ﺋﯘﻳﻐﯘﺭ > خەۋەرلەر > ﺋﻮﺗﺘﯘﺭﺍ - ﺷﻪﺭﯨﻖ ﺧﻪﯞﻩﺭﻟﯩﺮﻯ

ﺗﯜﺭﻛﯩﻴﻪ ﻫﺎﯞﺍ ﺋﺎﺭﻣﯩﻴﯩﺴﻰ ﻛﯘﺭﺩﻻﺭﻏﺎ ﻗﺎﺭﺷﻰ ﻳﻪﻧﻪ ﻫﯘﺟﯘﻡ ﻗﻮﺯﻏﯩﺪﻯ

مۇخبىرىمىز ئۈمىدۋار خەۋىرى

2008-05-11

ﺗﯜﺭﻛﯩﻴﻪ ﻫﻪﺭﺑﯩﻲ ﺗﻪﺭﻩﭖ ﺗﯜﺭﻛﯩﻴﻪ ﻫﺎﯞﺍ ﺋﺎﺭﻣﯩﻴﯩﺴﯩﻨﯩﯔ ﻳﻪﻛﺸﻪﻧﺒﻪ ﻛﯜﻧﻰ ﺋﯩﺮﺍﻗﻨﯩﯔ ﺷﯩﻤﺎﻟﯩﺪﯨﻜﻰ ﻛﯘﺭﺩﻻﺭﻧﯩﯔ ﻗﻮﺭﺍﻟﻠﯩﻖ ﮔﯘﺭﯗﭘﭙﯩﻠﯩﺮﻯ ﺟﺎﻳﻼﺷﻘﺎﻥ ﻧﯘﻗﺘﯩﻼﺭﻏﺎ ﻫﯘﺟﯘﻡ ﻗﻮﺯﻏﯩﻐﺎﻧﻠﯩﻘﻰ، ﻫﯘﺟﯘﻣﭽﻰ ﺋﺎﻳﺮﻭﭘﯩﻼﻧﻼﺭﻧﻰ ﻫﻪﻣﺪﻩ ﺋﯧﻐﯩﺮ ﺗﻮﭘﻼﺭﻧﻰ ﺋﯩﺸﻘﺎ ﺳﯧﻠﯩﭗ، ﭖ ﻙ ﻙ ﺋﯘﻧﺴﯘﺭﻟﯩﺮﯨﻨﻰ ﺑﻮﻣﺒﺎﺭﺩﯨﻤﺎﻥ ﻗﯩﻠﻐﺎﻧﻠﯩﻘﯩﻨﻰ ﺋﺎﺷﻜﺎﺭﯨﻠﯩﻐﺎﻥ.

ﺗﯜﺭﻛﯩﻴﻪ ﯞﻩ ﻏﻪﺭﺏ ﻣﻪﺗﺒﯘﺋﺎﺗﻠﯩﺮﯨﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﭘﻜﻚ ﺩﻩﭖ ﺋﺎﺗﺎﻟﻐﺎﻥ ﻛﯘﺭﺩ ﺋﯩﺸﭽﯩﻼﺭ ﭘﺎﺭﺗﯩﻴﯩﺴﯩﻨﯩﯔ ﺑﯩﺮ ﻗﯩﺴﯩﻢ ﺗﯧﺮﺭﻭﺭﭼﻰ ﺋﯘﻧﺴﯘﺭﻟﯩﺮﻯ ﺋﯩﺮﺍﻕ ﺗﻪﯞﻩﺳﯩﺪﯨﻦ ﻳﻮﺷﯘﺭﯗﻧﭽﻪ ﺗﯜﺭﻛﯩﻴﻪ ﺗﻪﺭﻩﭘﺘﯩﻜﻰ ﻫﺎﻛﻜﺎﻟﻰ ﺋﯚﻟﻜﯩﺴﻰ ﺗﻪﯞﻩﺳﯩﮕﻪ ﻛﯩﺮﯨﭗ، ﺗﯜﺭﻙ ﻫﻪﺭﺑﯩﻲ ﺋﻪﺗﺮﻩﺗﻠﯩﺮﯨﮕﻪ ﺗﯘﻳﯘﻗﺴﯩﺰ ﻫﯘﺟﯘﻡ ﻗﻮﺯﻏﯩﻐﺎﻥ ﻫﻪﻣﺪﻩ ﺋﯩﻜﻜﻰ ﻧﻪﭘﻪﺭ ﺗﯜﺭﻛﯩﻴﻪ ﻫﻪﺭﺑﯩﻲ ﺧﺎﺩﯨﻤﻰ ﺋﯚﻟﺘﯜﺭﮔﻪﻥ. ﺗﯜﺭﻛﯩﻴﻪ ﻫﺎﯞﺍ ﺋﺎﺭﻣﯩﻴﯩﺴﻰ ﺋﯘﻻﺭﻧﯩﯔ ﺋﯩﺴﺘﯩﻬﻜﺎﻣﻠﯩﺮﯨﻨﻰ ﺑﻮﻣﺒﺎﺭﺩﯨﻤﺎﻥ ﻗﯩﻠﻐﺎﻥ.

ﺑﯘﻧﯩﯖﺪﯨﻦ ﺑﯩﺮ ﻗﺎﻧﭽﻪ ﺋﺎﻱ ﺋﯩﻠﮕﯩﺮﻯ ﺗﯜﺭﻛﯩﻴﻪ ﺋﺎﺭﻣﯩﻴﯩﺴﻰ ﺋﯩﺮﺍﻕ ﺗﻪﯞﻩﺳﯩﮕﻪ ﻛﯩﺮﯨﭗ، ﻛﯘﺭﺩ ﻗﻮﺷﯘﻧﻠﯩﺮﯨﻨﻰ ﺋﻮﻣﯘﻣﯩﻲ ﻳﯜﺯﻟﯜﻙ ﺯﻩﺭﺑﯩﮕﻪ ﺋﯘﭼﺮﺍﺗﻘﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﭘﻜﻚ ﻳﻮﺷﯘﺭﯗﻥ ﮔﯘﺭﯗﭘﭙﯩﻠﯩﺮﯨﻨﯩﯔ ﻗﺎﺭﺷﯩﻠﯩﻘﻠﯩﺮﻯ ﺗﻮﺧﺘﯩﻤﯩﻐﺎﻥ. ﺷﻪﻧﺒﻪ ﻛﯜﻧﻰ ﺗﯜﺭﻛﯩﻴﻪ ﻫﺎﯞﺍ ﺋﺎﺭﻣﯩﻴﯩﺴﯩﻨﯩﯔ ﻫﯘﺟﯘﻣﻠﯩﺮﻯ ﻧﻪﺗﯩﺠﯩﺴﯩﺪﻩ 19 ﻧﻪﭘﻪﺭ ﭘﻜﻚ ﺗﯧﺮﺭﻭﺭﭼﯩﺴﻰ ﺋﯚﻟﺘﯜﺭﯛﻟﮕﻪﻥ.