ﺧﻪﯞﻩﺭﺩﻩ ﺋﯧﻴﺘﯩﻠﯩﺸﯩﭽﻪ، ﺷﺎﯕﺨﻪﻳﺪﯨﻦ ﯞﺍﯓ ﻣﯩﻦ ﻛﺎﺑﯘﻟﺪﺍ ﺭﯦﺴﺘﻮﺭﺍﻥ ﯞﻩ ﻛﺎﻓﯧﺨﺎﻧﺎ ﻧﺎﻣﻰ ﺋﺎﺳﺘﯩﺪﺍ ﭘﺎﻫﯩﺸﯩﺨﺎﻧﺎ ﺋﯧﭽﯩﺶ ﯞﻩ ﺧﯩﺘﺎﻳﻨﯩﯔ ﭼﯘﯕﭽﯩﯔ ﺷﻪﻫﯩﺮﯨﺪﯨﻦ 40 ﻳﺎﺷﺘﯩﻦ ﺋﺎﺷﻘﺎﻥ ﺋﯩﺸﺴﯩﺰ ﺋﺎﻳﺎﻟﻼﺭﻧﻰ ﺋﺎﻓﻐﺎﻧﯩﺴﺘﺎﻧﻐﺎ ﺋﯧﻠﯩﭗ ﻛﯧﻠﯩﭗ ﭘﺎﻫﯩﺸﻪ ﻗﯩﻠﯩﭗ ﺋﯩﺸﻠﯩﺘﯩﺶ ﺑﯩﻠﻪﻥ ﺋﻪﻳﯩﺒﻠﻪﻧﮕﻪﻥ.

ﯞﺍﯓ ﻣﯩﻨﻨﯩﯔ ﺑﯩﺮ ﻳﺎﺭﺩﻩﻣﭽﯩﺴﻰ ﺑﻮﻟﺴﺎ، 6 ﻳﯩﻠﻠﯩﻖ ﻗﺎﻣﺎﻕ ﺟﺎﺯﺍﺳﯩﻐﺎ ﻫﯚﻛﯜﻡ ﻗﯩﻠﯩﻨﻐﺎﻥ. ﻛﺎﺑﯘﻝ ﺷﻪﻫﯩﺮﯨﺪﻩ ﺗﯜﺭﻙ ﺭﯦﺴﺘﻮﺭﺍﻧﻨﻰ ﺑﯧﺮﻟﯩﻦ ﺭﯦﺴﺘﻮﺭﺍﻧﻰ ﻗﺎﺗﺎﺭﻟﯩﻖ ﻧﺎﻣﻼﺭ ﺋﺎﺳﺘﯩﺪﺍ ﭘﺎﻫﯩﺸﺨﺎﻧﺎ ﺋﺎﭼﻘﺎﻥ ﯞﺍﯓ ﻣﯩﻦ ﺋﯚﺗﻜﻪﻥ ﻳﯩﻠﻰ ﺋﯚﻛﺘﻪﺑﯩﺮ ﺋﯧﻴﯩﺪﺍ ﺋﺎﻓﻐﺎﻥ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ ﺗﻪﺭﯨﭙﯩﺪﯨﻦ ﺗﯘﺗﯘﻟﯘﭖ ﺧﯩﺘﺎﻱ ﻫﯚﻛﯜﻣﯩﺘﯩﮕﻪ ﺗﺎﭘﺸﯘﺭﯗﭖ ﺑﯧﺮﯨﻠﮕﻪﻥ ﺋﯩﺪﻯ.

ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ، ﻫﯧﻠﯩﻤﯘ ﻛﺎﺑﯘﻟﺪﺍ ﻧﯘﺭﻏﯘﻧﻠﯩﻐﺎﻥ ﺧﯩﺘﺎﻱ ﭘﺎﻫﯩﺸﯩﻠﻪﺭ ﻣﻪﯞﺟﯘﺕ ﺑﻮﻟﯘﭖ، ﺭﻭﻳﺘﯧﺮﯨﺲ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ ﺋﯚﺗﻜﻪﻥ ﺋﺎﻱ ﻛﺎﺑﯘﻟﺪﯨﻜﻰ ﺑﻪﺯﻯ ﺧﯩﺘﺎﻱ ﭘﺎﻫﯩﺸﯩﻠﻪﺭ ﻣﻪﺯﻛﯘﺭ ﺋﺎﮔﯧﻨﺘﻠﯩﻘﯩﻨﯩﯔ ﻣﯘﺧﺒﯩﺮﯨﻐﺎ ﻛﯩﺮﯨﻤﻠﯩﺮﯨﻨﯩﯔ ﻳﺎﺧﺸﻰ ﺋﯩﻜﻪﻧﻠﯩﻜﯩﻨﻰ ﺋﻪﻣﻤﺎ ﺑﯩﺨﻪﺗﻪﺭﻟﯩﻚ ﺳﻪﯞﻩﺑﯩﺪﯨﻦ ﺋﺎﻧﭽﯩﻼ ﺋﯚﻳﺪﯨﻦ ﺗﺎﺷﻘﯩﺮﻯ ﭼﯩﻘﺎﻟﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.