ﺩﺍﻧﯩﻴﺎﻝ ﺋﺎﻟﻪﻥ ﺗﻪﺭﯨﭙﯩﺪﯨﻦ ﺋﯧﻼﻥ ﻗﯩﻠﯩﻨﻐﺎﻥ ﻣﺎﻗﺎﻟﯩﺪﻩ ﻛﯚﺭﺳﯩﺘﯩﻠﯩﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﺑﻮﻟﯘﭘﻤﯘ ﻗﯩﺮﻏﯩﺰﯨﺴﺘﺎﻧﺪﯨﻜﻰ ﺳﯩﻴﺎﺳﯩﻲ ﯞﻩ ﺋﯩﻘﺘﺴﺎﺩﯨﻲ ﻛﯜﭼﯩﻨﻰ ﻛﯜﻧﺴﯧﺮﻯ ﻛﯧﯖﻪﻳﻤﻪﻛﺘﻪ ﺋﯩﻜﻪﻥ.

ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻗﯩﺮﻏﯩﺰﯨﺴﺘﺎﻥ ﺑﯩﻠﻪﻥ ﺑﻮﻟﻐﺎﻥ ﺋﯩﻘﺘﺴﺎﺩﯨﻲ ﻣﯘﻧﺎﺳﯩﯟﻩﺗﻠﯩﺮﯨﻨﻰ ﻧﺎﻫﺎﻳﯩﺘﻰ ﺗﯧﺰ ﺗﻪﺭﻩﻗﻘﯩﻲ ﻗﯩﻠﺪﯗﺭﻏﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﺩﺍﻧﯩﻴﺎﻝ ﺋﺎﻟﻪﻥ ﻣﺎﻗﺎﻟﯩﺴﯩﻨﻰ ﻣﯘﻧﺪﺍﻕ ﺩﺍﯞﺍﻣﻼﺷﺘﯘﺭﯨﺪﯗ. " ﻗﯩﺮﻏﯩﺰﯨﺴﺘﺎﻧﻐﺎ ﺧﯩﺘﺎﻱ ﺗﺎﯞﺍﺭﻟﯩﺮﯨﻨﯩﯔ ﻛﯩﺮﯨﺸﻰ ﺑﯩﻠﻪﻥ ﺑﯩﺮﻟﯩﻜﺘﻪ ﺧﯩﺘﺎﻱ ﭘﯘﻗﺮﺍﻟﯩﺮﯨﻤﯘ ﺋﯧﻘﯩﭗ ﻛﯩﺮﯨﺸﻜﻪ ﺑﺎﺷﻠﯩﻐﺎﻥ ﺑﻮﻟﯘﭖ، ﺭﻩﺳﻤﯩﻲ ﺋﯩﺴﺘﺎﺗﯩﺴﺘﯩﻜﯩﻼﺭﻏﺎ ﻗﺎﺭﯨﻐﺎﻧﺪﺍ، ﺋﯚﺗﻜﻪﻥ 15 ﻳﯩﻞ ﺋﯩﭽﯩﺪﻩ ﻗﯩﺮﻏﯩﺰﯨﺴﺘﺎﻧﻐﺎ ﺋﻮﺭﯗﻧﻼﺷﻘﺎﻥ ﺧﯩﺘﺎﻳﻼﺭﻧﯩﯔ ﺳﺎﻧﻰ 100 ﻣﯩﯔ ﻛﯩﺸﯩﺪﯨﻦ ﺋﺎﺷﻘﺎﻥ".

