ﺩﯗﻧﻴﺎ ﺋﯩﻨﺴﺎﻥ ﻫﻪﻗﻠﯩﺮﻯ ﻛﯜﻧﻰ ﺑﻮﻳﯩﭽﻪ ﻧﺎﻣﺎﻳﯩﺸﻼﺭ

12 - ﺋﺎﻳﻨﯩﯔ 10 - ﻛﯜﻧﻰ ﺩﯗﻧﻴﺎ ﺋﯩﻨﺴﺎﻥ ﻫﻪﻗﻠﯩﺮﻯ ﺧﯩﺘﺎﺑﻨﺎﻣﯩﺴﯩﻨﯩﯔ ﺋﯧﻼﻥ ﻗﯩﻠﯩﻨﻐﺎﻧﻠﯩﻘﯩﻨﯩﯔ 60 ‏ﻳﯩﻠﻠﯩﻘﯩﺪﯗﺭ. ﺑﯘ ﻛﯜﻥ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺧﻪﻟﻘﺌﺎﺭﺍ ﻣﯩﻘﻴﺎﺩﺍ ﺧﺎﺗﯩﺮﯨﻠﻪﺵ ﭘﺎﺋﺎﻟﯩﻴﻪﺗﻠﯩﺮﻯ ﺋﯚﺗﻜﯜﺯﯛﻟﺪﻯ.

ﺧﻪﻟﻘﺌﺎﺭﺍ ﺋﯩﻨﺴﺎﻥ ﻫﻪﻗﻠﯩﺮﻯ ﻛﯜﻧﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺑﯩﺮ ﻗﯩﺴﯩﻢ ﺋﻪﻟﻠﻪﺭﺩﯨﻜﻰ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﯨﻤﯘ ﺧﯩﺘﺎﻱ ﺋﻪﻟﭽﯩﺨﺎﻧﯩﻠﯩﺮﻯ ﺋﺎﻟﺪﯨﺪﺍ ﻧﺎﺭﺍﺯﯨﻠﯩﻖ ﻧﺎﻣﺎﻳﯩﺸﻠﯩﺮﻯ ﺋﯚﺗﻜﯜﺯﯛﻟﺪﻯ.

12 - ﺋﺎﻳﻨﯩﯔ 10 - ﻛﯜﻧﻰ ﺋﯩﺴﺘﺎﻧﺒﯘﻟﺪﺍ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺠﺘﯩﻤﺎﺋﯩﻲ ﺗﻪﺷﻜﯩﻼﺗﻼﺭﺩﯨﻦ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﺎﺋﺎﺭﯨﭗ ﯞﻩ ﻫﻪﻣﻜﺎﺭﻟﯩﻖ ﺟﻪﻣﺌﯩﻴﯩﺘﻰ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻛﯚﭼﻤﻪﻧﻠﻪﺭ ﺟﻪﻣﺌﯩﻴﯩﺘﻰ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻳﺎﺷﻼﺭ ﺗﻪﺷﻜﯩﻼﺗﻰ ﻗﺎﺗﺎﺭﻟﯩﻖ ﺋﺎﻣﻤﯩﯟﻯ ﺗﻪﺷﻜﯩﻼﺗﻼﺭ " ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﻨﺴﺎﻥ ﻫﻪﻗﻠﯩﺮﻯ ﻣﯘﻧﺒﯩﺮﻯ" ﻧﺎﻡ ﺋﺎﺳﺘﯩﺪﺍ ﺑﯩﺮ ﻳﻪﺭﮔﻪ ﺟﻪﻡ ﺑﻮﻟﯘﭖ، ﺑﯩﺮﻟﯩﻜﺘﻪ ﺋﯩﺴﺘﺎﻧﺒﯘﻟﺪﯨﻜﻰ ﺧﯩﺘﺎﻱ ﻛﻮﻧﺴﯘﻟﺨﺎﻧﯩﺴﻰ ﺋﺎﻟﺪﯨﺪﺍ ﻧﺎﻣﺎﻳﯩﺶ ﭘﺎﺋﺎﻟﯩﻴﯩﺘﻰ ﺋﯧﻠﯩﭗ ﺑﺎﺭﺩﻯ.

