜﯩﮕﻪ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﮔﻪﻥ. ﺧﯩﺘﺎﻱ ﺑﺎﻳﺎﻧﺎﺗﭽﻰ ﺳﯚﺯﯨﺪﻩ، ﻫﻪﺭ ﻗﺎﻧﺪﺍﻕ ﺑﯩﺮ ﺩﯙﻟﻪﺗﻨﯩﯔ ﻫﻪﺭ ﻗﺎﻧﺪﺍﻕ ﻳﻪﺭﺩﻩ، ﻫﻪﺭ ﻗﺎﻧﺪﺍﻕ ﻧﺎﻡ ﺋﺎﺳﺘﯩﺪﺍ ﺩﺍﻻﻱ ﻻﻣﺎ ﺑﯩﻠﻪﻥ ﻛﯚﺭﯛﺷﯜﺷﯩﮕﻪ ﻗﺎﺭﺷﻰ ﺋﯩﻜﻪﻧﻠﯩﻜﯩﻨﻰ ﻳﻪﻧﻪ ﺑﯩﺮ ﻗﯧﺘﯩﻢ ﺗﻪﻛﯩﺘﻠﯩﮕﻪﻥ.

ﻓﻪﺭﻏﺎﻧﻪ ﺋﺎﮔﯧﻨﺘﻠﯩﻘﯩﻨﯩﯔ ﻗﺎﺯﺍﻗﯩﺴﺘﺎﻥ ﻣﻪﻧﺒﻪﻟﯩﺮﯨﺪﯨﻦ ﻧﻪﻗﯩﻞ ﻛﻪﻟﺘﯜﺭﯛﺷﯩﭽﻪ، 14 - ﺳﯧﻨﺘﻪﺑﯩﺮ ﻛﯜﻧﻰ "ﻧﯘﺭ ﯞﻩﺗﻪﻥ" ﭘﺎﺭﺗﯩﻴﯩﺴﯩﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ ﺩﺍﺭﺧﺎﻥ ﻛﺎﻟﯧﺘﺎﻳﯧﻒ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ، ﻧﺎﺯﺍﺭﺑﺎﻳﯧﻔﻨﯩﯔ ﻗﺎﺯﺍﻗﯩﺴﺘﺎﻧﻐﺎ ﻗﻮﺷﻘﺎﻥ ﺧﯘﺳﯘﺳﯩﻲ ﺗﯚﻫﭙﯩﺴﻰ ﺋﯜﭼﯜﻥ ﺋﯘﻧﻰ ﺑﯘ ﺩﯙﻟﻪﺗﻨﯩﯔ ﻣﻪﯕﮕﯜﻟﯜﻙ ﭘﺮﯦﺰﯨﺪﯦﻨﺘﻰ ﻗﯩﻠﯩﭗ ﺑﯧﻜﯩﺘﯩﺸﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ. 2000 - ﻳﯩﻠﻰ ﻗﺎﺯﺍﻗﯩﺴﺘﺎﻥ ﭘﺎﺭﻻﻣﯧﻨﺘﻰ " ﺩﯙﻟﻪﺗﻨﯩﯔ ﺑﯩﺮﯨﻨﭽﻰ ﭘﺮﯦﺰﯨﺪﯦﻨﺘﻰ" ﺩﻩﭖ ﺋﺎﺗﺎﻟﻐﺎﻥ ﺑﯩﺮ ﻗﺎﻧﯘﻥ ﭼﯩﻘﯩﺮﯨﭗ، ﻧﯘﺭﺳﯘﻟﺘﺎﻥ ﻧﺎﺯﺍﺭﺑﺎﻳﯧﻔﻨﯩﯔ ﻣﯘﺳﺘﻪﻗﯩﻞ ﻗﺎﺯﺍﻗﯩﺴﺘﺎﻥ ﺩﯙﻟﯩﺘﯩﻨﻰ ﻗﯘﺭﻏﺎﻥ ﺗﯚﻫﭙﯩﺴﯩﮕﻪ ﻳﯘﻗﯩﺮﻯ ﺑﺎﻫﺎ ﺑﻪﺭﮔﻪﻥ ﻫﻪﻣﺪﻩ ﺋﯘﻧﯩﯖﻐﺎ ﺷﯘ ﻧﺎﻣﺪﺍ ﺋﻮﺭﺩﯦﻦ ﺗﻪﻗﺪﯨﻢ ﻗﯩﻠﻐﺎﻥ ﺋﯩﺪﻯ.

