ﻟﯧﻜﯩﻦ ﻫﻪﺭﺑﯩﻲ ﯞﻩ ﺳﯩﻴﺎﺳﯩﻲ ﻣﯘﻻﻫﯩﺰﯨﭽﯩﻠﻪﺭ، ﺟﯜﻣﻪ ﻛﯜﻧﻰ ﺗﺎﻟﯩﺒﺎﻧﻼﺭ ﺗﻪﺭﯨﭙﯩﺪﯨﻦ ﻗﻪﻧﺪﻩﻫﺎﺭ ﺷﻪﻫﯩﺮﯨﺪﯨﻜﻰ ﺳﺎﺭﭘﻮﺯﺍ ﺗﯜﺭﻣﯩﺴﯩﮕﻪ ﻗﺎﺭﯨﺘﺎ ﺋﯧﻠﯩﭗ ﺑﯧﺮﯨﻠﻐﺎﻥ ﻫﯘﺟﯘﻡ ﻧﻪﺗﯩﺠﯩﺴﯩﺪﻩ ﺗﯜﺭﻣﯩﺪﯨﻦ ﻗﺎﭼﻘﺎﻥ 390 ﻧﻪﭘﯩﺮﻯ ﺗﺎﻟﯩﺒﺎﻥ ﺟﻪﯕﭽﯩﺴﻰ ﺑﻮﻟﻐﺎﻥ 900 ﻣﻪﻫﺒﯘﺳﻨﻰ ﻗﻮﻟﻐﺎ ﭼﯜﺷﯜﺭﯛﺷﻨﯩﯔ ﻗﻴﯩﻦ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﻣﻪﻛﺘﻪ. ﺋﯘﻻﺭﻧﯩﯔ ﺋﯧﻴﺘﯩﺸﯩﭽﻪ، ﺗﯜﺭﻣﯩﺪﯨﻦ ﻗﺎﭼﻘﺎﻥ ﻣﯩﻠﯩﺘﺎﻧﻼﺭ ﺋﺎﻟﻠﯩﻘﺎﭼﺎﻥ ﺗﺎﻟﯩﺒﺎﻧﻼﺭﻧﯩﯔ ﻛﻮﻧﺘﺮﻭﻟﻠﯩﻘﯩﺪﯨﻜﻰ ﺭﺍﻳﻮﻧﻼﺭﺩﺍ ﭘﺎﻧﺎﻫﻼﻧﻐﺎﻥ ﺑﻮﻟﯘﺷﻰ ﻣﯘﻣﻜﯩﻦ ﺋﯩﻜﻪﻥ.

ﻫﻪﺗﺘﺎ ﺋﺎﻣﯧﺮﯨﻜﺎ ﯞﻩ ﺷﯩﻤﺎﻟﯩﻲ ﺋﺎﺗﻼﻧﺘﯩﻚ ﺋﻮﻛﻴﺎﻥ ﺋﻪﻫﺪﻯ ﺗﻪﺷﻜﯩﻼﺗﻰ ﻫﻪﺭﺑﯩﻲ ﺧﺎﺩﯨﻤﻠﯩﺮﻯ ﺗﻪﺭﯨﭙﯩﺪﯨﻨﻤﯘ ﻧﺎﻫﺎﻳﯩﺘﻰ ﻳﺎﺧﺸﻰ ﭘﯩﻼﻧﻼﻧﻐﺎﻥ ﯞﻩ ﻏﻪﻟﯩﺒﯩﻠﯩﻚ ﻫﯘﺟﯘﻡ ﺩﻩﭖ ﺋﯧﺘﯩﺮﺍﭖ ﻗﯩﻠﯩﻨﻐﺎﻥ، ﺟﯜﻣﻪ ﻛﯜﻧﯩﺪﯨﻜﻰ ﻫﯘﺟﯘﻣﺪﺍ ﺗﯜﺭﻣﯩﺪﯨﻦ ﻗﺎﭼﻘﺎﻥ ﺗﺎﻟﯩﺒﺎﻥ ﻣﻪﻫﺒﯘﺳﻠﯩﺮﻯ ﺋﺎﺭﯨﺴﯩﺪﺍ ﺗﺎﻟﯩﺒﺎﻧﻼﺭﻧﯩﯔ ﻣﯘﻫﯩﻢ ﻗﻮﻣﺎﻧﺪﺍﻧﻠﯩﺮﻯ ﯞﻩ ﺋﯚﺯﯨﻨﻰ ﺋﯜﻟﺘﯜﺭﺋﯜﯞﯦﻠﯩﺶ ﺧﺎﺭﺍﻛﺘﯧﺮﻟﯩﻚ ﻫﯘﺟﯘﻡ ﺋﯧﻠﯩﭗ ﺑﯧﺮﯨﺶ ﺋﯜﭼﯜﻥ ﺋﺎﻻﻫﯩﺪﻩ ﺗﻪﺭﺑﯩﻴﯩﻠﻪﻧﮕﻪﻥ ﺗﺎﻟﯩﺒﺎﻥ ﻣﯩﻠﯩﺘﺎﻧﻠﯩﺮﯨﻤﯘ ﺑﺎﺭ ﺋﯩﻜﻪﻥ.