12 - ﺋﺎﻳﻨﯩﯔ10 - ﻛﯜﻧﻰ ﺩﯗﻧﻴﺎﯞﻯ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﻩ ﻛﯜﻧﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﻳﻪﻧﻪ ﻛﺎﻧﺎﺩﺍ ﺋﯘﻳﻐﯘﺭ ﺟﻪﻣﺌﯩﻴﯩﺘﻰ ﻛﺎﻧﺎﺩﺍﻧﯩﯔ ﺗﻮﺭﻭﻧﺘﻮ ﯞﻩ ﯞﺍﻧﻜﻮﯞﯦﺮ ﺷﻪﻫﺮﯨﺪﯨﻤﯘ ﺋﯚﺗﻜﯜﺯﺩﻯ. ﺑﯘ ﻛﯜﻥ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﻳﻪﻧﻪ ﺷﯟﯦﺘﺴﯩﻴﻪ ﻗﺎﺗﺎﺭﻟﯩﻖ ﺋﻪﻟﻠﻪﺭﺩﯨﻜﻰ ﺧﯩﺘﺎﻱ ﻛﻮﻧﺴﯘﻟﺨﺎﻧﯩﻠﯩﺮﻯ ﺋﺎﻟﺪﯨﺪﯨﻤﯘ ﻧﺎﺭﺍﺯﯨﻠﯩﻖ ﻧﺎﻣﺎﻳﯩﺸﻠﯩﺮﻯ ﺋﯧﻠﯩﭗ ﺑﯧﺮﯨﻠﺪﻯ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺗﻪﺷﻜﯩﻠﻠﯩﺸﻰ ﺑﯩﻠﻪﻥ ﺷﯘ ﻛﯜﻧﻰ ﻳﻪﻧﻪ ﮔﯧﺮﻣﺎﻧﯩﻴﯩﻨﯩﯔ ﻣﯩﻴﯘﻧﺨﯧﻦ ﺷﻪﻫﯩﺮﯨﺪﯨﻜﻰ ﺧﯩﺘﺎﻱ ﻛﻮﻧﺴﯘﻟﺨﺎﻧﯩﺴﻰ ﺋﺎﻟﺪﯨﺪﺍ ﻛﻪﯓ ﻛﯚﻟﻪﻣﻠﯩﻚ ﻧﺎﻣﺎﻳﯩﺶ ﺋﯧﻠﯩﭗ ﺑﯧﺮﯨﻠﻐﺎﻥ. ﻗﺎﺯﺍﻗﯩﺴﺘﺎﻧﻨﯩﯔ ﺋﺎﻟﻤﯘﺗﺎ ﺷﻪﻫﯩﺮﯨﺪﻩ ﺑﻮﻟﺴﺎ ﻳﯩﻐﯩﻦ ﺋﯧﭽﯩﻠﻐﺎﻥ.

ﺋﯘﻳﻐﯘﺭ ﻛﯩﺸﯩﻠﯩﻚ ﻫﻮﻗﯘﻕ ﻗﯘﺭﯗﻟﯘﺷﻰ ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﺩﻭﻛﻼﺕ ﺋﯧﻼﻥ ﻗﯩﻠﺪﻯ

ﺋﺎﻣﯧﺮﯨﻜﺎ ﺋﯘﻳﻐﯘﺭ ﺑﯩﺮﻟﻪﺷﻤﯩﺴﻰ ﻗﺎﺭﯨﻤﯩﻘﯩﺪﯨﻜﻰ ﺋﯘﻳﻐﯘﺭ ﻛﯩﺸﯩﻠﯩﻚ ﻫﻮﻗﯘﻕ ﻗﯘﺭﯗﻟﯘﺷﻰ، 12 - ﺋﺎﻳﻨﯩﯔ 11 - ﻛﯜﻧﻰ،ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻕ ﻛﯜﻧﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ، ﺋﯘﻳﻐﯘﺭﻻﺭﻧﯩﯔ ﻛﯩﺸﯩﻠﯩﻚ ﻫﻮﻗﯘﻕ ﯞﻩﺯﯨﻴﯩﺘﻰ ﻫﻪﻗﻘﯩﺪﻩ ﺑﯩﺮ ﺩﻭﻛﻼﺕ ﺋﯧﻼﻥ ﻗﯩﻠﺪﻯ.