ﻗﺎﺯﺍﻗﯩﺴﺘﺎﻥ ﺋﺎﺳﺎﺳﯩﻲ ﻗﺎﻧﯘﻧﻰ ﺑﻮﻳﯩﭽﻪ ﻧﯘﺭﺳﯘﻟﺘﺎﻥ ﻧﺎﺯﺍﺭﺑﺎﻳﯧﻔﻨﯩﯔ ﭘﺮﯦﺰﯨﺪﯦﻨﺘﻠﯩﻖ ﻣﯚﻫﻠﯩﺘﻰ 2012 - ﻳﯩﻠﻰ ﺗﻮﺷﯩﺪﯗ. ﺑﯩﺮﺍﻕ، 2007 - ﻳﯩﻠﯩﺪﯨﻜﻰ ﻳﯧﯖﻰ ﻗﺎﻧﯘﻥ ﺑﻮﻳﯩﭽﻪ ﭘﺮﯦﺰﯨﺪﯦﻨﺖ ﻳﻪﻧﻪ ﺋﯩﻜﻜﻰ ﻧﯚﯞﻩﺕ ﯞﻩﺯﯨﭙﻪ ﺋﯚﺗﻪﺵ ﻣﯘﻣﻜﯩﻨﻜﯩﻨﭽﯩﻠﯩﻜﯩﮕﻪ ﺋﯩﮕﻪ ﺑﻮﻟﯘﭖ، ﺷﯘﻧﺪﺍﻕ ﺑﻮﻟﻐﺎﻧﺪﺍ، ﻧﺎﺯﺍﺭﺑﺎﻳﯧﻔﻨﯩﯔ 2012 - ﻳﯩﻠﻰ ﻳﻪﻧﻪ ﻗﺎﻳﺘﺎ ﺳﺎﻳﻠﯩﻨﯩﭗ ﯞﻩﺯﯨﭙﻪ ﺋﯚﺗﯜﺷﯩﻨﯩﯔ ﺋﯧﻬﺘﯩﻤﺎﻟﻠﯩﻘﯩﻤﯘ ﻣﻪﯞﺟﯘﺕ ﺋﯩﻜﻪﻥ.

ﻫﯚﺭﻣﻪﺗﻠﯩﻚ ﺋﻮﻗﯘﺭﻣﻪﻧﻠﻪﺭ، ﯞﺍﻗﯩﺖ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﻫﻪﭘﺘﯩﻠﯩﻚ ﻣﯘﻫﯩﻢ ﺧﻪﯞﻩﺭﻟﻪﺭ ﺳﻪﻫﯩﭙﯩﻤﯩﺰ ﻣﯘﺷﯘ ﻳﻪﺭﺩﻩ ﺗﺎﻣﺎﻣﻼﻳﻤﯩﺰ، ﺋﯚﺗﻜﻪﻥ ﺑﯩﺮ ﻫﻪﭘﺘﯩﻠﯩﻚ ﺑﺎﺭﻟﯩﻖ ﺋﺎﯕﻠﯩﺘﯩﺸﻠﯩﺮﯨﻤﯩﺰ ﺷﯘﻧﺪﺍﻗﻼ ﺑﺎﺷﻘﺎ ﻣﯘﻧﺎﺳﯩﯟﻩﺗﻠﯩﻚ ﺗﻮﻟﯘﻕ ﻣﻪﻟﯘﻣﺎﺗﻼﺭﻏﺎ ﺋﯩﺴﺘﺎﻧﺴﯩﻤﯩﺰ ﺗﻮﺭ ﺑﯧﻜﯩﺘﯩﻨﯩﯔ ﺑﺎﺷﻘﺎ ﺳﻪﻫﯩﭙﯩﻠﯩﺮﻯ ﺋﺎﺭﻗﯩﻠﯩﻖ ﺋﯩﮕﻪ ﺑﻮﻻﻻﻳﺴﯩﻠﻪﺭ.