ﻣﺎﺭﺗﻰ ﺋﺎﺧﺘﯩﺴﺎﺭﻯ ﻧﺎﻣﯩﺒﯩﻴﻪ ﻣﯘﺳﺘﻪﻗﯩﻠﻠﯩﻘﻰ ﯞﻩ ﻛﻮﺳﻮﯞﺍ ﻣﯘﺳﺘﻪﻗﯩﻠﻠﯩﻘﻰ ﻗﺎﺗﺎﺭﻟﯩﻖ ﺧﻪﻟﻘﺌﺎﺭﺍﻟﯩﻖ ﻣﻪﺳﯩﻠﯩﻠﻪﺭﻧﯩﯔ ﻫﻪﻝ ﺑﻮﻟﯘﺷﯩﺪﺍ ﺩﯨﭙﻠﻮﻣﺎﺗﯩﻴﻪ ﺳﺎﻫﻪﺳﯩﺪﻩ ﻫﯘﻝ ﺳﯧﻠﯩﺶ ﺧﺎﺭﺍﻛﺘﯧﺮﻟﯩﻚ ﺭﻭﻝ ﺋﻮﻳﻨﯩﻐﺎﻥ.

ﻧﻮﺑﯩﻞ ﺗﯧﻨﭽﻠﯩﻖ ﻛﻮﻣﯩﺘﯧﺘﻰ ﻣﯘﻛﺎﭘﺎﺗﻨﯩﯔ ﻣﺎﺭﺗﻰ ﺋﺎﺧﺘﯩﺴﺎﺭﯨﻐﺎ ﺑﯧﺮﯨﻠﯩﺶ ﺳﻪﯞﻩﺑﯩﻨﻰ ﻣﯘﻧﺪﺍﻕ ﺑﺎﻳﺎﻥ ﻗﯩﻠﺪﻯ: "ﺋﯘ ﺗﯧﻨﭽﻠﯩﻖ ﺋﯜﭼﯜﻥ ﺧﯩﺰﻣﻪﺕ ﻗﯩﻠﯩﺸﺘﺎ ﻫﺎﺭﻣﯩﻐﺎﻥ ﯞﻩ ﯞﺍﺯ ﻛﻪﭼﻤﯩﮕﻪﻥ ﺩﯗﻧﻴﺎ ﭼﯩﻤﭙﯩﻴﻮﻧﯩﺪﯗﺭ. ﺑﯩﺰ ﺑﯘ ﻳﯩﻠﻠﯩﻖ ﻣﯘﻛﺎﭘﺎﺗﻨﻰ ﺑﯩﺮ ﺗﯧﻨﭽﻠﯩﻖ ﺗﻮﻫﭙﯩﻜﺎﺭﯨﻐﺎ ﺑﻪﺭﮔﻪﻧﻠﯩﻜﯩﻤﯩﺰﺩﯨﻦ ﭘﻪﺧﯩﺮﻟﯩﻨﯩﻤﯩﺰ."

2008 ‏ - ﻳﯩﻠﻠﯩﻖ ﻧﻮﺑﯧﻞ ﺗﯧﻨﭽﻠﯩﻖ ﻣﯘﻛﺎﭘﺎﺗﯩﻨﯩﯔ ﻣﺎﺭﺗﻰ ﺋﺎﺧﺘﯩﺴﺎﺭﯨﻐﺎ ﺑﯧﺮﯨﻠﯩﺸﻰ ﺩﯗﻧﻴﺎﺩﯨﻜﻰ ﻣﯘﺳﺘﻪﻗﯩﻠﭽﻰ ﮔﯘﺭﯗﭘﭙﯩﻼﺭﻏﺎ ﺋﯩﻠﻬﺎﻡ ﺩﻩﭖ ﻗﺎﺭﺍﻟﻤﺎﻗﺘﺎ.

ﻣﺎﺭﺗﻰ ﺋﺎﺧﺘﯩﺴﺎﺭﻯ ﻳﯧﻘﯩﻨﻘﻰ 30 ﻳﯩﻠﺪﯨﻦ ﺑﯧﺮﻯ ﺋﺎﺳﯩﻴﺎ، ﺋﺎﻓﺮﯨﻘﺎ ﯞﻩ ﻳﺎﯞﺭﻭﭘﺎ ﻗﯩﺘﺌﻪﻟﯩﺮﯨﺪﻩ ﻛﯚﺭﯛﻟﮕﻪﻥ ﺑﯩﺮ ﻗﻪﺩﻩﺭ ﻣﯘﺭﻩﻛﻜﻪﭖ ﺧﻪﻟﻘﺌﺎﺭﺍﻟﯩﻖ ﻣﻪﺳﯩﻠﯩﻠﻪﺭﻧﻰ، ﺟﯜﻣﻠﯩﺪﯨﻦ ﺋﯧﺘﻨﯩﻚ ﺗﻮﻗﯘﻧﯘﺷﻼﺭﻧﻰ ﺑﯩﺮ ﺗﻪﺭﻩﭖ ﻗﯩﻠﯩﺸﺘﺎ ﺧﯩﺰﻣﻪﺕ ﻛﯚﺭﺳﻪﺗﻜﻪﻥ. ﺋﯘ 1977 ‏ - ﻳﯩﻠﻰ ﺏ ﺩ ﺕ ﻧﯩﯔ ﯞﻩﻛﯩﻠﻰ ﺳﯜﭘﯩﺘﯩﺪﻩ ﻧﺎﻣﯩﺒﯩﻴﻪ ﻣﯘﺳﺘﻪﻗﯩﻠﭽﯩﻠﯩﺮﻯ ﺑﯩﻠﻪﻥ ﺟﻪﻧﯘﺑﯩﻲ ﺋﺎﻓﺮﯨﻘﺎ ﻫﯚﻛﯜﻣﯩﺘﻰ ﺋﺎﺭﯨﺴﯩﺪﺍ ﻣﯘﺭﻩﺳﺴﻪ ﺧﯩﺰﻣﯩﺘﻰ ﺋﯩﺸﻠﯩﮕﻪﻥ. ﺋﯘ ﻳﻪﻧﻪ ﻫﯩﻨﺪﯗﻧﯧﺰﯨﻴﯩﺪﻩ ﻣﯘﺳﺘﻪﻗﯩﻠﻠﯩﻖ ﺗﻪﻟﻪﭖ ﻗﯩﻠﯩﯟﺍﺗﻘﺎﻥ Aceh ﭘﺎﺭﺗﯩﺰﺍﻧﻠﯩﺮﻯ ﺑﯩﻠﻪﻥ ﻫﯩﻨﺪﻭﻧﯧﺰﯨﻴﻪ ﻫﯚﻛﯜﻣﻪﺕ ﯞﻩﻛﯩﻠﻠﯩﺮﯨﻨﻰ ﻧﻮﺭﯞﯦﮕﯩﻴﻪ ﭘﺎﻳﺘﻪﺧﺘﻰ ﺋﻮﺳﻠﻮﺩﺍ ﺋﯘﭼﺮﺍﺷﺘﯘﺭﻏﺎﻥ.

1992 ‏ - ﯞﻩ 1993 ‏ - ﻳﯩﻠﻠﯩﺮﻯ ﺳﺎﺑﯩﻖ ﻳﯘﮔﯘﺳﻼﯞﯨﻴﯩﺪﻩ ﺋﯧﭽﯩﻠﻐﺎﻥ ﺧﻪﻟﻘﺌﺎﺭﺍﻟﯩﻖ ﺗﯧﻨﭽﻠﯩﻖ ﻳﯩﻐﯩﻨﯩﺪﺍ ﺑﻮﺳﻨﯩﻴﻪ ﺗﻪﺭﻩﭘﻜﻪ ﺑﺎﺵ ﻣﻪﺳﻠﯩﻬﻪﺗﭽﻰ ﺑﻮﻟﻐﺎﻥ. ﻛﻮﺳﻮﯞﺍﻧﯩﯔ ﻣﯘﺳﺘﻪﻗﯩﻠﻠﯩﻖ ﻫﺎﺭﭘﯩﺴﯩﺪﯨﻜﻰ ﺋﯚﺗﻜﯜﻧﭽﻰ ﺩﻩﯞﺭ ﭘﯩﻼﻧﻰ ﻣﺎﺭﺗﻰ ﺋﺎﺧﺘﯩﺴﺎﺭﻯ ﺗﻪﺭﯨﭙﯩﺪﯨﻦ ﺗﯜﺯﯛﻟﮕﻪﻥ. ﺋﯘ ﻧﯚﯞﻩﺗﺘﻪ ﺋﯩﺮﺍﻗﺘﯩﻜﻰ ﺳﯜﻧﺌﯩﻲ ﯞﻩ ﺷﯩﺌﻪ ﮔﯘﺭﯗﭘﭙﯩﻼﺭ ﺋﺎﺭﯨﺴﯩﺪﺍ ﺧﯩﺰﻣﻪﺕ ﺋﯩﺸﻠﯩﻤﻪﻛﺘﻪ.

2008 ‏ - ﻳﯩﻠﻠﯩﻖ ﻧﻮﺑﯧﻞ ﺗﯧﻨﭽﻠﯩﻖ ﻣﯘﻛﺎﭘﺎﺗﯩﻨﯩﯔ ﻣﺎﺭﺗﻰ ﺋﺎﺧﺘﯩﺴﺎﺭﯨﻐﺎ ﺑﯧﺮﯨﻠﯩﺸﻰ ﺩﯗﻧﻴﺎﺩﯨﻜﻰ ﻣﯘﺳﺘﻪﻗﯩﻠﭽﻰ ﮔﯘﺭﯗﭘﭙﯩﻼﺭﻏﺎ ﺋﯩﻠﻬﺎﻡ ﺩﻩﭖ ﻗﺎﺭﺍﻟﻤﺎﻗﺘﺎ.

ﺳﯧﺮﯨﺒﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﺑﯜﮔﯜﻥ ﻣﻪﺯﻛﯘﺭ ﻣﯘﻛﺎﭘﺎﺗﻘﺎ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﺩﻯ. ﻛﻮﺳﻮﯞﺍ ﺑﺎﺵ ﻣﯩﻨﯩﺴﺘﯩﺮﻯ ﻫﺎﺷﯩﻢ ﺗﺎﭼﻰ ﻣﯘﻛﺎﭘﺎﺗﻨﻰ ﺗﻪﺑﺮﯨﻜﻠﯩﺪﻯ ﯞﻩ "ﺩﻩﻝ ﯞﺍﻗﺘﯩﺪﺍ ﯞﻩ ﺩﻩﻝ ﺟﺎﻳﯩﻐﺎ ﺑﯧﺮﯨﻠﮕﻪﻥ ﻣﯘﻛﺎﭘﺎﺕ،" ﺩﻩﭖ ﻣﻪﺩﻫﯩﻴﯩﻠﯩﺪﻯ.