ﺗﯜﺭﻛﯩﻴﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻨﯩﯔ ﻣﻪﻟﯘﻣﺎﺗﯩﻐﺎ ﻗﺎﺭﯨﻐﺎﻧﺪﺍ، ﺑﯘ ﻳﯩﻠﻠﯩﻖ ﺋﯜﺭﯛﻣﭽﻰ ﻳﻪﺭﻣﻪﻧﻜﯩﺴﯩﺪﻩ ﺗﯜﺭﻛﯩﻴﻪ ﺷﯩﺮﻛﻪﺗﻠﯩﺮﯨﮕﻪ 1500 ﻛﯟﺍﺩﺭﺍﺕ ﻣﯧﺘﯩﺮ ﺋﻮﺭﯗﻥ ﺋﺎﺟﺮﯨﺘﯩﻠﯩﺪﯨﻐﺎﻥ ﺑﻮﻟﯘﭖ، ﺑﯘ ﻫﻪﻗﺘﻪ ﺗﻮﺧﺘﺎﻟﻐﺎﻥ ﺗﯜﺭﻛﯩﻴﻪ ﺩﯙﻟﻪﺕ ﻣﯩﻨﯩﺴﺘﯩﺮﻯ ﻛﯜﺭﺷﺎﺩ ﺗﯜﺯﻣﻪﻥ، ﺧﯩﺘﺎﻱ ﺑﺎﺯﺍﺭﻟﯩﺮﯨﻐﺎ ﻛﯩﺮﯨﺸﺘﻪ ﺗﯜﺭﻛﯩﻴﻪ ﺳﻮﺩﯨﮕﻪﺭﻟﯩﺮﯨﻨﯩﯔ ﻗﻮﺭﻗﯘﻣﺴﯩﺰ ﺑﻮﻟﯘﺷﻰ ﻛﯧﺮﻩﻛﻠﯩﻜﯩﻨﻰ ﻛﯚﺭﺳﻪﺗﻜﻪﻥ.

ﺗﯘﺯﻣﻪﻥ ﺋﻪﭘﻪﻧﺪﻯ ﻳﻪﻧﻪ ﺗﯜﺭﻛﯩﻴﻪ ﻣﺎﻟﻠﯩﺮﯨﻨﯩﯔ ﭼﻮﻗﯘﻡ ﺧﯩﺘﺎﻳﺪﯨﻜﻰ ﺋﯩﻘﺘﯩﺴﺎﺩﻯ ﻛﯩﺮﯨﻤﻰ ﻳﯘﻗﯩﺮﻯ ﻛﯩﺸﯩﻠﻪﺭﻧﻰ ﻧﯩﺸﺎﻥ ﻗﯩﻠﯩﺸﻰ ﻛﯧﺮﻩﻛﻠﯩﻜﯩﻨﻰ ﻛﯚﺭﺳﻪﺗﻜﻪﻥ ﯞﻩ ﺋﯘﻳﻐﯘﺭ ﺋﯧﻠﯩﻨﯩﯔ ﺗﯜﺭﻛﯩﻴﻪ ﻣﺎﻟﻠﯩﺮﯨﻨﻰ ﻳﺎﺧﺸﻰ ﻛﯚﺭﯨﺪﯨﻐﺎﻧﻠﯩﻘﯩﻨﯩﻤﯘ ﺋﺎﻻﻫﯩﺪﻩ ﺗﯩﻠﻐﺎ ﺋﺎﻟﻐﺎﻥ.

ﺋﯜﺭﯛﻣﭽﻰ ﻳﻪﺭﻣﻪﻧﻜﯩﺴﻰ 17 - ﻳﯩﻠﺪﯨﻦ ﺑﯧﺮﻯ ﺋﯘﻳﻐﯘﺭ ﺋﯧﻠﯩﻨﯩﯔ ﭘﺎﻳﺘﻪﺧﺘﻰ ﺋﯜﺭﯛﻣﭽﯩﮕﻪ ﺟﺎﻳﻼﺷﻘﺎﻥ ﻛﯚﺭﮔﻪﺯﻣﻪ ﻣﻪﺭﻛﯩﺰﯨﺪﻩ ﺋﯚﺗﻜﯜﺯﯛﻟﯜﭖ ﻛﻪﻟﻤﻪﻛﺘﻪ.
ﺑﯘ ﻳﯩﻠﻠﯩﻖ ﻳﻪﺭﻣﻪﻧﻜﯩﻤﯘ 1 - ﺳﯧﻨﺘﻪﺑﯩﺮﺩﯨﻦ 5 - ﺳﯧﻨﺘﻪﺑﯩﺮﮔﯩﭽﻪ ﺋﯜﺭﯛﻣﭽﯩﺪﻩ ﺋﯚﺗﻜﯜﺯﯛﻟﯩﺪﯗ.

ﺑﯘ ﻳﻪﺭﻣﻪﻧﻜﯩﮕﻪ ﺧﯩﺘﺎﻱ ﺳﻮﺩﯨﮕﻪﺭﻟﯩﺮﯨﺪﯨﻦ ﺑﺎﺷﻘﺎ، ﺩﯗﻧﻴﺎﻧﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﯨﻦ ﻛﻪﻟﮕﻪﻥ ﻧﯘﺭﻏﯘﻥ ﻧﯩﺴﺒﻪﺗﺘﻪ ﭼﻪﺗﺌﻪﻝ ﺳﻮﺩﯨﮕﻪﺭﻟﯩﺮﻯ ﺟﯜﻣﻠﯩﺪﯨﻦ ﺋﯘﻳﻐﯘﺭ ﻛﺎﺭﺧﺎﻧﯩﭽﯩﻼﺭﻣﯘ ﺋﯚﺯﯨﻨﯩﯔ ﺳﯜﭘﻪﺗﻠﯩﻚ ﻣﻪﻫﺴﯘﻻﺗﻠﯩﺮﻯ ﺑﯩﻠﻪﻥ ﻳﻪﺭﻣﻪﻧﻜﯩﮕﻪ ﻗﺎﺗﻨﯩﺸﯩﺪﯗ.