ﭘﺎﻻﯞﻏﺎ ﺋﻮﺭﯗﻧﻼﺷﺘﯘﺭﯗﻟﻐﺎﻥ ﺋﯘﻳﻐﯘﺭﻻﺭ ﻫﻪﻗﻘﯩﺪﻩ

1 - ﻧﻮﻳﺎﺑﯩﺮ، ﺋﺎﺭﺍﻝ ﭘﺎﻻﯞﻏﺎ ﻳﯧﺘﯩﭗ ﺑﺎﺭﻏﺎﻥ 6 ﻧﻪﭘﻪﺭ ﺋﯘﻳﻐﯘﺭ، 8 ﻳﯩﻠﻠﯩﻖ ﺗﯜﺭﻣﻪ ﻫﺎﻳﺎﺗﯩﺪﯨﻦ ﻛﯧﻴﯩﻦ، ﺗﯘﻧﺠﻰ ﻗﯧﺘﯩﻢ ﺳﯩﺮﺗﻘﺎ ﭼﯩﻘﯩﭗ ﻛﻮﭼﯩﻼﺭﻧﻰ ﺋﺎﻳﻼﻧﺪﻯ ﯞﻩ ﺳﻮﺩﺍ - ﺳﯧﺘﯩﻖ ﻗﯩﻠﺪﻯ.

ﺋﯘﻻﺭﻧﯩﯔ ﺗﻪﺭﺟﯩﻤﺎﻧﻰ ﻣﻪﻣﺘﯩﻤﯩﻦ ﺋﻪﻻ ﺋﻪﭘﻪﻧﺪﻯ ﺋﯘﻻﺭﻧﯩﯔ ﻧﯚﯞﻩﺗﺘﯩﻜﻰ ﺗﯘﺭﻣﯘﺵ ﺋﻪﻫﯟﺍﻟﻰ ﯞﻩ ﺭﻭﻫﯩﻲ ﻛﻪﻳﭙﯩﻴﺎﺗﻰ ﻫﻪﻗﻘﯩﺪﻩ ﺗﻮﺧﺘﺎﻟﺪﻯ.
ﻣﻪﻣﺘﯩﻤﯩﻦ ﺋﻪﻻﻧﯩﯔ ﺑﯩﻠﺪﯛﺭﯛﺷﯩﭽﻪ، 6 ﺋﯘﻳﻐﯘﺭﻧﻰ ﻛﯜﺗﯜﯞﯦﻠﯩﺶ ﺋﯜﭼﯜﻥ، ﭘﺎﻻﯞﻧﯩﯔ ﺑﺎﺵ ﯞﻩ ﻣﯘﺋﺎﯞﯨﻦ ﭘﺮﯦﺰﯨﺪﯦﻨﺘﻠﯩﺮﻯ ﻫﻪﻣﺪﻩ ﺋﺎﻣﯧﺮﯨﻜﺎ ﺋﻪﻟﭽﯩﺨﺎﻧﯩﺴﯩﻨﯩﯔ ﺧﺎﺩﯨﻤﻠﯩﺮﻯ ﺑﻮﻟﯘﭖ 30 ﺩﯨﻦ ﺋﺎﺭﺗﯘﻕ ﻛﯩﺸﻰ ﺋﺎﻳﺮﻭﺩﺭﻭﻣﻐﺎ ﭼﯩﻘﻘﺎﻥ.
 ﭘﺎﻻﯞ ﭘﺮﯦﺰﯨﺪﯦﻨﺘﻰ ﺑﯘ 6 ﺋﯘﻳﻐﯘﺭﻧﯩﯔ ﺋﻮﺭﯗﻧﻠﯩﺸﯩﺸﯩﻐﺎ ﺑﯩﯟﺍﺳﯩﺘﻪ ﺋﺎﺭﯨﻼﺷﻘﺎﻥ.

