ﺋﻪﻧﮕﻠﯩﻴﻪ ﻣﻪﺗﺒﯘﺋﺎﺗﻰ " ﺳﯘﻧﺪﺍﻱ ﺗﺎﻣﯩﺲ"ﻧﯩﯔ ﻳﯧﺰﯨﺸﯩﭽﻪ، ﻗﺎﺭﺍﻗﺎﻟﭙﺎﻗﯩﺴﺘﺎﻥ ﻫﺎﺯﯨﺮ ﻳﻪﺭ ﺷﺎﺭﯨﺪﯨﻜﻰ ﺋﯧﻜﻮﻟﻮﮔﯩﻴﯩﻠﯩﻚ ﻣﯘﻫﯩﺘﻰ ﺋﻪﯓ ﺋﯧﻐﯩﺮ ﺑﯘﺯﯗﻟﻐﺎﻥ، ﻛﻪﻣﺒﻪﻏﻪﻟﭽﯩﻠﯩﻚ ، ﺋﯩﺸﺴﯩﺰﻟﯩﻖ ﻫﻪﻡ ﺋﯧﻜﻮﻟﻮﮔﯩﻴﯩﻠﯩﻚ ﺑﯘﺯﯗﻟﯘﺵ ﺗﯜﭘﻪﻳﻠﯩﺪﯨﻦ ﻫﻪﺭ ﺧﯩﻞ ﻛﯧﺴﻪﻟﻠﻪﺭ ﺋﻪﯞﺟﻰ ﺋﺎﻟﻐﺎﻥ ﺟﺎﻳﻼﺭﻧﯩﯔ ﺑﯩﺮﻯ ﻫﯧﺴﺎﺑﻠﯩﻨﯩﺪﯗ. ﺑﯘﻧﯩﯖﺪﯨﻜﻰ ﺋﺎﺳﺎﺳﻠﯩﻖ ﺳﻪﯞﻩﺑﻠﻪﺭﻧﯩﯔ ﺑﯩﺮﻯ ﺋﺎﺭﺍﻝ ﻛﯚﻟﯩﻨﯩﯔ ﻗﯘﺭﯗﭖ ﻛﯧﺘﯩﺶ ﻣﻪﺳﯩﻠﯩﺴﯩﺪﯗﺭ.

ﺋﻪﺭﻛﯩﻦ ﻗﺎﺭﺍﻗﺎﻟﭙﺎﻏﯩﺴﺘﺎﻥ ﺗﺎﺷﻜﻪﻧﺖ ﻫﯚﻛﯜﻣﯩﺘﯩﻨﻰ ﻗﺎﺭﺍﻗﺎﻟﭙﺎﻗﻼﺭﻧﯩﯔ ﻳﻮﻗﯩﻠﯩﺸﯩﻨﻰ ﺋﯩﻠﮕﯩﺮﻯ ﺳﯜﺭﯛﺵ ﺑﯩﻠﻪﻥ ﺋﻪﻳﯩﺒﻠﻪﭖ، ﻗﺎﺭﺍﻗﺎﻟﭙﺎﻗﻼﺭﻏﺎ ﻣﯘﺳﺘﻪﻗﯩﻠﻠﯩﻖ ﺑﯧﺮﯨﺸﻜﻪ ﭼﺎﻗﯩﺮﻏﺎﻥ.

ﺋﺎﺯﺍﺩﻟﯩﻖ ﺭﺍﺩﯨﺌﻮﺳﯩﻨﯩﯔ ﺧﻪﯞﯨﺮﯨﺪﻩ ﻛﯚﺭﺳﯩﺘﯩﻠﯩﺸﯩﭽﻪ، ﻗﺎﺭﺍﻗﺎﻟﭙﺎﻏﯩﺴﺘﺎﻧﻨﯩﯔ ﭘﺎﻳﺘﻪﺧﺘﻰ ﻧﯘﻛﯘﺱ ﺷﻪﻫﯩﺮﯨﺪﯨﻜﻰ ﻗﺎﻧﯘﻥ ﻫﯩﻤﺎﻳﯩﭽﯩﺴﻰ ﺳﺎﻟﯩﻬﺠﺎﻥ ﺋﺎﺑﺪﯗﺭﺍﺧﺎﻣﺎﻧﻮﯞ ﻣﯘﺳﺘﻪﻗﯩﻠﻠﯩﻖ ﭘﯩﻜﺮﯨﮕﻪ ﻣﻪﻧﺴﯘﭖ ﻛﯩﺸﯩﻠﻪﺭﻧﯩﯔ ﺋﺎﺳﺎﺳﻠﯩﻘﻰ ﭼﻪﺗﺌﻪﻟﻠﻪﺭﻧﻰ ﻛﯚﺭﮔﻪﻥ ﻳﯧﯖﻰ ﺋﻪﯞﻻﺩ ﻳﺎﺷﻼﺭ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ.

