ﺋﯩﻨﺘﯧﺮﻓﺎﻛﯩﺲ ﺋﺎﮔﯧﻨﺘﻠﯩﻘﯩﻨﯩﯔ ﻗﯩﺮﻏﯩﺰﯨﺴﺘﺎﻥ ﻣﻪﻧﺒﻪﻟﯩﺮﯨﺪﯨﻦ ﻧﻪﻗﯩﻞ ﻛﻪﻟﺘﯜﺭﯛﺷﯩﭽﻪ، ﺋﺎﻳﺮﻭﭘﯩﻼﻥ ﺑﯩﺸﻜﻪﻛﺘﯩﻦ ﺋﯩﺮﺍﻧﻨﯩﯔ ﻣﻪﺷﻬﻪﺩ ﺷﻪﻫﯩﺮﯨﮕﻪ ﻗﺎﺭﺍﭖ ﺋﯘﭼﻘﺎﻥ ﺑﻮﻟﯘﭖ، ﺋﺎﻳﺮﻭﭘﯩﻼﻥ ﻛﯚﺗﯜﺭﯛﻟﯜﭖ، ﺋﯘﺯﯗﻥ ﺋﯚﺗﻤﻪﻳﻼ ﺗﯧﺨﻨﯩﻜﺎ ﺳﻪﯞﻩﺑﯩﺪﯨﻦ ﻗﺎﻳﺘﯩﺶ ﺗﻪﻟﻪﭖ ﻗﯩﻠﯩﻨﻐﺎﻥ ﻫﻪﻡ ﻗﺎﻳﺘﯩﯟﯦﺘﯩﭗ، ﻣﺎﻧﺎﺱ ﺋﺎﻳﺮﻭﺩﺭﻭﻣﯩﻐﺎ ﻳﯧﻘﯩﻦ ﺟﺎﻧﯩﺠﻪﺭ ﺩﯦﮕﻪﻥ ﻳﻪﺭﮔﻪ ﭼﯜﺷﯜﭖ ﻛﻪﺗﻜﻪﻥ.

ﻗﯩﺮﻏﯩﺰﯨﺴﺘﺎﻥ ﺟﯩﺪﺩﯨﻲ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻗﺎﻣﭽﯩﺒﯧﻚ ﺗﺎﺷﯩﻴﯧﯟ ﺋﺎﻳﺮﻭﭘﯩﻼﻧﺪﺍ 123 ﺋﺎﺩﻩﻡ ﺑﺎﺭﻟﯩﻘﯩﻨﻰ ﺑﯩﻠﺪﯛﺭﮔﻪﻥ. ﻗﯩﺮﻏﯩﺰﯨﺴﺘﺎﻥ ﺋﯘﭼﯘﺭ ﺋﺎﮔﯧﻨﺘﻠﯩﻘﻠﯩﺮﻯ ﺟﯩﺪﺩﯨﻲ ﻗﯘﺗﻘﯘﺯﯗﺵ ﺋﯩﺸﻠﯩﺮﻯ ﺋﯧﻠﯩﭗ ﺑﯧﺮﯨﻠﻐﺎﻧﻠﯩﻘﻰ ﻫﻪﻣﺪﻩ ﻗﯘﺗﯘﻟﺪﯗﺭﯗﻟﻐﺎﻥ ﻳﺎﺭﯨﺪﺍﺭﻻﺭﻧﯩﯔ ﺑﯩﺸﻜﻪﻛﺘﯩﻜﻰ ﺩﻭﺧﺘﯘﺭﺧﺎﻧﯩﻼﺭﻏﺎ ﺋﯧﻠﯩﭗ ﻛﯧﻠﯩﻨﮕﻪﻧﻠﯩﻜﯩﻨﻰ ﺧﻪﯞﻩﺭ ﻗﯩﻠﯩﺸﻘﺎﻥ.

ﺑﯩﺮﺍﻕ، ﺑﯘ ﯞﻩﻗﻪﮔﻪ ﺯﺍﺩﻯ ﻗﺎﻧﺪﺍﻕ ﺳﻪﯞﻩﺏ ﺑﻮﻟﻐﺎﻧﻠﯩﻘﻰ ﺗﯧﺨﻰ ﺋﯧﻨﯩﻘﻼﻧﻤﯩﻐﺎﻥ ﺑﻮﻟﯘﭖ، ﻣﺎﻧﺎﺱ ﺋﺎﻳﺮﻭﺩﺭﻭﻣﯩﺪﺍ ﺗﯘﺭﯨﺪﯨﻐﺎﻥ ﺋﺎﻣﯧﺮﯨﻜﯩﻨﯩﯔ ﻫﻪﺭﺑﯩﻲ ﺑﺎﺯﯨﺴﯩﻤﯘ ﻫﻪﻗﯩﻘﻪﺗﻪﻥ ﺋﺎﻳﺮﻭﭘﯩﻼﻥ ﭼﯜﺷﯜﭖ ﻛﯧﺘﯩﺶ ﯞﻩﻗﻪﺳﻰ ﺑﻮﻟﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﻫﺎﺯﯨﺮ ﺑﯘ ﯞﻩﻗﻪﺩﻩ 90 ﺩﯨﻦ ﺋﺎﺭﺗﯘﻕ ﺋﺎﺩﻩﻣﻨﯩﯔ ﺋﯚﻟﮕﻪﻧﻠﯩﻜﻰ ﻫﻪﻗﻘﯩﺪﻩ ﺋﯘﭼﯘﺭ ﺗﺎﺭﻗﺎﻟﻐﺎﻥ.