ﺳﺎﺑﯩﻖ ﻣﻪﻫﺒﯘﺳﻼﺭﺩﯨﻦ ﺋﯧﻠﻰ ﻣﯘﻫﻪﻣﻤﻪﺩ، ﺋﯚﺯﻟﯩﺮﯨﻨﯩﯔ ﮔﯜﻩﻧﺘﺎﻧﺎﻣﻮ ﻫﺎﻳﺎﺗﯩﺪﯨﻜﻰ ﯞﻩ ﭘﺎﻻﯞﻏﺎ ﻳﯚﺗﻜﯩﻠﯩﺶ ﺟﻪﺭﻳﺎﻧﯩﺪﯨﻜﻰ ﺗﻪﺳﯩﺮﺍﺗﻠﯩﺮﯨﻨﻰ ﺳﯚﺯﻟﻪﭖ ﺑﻪﺭﺩﻯ. ﺋﯘ ﭘﺎﻻﯞ ﭘﺮﯦﺰﯨﺪﯦﻨﺘﻰ ﯞﻩ ﺧﻪﻟﻘﯩﻨﯩﯔ ﺋﯩﻠﻠﯩﻖ ﻣﯘﺋﺎﻣﯩﻠﯩﺴﯩﺪﯨﻦ ﻣﻪﻣﻨﯘﻧﻠﯘﻗﯩﻨﻰ ﺑﯩﻠﺪﯛﺭﯛﺵ ﺑﯩﻠﻪﻥ ﺑﯩﻠﻠﻪ، ﺗﯜﺭﻣﯩﺪﯨﻦ ﭼﯩﻘﯩﭙﻼ ﻳﻪﻧﻪ ﺧﯩﺘﺎﻳﻨﯩﯔ ﺗﻮﺳﺎﻟﻐﯘﺳﯩﻐﺎ ﻳﻮﻟﯘﻗﻘﺎﻧﻠﯩﻘﯩﺪﯨﻦ ﻏﻪﺯﻩﭘﻠﻪﻧﮕﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﺋﯧﻠﻰ ﻣﯘﻫﻪﻣﻤﻪﺩ ﺳﯚﻫﺒﯩﺘﯩﻤﯩﺰﻧﯩﯔ ﺋﺎﺧﯩﺮﯨﺪﺍ، ﺋﯘﻳﻐﯘﺭﻻﺭﻧﯩﯔ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﺪﯨﻦ ﻗﯘﺗﯘﻟﻤﺎﻱ ﺗﯘﺭﯗﭖ ﻫﺎﻳﺎﺗﯩﺪﺍ ﺋﺎﯞﺍﺭﯨﭽﯩﻠﯩﻜﺘﯩﻦ ﺧﺎﻟﯩﻲ ﺑﻮﻻﻟﻤﺎﻳﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﺘﻰ.

4 - ﻧﻮﻳﺎﺑﯩﺮ ﭘﺎﻻﯞ ﭘﺮﯦﺰﯨﺪﯦﻨﺘﻰ ﺟﻮﻧﺴﻮﻥ ﺗﻮﺭﯨﺒﺌﻮﯓ ﺑﯘ ﺋﺎﻟﺘﻪﻳﻠﻪﻧﻨﻰ ﺋﯚﺯﻯ ﺳﺎﻳﺎﻫﻪﺕ ﻗﯩﻠﺪﯗﺭﺩﻯ ﯞﻩ ﻣﯧﻬﻤﺎﻥ ﻗﯩﻠﺪﻯ.

ﺧﻪﯞﻩﺭﺩﻩ ﺋﯧﻴﺘﯩﻠﯩﺸﯩﭽﻪ، ﺑﯘ ﺋﺎﻟﺘﻪ ﺋﯘﻳﻐﯘﺭ ﭘﺎﻻﯞ ﺩﯙﻟﯩﺘﯩﻨﯩﯔ ﭘﺮﯦﺰﯨﺪﯦﻨﺘﻰ ﺗﻮﺭﯨﺒﺌﻮﯓ ﺑﯩﻠﻪﻥ ﺑﯩﻠﻠﻪ، ﺋﯩﺴﺴﯩﻖ ﺑﻪﻟﯟﺍﻏﺪﯨﻜﻰ ﺋﺎﺭﺍﻟﻼﺭﻧﯩﯔ ﮔﯜﺯﻩﻝ ﻣﻪﻧﺰﯨﺮﯨﺴﯩﺪﯨﻦ ﻫﯘﺯﯗﺭﻻﻧﻐﺎﻥ، ﺑﯘﺭﯗﻥ ﺗﯧﻠﯧﯟﯨﺰﻭﺭﻻﺭﺩﺍ ﻛﯚﺭﮔﻪﻥ ﺩﯦﯖﯩﺰﺩﺍ ﺳﯘ ﺋﯜﺯﮔﻪﻥ ﯞﻩ ﺑﯜﻙ - ﺑﺎﺭﺍﻗﺴﺎﻥ ﺋﻮﺭﻣﺎﻧﻠﯩﻘﻼﺭﺩﺍ ﻛﺎﯞﺍﭖ ﺋﻪﺗﻜﻪﻥ. ﺗﻪﺭﺟﯩﻤﺎﻥ ﻣﻪﻣﺘﯩﻤﯩﻦ ﺋﻪﻻﻧﯩﯔ ﺋﯧﻴﺘﯩﺸﯩﭽﻪ، ﮔﯜﻩﻧﺘﺎﻧﺎﻣﻮﺩﺍ 8 ﻳﯩﻠﺪﻩﻙ ﻗﺎﻣﯩﻠﯩﭗ ﺗﯘﺭﻏﺎﻥ ﺑﯘ ﺋﺎﻟﺘﻪ ﺋﯘﻳﻐﯘﺭ ﺳﺎﻳﺎﻫﻪﺗﻨﻰ ﭼﻪﻛﺴﯩﺰ ﻫﺎﻳﺎﺟﺎﻧﻠﯩﻖ ﺋﯩﭽﯩﺪﻩ ﺋﯚﺗﻜﯜﺯﮔﻪﻥ.