ﺑﯘ ﺩﻭﻛﻼﺗﻨﯩﯔ ﺑﯩﺮ ﺋﺎﻻﻫﯩﺪﯨﻠﯩﻜﻰ ﺷﯘﻛﻰ، ﺑﯘﻧﯩﯖﺪﺍ ﺧﻪﻟﻘﺌﺎﺭﺍ ﻳﻪﺭﻟﯩﻚ ﻣﯩﻠﻠﻪﺗﻠﻪﺭﻧﯩﯔ ﻫﻮﻗﯘﻗﯩﻨﻰ ﻗﻮﻏﺪﺍﺵ ﺋﻪﻫﺪﯨﻨﺎﻣﯩﺴﯩﺪﯨﻜﻰ ﺑﻪﻟﮕﯩﻠﯩﻤﯩﻠﻪﺭ ﺋﺎﺳﺎﺱ ﻗﯩﻠﯩﻨﻐﺎﻥ ﺑﻮﻟﯘﭖ، ﺋﯘﻳﻐﯘﺭﻻﺭﻧﯩﯔ ﻳﻪﺭﻟﯩﻚ ﻣﯩﻠﻠﻪﺕ ﺑﻮﻟﯘﺵ ﺳﯜﭘﯩﺘﻰ ﺑﯩﻠﻪﻥ ﺋﻪﻫﺪﯨﻨﺎﻣﯩﻨﻰ ﺑﻪﻟﮕﯩﻠﻪﻧﮕﻪﻥ ﺗﯧﮕﯩﺸﻠﯩﻚ ﻫﻮﻗﯘﻗﻼﺭﺩﯨﻦ ﺑﻪﻫﺮﯨﻤﻪﻥ ﺑﻮﻟﯘﺷﻰ ﻻﺯﯨﻤﻠﯩﻘﻰ ﻛﯚﺭﺳﯩﺘﯩﻠﮕﻪﻥ.

ﺑﯘ ﺩﻭﻛﻼﺗﺘﺎ ﻳﻪﻧﻪ ﺋﯘﻳﻐﯘﺭﻻﺭﻧﯩﯔ ﻛﯩﺸﯩﻠﯩﻚ ﻫﻮﻗﯘﻗﻠﯩﺮﯨﻨﯩﯔ ﺋﯧﻐﯩﺮ ﺩﻩﺭﯨﺠﯩﺪﻩ ﺩﻩﭘﺴﻪﻧﺪﻩ ﺑﻮﻟﯘﯞﺍﺗﻘﺎﻧﻠﯩﻘﻰ ﻣﯩﺴﺎﻟﻼﺭ ﺋﺎﺭﻗﯩﻠﯩﻖ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

ﺑﯩﺸﻜﻪﻛﺘﻪ ﻣﻪﻫﻤﯘﺕ ﻗﻪﺷﻘﯩﺮﻯ ﺗﯘﻏﯘﻟﻐﺎﻧﻠﯩﻘﯩﻨﯩﯔ 1000 ﻳﯩﻠﻠﯩﻘﻰ ﺧﺎﺗﯩﺮﯨﻠﻪﻧﺪﻯ

ﻗﯩﺮﻏﯩﺰﯨﺴﺘﺎﻧﻨﯩﯔ ﭘﺎﻳﺘﻪﺧﺘﻰ ﺑﯩﺸﻜﻪﻙ ﺷﻪﻫﯩﺮﯨﺪﻩ، ﺋﯘﻳﻐﯘﺭ ﺋﯩﺘﺘﯩﭙﺎﻕ ﺟﻪﻣﺌﯩﻴﯩﺘﯩﻨﯩﯔ ﺗﻪﺷﻜﯩﻠﻠﯩﺸﻰ ﺑﯩﻠﻪﻥ 11 - ﺋﻪﺳﯩﺮﺩﻩ ﺋﯚﺗﻜﻪﻥ ﺑﯜﻳﯜﻙ ﺋﯘﻳﻐﯘﺭ ﺋﺎﻟﯩﻤﻰ ﻣﻪﻫﻤﯘﺕ ﻗﻪﺷﻘﯩﺮﯨﻨﯩﯔ ﺗﯘﻏﯘﻟﻐﺎﻧﻠﯩﻘﯩﻨﯩﯔ 1000 ﻳﯩﻠﻠﯩﻘﯩﻨﻰ ﺧﺎﺗﯩﺮﯨﻠﻪﺵ ﭘﺎﺋﺎﻟﯩﻴﯩﺘﻰ ﺋﯚﺗﻜﯜﺯﯛﻟﺪﻯ.