ﺩﺍﻧﯩﻴﺎﻝ ﺋﺎﻟﻪﻧﻨﯩﯔ ﻣﺎﻗﺎﻟﯩﺴﯩﺪﺍ ﺑﯩﻠﺪﯛﺭﯛﺷﯩﭽﻪ، ﻗﯩﺮﻏﯩﺰﯨﺴﺘﺎﻧﻐﺎ ﺋﻮﺭﯗﻧﻼﺷﻘﺎﻥ ﺧﯩﺘﺎﻳﻼﺭﻧﯩﯔ ﻛﯚﭘﯩﻨﭽﯩﺴﻰ ﻗﯩﺮﻏﯩﺰﻻﺭ ﺑﯩﻠﻪﻥ ﺋﻮﻳﻠﯩﻨﯩﺶ ﺋﺎﺭﻗﯩﻠﯩﻖ ﺋﺎﻟﻠﯩﻘﺎﭼﺎﻥ ﻗﯩﺮﻏﯩﺰﯨﺴﺘﺎﻥ ﭘﯘﻗﺮﺍﻟﯩﻘﯩﻐﺎ ﺋﯚﺗﯜﭖ، ﺋﻮﻱ ﯞﻩ ﻳﻪﺭ ﺋﯩﮕﯩﺴﻰ ﺑﻮﻟﯘﭖ ﺑﻮﻟﻐﺎﻥ. ﺧﯩﺘﺎﻱ ﻫﯚﻛﯜﻣﯩﺘﻰ ﻗﯩﺮﻏﯩﺰﯨﺴﺘﺎﻧﺪﯨﻜﻰ ﺋﯩﻘﺘﯩﺴﺎﺩﯨﻲ ﻛﯜﭼﯩﺪﯨﻦ ﭘﺎﻳﺪﯨﻠﯩﻨﯩﭗ ﻧﯚﯞﻩﺗﺘﻪ، ﺧﯩﺘﺎﻱ ﭘﯘﻟﻰ ﻳﯜﻩﻧﻨﻰ ﻗﯩﺮﻏﯩﺰﯨﺴﺘﺎﻧﺪﯨﻤﯘ ﺋﯚﺗﯩﺪﯨﻐﺎﻥ ﺑﯩﺮ ﭘﯘﻟﻐﺎ ﺋﺎﻳﻼﻧﺪﯗﺭﯗﺷﻘﺎ ﺗﯩﺮﯨﺸﯩﯟﺍﺗﻘﺎﻥ ﺑﻮﻟﯘﭖ، ﺩﺍﻧﯩﻴﺎﻝ ﺋﺎﻟﻪﻧﻨﯩﯔ ﺋﯧﻴﺘﯩﺸﯩﭽﻪ، ﺋﻪﮔﻪﺭ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﺗﻪﺷﻪﺑﺒﯘﺳﯩﺪﺍ ﻏﻪﻟﯩﺒﻪ ﻗﯩﻠﺴﺎ، ﺑﯘ ﻫﻪﻡ ﺧﯩﺘﺎﻱ ﭘﯘﻟﯩﻨﯩﯔ ﻫﻪﻣﺪﻩ ﺧﯩﺘﺎﻳﻼﺭﻧﯩﯔ ﻗﯩﺮﻏﯩﺰﯨﺴﺘﺎﻧﻐﺎ ﺋﯧﻘﯩﭗ ﻛﯩﺮﯨﺸﯩﻨﻰ ﺗﯧﺨﯩﻤﯘ ﺗﯧﺰﻟﯩﺘﯩﯟﯦﺘﯩﺪﯨﻜﻪﻥ.