5 - ﻧﻮﻳﺎﺑﯩﺮ ﭘﺎﻻﯞ ﭘﺮﯦﺰﯨﺪﯦﻨﺘﻰ ﺟﻮﻧﺴﻮﻥ ﺗﻮﺭﯨﺒﺌﻮﯓ ﺋﺎﯞﺳﺘﺮﺍﻟﯩﻴﯩﻨﯩﯔ ﻳﯧﻘﯩﻨﺪﺍ ﮔﯜﻩﻧﺘﺎﻧﺎﻣﻮﺩﯨﻦ ﻗﻮﻳﯘﭖ ﺑﯧﺮﯨﻠﯩﭗ ﯞﺍﻗﺘﯩﻨﭽﻪ ﭘﺎﻻﯞﻏﺎ ﺋﻮﺭﯗﻧﻼﺷﺘﯘﺭﯗﻟﻐﺎﻥ ﺋﯘﻳﻐﯘﺭﻻﺭﻏﺎ ﺩﺍﺋﯩﻤﯩﻲ ﺗﯘﺭﺍﻟﻐﯘ ﻣﺎﻛﺎﻥ ﺑﯧﺮﯨﺸﯩﻨﻰ ﺋﯜﻣﯩﺪ ﻗﯩﻠﻐﺎﻥ.

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ﻳﺎﭘﻮﻧﯩﻴﻪ ﺯﯨﻴﺎﺭﯨﺘﻰ ﻏﻪﻟﯩﺒﯩﻠﯩﻚ ﺋﺎﺧﯩﺮﻻﺷﺘﻰ

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﻳﺎﭘﻮﻧﯩﻴﯩﺪﻩ ﺋﯘﻳﯘﺷﺘﯘﺭﻏﺎﻥ ﺋﯩﻜﻜﻰ ﻫﻪﭘﺘﯩﻠﯩﻚ ﭘﺎﺋﺎﻟﯩﻴﯩﺘﯩﻨﻰ ﻏﻪﻟﯩﺒﯩﻠﯩﻚ ﺋﺎﺧﯩﺮﻻﺷﺘﯘﺭﺩﻯ. ﺋﻪﻣﻤﺎ ﺋﯘ ﺋﺎﻣﯧﺮﯨﻜﯩﻐﺎ ﻗﺎﻳﺘﯩﭗ ﻛﯧﻠﯩﭙﻼ ﺋﺎﻣﯧﺮﯨﻜﯩﺪﯨﻜﻰ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﺩﺍﯞﺍﻣﻼﺷﺘﯘﺭﺩﻯ.

ﺑﯘ ﻧﯚﯞﻩﺗﻠﯩﻚ ﻳﺎﭘﻮﻧﯩﻴﻪ ﺯﯨﻴﺎﺭﯨﺘﻰ ﻫﻪﻗﻘﯩﺪﻩ ﺗﻮﺧﺘﺎﻟﻐﺎﻥ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﺑﯘ ﻧﯚﯞﻩﺗﻠﯩﻚ ﻳﺎﭘﻮﻧﯩﻴﻪ ﺯﯨﻴﺎﺭﯨﺘﯩﻨﯩﯔ ﺋﯘﻳﻐﯘﺭﻻﺭ ﺋﯜﭼﯜﻥ ﺗﺎﺭﯨﺨﯩﻲ ﺯﯨﻴﺎﺭﻩﺕ ﺑﻮﻟﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺑﯘ ﻗﯧﺘﯩﻤﻘﻰ ﻟﯧﻜﺴﯩﻴﻪ ﺑﯧﺮﯨﺶ ﭘﺎﺋﺎﻟﯩﻴﯩﺘﯩﮕﻪ ﻳﺎﭘﻮﻧﯩﻴﻪ ﻛﺎﮔﻮﺷﯩﻤﺎ ﺧﻪﻟﻘﺌﺎﺭﺍ ﺋﯘﻧﯩﯟﯦﺮﺳﯩﺘﯧﺘﻰ ﺳﺎﻫﯩﺒﺨﺎﻧﯩﻠﯩﻖ ﻗﯩﻠﻐﺎﻥ، ﺷﯘﻧﺪﺍﻗﻼ، ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﺑﯘ ﻗﯧﺘﯩﻤﻘﻰ ﻳﺎﭘﻮﻧﯩﻴﻪ ﺯﯨﻴﺎﺭﯨﺘﻰ ﺟﻪﺭﻳﺎﻧﯩﺪﺍ ﻳﺎﭘﻮﻧﭽﻪ ﻧﻪﺷﺮ ﻗﯩﻠﯩﻨﻐﺎﻥ ﻛﯩﺘﺎﺑﯩﻨﯩﻤﯘ ﺗﻮﻧﯘﺷﺘﯘﺭﻏﺎﻥ.