"ﺋﯩﺘﺘﯩﭙﺎﻕ" ﺟﻪﻣﺌﯩﻴﯩﺘﯩﻨﯩﯔ ﻣﻪﺯﻛﯘﺭ ﺩﺍﻏﺪﯗﻏﯩﻠﯩﻖ ﭘﺎﺋﺎﻟﯩﻴﯩﺘﯩﮕﻪ ﺋﯘﻳﻐﯘﺭ ﺟﺎﻣﺎﺋﻪﺕ ﯞﻩﻛﯩﻠﻠﯩﺮﻯ، ﻫﻪﺭ ﻗﺎﻳﺴﻰ ﻣﯩﻠﻠﻪﺗﻠﻪﺭﻧﯩﯔ ﻣﻪﺩﻩﻧﯩﻴﻪﺕ ﻣﻪﺭﻛﻪﺯﻟﯩﺮﯨﻨﯩﯔ ﯞﻩﻛﯩﻠﻠﯩﺮﻯ ﺷﯘﻧﯩﯖﺪﻩﻙ ﺋﺎﻟﯩﻤﻼﺭ ﺋﯩﺸﺘﯩﺮﺍﻙ ﻗﯩﻠﻐﺎﻥ.

2008 - ﻳﯩﻠﯩﻨﯩﯔ ﺏ ﺩ ﺕ ﺗﻪﺭﯨﭙﯩﺪﯨﻦ ﻣﻪﻫﻤﯘﺕ ﻗﻪﺷﻘﻪﺭﻯ ﻳﯩﻠﻰ ﻗﯩﻠﯩﭗ ﺑﯧﻜﯩﺘﯩﻠﯩﺸﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺗﯜﺭﻛﯩﻴﻪ، ﺋﻪﺯﻩﺭﺑﻪﻳﺠﺎﻥ، ﺗﯜﺭﻛﻤﻪﻧﯩﺴﺘﺎﻥ، ﻗﯩﺮﻏﯩﺰﯨﺴﺘﺎﻥ ﯞﻩ ﻗﺎﺯﺍﻗﯩﺴﺘﺎﻥ ﻗﺎﺗﺎﺭﻟﯩﻖ ﺋﻪﻟﻠﻪﺭﺩﻩ ﺗﯜﺭﻟﯜﻙ ﺷﻪﻛﯩﻠﺪﻩ ﺧﺎﺗﯩﺮﯨﻠﻪﺵ ﭘﺎﺋﺎﻟﯩﻴﻪﺗﻠﯩﺮﻯ ﺋﯚﺗﻜﯜﺯﯛﻟﮕﻪﻥ ﺑﻮﻟﯘﭖ، ﻗﺎﺯﺍﻗﯩﺴﺘﺎﻥ ﯞﻩ ﻗﯩﺮﻏﯩﺰﯨﺴﺘﺎﻧﺪﯨﻜﻰ ﭘﺎﺋﺎﻟﯩﻴﻪﺗﻠﻪﺭﻧﻰ ﺋﺎﺳﺎﺳﻠﯩﻘﻰ ﺋﯘﻳﻐﯘﺭ ﺟﻪﻣﺌﯩﻴﻪﺗﻠﯩﺮﻯ ﺗﻪﺷﻜﯩﻠﻠﯩﮕﻪﻥ.

ﺋﺎﻣﯧﺮﯨﻜﺎ، ﺧﯩﺘﺎﻳﺪﺍ ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﻪﺗﭽﯩﻠﯩﺮﯨﻨﯩﯔ ﻗﻮﻟﻐﺎ ﺋﯧﻠﯩﻨﯩﺸﻠﯩﺮﯨﺪﯨﻦ ﭼﻮﯕﻘﯘﺭ ﺋﻪﻧﺪﯨﺸﻪ ﻗﯩﻠﻐﺎﻥ

