ﮔﻪﺭﭼﻪ ﺧﯩﺘﺎﻱ ﻫﯚﻛﯜﻣﯩﺘﻰ ﺩﯗﻧﻴﺎﻏﺎ ﺋﯜﺭﯛﻣﭽﻰ ﺗﯩﻨﺠﯩﺪﻯ، ﺗﻪﺭﺗﯩﭗ ﺋﻪﺳﻠﯩﮕﻪ ﻛﻪﻟﺪﻯ، ﺩﻩﯞﺍﺗﺴﯩﻤﯘ، ﺋﻪﻣﻤﺎ ﺋﯜﺭﯛﻣﭽﻰ ﻛﯘﭼﯩﻠﯩﺮﯨﺪﯨﻜﻰ ﺗﺎﻣﻼﺭﻏﺎ، ﺑﯩﻨﺎﻻﺭﻏﺎ، ﻛﯚﯞﺭﯛﻛﻠﻪﺭﮔﻪ، ﻫﻪﺭﺑﯩﻲ ﺋﺎﭘﺘﻮﻣﻮﺑﯩﻠﻼﺭﻏﺎ 5‏ - ﺋﯩﻴﯘﻝ ﯞﻩﻗﻪﺳﯩﺪﻩ ﭼﺎﭘﻼﻧﻐﺎﻥ ﺷﯘﺋﺎﺭ، ﺋﯧﺴﯩﻠﻐﺎﻥ ﭘﯩﻼﻛﺎﺗﻼﺭ ﻫﺎﺯﯨﺮﻣﯘ ﺑﺎﺭ. ﺑﯘ ﺭﺍﻳﻮﻧﻨﯩﯔ ﭼﻪﺕ ﺑﯩﻠﻪﻥ ﺑﻮﻟﻐﺎﻥ ﺋﺎﻻﻗﻪ ﺗﻮﺭﻟﯩﺮﯨﻨﯩﻤﯘ ﭘﯜﺗﯜﻧﻠﻪﻱ ﺋﯜﺯﯛﯞﻩﺗﺘﻰ. ﺷﻪﻫﻪﺭﮔﻪ ﺗﻮﻟﯘﭖ ﻛﻪﺗﻜﻪﻥ ﺑﯘ ﺳﯩﻴﺎﺳﯩﻲ ﺋﻪﺧﻠﻪﺗﻠﻪﺭﻧﻰ ﺗﺎﺯﯨﻼﭖ ﺑﻮﻟﻐﺎﻧﺪﯨﻤﯘ، ﺋﺎﻻﻗﻪ ﺗﻮﺭﻟﯩﺮﯨﻨﻰ ﻗﺎﻳﺘﯩﺪﯨﻦ ﺋﯘﻟﯩﻐﺎﻧﺪﯨﻤﯘ، ﺧﻪﻟﻘﻨﯩﯔ ﻗﻪﻟﺒﯩﺪﯨﻜﻰ ﻳﺎﺭﯨﻨﻰ ﺳﺎﻗﺎﻳﺘﯩﺶ ﺋﯘﻧﺪﺍﻕ ﺗﯧﺰ ﻫﻪﻡ ﺋﺎﺳﺎﻥ ﺋﻪﻣﻪﺱ.

ﭼﯜﻧﻜﻰ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭﻻﺭﻏﺎ ﻗﺎﺭﺍﺗﻘﺎﻥ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﻰ ﺋﯚﺯﮔﻪﺭﻣﯩﺪﻯ. ﺋﯘﻳﻐﯘﺭﻻﺭ ﺗﺎﺭﺗﻘﺎﻥ ﺋﺎﺯﺍﭖ -ﺋﻮﻗﯘﺑﻪﺗﻠﻪﺭ ﺳﯩﺮﺗﻘﺎ ﺋﺎﯕﻼﻧﻐﺎﻧﺴﯩﺮﻯ، ﺩﯗﻧﻴﺎﺩﺍ ﺋﯘﻳﻐﯘﺭﻻﺭﻏﺎ ﺑﻮﻟﻐﺎﻥ ﻫﯧﺴﺪﺍﺷﻠﯩﻖ ﯞﻩ ﻗﻮﻟﻼﺵ ﺷﯘﻧﭽﻪ ﻛﯜﭼﯩﻴﯩﯟﺍﺗﯩﺪﯗ. ﺋﯘﻳﻐﯘﺭ ﻫﻪﺭﯨﻜﯩﺘﻰ ﻛﯜﭼﻪﻳﮕﻪﻧﺴﯩﺮﻯ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭﻻﺭﻏﺎ ﻗﺎﺭﯨﺘﺎ ﺑﺎﺳﺘﯘﺭﯗﺷﻨﻰ ﻳﻪﻧﻪ ﺑﯩﺮ ﺑﺎﻟﺪﺍﻕ ﻗﺎﺗﺘﯩﻘﻼﺷﺘﯘﺭﯗﯞﺍﺗﯩﺪﯗ. ﺋﻪﻣﻤﺎ ﺑﺎﺳﺘﯘﺭﯗﺵ ﺋﺎﺭﻗﯩﻠﯩﻖ ﻣﻪﺳﯩﻠﯩﻨﻰ ﻫﻪﻝ ﻗﯩﻼﻟﻤﺎﻳﺪﯗ.

ﺧﯩﺘﺎﻱ ﻫﯚﻛﯜﻣﯩﺘﻰ ﻫﺎﺯﯨﺮ ﻳﻪﻧﻪ ﺋﯘﻳﻐﯘﺭ ﻳﯘﺭﺗﻠﯩﺮﯨﺪﺍ 'ﻳﯜﺯ ﻛﯜﻧﻠﯜﻙ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺶ' ﺩﻩﭖ ﺋﺎﺗﺎﻟﻐﺎﻥ ﺑﺎﺳﺘﯘﺭﯗﺵ ﻫﻪﺭﯨﻜﯩﺘﯩﻨﻰ ﺑﺎﺷﻠﯩﺪﻯ (ﺷﯩﻨﺠﺎﯓ ﺧﻪﯞﻩﺭ ﺗﻮﺭﯨﻨﯩﯔ ﺑﯜﮔﯜﻧﻜﻰ ﺧﻪﯞﯨﺮﻯ).

ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﻣﻪﺭﻛﯩﺰﻯ ﻛﻮﻣﯩﺘﯧﺘﯩﻨﯩﯔ ﺩﺍﺋﯩﻤﻰ ﺋﻪﺯﺍﺳﻰ، ﺳﯩﻴﺎﺳﯩﻲ -ﻗﺎﻧﯘﻥ ﻛﻮﻣﯩﺘﯧﺖ ﺳﯧﻜﺮﯨﺘﺎﺭﻯ ﺟﯘ ﻳﯘﯕﻜﺎﯓ ﺟﯩﯖﮕﺎﯕﺴﻪﻧﺪﻩ، ﻣﻪﻣﻠﯩﻜﻪﺕ ﺑﯘﻳﯩﭽﻪ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻧﺎﺯﺍﺭﻩﺕ، ﺋﯩﺪﺍﺭﻩ ﺑﺎﺷﻠﯩﻘﻠﯩﺮﻯ ﻳﯩﻐﯩﻨﻰ ﺋﯧﭽﯩﭗ 'ﺧﻪﻟﻖ ﺋﯩﭽﯩﺪﯨﻜﻰ ﻣﻪﺳﯩﻠﯩﻠﻪﺭﻧﻰ ﻫﻪﻝ ﻗﯩﻠﯩﺶ' ﺩﯦﮕﻪﻥ ﻧﺎﻡ ﺋﺎﺳﺘﯩﺪﺍ ﺋﯧﻠﯩﭗ ﺑﺎﺭﯨﺪﯨﻐﺎﻥ ﺑﺎﺳﺘﯘﺭﯗﺵ ﭘﯩﻼﻧﯩﻨﻰ ﺋﻮﺭﯗﻧﻼﺷﺘﯘﺭﺩﻯ (ﺧﯩﺘﺎﻳﻨﯩﯔ 'ﺧﻪﻟﻖ ﺗﻮﺭﻯ'ﻧﯩﯔ ﺑﯜﮔﯜﻧﻜﻰ ﺧﻪﯞﯨﺮﻯ).