ﻗﺎﺭﺍﻗﺎﻟﭙﺎﻗﻼﺭﻧﯩﯔ ﺋﯚﺯ ﺟﯘﻣﻬﯘﺭﯨﻴﯩﺘﯩﺪﯨﻜﻰ ﻧﻮﭘﯘﺳﻰ 400 ﻣﯩﯔ ﺋﻪﺗﺮﺍﭘﯩﺪﺍ ﺑﻮﻟﯘﭖ، ﻗﺎﺭﺍ ﻗﺎﻟﭙﺎﻗﻼﺭﻧﯩﯔ ﺗﯩﻠﻰ ﯞﻩ ﭼﯩﺮﺍﻱ ﺗﯘﺭﻗﻰ ﺋﺎﺳﺎﺳﻪﻥ ﻗﺎﺯﺍﻗﻼﺭﻏﺎ ﻳﯧﻘﯩﻦ، ﺋﯩﻠﮕﯩﺮﻯ ﺋﯘﻻﺭ ﺋﯚﺯﻟﯩﺮﯨﻨﻰ ﻗﺎﺯﺍﻗﻼﺭ ﺑﯩﻠﻪﻥ ﺑﯩﺮ ﻣﯩﻠﻠﻪﺕ ﺩﻩﭖ ﻗﺎﺭﯨﻐﺎﻥ ﺑﻮﻟﯘﭖ، ﻗﺎﺭﺍﻗﺎﻟﭙﺎﻕ ﯞﻩ ﻗﺎﺯﺍﻕ ﺯﯨﻴﺎﻟﯩﻴﻠﯩﺮﻯ ﺳﺘﺎﻟﯩﻦ ﻗﺎﺯﺍﻗﻼﺭﻧﻰ ﭘﺎﺭﭼﯩﻼﺵ ﺋﯜﭼﯜﻥ ﺋﯘﻻﺭﻧﻰ ﺋﯩﻜﻜﻰ ﻣﯩﻠﻠﻪﺗﻜﻪ ﺋﺎﻳﺮﯨﯟﻩﺗﻜﻪﻥ ﻫﻪﻣﺪﻩ ﻗﺎﺭﺍﻗﺎﻟﭙﺎﻗﯩﺴﺘﺎﻥ ﺋﺎﭘﺘﻮﻧﻮﻡ ﺟﯘﻣﻬﯘﺭﯨﻴﯩﺘﻰ ﻗﯘﺭﯗﭖ، ﺋﯘﻧﻰ ﺋﯚﺯﺑﯧﻜﯩﺴﺘﺎﻧﻐﺎ ﺑﯧﺮﯨﯟﻩﺗﻜﻪﻥ ﺩﻩﭖ ﻫﯧﺴﺎﺑﻼﻳﺪﯨﻜﻪﻥ. ﻗﺎﺯﺍﻗﯩﺴﺘﺎﻥ ﻗﺎﺭﺍﻗﺎﻟﭙﺎﻗﻼﺭﻧﯩﯔ ﻗﺎﺯﺍﻗﯩﺴﺘﺎﻧﻐﺎ ﻛﯧﻠﯩﭗ ﻣﺎﻛﺎﻧﻠﯩﺸﯩﺸﯩﻨﻰ ﻗﺎﺭﺷﻰ ﺋﺎﻟﻐﺎﻧﻠﯩﻘﻰ ﺋﯜﭼﯜﻥ 200 ﻣﯩﯔ ﻗﺎﺭﺍﻗﺎﻟﭙﺎﻕ ﺋﯘ ﻳﻪﺭﮔﻪ ﻛﯧﺘﯩﭗ ﻳﻪﺭﻟﻪﺷﻜﻪﻥ.

ﻗﺎﺭﺍﻗﺎﻟﭙﺎﻗﯩﺴﺘﺎﻥ ﺋﺎﺳﺎﺳﯩﻲ ﻗﺎﻧﯘﻧﯩﺪﺍ ﺋﯚﺯﺑﯧﻜﯩﺴﺘﺎﻧﺪﯨﻦ ﺋﺎﻳﺮﯨﻠﯩﺶ ﻫﻮﻗﯘﻗﻰ ﺋﯧﺘﯩﺮﺍﭖ ﻗﯩﻠﯩﻨﻐﺎﻥ ﺑﻮﻟﯘﭖ، ﺋﯚﺯﺑﯧﻜﯩﺴﺘﺎﻥ ﭘﺎﺭﻻﻣﯧﻨﺘﻰ ﺑﯘﻧﻰ ﺗﻪﺳﺘﯩﻘﻠﯩﺴﯩﻼ ﺑﻮﻟﯩﺪﯨﻜﻪﻥ. ﻗﺎﺭﺍﻗﺎﻟﭙﺎﻗﯩﺴﺘﺎﻥ ﺳﻮﯞﯦﺖ ﺩﻩﯞﺭﯨﺪﻩ ﺑﯩﺌﻮﺧﯩﻤﯩﻴﯩﻠﯩﻚ ﻗﻮﺭﺍﻟﻼﺭ ﺳﯩﻨﺎﻟﻐﺎﻥ ﺟﺎﻱ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ ، ﻗﺎﺭﺍﻗﺎﻟﭙﺎﻗﻼﺭ ﺋﯧﻐﯩﺮ ﺟﯩﺴﻤﺎﻧﯩﻲ ﺋﺎﻗﯩﯟﻩﺗﻠﻪﺭﮔﻪ ﻗﺎﻟﻐﺎﻥ.