ﮔﻪﺭﭼﻪ، ﺋﺎﻣﯧﺮﯨﻜﺎ ﯞﻩ ﺷﯩﻤﺎﻟﯩﻲ ﺋﺎﺗﻼﻧﺘﯩﻚ ﺋﻪﻫﺪﻯ ﺗﻪﺷﻜﯩﻼﺗﻰ ﺧﺎﺩﯨﻤﻠﯩﺮﻯ ﻣﻪﺯﻛﯘﺭ ﻫﯘﺟﯘﻣﻨﻰ ﺗﺎﻟﯩﺒﺎﻧﻼﺭ ﺋﯜﭼﯜﻥ ﺑﯩﺮ ﻏﻪﻟﯩﺒﻪ ﺩﻩﭖ ﻛﯚﺭﺳﻪﺗﻜﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺑﯘ ﻫﯘﺟﯘﻣﻨﯩﯔ ﺋﺎﻓﻐﺎﻧﯩﺴﺘﺎﻧﺪﯨﻜﻰ ﻫﻪﺭﺑﯩﻲ ﯞﻩﺯﯨﻴﻪﺗﺘﻪ ﺑﯩﺮ ﺋﯚﺯﮔﯩﺮﯨﺸﻜﻪ ﺳﻪﯞﻩﺏ ﺑﻮﻻﻟﻤﺎﻳﺪﯨﻐﺎﻧﻠﯩﻘﯩﻨﻰ، ﺗﻪﻛﯩﺘﻠﯩﻤﻪﻛﺘﻪ.

ﺋﺎﻓﻐﺎﻧﯩﺴﺘﺎﻥ ﺋﯩﭽﻜﻰ ﺋﯩﺸﻼﺭ ﻣﯩﻨﺴﺘﯩﺮﻟﯩﻜﯩﻨﯩﯔ ﻣﯘﺋﺎﯞﯨﻦ ﻣﯩﻨﯩﺴﺘﯩﺮﻯ ﻣﯘﻧﯩﺪ ﻣﺎﯕﮕﺎﻟﻨﯩﯔ ﺋﯧﻴﺘﯩﺸﯩﭽﻪ، ﺟﯜﻣﻪ ﻛﯜﻧﻰ ﻗﻪﻧﺪﻩﻫﺎﺭ ﺳﺎﺭﭘﻮﺯﺍ ﺗﯜﺭﻣﯩﺴﯩﺪﯨﻜﻰ ﺗﺎﻟﯩﺒﺎﻥ ﻣﻪﻫﺒﯘﺳﻠﯩﺮﯨﻨﻰ ﻗﯘﺗﯘﻟﺪﯗﺭﯗﺵ ﺋﯜﭼﯜﻥ ﺗﺎﻟﯩﺒﺎﻥ ﻣﯩﻠﯩﺘﺎﻧﺘﻠﯩﺮﻯ ﺗﻪﺭﯨﭙﯩﺪﯨﻦ ﺋﯧﻠﯩﭗ ﺑﯧﺮﯨﻠﻐﺎﻥ ﻫﯘﺟﯘﻣﻐﺎ ﺋﻮﻧﻠﯩﻐﺎﻥ ﺗﺎﻟﯩﺒﺎﻥ ﻣﯩﻠﯩﺘﺎﻧﺘﻰ ﻗﺎﺗﻨﺎﺷﻘﺎﻥ ﺑﻮﻟﯘﭖ، ﻫﯘﺟﯘﻡ ﺟﻪﺭﻳﺎﻧﯩﺪﺍ 7 ﺋﺎﻓﻐﺎﻥ ﺳﺎﻗﭽﯩﺴﻰ ﯞﻩ ﺑﯩﺮ ﻧﻪﭼﭽﻪ ﻣﻪﻫﺒﯘﺱ ﺋﯚﻟﮕﻪﻥ.

ﺑﯘ ﺋﺎﺭﯨﺪﺍ ﺑﯜﮔﯜﻥ ﺋﺎﻓﻐﺎﻧﯩﺴﺘﺎﻥ ﻳﻮﻟﻐﺎ ﺋﻮﺭﯗﻧﻼﺷﺘﯘﺭﯗﻟﻐﺎﻥ ﺑﯩﺮ ﺑﻮﻣﺒﯩﻨﯩﯔ ﭘﺎﺭﺗﯩﻠﯩﺸﻰ ﻧﻪﺗﯩﺠﯩﺴﯩﺪﻩ 4 ﺋﺎﻣﯧﺮﯨﻜﺎ ﺋﻪﺳﻜﯩﺮﻯ ﺋﯚﻟﺪﻯ.