ﻳﺎﭘﻮﻧﯩﻴﻪ ﺯﯨﻴﺎﺭﯨﺘﯩﻨﻰ ﺋﺎﺧﯩﺮﻻﺷﺘﯘﺭﯗﭖ، ﯞﺍﺷﯩﻨﮕﺘﻮﻧﻐﺎ ﻗﺎﻳﺘﯩﭗ ﻛﻪﻟﮕﻪﻥ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺭﻩﺋﯩﺴﻰ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﺭﺍﺩﯨﺌﻮﻣﯩﺰﻏﺎ ﺑﺎﻳﺎﻧﺎﺕ ﺑﯧﺮﯨﭗ، ﺋﻮﺑﺎﻣﺎ ﻫﯚﻛﯜﻣﯩﺘﯩﺪﯨﻜﻰ ﺋﻪﻣﻪﻟﺪﺍﺭﻻﺭ ﺑﯩﻠﻪﻥ ﻛﯚﺭﯛﺷﯩﺪﯨﻐﺎﻧﻠﯩﻘﯩﻨﻰ ﯞﻩ ﺋﯘﻻﺭﻏﺎ ﺑﻪﺯﻯ ﺗﻪﻟﻪﭘﻠﻪﺭﻧﻰ ﺳﯘﻧﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺭﺍﺑﯩﻴﻪ ﺧﺎﻧﯩﻢ "ﻧﯚﯞﻩﺗﺘﯩﻜﻰ ﺋﻪﯓ ﺟﯩﺪﺩﯨﻲ ﻣﻪﺳﯩﻠﻪ ﺗﯜﺭﻣﯩﺪﯨﻜﻰ ﺋﯘﻳﻐﯘﺭﻻﺭﻧﯩﯔ ﻫﺎﻳﺎﺗﯩﻨﻰ ﺳﺎﻗﻼﭖ ﻗﯧﻠﯩﺸﺘﯘﺭ،" ﺩﯦﺪﻯ.

ﺋﯩﺴﺘﺎﻧﺒﯘﻟﺪﺍ 'ﺗﺎﺷﻘﻰ ﺗﯜﺭﻛﻠﻪﺭ ﯞﻩ ﻗﯧﺮﯨﻨﺪﺍﺵ ﺧﻪﻟﻘﻠﻪﺭ' ﻧﺎﻣﻠﯩﻖ ﻳﯩﻐﯩﻦ ﺋﯚﺗﻜﯜﺯﯛﻟﺪﻯ

2009 ‏ - ﻳﯩﻠﻰ 11 ‏ - ﺋﺎﻳﻨﯩﯔ 1 ‏ - ﻛﯜﻧﻰ ﺋﯩﺴﺘﺎﻧﺒﯘﻟﻨﯩﯔ ﻓﻪﺳﻬﺎﻧﻪ ﻳﯩﻐﯩﻦ ﺯﺍﻟﯩﺪﺍ، 'ﺗﺎﺷﻘﻰ ﺗﯜﺭﻛﻠﻪﺭ ﯞﻩ ﻗﯧﺮﯨﻨﺪﺍﺵ ﺧﻪﻟﻘﻠﻪﺭ' ﻧﺎﻣﻠﯩﻖ ﻳﯩﻐﯩﻦ ﺋﯚﺗﻜﯜﺯﯛﻟﺪﻯ. ﺑﯘ ﻳﯩﻐﯩﻦ، ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﻰ ﺗﯜﺭﻙ ﺩﯗﻧﻴﺎﺳﻰ ﯞﻩ ﻗﯧﺮﯨﻨﺪﺍﺵ ﺧﻪﻟﻘﻠﻪﺭ ﺋﯩﺸﻠﯩﺮﯨﻐﺎ ﻣﻪﺳﺌﯘﻝ ﺩﯙﻟﻪﺕ ﻣﯩﻨﯩﺴﺘﯩﺮﻯ ﻓﺎﺭﯗﻕ ﭼﯧﻠﯩﻚ ﺗﻪﺭﯨﭙﯩﺪﯨﻦ ﺋﯘﻳﯘﺷﺘﯘﺭﯗﻟﺪﻯ.
 