11 - ﺩﯦﻜﺎﺑﯩﺮ ﻛﯜﻧﻰ ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻜﻰ ﺑﺎﻳﺎﻧﺎﺗﭽﯩﺴﻰ ﺷﻮﻥ ﻣﯩﻜﻜﻮﺭﻣﺎﻙ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ، ﺩﯗﻧﻴﺎ ﺋﻮﻣﯘﻣﻰ ﻛﯩﺸﯩﻠﯩﻚ ﻫﻮﻗﯘﻕ ﺋﻪﻫﺪﯨﻨﺎﻣﯩﺴﻰ ﺋﯧﻼﻥ ﻗﯩﻠﯩﻨﻐﺎﻧﻠﯩﻘﯩﻨﯩﯔ 60 ﻳﯩﻠﻠﯩﻖ ﺧﺎﺗﯩﺮﻩ ﻛﯜﻧﯩﺪﯨﻦ ﺑﯘﺭﯗﻥ، ﺧﯩﺘﺎﻳﺪﺍ ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﻪﺗﭽﯩﻠﯩﺮﯨﻨﯩﯔ ﺗﯘﺗﻘﯘﻥ ﻗﯩﻠﯩﻨﻐﺎﻧﻠﯩﻘﯩﻐﺎ ﺩﺍﺋﯩﺮ ﺧﻪﯞﻩﺭﻟﻪﺭﺩﯨﻦ ﭼﻮﯕﻘﯘﺭ ﺋﻪﻧﺪﯨﺸﻪ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺷﻮﻥ ﻣﯩﻜﻜﻮﺭﻣﺎﻙ ﺑﯘ ﻫﻪﻗﺘﯩﻜﻰ ﺑﺎﻳﺎﻧﺎﺗﯩﺪﺍ ﻣﯘﻧﺪﺍﻕ ﺩﻩﻳﺪﯗ: " ﺋﺎﻣﯧﺮﯨﻜﺎ ﭼﺎﺭﺷﻪﻧﺒﻪ ﻛﯜﻧﻰ ﺧﺎﺗﯩﺮﯨﻠﻪﺵ ﭘﺎﺋﺎﻟﯩﻴﯩﺘﻰ ﺋﯚﺗﻜﯜﺯﯛﺷﻜﻪ ﺗﻪﻳﻴﺎﺭﻻﻧﻐﺎﻥ ﺧﯩﺘﺎﻱ ﭘﯘﻗﺮﺍﻟﯩﺮﯨﻨﯩﯔ ﺗﯘﺗﻘﯘﻧﻐﺎ ﺋﯘﭼﺮﺍﺵ، ﺳﻮﺭﺍﻕ ﻗﯩﻠﯩﻨﯩﺶ ﯞﻩ ﺋﯩﻐﯟﺍﮔﻪﺭﭼﯩﻠﯩﻜﻜﻪ ﺋﯘﭼﺮﯨﺸﯩﺪﯨﻦ ﭼﻮﯕﻘﯘﺭ ﺋﻪﻧﺪﯨﺸﻪ ﺗﯘﻳﻤﺎﻗﺘﺎ. ﺑﻮﻟﯘﭘﻤﯘ ﺑﯩﺰ ﺩﺍﺋﯩﺮﯨﻠﻪﺭ ﺗﻪﺭﯨﭙﯩﺪﯨﻦ ﺗﯘﺗﯘﭖ ﺗﯘﺭﯗﻟﯘﯞﺍﺗﻘﺎﻥ ﺋﯚﻛﺘﯩﭽﻰ ﭘﯩﻜﯩﺮﺩﯨﻜﻰ ﻳﺎﺯﻏﯘﭼﻰ ﻟﻴﯘ ﺷﺎﯞﺑﻮﻧﯩﯔ ﺋﻪﻫﯟﺍﻟﯩﺪﯨﻦ ﭘﻪﯞﻗﯘﻟﺌﺎﺩﺩﻩ ﺋﻪﻧﺴﯩﺮﻩﯞﺍﺗﯩﻤﯩﺰ."

پىكىر - قاراشلىرىڭىزنى ئوتتۇرىغا قويۇڭ

پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر يېزىقىدا يېزىپ يوللاڭ. پىكىر - بايانلىرىڭىز، ئەركىن ئاسىيا رادىئوسى تور بەت ئىشلىتىش بەلگىلىمىلىرى بويىچە تور باشقۇرغۇچىسى تەرىپىدىن تەستىقلانغاندىن كېيىن ئېلان قىلىنىدۇ. ئوقۇرمەنلەرنىڭ تورغا يوللىغان پىكىر - بايانلىرى ئۆزىگە خاس بولۇپ، ئەركىن ئاسىيا رادىئوسىغا ۋەكىللىك قىلالمايدۇ.

ئىسىم (ئىختىيار)

شەھەر (ئىختىيار)

دەلىل كودى (ﺗﻪﻟﻪﭖ ﻗﯩﻠﯩﻨﯩﺪﯗ)


سۈرەتتە كۆرۈلگەن ھەرپ ياكى سانلارنى بۇ يەرگە تولدۇرۇڭ.

Text (Required):

پىكىر - قاراشلىرىڭىز (ﺗﻪﻟﻪﭖ ﻗﯩﻠﯩﻨﯩﺪﯗ)