Yighin eslide teshkilatni yenimu küchlendürüsh, qatnash alaqisini qoyuqlashturush, térrorluqqa zerbe bérish shuningdek afghanistanning weziyitini muzakire qilishni pilanlighan idi. Emma rusiyining gruziye bilen bolghan qoralliq toqunushi seweblik yighinning eslidiki pilanigha özgirish élip keldi.

Rusiye metbuatlirida éytilishiche, bu mesilide rusiye, shangxey hemkarliq teshkilatigha eza döletlerning qollishigha muhtaj bolup, emma gherb döletliri bilen bolghan munasiwetni közde tutqan mezkur teshkilatqa eza döletler yenila rusiyini qollash pozitsiyisi bildürmigen.

Birinchi qétim shangxey hemkarliq teshkilatining yighinigha qatnashqan rusiye prézidénti médwédéw yighin netijisidin memnun bolghanliqini ipadilep, " biz yighin ehlining rusiyining jenubiy ossétiye rayonining tinchliqi üchün körsetken tirishchanliqigha toghra baha bérishini ümid qilimiz, biz shuninggha ishinimizki shangxey hemkarliq teshkilatining meydani xelqaraning himayisige érishidu" dédi.

Bu arida gherbtiki sanaetleshken 7 dölet birleshme bayanat élan qilip, rusiyining gruziyining bölüngen ikki rayonining musteqilliqini étirap qilghanliqini eyiplidi. Bayanatta yene rusiyining gruziye zéminini ishghal qilish we qoralliq basturush herikitidin epsuslanghanliqini bildürdi.

Fransiye tashqi ishlar ministirliqining ashkarilishiche, 1 ‏ - Séntebir yawropa ittipaqi yighin chaqirip, rusiyige qoral imbargosi qollinish heqqide muzakire élip baridiken.

Pikir - Qarashliringizni otturigha qoyung

Pikir - Bayanliringiz tor bashqurghuchisi teripidin testiqlinishi kérek bolup, tor bette shu zaman élan qilinmaydu. Bir az waqittin kéyin, pikir - Bayanliringizning testiqlanghan yaki testiqlanmighanliqini qayta tekshürüp körüshigizni soraymiz. Pikir - Qarashliringizni töwendiki jedwel arqiliq, uyghur kona yéziqi boyiche yolliyalaysiz.

Isim (ixtiyar)

Sheher (ixtiyar)

Pikir - Qarashliringiz