ﻳﯩﻐﯩﻨﻐﺎ ﺗﯜﺭﻛﯩﻴﻪ ﺩﯙﻟﻪﺕ ﻣﯩﻨﯩﺴﺘﯩﺮﻯ ﻓﺎﺭﯗﻕ ﭼﯧﻠﯩﻚ، ﺳﺎﺑﯩﻖ ﺩﯙﻟﻪﺕ ﻣﯩﻨﯩﺴﺘﯩﺮﻯ ﻧﻪﯞﺯﺍﺕ ﻳﺎﻟﭽﯩﻨﺘﺎﺵ، ﭘﺎﺭﻻﻣﯧﻨﺖ ﺋﻪﺯﺍﺳﻰ ﻣﻪﻣﻪﺕ ﻣﯘﺋﻪﺯﺯﯨﻦ، ﺋﻮﺗﺘﯘﺭﺍ ﺋﺎﺳﯩﻴﺎ ﯞﻩ ﻛﺎﻓﻜﺎﺯﯨﻴﻪ ﺭﺍﻳﻮﻧﻠﯩﺮﯨﺪﯨﻜﻰ ﺗﯜﺭﻛﻠﻪﺭ ﯞﻩ ﻗﯧﺮﯨﻨﺪﺍﺵ ﺧﻪﻟﻘﻠﻪﺭﻧﯩﯔ ﺗﯜﺭﻛﯩﻴﯩﺪﯨﻜﻰ ﺋﺎﻣﻤﯩﯟﻯ ﺗﻪﺷﻜﯩﻼﺕ، ﺟﻪﻣﺌﯩﻴﻪﺕ ﯞﻩ ﻓﻮﻧﺪﻟﯩﺮﯨﻨﯩﯔ ﻣﻪﺳﺌﯘﻟﻠﯩﺮﻯ ﺗﻪﻛﻠﯩﭗ ﺑﯩﻠﻪﻥ ﻗﺎﺗﻨﺎﺷﺘﻰ.

ﻳﯩﻐﯩﻨﻐﺎ ﺗﯜﺭﻛﯩﻴﯩﺪﻩ ﭘﺎﺋﺎﻟﯩﻴﻪﺕ ﻗﯩﻠﯩﯟﺍﺗﻘﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﺎﻣﻤﯩﯟﻯ ﺗﻪﺷﻜﯩﻼﺗﻠﯩﺮﻯ ﯞﻩﻛﯩﻠﻠﯩﺮﯨﻨﯩﯔ ﻫﻪﻣﻤﯩﺴﻰ ﺩﯦﮕﯜﺩﻩﻙ ﺗﻪﻛﻠﯩﭗ ﻗﯩﻠﯩﻨﻐﺎﻥ.

ﻳﯩﻐﯩﻨﺪﺍ ﺗﯜﺭﻛﯩﻴﻪ ﺩﯙﻟﻪﺕ ﻣﯩﻨﯩﺴﺘﯩﺮﻯ ﻓﺎﺭﯗﻕ ﭼﯧﻠﯩﻚ ﭘﯜﺗﯜﻥ ﺗﯜﺭﻛﯩﻲ ﺧﻪﻟﻘﻠﻪﺭﻧﯩﯔ ﺑﯩﺮ ﻣﯩﻠﻠﻪﺕ ﺋﯩﻜﻪﻧﻠﯩﻜﯩﻨﻰ ﺗﻪﻛﯩﺘﻠﯩﺪﻯ. ﻳﯩﻐﯩﻦ ﺋﺎﺧﯩﺮﯨﺪﺍ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﻣﯘﺋﺎﯞﯨﻦ ﺭﻩﺋﯩﺴﻰ ﺳﯧﻴﯩﺖ ﺗﯜﻣﺘﯜﺭﻙ ﻗﺎﺗﺎﺭﻟﯩﻖ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﺎﻣﻤﯩﯟﻯ ﺗﻪﺷﻜﯩﻼﺕ ﻣﻪﺳﺌﯘﻟﻠﯩﺮﻯ ﺳﻪﻫﻨﯩﮕﻪ ﭼﯩﻘﯩﭗ ﺩﯙﻟﻪﺕ ﻣﯩﻨﯩﺴﺘﯩﺮﻯ ﻓﺎﺭﯗﻕ ﭼﯧﻠﯩﻜﻜﻪ، ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﯩﻨﯩﯔ 5 ‏ - ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﻰ ﻫﻪﻗﻘﯩﺪﻩ ﺋﯘﻳﻐﯘﺭﻻﺭﻏﺎ ﻗﯩﻠﻐﺎﻥ ﻫﯧﺴﺪﺍﺷﻠﯩﻘﻰ ﺋﯜﭼﯜﻥ ﺗﻪﺷﻪﻛﻜﯜﺭ ﺋﯧﻴﺘﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﭖ ﭼﯩﻤﻪﻥ ﺩﻭﭘﭙﺎ ﯞﻩ ﺋﯘﺯﯗﻥ ﺗﻮﻥ ﻛﯩﻴﺪﯛﺭﺩﻯ.

ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﺋﯧﻠﯩﺪﻩ 'ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺶ ﻫﻪﺭﯨﻜﯩﺘﻰ' ﻧﻰ ﺑﺎﺷﻠﯩﺪﻯ

ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﺋﯧﻠﯩﺪﻩ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺶ ﯞﻩ "5 - ﺋﯩﻴﯘﻝ ﯞﻩﻗﻪﺳﻰ" ﮔﯘﻣﺎﻧﺪﺍﺭﻟﯩﺮﯨﻨﻰ ﻗﻮﻏﻼﭖ ﺗﯘﺗﯘﺵ ﻫﻪﺭﯨﻜﯩﺘﯩﻨﻰ ﺑﺎﺷﻠﯩﺪﻯ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﺋﯘﻳﻐﯘﺭﻻﺭﻏﺎ ﻗﺎﺭﯨﺘﯩﻠﻐﺎﻥ ﺳﯩﻴﺎﺳﯩﻲ ﯞﻩ ﺑﺎﺳﺘﯘﺭﯗﺵ ﺧﺎﺭﺍﻛﺘﯧﺮﯨﺪﯨﻜﻰ ﺑﯘ ﺋﺎﺗﺎﻟﻤﯩﺶ "ﺯﻩﺭﺑﻪ ﺑﯧﺮﯨﺶ" ﻫﻪﺭﯨﻜﯩﺘﯩﻨﻰ ﺩﻩﺭﻫﺎﻝ ﺗﻮﺧﺘﯩﺘﯩﺸﻘﺎ ﭼﺎﻗﯩﺮﺩﻯ.

ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﺋﯧﻠﯩﺪﻩ ﻳﯩﻠﻼﺭﺩﯨﻦ ﺑﯘﻳﺎﻥ "100 ﻛﯜﻧﻠﯜﻙ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺶ ﯞﻩ ﺋﻮﻣﯘﻣﻼﺷﺘﯘﺭﯗﭖ ﺗﯜﺯﻩﺵ ﻫﻪﺭﯨﻜﯩﺘﻰ" ﻧﻰ ﻳﻮﻟﻐﺎ ﻗﻮﻳﯘﭖ، ﺋﺎﺳﺎﺳﻠﯩﻘﻰ ﺋﯘﻳﻐﯘﺭﻻﺭﻏﺎ ﻗﺎﺭﯨﺘﯩﻠﻐﺎﻥ ﺑﺎﺳﺘﯘﺭﯗﺵ ﻫﻪﺭﯨﻜﯩﺘﻰ ﻳﯜﺭﮔﯜﺯﯛﭖ ﻛﯧﻠﯩﯟﺍﺗﻘﺎﻥ ﺋﯩﺪﻯ.

ﺋﯘﻳﻐﯘﺭ ﺋﯧﻠﻰ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻧﺎﺯﺍﺭﯨﺘﻰ ﺑﺎﻳﺎﻧﺎﺗﭽﯩﺴﯩﻨﯩﯔ ﺑﯘ ﻫﻪﻗﺘﻪ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ، ﺋﯘﻳﻐﯘﺭ ﺋﯧﻠﯩﺪﯨﻜﻰ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﺗﺎﺭﻣﺎﻗﻠﯩﺮﻯ ﭘﯜﺗﯜﻥ ﺋﯘﻳﻐﯘﺭ ﺋﯧﻠﻰ ﻣﯩﻘﻴﺎﺳﯩﺪﺍ 11 - ﺋﺎﻳﻨﯩﯔ 1 - ﻛﯜﻧﯩﺪﯨﻦ ﺑﺎﺷﻼﭖ ﻳﯩﻞ ﺋﺎﺧﯩﺮﯨﻐﯩﭽﻪ " ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺶ ﻫﻪﺭﯨﻜﯩﺘﻰ" ﺋﯧﻠﯩﭗ ﺑﺎﺭﯨﺪﯨﻐﺎﻧﻠﯩﻘﯩﻨﻰ ﻫﻪﻣﺪﻩ ﺑﯘ ﻫﻪﺭﯨﻜﻪﺗﻨﯩﯔ ﺗﯩﻎ ﺋﯘﭼﯩﻨﻰ 5 - ﺋﯩﻴﯘﻝ ﯞﻩﻗﻪﺳﯩﮕﻪ ﺋﺎﻻﻗﯩﺪﺍﺭ ﺷﻪﺧﺴﻠﻪﺭﻧﻰ ﺗﯘﺗﯘﺷﻘﺎ ﻗﺎﺭﯨﺘﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺖ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺋﯧﻠﯩﺪﺍ 5 - ﺋﯩﻴﯘﻝ ﯞﻩ ﺋﯘﻧﺪﯨﻦ ﻛﯧﻴﯩﻦ ﺋﯧﻠﯩﭗ ﺑﺎﺭﻏﺎﻥ ﺑﺎﺳﺘﯘﺭﯗﺵ ﻫﻪﺭﯨﻜﯩﺘﯩﻨﯩﯔ ﺋﺎﻗﯩﯟﯨﺘﯩﺪﯨﻦ ﭼﯜﭼﯜﯞﺍﺗﻘﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﺩﻯ.