ﺧﯩﺘﺎﻳﻨﯩﯔ ﻗﯩﺮﻏﯩﺰﯨﺴﺘﺎﻧﺪﺍ ﻛﯜﻧﺴﯧﺮﻯ ﻛﯜﭼﯩﻴﯩﯟﺍﺗﻘﺎﻥ ﺋﯩﻘﺘﯩﺴﺎﺩﯨﻲ ﯞﻩ ﺳﯩﻴﺎﺳﯩﻲ ﻧﻮﭘﯘﺯﯨﻨﯩﯔ ﻫﻪﻡ ﻣﻮﺳﻜﯟﺍ ﻫﻪﻡ ﯞﺍﺷﯩﻨﮕﺘﻮﻧﻨﻰ ﺋﻪﻧﺴﯩﺰﻟﯩﻜﻜﻪ ﺳﯧﻠﯩﯟﺍﺗﻘﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﺩﺍﻧﻴﺎﻝ ﺋﺎﻟﻪﻥ، ﺷﯘﻧﯩﯔ ﺋﯜﭼﯜﻥ ﺭﯗﺳﯩﻴﯩﻨﯩﯔ ﺑﻪﺯﻯ ﺗﻪﺩﺑﯩﺮﻟﻪﺭ ﺋﯧﻠﯩﺸﻘﺎ ﺑﺎﺷﻠﯩﻐﺎﻧﻠﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ. ﺋﯘﻧﯩﯔ ﺋﯧﻴﺘﯩﺸﯩﭽﻪ، ﺭﯗﺳﯩﻴﯩﻨﯩﯔ ﺳﺎﺑﯩﻖ ﭘﺮﯦﺰﯨﺪﯦﻨﺘﻰ ﯞﻩ ﻫﺎﺯﯨﺮﻗﻰ ﺑﺎﺵ ﻣﯩﻨﯩﺴﺘﯩﺮﻯ ﯞﯨﻼﺩﯨﻤﯩﻴﺮ ﭘﯘﺗﯩﻦ، ﻳﯧﻘﯩﻨﺪﺍ ﻗﯩﺮﻏﯩﺰﯨﺴﺘﺎﻧﻐﺎ 2 ﻣﯩﻠﻴﺎﺭﺩ ﺩﻭﻟﻼﺭ ﻣﻪﺑﻠﻪﻍ ﺳﺎﻟﯩﺪﯨﻐﺎﻧﻠﯩﻘﯩﻨﻰ ﯞﻩ ﺭﯗﺳﯩﻴﻪ ﺩﯙﻟﻪﺗﻠﯩﻚ ﺋﯧﻨﯧﺮﮔﯩﻴﻪ ﺷﯩﺮﻛﯩﺘﻰ ﮔﺎﺯ ﭘﺮﻭﻣﻨﯩﯔ ﻗﯩﺮﻏﯩﺰﯨﺴﺘﺎﻧﺪﺍ ﻳﯧﯖﻰ ﻧﯧﻔﯩﺖ ﯞﻩ ﺗﻪﺑﯩﺌﯩﻲ ﮔﺎﺯ ﺯﺍﭘﯩﺴﻰ ﺋﯩﺰﺩﻩﺵ ﺋﯜﭼﯜﻥ 300 ﻣﯩﻠﻴﻮﻥ ﺩﻭﻟﻼﺭ ﻣﻪﺑﻠﻪﻍ ﺋﺎﺟﺮﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

پىكىر - قاراشلىرىڭىزنى ئوتتۇرىغا قويۇڭ

پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر يېزىقىدا يېزىپ يوللاڭ. پىكىر - بايانلىرىڭىز، ئەركىن ئاسىيا رادىئوسى تور بەت ئىشلىتىش بەلگىلىمىلىرى بويىچە تور باشقۇرغۇچىسى تەرىپىدىن تەستىقلانغاندىن كېيىن ئېلان قىلىنىدۇ. ئوقۇرمەنلەرنىڭ تورغا يوللىغان پىكىر - بايانلىرى ئۆزىگە خاس بولۇپ، ئەركىن ئاسىيا رادىئوسىغا ۋەكىللىك قىلالمايدۇ.

ئىسىم (ئىختىيار)

شەھەر (ئىختىيار)

دەلىل كودى (ﺗﻪﻟﻪﭖ ﻗﯩﻠﯩﻨﯩﺪﯗ)


سۈرەتتە كۆرۈلگەن ھەرپ ياكى سانلارنى بۇ يەرگە تولدۇرۇڭ.

Text (Required):

پىكىر - قاراشلىرىڭىز (ﺗﻪﻟﻪﭖ ﻗﯩﻠﯩﻨﯩﺪﯗ)