ﺧﻪﯞﻩﺭﺩﻩ ﻛﯚﺭﺳﯩﺘﯩﻠﯩﺸﯩﭽﻪ، ﻣﻪﺯﻛﯘﺭ ﻣﻪﺳﭽﯩﺖ ﺋﯜﭼﯜﻥ ﺋﯩﻜﻜﻰ ﻣﯩﻠﻴﻮﻥ 250 ﻣﯩﯔ ﺩﻭﻟﻼﺭ ﺳﻪﺭﭖ ﻗﯩﻠﯩﻨﯩﺸﻰ ﻣﯘﻣﻜﯩﻦ. ﻣﻪﺳﭽﯩﺘﻨﻰ ﻗﯘﺭﯗﺷﻨﻰ ﺗﯜﺭﻛﯩﻴﻪ ﺷﯩﺮﻛﯩﺘﻰ ﺯﯨﻤﻤﯩﺴﯩﮕﻪ ﺋﺎﻟﻐﺎﻥ ﺑﻮﻟﯘﭖ، ﻣﻪﺑﻠﻪﻍ ﺋﺎﺳﺎﺳﻠﯩﻘﻰ ﻛﯩﺸﯩﻠﻪﺭﻧﯩﯔ ﺋﯩﺌﺎﻧﻪ ﺑﯧﺮﯨﺸﻰ ﻳﻮﻟﻰ ﺑﯩﻠﻪﻥ ﻫﻪﻝ ﻗﯩﻠﯩﻨﯩﺪﯨﻜﻪﻥ.

 ﺷﻪﺭﻗﯩﻲ ﻗﺎﺯﺍﻗﯩﺴﺘﺎﻥ ﺋﻮﺑﻼﺳﺘﯩﻨﯩﯔ ﯞﺍﻟﯩﺴﯩﻨﯩﯔ ﺋﺎﺧﺒﺎﺭﺍﺕ ﺋﯩﺸﻠﯩﺮﯨﻐﺎ ﻣﻪﺳﺌﯘﻝ ﺋﻪﻣﻪﻟﺪﺍﺭﻯ ﻣﻪﺭﻛﯩﺰﯨﻲ ﺋﺎﺳﯩﻴﺎ ﺭﺍﻳﻮﻧﯩﺪﺍ ﺑﯘ ﻣﻪﺳﭽﯩﺖ ﺑﯩﻠﻪﻥ ﺗﻪﯕﻠﯩﺸﯩﺪﯨﻐﺎﻥ ﺋﯩﻜﻜﯩﻨﭽﻰ ﺑﯩﺮ ﻣﻪﺳﭽﯩﺘﻨﯩﯔ ﻫﺎﺯﯨﺮﭼﻪ ﻳﻮﻗﻠﯘﻗﯩﻨﻰ، ﻣﻪﺳﭽﯩﺘﻨﯩﯔ ﺋﻮﻣﯘﻣﯩﻲ ﻳﻪﺭ ﻣﻪﻳﺪﺍﻧﯩﻨﯩﯔ ﺗﯚﺕ ﻣﯩﯔ ﮔﯧﻜﺘﺎﺭ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﻜﻪﻥ.

ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ، ﺑﯘ ﻣﻪﺳﭽﯩﺖ ﭘﯜﺗﺴﻪ، ﺋﯘﻧﯩﯔ ﺋﯩﭽﯩﺪﻩ ﺑﯩﺮﺍﻗﻼ ﺋﯜﭺ ﻣﯩﯖﺪﯨﻦ ﺋﺎﺭﺗﯘﻕ ﺋﺎﺩﻩﻡ ﻧﺎﻣﺎﺯ ﺋﻮﻗﯩﻴﺎﻻﻳﺪﯨﻜﻪﻥ. ﻧﯚﯞﻩﺗﺘﻪ، ﻣﻪﺭﻛﯩﺰﯨﻲ ﺋﺎﺳﯩﻴﺎﺩﯨﻜﻰ ﺳﺎﺑﯩﻖ ﺳﻮﯞﯦﺖ ﺋﯩﺘﺘﯩﭙﺎﻗﯩﺪﯨﻦ ﺋﺎﻳﺮﯨﻠﯩﭗ، ﻣﯘﺳﺘﻪﻗﯩﻞ ﺑﻮﻟﻐﺎﻥ ﺟﯘﻣﻬﯘﺭﯨﻴﻪﺗﻠﻪﺭﺩﻩ ﺋﯩﺴﻼﻡ ﺩﯨﻨﯩﻨﯩﯔ ﻗﺎﻳﺘﯩﺪﯨﻦ ﺟﺎﻧﻠﯩﻨﯩﯟﺍﺗﻘﺎﻧﻠﯩﻘﻰ، ﺋﯘﺯﯗﻥ ﻣﻪﺯﮔﯩﻞ ﺋﺎﺗﯧﺌﯩﺰﻡ ﺗﻪﺭﺑﯩﻴﯩﺴﻰ ﺋﺎﺳﺘﯩﺪﺍ، ﺋﯚﺯ ﺩﯨﻨﯩﻲ ﻣﻪﺩﻩﻧﯩﻴﯩﺘﯩﺪﯨﻦ ﺋﺎﻳﺮﯨﻠﯩﭗ ﻗﺎﻟﻐﺎﻥ ﻗﺎﺯﺍﻗﻼﺭ، ﻗﯩﺮﻏﯩﺰﻻﺭ ﯞﻩ ﺑﺎﺷﻘﺎ ﺧﻪﻟﻘﻠﻪﺭ ﺋﺎﺭﯨﺴﯩﺪﺍ ﺋﯩﺴﻼﻣﯩﻲ ﺋﯧﺘﯩﻘﺎﺩﻧﯩﯔ ﻛﯜﭼﯩﻴﯩﯟﺍﺗﻘﺎﻧﻠﯩﻘﻰ ﻣﻪﻟﯘﻡ.

ﻗﺎﺯﺍﻕ ﻣﻪﺗﺒﯘﺋﺎﺗﻠﯩﺮﯨﺪﺍ ﻗﺎﺯﺍﻗﯩﺴﺘﺎﻥ ﻫﯚﻛﯜﻣﯩﺘﯩﻨﯩﯔ ﻳﯧﻘﯩﻨﻘﻰ ﻳﯩﻠﻼﺭﺩﺍ ﻛﯚﭖ ﺳﺎﻧﺪﯨﻜﻰ ﺋﻮﻗﯘﻏﯘﭼﯩﻼﺭﻧﻰ ﻣﯘﺳﯘﻟﻤﺎﻥ ﺩﯙﻟﻪﺗﻠﯩﺮﯨﮕﻪ ﺋﻪﯞﻩﺗﯩﭗ ﺗﻪﺭﺑﯩﻴﯩﻠﯩﮕﻪﻧﻠﯩﻜﻰ، ﻗﺎﺯﺍﻗﻼﺭ ﺋﺎﺭﯨﺴﯩﺪﯨﻦ ﺧﯧﻠﻰ ﻛﯚﭖ ﺳﺎﻧﺪﺍ ﻳﺎﺵ ﺋﻪﯞﻻﺩ ﺩﯨﻨﯩﻲ ﺋﯚﻟﯩﻤﺎﻻﺭ ﻳﯧﺘﯩﺸﯩﭗ ﭼﯩﻘﯩﭗ، ﺧﻪﻟﻘﻨﻰ ﺩﯨﻨﯩﻲ ﺑﯩﻠﯩﻢ ﻫﻪﻡ ﺋﻪﺧﻼﻕ - ﭘﻪﺯﯨﻠﻪﺕ ﺑﯩﻠﻪﻥ ﺗﻪﺭﺑﯩﻴﯩﻠﻪﯞﺍﺗﻘﺎﻧﻠﯩﻘﻰ ﺧﻪﯞﻩﺭ ﻗﯩﻠﯩﻨﻤﺎﻗﺘﺎ.