2-Nöwetlik xelqara uyghur tarixi, medeniyiti, jemiyiti tetqiqat yighini biryussélda ötküzüldi

Ixtiyariy muxbirimiz ekrem
2015-11-18
Élxet
Pikir
Hembehr
Print
  • Print
  • Hembehr
  • Pikir
  • Élxet
Muzika we örp-Adetler féstiwalida uyghurlar biryussél hökümitining ministirliridin biri brigitte growéls xanim(ongdin 4-Xanim) bilen. 2013-Yili séntebir, bélgiye.
Muzika we örp-Adetler féstiwalida uyghurlar biryussél hökümitining ministirliridin biri brigitte growéls xanim(ongdin 4-Xanim) bilen. 2013-Yili séntebir, bélgiye.
RFA/Erkin Tarim

Amérika jorj washington uniwérsitéti teripidin uyushturulghan «2-Nöwetlik xelqara uyghur tarixi, medeniyiti, jemiyiti ilmiy tetqiqat yighini» 17-Noyabir bélgiye paytexti biryussélda bashlinip, 18-Noyabir küni axirlashti.

2-Nöwetlik xelqara uyghur tarixi, medeniyiti, jemiyiti ilmiy tetqiqat yighinigha qatnashqan d u q ning yawropa parlaméntidiki wekili eniwerjan, qurultayning awstraliyediki muawin reisi, uyghur ziyaliysi memtimin ela, gérmaniyediki uyghur ziyaliysi eniwer ependilerning 18-Noyabir biryusséldin bergen melumatigha asaslanghanda, mezkur tetqiqat yighinigha jorj washington uniwérsitéti bilen biryussél uniwérsitéti birlikte sahibxaniliq qilghan bolup, yighin biryusséldiki lébri uniwérsitétida ötküzülgen.

Yighingha 24 tetqiqatchi, mutexessis we ziyaliy qatnashqan. Yighinning 2-Bölümi 20-Noyabirgha qeder parizhda dawamlishidighan bolup, yighinda uyghurlargha ait köpligen témilarda ilmiy tetqiqat maqaliliri oqup ötülidiken.

Yighinning biryussélda chaqirilghan ikki künlük programmisida amérika, engliye, israiliye, rusiye, firansiye, gérmaniye, shiwétsiye, bélgiye, türkiye qatarliq ellerdiki aliy bilim yurtlirining proféssorliri, uyghurshunas tetqiqatchiliri, ziyaliylar tetqiqat doklatlirini teqdim qilghan. Uyghurlargha wakaliten eniwerjandin sirt, yene firansiyedin muqeddes mijit, dilnur reyhan qatarliq ziyaliylarmu maqalilirini oqup ötken.

Biz bu munasiwet bilen biryusséldiki yighingha ishtirak qilghan yaki doklat teqdim qilghanlardin eniwerjan, memtimin ela, eniwer qatarliq ziyaliylirimizning melumati hem qarashlirini igiliduq.

Yuqiridiki awaz ulinishidin ziyaret xatirisining tepsilatini anglaysiler.

Toluq bet