ﻛﺎﺭﺍ ﺋﺎﺑﺮﺍﻣﺴﻮﻥ ﺧﺎﻧﯩﻢ ﺋﺎﻣﯧﺮﯨﻜﺎ ﺩﯙﻟﻪﺗﻠﯩﻚ ﺧﯩﺘﺎﻱ ﺋﯩﺸﻠﯩﺮﻯ ﻛﻮﻣﯩﺘﯧﺘﯩﻨﯩﯔ ﺧﯩﺰﻣﻪﺗﻠﯩﺮﻯ ﻫﻪﻗﻘﯩﺪﻩ ﺗﻮﺧﺘﺎﻟﺪﻯ

ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﯞﻩ ﻫﯚﻛﯜﻣﯩﺘﯩﻨﯩﯔ ﺧﯩﺘﺎﻱ ﺋﯩﺸﻠﯩﺮﻯ ﺋﯩﺠﺮﺍﺋﯩﻴﻪ ﻛﻮﻣﯩﺘﯧﺘﯩﻨﯩﯔ ﺋﺎﺩﯞﻭﻛﺎﺗﻠﯩﻖ ﺧﯩﺰﻣﯩﺘﻰ ﺩﯨﺮﯦﻜﺘﻮﺭﻯ ﻛﺎﺭﺍ ﺋﺎﺑﺮﺍﻣﺴﻮﻥ ﺧﺎﻧﯩﻢ ﺋﯘﻳﻐﯘﺭ ﺗﯩﻠﻰ ﺋﯚﮔﯩﻨﯩﯟﺍﺗﻘﺎﻥ ﯞﻩ ﺋﯘﻳﻐﯘﺭ ﺗﯩﻠﯩﻨﻰ ﻳﺎﺧﺸﻰ ﺋﯚﮔﻪﻧﮕﻪﻥ ﺋﺎﻣﯧﺮﯨﻜﯩﻠﯩﻘﻼﺭﻧﯩﯔ ﺑﯩﺮﻯ.

ﺋﯘ، ﻳﯧﻘﯩﻨﺪﺍ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﯩﭗ، ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﯞﻩ ﻫﯚﻛﯜﻣﯩﺘﯩﻨﯩﯔ ﺧﯩﺘﺎﻱ ﺋﯩﺸﻠﯩﺮﻯ ﻛﻮﻣﯩﺘﯧﺘﯩﻨﯩﯔ ﺧﯩﺰﻣﻪﺗﻠﯩﺮﻯ، ﺑﯘ ﻳﯩﻠﻠﯩﻖ ﺩﻭﻛﻼﺗﻰ ﻫﻪﻣﺪﻩ ﺗﻪﻳﻴﺎﺭﻟﯩﻐﺎﻥ ﺗﻪﻛﻠﯩﭗ ﻻﻳﯩﻬﯩﻠﯩﺮﻯ ﻫﻪﻗﻘﯩﺪﻩ ﺗﻮﺧﺘﺎﻟﺪﻯ.

ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ ﺋﻮﺑﺎﻣﺎﻧﻰ ﺧﯩﺘﺎﻱ ﺯﯨﻴﺎﺭﯨﺘﯩﺪﻩ ﻛﯩﺸﯩﻠﯩﻚ ﻫﻮﻗﯘﻗﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﺷﻘﺎ ﭼﺎﻗﯩﺮﺩﻯ

ﭘﺮﯦﺰﯨﺪﯦﻨﺖ ﺋﻮﺑﺎﻣﺎ ﺑﯘ ﺋﺎﻳﻨﯩﯔ ﺋﻮﺗﺘﯘﺭﯨﻠﯩﺮﯨﺪﺍ ﺧﯩﺘﺎﻳﻨﻰ ﺯﯨﻴﺎﺭﻩﺕ ﻗﯩﻠﯩﺪﯗ. ﺋﯘ ﺯﯨﻴﺎﺭﻩﺕ ﻫﺎﺭﭘﯩﺴﯩﺪﺍ ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﯨﻨﯩﯔ ﺳﻮﺩﯨﻐﯩﻼ ﺋﯧﺴﯩﻠﯩﯟﺍﻟﻤﺎﻱ، ﻛﯩﺸﯩﻠﯩﻚ ﻫﻮﻗﯘﻗﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﺵ ﺗﻮﻏﺮﯨﺴﯩﺪﯨﻜﻰ ﻛﯜﭼﻠﯜﻙ ﺑﯧﺴﯩﻤﯩﻐﺎ ﺩﯗﭺ ﻛﻪﻟﻤﻪﻛﺘﻪ.

