ﺋﯘﻳﻐﯘﺭ > خەۋەرلەر > ﺑﯜﮔﯜﻧﻜﻰ ﻗﯩﺴﻘﺎ ﺧﻪﯞﻩﺭﻟﻪﺭ

21 ﺗﺎﻟﯩﺒﺎﻥ ﻣﯩﻠﯩﺘﺎﻧﻰ ﺋﺎﻓﻐﺎﻧﯩﺴﺘﺎﻥ ﻣﯩﻠﻠﯩﻲ ﺋﺎﺭﻣﯩﻴﯩﺴﻰ ﯞﻩ ﺋﺎﻓﻐﺎﻧﯩﺴﺘﺎﻧﺪﯨﻜﻰ ﺋﯩﺘﺘﯩﭙﺎﻗﺪﺍﺵ ﺋﺎﺭﻣﯩﻴﻪ ﻗﯩﺴﯩﻤﻠﯩﺮﻯ ﺗﻪﺭﯨﭙﯩﺪﯨﻦ ﺋﯚﻟﺘﯜﺭﯛﻟﮕﻪﻥ

مۇخبىرىمىز ئۆمەر قانات

2008-10-04

ﺋﺎﻓﻐﺎﻧﯩﺴﺘﺎﻥ ﻫﯚﻛﯜﻣﯩﺘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺟﯜﻣﻪ ﻛﯜﻧﻰ ﺋﺎﻓﻐﺎﻧﯩﺴﺘﺎﻥ ﻣﯩﻠﻠﯩﻲ ﺋﺎﺭﻣﯩﻴﯩﺴﻰ ﯞﻩ ﺋﺎﻓﻐﺎﻧﯩﺴﺘﺎﻧﺪﯨﻜﻰ ﺋﯩﺘﺘﯩﭙﺎﻗﺪﺍﺵ ﺋﺎﺭﻣﯩﻴﻪ ﻗﯩﺴﯩﻤﻠﯩﺮﻯ ﺗﻪﺭﯨﭙﯩﺪﯨﻦ ﺗﺎﻟﯩﺒﺎﻥ ﻗﺎﻟﺪﯗﻗﻠﯩﺮﯨﻐﺎ ﻗﺎﺭﺷﻰ ﺋﺎﻓﻐﺎﻧﯩﺴﺘﺎﻧﻨﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﻫﻪﺭﯨﻜﻪﺗﻠﻪﺭﺩﻩ 21 ﺗﺎﻟﯩﺒﺎﻥ ﻣﯩﻠﯩﺘﺎﻧﻰ ﺋﯚﻟﮕﻪﻥ.

ﺋﺎﻓﻐﺎﻧﯩﺴﺘﺎﻥ ﭘﺮﯦﺰﯨﺪﯦﻨﺘﻰ ﻫﺎﻣﯩﺖ ﻛﺎﺭﺯﺍﻳﻨﯩﯔ ﺋﺎﻓﻐﺎﻧﯩﺴﺘﺎﻧﺪﯨﻜﻰ ﺋﯘﺭﯗﺷﻨﻰ ﺗﻮﺧﺘﯩﺘﯩﺶ ﺋﯜﭼﯜﻥ ﺗﺎﻟﯩﺒﺎﻧﻼﺭ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﯛﺵ ﺗﻮﻏﺮﯨﺴﯩﺪﺍ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﻫﻪﺭﯨﻜﯩﺘﻰ ﺟﯩﺪﺩﯨﻲ ﺗﻮﺳﻘﯘﻧﻠﯘﻗﻼﺭﻏﺎ ﺩﯗﭺ ﻛﻪﻟﻤﻪﻛﺘﻪ.

ﺗﺎﻟﯩﺒﺎﻧﻼﺭ ﻧﯩﯔ ﺑﺎﻳﺎﻧﺎﺗﭽﯩﺴﻰ ﻗﺎﺭﻯ ﻳﯜﺳﯜﭖ ﺋﻪﺧﻤﻪﺩﻯ، ﺋﺎﻓﻐﺎﻧﯩﺴﺘﺎﻧﺪﺍ ﭼﻪﺗﺌﻪﻝ ﻫﻪﺭﺑﯩﻲ ﻗﯩﺴﯩﻤﻠﯩﺮﻯ ﻣﻪﯞﺟﯘﺕ ﺑﻮﻟﯘﭖ ﺗﯘﺭﻏﺎﻥ ﺋﻪﻫﯟﺍﻝ ﺋﺎﺳﺘﯩﺪﺍ ﺗﺎﻟﯩﺒﺎﻧﻼﺭﻧﯩﯔ ﺋﺎﻓﻐﺎﻧﯩﺴﺘﺎﻥ ﻫﯚﻛﯜﻣﯩﺘﻰ ﺑﯩﻠﻪﻥ ﺳﯚﻫﺒﻪﺗﻜﻪ ﺋﻮﻟﺘﯘﺭﻣﺎﻳﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﺪﻯ. ﺋﯘ ﺷﯘﻧﺪﺍﻗﻼ ﺳﯚﻫﺒﻪﺗﺘﯩﻦ ﺑﯘﺭﯗﻥ ﺋﺎﻓﻐﺎﻧﯩﺴﺘﺎﻥ ﻫﯚﻛﯜﻣﯩﺘﻰ ﺳﻪﻣﯩﻤﯩﻴﯩﺘﯩﻨﻰ ﯞﻩ ﻳﺎﺧﺸﻰ ﻧﯩﻴﯩﺘﯩﻨﻰ ﻛﯚﺭﺳﯩﺘﯩﺶ ﺋﯜﭼﯜﻥ ﺗﯜﺭﻣﯩﺪﯨﻜﻰ ﺑﺎﺭﻟﯩﻖ ﺗﺎﻟﯩﺒﺎﻥ ﺗﻪﺭﻩﭘﺪﺍﺭﻟﯩﺮﯨﻨﻰ ﻗﻮﻳﯘﭖ ﺑﯧﺮﯨﺸﻰ ﻛﯧﺮﻩﻙ، ﺩﻩﭖ ﻛﯚﺭﺳﻪﺗﺘﻰ.

ﺋﺎﻓﻐﺎﻧﯩﺴﺘﺎﻥ ﭘﺮﯦﺰﯨﺪﯦﻨﺘﻰ ﻫﺎﻣﯩﺖ ﻛﺎﺭﺯﺍﻱ، ﺋﻪﮔﻪﺭ ﺗﺎﻟﯩﺒﺎﻧﻼﺭ ﺋﺎﻓﻐﺎﻧﯩﺴﺘﺎﻥ ﻫﯚﻛﯜﻣﯩﺘﯩﮕﻪ ﻗﺎﺭﺷﻰ ﻫﻪﺭﯨﻜﯩﺘﯩﻨﻰ ﺗﻮﺧﺘﺎﺗﺴﺎ، ﭘﯜﺗﯜﻥ ﺗﺎﻟﯩﺒﺎﻥ ﺟﻪﯕﭽﯩﻠﯩﺮﯨﻨﻰ ﻫﻪﺗﺘﺎ ﺗﺎﻟﯩﺒﺎﻧﻼﺭﻧﯩﯔ ﺭﻩﻫﺒﯩﺮﻯ ﻣﻮﻟﻼ ﺋﯚﻣﻪﺭﻧﻰ ﻛﻪﭼﯜﺭﯛﻡ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﻐﺎﻥ ﺋﯩﺪﻯ.

ﺑﯘ ﺋﺎﺭﯨﺪﺍ ﺟﯜﻣﻪ ﻛﯧﭽﯩﺴﻰ ﺋﺎﻣﯧﺮﯨﻜﯩﻨﯩﯔ ﺟﺎﺳﯘﺳﻠﯘﻕ ﺋﺎﻳﺮﻭﭘﯩﻼﻧﻰ ﺗﻪﺭﯨﭙﯩﺪﯨﻦ ﭘﺎﻛﯩﺴﺘﺎﻧﻨﯩﯔ ﺷﯩﻤﺎﻟﯩﻲ ﯞﻩﺯﯨﺮﯨﺴﺘﺎﻥ ﺭﺍﻳﻮﻧﯩﻐﺎ ﺟﺎﻳﻼﺷﻘﺎﻥ ﻣﯘﻫﻪﻣﻤﻪﺕ ﺧﯧﻞ ﻳﯧﺰﯨﺴﯩﺪﯨﻜﻰ ﺑﯩﺮ ﺋﯚﻳﮕﻪ ﻗﺎﺭﺷﻰ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﺎ ﻫﯘﺟﯘﻣﯩﺪﺍ ﺋﺎﺯ ﺩﯦﮕﻪﻧﺪﻩ 21 ﻛﯩﺸﻰ ﺋﯚﻟﮕﻪﻥ ﺑﻮﻟﯘﭖ، ﺋﯚﻟﮕﻪﻧﻠﻪﺭ ﺋﺎﺭﯨﺴﯩﺪﺍ ﭼﻪﺗﺌﻪﻟﻠﯩﻜﻠﻪﺭﻣﯘ ﺑﺎﺭ ﺋﯩﻜﻪﻥ.

ﺭﻭﺋﯧﻴﺘﯧﺮﺱ ﺋﺎﮔﯧﻨﺘﻠﯩﻘﯩﻨﯩﯔ ﭘﺎﻛﯩﺴﺘﺎﻥ ﺭﺍﺯﯞﯦﺘﻜﺎ ﺧﺎﺩﯨﻤﻠﯩﺮﯨﻨﯩﯔ ﺳﯜﺯﻟﯩﺮﯨﻨﻰ ﻧﻪﻗﯩﻞ ﻛﻪﻟﺘﯜﺭﯛﺷﯩﭽﻪ، ﻫﯘﺟﯘﻣﺪﺍ ﺋﯚﻟﮕﻪﻥ ﭼﻪﺗﺌﻪﻟﻠﯩﻜﻠﻪﺭﻧﯩﯔ ﻛﯩﻤﻠﯩﻜﻠﯩﺮﻯ ﯞﻩ ﻗﺎﻳﺴﻰ ﺩﯙﻟﻪﺗﻜﻪ ﻣﻪﻧﺴﯘﭖ ﺋﯩﻜﻪﻧﻠﯩﻜﻰ ﺗﯧﺨﻰ ﺋﯧﻨﯩﻘﻼﻧﻤﯩﻐﺎﻥ ﺑﻮﻟﺴﯩﻤﯘ، ﺋﯘﻻﺭﻧﯩﯔ ﺋﻪﺭﻩﭖ ﻣﯩﻠﯩﺘﺎﻧﺘﻠﯩﺮﻯ ﺑﻮﻟﯘﺷﻰ ﻣﯘﻣﻜﯩﻨﻠﯩﻜﻰ ﭘﻪﺭﻩﺯ ﻗﯩﻠﯩﻨﻤﺎﻗﺘﺎ.