“Sherqiy türkistan komandisi” gollandiyediki putbol heweskarlirining yilliq musabiqisige qatnashti

Ixtiyariy muxbirimiz pida'iy
2016.05.26
 Sherqiy-Turkistan-Putbul-komandisi-ezaliridin-bir-qismi-xatire-surette.jpg “Sherqiy türkistan putbol komandisi” ezaliridin bir qismi xatire sürette. 2016-Yili may.
RFA/Pidaiy

2016‏-Yili 22‏-may gollandiyening eyndhofin shehiridiki bir tenterbiye kulubida ötküzülgen putbol heweskarlirining yilliq musabiqisige Uyghurlarmu qatnashti.

Bu pa'aliyetni milliy görüsh teshkilati teripidin qurulghan hilal sport kulubi orunlashturghan bolup, mezkur pa'aliyetke gollandiyediki musulman yashlarning komandiliri qatarida Uyghurlarmu qatnashti.

Milliy görüsh teshkilati teripidin türk yashlirining putbol sahesini qérindashliq bilen birleshtürgen hilal sport kulubining idare ishliri mes'uli erdan uyghun ependi mundaq dédi: “Ismim erdan uyghun. Hilal sport kulubining bashliqimen. Hilal sport 1986‏-yili qurulghan. 29 Yildin béri musabiqe uyushturup kéliwatimiz. 3 Yildin biri türkistanliq qérindashlirimiz bilen yéqindin arilishiwatimiz. Bilishimche, ular intayin yaxshi qérindashlirimizdur. Jesur insanlardur. Eng yaqturidighan guruppilirimizdindur. Bu yil musabiqimizge ikki guruppa bolup qétildi. Sherqiy türkistanliq qérindashlirimizni her waqit qarshi alimiz. Bu yerdiki imkanlardin behrimen bolmaqni xalisa, ishikimiz da'im ochuq.”

Bu pa'aliyetke qatnashqan Uyghurlar “Sherqiy türkistan putbol komandisi1” we “Sherqiy türkistan putbol komandisi2” dégen namda ikki guruppa bolup qétilghan bolup, bu komandini gollandiye we bélgiyediki Uyghurlar birliship qurup chiqqan.

Gollandiye we bélgiyediki putbol heweskarlirining dostluq musabiqiliri bir qanche yillardin ghelibilik dawam qilip, öz-ara musabiqe pa'aliyetliri uyushturup kelgen idi. Bu qétim “Sherqiy türkistan putbol komandisi” ning qurulushi, ilgiriki rayonni temsil qilip öz-ara riqabetlishishtin, döletni temsil qilip, qérindash milletler bilen riqabetlishishtek yüksilishni ipadilimekte.

“Sherqiy türkistan putbol komandisi” ning aktip ezasi, putbolchi abletjan ependi yürek sözlirini bayan qildi. Uning éytishiche: bu komandidiki putbol söyer qérindashlar arisida, yéqin kelgüside yawropadiki wetendashlar arisida bir musabiqe pa'aliyiti teshkillesh toghriliq pilanlar bolmaqta.

Bélgiye Uyghur birliki teshkilatining sabiq re'isi, ikki dölette yashawatqan Uyghurlarning ittipaqliqi üchün belgilik rol oynawatqan aktip pa'aliyetchi abdulmutellip ependi, “Sherqiy türkistan putbol komandisi” ning yene bir yash ezasi. Gollandiyediki mes'uliyetchan yashlarning ülgisi, aktip pa'aliyetchi, putbol söyer ilshat islam ependi, bélgiyedin kelgen putbolchi yashlarning wekili, tamashibinlargha wakaliten ziyaritimizni qobul qilghan sadiqjan seley ependi qatarliqlarmu öz hés-tuyghulirini radi'o anglighuchilirimiz bilen ortaqlashti.

Ishtirakchilarning neziride, gerche Uyghurlarning bu ikki komandisi komandilar ara netijige érishelmigen bolsimu, ularning putbol saheside sherqiy türkistan putbol komandisi nami bilen orun élishi kichik netije emesken. Yene biri bélgiye we gollandiyediki Uyghurlarning ilgiriki öz-ara musabiqilishishtin, hemkarliship bir sep bolushimu alahide bir netije iken.

Qérindash milletlerdin Uyghurlar bilen riqabetleshken qarshi komandidiki bir türk yash ziyaritimizni qobul qilip: “Méning isim yüsüp öz türk. Bélgiyedin keldim. Aldi bilen sherqiy türkistan'gha salam yollaymen. Allah yar we yardemchi bolsun! wallahiy tuyghumiz güzel. Ularni bu yerde körmek bizlerni téximu bextke chömdürdi. Allah xalisa, u yerdiki insanlarmu hörlükke érishküsi. Asan emes, emma eng qisqa bir zamanda u zulum yoqalghusi” dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.