ﻣﻪﺭﻛﯩﺰﻯ ﻟﻮﻧﺪﻭﻧﺪﯨﻜﻰ ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ، ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺋﻮﺑﺎﻣﺎﻧﻰ ﺧﯩﺘﺎﻱ ﺯﯨﻴﺎﺭﯨﺘﯩﺪﻩ ﻛﯩﺸﯩﻠﯩﻚ ﻫﻮﻗﯘﻗﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﺷﻘﺎ، ﺧﯩﺘﺎﻱ ﺭﻩﻫﺒﻪﺭﻟﯩﺮﯨﮕﻪ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻳﺎﺧﺸﯩﻼﺵ ﺗﻮﻏﺮﯨﺴﯩﺪﺍ ﺑﯧﺴﯩﻢ ﺋﯩﺸﻠﯩﺘﯩﺸﻜﻪ ﭼﺎﻗﯩﺮﺩﻯ.

ﻻﺭﺭﯨﻲ ﻛﻮﻛﺴﻨﯩﯔ ﺋﻮﺑﺎﻣﺎﻏﺎ ﻗﻮﻳﻐﺎﻥ ﺗﻪﻟﻪﭘﻠﯩﺮﯨﻨﯩﯔ ﺋﺎﺳﺎﺳﻠﯩﻘﻰ، ﺧﯩﺘﺎﻱ ﻳﺎﺯﻏﯘﭼﻰ ﺷﻰ ﺗﺎﯞ، ﺋﯘﻳﻐﯘﺭ ﺭﻩﻫﺒﯩﺮﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ﺋﻮﻏﯘﻟﻠﯩﺮﯨﺪﯨﻦ ﺋﺎﺑﻠﯩﻜﯩﻢ ﺋﺎﺑﺪﯗﺭﯦﻬﯩﻢ، ﺋﺎﻟﯩﻢ ﺋﺎﺑﺪﯗﺭﯦﻬﯩﻢ ﯞﻩ ﺗﯩﻨﭻ ﻧﺎﻣﺎﻳﯩﺸﻘﺎ ﻗﺎﺗﻨﺎﺷﻘﺎﻥ ﺗﯘﺗﻘﯘﻧﻼﺭﻧﻰ ﻗﻮﻳﯘﭖ ﺑﯧﺮﯨﺶ، ﺋﺎﺩﯞﻭﻛﺎﺗﻼﺭﻧﯩﯔ ﺋﺎﻗﻼﺵ ﻫﻮﻗﯘﻗﯩﻐﺎ ﻫﯚﺭﻣﻪﺕ ﻗﯩﻠﯩﺶ، ﺗﯩﺒﻪﺕ ﯞﻩ ﺋﯘﻳﻐﯘﺭﻻﺭﻏﺎ ﻗﺎﺭﯨﺘﯩﻠﻐﺎﻥ ﺑﺎﺳﺘﯘﺭﯗﺷﻨﻰ ﺗﻮﺧﺘﯩﺘﯩﭗ، ﺋﯘﻻﺭﻧﯩﯔ ﻣﯩﻠﻠﯩﻲ، ﻣﻪﺩﻩﻧﯩﻴﻪﺕ ﯞﻩ ﺩﯨﻨﯩﻲ ﻛﯩﻤﻠﯩﻜﯩﮕﻪ ﻫﯚﺭﻣﻪﺕ ﻗﯩﻠﯩﺶ، ﺧﺎﻟﯩﻐﺎﻧﭽﻪ ﺗﯘﺗﻘﯘﻥ ﻗﯩﻠﯩﺶ، ﺗﻪﻥ ﺟﺎﺯﺍﺳﻰ ﺑﯧﺮﯨﺶ ﯞﻩ ﺩﯨﻨﯩﻲ ﭼﻪﻛﻠﯩﻤﯩﻠﻪﺭﻧﻰ ﺑﯩﻜﺎﺭ ﻗﯩﻠﯩﺶ، ﺧﯩﺰﻣﻪﺗﻜﻪ ﺋﯧﻠﯩﺶ ﺟﻪﻫﻪﺗﺘﯩﻜﻰ ﻛﻪﻣﺴﯩﺘﯩﺸﻜﻪ ﺧﺎﺗﯩﻤﻪ ﺑﯧﺮﯨﺶ ﻗﺎﺗﺎﺭﻟﯩﻘﻼﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ.